Марказий осиёда тасаввуф ва унинг халкимиз маънавий хаётида тутган урни - Sotsiologiya - Referatlar

Марказий осиёда тасаввуф ва унинг халкимиз маънавий хаётида тутган урни

Yuklangan vaqt:

20.09.2019

Ko'chirishlar soni:

0

Hajmi:

140 KB

Ko'chirib olish

www.arxiv.uz Режа: 1 . Тасаввуфнинг келиб чикиши, мазмуни ва ривожи. 2. Мовароуннахрлик буюк тасаввуф вакиллари. 3. Мустакиллик ва тасаввуф.

www.arxiv.uz 1. Тасаввуфнинг келиб чикиши, мазмуни ва ривожи Шарк халклари тафаккурини асрлар давомида нурафшон этиб, халкимизнинг маънавияти ва маърифатига чукур таъсир утказган тасаввуф – суфийлик таълимоти VIII асрнинг урталари IX асрнинг бошларида шакллана бошлаган ва ундан кейин кенг ривож топган. Исломда зохидлик анъаналари пайдо булиши ва ривожланишининг сабаблари мусулмон жамоаси яшай бошлаган дастлабки икки асрдаги ижтимоий-сиёсий ихтилофлар, чукур гоявий ва маънавий изланишлар билан давом этган диний хаётнинг мураккаблашуви натижасидир. Илк суфийлар, яъни зохидлар (тарки дунё килганлар) нинг узига хос хусусияти Куръон мазмуни устида мушохада килиш, кундалик хаётда бу илохий китоб ва пайгамбар хадислари курсатмаларига катъий риоя этиш, куп марта кушимча намоз укиш, бедорлик ва руза тутиш, хар кандай дунёвий нарсалардан юз угириш, кундалик хаётда такволи булиш, хусусан рухсат этилган нарсалар билан ман килинган нарсаларни катъий ажратиш, дунёвий ва харбий хукуматлар билан хамкорлик килишдан воз кечиш, узини такдири илохийга топшириш булган. Улар факирликни улуглаб, охиратни уйлаб тавба килиш кайфияти билан яшаган, берганига шукур килганлар, азоб- укубатларга сабр-токатли булишни таргиб этганлар. Тасаввуф – суфийлик дастлаб зохидлик яъни бу дунё хою-хавасидан воз кечиш харакати куринишида булиб Багдод, Басра, Куфа, Дамашк каби шахарларда кенг ёйилган. Аммо зохидлик биз тушунган даражадаги тасаввуф эмас, шу билан бирга тасаввуфни зохидликдан айри холда тасаввур этиш хам мумкин эмас. Чунки зохидлик харакатида тасаввуфнинг макомлари, конун- коидалари тугал ишлаб чикилмаган, муайян тизимга тушиб шаклланмаган куринишда булган. Тасаввуф «Суфий» сузидан келиб чиккан. Араблар суф деб жундан булган матони айтадилар. Дастлабки даврларда зохидлик – таркидунёчилик йулини тутганлар жундан тукилган чакмон-хирка ёки пустин кийиб юришни одат килганлар. Уларни бошка кишилар жун чакмон, пустин кийиб

www.arxiv.uz юрувчилар, яъни суфийлар деб атаганлар. Суфийлар бошка кишилардан пок ва гиробна хаёт кечириши, доимий тоат-ибодатда булиши ва факат илохий рухга кушилишни максад килиб куйиши билан ажралиб турганлар. Улар учун ягона истак Аллохнинг дийдорига етишишдир. Дунёвий хамма нарсадан воз кечиш, охир-окибатда узликдан кечиш-суфийлик таълимотининг мохияти саналади. Буюк суфий Боязид Бистомий айтадиларки: Узингдан утдинг, Аллохга етдинг. Хожа Бахоуддин Накшбанд айтадиларки: Бизнинг хеч нарсамиз йук, лекин хеч нарсадан камимиз хам йук. Уша «хеч»… нарса кетидан югуриб гам ташвишда хам эмасмиз. Эгнимизда жанда, оркамизда гуристон, агар улсак хеч бир мотам керак эмас. Суфийлик – тасаввуф аввало кишининг курглига, калбига таянади. Кунгилни, калбни тарбиялашга, покизалашга интилади. Чунки Аллох факат кишининг покиза калбидагина жилва килади. Суфийлик таълимотида инсондаги жамики худбинлик, иллат, разолат, бойликка хирс куйиш жисм эхтиёжи ва нафс таъмасидан келиб чикади, деб каралади. Суфизм (тасаввуф) аслида комил инсон ва инсон камолоти тугрисидаги таълимот деса булади. Комил инсон булиш учун эса аввало жисм ва нафс эхтиёжи ва таъмасини енгиш керак. Дунёга, бойликка мехр куйиш инсонни нафсга кул килиб куяди. Суфийлик йулини тутган киши нафсни рад этади. Нафс барча худбинлик ва разолат, фалокат ва маънавий халокатнинг сабабчиси. Нафс инсонни тубанлик боткогига ботирувчидир. Ана шу фалокат ва иллатлардан фориг булишнинг бирдан-бир тугри йули нафс эхтиёжини енгиш, босиб утишдир. Бунинг учун дунё мухаббатидан воз кечиш ва Аллох мухаббатига кунгил боглаш даркор. Суфийлик буни инсоннинг узлигини англаш йули деб карайди. Хожа Бахоуддин таъбири билан айтганда: Уз нафсининг ёмонлигини таниш узлигини танишдир. Машхур тарикат (сулук) шайх (йулбошчи, байрокдор) лари тасаввуф тушунчасига киска ва лунда килиб нафс билан богланган холда таъриф берганлар. Чунончи Шайх Нурий «Тасаввуф нима?» деган саволга:

www.arxiv.uz «Тасаввуф – нафс лаззатларидан воз кечишдир»; Шайх Сафий Алимшох: «Тасаввуф нафс манзилларини босиб утишдир»; Шайх Равим: «Тасаввуф – Худо йулида нафсдан кечмокдир»; Суфий шоир Бобо Тохир: «Тасаввуф – нафсоний – хайвоний хаётда улмок ва инсоний хаётда яшамок», - деб жавоб кайтарганлар. Хуллас, тасаввуфда нафс бузуклиги, очкузлиги, худбинлиги хар томонлама кораланади. Тасаввуф ахли учун асосий масала калбни поклаш, уни худбинлик зангидан тозалаш булган. Улар бу ишни нафсни поклашдан бошлаганлар. Бунинг учун нафсни поклаш йулларини ишлаб чикканлар. Нафсни ва шу оркали кунгилни поклаш эса риёзат чекиш оркалигина булади. Риёзат чекиш шунчаки, сабр-токатли булиш, кийинчиликларга бардош бериш эмас. Балки, Хак йулида онгли равишда инсон уз олдига улуг бир максадни белгилаб, унга етишиш учун ихтиёрий равишда барча кийинчиликларни зиммасига олиб, тусикларни енгиб утиб, олга максад сари интилиш риёзат булади. Тасаввуф тарикатлари риёзат чекиш оркали инсон нафси ва кунглини поклаш йули булиб, уни темирчининг оловли курасига киёс этиш мумкин. Унда инсон кунгли аввал мумдек юмшаб шакл олади, сунг чиниктирилади ва сайкал берилади. Охирида кунгил пулат кузгу сингари сайкал топадики, узида илохий нурни акслантириб, ой сингари нурланиб, узи хам атрофга зиё тарата бошлайди. Ана шундай кунгил эгаси комил инсондир. Бундай инсон узидан атрофга зиё таратади, узга инсонлар рухини хам маърифатли этади, кунгилларни нурлантиради. Буюк суфийлар, тасаввуф тарикатларининг йулбошчилари ана шундай комил инсон булганлар. Улар риёзат чекиш оркалигина у дунё ва бу дунё саодатига эришганлар. Тасаввуф гарчи VIII аср урталари ва IX аср бошларида юзага келган булсада, унинг назарияси ва амалиёти X - XIII асрлар давомида тасаввуф адабиётларида ишлаб чикилиб узининг олий боскичига кутарилган ва накшбандия тараккиётида мукаммал нихоя топган. Уларда инсон ва унинг Худога муносабати кандай булиши кераклиги, Худо ва инсон бирлиги, инсонни Аллох билан кушилиши хакидаги таълимот акс этган. Рухий-

www.arxiv.uz маънавий камолотга эришиш йуллари курсатиб берилди. Бу йул 4 боскичдан иборат: 1-боскич-Шариат. Бунга кура суфийлик йулини тутган тарикат ахли аввало шариатнинг барча талабаларига буйсуниши, уларни бекаму-куст эгаллаши ва амал килиши керак. Шундан кейин 2-боскич-Тарикатга кутарилиши мумкин. Бунда муридлар уз пирлари-муршидларга (шайхларга) итоат этиши, уз шахсий истакларидан воз кечиши шарт. Яъни мурид уз ихтиёрини бутунлай пир (устоз) ихтиёрига топшириши лозим. Бу боскичдан утганлар юкорирок, 3-боскич- Маърифатга кутариладилар. Бунда коинотнинг (борликнинг)бирлиги Худога мужассам булиши, яхшилик ва ёмонликнинг нисбийлиги акл билан эмас, балки калб билан англаб етилади. 4-боскич-Хакикат хисобланиб, суфий (зохид) «шахс сифатида тугаб» «хакикат»га, Худога етишади, унга сингиб кетиб абадийликка эришади. Бунга суфийлар махсус рухий ва жисмоний харакатлар-сигиниш ва ибодатлар оркали интиладилар. Тасаввуф илми-мохиятан ва мазмунан инсон хакидаги илмдир. У инсонларнинг кунглигига, калбига, рухига хитоб этган, одамларни хамиша поклик ва эзгуликка чорлаган, тугрилик, ростгуйлик, халоллик ва тинчликни таргиб килган, ёмонларни йулга солишига даъват этган. Тасаввуфчи шайхлар ва уларнинг шогирдлари суфийлик йулини тутган кишиларни на дунёдан, на охиратдан таъма килмасликка, нафс кучасидан утмасликка ундаганлар. Суфийлик одоб-ахлокли, калби ва рухи пок, билими юкори инсонларни- яъники комил инсонларни тарбиялаб камолга етказишни узларининг асосий бурчи ва максади деб билганлар. Бошка суз билан айтганда, инсоннинг рухий-маънавий камолоти тасаввуфнинг асосий максади булиб, бу максад йулида хар бир улуг шайх уз тартиб коидаларини ишлаб чиккан ва шу асосда турли тарикат сулуклари шаклланган. Юкоридагиларни умумлаштириб «…тасаввуф – бу илохият олами, инсон маънавияти, рухияти, эхтиёжлари ва унинг Худога муносабати хакидаги фалсафий таълимот» 1 – дейишимиз мумкин. 1 Бўронов Қ. Халқимиз маънавияти ва маърифатининг теран илдизлари. 35-бет.

www.arxiv.uz Содда килиб айтганда, тасаввуф инсон калбига сайкал бериш илмидир. Халкимиз, айникса ёш авлод бу илмдан 70 йил давомида бехабар колди. Мустакиллик туфайли бошка маънавий кадриятларимиз сингари тасаввуфий кадриятларимиз кайта тикланди, улар хар жихатдан урганила бошланди. 2. Мовароуннахрлик буюк тасаввуф вакиллари. Тасаввуф харакати араб мамалакатларида вужудга келиб, сунгра бошка мамлакатларда, жумладан Мовароуннахрда кенг таркалган. Урта Осиёда Яссавия, Кубровия, Накшбандия каби суфийлик тарикатлари шаклланди ва шу ердан бошка улкалар халклари орасида кенг ёйилган. Юртбошимизнинг Тошкенгт Ислом Университетининг ташкил этиш тугрисидаги Фармони ва шу фармонга шархда таъкидланганидек: «Ислом оммалашуви ва ривожи сифатида вужудга келган тасаввуф хам Урта Осиё шароитида Яссавия, Кубровия, Накшбандия тарикатларини вужудга келтирдики, улар бутун Урта Шарк ва Жанубий Осиё мамлакатларининг асрлар давомида маънавий, маданий ривожланишида мухим роль уйнади». 1 Хакикатан хам тасаввуф ривожида Туркистон фарзандларининг хизмати бекиёс булган. Хожа Хаким ат-Термизий, Шайх Абу Мансур ал- Мотрудий, Хожа Абдухолик Гиждувоний, Хожа Ахмад Яссавий, Нажмиддин Кубро, Сулаймон Бакиргоний, Бахоуддин Накшбанд каби сиймолар илохий маърифат йулининг рахномолари булганлар. Тасаввуф йулида риёзат чеккан буюк шайхларнинг Ислом дунёсидаги сони 644 нафар булиб, шулардан 100 дан ортиги Туронзаминдан чиккан. Улар яратган таълимот ва илгари сурган маънавий-ахлокий, маърифий гоялар хозирда хам уз ахамиятини йукотган эмас. Биз бу уринда Ахмад Яссавий, Нажмиддин Кубро, Бахоуддин Накшбандларнинг фаолияти ва таълимотлари хакида фикр юритишни лозим топдик. Ахмад Яссавий – Туркистонда шаклланган тасаввуфнинг йирик номоёндаларидан бири. Яссавий донишманд, шоир, Яссавийлик 1 «Халқ сўзи» газетаси, 1999 йил, 8 апрель.

www.arxiv.uz тарикатининг асосчиси. Сайрамда Иброхим ота оиласида дунёга келган. Манбаларда 1105-1166Г67 йилларда яшаганлиги кайд этилган. У Бухорода Абдухолик Гиждувоний билан биргаликда машхур шайх, тасаввуфнинг йирик вакили Юсуф Хамадонийдан тасаввуфдан сабок олган. Сунгра Туркистонга кайтиб, мустакил Яссавия тарикатига асос солиб, уз таълимоти буйича муридлар тарбиялаган. Мазкур тарикатда мурид амал килиши шарт булган унта коида, талаб мавжуд. Улар асосан шайх ва мурид уртасидаги муносабатларга оид. Булар куйидагилардан иборат: 1. Муриднинг хеч кимсани уз паридан афзал курмаслиги, доимо унга таслимият изхор килмогининг шартлиги; 2. Мурид шунчалик зукко ва идрокли булиши керакки, у уз пирининг хатто ишораларини хам мукаммал англай оладиган булсин; 3. Муриднинг пир (шайх) нинг барча сузлари ва ишларига содик булиши хамда унга мутлок мутеъ (карам) булиши; 4. Муриднинг уз пири барча топширикларини чакконлик билан сидкидилдан бажариб, пирни хамиша рози килиб юрмоги; 5. Муриднинг уз сузига содик, ваъдасига амал килувчи, пири кунглида хеч кандай шубха тугилишига урин колдирмаслигининг шартлиги; 6. Муриднинг уз ваъдасига вафодорлиги ва сузида устивор турмогининг лозимлиги; 7. Муриднинг уз ихтиёридаги барча мол-мулкини, бутун бор-йугини уз пирига бахшида этмок учун тайёр турмоги; 8. Муриднинг уз пири барча сир-асрорларидан огох булиши; 9. Муриднинг уз пири барча таклифларини назарда тутиб, унинг мушкулотини осон килмогининг, панду-насихатларини бажо келтирмогининг шартлиги; 10. Муриднинг Аллох висоли учун уз пири йулида бутун молу жонини бахшида этмокка тайёр туриши, пирнинг дустига дуст, душманига душман булиб яшамогининг шартлиги. 1 1 Қаранг. Ж ўраев У., Саиджонов Й. Дунё динлари тарихи. 148-бет.

www.arxiv.uz Яссавий эл орасида катта обру орттириб, авлиё деб улугланган. «Мадинада – Мухаммад, Туркистонда - Ахмад» деган овозлар таркалган. У Яссида вафот этган. Мозори мукаддас кадамжога айланган. 1395-1397 йилларда Амир Темур Яссавийнинг кабри узра махобатли макбара курдирган. Ахмад Яссавий ислом ахкомларини туркий халклар орасида ёйилишига катта хисса кушди. У уз хикматларида ишк, поклик, халоллик, ёлгондан сакланиш, киши молига хиёнат килмаслик, тугрилик каби инсоний фазилатлар хакида куйлади. У туркий тасаввуф адабиётида узига хос мактабга асос солди. Туркий дунёда бирор суфий шоир йукки, унга эргашмаган, ундан урганмаган булсин. Ахмад Яссавийнинг тасаввуфий карашлари унинг «Хикматлар» шеърий тупламида берилган. Унда инсоний гоялар, ахлокий панд- насихатлар, ислом дини акидалари ва хадисларда илгари сурилган маънавий- маърифий фикрлар содда услуб билан, халкона равон тилда баён килинган. Яссавий – тасаввуфнинг машхур ва оташин куйчиси. Унинг хикматларида илохий ишк улугланади. Аллохни таниш, унинг ишкини идрок килиш, Хак васлига эришиш, ундан бошка нарсага кунгил куймаслик хакида фикр юритилади. Яссавий инсон хаётидаги катта кураш-нафс эхтиёжларини таслим этиш йулидаги кураш деб хисоблайди. Нафс инсон учун катта ёв, душман дейди. Шу ёвнинг бошини янчган, уни енгган, нафс эхтиёжларига таслим булмаган кишининг гурури, инсоний кадр-кимматини хеч ким поймол кила олмайди, деб билган. Бу хакда уз хикматларидан бирида шундай ёзади: Нафс йулига кирган киши расво булур, Йулдан озиб, тойиб, тузиб гумрох булур. Ётса-турса шайтон билан хамрох булур… Нафсни тебгил, нафсни тебгил эй бадкирдор, - деб хитоб килади.

www.arxiv.uz Яссавий нафсни инсондаги ички катта душман, у инсондаги бутунликни, иймонни синдиради деб курсатади. «Хикмат» ларда поклик, халоллик, тугрилик, етим-есир, бева-бечора, йуксил, гарибларга гамхур булиш лозимлигини айтиб, шундай дейди: Гарибларни курган ерда огритмангиз, Етимларга аччигланиб суз котмангиз. Заиф куриб гарибларга тош отмангиз, Бу дунёда гарибликдек бало булмас. Ахмад Яссавий нодонликни хам кескин танкид этган. Нодонлик шунчаки локайдлик, бефарклик, илмсизлик, жохилликкина эмас, балки риёкорлик, илмга амал килмаслик, Аллохни алдаш, мунофикликдир. Нодон билан дузахда хам бирга булиш мумкин эмас. Ундан дузох хам хазар килади, у халкнинг кулфати, аклнинг жаллоди, деб билади. Дуо килинг нодонларни юзун кумай, Хак таоло рафик булса бир дам турмай. Бемор булса нодонларни холин сурмай, Нодонлардин юз минг жафо курдим мано. Шундай килиб, Яссавий «Хикматлар» ида инсонга хос булган барча ижобий хислатлар улугланади, салбий иллатлар кораланади, мехр-мурувват, ишк, садокат, адолат тараннум этилади. Нажмиддин Кубро – тасаввуфнинг машхур шайхларидан бири, Кубровия силсиласининг асосчиси. Унинг лакаблари: «Нажмиддин» - «Диннинг юлдузи», «Кубро» - «Улуг», «Валийтарош» - «Валийларни тарбияловчи». Кубро 1145 йилда Хоразмда таваллуд топган. Ёшлигиданок хадис ва каломни урганади. Илм истаб Миср, Шом, Багдод, Нишопур ва Тус каби шахарларга боради. Уша даврнинг буюк шайх ва олимлари: Бобо Фараж, Исмоил Касрий, Аммор Ёсир, Рузбехон Мисрий ва бошкалардан зохирий ва ботиний илмларни урганган. Уз юртига кайтгач, хонакох очиб, валийлик – устозлик килган.

www.arxiv.uz Боскинчи Чингизхон лашкарлари 1221 йилда Хоразмга якинлашиб юрт огир ахволда колганида 76 ёшли Кубро она юртини ххимоя килишга отланади ва мугуллар кулида кахрамонларча шахид булади. Айтишларича улими олдидан ялов ушлаган бир мугул аскарига ташланиб, уни махкам ушлаган. Улимидан сунг яловни унинг кулидан киркибгина ола олганлар. Бу хакда Мирзо Улугбек «Турт улус тарихи» асарида шундай ёзади: «Муршиди аъзам Шайх Нажмиддин Кубро худо амри билан Хоразм учун бошини тикди. Бошини топширишда котил яловига ёпишди. Дини хак иклимининг шохи. Ул пир сарпанжасидан ун забардаст йигит яловни чикариб ола олмадилар. Сайидлар шайхи сарпанжасида кофир яловини куриб хайратда колган окиллар бу холни шархладилар: Ялов учини Шайх тутиб, таърих айтдики, вафотим санаси «Шохи шухадо» («Шахидлар шохи») дир. … Биз шундай улугларданмизки, гавхар тутамиз; орик эчки тутган пасткаш эмасмиз. Имон кадахидан бир кулимиз билан май ичсак, иккинчи кулимиз билан кофир яловидан тутамиз». 1 Ватандошимиз Нажмиддин Кубронинг бу жасорати авлодлар учун, ватанпарварликнинг ёркин тимсолидир. Нажмиддин Кубро тарикатининг узига хос хусусияти унинг дунёкарашида ифодасини топган. Худо ва борлик масаласини хал этишда ислом таълимотига асосланади. Унинг фикрича, хамма нарса ва ходисаларинг ягона асоси – бу Аллохдир, борликдаги колган хамма нарса ва ходисалар, шу жумладан, одамзот хам унинг шуъласи, куриниши, жилваланиши деб хисоблайди. Шайх Кубро одамзот умрининг, дунёнинг мохиятини хам тасаввуф нуктаи назаридан туриб изохлайди. Бу хакда шундай деган: «Дунё – уйлаш урни, ибрат манзили, ишрат саройи, куприк биносидир. У муминларнинг экинзори, кидирувчиларнинг бозори, интилувчиларнинг савдо дукони, изланувчиларнинг улови, сулук йулига кирганларнинг куприги, алдаганларнинг маъшукаси, содикларнинг утар жойи, орифларнинг 1 Мирзо Улуғбек. Тўрт улус тарихи. Тошкент, Чўлпон, 1994, 165-166-бетлар.

www.arxiv.uz ахлатхонаси ва шайтонларнинг улкасидир… Унинг билан савдо килганлар алданади, унга кунгил берган йулдан озади… » 1 Нажмиддин Кубро инсон хакидаги карашларида, инсон уз мохияти эътибори билан кичик олам – «олами сугаро» дир, аммо унда катта олам «олами-Кубро» хусусиятлари мужассамдир. Одамзот тараккий этиб борса, у Аллохнинг «Рахим» ва «Рахмон» сифатларидан бошка барча сифатларини билиб олади. Бирок бу йулда унга пири комил рахнамолик килиши лозимлигини таъкидлайди. 2 Буюк суфий узининг асарларида кубровия тарикати аъзолари – соликлар амал килиши, камолотга эришиши лозим булган унта ахлок-одоб коидаларини ишлаб чиккан. Улар куйидагилардан иборат: 1. Тавба. Солик олдинги килмишларига тавба килиб, Худони билиши, унга кайтиши, уз ихтиёри билан уни саваши, зохиран ва ботинан муттасил покланиб, такомиллашиб бормоги лозим. 2. Зухд фи-дунё. Тарикат йулини тутган киши барча дунёвий бойликлардан, мол-мулк ва ноз-неъматлардан воз кечиши, узини тийиши даркор. 3. Таваккул ал-Алло. Тарикат аъзоси Аллохга мутлоко ишониши, унга ситкидилдан эътикод килиши, барча ишларни килишда унинг мехрибонлиги ва кудратига умид боглаши зарур. 4. Каноъа-каноат . Солик мол-дунёга, бойликка муккасидан кетмаслиги, унга хирс куймаслиги, оз нарса билан каноатланиши, сабр-токатли ва каноатли булиши шарт. 5. Узлат. Солик ёлгиз колиб, халойикдан узоклашиб, калбини мустахкамлаб, хис-туйгуларини жиловлаб, ботинан узини чиниктириб, покланиб бормоги зарур. 6. Мулозамат аз-зикр. (Узлуксиз зикр). Тарикат аъзоси доимо Аллох номини тилга олиб, бутун калбини У билан тулдириб 1 Муллахўжаева К. Кўнгилга назар. «Ўзбекистон адабиёти ва санъати» газетаси, 2001 йил, 23 ноябрь. 2 Комилов Н. Тасаввуф. 2-китоб. Тавҳид асрори. Тошкент. Ғ.Ғулом номидаги Адабиёт ва санъат нашриёти, 1999, 174-бет.

www.arxiv.uz боришининг шартлиги. Шундагина пасткашлик, хасад, очкузлик, иккиюзламачилик ва бошка салбий иллат ва разилликлар киши кунглига йул топа олмайди. 7. Таважжух. Солик бутун калби, бор вужуди билан Аллохга мурожаат килиши, Унга чексиз мухаббат куйиши, ундан бошка нарса борлигини хис этмаслиги лозим. 8. Сабр. Солик тугри йулдан адашмасдан бориши учун уз майлларини сундириши, хайвоний хусусиятлардан – шахвоний хирсу хаволардан кутулмоги керак. 9. Мурокаба. Тарикат аъзоси уз калбини хар кандай пасткашликлардан сакламоги, риё ва макру хийла найранглардан халос булмоги шарт. Шундагина дил ёмон иллатлардан покланади, рух нафс натижасида занглаб колган булса, жило топади. 10. Ризо. Суфий энди Аллох уни севиб колганлигини сезади. Ризолик макоми соликнинг Хакка етишганлигини билдиради. 1 Юкоридаги конун коидаларда тасаввуфнинг хам назарий, хам амалий масалалари уз аксини топган. Бахоуддин Накшбанд (1318-1389) – накшбандийлик тарикатининг буюк намоёндаси. Эл орасида Хожа Бахоуддин Балогардон, Хужаи Бузрук, Шохи Накшбанд номлари билан машхур. Бухорода Касри Хиндувон кишлогида тугилган. Бахоуддин Накшбанд Бобойи Самосий, Амир Кулол, Мавлоно Ориф, Халил ота, Кусам Шайх каби устозлардан сабок олган. У икки марта хаж килган. Гарибона хаёт кечирган, факат уз мехнати оркали дехкончилик ва кейинрок мис ва кимхобга накш солиш билан кун курган. Уз таълимотини яратишда Абдухолик Гиждувоний асос солган. «Хожагон» силсиласининг саккиз моддадан иборат коидасига узининг уч коидаси (талаби) ни кушиб уни такомилга етказди. Шу тарика тасаввуф накшбандия тарикатида янада мукаммалликка эришди. 1 Қаранг. Ислом энциклопедия. 138-139-бетлар; Бўронов Қ. Халқимиз маънавияти ва маърифатининг теран илдизлари. 52-бет.

www.arxiv.uz Бахоуддин тахаллуси Накшбанднинг динни мустахкамлаш ва тараккий эттириш учун килган хизматлари улуг ва бекиёс булганлиги учун берилган. Маъноси диннинг фахри, бебахоси демакдир. Накшбанд тахаллусига келсак у икки мазмунда талкин этилади. Бири ул зот мисга, матога гул, накш солувчи булганлиги учун накшбанд тахаллуси берилган деб эътироф этилади. Иккинчи талкин эса Аллохни калбига накш килиб олган деган маънода ифодаланади. Бахоуддин Балогардон дейилишининг сабаби устози Шайх Бобойи Самосийнинг Накшбандга карата айтган «Каромат килибдурларки, нозил булган бало сенинг барокатингдан дафъ булгай!» сузларига нисбат берилади. Яъни ул зот кишиларнинг, элу юртнинг бошига келгувчи балою казоларни, ёвузликларни кайтарувчи, дафъ этувчилик каромат сохиби булганликларини англатади. Халкимизда бежизга Бахоуддин Балогардонга етти танга атаб юбор деб айтилмайди. Бахоуддин Накшбанд шону шухратнинг шох супасига кутарилганларида хам узлари учун хизматкорлар сакламаган экан. Аксинча шоху гадо баробарлиги тугрисидаги адолатли гояни илгари сурган. «Хожалик бандаликка тугри келмас, Аллох олдида барча баробар» - деб айтган. Накшбанд узини доимо хукмдорлардан узокда тутган. Одамларга яхшилик килиш энг юксак инсоний бурч эканлигини таъкидлаб, шам каби ёнгил, элга ойдинлик улаш, аммо узинг хилватда тургил деб айтган. У хамма учун, айникса оддий халк, хунармандлар учун кул келадиган «Дил ба ёру даст ба кор» - «Дил ёр (Аллох) билан, кул иш билан банд булсин» шиорини уртага ташлаган. Бу шиор накшбандийликнинг асосий мохиятини ташкил этади. Айтиш жоизки мазкур хаётбахш шиорда тасаввуфни назарий ва амалий жихатлари тугал холга келганлиги уз ифодасини топган. Чунончи, тасаввуф йулига кирган киши Тавхид (Аллох) мохиятини узи учун англаб етди, энди бундан кейин нима килиши керак? Бу саволга тасаввуфнинг охирги тарикати Накшбандия жавоб берди. Биринчи максадга эришилди – «дилда ёр» (Аллох) холати мавжуд, энди ишга киришмок лозим – «даст ба кор» га утиши керак.

www.arxiv.uz «Дилда ёр» холати тасаввуф йулига кирган кишининг дилида, яъники калбида гараз, худбинлик йуклигини, унинг поклигини билдиради. «Даст ба кор» ишга кул урилса тасаввуф ахлининг уз шахсий гаразли максадлари учун эмас, холис Аллох учун, хакикат ва адолат тантанаси учун амалий харакатга киришилган булади. Шу сабабли хар нафас «дилда ёр» булиши, «Аллох» исми дилда зикр этилиши, яъни «Хуш дар дам» коидасига амал килиши такозо килинади. Чунки Аллох номи бир нафас дилни тарк этса, дархол урнини гараз, худбин бир ният эгаллаши мумкин. «Назар бар кадам» шу маънога якин туриб, у бехуда бирор кадам куймаслик, хар бир амалий харакатнинг Аллох йулида куйилаётганини хис этиб, диккат билан кузатиб, назардан кочирмай бориш кераклигини билдиради. 1 Накшбанд илгари сурган «Дил ба ёру даст ба кор» шиорини янада соддарок тарзда шундай изохлаш мумкин. Тасаввуф ахлининг максади Аллох васлига эришиш булса, бунинг учун тарки дунё килиш, зохидлик йулига кириши шарт эмас, балки Аллохни хар дамда дилда зикр этиб, кул эса мехнат билан банд булган холда хам етиш мумкинлигини англатади. Бахоуддин Накшбанд Исломни хаёт билан, шахс ва оила билан, жамият равнаки билан боглаб «Кам егил, кам ухла ва кам гапир» деб насихат килган. Амир Темур бу шиорга амал килиб, аркону давлатга, барча мулозимларга айтар сузим шу булди: «Кам енглар – очарчилик курмасдан бой-бадавлат яшайсизлар, кам ухланглар – мукаммаликка эришасизлар, кам гапиринглар – доно буласизлар», 2 – деб ёзган. Накшбанд доимо адолатни, мехнат асосида бунёд этилган халол лукмани макуллаган. Бу жихатдан унинг «инсондаги яхши феъллар, яхши амаллар халол лукмондандир» сузлари биз учун ибратдир. Накшбандия тарикати узининг мазмун-мохияти жихатидан янги тарбия усуллари – сухбат таълими, яширин, ботиний зикр, «анжуман ичра хилват»ни олга суради ва таргиб килиши билан ажралиб туради. Яъни Аллохга якинлашишнинг бутунлай янги булган, сифат жихатдан аввалги 1 Қаранг. Имомназаров М., Эшмухамедова М. Миллий маънавиятимиз асослари. 176-бет. 2 Амир Темур ўгитлари. Тошкент, Наврўз, 1992, 58-бет.

www.arxiv.uz тарикатлардан тубдан фарк киладиган ун битта коида, талаб ва усулларини ишлаб чикканлиги билан ажралиб туради. Бу усул ва коидалар куйидагилардан иборат: 1. Хуш дар дам. Тарикат аъзоси доимо Аллох номига зикр килиши, зикрга гарк холатда хушчакчак булиб юрмоги лозим. Ботиндан чикаётган хар бир нафас хушёрлик ва огохлик, хузур ила чикмоги лозим, токи бунда гафлат унга хеч йул топа олмасин. 2. Назар бар кадам. Муриднинг назари доим оёк панжаларининг устида булсин, унинг назари бошка нарсаларга сочилмасин ва кераксиз жойга тушмасин. Лозим булмаган жойга бормасин. 3. Сафар дар ватан. Тарикат аъзоси башарий табиатда сафар килсин, маъносини билдиради. 4. Хилват дар анжуман. Муриднинг доимо «Калбинг Аллохда, кулинг эса мехнатда» шиорига амал килиб, зохиран халк билан, ботинан Хак билан булишлигини билдиради. 5. Ёдкард. Тарикат аъзоси доимо Аллох ёди билан яшамоги ва зикр тушмоги лозим. 6. Бозгашт. Тарикат аъзоси тили ёки дилида калима келтиргандан сунг унинг оркасидан «Худовандо, менинг максадим сенсан» сузини айтади. Бу коида одамдан яхши ёки ёмон фикрларни хайдовчидир. 7. Нигохдашт. Тарикат аъзосининг хаёлини бир жойга куйиб, хотиржам булиб юриш одатини билдиради. 8. Ёддашт. Тарикат аъзоси Аллохни доимо завк ва шавк ила ёдда тутиш, огох булиш одоби. 9. Вукуфи замон. Тарикат аъзосининг доимо уз вактини хисоб-китоб килиб юриши, вактнинг канчаси хайрли, канчаси ёмонлик учун булганлигини уйлаб юрмоклиги одобини билдириади. 10. Вукуфи ададий. Тарикат аъзоси учун хамиша узининг ягоналигини, танхолигини, вохидлигини назарда тутиб юриш одобидир.

www.arxiv.uz 11. Вукуфи калб. Тарикат аъзосининг хамиша уз дилида Аллохни саклаш билан кунгли тук хамда хотиржам булиб яширин зикр холатида булиш одобини билдиради. 1 Юкорида кайд этилган тарикат аъзоси амал килиши шарт булган коида, талаб, одобнинг саккизтасини Абдухолик Гиждувоний яратган. Улар Бахоуддин Накшбанд томонидан яна учта коида билан бойитилиб такомилга етказилган. Бахоуддин Накшбанд хакида Алишер Навоий «Насойим ул-мухаббат» асарида шундай деб ёзган: «Олий сифатлар эгаси ва муътабар зот, Хак равшанлигининг шохи ва тугри йулнинг гул солувчиси булган Хожа Бахоуддин Накшбанд бу иклим узра тахт кургач, йуклик мулкида хам подшох булди». 1 Хакикатан хам, олтин силсила – силсилот аз-захоб деб аталган ва кунгилларда ишку садокат уругини кукартиришга замин яратган накшбандия тарикати мусулмон оламида асрлар оша чукур илдиз отди. Хозирда Покистонда накшбандия тарикати Жахон маркази фаолият курсатмокда. XXI асрга келиб, нафакат мусулмон оламида, балки АКШ, Германия, Россия, Австралия, Литва каби мамлакатларда хам бу тарикатга ихлосмандлар купайди. «Накшбандийлик тасаввуфни хаётийлаштирган таълимотдир, - дейди Покистондаги накшбандия тарикати Жахон маркази раиси Зулфикор Ахмад. – Ушбу тарикат дарахти хали бутун оламни тутади, чунки унда кишилик тафаккурининг энг амалий ва окилона хулосаси мужассам» 2 3 . Мустакиллик ва тасаввуф. Шуролар мафкураси хукмрон булган замонда КПСС ва Совет давлатининг ёвуз дахрийлик сиёсати натижасида умуман дин, хусусан Ислом дини таъзикка учради. Диний китоблар йукотилади, уламолар таъкиб ва 1 Қаранг. Жўраев У., Саиджонов Й. Дунё динлари тарихи. 154-155-бетлар. 1 Алишер Навоий. Мукаммал асарлар тўплами. 17-том, «Фан», Тошкент, 2001, 261-265-бетлар. 2 «Халқ сўзи» газетаси, 2003 йил 28 ноябрь.

www.arxiv.uz кувгинга учради. Халкимизнинг дахоси билан барпо этилган мачит ва мадраса каби меъморий обидалар бузиб ташланди, борлари каровсиз хароба холга келиб колди. Азиз авлиёлар номи билан боглик кадамжохларга зиёрат килиш такикланди. Дин ривожи йулида фидойилдик килган алломалар, машхур тасаввуфчи мутафаккир ва шоирларнинг: Юсуф Хамадоний, Абдухолик Гиждувоний, Ахмад Яссавий, Нажмиддин Кубро, Бахоуддин Накшбанд, Сулаймон Бакиргоний, Суфи Оллоёр, Хожа Ахрор Валий ва бошкаларнинг маънавий-маърифий меросидан бахраманд була олмадик. Мустакиллик диний кадриятларимизни халкимизга кайтарди. Куръони карим, Хадислар узбек тилида чоп этилди. Ислом йулида фидойилик килган алломалар хаёти ва фаолияти хакида китоблар нашр килинди, уларнинг асарлари чоп этилди. Улар килган яхшилик, эзгу савоб ишлари изсиз кетмади. Кадамжохлар ободонлаштирилди ва ободонлаштирилмокда. Мана бир мисол. 1998 йил Имом Бухорий таваллудининг 1225 йиллиги муносабати ва Президентимиз Ислом Каримов ташаббуси билан ул улуг зот мангу уйкуга кетган жойда замонавий тарихий ёдгорлик мажмуа барпо этилиб, халкимиз зиёратгохига айлантирилди. 2004 йил 27 майда Узбекистон Республикаси Вазирлар Махкамасининг «Бахоуддин Накшбанд ёдгорлик мажмуаси Марказини ташкил этиш тугрисида» карори эълон килинди. Карорда таъкидланганидек ушбу Марказ: «Ислом оламининг беназр намояндаси Бахоуддин Накшбанднинг жахон тафаккур хазинасига ва мукаддас динимиз ривожига кушган улкан хиссасини инобатга олиб, унинг меросини чукур урганиш ва кенг таргиб килиш, эзгулик, маънавий комилликка чорловчи гояларини ватандошларимиз, айникса, ёш авлод калби ва онгига сингдириш хамда алломалар ёдгорлик мажмуаларини асраб-авайлаш ва янада ободонлаштириш борасидаги ишларни такомиллаштириш максадида» ташкил этилди. Бундай хайрли ва савоб ишлар юртимизда мунтазам равишда амалга ошириб келинмокдаки,

www.arxiv.uz улар ёшларни мехнатсеварлик, бунёдкорлик, Ватанга садокат рухида тарбиялашда тасаввур вакилларининг хаётбахш угитларидан янада самарали фойдаланиш имконини кенгайишига ёрдам бермокда. Тасаввуф вакилларининг юбилейлари утказилиб, улар колдирган мерос халкимизга кайтарилди. Жумладан 1993 йилда Бахоуддин Накшбанд таваллудининг 675 йиллиги нишонланди. Ахмад Яссавийнинг «Хикматлар» туплами нашр этилди. 1998 йилда Имом Бухорийнинг 1225 йиллиги; 2000 йилда Мотрудий таваллудининг 1130 йиллиги, Маргинонийнинг эса 910 йиллиги; 2001 йилда «Авесто» нинг 2700 йиллиги; 2003 йилда Абдухолик Гиждувонийнинг 900 йиллиги нишонланган булса, 2004 йилда Накшбандийлик тарикатининг давомчиси Хожа Ахрор Валий таваллудининг 600 йиллиги нишонланади. Буларга факат мустакиллик туфайли эришдик.

www.arxiv.uz Адабиётлар : 1. И.Каримов. Узбекистон: миллий истиклол, иктисод, сиёсат, мафкура. Т., «Узбекистон», 1996й. 2. И.Каримов. Биздан озод ва обод Ватан колсин. Т., «Узбекистон», 1996й. 3. И.Каримов. Ватан саждагох каби мукаддасдир. Т., «Узбекистон», 1996й. 4. И.Каримов. Истиклол ва маънавият. Т., «Узбекистон», 1994й. 5. И.Каримов. Халоллик ва фидоийлик-фаолиятимизнинг асосий мезони булсин. Т., «Узбекистон», 1994й. 6. И.Каримов. Юксак малакали мутахассислар – тараккиёт омили. Т., «Узбекистон», 1995й. 7. И.Каримов. Узбекистоннинг сиёсий-ижтимоий ва иктисодий истикболининг асосий тамойиллари. Т., «Узбекистон», 1995й. 8. И.Каримов. Узбекистон буюк келажак сари. Т., «Узбекистон», 1998й. 9. И.Каримов. Тарихий хотирасиз келажак йук. Т., «Узбекистон», 199й. 10. И.Каримов. Узбекистон XXI асрга интилмокда. Т., «Узбекистон», 1999й. 11. И.Каримов. Хушёрликка даъват. Т., «Узбекистон», 1999й. 12. И.Каримов. Озод ва обод Ватан, эркин ва фаровон хаёт-пировард максадимиз. Т., «Узбекистон», 2000й

O'xshashlar

Мамлакат ижтимоий (социал) хаётида кадриятларнинг урни

Авестонинг Марказий Осиё ижтимоий хаётидаги урни

Маънавий хаёт социологияси

Диншунослик» фанига кириш

Зардуштийлик дини ва унинг мукаддас китоби «Авесто»