Гидротехника иншоотларини ишга тушириш - Suv xo'jaligi - Referatlar

Гидротехника иншоотларини ишга тушириш

Yuklangan vaqt:

29.10.2019

Ko'chirishlar soni:

0

Hajmi:

92 KB

Ko'chirib olish

Гидротехника иншоотларини ишга тушириш Режа: 1. Иншоотларни бевосита кузатиш ва тадкик килиш ишларини ташкил этиш ва ўтказиш 2. Ишоотларни ишлатиш коидаларини тузиш бўйича асосий кўрсатмалар

Гидротехника иншоотларини ишга тушириш Гидротехника иншоотларини ишида энг масъулиятли даврлардан бири уларни ишлатишга киритишдир. Бунда маълум бир чегарада, бир томондан иншоотлар канчалик муваффакиятли лойихаланганлиги, иккинчидан эса – иншоотларни напор остидаги иши бахоланади. Иншоотларни ишга тушириш жуда эхтиёткорлик билан ва амалда иншоотлар, НЎА кўрсаткичлари устидан узликсиз кузатишлар олиб борилиб, амалга оширилади. Бу ишлар, одатда гидротехника иншоотларини ишлатиш бўйича юкори малакали мутахассисларни жалб килиб ўтказилади. Иншоотларни ишга тушириш олди, сув омбори тўлдириш ва иншоотлар оркали сувни ўтказиш даврларига бўлинади. Ишга тушириш олди даврида куйидаги ишлар амалга оширилади: курилган иншоотларни лойихага мос курилганлиги аникланади ва текшириб чикилади; ишга тушириш пайтида грунтсувлари сатхи, конструкциялар, НЎА холати ва уларнинг етарли ўрнатилганлиги текшириб чикилади; гидроузел иншоотларини ишга туширишнинг календар режаси ишлаб чикилади, унда синаш тартиби, ишга тушириш режими, кузатишлар акс эттирилади. Сув омбори косаси ва унинг киргок олди зонаси ва ш.ў. учун санитария тадбирлари комплекси бажарилади. Сув омбори косасини тайёрланишига алохида ахамият берилади. Бунда сув сатхи кўтарилиб – тушиш чегарасидан кесиб олинган дарахтларни тўнкалари ковлаб олиб ташланади. Сув омбори косаси чегараси ичидаги курилмалар, чорвачилик фермалари, кабристонлар ва бошка олиб ташланади. Торф массивларини калкиб чикиши бахоланади ва бундай ходисани олдини олиш чоралари кўрилади. Зонадан колиб кетган курилиш материаллари, механизмлар, мосламалар олиб чикилади. Пастки бьефдан, биринчи навбатда вактинчалик курилмалар, чикиндилар, курилиш блокларининг йирик ўлчамли колдиклари, плиталар металлоконструкциялар ва ш.ў. олиб ташланади.

Сув оборини тўлдириш пайтида ён-багир (склон), киргокларни ўприлиши мумкин. Шунинг учун бундай жараёнлар бўлиш, бўлмаслиги бахоланиб чикилади, булиши мумкин зарар башорат килинади, уни камайтириш чоралари амалга оширилади. Иншоотлар оркали сув ўтказилишдан олдин уларнинг гидромеханик ва механик жихозларининг нормал иш кобилиятига ишонч хосил килинади. Кутилмаган шикастланиш ва бузилишларни бартараф килиш учун курилиш материаллари, мосламаларнинг керакли захира хажми тайёрлаб кўйилади. Грунтли иншоотлар асосида жойлашган нуктали пьезометрлар кўрсаткичлари текшириб кўрилади. Агар гидростатик босим нулга тенг бўлмаса, унда пьезометрик тармокнинг иш кобилияти текширилиб кўрилади ва ишчан холатга келтирилади. Сув омборини тўлдириш боскичма-боскич, секин-аста, бир неча навбат билан амалга оширилади, бунда хар сафар барча иншоотлар ва уларнинг элементлари, НЎА текширилиб борилади. Алохида эхтиёткорлик билан карст ва кучли ёрикли жинсларда жойлашган сув омборлари тўлдирилади. Фильтрация сувларини марказлашган холда (лойка ва рангли бўлиб) чикиши, тўлдиришни тўхтатиш лозимлигидан дарак беради, айрим хавфли холатларда эса сув сатхи, фильтрация сабабини аниклагунча ва манбаалари бартараф килингунча пасайтириб турилади. Сув омборини тўлдириш тезлиги грунтли тўгон танаси ва асосида фильтрациянинг йўл кўйиладиган тезлигидан келиб чикиб кабул килинади. Бунда фильтрацион оким градиенти грунтни суффозиясига йўл кўймайдиган кийматдан ошиб кетмаслиги керак. Грунтли иншоотларда фильтрацион режим ўрнатилгандан ва сув билан тўйингандан сўнг, улар ўз-ўзидан зичлашади. Бунда иншоотларнинг кўндаланг ўкига параллел ёриклар хосил бўлишига олиб келадиган иншоотларнинг айрим элементларини деформацияланиши вужудга келиши мумкин, бу ёриклар, кўп холда, юкори киялик бровкаси бўйлаб, ундан унчалик катта бўлмаган масофада вужудга келиши мумкин. Створ тор бўлганда, качонки створ коэффициенти иккидан кам бўлса, тўгон ўркачида

дара профилини синиш жойида, киргокга туташмаларда ёриклар хосил бўлиши мумкин. Улар одатда, дарё окими йўналиши бўйлаб жойлашади. Сув омбори тўлдирилаётганда ва тўгон танаси сувга тўлиб бориши билан, унинг ўкига параллел тўгон призмасининг ёки фильтрацияга карши курилманинг (ядро, экран, диафрагма ва ш.ў.) нотекис чўкиши хам холсил бўлиши мумкин. Йирик тошли материаллардан ядроли килиб, биланд напорли курилган тўгонларни ишлатиш даврида, бундай ёрикларнинг кенглиги 20… 40 см гача, узунлиги 10…15 м гача етиши мумкин. Грунтли тўгон бўш асос устида курилган бўлса (Г.М.Гольденберг усули бўйича) тўлдириш аввал юкори сув тўсгич (перемычка) куриб, у билан тўгон танаси орасидаги бўшликга 0,25…1 м/сутка тезликда насослар ёрдамида сув куюиб амалга оширилади. Бу холатда, мабода авария вужудга келса, перемычки билан тўгон орасидаги сувни зудлик билан тушириб юбориш мумкин бўлади. Сув омбори тўлдирилаётганда секин-аста пастки бьефга хам сув берилади, бунда ўзан деформацияси устидан мунтазам кузатиб борилади. Агар «курук» пастки бьефга нисбатан кам сув сарфи туширилганда хам кочирилган гидравлик сакраш хосил бўлиши мумкин, у рисберма мустахкамловчиларини остини ювиб кетиши мумкин. Тургун бўлмаган режимда катта масофада ўзан жадал ювилиши мумкин. 4…5 м/с тезлик билан майда заррачали кум ва кумлок грунтдаги ўзанда харакатланаётган сув окимининг лойкалиги 150…200 кг/м 3 га етиши мумкин. Бу холатда иншоотнинг хавфли ювилиши ва остини ювиб кетиш учун 10…20 мин, баъзида ундан хам кам вакт етарли бўлади. Майда заррачали кум ва гил грунтларда жадал ювилиш хосил бўлишининг характерли белгиси – бу окимнинг кўнгир ёки корамтир рангга эга бўлишидир. Шагал тош – галичникли грунтларда заррачалар окимнинг туб олди зонасида харакатланади ва кўзга ташланиши кийин бўлади. Иншоотнинг затворларини ишини напор осидаи синаб кўриш, ишлатиш режими доирасида ўтказилади, бошка холатларда мутассади ташкилотлар билан келишилган махсус асослаш бўлиши лозим.

Ишга тушириш даврида кузатувлар иншоотларни доимий ишлатиш давридагига нисбатан кўпрок ўтказилади. Бьефлардаги сув сатхлари ва ўтказилаётган сарфларни кузатиш куну-тун олиб борилади, тўгон асоси ва танасидаги фильтрацион режим, фильтрация сарфи, грунт сувлари сатх, сувнинг харорати ва фильтратнинг кимёвий таркиби – хар куни кузатилади (текширилади). Бетон тўгон танаси оркали сизиб ўтган сувдан тахлил (намуна) ишга тушириш даврида 2…3 марта олинади, вакти-вакти билан кузатиш кудуклари, галереялар ва ш.ў. лардаги сув сарфи ўлчанади. Горизонтал ва вертикал силжишлар, чоклар зичлагичларининг ишлаши, чокларни очилиши ва ёриклар хосил бўлиши 5…7 суткага 1 марта кузатилади. Керакли бошка кузатишлар хам муаян шароитдан келиб чикиб сони юкори кайтарилиш билан ўтказилади. Иншоотлар улар элементлари, асослар киргок туташмалари нормал ишлашидан четга чикишлар аникланган холатларда, кузатишлар аникланган камчиликлар бартараф килингунча ёки жараёнлар тургунлашгунча тез-тез олиб борилади. Насос станциялари, ГЭС ва улар жихозларини ишга тушириш хусусиятлари китобнинг шу иншоотларни ишлатиш бобларида батафсил ёритилган. Иншоотларни бевосита кузатиш ва тадкик килиш ишларини ташкил этиш ва ўтказиш Гидротехника иншоотларининг техник холати ва бе6хатар ишлашини бевосита назорат килиш ишларини ташкил килишнинг умумий схемаси 2.6. да берилган. Гидротехника иншоотларини техник холатини ва бахатар ишлашини бевосита кузатиш ишларини эксплуатацион, эксплуатацион кузатиш ишлари деб аташ кабул килинган. Шундай килиб кузатишлар эксплуатацион махсус масалаларни тадкик килиш ва ишга тушириш синовларига бўлинади. Маълумки эксплуатацион кузатишлар гидротехника иншоотларини иши ва холатини тезкор назорат килиб бориш учун ўтказилади.

Махсус масалаларни тадкик килиш лойихада кабил килинган карорлар ва дастлабки шартларни тўгрилигини, назарий коидаларга аниклик киритиш ва бевосита олинган маълумотлар (ва аэрация, кавитация, тебраниш, сув чанги, томчилари ва ш.ў. хосил бўлишини моделлаштириш) бўйича киритилган аникликлар асосида, моделлаштириш услубларини мукаммаллаштириш иншоотларни ер кимирлашга хавфли жойларини аниклаш ва уларни кучайтириш усулларини ишлаб чикиш ва ш.ў. масалаларни назарда тутиши керак. Бундан ташкари улар лойихалаш, куриш ва ишлатиш даврида йўл кўйилган, кейинчалик кучайтирилган равишда назорат (кузатиб) килиб боришни талаб киладиган дефектлар, омилларни аниклаш учун хам ўтказилади. Ишга тушириш синовлари иншоотларни ишлатишга кисман ёки тўлик киритиш даврида ўтказилади. Юкори напорли гидроузелларда кулланиладиган бевосита кузатишлар ва тадкикотлар, айрим холатларда, бошкача классификация килинади. Масалан, Гидропроект бевосита кузатишлар ва тадкикотларни жамлаб 12.1- жадвалда келтирилган классификацияни таклиф килган, у кузатишларнинг тайинланиши, масалалари ва кулланиш сохасини тўлик ифода килади. Бевосита (кузатишлар) тадкикотлар таркиби ва хажми лойиха ташкилоти томонидан лойихани тузиш даврида ишлаб чикилади ва у ишлатиш лойихасида берилади. Бевосита кузатишларга тайёргарлик кўриш ва ўтказиш юкорида тилга олинган схемага мос, бовосита кузатишлар лойихаси тузилиб амалга оширилади. Бевосита кузатишлар лойихаси тушинтириш хати, НЎА жойлаштирув схемаси, курилиб колдирилган кисмлар, асбобларни жойлаштириш ва махкамлаб ўрнатиш хамда кабел коммуникациялари иш чизмалари, жихозларни жойлаштириш учун керакли биноларнинг курилиш чизмалари, асбоблар ва кабелларнинг тавсилот рўйхати, асбоблар, жихозлар, ишга тушириш ишлари сметалари, паспортлар, кўрсатмалар ва керакли смета- молиявий хисоб китобларни ўз ишга олади.

Бевосита кузатиш ишларини молиялаштириш курилиш даврида лойиха бўйича назарда тутилган маблаг, ишлатиш даврида эса – иншоотларни ишлатишга ажратилган сарф харажатлар хисобидан ёки максадли ажратилган маблаг хисобидан таъминланади. Гидротехника иншоотларида бевосита кузатиш ишларини (тадкикотларини) олиб бориш учун 2.1-расмдаги схемада келтирилган НЎА ларидан фойдаланилади.Улардан лойиха билан белгиланган сонигина муаян гидротехника иншоотларида ишлатилади, бу НЎА табел НЎА хам деб аталади.Табель НЎА таркибидаги алмаштиргичларнинг бир неча тури, иншоотнинг хусусиятдан келиб чикиб ўрнатилиши мумкин. Сув сатхини ўлчовчи алмаштиргичлар барча иншоотларда, харорат, зўрикиш, силжиш ўлчайдиган алмаштиргичлар бетон ва грунтли тўгонларда кўпрок кўлланилади. Табель НЎА нинг сони иншоотлар бир хир параметрларга эга бўлса хам напор ошиши билан ошиб боради. Бунинг устига хар хил алмаштиргичлар сони хам ошиб 10…15 турга етади. Бундай хажмдаги ўлчов ишларини натижаларига кайта ишлов бериш, маълумотларга статистик кайта ишлов беришсиз кийин кечади. Шунинг учун хам ахборотларни рўйхатга олиш ва кайта ишлов бериш учун хар хил НЎА, ЭХМ ва назоратни автоматизациялашган тизими пульти (ПАСК) кулланилади. Шундай килиб юкори тезликли оким ўтаётган сиртлардаги эррозия жараёнларини, шунингдек тошкин ўтиш пайтида узандаги махаллий ювилишларни кузатишда навбатчи оператор ёки ПАСК вакти – вакти билан алмаштиргичлар ўзи ёзар кўрсаткичларини улаб (кўшиб) кузатиш тизими курилмаларининг ишини назорат килиб боради. Йўл куйиб бўлмайдиган эррозия бузилишлари ёки махаллий ювилишлар вужудга келганда алмаштиргичдан сигнал келиб тушади. Юкори ювилишлар, хакида сигналлар якка бўлганда тошкиндан кейин сиртлар сувга тушувчилар томонидан текширилиб чикилади, сигналлар сони кўп бўлса зудлдик билан иншоотнинг хавфсизлигини таъминлаш бўйича чоралар кўрилади.

Худди шундай, назорат килинадиган омиллар чегаравий йўл кўйиладиган кийматга етганда ва кайт килинганда хам иш тутилади: динамик юкламалар, иншоотлар тебранишлари, тебранма силжишлар, деформациялар, зўрикиш, сейсмик таъсирлар ва ш.ў. Динамик жараёнларнинг статистик характеристикаларини аниклаш учун автоматик равишда график кургичлари билан бутланган махсус ЭХМ – компьютерлар кўлланилади. Тадкикотлар натижаларига ишлов бериш тезкор ва комплекс (тўла) бўлади. Тезкор ишлов бериш бевосита тадкикотларни ўтказиш даврида бажарилади ва бевосита иншоотларни ишлатиш даврида олинади хамда иншоотлар иш режимини ўзгартириш ёкир аникланган камчиликлар, бузилишларни бартараф килиш бўйича чоралар кўриш учун хизмат килади. Комплекс кайта ишлов бериш кўп холатларда илмий-текшириш ташкилотлари томонидан, иншоотлар ишини яхшилаш бўйича тавсиялар ишлаб чикиш, ишлатиш шароитларига аникликлар киритиш, таъмирлаш – кайта тиклаш ишларининг ва бошка ш.ў. ишларнинг зарурлигини асослаш учун олиб борилади. Тадкикотлар материаллари кайта ишлов берилгандакн сўнг, барча хулоса ва тавсия билан хисобот сифатида расмийлаштирилади хамда фойдаланувчи ташкилотга фойдаланиш учун берилади. Ишоотларни ишлатиш коидаларини тузиш бўйича асосий кўрсатмалар Хар бир гидротехника иншооти учун эксплуатация хизмати ўз функциясини яхши бажариши, ўз вактида иншоотларга техник каровни ўтказиш, кузатиш ишларини олиб бориш, таъмирлаш ва кайта тиклаш, замонавийлаштириш ишларини амалга ошириш, иншоотлардаги ушбу эксплуатацион тадбирларни режалаштириш ва хисобот ишларини, шунингдек сув таксимлаш ишларини тўгри бажарилишини таъминлаш максадида иншоотларни ишлатиш коидалари (кўрсатмалари) ишлаб чикилади.

Ишлатиш коидалари тузилиши лозим бўлган гидротехника иншоотлари каторига барча гидротехнтика иншоотлари, щу жумладан сув омбори узели гидротехника иншоотлари, сугориш эхтиёжи учун сув омборлар, дарёдан тўгонли сув олиш узеллари, йирик магистрал каналлар, йирик насос станциялари ва уларнинг каскадлари, барча турдаги ГЭСлар ва уларнинг каскадлари ва ш.ў.лар киради. Хар бир холат учун техник ишлатиш коидалари иншоотлар турига ва тайинланишига караб ўз хусусиятига эга бўлади, уларнинг принципиал фарки жудаям кам бўлади, чунки барча иншоотларда 2.4 да келтирилган ишлар гурухлари ва рўйхати тўлик бўлмасаям бажарилиши керак. Бундан ташкари улардаги техник каров, таъмирлаш – кайта тиклаш ишлари рўйхати 5…12 бобларни инобатга олганда кенгайиши мумкин, бу объектларни техник холатини яхшилаш ва хавфсиз ишлатилишига замин бўлади. Куйида мисол тарикасида сув омбори узелини техник ишлатиш коидаларини таркибини куриб чикамиз, у кўйидаги бўлимларни ўз ичига олади: 1. Дарё, сув омбори, гидротехника иншоотлари ва сувдан фойдаланувчиларга кискача характеристикалар. 2. Сув ресурсларидан фойдаланиш режими ва гидроузел иншоотларини ишлатиш хусусиятлари. 3. Гидрометеорологик хизмат кўрсатиш ва санитария мухофазаси. 4. Гидроузел иншоотлари техник холатини кузатиш ва назорат килиш ишларини ташкил этиш. Кузатиш ишларининг масалалари, назорат килиш турлари, назорат килиш хизматини ташкил килиш, иншоотларни НЎА билан жихозлаш белгиланади 5. Техник ишлатишнинг асосий коидалари. Эксплуатация хизматини техник хужжатлар, паспортлар, кўрсатмалар, кузатишларни ўтказиш ва натижаларига ишлов беришни таъминлаш масалалари кўриб чикилади.

6. Кўз билан кузатишлар. Чўкиш, коплама ва мустахкамловчиларни деформациялари, фильтрация, бетон иншоотлар холати устидан инструментларсиз кузатишнинг асосий коидалари ишлаб чикилади. 7. Грунтли иншоотлар (тўгонлар, дамбалар, ўраб турувчи конструкциялар ва ш.ў.)ни кузатиш. Реперлар, маркалар, пьезометрлар, сизиб ўтган сув сарфини ўлчаш учун курилмалар ва бошка НЎА жойлашув схемалари, улар конструкциялари, кузатишлар услублари, даврийлиги, олинган натижаларга кайта ишлов бериш ва тахлил килиш келтирилади. 8. Яхлит бетон иншоотларини кузатиш. Иншоотларнинг тургунлигини характерлайдиган кузатишлар, фильтрацион вазият, чоклар ва бўлиши мумкин ёрикларни очилиши, бетон коррозияси ва у оркали фильтрация, бетонга техник каров каби ишларни назарда тутади. Бошка барча холатлардагидек кузатишлар даврийлиги аникланади ва олинган маълумотлар тахлил килинади. 9. Сув ўтказувчи иншоотлар ва гидромеханик жихозларни ишлатиш. Муз ва майда муз бўлаклари тўпламини хосил бўлиши, уларни ўтказиб юбориш хусусиятлари, пастки бьеф иши, сув ташлама элементларидаги кавитация, тебранишлар, динамик таъсирлар, коррозия хосил бўлишига ва ўсишга карши курашиш масалалари ёритилади. 10. Тошкин ва сел сувларини ўтказиб юбориш. Гидротехника иншоотларини тошкини ва сел сувларини ўтказишга тайёрлаш, уларни ўтказиш хамда тошкин ва сел сувлари ўтгандан кейинги даврларда ишлатиш хусусиятлари кўриб чикилади. 11. Сув омбори зарурий техник холатини ушлаб туриш бўйича тадбирлар. Табиатни мухофоза килиш ва санитария зоналари бўйича тадбирлар, лойка босишини олдини олиш, сув сатхи, харорати ва бугланишини, муз хосил бўлиш режими, ўсимликлар ўсиб кетиши, тўлкинланиш жараёнлари, киргокларни кайта шаклланиши (емирилиши), щунингдек ўприлиш деформацияларини кузатишлар баён килинади. 12. Техника хавфсизлиги, ёнгинга карши тадбирлар.

13. Хужжатлаштириш ва хисобот. 14. Гидроузелнинг ташкилий тузилмаси ва бошкарув штати. 15. Гидроузелни таъмирлаш ва ишлатиш учун лойиха-смета хужжатларини тузиш (сарф-харажжатларни аниклаш) тартиби. 16. Гидроезелни таъмирлаш ва ишлатиш учун керакли механизмлар, жихозлар, транспорт воситалари, моддий-техник ресурслар, меъёрларини хисоблаш. 17. Эхтиёт кисмлар, материалларнинг авария захираси (меъёри ёки лойиха бўйича). 18. Керакли эксплуатацион – таъмирлаш ишларини бажаришни ташкил килиш ва технологияси. Ишлатиш бўйича кўрсатма (коида)ларни лойиха ва илмий-текшириш ташкилотлари тузади. Ишлатиш даврида эса фойдаланувчи ташкилот унга гидроузел иш тажрибаси ва кузатиш ишлари натижаларидан келиб чикиб аниклик киритиб боради. Сув омборини ишлатиш бўйича кўрсатма (коида) лар ишлаб чикилиши жараёнида махаллий: давлат санитария назорати, ветеринария назорати, баликлар захирасини химоя килиш ташкилоти, гидромет ва бошка манфатдор органлар билан келишиб олинади ва бу хакидаги келишув варакаси унга илова килинади.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в.

O'xshashlar

Гидротехника иншоотларини затворлари

Гидротехника иншоотларини реконструкция килиш

Гидротехника иншоотларини таъмирлаш қайта тиклаш ишлари

Юкори тезикка эга окимли гидротехника иншоотларини кузатиш хусусиятлари

Гидротехника иншоотлари