O'zbekiston inson yashab kelayotgan eng qadimiy o'lka, jahon sivilizasiyasining o'choqlaridan biri - Tarix - Referatlar

O'zbekiston inson yashab kelayotgan eng qadimiy o'lka, jahon sivilizasiyasining o'choqlaridan biri

Yuklangan vaqt:

26.09.2022

Ko'chirishlar soni:

0

Hajmi:

66 KB

Ko'chirib olish

www.arxiv.uz Reja: 1. Vatanimiz qadimdan odamzod yashab kelayotgan o`lka. Ibtidoiy jamiyat, uning davrlari. 2. Mamlakatimizda odamlarning tosh davri manzilgohlari . 3. O`lkamiz hududidan topilgan eneolit va bronza davri yodgorliklari.

www.arxiv.uz Insoniyat qadim-qadimdan o`z davriga xos turmush tarziga, moddiy va ma`naviy madaniyatga, ya`ni ma`lum darajadagi sivilizasiyaga ega bo`lgan. Davrlar o`tishi bilan insoniyat sivilizasiyasi darajasi ham o`sib, rivojlanib, takomillashib borgan. Bu jarayon odamlarning mehnat qilish usuli, qanchalik darajada moddiy va ma`naviy boyliklarni yaratish va ko`paytirib borishi bilan bog`liq kechgan . U yoki bu sivilizasiya haqida so`z borganda insoniyatning tinimsiz mehnat, ma`naviyat va ma`rifatga intilishi tufayli doimo o`sib, takomillashib borishi nazarda tutiladi. Masalan, antik sivilizasiya, Sharq sivilizasiyasi, G`arb sivilizasiyasi, Islom sivilizasiyasi, hozirgi zamon sivilizasiyasi kabi tushunchalarda insonlarning iqtisodiy, ijtimoiy-siyosiy hayoti, turmush tarzi, ma`naviy qiyofasi, ahloqi, bilim saviyasi, mehnat qurollari va hokazo jihatlari mujassamlashgan bo`ladi. Har bir mintaqada sivilizasiya davriy nuqtai nazardan ertaroq yoki kechrok, o`ziga xos tarzda shakllanib, rivojlanib borgan. Tarixiy ilmiy tadqiqotlar bizning vatanimiz O`zbekiston insoniyat sivilizasiyasining qadimgi o`choqlaridan biri ekanligidan dalolat bermoqda. O`zbekiston hududida ilk paleolit davri odamlari yashagan manzilgohlar Farg`ona vodiysining So`h tumanidagi Selung`ur g`oridan va Toshkent viloyati ning Angren shahri yaqinidagi Ko`lbuloq makonidan topilgan va o`rganilgan. Selung`ur g`ori 1958 yilda arxeolog A.P.Okladnikov, 1980 yildan boshlab arxeolog O`tkir Islomov tomonidan o`rganilgan. Tadqiqotlar Selung`ur manzil go hida odamlar paleolit davrining barcha bosqichlarida yashaganligini ko`rsata di. Bu manzilgohdan ajdodlarimizning suyak qoldiqlari, ularning toshdan yasalgan mehnat qurollari hamda ular ovlab tirikchilik qilgan ayiq, qoplon, karkidon, sirtlon, ohu va boshqa hayvonlarning suyaklari topildi. Olimlar Selung`ur g`orida bundan 700-100 ming yillar ilgari odamlar yashagan, degan xulosaga keldilar. Selung`ur tadqiqotlarining ahamiyati shundaki, u mamlakatimiz odamzod ilk bor paydo bo`lgan mintaqalardan biri ekanligini isbotlab berdi. Ilk paleolit davri odamlarining manzilgohlaridan yana biri Toshkent viloyati Chotqol tog`ining janubiy-sharqiy yonbag`ridagi Jarsoyning qirg`og`idagi Ko`lbuloq makonidir. 1963-1970 yillarda arxeolog M.R.Qosimov rahbarligidagi guruh Ko`lbuloq

www.arxiv.uz makonida 10 dan ortiq qatlamni o`rgandilar. 730-830 sm chuqurlikda joylashgan ikki quyi qatlam ilk paleolit bosqichiga to`g`ri keladi. Bu qatlamlardan yirik, dag`al ishlangan tosh qurollar va hayvon suyaklari topildi. Ko`lbuloq makonining yuqoriroq qismidan topib o`rganilgan boshqa madaniy qatlamlar bu yerda odamlar paleolit davrining o`rta va so`nggi barcha bosqichlarida ham ictiqomat qilganliklarini isbotladi. Ilk paleolit davrida odamlar to`da-to`da bo`lib asosan g`orlarda yashaganlar, tabiatdagi tayyor narsalarni-daraxtlarning mevalarini, o`simlik ildizlarini kovlab yeb tirikchilik qilganlar. Ular birgalashib yirik hayvonlarni ovlab ushlab yeganlar, shuningdek, mayda jonivorlarni, ularning tuxumlarini ham iste`mol qilganlar. Shunday qilib, qadimgi odamlarning mashg`ulotlari terib-termachalab ozuqa topish, hayvonlarni ovlash, tosh qurollari yasash va ularni mukammallashtirish dan iborat bo`lgan. Mana shunday mehnat jarayonida odamlarning o`zlari ham o`zgarib, takomillashib borgan. Mamlakatimiz hududida o`rta paleolit yoki mustye davri, avvalo, odamlarning o`zgarishi, ikkinchi tur odamlar-neandertallarning vujudga kelishi bilan farqlanadi. Ularning peshonasi va jag` tishlari bo`rtib chiqmagan, miyasi kattaroq bo`lgan, tik yura olgan. Surxondaryo viloyatining Boysun tog`idagi Teshiktosh g`ori o`rta paleolit odamlarining manzilgohi ekanligidan dalolat beradi. G`ordan 8-9 yashar bolaning qabri, kalla suyagi, odam suyaklarining qoldiqlari, ular ovlab tirikchilik qilgan hayvon suyaklari, toshdan yasalgan o`choq, kul qatlamlari, hayvon va qushlarning suyaklari topilgan. 1970-1980 yillarda O`tkir Islomov boshchiligidagi arxeologlar guruhi Farg`ona viloyati So`x yaqinidagi Obishir soyining ungurlarida qidiruv ishlari olib borib, Obishir- 1 va Obishir-5 deb atalgan makonlarda mezolit davri odamlar jamoalarining izlarini topdi. Bu guruh 1967 yilda Toshkent shahriga yaqin bo`lgan Bo`zsuv soyining ikki tarmog`i qo`shilgan joyida mezolit davriga oid manzilgohni topadi, bu yodgorlikning yoshi miloddan avvalgi o`n mingginchi yilliklarga to`g`ri keladi. Bu manzilgoh Qo`shilish nomi bilan ataladi. Bu makondan tosh qurollari, mezolit davri jamoalari qoldiqlari topildi. Surxondaryo viloyatidagi Kuhitongning Machay soyi qirg`og`idagi g`orda olib borilgan tadqiqotlar natijasida bu g`orda mezolit davri odamlari uzoq yillar

www.arxiv.uz davomida yashaganligidan dalolat beruvchi madaniy qatlam ochildi. Machay manzilgohidan odam skeletlari, turli xil tosh va suyak qurollari, o`choq va kul qatlamlari topilgan. Machayliklarning ov hayvonlari asosan tog` arxari va jayronlar bo`lganligi aniqlandi. Machayliklar shohli va mayda hayvonlarni xonakilashtirishni o`zlashtira boshlaganlari ham ma`lum bo`ladi. Mamlakatimizning boshqa hududlaridan topilgan mezolit davriga oid manzilgohlarda olib borilgan tadqiqotlar odamlarning mayda, tez harakat qiluvchi hayvonlarni ham tuta olganliklarini ko`rsatadi. Bu odamlarning o`q-yoy qurolini kashf etganligidan dalolat beradi. O`q-yoydan foydalanish insoniyat taraqqiyotida muhim ahamiyatga ega bo`lib, ovchilikni insonlarning hayot manbaiga aylantirdi, ovdan keladigan daromad va zahiralar ko`payib borgan. O`q-yoy quroli odamning yolg`iz o`zi hayvonlarni ovlash, jamoadan ajralib hayot kechirishga imkoniyat yaratadi. Neolit davri qurollar ishlash texnikasining o`zgarishi-silliqlash, par doz lash, parmalash, arralash usullarining ixtiro etilishi bilan ajralib turadi. Tosh qurollari orasida tosh boltalar, ponalar, iskanalar, tosh teshalar paydo bo`ldi. Neolit davri «toshboltalar asri» ham deyiladi. Hunarmandchi lik ning sopol buyumlar yasash tarmog`i vujudga keladi. Shuning uchun bu davrni «sopol asri» ham deyishadi. Mezolit davrida odamlar yovvoyi hayvonlarni qo`lga o`rgatishni o`rgangan, boshoqli o`simliklarning urug`ini yerga ekib don olishni o`rgangan bo`lsalar, neolit davrida bu jarayon yanada takomillashdi. Endi odamlar hayotida chorvachilik va dehqonchilik vujudga keladi va xo`jalikda asosiy o`rinni egallaydi. Urug` jamoalari echki, qo`y va qoramollardan iborat qo`ra-qo`ra chorva mollariga, don-dun zahiralariga ega bo`ladilar. Shu tariqa neolit davrida ishlab chiqaruvchi xo`jalik shakllanib bo`ladi. Bu insoniyat erishgan katta yutuq bo`lib, odamlar tabiatga qaramlikdan butunlay qutiladilar. Urug` jamoalari ozuqa izlab ko`chib, daydib yurishdan o`troq hayot kechirishga o`tadilar. Doimiy yashaydigan kulbalar, uylar yasash odamlarning turmush tarziga aylanadi, qishloqlar vujudga keladi. Neolit davrida odamlar hayvon terisidan tikilgan kiyimlar o`rniga jun va o`simlik tolasidan to`qilgan matolardan tikilgan kiyimlar kiyadigan bo`ladilar. Hunarmandchilikda to`qimachilik, tikuvchilik tarmog`i ham paydo bo`ladi.

www.arxiv.uz Mamlakatimiz hududidan neolit davriga doir ko`plab arxeologik yodgorliklar, odamlar yashagan manzilgohlar topilgan. Amudaryoning qadimgi Oqchadaryo deltasi yonidagi Kaltaminor kanali yaqinidan neolit davriga doir odamlar manzilgohi, Amudaryoning Yuqori Uzboy irmog`i va Orol dengizining shimoliy-sharqiy bo`ylaridan yana ko`plab makonlar topib o`rganildi. Bularning hammasiga Kaltaminor madaniyati degan nom berildi. Kaltaminorliklar hayoti, xo`jalik mashg`ulotlari va turmush tarzini o`rganish, uning miloddan avvalgi 5-3 ming yilliklarga doir arxeologik madaniyat ekanligini ko`rsatdi. Ajdodlarimiz miloddan avvalgi 3 minginchi yillarda misga qalay aralashtirib bronza, ya`ni qattiq metall qotishmasi olishni, undan pishiq va qattiq mehnat qurollari, qilich, xanjar, uy-ro`zg`or buyumlari, zeb-ziynat bezaklari yasashni o`zlashtirib oladilar. Bu davr bronza davri deb nom oldi. Bronzaning kashf etilishi metallurg hunarmandlarni, metallurgiya ustaxonala ri va zargarlik korxonalarini vujudga keltirdi. Hunarmandchilikning bu tariqa ixtisoslashuvi turli hududlar o`rtasida mahsulot ayriboshlashga, ularni iqtisodiy jihatdan bog`laydigan aloqa yo`llarining paydo bo`lishiga olib keladi. Bronza davrida yashagan ajdodlarimiz ho`kiz, ot, eshak va tuyadan transport sifatida foydalanganlar. Hayvonlar qo`shilgan g`ildirakli aravalar vujudga keladi. O`zbekiston hududidan eneolit va bronza davri odamlari hayotini tasvirlovchi ko`plab manzilgohlar topib o`rganilgan. Buxoro viloyati Qorako`l tumani markazidan 15 km shimoli sharqdagi Zamonbobo ko`li atrofida 1950 yillarda Ya.G`.G`ulomov, 1960 yillarda A.Asqarov tadqiqot ishlari olib borib eneolit va bronza davri odamlarining makoni va qabristonini topib o`rganadilar. Bu Zamonbobo madaniyati deb ataladi. Zamonbobo makonidan maydoni 170 kv.m bo`lgan yerto`la turidagi uy, ikki chayla, kulolchilik xumdoni va boshqa ashyolar topildi. Makonning sharqiy janubiy tomoni suv toshqinidan himoyalanish maqsadida dambaga o`xshash devor bilan o`ralganligi ma`lum bo`ldi. Qazishlar vaqtida yerto`la va uning atrofidan o`choq o`rni, ustunlar o`rnatilgan chuqurchalar, qoramol, echki va yovvoyi hayvonlarning suyaklari, qorayib ketgan bug`doy va arpa donlari, qamish va poxol qoldiqlari, toshdan yasalgan yorg`uchoq siniqlari, chaqmoq toshdan yasalgan o`roq parchalari, toshdan yasalgan munchoqlar

www.arxiv.uz topildi. Topilmalar zamonboboliklarning dehqonchilik va chorvachilik bilan shug`ullanganini ko`rsatadi. Eneolit va bronza davriga xos yana bir yodgorlik Zarafshon vodiysida Tojikiston Respublikasining O`zbekiston bilan chegaradosh qishlog`i-Sarazmdan topildi. Bu makonning maydoni 90 gektar bo`lib, odamlar uzoq yillar davomida istiqomat qilganlar, dehqonchilik bilan shug`ullanganlar. Sarazmda bir xonali va xom g`ishtdan yasalgan ko`p xonali uylar, ikkita ibodatxona va qishloq ko`chalari ochildi. Qazishmalar natidasida uylar o`rtasida oilaviy e`tiqod joyi, dumaloq shaklda ishlangan olovxona (altar), tarozi toshlari, to`qimachilik dastgohining qismlari, urchuq toshlar, pichoq, xanjar, qarmoq, igna va bigizlar, sopol idish parchalari, mis, oyna, taqinchoqlar topiladi. Metall buyumlar yasash keng tarqalganligi aniqlandi. Kulolchilikda charx dastgohi kashf etilgan. Shunday qilib, So`g`d o`lkasining Zamonbobo va Sarazm yodgorliklari bobodehqonlarimizning soy va daryo etaklaridagi zaxkash yerlarda yuritgan dehqonchilik xo`jaligi haqida qimmatli ma`lumot beruvchi makonlardir. 1969-1974 yillarda A.Asqarov rahbarligida arxeologlar guruhi Surxon daryo viloyati Sherobod cho`lida qidiruv ishlari olib borib, Sopollitepa yodgorligini topib o`rgandilar. Sopollitepa 4 gektar chamasidagi tepalikdan iborat bo`lib, uning markaziy qismini baland qal`a tashkil etadi. Sopollitepaning markaziy qismi kvadrat shaklida bo`lib, (82x82), atrofi yirik xom g`ishtlardan qilingan uch qator mudofaa devorlari bilan o`rab olingan, devorning qalinligi o`rtacha 1,6 m, ba`zi joylarda 2 m bo`lgan. Qal`aning o`rta qismi bo`sh maydondan iboratligi, qal`a ichkarisidagi uylarni 8 kvartalga bo`lib turuvchi 6 ta ko`cha borligi ma`lum bo`ladi. Qal`a darvozasi uning janubiy tomoniga joylashganligi, uylarning devorlari va poli bir necha bor somon suvoq qilinganligi, har bir uyda mo`rili o`choq, o`choq yonida supa, ba`zi xonalarda sandal o`txonalari borligi aniqlanadi. Sopollitepadan 150 dan ortiq qabr ochilgan, ulardan sopol idishlar, bronza, kumush, oltin va qimmatbaho toshlardan yasalgan bezaklar, bronza mehnat qurollari topilgan. Sopollitepadan 20 ga yaqin sopol pishiradigan xumdon, vaza, ko`za, xurmacha, choynak, piyola, kosa, tog`ara, xum, lagan va boshqa 40 ga yaqin xildagi yaxshi pishirilgan nafis,

www.arxiv.uz jarangdor, yengil idishlar topilgan. Xonalardan tosh yorg`uchoqlar, o`g`irlar, urchuqlar va paykonlar, arpa, bug`doy va tariq donlari topilgan. Sopollitepadagi tadqiqotlar odamlarning bug`doy go`ja, umoch, qaynatma sho`rva kabi ovqatlar pishirib iste`mol qilganini, ipakdan va paxtadan kiyimlar tikib kiyishganini ko`rsatada. Erkaklar va ayollar o`rtasidagi mehnat taqsimoti haqida ma`lumotlar olindi, erkaklar o`troq dehqonchilik, chorvachilik, kulolchilik, binokorlik bilan shug`ullangan, ayollar esa uy ishlari, bola tarbiyasi bilan band bo`lgan. Urug` jamoasiga erkaklar boshchilik qilgan. Sopollitepa madaniyati odamlarning sug`orma dehqonchilikni o`zlashtirga ni ni, o`troq dehqonchilik madaniyati barpo bo`lganligini isbotlab berdi Kulolchilik rivojlanib, nafis idishlar kulolchilik charxida tayyorlangan. To`qimachilikda paxta va tabiiy ipakdan foydanilgan. Shuningdek, metall bilan ishlash hunarmandchiligi ham rivojlanganligi aniqlandi. Sopollitepa madaniyati o`lkamizda shaharlarning vujudga kelishi uchun ilk zaminlar bronza davridayoq mavjud bo`lganligini ko`rsatdi. 1953-1961 yillarda M.E. Vorones boshliq arxeologlar guruhi Namangan viloyatining Chust shahri yaqinidagi Buvanamozor deb atalgan buloq yoqasidan mil.av.2 minginchi yillar oxiriga oid makonni topib o`rgandilar. Izlanish natijasida yana Dalvarzintepa, Qoraqo`rg`on, To`raqo`rg`on, Chimboy, Ashqoltepa va boshqa o`ndan ortiq yodgorliklar topib o`rganildi. Ularning barchasi Chust madaniyati nomi bilan tarix faniga kirdi. Chust madaniyati odamlarning qishloq-qishloq bo`lib yashaganligidan dalolat beradi. Miloddan avvalgi bir minginchi yillarning boshlarida ajdodlarimiz temirdan mehnat qurollari, qurol-yaroqlar, bezak buyumlar yasashni o`zlashtiradilar va mamlakatimizda temirdan foydalanish keng tarqaladi. Odamlar hayotida temir davri boshlanadi. Temirdan yasalgan omoch, ketmon, belkurak va boshqa mehnat qurollari ancha keng maydonlarni haydash, to`g`onlar qurish, kanal va ariqlar qazib suv chiqarish imkonini beradi. Bular dehqonchilikning yuksalishiga olib keladi. Temirning kashf etilishi hunarmandchilikni yanada yuqori pog`onaga ko`tardi. Temirdan qattiq va o`tkir pichoqlar, o`roqlar yasalishi mehnat umumdor li gini oshirishga yordam beradi.

www.arxiv.uz Temir davrida kulolchilik charxi, naqsh bilan bezatilgan sopol buyumlar keng tarqaldi. Temirchilik bosqoni, qo`l tegmirmoni vujudga keldi, metallga ishlov berish rivojlandi. Xonadonlarda ip yigirish va matolar to`qish, kiyim tikish tobora kengayib bordi. Sug`orma dehqonchilikning kashf etilishi natijasida o`troq dehqonchilik madaniyati shakllandi. Chorvachilik dehqonchilikdan ajralib chiqdi. Vatanimiz ning ko`pgina hududlari-Xorazm, Surxondaryo, Zarafshon, Farg`ona va boshqa vohalari sivilizasiya taraqqiyotining markazlariga aylandi. Cho`l va dashtlarda yashovchi chorvador qabilalar ko`chmanchilik turmush tarziga o`ta bordilar va ko`chmanchilarga aylandilar. O`troq dehqon jamoalari bilan chorvador qabilalar o`rtasida aloqalar, mahsulot ayirboshlash jarayoni o`sib, etnik aralashuvga aylanadi. Shu tariqa bir-birini tushanadigan yagona tilga ega bo`lgan, iqtisodiy jihatdan bog`langan elatlar shakllanadi, hozirgi zamon o`zbek va tojiklarining dastlabki etnik qatlami shakllana boshlaydi. Ishlab chiqarish xo`jaligining vujudga kelishi, mehnat unumdorligining ortishi urug`doshlar o`rtasida ijtimoiy tengsizlikning, mulkiy tabaqalarning vujudga kelishi, urug`chilik jamoasining yemirilishi uchun zamin tayyorladi.

www.arxiv.uz Foydalanilgan adabiyotlar ro`yxati: 1. Karimov I.A. Milliy mafkura-mamlakat poydevori (( Xalq so`zi.-2000.-7 yanv. 2. Karimov I.A. Tarixiy xotirasiz kelajak yo`q.-T.:O`zbekiston, 1998y. 3. Asqarov A., Abdullayev B. Djarkutan probleme protogorodskoy sivilizasii na yuge Uzbekistana.-T.: 1983 g. 4. Askarov A. Sapallitepa.-T.: 1973 g. 5. Bichurin N.YA. Sobraniye svedeniy o narodax, obitavhix v Sredney Azii v drevniye vremena. V 3-x t. T.2.-M-L, 1950 g. 6. Zadneprovskiy YU.A. Drevnezemledelcheskaya kultura Fergano`.-M-L, 1962 g. 7. Isomiddinov M.X. Sopolga bitilgan tarix.-T.:1993 y. 8. Islamov U. Pervaya nijnepaleoliticheskaya stoyanka v Ferganskoy doline ((ONU.-1984.-№8. 9. Kabirov J, Sagdullayev A. O`rta Osiyo arxeologiyasi.-T.: 1990 g. 10. Mahmudov T. «Avesto» haqida.-T.: Sharq, 2000 y.

O'xshashlar

O'zbеkiston insoniyat taraqqiyotining qadimgi o'choqlaridan biri

O'lka tarixini o'rganishda toponimik atamalar asosiy manbalardan biri sifatida

O'zbekiston Respublikasining jahon hamjamiyatiga qo'shilishi

Sobiq ittifoq davrida o'zbek milliy madaniyatning ziddiyatlari

Antropologik va etnologik ma'lumotlarning o'lka tarixini o'rganishdagi ahamiyati