Qadimgi Hindiston va Xitoy san‘ati - San'at - Referatlar

Qadimgi Hindiston va Xitoy san‘ati

Yuklangan vaqt:

20.09.2019

Ko'chirishlar soni:

0

Hajmi:

68.5 KB

Ko'chirib olish

Qadimgi Hindiston va Xitoy san‘ati Reja: 1. Hindiston- yuksak madaniyat o’chog’i 2. Hindistonda «Veda» davri. 3. Hindiston san‘atining gullab yashnashida Maurya sulolasi davrining ta‘siri. 4. Qadimgi Xitoyda san‘at namunalarining vujudga kelishi. 5. Qadimgi Xitoy madaniyatida maqbaralarning ahamiyati. .

Tayanch so’zlar Vedalar,Mauryasulolasi,Indra,Agni,Magadxa davri,chaytya,Karkas, Yanshao madaniyati, Lunshan madaniyati, terrakota, pilon, inkrustatsiya, Dars o’tish jarayonida yangi pedtexnologiyalardan (“ Munozara” ) foydalaniladi. 1-savolga javob. Hindistonning shimoli-g’arbidagi Hind daryosi havzasidan topilgan Moxenjo-Doro (Sind viloyati) va Xarappa (Panjob) dan topilgan qadimgi shahar qoldiqlari, madaniyat yodgorliklari eramizdan avvalgi 3 – 2 minginchi yillardayoq Hind san‘ati o’ziga xos, yorqin va jozibador, fantaziyaga boy san‘at bo’lganligini tasdiqlaydi va mifologiya asosida qimmatli san‘at namunalari yaratilganligini anglash imkoniyatini beradi. Eramizgacha bo’lgan davrdan bir necha asr oldinoq, bu yerda matematika, tilshunosliq falsafa, tibbiyot ravnaq topgan, hunarmandchilik rivojlangan, yozuv paydo bo’lgan. Me‘morlik, haykaltaroshlik na rassomlik san‘ati bir-biri bilan uyg’unlashgan holda rivoj topgan. Eramizdan avvalgi bir mingin chi yillarning ikkinchi yarmida bu yerda dastlabki sinfiy davlat paydo bo’lgan. Adabiy manbalarga ko’ra, shu davrlarda ajoyib, hashamatli yog’och me‘morchiligi ravnaq topgan. Bular bizgacha saqlanmagan. Eramizdan avvalgi III asrdan yangi eraning VII asrigacha bo’lgan davrda esa, Hindiston Osiyodagi eng yuksak madaniyat o’chog’iga aylangan. Bu yerda paydo bo’lgan buddizm (buddizm er.av. U11-U1 asrlarda v.k. Uni shu asrda yashagan shahzoda Siddxartxi Gautama (er.av.566-486 yy)yaratgan.Bu diniy-falsafiy ta‘limot Siddxartxiga berilgan Budda (ma‘rifatparvar) laqabi bilan atalgan) ning Osiyodagi ko’pgina yerlarga tarqalganligi ham shundan dalolat beradi. Hindiston san‘ati ham qator taraqqiyot bosqichlarini bosib o’tgan. Bu taraqqiyot jarayonida Xind san‘atiga goh shumer, goh grek san‘atining ta‘siri bo’lgan. Lekii shunga qaramay, uning san‘atida o’ziga xoslik mavjud bo’lib, u, asosan, xalq san‘ati, ayniqsa, hunarmandchilik ta‘sirida bo’lgan.

Qadimgi Moxenjo-Doro shahrining qoldiqlari bizgacha yaxshi saqlangan. U yirik shaharlardan biri bo’lib, ko’chalar va binolar pishiq g’ishtdan ishlangan. Hindistonda juda qadim paytlardanoq shahar qurish san‘ati paydo bo’lganligidan, shaharlarni plan asosida qurishga e‘tibor berilganligidan dalo lat beradi. Shaharda katta jamoat binolari bo’lgan hammom va kanalizatsiya ishlari yaxshi yo’lga qo’yilgan. Topilgan sopol buyumlarning yuzasi geometrik naqshlar bilan bezatilgan. Turli xildagi loy va toshdan ishlangan haykal va haykalchalar, o’ymakorlik bilan bezatilgan turli uy-anjom, bezak va zargarlik buyumlari ham shu davr san‘ati rivojidan dalolat beradi. _ 2-savolga javob. Eramizdan avvalgi 2 minginchi yillarning o’rtalarida Hindistonning qadimiy shaharlari g’arbdan kelgan ko’chmanchi oriy qabilalari tomonidan bosib olingan, keyinchalik bu qabilalar bu hind kabilala ri bilan assimilyatsiyalashib ketgan. Bu davr san‘ati va madaniyatini, asosan, adabiy va diniy yodgorlik «Veda» («Bilim») deb nomlangan to’plam asosida o’rganiladi. Shuning uchun ham bu davr shartli ravishda Veda davri deb yuritiladi. «Veda» adabiy-diniy to’plamida po etik formada din, hayot va qabilalarning turmush tarzi haqida hikoya qilinadi. Tabiat kuchlari Indra (momoqaldiroq xudosi), Agni (olov xudosi), muzika, me‘ morlik to’g’risida fikr yuri tiladi. Veda davrida avvalgidek yirik shaharlar qurilmagan. Odamlar katta bo’lmagan manzillarda yashaganlar. Me‘morlikda, asosan, yogoch yetakchi o’rinni egallagan. Binolar yarim sferik tarzda qurilgan. Lekin qadimgi paytlardagidek, shaharda binolar planlashtirish printsipida joylashgan. Veda davri tasviriy va amaliy san‘at namunalari bizgacha kam yetib kelgan. Bular, asosan, loydan, oltindan ishlangan kichik hajmdagi haykallardir. Eramizdan avvalgi bir minginchi yillarda Gang daryosi vohasida ishlab chiqarish kuchlari ortdi, ibtidoiy jamoa tuzumi inqirozga yuz tutib, yangi quldorlik sinfiy jamiyati yuzaga kela boshladi. Bu protsessda, ayniqsa, Gang vohasida rivojlangan podsholik – Magadxa davri alohida o’rin tutadi. Bu davrda san‘at va madaniyat taraqqiyoti yangi pog’onaga ko’tarildi. Murakkab

yog’och me‘morchiligi paydo bo’ldi, saroylar, ijtimoiy binolar, ibodatxonalar paydo bo’ldi. Qadimgi Hindistonning muhim adabiy yodgorliklari «Mahabxarata» va « Ramayana» eramizdan avvalgi I minginchi yillarning ikkinchi yarmida yaratilgan epik dostonlardir. Ularda qadimgi davrdagi xalqlar hayoti, urf-odati, odamlarning xu do va afsonaviy qahramonlar xaqidagi tushunchalari aks ettirilgan. 3-savolga javob. Qadimgi Hindiston san‘atining gullagan davri Maurya sulolasi (er. av. 322– 185 yillar), ayniqsa, Ashoka imperatorligi davri (er. av. 272–232 yillar)da sodir bo’ldi. Ashoka hukmronlik qilgan davrda buddizm keng yoyildi. Bu din dastlab Hindistonga, keyinroq Sharqning qator davlatlari (Xitoy, Birma, Yaponiya, qisman O’rta Osiyo)ga tarqaldi. Buddizmiing tarqalishi u bilan bog’liq bo’lgan ibodatxo nalar qurilishiga, tasviriy san‘at namunalarining paydo bo’lishiga olib keldi. Buddaga bag’ishlangan me‘morlik kompozitsiyalarida qadimgi Hind me‘morchiligidagi mavjud an‘analar, xalq mifologiyalari, Budda hayoti va faoliyati bilan qo’shilib ketgan afsonalar o’z ifodasini topdi. Qurilish materiali sifatida tosh keng ishlatila boshladi. Buddizmning asosiy me‘morchilik kompozitsiyalaridan biri stupa (afsonalarga ko’ra ,stupada Buddaning muqaddas xoki qoldiqlari va uning faoliyati bilan bogliq buyumlar saqlangan.) bo’lib, bunday qurilmalar Ashoka davrida ko’p qurilgan. Sanchidagi katta stupa (er. av. 250 y.) shu me‘morlik kompozitsiyasining o’ziga xos tomonini yoritadi va mohiyatini tushunishga yordam beradi. Buddizmning muxim yodgorligidan yana biri ustunlar – stambxlardir. Ular yaxshi pardozlangan yaxlit toshdan ishlangan bo’lib, Budda ta‘limotini targ’rib etishda foydalanilgan hamda imperiyaning tanholigi va jipsligini ko’rsatadigan o’ziga xos xaykali hisoblangan. Bu ustunlar hayvonlar tasviri ishlangan kapitel bilan tugallangan. Sarnatxdagi stambx va uning sherlar tasviri ishlangan kapiteli

mashxurdir.. (Bu kapitel bugungi kunda Hindiston respublikasi gerbida ishlatiladi). Muqaddas xayvonlar bo’rtma tasviri ishlangan dumaloq baraban ustida to’rt sher tasvirlangan bo’lib, ular bir-biriga opqa qilgan xolda to’rt tomonga qarab turibdi. Sherlar birmuncha sodda va sxematik tasvirlanishiga qaramasdan, ta‘sirchan, ulug’vor va qudratlidir. Bu kuch-qudrat, ulug’vorlik esa buddizm, davlatning ramzi sifatida gavdalanadi. Buddaning darvishona hayot kechirganining ramziy ifodasi g’orlarga ishlangan ibodatxona (chaytya)lardir. Bunday ibodatxonalar qoyalar ichiga ishlangan, ichkarida monaxlar xonasi va ibodatxona (chaytya) joylashgan. Qadimgi Hind g’ori ichiga ishlangan ibodatxonalardan (chaytyalardan) biri Karlidagi ibodatxonadir. Uning xonalari qoya ichiga o’yib kirgan, devorlari esa haykaltaroshlik va rangtasvir bilan bezatilgan. Hind plastikasida Budda haykali paydo bo’la boshladi. Bu haykallarda ellinistik plastika ta‘siri sezilarli. Bunga sabab Budda haykalini Gandxara oblastida Makedonskiy davrida kelib qolgan greklar yoki kichik osiyoliklar ishlashgan. Gandxarada paydo bo’lgan Budda haykali keyinroq buddizm tarqalgan yerlarga etalon sifatida tarqaldi . Qadimgi hind san‘atining so’nggi taraqqiyoti Guptalar sulolasi (320 – 450 yillar) davriga to’g’ri keladi. Bu Hindistonning quldorlikdan feodal munosabatlarga o’tish davri bo’lib, san‘at va madaniyatning yanada ravnaq topish davri hisoblanadi. Adjanta g’oridagi ibodatxona va uning badiiy bezaklari, devoriy suratlari qadimgi hind san‘atining eng yaxshi tomonlarini o’zida mujassamlashtirgan. Adjantadagi g’or ichiga ishlangan ibodatxona kompleksi eramizdan avvalgi II, yangi eraning VII asrlari mobaynida bunyod etilgan. Kirish tomonida «quyosh darchasi» deb nomlangan teshik – darcha mavjud. Ibodatxona devor va ustunlari esa haykaltaroshlik asarlari bilan bezatilgan, devoriy suratlar ishlangan. Gupta sulolasi davrida qurilgan. Adjanta ibodatxonasining old tomoni ham haykaltaroshlik san‘ati namunalari bilan nafis va serjilo qilib

bezatilgan. Budda va shogirdlarining haykallari kiraverishdagi devor tokchalarini to’ldirgan ._ Adjanta g’ori ibodatxonasi xonalarining devor va shiplari esa devoriy suratlar bilan to’ldirilgan. Bu suratlarda Budda haqidagi afsonalar bilan birga, turli xudo, hayvon, qushlar tasviri ham nozik va zo’r muhabbat bilan chizilgan, budda afsonalari hayotiy va real qilib, mahorat bilan ishlangan. Chaytya devoriy suratlari mavzu jihatdan qanchalik rang-barang bo’lmasin, ularda yagona fikr – insonning hayotga bo’lgan mehri, falsafiy dunyosi va o’yi, his-tuyg’ulari, orzu-istaklari va yuksak estetik ideali o’z ifodasini topgan. Adjanta san‘ati qadimgi hind san‘atining nodir yodgorligidir. Undagi yuksak badiiy mahorat, gumanizm va xalqchillik san‘ati taraqqiyoti uchun muhim zamin bo’lib qoldi. 4-savolga javob. Qadimgi Xitoy san‘ati tarixi eramizdan avvalgi 4–3 minginchi yillardan eramizning Sh asrigacha bo’lgan davrni o’rganadi, tahlil etadi. Eramizdan avvalgi 4–3 minginchi yillarda Xuanxe daryosi vohasida odamlar dehqonchilik bilan shug’ullana boshladilar, ayrim qabilalar esa o’troq hayot kechira boshladilar. Bu davrda odamlar yashaydigan uylar dumaloq shaklda va ko’proq yerto’la tipida bo’lgan, ular yerni 3–4metr qazib ishlangan. Asta-sekin yarim yerto’la tipida va nihoyat, yer ustida karkas uslubidagi uylar yuzaga kelgan. Ular to’rtburchak yoki kvadrat shaklida qurila boshlangan. Tepa tomi shox- shabbalar yoki loydan pishirilgan plitalar bilan yopilgan. Ustun-to’sin sistemasi ham shu davrlarda me‘morlikda keng qo’llanila boshlangan. Xitoyning eng qadimgi san‘at namunalari bizgacha kulolchilik buyumlari orqali yetib kelgan. Qo’lda, dastgohsiz yasalgan turli xum, ko’za, tovoq, vazalar rangdor naqshlar bilan bezab chiqilgan. Bu kulolchilik buyumlarining yuzasi spiralsimon, to’lqinsimon, tursimon chiziqlar bilan bezalgan, soddalashtirilgan odam, xayvon va qushlar rasmi ham ishlangan. (Bunday kulolchilik yodgorliklari Yanshao manzilidan topilgani uchun ham ular «Yanshao madaniyati yodgorligi»deb yuritiladi. Shu madaniyat keyingi Xitoy kulolchiligi

rivojida ham muhim o’rinni egalladi. Xitoyning ayrim viloyatlarida kulolchilik buyumlari qora loydan dastgohda ishlangan. Bu buyumlar nafisligi va nisbatlariping qat‘iyligi bi lan ajralib turadi. Bunday idishlar Lunshan manzilidan topilgani uchun «Lunshan madaniyati yodgorliklari» deb yuritiladi. Eramizdan avvalgi 4–3 minginchi yillarda Xitoyda loy dan ishlanib, olovda toblab pishirilgan odam haykallari (terrakotalar), odam boshini eslatuvchi ko’zalar, toshdan ishlangan turli badiiy buyum va haykallar uchraydi. Bular qa - dimgi Xitoy madaniyatining boy va rang-barang bo’lganligidan dalolat beradi. Eramizdan avvalgi 2 minginchi yillarda Xuanxe daryosi vohasida Xitoyda birinchi bor davlat paydo bo’ldi. Bu davlatni Shan (yoki In, taxminan, er. av. XVI asr – er. av. 1027 yillar) dinastiyasi boshqardi. Shan davridan bizgacha saqlanib kelgan yodgorlik An‘yan rayonidan topilgan katta shahar qoldiqlari hisoblanadi. Shahar aniq planirovkaga ega bo’lib, u kvartallarga ajratilgan. Binolar sun‘iy tepalik ustiga qurilgan. Binoda ustunlar imkoniyatidan foydalanilgan. Tom esa ikki nishabli bo’lib, poxol bilan yopilgan. Shan davrida Xitoyda miflar paydo bo’lgan, turli ramziy belgilar yuzaga kelgan. Bu belgi va miflar idishlarning yuzalariga ishlangan haykallarda, rangtasvirda tasvirlangan va shularda kishilarning falsafiy qarashlari o’z ifodasini topgap. Shu vaqtda bronzadan ishlangan, diniy marosimlar o’tkazish uchun mo’ljallangan buyumlar yuksak mahorat bilan ishlangan, ularning yuzasi ramziy belgi, naqsh, fantastik va yarimfantastik obrazlarning bo’rtma tasviri bi lan bezalgan. Bu belgi, naqsh va obrazlar yagona ritmga bo’ysundirilgan. Buyumlarning bandi va qopqog’iga ham turli shakllar berilgan. Shan davrida toshtaroshlik va suyak o’ymakorligi ham rivojlangan. Ustalar qattiq nefrit toshlaridan taqinchoq, ko’mish marosimi bilan bog’liq bo’lgan buyumlarni, turli xil hayvon va jonivorlar haykalchalarini yuksak mahorat bilan bajarganlar. Shan davrida oq loydan yasalib, yuzasi bo’rtma tasvirlar bilan bezatilgan turli xum va boshqa idishlar ham yuksak mahorat bilan ishlangan.

Xitoyda ham ko’mish marosimi tantanali bo’lgan. Qabr, sag’analar hajm jihatidan katta to’rtburchak shaklida bo’lib, u yerga bezak va ishlatiladigan idish-tovoqlar qo’yilgan. Sag’anaga kiraverishning ikki tomonida afsonaviy odamga o’xshash sher haykali bo’lib, u og’zini katta ochgancha, orqa oyoqlarida o’tirgan holda, old oyoqda tayanib turgan payti tasvirlangan. Haykalning hamma tomoni naqsh bilan bezab chiqilgan. Bu haykallar «yomon ko’zlarni» qo’rqitish uchun kerak bo’lgan . Eramizdan avvalgi I minginchi yilning o’rtalarida shoyiga suratlar ishlash san‘ati paydo bo’ldi, tushda rasm ishlash san‘ati rivojlana boshladi. Bu keyingi davr san‘atida yanada rivojlantirildi.__ Qadimgi Xitoyning muhim yodgorligi Buyuk Xitoy devoridir. Eramizdan avvalgi IV–III asrlarda qurila boshlagan bu devor dastlabki paytda Xitoyning shimoliy chegaralarini ko’chmanchi qabilalardan saqlash uchun xizmat qilgan va 750 km ni tashkil etgan. Keyinroq uning uzunligi 3000 km ga yetgan. Devorning balandligi 5–10 metr, eni esa 5–8 metr bo’lgan. Devor tepasida yo’l mavjud bo’lib, har 100 metrda katta minoralar ishlangan. Buyuk Xitoy devori kishilarning kuch-shijoati va katta irodasini aks ettiruvchi, o’z xarakteri jihatidan Misr ehromlari bilan tenglashuvchi va odamlar birlashsa, buyuk mo’‘jizalar yarata olishini ko’rsatuvchi yodgorlik tarzida hamon kishini xayratlantiradi. Qadimgi Xitoy san‘ati va madaniyatining eng rivojlangan bosqichi eramizdan avvalgi III asrdan eraning III asrigacha bo’lgan davrga to’g’ri keladi. Bu davrda mamlakat yagona markazlashgan yirik davlatga aylandi. Tsin (er. av. 221–206 yy). va Xan (er. av. 206–yangi eraning 220 yili) sulolasi hukmronlik qilgan paytida avvallari mustaqil bo’lgan qator davlat va qabilalar Xitoy imperiyasiga qo’shildi. Xitoy O’rta Osiyo, Eron, Suriya, Rim imperiyalari bilan savdo-sotiq ishlarini jonlantirdi. Xitoyning tasviriy, amaliy va me‘morlik san‘ati ham nihoyatda rivojlandi. 5-savolga javob.

Qadimgi Xitoy madaniyatini o’rganishda maqbaralar ham muhim o’rinni egallaydi. Boy-zodagonlar, qahramonlarga atab qurilgan maqbaralar serhasham bo’lgan. Maqbaralar minoralar (pilon) bilan boshlanib, ularga bezak berilgan, old tomoniga haykallar o’rnatilgan. Maqbaraning yer osti qismi ham pishiq g’isht yoki tosh bilan pardozlangan. Sag’anaga ko’milgan marhumning buyumlari ham qo’yilgan. Ayrim sag’analarda juda ko’plab haykaltaroshlik va rassomlik namunalari mavjud bo’lgan. Maqbaralardan loydan ishlab pishirilgan va bo’yalgan ko’p qavatli uy va minoralarning modellari ham topilgan. Dastlabki san‘at asarlari birmuncha sodda, qo’pol ishlangan bo’lsa ham, haqiqiy hayot to’g’risida tasavvur bera oladi. Loyan yaqinidagi Shandun va Sichuan maqbaralari, ayniqsa, tasviriy san‘atga boy. Shandundagi zodagon U Lyan-tsi maqbarasining releflarida afsonaviy qahramonlar, podsholar orasidagi janglar, ov va bazm paytlari, farzandlarning o’z ota-onalariga muxabbati va shunga o’xshash voqealar tasvirlangan. Bo’rtma tasvirlar friz…… tarzida bo’lib, ular ustma-ust joylashtirilgan. Har bir voqeaga tushuntirish yozuvi berilgan. Kompozitsiyada xudo va podsholar tasviri oddiy ommadan kattaroq qilib ishlangan. Sichuandagi maqbara releflari birmuncha dinamik xarakterga ega bo’lib, u yerda ov manzaralari, yig’im-terim ko’rinishlari tasvirlangan. Xan davri maqbaralarida ko’plab devoriy surat namunalari uchraydi. Xan davrida portret rassomligi ham ri vojlandi. Maqbara va saroy devorlariga portretlar ishlash keng odat tusiga kirdi. Devorga ishlangan shunday portretlardan biri Loyan yaqinidagi Xan davri maqbarasida saqlanib qolgan. Shunday portret ishlashda tanilgan rassomlardan bi ri eramizdan avvalgi I asr oxirlarida yashab ijod etgan Mao-Yan-shou bo’lgan. U odamlarni o’ziga juda o’xshatishga, hatto ideallashtirishga usta bo’lgan. Uning portretlaridan tasvirlanuvchi odamning yoshi va hatto, xulqini bilish mumkin bo’lgan. Maqbaralardan topilgan terrakotalar ham diqqatga sazovor. Ular o’zining ifodali va hayotiy ishlanganligi bilan qatni tortadi .Xan davrida amaliy-

dekorativ san‘atda ham jiddiy o’zgarish yuz berdi, buyumlarning foydali tomoniga e‘tibor ortdi, bezak va relefli tasvirlar kamaydi. _Bronzadan ishlangan jimjimador ko’zgular ham keng tarqalib, bu ko’zgular inkrustatsiya qilingan, oltin, kumush va qimmatbaxo toshlar bilan bezatilgan. Bu davrda bronza dan ishlangan buyumlar, idishlar avvalgi davrga nisbatan yanada nafis va jimjimador bo’lgan, ayniksa inkrustatsiya uslubi keng qo’llanilgan. Turli xildagi amaliy buyumlar–idishlar, muzika asboblari, lak bilan bezatilgan buyumlar ham boylar xonadonini bezagan. Kulolchilikda rang keng qo’llanila bordi. Badiiy kashtachilik va tuqimachilik Fapbiy Osiyo va Yevropa mamlakatlarida yuqori baholandi. Nefritdan ishlangan turli buyum va haykalchalar ko’pchilikka manzur bo’ldi. Qadimgi Xitoy san‘ati Xan davlatining inqirozga yuz tutishi bilan o’z umrini tugatadi. Lekin qadimgi davrlarda, ayniqsa, Xan davri san‘atida paydo bo’lgan traditsiyalar Xitoy san‘ati va madaniyati taraqqiyotiga katta ta‘sir qildi, uning xarakterli tomonini belgilashda muhim o’rin egalladi.

A d a b i yo t l a r 1.Abdullaev N. San‘at tarixi T. O’qituvchi. 1986 y. 2.Beruniy Abu Rayxon «Hindiston» 3.Galerkina O.I, Bogdanov A.L. Isskustvo Indii. M.1968g. 4.Krechetova M.N. Kultura i isskustvo Kitaya. M. 1952 g 5.Reder D.G, Cherkaeva Ye.A Qadimgi dunyo tarixi T.1974 y. 6.Fozila Sulaymonova Sharq va G’arb tarixi T

O'xshashlar

Qadimgi dunyo san‘ati

Jahon san‘ati tarixi fanining maqsadi, vazifalari va uning fan sifatida shakllanishi

Qadimgi o'zbek san'ati va o'zbek sobiq sovet san'ati

Tasviriy san’at davlat ta’lim standartining mohiyati va uning tahliliy qismi

Rangtasvir - rang san'ati