Yerga ishlov berish. Kuzgi va bahorgi shudgor. Lalmiкor yerlarda shudgorning turlari - Qishloq va o'rmon xo'jaligi - Referatlar

Yerga ishlov berish. Kuzgi va bahorgi shudgor. Lalmiкor yerlarda shudgorning turlari

Yuklangan vaqt:

20.09.2019

Ko'chirishlar soni:

0

Hajmi:

73.5 KB

Ko'chirib olish

Yerga ishlov berish. Kuzgi va bahorgi shudgor. Lalmi к or yerlarda shudgorning turlari Reja: 1. Yerga ishlov berishdan maqsad. 2. Yerga ishlov berishdagi texnologik jarayonlar, yer haydash usullari va sifati. 3. К uzgi shudgorning ahamiyati, chuqurligi va muddatlari. 4. Yerni ikki yarusli haydash, har xil chuqurlikda haydash va haydal- ma qatlam qalinligini oshirish usullari 5. Bahorgi haydov. 6. Bedapoya va ang’izni haydash. 7. Lalmikor yerlarda shudgor va uning turlari. 8. Yerni ishlash sonini minimallashtirish.

1. Yerga ishlov bermasdan unda ekin yetishtirib bo’lmaydi. Tuproq o’simlik ildizi uchun yetarli darajada yumshoq bo’lganda, uning suv-fizik xususiyatlari va mikroorganizmlarning faoliyati yaxshi bo’ladi. Yerni ishlash deganda uni shudgor qilish, tekislash, boronalash, kulti-vatsiyalash, chizellash, mola bosish kabilar tushuniladi. Bir-biri bilan bog’liq holda o’tkaziladigan tuproqqa har xil mexanik ta’sir etishlarga yerni ishlash tizimi deyiladi. Yer ishlanganda tuproq (suv, havo, issiqlik va oziq) rejimlarining qulay bo’lishi uchun sharoit yaratiladi, ya’ni haydalma qatlam tuzilishi va uning donadorligi o’zgaradi; tuproqning quyi qatlamidagi oziq moddalar yuqoriga ko’tarilib, uning aylanish davri va mikrobiologik jarayonlar tezlatiladi; begona o’tlar yo’qotiladi; organo-mineral o’g’it va ang’izlar tuproqqa qo’shiladi; tuproq yuza qatlamida yoki o’simlik qoldiqlarida yashayotgan ekinlarning zararkunanda va kasallik qo’zg’atuvchilari yo’qotiladi; yerni ekin ekishga tayyorlash, egat va jo’yak olish hamda ekinni parvarish qilishda qator orasiga ishlov berish; begona o’tlarni yo’qotish kabi ishlar bajariladi. 2. Yerni ishlashda quyidagi texnologik jarayonlar amalga oshiriladi: yer qatlamini ag’dariladi, aralashtiriladi va yumshatiladi; begona o’t ildizlari qirqiladi, tuproq zichlanadi, tekislanadi, egat va jo’yak olinadi. Yer zaruriyatga qarab yuza haydov chuqurligida yumshatiladi. Hay-dalma qatlam tuprog’ini aralashtirish natijasida tuproqdagi organik va mineral o’g’itlar, mikroorganizmlar haydalma qatlamda bir tekis taqsim-lanib, tuproq unumdorligini oshiradi. Tuproqni zichlash ya’ni mola bostirilganda kapillyar g’ovakligi ortadi. Ekilgan urug’larni pastki qat-lamdagi namlik bilan ta’minlash yaxshi bo’ladi. Sug’oriladigan dehqon-chilikda yerni tekislashning ekin ekish va uni parvarish qilish uchun ahamiyati katta, bunda sifatli ekish, sug’orish, parvarish qilish uchun sharoit yaratiladi. Yer haydalganda ag’darilayotgan qatlamlar 135 0 -145 0 qiyalikda bir-biriga yonboshlasa, qatlam chala, qatlam 180 0 ag’darilsa to’liq ag’daril-gan hisoblanadi.

Yerni haydash sifati plug ag’dargich(otval)larining shakliga bog’liq. Ular vintsimon, silindrsimon, yarim vintsimon va madaniy bo’ladi. Madaniy otvalli pluglar qatlamni yaxshi uvoqlaydi va ag’daradi. 1870 yili Rudolf Sakk yarim vintsimon va silindrsimon otvalli pluglardan madaniy otvalli pulg yaratdi. Bu plugning asosiy korpusi oldiga kengligi asosiy korpusning 2/3 qismiga teng keladigan chimqir-qar o’rnatilgan. Hozirgi vaqtda yer PYA-3-35, PN-4-35 P-5-35M, markali tirkama yoki osma pluglar bilan haydalmoqda. К eyingi yillarda « К eys» kompa-niyasi ishlab chiqargan aylanma pluglardan ham foydalanilmoqda. Hozirgi davrda shamol eroziyasiga moyil yerlarni ag’darmasdan, ang’izlar saqlangan holda asosiy ishlov berish usuli keng qo’llanil-moqda. Yerni sifatli ishlash qo’llanilayotgan qurolning tuzilishiga,ya’ni plug otvalining shakliga, ishchi organlarning turiga, agregatning yurish tezligiga va tuproqning texnologik xossalariga bog’liq. Tuproqning texnologik xususiyati uning ilashimliligi, yopishqoqligi va hajmiy og’irligi bilan ifodalanadi. Bu xususiyat uning namligi, mexanik tarkibi, qattiqligi, donadorligi va boshqalar bilan belgilanadi. Yerning sifatli ishlanishi dalaning o’simlik qoldiqlari va begona o’tlar bilan ifloslanganlik darajasiga ham bog’liq. Sernam yer haydalganda palaxsalar hosil bo’ladi, yaxshi maydalan-maydi, quruq yer haydalganda esa, katta-katta palaxsalar ko’chadi, og’ir va yengil soz tuproqli yerlar namligi to’la nam sig’imiga nisbatan 40-60% bo’lganda haydalsa yaxshi uvoqlanadi. Tuproq namligi ortiq bo’lsa u ishchi organlarga yopishib yer sifatsiz haydaladi. Yer asosan 2 usulda, ya’ni aylanma yoki shaklli va taxta (zagon)- larga bo’lib haydaladi. Aylanma yoki shaklli haydash uchastkaning o’rtasi yoki chekkasidan boshlanadi. Bunda plug qayrilishlarda haydash chuqurligidan ko’tarilmaydi haydash esa uchastkaning o’rtasi yoki chetida tugallanadi. Bu usulda haydash chuqurligi hamma yerda bir tekis bo’lmaydi. Shuning uchun dehqonchilikda aylanma yoki shaklli haydash usuli man etilgan.

Dala to’g’ri taxtalarga-zagonlarga bo’lib haydalganda sifatli bo’ladi. Traktorning salt yurishini marza va egatlar sonini kamaytirish uchun taxtaning eni 40-80 m bo’lgani yaxshi.Yer soatiga 7-7,5 km tezlikda haydalsa, qatlam yaxshi ag’dariladi, uvoqlanadi va tekis bo’ladi. Haydov sifati yerni haydash vaqtida yoki haydalgandan keyin tekshiriladi. Yerning sifatli haydalishi bu tadbirning o’z vaqtida o’tkazilishiga, chuqurligi agregat buriladigan joydan taxtaning oxiriga-cha bir xil bo’lishiga bog’liq. Bedapoya va ang’izlar ayniqsa, sifatli haydalishi kerak, qatlam to’la ag’darilmasa, erta bahorda beda yoki begona o’tlar o’sib chiqadi, organik massalar tuproqqa yaxshi ko’milmay, ekin sifatsiz ekiladi. Organik massalar, xas va cho’plarning 10% i tuproqqa ko’milmay qolsa, yer sifatsiz haydalgan hisoblanadi. Diametri 5 sm dan katta kesaklar palaxsa hisoblanadi. 1m 2 da o’rtacha 5 ta dan ortiq palaxsa bo’lsa, haydash qoniqarsiz hisoblanadi. Takroriy ekin ekiladigan yer tuprog’i yaxshi uvoqlanishi kerak, aks holda uni maydalashga ko’p mehnat va yonilg’i sarf bo’ladi, kuzgi shudgorda palaxsa hosil bo’lsa ham zarari yo’q, chunki qishki yog’in-sochinda ular maydalanib ketadi. К o’z bilan chamalaganda chala joy umumiy maydonning 0,2% idan ortiq bo’lmasligi lozim, aks holda yer qoniqarsiz haydalgan hisoblanadi. 3. "Yer haydasang kuz hayda, kuz haydamasang yuz hayda" degan naql bejiz aytilmagan. Yer kuzda haydalganda kesaklar orasidagi suv sovuq va iliq kunlarda goho muzlab, goho erib kesaklarni maydala-nishini ta’minlaydi. К uzda haydab qo’yilgan yerda namlik ko’p to’planadi, mikrobiologik jarayonlar uchun qulay sharoit yaratiladi. O’simlik qoldiqlari ko’milib chirishi uchun imkoniyat yaratiladi. К uzda haydab qo’yilgan yerni bahorda ekin ekishga tayyorlash ancha oson bo’ladi. Sifatli o’tkazilgan kuzgi shudgor bahorgi haydashga nisbatan ekinlar hosilini 10- 20% oshiradi, hosil erta va sifatli bo’lib yetiladi. Respublikamizning shimoliy zonasida noyabr oyi, markaziy zonasida 15 noyabrdan 15 dekabrgacha, janubiy zonada 20 noyabrdan 15 dekabrgacha bo’lgan vaqt kuzgi shudgor uchun eng qulay vaqt hisob-lanadi.

Tuproq sharoitiga ko’ra yer 30-35 sm gacha chuqurlikda haydalishi mumkin. Yangi o’zlashtirilgan yerlar 20-22 sm chuqurlikda haydaladi. К eyinchalik haydash chuqurligi asta-sekin oshirib boriladi. 4. Yerni ikki yarusli haydash muhim ahamiyatga ega. Buning uchun PYA-3- 35, PUYA -3-35 rusmli pluglardan foydalaniladi. Ikki yarusli haydalganda ustki qatlam (0-15sm) pastga, pastki qatlam (15-30sm) tepaga chiqariladi. Tuproqning xossalari yaxshilanadi. Ekinlar hosili ma’lum darajada oshadi. Yerni har xil chuqurlikda haydash begona o’tlarni, zararkunanda- larni, kasalliklarni kamaytirish va organik qoldiqlrni to’la chirishini ta’minlash uchun o’tkaziladi. Yer birinchi yili 30-32 sm, ikkinchi yili 22-24 sm, uchinchi yili 26-28 sm chuqurlikda haydalsa, yuqorida ko’rsatilgan chuqurlikdagi qatlamga tushgan zararli organizmlar hamda organik qoldiqlar uch yilgacha tuproq yuzasiga chiqarilmaydi.Natijada zararli organizmlarni kamayishi va o’simlik qoldiqlarini to’la chirishiga erishiladi. Haydalma qatlam qalinligini oshirish tuproq profilining tuzilishini hisobga olgan holda olib boriladi. Qumli, shag’al qatlam yuza yotgan yerlarda erta bahorda loyqa yotqizish (kolmataj) usuli bilan haydalma qatlam qalinligi oshiriladi. Bu har yili bahorda bir necha marta takrorlanadi. Haydalma qatlam qalinligini oshirish uchun tepaliklar tuprog’i, go’ng va boshqa organik o’g’itlardan ham foydalanish mumkin. Qadimdan sug’oriladigan yerlarda agroirrigasion yotqiziqlarning qalinligi 2-3 m dan ortadi. Ana shu joylarda haydalma qatlam qalinligini bemalol oshirish mumkin. Akademik M.Muhammadjonov qadimdan sug’orib dehqonchilik qilinayotgan haydalma qatlam osti zichlashgan hamma yerlarda har 3-4 yilda bir marta yerni 50-60 sm chuqurlikda yumshatib bir yo’la 28-30 sm chuqurlikda ag’darib haydashni tavsiya qiladi. Bunda yer kuzda GR-2,7 rusumli chuqur yumshatgich bilan yumsha-tiladi, keyin plugda ag’darib haydaladi. Professor A.Ermatov bedapoyani 60 sm chuqurlikda haydash va organo- mineral o’g’itlar solish haydalma qatlam qalinligini oshirishda samarali usullardan

ekanligini ta’kidlaydi. Haydalma qatlam qalinligini oshirilishi va tuzilishini yaxshilanishi bedadan va undan keyin ekilgan ekinlardan yuqori hosil olishni ta’minlashi bu olim o’tkazgan tajriba-larida ko’rsatib berilgan. 5. Xorazm viloyati, Farg’ona viloyatining Qo’qon atrofi tumanlari va Qoraqalpog’iston respublikasida asosiy haydovni bahorda o’tkaziladi. Yerni bahorda haydash kuzgi shudgorlashga qaraganda tashkiliy jihatdan kamchiliklarga ega bo’lishiga qaramasdan xo’jaliklarning tuproqiqlim sharoiti shuni taqozo etadi. Bu joylarda yer 3-4, ayrim maydonlarning sho’ri 5 martagacha yuviladi. Shundan keyin yer yetilishi bilan pollar tekislanib mahalliy va mineral o’g’itlar solinib haydaladi. Agar ko’klamda shamol ko’p bo’lsa yerni yuza qismi tez quriydi. Bunday paytda kesaklar ko’p hosil bo’ladi va pastki qatlamga ko’miladi, yerning ortiqroq ko’pchishi kuzatiladi. Yer yaxshi o’tirishmagan bo’ladi. Shuning uchun bahorgi haydovdan keyin yer bir necha marta chizellanadi, mola bostiriladi va zudlik bilan ekiladi. 6. Almashlab ekishda beda tuproq unumdorligini va donadorligini tiklovchi asosiy ekin hisoblanadi. Bedapoyani haydashda xo’jaliklarda kamchiliklarga yo’l qo’yilmoqda. P-5-35M, PN-4-35 pluglarning chim-qirqari asosiy korpus qamrov kenglini to’la kesib egat tubiga tashlamay, balki oldingi ag’darilgan qatlamning yonboshiga tashlaydi. Bunda ildiz ikki qatlam orasidagi 10-12 sm chuqurlikka tushadi va bahorda qayta ko’karib chiqadi. Ayrim vaqtlarda kuzda shudgor qilingan bedapoyani bahorda yuza yumshatishga yoki kultivatorlar bilan yoppasiga ishlashga, ko’pchilik holda erta bahorda kultivatsiya qilingan yoki chizellangan bedapoyadagi ildizlarni tirmalab yig’ib olishga to’g’ri keladi. G’o’zadan keyin beda ekishdan maqsad yerning unumdorligini oshirish, fizik xossalarini yaxshilash va beda ildiz massasini chirishini boshqarib undan kamida 5-7 yil foydalanishni ko’zda tutiladi. Ma’lumki, uch yillik beda gektariga 300-500 kg dan ortiq biologik azot va 16- 22 tonna ildiz massasini to’playdi. Yerni haydash texnolo-giyasi to’g’ri tashkil etilmasa beda to’plagan organik massa tezda minerallashadi.

Beda ildizini bahorda ko’karib chiqishini oldini olish va organik massani chirishini sekinlashtirish uchun bedapoyani haydash texnologi-yasini takomillashtirish kerak. Buning uchun plugning ag’darigichlari olinib lemexlari o’tkirlanadi. Bedapoyani haydashdan 5-7 kun oldin yer ustki qismi 5-6 sm chuqurlikda ana shu ag’dargichi olingan plug bilan haydaladi. Shunda bedaning ildiz bo’gzi 5-6 sm chuqurlikda kesilib unuvchanligi yo’qoladi. Yer kuzda shudgorlanganda organik qoldiqlar tuproqning chuqur qatlamiga ko’miladi. Tajriba natijalari bu usulda haydalganda ildizni minerallashuvi sekinlashganligini ko’rsatgan. Bedapoyani 20-25 oktyabrdan 10-15 noyabrgacha haydash kerak. Sizot suvlari chuqur joylashgan, yeri quruq va qattiq bedapoyani sifatli haydash uchun 7- 10 kun avval yerni sug’orish kerak. Bedapoyani ikki yarusli plugda chuqur haydash yana ham yaxshi natija beradi. Sayoz ko’milgan ildizpoyalar g’o’zaning qator oralariga dastlabki ishlov beril-ganda uning sifatsiz bajarilishiga va ko’chat siyrak bo’lishiga sabab bo’ladi. O’zPITI ma’lumotlariga ko’ra bedapoyani har yili har xil chuqurlikda haydash foydali ekan. Masalan: 1-yili 30-40 sm; 2-yili 20-22 sm; 3-yili 30 sm; 4- yili 40 sm. К uzgi shudgorlash chuqurligi o’zgartirib borilganda bir xil chuqurlikda haydashga qaraganda besh yilda go’zaning gektaridan 28,6 s dan qo’shimcha hosil olingan. Yoppasiga ekilgan g’alla ekinlari hosili yig’ishtirib olingan dala ang’iz deyiladi. Bir yillik ekinlardan bo’shagan bunday dalalarda chimzorlarga qaraganda organik moddalar ancha kam, tuprog’i quruq, strukturasi yomon, zichlashgan, begona o’tlar va ularning urug’i ko’p bo’ladi. Ang’izda zararkunandalar va kasalliklar ko’p uchraydi. Ang’izni ishlash tizimi uni lushchilnik bilan yumshatish va kuzgi shudgorlashdan iborat. К o’p yillik begona o’tlar bosgan dalalar 2 marta yumshatiladi. Birinchi holda diskli lushchilnik bilan 4-5 sm chuqurlikda, keyin ag’dargichli lushchilnik bilan 10-12 sm chuqurlikda yumshatiladi. Bir yillik begona o’tlar bosgan dalalar 4-5 sm chuqurlikda 1 marta yumshatiladi.

Bunday yerlar oktyabr oyining boshlarida shudgorlanadi. К uzgi haydashni shimoliy mintaqada 15 noyarbdan, janubiy mintaqada 30 noyabrdan kechiktirmaslik kerak. К uchli shamol bo’ladigan tumanlarda ko’p yillik begona o’tlar kam o’sgan uchastkalarni ag’dargichsiz plug bilan haydash yaxshi samara beradi. E.I.Zaurov, U.Xo’jabekov bu usulda haydalganda bug’doy hosili 20-23%, lalmikor dehqonchilik ITI 8-12% ortishi haqida yozishgan. Eskidan haydalib sug’oriladigan yerlar sholi ekish uchun asosan kuzda haydaladi. O’zbekiston sholichilik ITI xodimlari yerni yuza hay-dashga nisbatan chuqur qilib kuzgi shudgorlashning afzalligini isbotlab berdilar. Begona o’tlar bir vaqtda kamaytirilgani holda chuqur haydalgan dalalarda yuza haydalgan dalalarga nisbatan sholi hosili 10-20% ortiq bo’lgan. К uzda haydalgan dalalarda begona o’tlar anchagina kamayadi. Sholi hosili esa 15-25% oshgan. Bahorikor yerlarni beda ekish uchun tayyorlash chimqirqarli plug bilan kuzgi shudgorlashdan boshlanadi. Ekindan oldin yer 5-6 sm chuqulikda kultivatsiya qilinadi so’ngra molalanadi. Beda bahorda haydalgan yerlarga nisbatan kuzda shudgor qilingan yerlarda yaxshi unib chiqishi aniqlangan. К uzgi ekinlar ekiladigan ang’iz ekishdan 15-20 kun oldin haydalishi kerak. Haydashdan oldin lushchilnik bilan yumshatiladi. Quruq yerni yozda haydash natijasida hosil bo’ladigan palaxsalarni maydalash uchun sixli g’altak tirkalgan plug, og’ir valokushalar, kesik diskli lushchilniklardan foydalaniladi. Hosil yig’ishtirib olinayotgan vaqtda ang’iz bir yo’la haydalsa tuproq sifatli ishlanadi. Bunda palaxsa 2-3 marta kam hosil bo’ladi, ko’p yillik o’tlar keskin kamayadi. Bir yo’la ang’izni haydash imkoni bo’lmasa, darhol uni lemexli PL-5- 25, yoki yuza yumshatgich ploskorez XP-2-250, AP-7,5 va boshqa qurollarda 10- 12 sm chuqurlikda yumsha-tish zarur. Shundan keyin yer plugda haydaladi. Sug’oriladigan yerlarda takroriy ekin ekish uchun somon yig’ishtirshib ang’iz sug’oriladi. Yer yetilishi bilan plugga "zig-zag" borona taqilib yer haydaladi.

O’zbekistonning tog’li va tog’ oldi vodiylarining ko’p qismida lalmikor dehqonchilik qilinadi. Bu yerda asosan g’alla yetishtiriladi. Hosildorlik yog’in- sochin suvlarini to’planishi, saqlanishi va taqsimlani-shiga bogliq. Qurg’oqchiliklar bu yerda dehqonchilik ishlarini ancha murakkablashtiradi, shuning uchun ham bu yerda o’tkaziladigan tadbirlar yog’in-sochin suvlarini to’plash va saqlashga qaratilishi kerak. 7. Ang’izni haydab yil davomida ekin ekilmay.maxsus ajratilgan dala toza shudgor deyiladi. Shudgorda yil davomida yoki yozning yarmigacha ekin ekilmay faqat begona o’tlarni yo’qotish uchun quruq ishlov berib turiladi. Ishlov berish natajasida shudgor yumshoq va begona o’tlardan holi bo’ladi, unda nam ko’proq to’planadi oziq moddalar ko’payadi, ekinlarning kasallik va zararkunandalari kamayadi. Toza shudgor ertagi, o’rtagi, kechki va band shudgorlarga bo’linadi. Jizzax viloyatidagi G’allachilik ilmiy tekshirish institutining dalalarida toza shudgorga ekilgan bug’doy hosili 14-22 s ni, ang’izda 4-8 s ni tashkil etgan. Lalmi yerlarni shudgorlashning eng qulay muddati tekislik zonada martning ikkinchi yarmi, tekislik adir zonada martning oxiri - aprelning birinchi yarmi, tog’ oldi zonasida aprel va tog’li zonada aprelning oxiri va mayning boshlari hisoblanadi. Toza shudgor yoz davomida 2-3 marta 10-12 sm chuqurlikda kultivatsiya qilinadi. Bu ish К RN-3,5, К PNA-3, К PN-4,3 , К P-4 A, PL-5-25 , PPL- 10-25 rusumli kultivatorlar va К PL-2-150 rusumli ploskorezlar bilan ishlanadi. Ekin hosili yig’ishtirib olish bilan bir paytda yer haydalsa uni qora shudgor deyiladi. Qora shudgor lushchilnik bilan 10-12 sm yumshatib keyin 20-22 sm chuqurlikda haydaladi. Qora shudgor O’zbekistonda yaxshi samara bermaydi. Shuning uchun qo’llanilmaydi. Band shudgor. Toza shudgorga chopiq talab etadigan biror ekin ekilgan yer band shudgor hisoblanadi. Qator oralariga ishlov berilganda begona o’tlar yo’qotib turiladi. Band shudgor toza shudgor bilan navbatlanib turishi yaxshi samara beradi. Band shudgor yog’in miqdori yetarli bo’lgan tog’li va tog’oldi zonalarda yaxshi natija beradi. Lekin toza shudgor o’rnini bosa olmaydi. Erta bahorgi band

shudgorga ko’k no’xot, xashaki no’xot, no’xot, kungaboqar, yasmiq, maxsar: o’rta bahorgiga kungaboqar, oqjo’xori, sudan o’ti, ayrim joylarda makka-jo’xori; kech bahorgiga oqjo’xori, makkajo’xori, sudano’ti, kungaboqar, poliz ekinlari ekiladi. Yerlarni shudgorlash ekin ekishga tayyorlash, ya’ni chizellash, boro-nalash, mola bosish ishlari tuproq-iqlim sharoitidan kelib chiqib kerakli tartib va muddatda o’tkaziladi. Sideratlar ham band shudgor hisob-lanadi. 8. Yerni ishlash sonini minimallashtirish. Ma’lumki dalada traktor agregatlarining ko’p marta yurib o’tishi tufayli tuproq strukturasi buziladi, haydalma qatlam va uning osti zichlashib qoladi. Tuproqning suv-fizik xossalari yomonlashadi. Buni oldini olish uchun yerni ishlash sonini kamaytirish talab etiladi. O’zbekiston PITI ma’lumotlariga ko’ra yerni ishlash sonini kamayti-rish quyidagi yo’nalishlarda olib borilishi mumkin. 1.Yerni haydash chuqurligini tabaqalashtirish. 2.Yerga asosiy ishlov berishda haydalma qatlamning uvoqlanishini yaxshilaydigan va dalaning tekis bo’lishini ta’minlaydigan samarali qurollardan foydalanish. 3.Texnikaning bir yurishida bir necha ishni bajarish. 4.Traktorni bir yurib o’tishida zarur ishlarni bajaradigan kom- binatsiyalashtirilgan agregatlardan foylanish. 5. К ultivatsiya va boshqa ishlovlar sonini kamaytirish.

Foydalanilgan adabiyotlar: 1.Vorobyov S.A., К ashtanov A.N., Likov A.M., Makarov I.P. Zemle-delie. M.: Agropromizdat. 1991. 2. Ermatov A.Q. Sug’oriladigan dehqonchilik. T.:O’qituvchi. 1983. 3. Ermatov A.Q.,G’aniyev V. Dehqonchilik. T.: Mehnat. 1990. 4.Zaurov E.I. Dehqonchilikdan laboratoriya ishlari va amaliy mashg’u-lotlar T:. «O’qituvchi»,1979 . 5. Tursunxujaev Z., Bolkunov A. Nauchniyi osnovi xlopkovix sevooborotov. T.: Mehnat, 1987. 6.H.Sheraliev. M.Shodmanov Dehqonchilik. Ma’ruzalar matni T.:2004 7. Astanov R., Shodmanov M., Madraimova S. Sistema zemleldeliya .Tekst leksiy. T.: 2004. 8. O’zbekiston Respublikasining "Suvdan foydalanish to’g’risida"gi qonuni, T.1993.

O'xshashlar

Yerga ekin ekishdan oldin va keyin ishlov berish. Qishloq xo’jaligi ekinlarini ekish usullari

Ekinga ishlov berish mashinalari

O‘g‘itlarni qo‘llashning asosiy usullari muddatlari tiplari va texnikasi

Organik va mineral o’g’itlar. Begona o’tlar

Transmissiya va yurish qismi detallarini, yerga ishlov berish va o’rim-yig’im mashinalari asosiy ishchi organlarni remont qilish