Набижон Халилов (1922–2002) - San'at - Referatlar

Набижон Халилов (1922–2002)

Yuklangan vaqt:

20.09.2019

Ko'chirishlar soni:

0

Hajmi:

28.5 KB

Ko'chirib olish

Набижон Халилов (1922–2002) Ўзбекистон халқ артисти Набижон Халилов 1922 йил 6 январда Қўқон шахрида таваллуд топди. 1939 йили техник-геолог мутахассислиги бўйича нефт техникуми билан бирга найчи сифатида мусиқа мактабини битиради. Шу йилдан бошлаб у Қўқон мусиқали театрда найчи созанда бўлиб ишлайди. Жахон уруши бошлангандан сўнг, у 1942 йилдан 1949 йилгача армия сафида хизмат қилади. 1949 йили капитан Н Халилов заҳирага чиқиб, Қўқонга қайтади ва маданият саройида мусиқа раҳбари лавозимида ишлайди. 1951 йили Н. Халилов Тошкент Давлат консерваториясининг опера- симфоник дирижёрлиги мутахассислиги бўйича ўқишга киради. Бу ерда 1956 йилгача А. Ф. Козловский раҳбарлигида дирижёрлик касби билан бирга композиция дарсини ҳам ўтади. Дирижёрлик касбини пухта эгаллаш ниятида у М. Ашрафий раҳбарлигида аспирантурани 1961 йили тугаллайди. Талабалик йилларидан бошлаб Хамза номидаги драма театрида мусиқа бўйича мудир ва дирижёр бўлиб (1952–1956) хизмат қилди. 1956–1966 йиллари у А. Навоий номидаги опера ва балет театрида, хамда филармония қошидаги симфоник оркестрда дирижёр бўлиб фаолият юритди. Унинг репертуаридан жахон, рус, ўзбек композиторларининг йирик симфоник асарлари жой олди. Бетховен, Моцарт, Гайдн, Чайковский, Козловский, Ашрафий, Юдаков, Акбаров, Р. Хамроев ва бошқалар шулар жумласидандир. Опера театрида «Тохир ва Зуҳра » , «Лайли ва Мажнун » , «Гулсара » , «Дилором » операларини сахналаштиришда бош дирижёр В. Карпов билан ҳамкорликда қатнашди. 1968 йилдан умрининг охиригача Муқимий номидаги Ўзбек Давлат мусиқали театрида бош дирижёр вазифасида хизмат қилди. Театрдаги фаолияти даврида қатор спектаклларни сахналаштириб уларга дирижёрлик қилди. Улар ичида «Навоий Астрободда » (Ю. Ражабий, С. Жалил); «Фарғона тонг отгунча » (Д. Соатқулов); «Ажаб савдолар » (М. Левиев); «Жоним фидо » (Х. Рахимов); «Қизил дуррали нозик ниҳолим » (М.

Левиев); «Рожа » (М. Бафоев); «Юсуф ва Зулайҳо » (Ф. Олимов); «Девона » (Ф. Олимов); «Тақдир » (Б. Лутфуллаев); «Суперқайнона » (Ф. Олимов); ва бошқалар бор. Бундан ташқари бир қатор спектаклларга мусиқа басталади: «Бахт тўйи » (Ё. Мирзо);, «Халима » (Ғ. Зафарий асари); «Олифта » (А. Муҳамедов билан ҳамкорликда, Ф. Мусажонов асари); «Сехрли узук » (С. Қориев асари); «Курортда никоҳ » , «Тошкентга саёхат » , «Дилафрузга тўрт ошиқ » ; «Афанди хотини — афанди » ; «Бахтли қуш » ; симфоник оркестр ва хор учун асарлар шулар жумласидандир. Бундан ташқари 1964 йилдан у консерваториянинг чолғулаштириш кафедрасида педагог, 1970 йилдан А. Островский номидаги театр ва рассомчилик институтида ўқитувчи-дирижёр лавозимларида бир неча спектаклларни сахналаштирди. Унинг бу хизматлари ҳукумат томонидан муносиб тақдирланди ва 1989 йили «Ўзбекистон халқ артисти » фахрий унвони берилди. Набижон Халилов 2002 йилда Тошкентда вафот этди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981.

O'xshashlar

Композитор Хайри Изомов(1922) ҳаёти ва ижоди

Композитор Мутал Бурҳоновнинг (1916-2002) ҳаёти ва ижоди

Юнус Ражабий (1897-1976)

Ўзбек хонандалик санъати намояндалари

Композитор Абдурахим Муҳамедовнинг ҳаёти ва ижоди.(1923-1980)