IХ-ХII асрларда узбек давлатчилиги cиёсий, ижтимоий ва иктисодий хаёт - Tarix - Referatlar

IХ-ХII асрларда узбек давлатчилиги cиёсий, ижтимоий ва иктисодий хаёт

Yuklangan vaqt:

26.09.2022

Ko'chirishlar soni:

0

Hajmi:

151.5 KB

Ko'chirib olish

IХ-Х II асрларда узбек давлатчилиги c иёсий, ижтимоий ва иктисодий хаёт Р ежа : 1. IХ аср бошларидаги Мовароуннахрнинг сиёсий ахволи. 2. Самонийлар давлатининг ташкил топиши. 3. Корахонийлар давлатининг ташкил топиши, ахолиси этник таркиби, турмуш тарзи. 4. Хоразмшохлар давлати. Ижтимоий иктисодий ахволи. 5. Урта осиё халклари хаётида IХ-ХII асрларда юз берган уйғониш (ренесанс) даври, аждодларимизнинг жахон цивилизациясига кушган хиссаси

VIII аср охири IХ аср бошида халифаликни ларзага келтирган оғир сиёсий вазият аббосийларнинг Моввароуннахр ва Хуросонда олиб бораётган сиёсатини узгартиришга мажбур этди. Эндиликда улар шаркий вилоятларни бошкаришда давлат ишларига махаллий зодагонларни жалб килиш ва улар кули билан бу вилоятларни халифалик тасарруфида тутиб туришга харакат киладилар. Натижа аббосийлар уйлагандек булиб чикмади. Махаллий зодагонлар Мовароуннахр ва Хуросоннни аста-секин уз тасарруфига олибгина колмадилар, балки халифалик марказида хамда хокимиятни бошкаришда тобора купрок роль уйнайдиган булиб колдилар. Улар масалан, 813 йилда Маъмуннинг халифа булишида катта роль уйнадилар. Булар орасида Мовароуннахрлик Сомонхудот хам бор эди. Маъмун унинг ёрдамини унутмади. Унинг набиралари Нух Самаркандга. Ахмад Фарғонага, Яхё Шош ва Устрошонга, Илёс - Хиротга ноиб этиб тайинланди. Узаро курашларда енгиб чиккан Исмоил Сомоний (Ахмаднинг набираси, 874-907 йиллар хукмронлик килган) Мовароуннахрни, Хуросонни бирлаштириб ягона хукмрон булиб олди ва Сомонийлар давлатига асос солди (888 йил). Бу салтанат Х аср охиригача давом этди. Исмоил Сомоний урта асрларнинг кобилиятли, серғайрат ва зукко давлат арбоби эди. У Мовароуннахрни бирлаштиргач, мустахкам феодал давлат тузишга интилади. У уз Ватанида баркарор тинчликни таъминлаб, уни мустахкамлашда хукмронлик кобилиятининг хамма нозик хусусиятларини ишга солди. Аввало катта кушин туплаб, кучманчилар даштига аскар тортади. 893 йилда Тароз шахрини фатх этиб, даштликларга какшаткич зарба беради. Мовароуннахр мустакиллигининг баркарорлиги, авваломбор, марказлашган мустахкам хокимиятнинг карор топишига боғлик эди. Шунинг учун улар буни яхшигина англаган ихчам давлат маъмуриятини ташкил этадилар. Бу маъмурият подшо даргохи ва девонлар хокимиятидан иборат эди. Даргохда амир харами хамда сарой аоёнлари навкар ва хизматчилар турар жойлари булган.

Н.Наршахийнинг маълумоти буйича Сомонийлар давлатини девони вазир, девони мустафий, девони амид ал-мулк, девони сохиби шурат, девони сохиби муаййид ёки барид, девони мушриф, девони муалликайи хос, девони мухтасиб, девони авкоф ва девони казо номлари билан юритиладиган девонлар бошкаруви идора этган. Улар орасида вазир девони бош бошкарув махкамаси хисобланган ва давлатнинг маъмурий, сиёсий ва хужалик тартиботи унинг бевосита назорати остида булган. Барча девон бошликлари вазирга тобе эди. Муставфий девони хазина (молия), кирим-чикимлар, амид ал-мулк девони-давлат хужжатлари ва элчилик алокалари, сохиби шурат девони-харбий, хусусан амирнинг туркий гвардияси ва унинг таъминоти. Сохиби муаййид девони - мактубот ва ахборот, яъни почта, мушриф - сарой иш бошкарувчиси, муалликай н хос девони - давлат мулклари, мухта с иб девони - бозорлардаги тошу-тарозилар, нарх-наво хамда фукароларнинг мафкураси, кози девони - адлия, авкод девони масжид ва мадрасаларнинг вакф хужаликлари билан шуғулланар эди. Наср Ибн Ахмад (914-943) даврида Бухоронинг Регистон майдонида подшо касри каршисида девонлар учун сарой курилиб, давлат махкамаси ман шу махсус бинога жойлашган. Махкама хизматчилари сарой ахли, рухоний ва зодагон дехконлардан иборат булиб, улар муайян билимларга эга булиши шарт эди. Одатда, улар араб ва форс тилларини пухта эгаллаганлар. Улар Куръонни ва шариатнинг асосий коидаларин яхши биладиган, турли фанлардан бирмунча хабардор булган саводли аслзодалардан танлаб олинган. Шубхасиз, бу урта асрларнинг узига хос феодал-амалдорлик маданияти эди. Кадимий ан ъ аналарга асосланган бу маданият сомонийлар даврида анча- мунча бойитилган. Марказий махкама вилоятлардаги махаллий бошкармалар билан доимий алокада булган. Вилоятларда, матбуот ва ахборот (почта) девонидан ташкари, барча девонларнинг вакиллари булган. Вилоят девонлари, бир томондан, махаллий хокимга, иккинчи томондан марказий

махкаманинг тегишли девонига буйсунар эди. Вилоят хокимлари баъзан вазир деб юритилган. Улар сулолавий хонадонга тегишли амирзодалар ёки собик махаллий хукмдорлар хамда зодагон дехконлардан тайин этилган, булардан ташкари, хар бир шахарда раис - шахар бошлиғи хамда мухтасиб- назоратчи булган. Уларни хокимнинг бевосита узи махаллий аслзодалар ёки купинча олий табака рухонийларнинг нуфузли вакилларидан тайинлаган. Мансабдорларнинг хизмат хаки учун давлатнинг йиллик даромад бюролари (бюджети)нинг деярли ярми сарф этилган. Самонийлар даврида кудратли марказлашган давлатнинг вужудга келиши натижасида Мовароуннахр ва Хуросонда маълум баркарорлик карор топди. Бу холат мамлакат иктисодий ва маданий хаётига катта таъсир курсатди. Самонийлар сулоласининг купгина намоёндалари адабиётга, илм- фанга, меъморчиликка хомийлик килдилар. Халкнинг мустакиллик учун кураши натижасида IХ асрнинг охирларида Урта Осиёда ерли Самонийлар давлати вужудга келди, бу - араб халифалигига карамликдан кутулиш, мустакилликни кулга киритиш эди. 3-4 аср давомида Самонийлардан ташкари яна Корахонийлар, Ғазнавийлар, Хоразмшохлар давлатлари вужудга келди. Корахонийлар давлатининг ташкил топишида чигил ва корлуклар ғоят катта роль уйнайдилар. Давлатнинг юкори мансаблари ва кушинда улар мухим уринларни эгалласалар-да, бирок хонлик тахтига яғмо бойлари минганлар. Бу янги турк давлатининг подшолари “арслонхон” ва “буғрохон” унвонлари билан юритилган. Бу икки олий даража буюк хукмдор маъносини англатган. Буюклик ёки улуғлик эса кадимдан туркий хакларда “кора” сузи билан сифатланган. Шу боисдан тахтга утирган арслонхон ёки буғрохонлар “корахон”, яъни улуғ хон хисобланган. Улар хукмронлик килган давлат эса тирихда “Корахонийлар давлати” номи билан шухрат топган. Аслида “арслон” жикил кабиласининг тотеми аждоди ибтидоси хисобланган. “Буғра”

эса яғмоларнинг тотемаси булган. У оғир юк кутарадиган бичилган туя маъносини англатган. Подшолик даражасига кабила тотемларининг номлари билан нисбат берилишига караганда, Корахонийлар давлатининг асосини жикиллар билан яғмолар ташкил этган. Давлатни бошкаришда Корахонийлар кабилавий удумининг оғалик тартибига катъий риоя килинган. Бу удумга мувофик кабила бошликлари орасида энг ёши улуғини “Арслонхон” ёки “Буғрохон” даражасига кутариб, хукмдор, яъни корахон килиб сайлашган. Одатда у “Тамғачхон”, яъни хонлар хони деб юритилган. 992 йил улар Мовароуннахрга хужум бошлаб, уни босиб олади. Шундай килиб, Х аср охирида Сомонийлар давлати урнида иккита янги давлат ташкил топди: бири - Кошғардан Амударёгача чузилган Шаркий Туркистоннинг бир кисмини, Еттисув, Шош, Фарғона ва кадимги Суғдни уз ичига олган - Корахонийлар давлати, иккинчиси эса шимолий Хиндистон чегарасидан тортиб Каспий денгизининг жанубий кирғокларигача булган вилоятларни камраб олаган Ғазнавийлар давлати эди. Гарчи Амударё бу икки турк давлатлари уртасидаги чегара деб белгиланган булса-да, аммо Корахонийлар Хуросонни забт этилган юртнинг ажралмас кисми деб хисоблаб, уни уз давлатига кушиб олиш учун харакат киладилар. Орадан куп вакт утмай Корахонийлар билан Ғазнавийлар уртасида шиддатли урушлар бошланади. 1006 ва 1008 йилларда Корахонийлар Хуросон устига икки марта кушин тортадилар. Балх, Тус ва Нишопур шахарлари забт этилади. Уларнинг харбий юришини Султон Махмудга карши булган Хуросоннинг мулкдор феодаллари куллаб-кувватлайдилар. Лекин Махмуд Ғазнавий Корахонийларга зарба бериб, Хуросонни уз давлати тасарруфида саклаб колишга муваффак булади. Махмуд Ғазнавий Хоразм ни узига тобе килади. Бу даврда Сирдарё этакларида яшовчи уғузлардан ажралиб чиккан салжукийлар кучайиб, уз вактида уларга ер бериб хомийлик килган ғазнавийларга карши тазйик

курсатдилар. Натижада салжукийлар билан жиддий кураш бошланади. 1040 йилда Марв билан Саракс (Серахс) оралиғидаги Дандакхон деган жойда ғазнавийлар билан салжукийлар кушинлари тукнашадилар. Булиб утган шиддатли жангда Махмуд Ғазнавий какшаткич зарбага учрайди. Салжукийлар Ғазнавийлар давлатининг асосий кисми хисобланган шимолий ва ғарбий вилоятларини эгаллаб оладилар. Улар тасарруфида Ғазна, Кобул, Кандахор ва Панжоб вилоятларигина колиб, у кичик феодал давлатга айланади. Саркарда ва хукмдор Туғрулбек замонида (1038-1063) Хоразм, Ирок Ажами (Ирокнинг Эрон худудидаги кисми), Озарбайжон, Курдистон ва Кухистон забт этилади. 1055 йилда салжукийлар Бағдодда уз сиёсий хукмронликларини урнатадилар. Халифа эса факат диний ишлардагина мутасадди булиб колади. Рай шахри Салжукийлар давлатининг пойтахтига айлантирилади. Салжукийлар билан Корахонийлар уртасидаги муносабатлар даставвал яхши булса-да, аммо кейинчалик кескинлашиб кетади. Хоразм томондан улар Хутталон, Чағониён, Жанд ва Савронга юриш килиб, Корахонийлар билан бир неча бор тукнашадилар. Бу икки турк давлатлари уртасида шиддатли жанглар булиб утади. Хатто, 1130 йилда салжукийлар султони Санжар Мовароуннахрга лашкар тортиб Корахонийлар давлатининг пойтахти Самаркандни ишғол этади.Натижада Корахонийлар Султон Санжарга тобе булиб коладилар. Салжуклар бутун Хуросонни, Хоразмни, Ғарбий Эронни, Озарбайжон ва Ирокни, Арманистонни эгалладилар. 1071 йили Византияни енгиб бутун Кичик Осиёни, кейинчалик Сурия ва Фаластинни, Грузия, Ширвон ва Мовароуннахрни эгаллаб, дунёнинг кудратли давлатига айланадилар. Кейин инкироз бошланди. Аввал Хоразм кучайиб уларга зарба берди. Ундан сунг корахитойлардан енгилдилар. Шундан кейин Салжукийлар давлати майдаланиб кетди. Давлатчилигимиз тарихида катта роль уйнаган

давлатлардан яна бири Хоразмшохлар давлатидир. Хоразм Сомонийлар даврида уларга тобе эди. Х аср охири ва ХI асрнинг бошларига келиб, Хоразм хокими Маъмун ва унинг уғли Али Сомонийлар давлати тугаганидан сунг мустакил давлат тузишга харакат килиб курдилар. Лекин Мовароуннахрдаги Корахонийлар, Хуросондаги Ғазнавийлар давлати олдида Хоразм давлати жуда кучсиз булиб, куп холларда Махмуд Ғазнавий ва унинг уғли Маъсудга карам эди. Ғазнавийлар давлатининг инкирози ва Хуросонда Салжукийларнинг хукмронлиги урнатилгандан кейин Хоразм давлати дастлабки йилларда мустакил сиёсат олиб боришга харакат килган булса-да, тез орада Салжукийларга карам давлатга айланди. Хоразмнинг мустакил давлат сифатида шаклланишида куп хизмат килган хукмдор Кутбиддин Мухаммад Отсиз (1127-1156) эди. Салжукий Султон Маликшох даврида Хоразмда хукмдор булган Ануштегиннинг набираси Кутбиддин Мухаммад Отсиз узи тобе булган Салжукий султонларнинг хар бир хатосидан усталик билан фойдаланди. Айёр, дипломат ва мохир саркарда булган мухаммад Отсиз мустакил ташки сиёсат олиб борди. У Хоразм ерларини анча кенгайтириб, Сирдарёнинг куйи окимидаги ерларни, Мангишлокни босиб олади. Шундан сунг у бир неча бор (1138, 1141-1142, 1147-1148 йй) Султон Санжарга карши исён килди ва мағлубиятга учраб Салжукийларга бутунлай тобе булиб колди. Лекин шунга карамасдан у Хоразмнинг мустакиллиги учун мустахкам асос ярата олди. Султон Санжарнинг улимидан сунг (1157й) Салжукийлар давлати деярли йук булди ва Хоразмни мустакил давлат сифатида сиёсат олиб бориши учун кенг йул очилди. Бундай сиёсий вазиятда, шубхасиз, Хоразмнинг хукмронлик доираси кенгайтирилиб, унинг мустакиллиги янада мустахкамланди. Хоразм давлати айникса Мухаммад Отсизнинг набираси Такаш даврида жуда кенгаяди. 1187-1193 йилларда у Нишопур, Рай ва Марв шахарларини босиб олади. 1194 йилда эса салжукийлар султони Тугрулга какшаткич зарба бериб, Эронни Хоразмга киритди. Орадан бир йил утгач

Такаш халифа аскарларига зарба бериб, Ирокка бостириб киришга муваффак булади. Шундай килиб, урта асрларнинг истеъдодли давлат арбобларидан хисобланган Такаш Олд ва Урта Осиёда Хоразмшохлар давлатидек йирик ва кудратли феодал хокимлигини барпо этади. Унинг замонида Хоразм давлатининг худудлари икки баробар кенгайди. Унинг шимоли-ғарбий ва ғарбий чегараси Орол ва Каспий денгизи сохилларидан жануби-гарбда Ирокка кадар борар, жануби-шаркий худудларда Ғазна вилоятидан, шимолий-шаркий чегараси эса Еттисув ва дашти Кипчокдан утар эди. Мусулмон Шаркидаги бу улкан давлатнинг пойтахти Урганч шахри эди. Хоразмшох саройида 27 хукмдор ва уларнинг вакилари итоат камарини боғлаб, олтин ноғора чалар ва бу буюк давлатнинг тождорини “Искандари Соний” (“Иккинчи Искандар”) деб атардилар. Аммо бу дабдабали хокимият урта асрлардаги барча феодал давлатларга хос хусусиятга эга эди. Ички низо, бошбошдоклик ва фукароларнинг норозилиги кучайиб, мамлакат сиёсий хаёти инкирозга юз тутган бир пайтда Хоразмшохлар давлати жангари манғул кабилаларининг Чингизхон бошлик боскинига дучор булади. Бу даврда Мовароуннахр ва Хуросонда содир булган мураккаб сиёсий вазиятнинг тадрижий ривожи ва у билан чамбарчас боғлик булган ижтимоий ва иктисодий узгаришлар мамлакат ахолисининг маданий хаётига хам таъсир этди. Мовароуннахрда араб тилининг давлат ва фан тили сифатида жорий этилиши билан уни узлаштиришга булган интилиш хам ортди. Айникса, махаллий зодагонлар араб тилини халифалик маъмурлари билан якинлашиш, мамлакатда уз сиёсий мавкеларини тиклаб, уни мустахкамлашнинг гарови деб билдилар ва уни узлаштиришга астойдил киришдилар. Натижада куп вакт утмай Мовароуннахрда араб тили ва ёзувини уз она тилларидек узлаштириб олган билимдонлар пайдо булди. Бу вактда араблар орасида хокимиятни бошкаришга ярокли билимдон маъмурлар жуда оз

булган. Чегаралари тобора кенгайиб бораётган Аббосийлар халифалиги учун икки тилни билувчилар жуда зарур эди. Дастлабки маълумотларни уз она юртлари Мовароуннахр, Хоразм ва Хуросондаги мадрасаларда олган Урта Осиёлик олимлар халифаликнинг марказий шахарлари: Бағдод, Дамашк, Кохира, Куфа ва Басрага бориб билимларини оширдилар ва асарларини уша даврда илм тилига айлантирилган араб тилида ёзишга мажбур булдилар. Араб тили ва фалсафасининг ривожланиши, ислом динининг кенг ёйилиши воситасида Марказий Осиёга антик дунёнинг прогрессив карашлари кириб келди. Араб халифалиги учун хам илм ва илм ахли сув ва хаводек зарур эди. Давлатни бошкаришда аббосий халифалар маъмурияти куплаб билимдон самонийларга мухтож эди. Урта Осиёдаги мамлакатларнинг купгина толиби илмлари халифаликнинг марказий шахарлари - Дамашк, Кохира, Боғдод, Куфа ва Басрига бориб илм олдилар ва араб тилида ижод килдилар. Бу даврда айникса Боғдод шахри Шаркнинг йирик илм ва маданият маркази эди. Ал-Мансур сулоласидан булмиш бешинчи халифа Хорун ар-Рашид (879-809) даврида халифалик ривожланиб, пойтахт Боғдод янада кенгайди. Айникса Хорун ар-Рашиднинг форс хотинидан булган уғли Абдуллох ал- Маъмун 813 йилда Боғдод халифаси деб эълон килингандан кейин Боғдодга алохида ахамият беради. Ал-Маъмун тарихда давлат арбоби сифатидагина эмас, балки илму фаннинг хомийси сифатида шухрат козонди. У Марвга келган пайтида саройга Хуросон ва Мовароуннахрнинг энг буюк олимларини туплай бошлайди. Сунгра уларни Боғдодга олиб келади. Ал- Маъмун билан бирга Боғдодга келган олимлар фан тарихида “ал-Марвиза” яъни “Марвликлар” номини олган эди. Лекин шунгача Бағдодда олимлар булмаган дейиш нотуғри. Уммавийлар даврида Дамашкка куплаб таржимонлар йиғилиб, табобатга оид китобларни юнон ва сурён тилларидан таржима килдира бошлаган эдилар. Кейинчалик бу таржимонлар Боғдодга келтирилган.

Халифа ал-Маъмун Боғдодга келгач, “марвлик” ва “дамашклик” олимларни йирик ва ягона илмий муассаса - “Байт ул- хикма”, яъни “Билимлар уйи” ёки “донишмандлик уйи”га бирлаштирди. Кей и нчалик бу муассасани европалик олимлар “ал-Маъмун академияси” деб атайдилар. Ал-Маъмун “Байт ул- хикма”нинг фаолиятига катта ахамият беради. Аввало, у Боғдоднинг насронийлар яшайдиган Шамоссия махалласида астрономик кузатишларни йулга куяди. Боғдод текис ерда жойлашгани учун худудида расадхона куриш бефойда эди. Шунинг учун христиан черковидан фойдаланади. Бу ишга халифа ал-Маъмун билан Марвдан келган олимлар орасида Мухаммад ал- Хоразмий мутасаддилик килади, ёш Ахмад ал-Фарғоний хам уларга ёрдам беради. Уша даврда “Байт ул-хикма”нинг энг йирик кутубхонаси мавжуд булиб, унга ватандошимиз Мухаммад ал-Хоразмий мудирлик киларди. Кутубхонада 400 минг жилд хинд, юнон, сурёний, арабий, форсий тилларда ёзилган кулёзма китоблар сакланарди. Ал-Хоразмий уша китоблардан фойдаланиб, синд-хинд усули билан “Зижи ал-Хоразмий” номли астрономик асарини ёзган. Халифа ал-Маъмун таклифи билан Абу Абдуллох Мухаммад ибн Мусо ал-Хоразмий шайх ул байтул дониш - “Донишмандлар уйи”нинг бошлиғи этиб тайинланди. Айнан халифа Маъмуннинг Шарк олимларига нисбатан чукур хурмат билан караганлиги сабабли Урта Осиёнинг энг йирик олимлари Боғдодга жамланди. Худди шу вактларда араблар орасида “Илм дарахтининг асоси Маккада-ю, хосили Хуросонда пишадур” деган ажойиб макол таркалган эди. Немис олими Ю.Рушка IХ-Х асрларда араб тилида ёзилган асарлар руйхати билан танишиб чикиб шундай хулосага келган. “Деярли барча олимлар Хуросон, Мовароуннахр ва Фарғонада етишиб чиккан эдилар. Уларнинг хар бирлари исмлари охирида ватанлари номини кушиб айтишни одат килган эдилар”. Боғдоддаги илмий марказ хакида академик В.В.Бартольд шундай фикр айтади. “Маъмуннинг хизматлари эвазига Боғдод узига мусулмон

оламида маълум булган энг кучли адабиётчи ва олимларни уз бағрига чакириб олди. Бунда Урта Осиёнинг улуши буюк эди”. Шундай килиб, халифа Маъмун даврида Боғдодда кутубхоналар очилиб, Ғарб ва Шаркнинг кадимги дунёси, мероси урганила бошлаган эди. У “Байт ул-хикма”да айтилган коинот ва ер юзидаги муаммоларни бажариш учун 70-дан ортик етук олимларни жалб этган. Туроннинг жахонга машхур олимларидан бири Мухаммад ибн Мусо Хоразмий булиб, у тахминан 783 йилда туғилган ва 850 йилда Боғдодда вафот этган. Хоразмий халифа Маъмун рахнамолигида ислом Шаркининг фанлар академияси - “Байт ул-хикма” (“Донишмандлар уйи”)да ишлади. Бу илм даргохида у жуда куплаб астрономик кузатишлар олиб борди. Унинг номини тарихда абадий колдирган асарларидан бири - “Ал-Жабр вал мукобала”дир. Бу асар Ғарб ва Шарк олимларига алгебра фани буйича дастурий амал булиб хизмат килди. “Алгоритм” ва “Алгебра” деган атамалар Хоразмий номи билан боғликдир. Ал-Хоразмийнинг арифметикага бағишланган бу китоби ХII асрдаёк Испанияда лотин тилига таржима килинган. Уша пайтларда кучирилган нусхаси хозир хам Кембрижда сакланмокда. Бу асар бир неча асрлар давомида Европа университетларида “Алгоритм китоби” номи билан машхур булган. Рим папаси Сильвестро рим ракамлари урнига Хоразмий ишлаб чиккан араб ракамларини Европада истеъмолга киритиш туғрисида фармон берди. Хоразмий шунингдек “Китоб сурат ал-аз” (“Ер сурати”) деган рисола хам ёзди. Асарда Птоломейнинг “География” номли китобини бутунлай кайта ишлаб, Шарк мамлакатлари туғрисида кимматли маълумотлар берди. Бу китобда Орол денгизининг тасвири хам берилиб, 637 та мухим жойлар, 209 та тоғнинг географик тафсилоти берилганди. Олимнинг бу китоби Шаркда география фанининг ривожланишига катта хисса кушди. Хоразмий узининг математика, география, тарих, мусика, астрономия ва бошка фанларга тааллукли асарлари билан жахон фани тараккиётига кенг йул очиб берди.

Жахон ахлининг 1983 йили Мухаммад Мусо Хоразмийнинг 1200 йиллигини зур тантана билан нишонлаганлиги буюк ватандошимизга курсатилган чексиз хурматидир. Шундай килиб, буюк аллома Мухаммад Мусо Хоразмийнинг нодир асарлари, яратган таълимоти, ижтимоий- фалсафий карашлари хозирги авлод учун битмас-туганмас хазина, мустакиллигимиз учун хизмат киладиган бебахо маънавий бойликдир. Энциклопедист алломалардан яна бири ал-Фарғоний тахминан 780 йилда Фарғона водийсининг Кува шахрида туғилиб, 861 йилда Кохирада вафот этган. Ахмад Фарғонийнинг илмий фаолияти Боғдод билан, улуғ мутафаккир олим Мухаммад Мусо Хоразмий рахбарлигида фаолият курсатган “Байт ул-хикма” билан боғликдир. Ахмад ал-Фарғоний ер юзи харитасини тузишда фаол иштирок этган. Ушбу харита “Маъмуннинг Дунё харитаси” номи билан юритилиб, 840 йилларда тугалланган. Лекин бу харита сакланиб колмаган булса хам, Ахмад ал-Фарғоний асарлари оркали дунё халклари мазкур харита билан танишишга муяссар булганлар. У Боғдод ва Дамашкдаги расадхоналар курилишига катнашиб Боғдоддаги фалакшунослик мактабига рахбарлик килади. Кейинрок Мисрда яшаган чоғида Нил дарёсида жойлашган Равз оролида сув сатхини улчайдиган нилометр асбобини такомиллаштирди. Бу асбоб, хозиргача сакланмокда. Унинг атрофидаги курилмаларга гранит тошларга оят, хадис сузлари битилганини, табиатга булган мухаббат рамзи деб билса булади. Марказий Осиёда тараккий этган исломий фан ва маданиятнинг дастлабки атокли вакилларидан бири оламшумул аллома Ахмад ибн Мухаммад Фарғонийни, араб дунёсида “Хисоб” (математик), Оврупада эса “Алфраганус” деб аташган. Ахмад ал-Фарғоний 25 ёшида Хужанд оркали Самаркандга, сунг Бухоро оркали халифа Маъмун ибн Хорун ар-Рашид хузурига бориб илм-фан хизматида булган. Унинг номини жахонга машхур килган асари “Астрономия негизлари” булиб унда буюк мутафаккир узи яшаган даврдаги

фалакиётга оид билимларни тартибга солди ва уни янги хулоса ва натижалар билан бойитди. “Астрономия негизлари” асари Оврупада Коперниккача булган фалакиёт илмидан асосий кулланма булиб хизмат килди. Шунинг учун алломанинг асарлари ХII асрда лотин тилига икки марта ва ХIII асрда бошка Европа тилларига таржима этилгандан сунг унинг лотинлаштирилган номи “Алфраганус” шаклида Ғарбда бир неча аср давомида кенг таркалди. Алломанинг илм-фан ва жахон маънавиятида тутган урни ва ролига урта аср Шарк тарихчилари Абул Фараж, ал-Кифтий ибн Назимларнинг асарларида алохида тухталиб утган. Шунингдек, сунгги йилларда нашр этилган илм ва маданият тарихига бағишланган китобларда хам ал-Фарғоний буюк олим сифатида кайд этилади. Шу хусусда Президентимиз И.А.Каримов шундай деган эдилар: “Тарихимиз неча-неча минг йилликларга бориб такалади. Гапнинг индоллосини айтишимиз керак: айрим одамлар хали лунги тутиб юрган даврларда бизнинг ота-боболаримиз юлдузлар жадвалини тузганлар”. Абу Наср Фаробий (873-950) нафакат Марказий Осиё ва Шаркнинг, балки бутун дунёнинг асрлар оша эътироф этиб, катта хурматга сазовор булиб келаётган буюк мутафаккир ва комусий олими, машхур файласуфидир. Шарк уйғониш даврининг улуғ намоёндаси булган Фаробий 873 йилда Арис дарёсининг Сирдарёга куйиладиган жойидаги Фороб кишлоғида туғилган. У дастлабки билимни Фаробда олгач, Тошкент, Самарканд, Бухоро ва Марказий Осиёнинг бошка улкаларида тахсил олади, лекин у узининг бу ерларда илмга эхтиёжини кондира олмайди. Илмга катта хаётий эхтиёж сезган Фаробий жахон илм марказларидан бири Боғдодда куним топди. Бу ерда у тинмай укиб урганади, араб тили ва адабиётини мукаммал эгаллади, Шом, Миср улкаларида укиди, мударрислик килди. Фаробий илмнинг барча сохаларида ижод килиб, буюк асарлар ёзди. Фаробий йирик файласуф, тилшунос, мантикчи, риёзатчигина эмас, шу билан бирга, социолог, тиббиётчи, психолог, мусика илмининг назариётчиси

ва амалиётчиси хамдир. “Фалсафани урганишда нималарни билиш керак?”, “Фалсафий саволлар ва уларга жавоблар”, “Мантикка кириш”, “Шеър саноати”, “Шоирларнинг шеър ёзиш саноати ва конунлари хакида”, “Илмларнинг келиб чикиши туғрисида”, “Акл туғрисида”, “Инсон аъзолари хакида рисола”, “Фозил шахар одамлари карашлари”, “Давлат хакида” каби 160 дан ортик кимматли асарлар ёзди. Кадимги юнон фалсафасини, хусусан Аристотел асарларини чукур ва мукаммал билиш, таржима килиш, илмий шархлар ёзиш, тарғиб ташвик ишларида Фаробийга тенглашадиган донишманд булмаган. Фаробий жахон фани тараккиётига кушган бебахо хиссаси билан шу даражада катта шухратга эришганки, уни хаётлигидаёк, Аристотелдан кейинги йирик мутафаккир Муаллим ас-соний номлари билан аташди. Фаробий илк урта аср шароитида акл ва илм тантанаси, маънавий озодлик, инсон такомили ва адолатли жамият учун курашган сиймо эди. Шу уринда Фаробийнинг ижтимоий хаёт, жамият, масалаларидаги мухим фалсафий карашлари катта ахамиятга эгадир. У узининг “Фозил шахар одамларининг карашлари” китобида давлатни хар томонлама етук, узида энг яхши инсоний фазилатларни намоён килган кишилар ёрдамида бошкариш зарурлигини кайд этади. Шунингдек, у хар томонлама етук, ахолини илмий-маърифатга олиб борувчи идеал жамият хакидаги фикрни олға суради. Фаробий “Фозил шахар одамларининг карашлари” китобида давлатни бошкарувчи хоким Оллохдан бошка хеч кимга буйсунмаслиги керак, у табиатан ун иккита хислат фазилатни узида мужассамлаштирган булиши зарур дейди. Президент И.А.Каримов “Фозил шахар одамларининг фикрлари” асарига юкори бахо бериб шундай деган эди, “Масалан, Фаробийнинг уша машхур “Фозил одамлар шахри” асарини эсга олайлик. Бундан минг йил мукаддам яратилганига карамасдан, бугунги укувчи хам бу

асарни хозирги мураккаб муаммоларини хал килишда аскатадиган мухим фикр ва йул-йурикларини топа олади”. Инсоният Абу Али ибн Сино(980-1037)ни жахон фанининг улуғ арбоби, уйғониш даври маданиятининг йирик намоёндаларидан бири сифатида билади. Буюк аллома эллик етти йил умр курган булса, бунинг 18 йилини илм-тахсилига сарф килди. Шу йиллар давомида уч юздан ортик асар ёзди. Унинг бу асарлари илм-фаннинг барча сохаларига тааллуклидир. Ана шу асарлари билан Ибн Сино Марказий Осиё халклари маданиятини дунё маданиятининг олдинги каторига олиб чикди. Шунинг учун уни “Шайх ур- раис” - “Олимлар олими” деб аташган эди. Ибн Сино асарларининг 40 дан купроғи тиббиётга, 30 дан ортиғи табиий фанлар ва мусикага оид булиб, колганлари фалсафа, мантик, ахлок, илохиёт, ижтимоий-сиёсий мавзуларда эди. Бизга 160 га якин асари етиб келган. “Китоб уш-шифо” (“Шифо китоби”), “Донишнома”, “Китоб ул- коинот” (“Коинот китоби”) каби илмий асарлари, 5 жилдли “Китоб ал-конун фит-тиб” (“Тиб конунлари китоби”)куп асрлар давомида тиббиётдан асосий дастур килиб келинди, хозир хам бирканча дорилфунунларда урганилади. Шундай килиб, Ибн Сино уз асарларида табиат, жамият ривожланиш конуниятлари туғрисида кимматли хулосалар бериб, киши аклини нималарга кодир эканлигини курсатди. Табиат сирлари ва хакикатни билиш мумкинлигига каттик ишонади. Шунинг учун хам олим одамларни бир-бири билан дуст, инок булиб яшашга чорлайди. Одамлар софдил, самимий дуст булиб яшаса, бир ёкадан бош чикарса, хар кандай мушкул осон булишига каттик ишонади. Олимнинг бу ғоялари хозирги кунда республикамиз мустакиллигини саклашда ва мустахкамлашда катта ахамиятга эга эканлигини, Президентимиз И.А.Каримовнинг куйидаги сузлари билан исботлаш мумкин. “Янги минг йилликка йул очиб борар эканмиз, хаммага дустлик ва хамкорлик кулини чузамиз”.

Хоразмлик буюк олим Абу Райхон Беруний (973-1048) жахон фани ва маданияти тараккиётига мухим хисса кушган сиймолардан хисобланади. Беруний билан Ғазнада яшаган машхур тарихчи Абул Файз Байхакий (1077 йилда вафот этган) олимга бахо бериб, бу одам илми адабда, нарсаларнинг мохиятини аниклашда, хандаса ва фалсафада шу кадар билимдон эдики, унинг замонида унга тенглашадиган хеч ким йук эди. ХII асрда яшаган йирик олим Ёкут Хамавий таъбири билан айтганда, замона илм ва аклда унга тенг келадиган бошка олимни курмади. Беруний 16 ёшидан астрономик кузатишлар олиб борганлиги маълум. Устози хоразмлик атокли олим Абу Наср ибн Ирок ал- Мансур (1035 йилда вафот этган). 12 та асарини Берунийга бағишлаган. Дунёда биринчи глобус (диаметри 5 м ли ярим шар) ясаган. Беруний Хоразмдаги “Маъмун академияси”га рахбарлик килиб бир канча шогирдлар чикарган. Беруний бутун кучи, хаёти, акл-идроки ва тафаккурини илм-фанга бағишлаган алломалардан бири эди. Берунийнинг илмий мероси 150 дан ортик китоб ва рисоладан иборат. “Ал-конун ал- Маосудий”, “Хиндистон”, “Геодезия”, “Хронология”, “Минерология”, “Сайдона” (“Доривор усимликлар хакида китоб”) асарларида инсоният учун катта ахамиятга эга булган ғояларни уртага ташлаган. Айникса, буюк мутафаккир “Кадимги халклардан колган ёдгорликлар”, “Хиндистон” каби тарихий асарларида табиат, жамият тараккиёти ва унинг истикболи хакида фикр бериб, унда мехнатнинг, илм-фаннинг роли бекиёс эканлигини уктириб утади. Беруний жамият тараккиётини фан тараккиётида куради, илм диний ва худудий чегараларга карамай инсон ва жамиятга хизмат килиши керак деб хисоблайди. IХ-ХII асрларда Марказий Осиёда Урта аср тарихшунослиги ривож топиб, араб ва форс тилларида бир канча йирик тарихий ва географик асарлар битилган. Бу борада Абу Бакр Наршахийнинг урни алохида ахамият касб этади. У 899 йилда Бухорода туғилиб, 959-960 йилларда вафот этган.

Ундан мерос тарикасида ягона асари “Бухоро тарихи” бугунгача етиб келган. Уни 1128 йилда кувалик (Фарғона) тарихчи Абу Наср ал-Кубовий кискартириб, вокеалар баёнини давом эттириб форс тилига таржима килган. Бу таржиманинг кайта кучирилган ва вокеалари баёни (1220 йилларгача етказилган нусхаси) бизгача етиб келган. “Бухоро тарихи” Урта Осиёда исломгача булган диний эътикод ва урф-одатлар, ислом динининг таркалиши, Муканна вокеаси хакида маълумот берувчи асосий манбаа хисобланади. Унда сомонийлар давридаги вокеалар, ижтимоий-сиёсий, маданий хаёт кенг ёритилган. IХ-ХII асрларда Мовароуннахр ва Хоразмда адабиёт, шеърият ривож топди. Унинг ривожига Рудакий (860-941), Абу Мансур Дакикий, Абдулхасан Балхий ва купгина бошка шоирлар катта хисса кушдилар. Рудакий IХ аср охирида Панжикент якинида Панжрудак кишлоғида туғилди. Ёшлик чоғидаёк у руд (чанг) чалишни яхши урганган, шеър ёзиб куй басталаган ва хофизлик килган. Халк орасида катта обруга эга булиб, хатто Сомонийлар хукмдори Наср ибн Ахмад (914-943) томонидан созанда ва шоир сифатида саройга чакиртириб олинган. Р удакий уз шеърларида она Ватанини, унинг табиати ва ахолисини, инсоний хис-туйғуларини тараннум этади. Шоир хаксизлик ва адолатсизликни коралайди. Бу даврнинг заковатли шоирларидан яна бири Дакикий эди. Аввал у Чағониён хукмдорлари, сунгра самонийлар саройига таклиф этилади. Дакикий анъанавий сарой шеъриятидан фаркли уларок, халк ривоятлари ва эпик достонлар асосида янги поэтик йуналишда ижод килади. У Абу Мансурнинг насрий “Шохнома”си асосида биринчи булиб, шеърий “Шохнома” асарини яратишга киришади. Бирок минг байт ёзиб булгач, шоир уз ғуломи томонидан фожиона улдирилади. Дакикийнинг минг байти дан кейинчалик Абул Косим Фирдавсий уз “Шохнома”си да фойдаланган. ХI асрда яшаб ижод килган Махмуд Кошғарийнинг хаёти ва ижодий фаолияти туғрисида кам маълумотлар етиб келган. Бобоси Мухаммад ва

отаси Хусайн Кошкардан булган. Кошғарийлар оиласи Боласоғунга (Кирғизистоннинг хозирги Тукмок шахри) кучиб келишганда Махмуд хали ёш бола эди. Булажак олим бу шахарда уз илмини ошириб, араб, форс тилларини урганди. У ёшлик чоғидаёк халк жонли тилидан суз ва ибораларни кунт билан ёзиб борди, хар бир суз, иборани шархлаш ва маъносини аниклашга интилди. Кошғарий туркий халклар тарихи, тили, маданияти, урф-одатларини пухта урганиш максадида бутун Марказий Осиёни кезиб чикди. Ана шу туплаган бой далиллар асосида халкимизнинг буюк олими “Жавохирун нахв фи Луғати турк” (Туркий тилларнинг синтаксиси дурдоналари) ва “Девону луғоти турк” (“Турк тилининг луғати”) асарини яратди. Олимнинг бу асари 1074-1075 йиларда ёзилган булиб, хозир бу нодир кулёзма асар Истамбулда сакланмокда. Асар катта ахамиятга эга булиб, унга дунё харитасини илова килади ва Русдан Хитой худудларигача чузилиб кетган ерларда яшовчи туркий халклар тарихи, географияси, урф-одатлари, турмуш тарзи, маданияти туғрисида бой маълумотлар беради. Шунингдек асарда олим туркий ёзув туғрисида ғоятда кимматли фикрларни баён килади ва 18 харфдан иборат турк (уйғур) алифбосини келтиради. Асарда имло масаласида хам мухим маълумотлар бор. Хуллас, шеърий усулда ёзилган буюк мутафаккир Махмуд Кошғарийнинг “Девону луғатит турк” асарида юксак эзгулик ғоялари, мехнатсеварлик, шахсий кахрамонлик, ғанимларга нафрат каби карашлар уз ифодасини топган. Шунинг учун бу асар хамон узининг илмий, тарихий, маърифий кимматини саклаб келмокда. Корахонийлар салтанати даврининг буюк сиймоларидан бири Боласоғунлик адиб Юсуф Хос Хожиб булиб, хозиргача бизга маълум булган ягона дидактик бадиий-фалсафий “Кутадғу билиг” (“Саодатга бошловчи билим”) асари билан жахонга машхур ва маълум. Бу асарда ахлок-одоб, илм- маърифат, бола тарбияси, жамоат жойларида узини тутиш, сузнинг ахамияти

ва кадри, мехмондорчилик коидаси, турмуш тарзи ва инсон маънавий оламининг куп масалалари ёритилган. Маърифат жарчиси булган Юсуф Хос Хожиб марказлашган кучли давлат барпо этиш учун курашувчи донишманд, адолатли хукмдор киёфасини хам чизади. У халк ва давлат, давлат бошлиғи ва фукаро, олимлар, хоким, кушни давлатлар билан иктисодий, маданий алокалар, хукмрон табакаларнинг хокимият, халк олдидаги бурчи хакида ғоятда зарур муаммоларни илгари суради. Шу билан бирга улуғ олим ута зийраклик ва донишмандлик билан турли табакадаги кишиларннг дунёкарашлари, хаёт тарзлари, одатлари, ахлоклари хакида фалсафий мулохазалар силсиласини яратди. У кишиларни дунёвий фанларни чукур урганишга, юкори даражада маълумотли булишга чакиради. Ана шундай фалсафий ғоялар илгари сурилган “Кутадғу билиг” асари халкаро майдонда тан олинган асардир. Олимнинг мазкур асари халкимиз маънавий бойлигининг энг мухим дурдоналаридан хисобланади. Туркий адабиётнинг йирик ва забардаст вакилларидан бири Ахмад Югнакийдир. Унинг хаёти ва ижодий фаолияти хакида маълумот жуда кам булиб, адибнинг ягона мероси “Хиббат ул- хакойик” (“Хакикатлар арғумони”)дир. Ахмад Югнакийнинг “Хибат ул-хакойик” асари узбек адабий меросининг буюк намунаси сифатида унинг кейинги тараккиётига катта хисса кушди. Достон дунёнинг бир неча тилларига таржима килинган. IХ-ХII асрларда Мовароуннахр ва Хоразмда меъморчилик ва саноат янги тараккиёт боскичига кутарилди. Бунга, албатта, урта аср жамиятининг ижтимоий-сиёсий тузуми ва бу даврда тула ғалаба козонган ислом дини мафкураси маданий хаётнинг бу сохасига хам кучли таъсир килди. Бу даврга келиб, Самарканд, Бухоро, Урганч, Термиз, Узган ва Марв каби шахарларда куплаб сарой, мачит, мадраса, минора, хонаках, макбара, тим ва карвонсаройлар курилди. Бухоро шахридаги Исмоил Самоний, Зарбулок якинида жойлашган Тим кишлоғидаги Аработа, Карменадаги Мирсаййид

Бахром макбаралари, Бухородаги Номозгох, Минораи Калон, Вобкент ва Жаркурғон миноралари уша давр меъморчилигининг наомуналаридир. Бу ёдгорликлар Х-ХII асрларда Мовароуннахрда узига хос меъморчилик ғоят ривож топганлигидан далолат беради. IХ-ХII асрларда меъморчилик билан бирга наккошлик ва уймакорлик саноати хам анча ривожланди. Бу даврга келиб наккошлик ва тасвирий саноат узга тус олди. Эндиликда жонли мавжудотларни тасвирлашда мураккаб геометрик ва ислими гулли накшлар ишлашга утилади. Айникса, бу даврларда Самарканд, Тошкент ва бошка шахарлар кулолчилик, мисгарлик, заргарлик ривожланган марказга айланди. Шундай килиб, IХ-ХII аср меъморчилиги ва унда ишланган меъморий накш услублари уз навбатида мехнаткаш ахолининг дид, нафосат ва бинокорлик ғоялари билан чамбарчас боғланган халк меъморчилигининг сермазмун ижодини намойиш этади. IХ-ХII асрларда Марказий Осиё худудида дунёвий фан ва маданият билан бир каторда ислом маданияти хам ривожланди ва тараккий этди. Айникса Мовароуннахрда самонийлар давлатини карор топиши ва унинг равнакида ислом рухонийларининг хиссаси катта булди. Шу боисдан уларнинг обруси ошиб, Бухоро шаркда ислом динининг энг нуфузли марказларидан бирига айланди. Мамлакат маънавий хаётининг таянчи булган ислом мафкурасига бу даврда “устод” - дин ва илм пешволари рахнамолик килардилар. Кейинчалик дин пешволари ва ислом уламоларининг рахнамоси шайх ул-ислом деб янада улуғланди. Шайх ул-исломдан кейин хатиблар турарди. Ислом мафкураси Сомонийлар, Корахонийлар, Ғазнавийлар, Салжукийлар ва Хоразмшохлар хукмдорларининг ташки ва ички сиёсатларида бош йуналтирувчи ғоявий куч булиб хизмат килди. Аста-секин жамият аъзолари уртасида хам ислом динига, Куръони каримга эхтиёж кучайди. Натижада улкамизда Куръони каримни шархловчи ва тафсирини

баён килувчи асарлар ёзган улуғ исломшунос алломалар етишиб чикди. Имом Абу Мансур Мотуридий, имом Абу Лайс ибн Мухаммад Самаркандий, имом Замахшарий, имом Насафийлар ана шулар жумласидандир. Ислом маданиятининг Куръони каримдан кейин иккинчи уринда турадиган нодир манбаалардан бири хадислар, яъни Мухаммад алайхиссаломнинг диний ва ахлокий курсатмалари, хикматли сузларининг мажмуйидир. Хадисчиликнинг ривожланишида IХ аср олтин давр хисобланади. Бунинг сабаби бутун ислом дунёсида энг нуфузли деб тан олинган олтита ишончли хадислар тупламининг муаллифлари шу асрда яшаганлар. “Хадис илмидаги Амир ул-муминийн” деган шарафли номга сазовор булган имом Исмоил ал-Бухорий булиб, 810 йил 20 июлда таваллуд топди. Фавкулодда кобилият хотирага эга булиб, 10 ёшдан хадисларни ургана бошлаган ва бутун умрини хадис илмига бағишлаган. Хижоз, Миср, Ирок, Хуросон ва бошка улкаларда яшаб 600 мингдан ортик хадис туплаган. Улардан энг ишончлиларини саралаб 4 жилдли “Ал-жоми ас-сахих” (“Сахихи Бухорий”) тупламини тузади. Бу асар ислом дунёсида Куръондан кейин иккинчи манба саналади, ислом дорилфунунларида асосий дарслик сифатида урганилади. Имом Бухорий “Ал-адаб ул-муфрад” (“Адаб дурдоналари”), “Китоб асмоо ас- сахоби” (“Сахобалар исмлари китоби”), “Тарихий Бухоро” (“Бухоро тарихи”) ва бошка куплаб асарлар ёзиб колдирган. Улуғ боболаримиз каторида Ал- Бухорий тавваллуди 1225 йиллигининг “ЮНЕСКО” хомийлигида дунё микёсида нишонланганлиги катта тарихий вокеа булди. Ислом дунёсида ном козонган буюк мухаддис олимлардан бири Абу Исо Мухаммад бин Исо бин саври бин Мусо бин ад-Заххок аз Зарир ал- термизий ал-Буғий, 824 йилда Термиз шахрида туғилади. 1990 йилда бу улуғ мухандис таваллудининг 1200 йиллигини Туркистон мусулмонлари кенг нишонладилар. У киши Самарканд, Бухоро, Марв ва бошка шахарларда машхур уламо ва Мухадислар асарларини урганиб, ислом дунёсининг бошка

шахар ва мамлакатларига сафар килади. Хусусан, Хижоз, Макка, Ирок, Хуросон ва бошка жойлардаги буюк хадисшунослар билан мулокотда булади. Айникса, унинг камолотга етишида Исмоил Бухорийнинг урни катта булган. Нишопур шахрида истикомат килган Имом Бухорий атрофида тупланган куп шогирдларининг энг машхури хам Имом Термизий эди. Улуғ Мухадис олим ат-Термизий хадислар туплаб, бир канча асарлар яратган. “Жомп ус-сахик” ёки “Суннани Термизий”, “Китоб илал”, “Китоб ат-тарих”, “Китоб ат-Шомил ан-Набавия”, “Китоб аз-сухд” ва бошкалардир. Президентимиз бу аллома хакида шундай ёзадилар: “Бугунги кунда Термизийнинг маънавий мерослари нафакат ахли дин орасида балки дунёвий билим сохиблари, кенг микёсдаги ахли жамоа орасида хам уз кадрини топаётир. У кишининг шох асарларидан “Китоб ал-жомео ас-сахик” хозирга кадар хадис илмининг асосий манбааларидан бири хисобланади. Алломанинг асрлар давомида фозилу фузалоларга дастур булиб келган аклу-одоб, инсофу-диёнат, адолату инсонпарварликни тарғиб килувчи ғоялари сердолға давримизнинг мураккаб ва зиддиятли ахлокий маънавий масалаларини хал этишда замонавий ахамият касб этади”. Туркий ислом дунёсидаги буюк мутасаввуф олим, шарк тасаввуфида из колдирган “Яссавия” тарикатининг асосчиси ва туркий классик шеъриятининг улуғ вакилларидан бири булмиш Хожа Ахмад Яссавий 1096 йили Сайрамда туғилган. Илмий адабиётларда вафоти 1165-1167 йиллар деб курсатилган. Яссавий тарикатининг биринчи ва асосий фазилати унинг халкчиллигидир. Унда хам Оллох, хам инсон мадх этилади. Яссавий уз “Хикмат”ларида инсонни улуғлайди, уни адолатсизликдан, зулмдан химоя этишга чикаради. Бу хакда у “кайда курсанг кунгли синук махрам булгил, андоғ мазлум йулда колса, хамдам булгил” дейди. Ахмад Яссавий Бухорога бориб, Юсуф Хамадонийдан таълим олади.

Буюк мутафаккирнинг асосий максади одамларни Оллохни танишга, унинг якини булишига даъват этади. Ахмад Яссавий инсон уз поклигини саклаши, гунох орттирмаслиги учун нима иш килиш керак, деган саволга узича жавоб беради. У дунёдан юз угириши, умрини одамлардан узокда, ёлғизликда, узлатда тоат-ибодат билан утказиши лозим деб хисоблайди. Буни у Оллохга якин булишнинг, узига у дунёда саодат таъмин этишнинг шартларидан бири деб хисоблайди. Агар инсон жонини кийнаб булсада, ибодат килса, нафсига бардош берса, ушанда худонинг дийдорига етади, дейди. Шундай килиб, диний уламоларимизнинг фалсафий таплимотларида мехнаткаш халкнинг азоб-укубатлари ва орзу-умидлари уз ифодасини топган. Тасаввуф таълимотининг буюк сиймоларидан бири хоразмлик Нажмиддин Кубро (1145-1221) эди. Тасаввуфдаги махсус Кубравия тарикати унинг номи билан боғлик. У замонасининг йирик олимларидан хисобланиб “Фавоих ал-жамол ва фавотих ал-жалол” (“Жамолининг муаттарлари ва камолатнинг эгалари”) “Ал-усул ал-амара” (“Унта конун ва коидалар”) номли асар ва рисолалар ёзган. Нажмиддин Кубро тарикати буюк Хоразм давлати аста-секин инкирозга юз тутаётган даврда юзага келди. Одамларни покланишга, хаётга ишонч билан карашда, дунёвий мухаббатни улуғлашда Кубравия тарикати катта урин тутди. Унда таркидунёчилик эмас, балки мехнат асосида Аллох васлига етиш ғоялари илгари сурилади. Кубравия тарикатида халк ва Ватан учун хизмат килиш, Ватан мустакиллиги учун курашиш ғояси устиворлик килади. Унинг таълимоти шунчаки курук суз, шиор, ғоя булиб колмасдан, амалий ахамиятга эга таълимотдир. Нажмиддин Кубро Хоразм химояси учун муғулларга карши жангга киради ва шахид булади. Нажмиддин Кубронинг жасорати чинакам ватанпарварлик тимсоли була олади.

Фойдаланилган адабиётлар : 1. Каримов И.А. Тарихий хотирасиз келажак йук. Т.Узбекистон . 1998. 2. Абу Райхон Беруний. Кадимги аждодлардан колган ёдгорликлар. Танланган асарлар. 1-жилд. Т.Фан. 1968. 3. Абу Наср Фаробий. Фозил одамлар шахри. Т. 1993. 4. Ғуломов Я. Кадимги маданиятимиз изларидан. Т.Фан. 1960. 5. Наршахий М. Бухоро тарихи. Мерос туркуми. Т.Камалак. 1991. 6. М.Хайруллаев. Урта Осиёда илк уйғониш даври маданияти. Фан. 1994. 7. Ф.Сулаймонова. Шарк ва Ғарб. Узбекистон . 1997.

O'xshashlar

ХII-XV асрларда Рус давлати

IX-XII асрларда ўзбек давлатчилиги сиёсий, ижтимоий - иқтисодий ва маданий ҳаёт

Милоддан аввалги II-I асрларда Римнинг иктисодий ва ижтимоий тузуми

Узбек давлатчилигимиз ХVI-ХIХ асрларда

Араб истилоси даврида Урта Осиё халкларининг миллий чалгу созлари. (ХII-IХ асрлар)