Уруғ экиш ва кўчат ўтқазиш машиналари - Qishloq va o'rmon xo'jaligi - Referatlar

Уруғ экиш ва кўчат ўтқазиш машиналари

Yuklangan vaqt:

20.09.2019

Ko'chirishlar soni:

0

Hajmi:

1576 KB

Ko'chirib olish

Уруғ экиш ва кўчат ўтқазиш машиналари Режа: 1. Экиш ва кўчат ўтқазиш машиналари 2. Кўчат ўтқазиш ва картошка экиш машиналарининг асосий турлари 3. Экиш аппаратларининг турлари 4. Белгиланган миқдорда чигит экувчи дискли аппаратлар

1. ЭКИШ ВА КЎЧАТ ЎТҚАЗИШ МАШИНАЛАРИ Пахта, маккажўхори, дон ва сабзавот экинларининг ҳосилдорлиги илмий жиҳатдан асосланган экиш муддатларига, ўсимликларнинг далада жойлаштириш усулларига, уруғларнинг далада текис тақсимланганлигига, экиш чуқурлилигига кўп жиҳатдан боғлиқдир. Дон ва бошқа экинларнинг уруғлари сеялкаларда экилади. Бундай ишларга қўйилган сеялкалар уругларни текис тақсимлаб экадиган бўлиши керак. Барча қаторларга бир хил миқдорда уруғ тўкилиши, уруғлар бир- биридан бир хил оралиқда жойлашиши лозим. Сеялка экишдан олдин эгат тубини бироз зичлаши ва нам тупроққа белгиланган чуқурликда ҳамма меъёрда уруғ ташлаши керак. Бу типдаги машиналарга кенг қаторлаб, тор қаторлаб, уялаб уруғ экадиган сеялкалар; кўчат, картошка экадиган ва органик ҳамда минерал ўғитлар сепадиган машиналар киради. Бажарадиган вазифасига кўра сеялка ўлчамлари ва экиш меъёри жиҳатдан бир хил ёки уруғларни бир-бирига яқин экувчи сеялкаларга; дон, маккажўхори, сабзавот, лавлаги, шунингдек, чигит сеялкаларига ажратилади. ТЕКИС ПРОФИЛЛИ ЮЗАГА ЭКИШ - намлиг и нормал ва нами етарли бўлмаган ҳудудларда қўлланилади. Экишдан кейин суғорилганда уруғ бир ёки бир нечта қаторларга жойлаштирилиб даланинг текис юзасига экилади ва у билан бир вақтда суғориш эгатлари олинади. ПУШТАГА ЭКИШ УСУЛИ - юқори намлик ва суғориладиган ҳудудларда қўлланилади. Ортиқча намликда ва иссиқлик етарли бўлмаганда пуштага экилади. ЭГАТГА ЭКИШ - шўр ерли, кучли шамол эсадиган, қурғоқчилик ва ярим қурғоқчилик

бўладиган ҳудудларда, асосан пахта, маккажўхори ва бошқа шунга ўхшаш чопиқ экинлари учун қўлланилади. АНГИЗГА ЭКИШ - шамол эрозиясига чалинган тупроқларда тавсия қилинади. Бунда поялар экинларни ҳимоя қилади. Дон сеялкалари дон ва бошқа маданий экинлар уруғини қаторлаб экишга мўлжалланган. Универсал дон сеялкалари турли хил дон-буғдой, арпа, мойли ва маданий экинларни ҳамда ем-хашакка экиладиган ўтларни экишда ишлатилади. Чигит сеялкаларидан чорвачилик эҳтиёжлари учун ем-хашак ўтлар, шунингдек, маккажўхори ва оқжўхорини экишда ҳам фойдаланилади. Ўтказиш машиналари вазифасига кўра: картошка экувчи, кўчат ўтқазувчи ва бошқаларга бўлинади. ҚАТОРЛАБ ЭКИШ - уруғларни параллел қаторларга узлуксиз ташлаб экиш, бунда қаторлар ораси 15 см, қатордаги уруғлар ораси 1,5...2,0 см. Бу дон, техник, сабзовот ва бошқа экинларни экишнинг энг кўп тарқалган усул ҳисобланади. Қ ИРҚМА ЭКИШ - уруғлар сеялкаларни дала бўйича ва кўндаланг ҳаракатлантириб экилади. Бунда экиш аппаратлари ярим экиш меъёрига мосланади. Бу усулда уруғлар далага текис тақсимланади. ТОР ҚАТОРЛАБ ЭКИШ - қатор оралиғи икки марта кичик бўлган қаторлаб экишнинг бир тури.

КЕНГ ҚАТОРЛАБ ЭКИШ - қатор оралиғи кенг, яъни 30, 45, 70 см ва катта бўлган қаторлаб экиш. Бу чопиқ экинларига механизациялашган усул билан ишлов беришга имкон беради. ТАСМАСИМОН ЭКИШ - кенг қаторлаб экишнинғ бир тури бўлиб сабзовот, каноп ва чигит экиш учун қўлланилади. Уруғлар тасмадаги икки ёки уч қаторда экилади. Тасмадаги қаторлар ораси 5, 8, 10 ва 32 см, тасмалар ораси камида 60 см. ДОНАЛАБ ЭКИШ - бу 45...90 см ораликда жойлашган қаторларда уруғларни бир- биридан бир хил масофада жойлаштириб экиш. Техник ўсимликларни доиалаб экиш ҳосилдорликни ошишини таъминлайди, уруғларни анча иқтисод қилади, ўсимликларни парвариш қилишга меҳнат сарфини камайтиради. УЯЛАБ ВА КВАДРАТ-УЯЛАБ ЭКИШ - уялар орасидаги масофани қатъий бир хил сақланиши билан қаторлаб экишдан фарқ қилади. Бу икки йўналишда, яъни бўйлама ва кўндаланг култивацияни ўтказишга имкон яратади. СОЧИБ ЭКИШ - ўтлар уруғини экиш учун ёки бошқа усулларни қўллаш имкони бўлмаганда ишлатилади. Бу усулдан сув билан тўлдирилган пайкалларга шоли экиш учун ҳам фойдаланилади.

Сеялкалар тракторга уланишига қараб, тиркалма, ярим ўрнатма ва ўрнатма машиналарга бўлинади. Сеялка турлари- Бугунги кунда қишлоқ хўжалигида қатор ораларини 15 ва 7,5 см қилиб экадиган, қамраш кенглиги 1,5 м ли СЗН-10; кенглиги 2,1 м ли СЗН-16 ва 3,6 м ли СЗН-24, СУ-24, СЗ- 3,6 сеялкалари ишлатилмоқда . Бу сеялкалардан ярим ўрнатма СН-35 ва СН- 54А тиркамалар ёрдамида қамраш кенглиги 5,1; 6,6; 7,6 м бўлган экиш агрегатлари яратиш мумкин. Қанд лавлаги уруғини 60 см қатор оралиғидаги уяларга аниқ экадиган СТСН-4А сеялкалари, 45 см қилиб экиш учун СТСН-6А, 2СТСН-6А сеялкаларидан фойдаланилади. Маккажўхори донини пунктирлаб экиш учун олти СКНК-8 ўғитлагич- сеялкалари ишлаб чиқарилган. СОН-2,8А ва СКОШ-2,8, шунингдек, СКОН-4,2 сеялкалари сабзавот экинлар уруғини экишга мўлжалланган. Т-28Х4М, ва МТЗ-80Х чопиқ тракторларига ўрнатилиб ишлатиладиган СТХ, СЧХ ва СХУ-4 маркали сеялкалар чигитни 4 ёки 6 қаторлаб экади. Туксизлантирилган чигитни уяларга белгиланган миқдорда экишда СТХ4А ўрнатма сеялкадан фойдаланилади. Шу мақсадда сеялка дискли экувчи аппаратлар билан жиҳозланади (А вариант). СТХ-4 сеялкасини тукли чигит экишга мослаш учун уларга ғалтакли аппаратлар ўрнатилади (В вариант). КРХ-4 ва КХУ-4 ўғитлагич- культиваторлар гербицид сепувчи ПГС-2,4 ва ПХГ-4 мосламалари билан бирга ишлатилади. ЧИГИТ ЭКИШ СЕЯЛКАЛАРИ СХУ-4 РУСУМЛИ УНИВЕРСАЛ КЕЙС-1200 РУСУМЛИ

ПАХТА СЕЯЛКАСИ ПНЕВМАТИК СЕЯЛКА СМХ-4 РУСУМЛИ МОДУЛЛИ ПАХТА СЕЯЛКАСИ 2. КЎЧАТ ЎТҚАЗИШ ВА КАРТОШКА ЭКИШ МАШИНАЛАРИНИНГ АСОСИЙ ТУРЛАРИ Бундай машиналарга картошка экувчи ва сабзавот кўчатларни ўтқазувчи машиналар киради. СКМ-6, СН-4Б ва КСН-90 сеялкалари сабзавот экинлар кўчатини ва картошка тугунакларини экишга мўлжалланган. Бу сеялкалар экинлар кўчатини ёки картошка тугунагини қатор ораси 60,70 ва туп орасини 20 см дан қилиб, СН-4Б сеялка картошкани қаторлаб ва уялаб экади. Қаторлаб экадиган дон сеялкаларининг экиш аппаратлари қуйидаги талабларга жавоб бериши лозим: сеялканинг ҳар бир аппарати уруғларни бир меъёрда узлуксиз ташлаб туриши, экилаётган уруғлар миқдори тенг бўлиши керак. Уруғлар экиш аппаратларида шикастланмаслиги керак: сеялка донли экинлар уруғини 0,3 % гача, дуккакли экинлар уруғини 1 % гача, лавлаги уруғини 0,5 % гача шикастлашига йўл қўйиш мумкин. Экиладиган уруғ миқдорининг ўзгармаслиги қуйидаги факторларга: даланинг рельефига, ҳаракат тезлигига, аппарат турига, экиладиган доннинг ҳолатига ва ҳоказоларга боғлиқ.

Экиш аппаратлари универсал, яъни ҳар хил экинлар уруғини эка оладиган бўлса катта самара беради. Сеялкалар экиш меъёрига тўғри ростланиши керак. Шунда кўнгилдаги натижани беради. 3. ЭКИШ АППАРАТЛАРИНИНГ ТУРЛАРИ Саноатимиз чиқарадиган сеялкаларда икки хил: ғалатакли дискли экиш аппаратлари ишлатилади. Ғалатакли аппаратлар чигит, ғалла, зиғир, лавлаги, сабзавот, ўт ва ўрмон дарахтлари уруғини қаторлаб экадиган сеялкаларга ўрнатилади. Маккажўхори ва чигитни қаторлаб ва лавлагини пунктирлаб экадиган сеялкалар дискли аппаратлар билан жиҳозланади. Чигит сеялкасининг асосий иш органлари – уяловчи аппаратдир. Уяни кўмувчи иш органлари белгиланган миқдорда туксиз ва тукли чигит экадиган аппаратлардан ташкил топган. Туксиз чигитиларни экиш меъёри катакчали диск ва уя ҳосил қилувчи дискнинг айланиш тезлигини ҳамда ҳаракат узатиш нисбатини ўзгартириб ростланади. Чигит сеялкасининг уя ҳосил қилувчи аппарати горизонтал текисликда айланувчи паррак (куракчали диск) жойлашган қопқоқли цилиндрик корпусдан иборат. Уялаб экувчи аппаратдан сочилиб чиқаётган чигит уяловчи дискнинг куракчалари билан алоҳида-алоҳида порцияларга бўлинади. Чигит уялари орасидаги масофа уяловчи дискнинг айланиш тезлигини ўзгартириб ростланади. 4. БЕЛГИЛАНГАН МИҚДОРДА ЧИГИТ ЭКУВЧИ ДИСКЛИ АППАРАТЛАР Туксиз чигитларни экувчи аппарат якка чигит жойлашадиган катакчали дисклар билан жиҳозланади. Катакчаларга тушган чигитлар банканинг қўзғалмас тубидаги экиш дарчасига тўғри келгунча диск билан бирга

айланади. Сўнг чигитлар ўз оғирлик кучи таъсирида катакчалардан пастга- уяловчи аппаратнинг корпусига тушади. Агар чигит катакчада ушланиб қолса, пластинкасимон туширгич билан сиқиб чиқарилади. ТАРЕЛКАСИМОН ДИСКЛИ : Аппарат ўғит баки 5, тарелка 4, айланадиган куракчалар (дисклар) кўринишидага иккита туширгичлар 2, экиш қалқони 3 дан иборат. Тарелканинг ярми банка остида, иккинчиси ундан ташқарида жойлашган. Айланадиган тарелка ишқаланиш кучлари туфайли ўғитларнинг юқори қатламини банкадан ташқарига олиб чиқади, сўнгра туширгичлар 2 ўғитларни тарелкадан ўғит йўналтиргичларга туширади. Ўғитлардан гумбаз ҳосил бўлишни тебранадиган девор 1 бартараф қилади. Ўғитлаш миқдори тарелканинг айланиш тезлиги ва тарелка туби билан қопқоқ орасидаги тирқишнинг баландлигини ўзгартириш орқали созланади. Аппарат қуйидагича ишлайди. Экиш диски айланганда чигитлар катакчаларни тўлдиради ва улар билан бирга айланиб қайтаргичга дуч келади. Қайтаргич катакчаларга кирмаган чигитларни четга сидириб ташлайди. Катакчаларда қолган чигитлар қўзғалмас пластинкасимон туширгичга урилиб, аппаратнинг оралиқ корпусидаги экиш дарчаси орқали аппаратнинг тубига тушади. Уя ҳосил қилувчи дискнинг куракчалари чигитларни тўплаб, остки корпуснинг дарчаси орқали сошник ҳосил қилган эгатчага ташлайди. Бу аппаратда сараланган, туксизлантирилган чигитдан ташқари, маккажўхори ва оқ жўхори донларини ҳам экиш мумкин. Бунинг учун саккиз катакчали дисклар ишлатилади. СТХ-4 сеялкаси. Уяларга белгиланган миқдорда чигит ташлаб, тўрт қаторга экадиган универсал СТХ-4 сеялка СТВХ-4 сеялканинг янада такомиллаштирилган нусхасидир. Экиш аппаратларини ва баъзи узулларни

алмаштириш йўли билан сеялкаларни уяларга белгиланган миқдорда уруғ экишга, шунингдек тукли чигитларни оддий усулда экишга қайта мослаш мумкин. Шунга кўра сеялка аниқ миқдорда чигит ташлайдиган қилиб (А вариантда), тукли чигитларни оддий усулда экадиган қилиб (Б вариантда) ва иш органларининг тўла набори билан (В вариантда) тайёрланади. СТХ-4 сеялка қуйидаги асосий узеллардан: таянч ғилдиракларга ўрнатилган рама, сошниклар, уяларга белгиланган миқдорда чигит ташлайдиган тўртта ёки тукли чигитларни экадиган иккита аппарат, экилган чигитни кўмадиган иш органлари (ғалтакчалар, загортачлар ва прикаткалар), харакатлантириш валлари, тугун тутгичлар, маркёрлар, режа сим ўралган ғалтаклар, уруғ яшиги, четки прикатларни кўтарадиган иккита механизм ва ўриндиқдан иборат. ДИСКЛИ АППАРАТЛАР донадор ва кукунсимон ўғитларни кенг қаторлаб ва уялаб солиш учун қўлланилади. Улар бир хил (унификациялашган) бўлиб (АТД-2 русумли), экиш ва кўчат ўтказиш ҳамда култиватор озиқлантиргичларда ўрнатилади. Дискли аппаратлар, тарелкасимонлар каби, фрикцион таъсирли аппаратларга киради. Диск 15 ва тўзитгич 12 ҳаракатлантирувчи ғилдираклардан ҳаракатга келтирилади. Диск ва тўзитгач айланиб, ўғитларнинг пастки қатламини қўзғалмас қирғич-йўналтиргичларга олиб келади, улар эса ўғитларни экиш тирқишлари орқали қабул воронкалари 6 га йўналтиради. Тўзитгич ўзининг пружинасимон бармоқлари билан қирғичларни ва соябон 13 ни ёпишган ўғитлардан тозалайди. «Муаллақ» қирғич сатҳ кўрсатгич 16 ўғит миқдори камайган сари пастга тушиб боради ва ўғитларни марказдан четга суриб, уларни бир меъёрда узатилишини таъминлайди.

Ҳар бир сеялка тўрт куракчали дискларнинг қўшимча комплекти билан жихозланади. Бу дисклар уяларнинг орасини яқин (25 см) қилиб экишда икки куракчали дисклар ўрнига қўйилади. Сеялкани соатига 8,5 км гача тезликда (Т-28Х4М тракторининг IV узатмасида) чигит экишга мослаш мумкин. Бунинг учун ўрта ва майда чигитлар учун аппаратларга одатдаги № 1 ва № 3 дисклар ўрнига каттароқ ячейкали № 2 ва № 4 ўрнатилади. Йирик чигитлар учун одатдаги дисклар ўрнига ячейкаларнинг катталиги 12 X 12 мм ли маккажўхори дони эқишга мўлжалланган дисклар ўрнатилади. Сеялкани Б варианда тукли чигитларни экишга мослаш. Сеялканинг сошникларидан уяларга белгиланган миқдорда чигит ташлайдиган аппаратлар олиниб, уларнинг ўрнига уя хосил қилувчи махсус аппаратлар ўрнатилади. Лекин аппаратларнинг уя хосил қилувчи дисклар олинмайди. Сеялка рамасининг махсус кронштейнларига тукли чигитларни экадиган иккита аппарат ўрнатилади. Аппаратларнинг валиклари бир-бирига трубка билан, аппаратларнинг уруғ ўтказгичлари эса уя ҳосил қилувчи аппаратлар билан бирлаштирилади. Сеялкага экиш аппаратларини харакатлантирадиган механизм ўрнатилади. Бунинг учун рамага иккита юлдузчали кронштейн ўрнатилади. Бу юлдузчаларнинг бири занзир воситасида ўнг ғилдиракнинг юлдузчасига, иккинчисига эса экиш аппаратларини харакатлантирувчи юлдузчага бирлаштирилади. Сеялкани уялар орасини яқин қилиб экадиган қилиш учун икки куракчали дисклар ўрнига тўрт куракчали дисклар ўрнатилади; уя ҳосил қилувчи аппаратларга сеялканинг чап ғилдирагидан харакат узатилади. Серуялаб чигит экадиган СЧХ-4А сеялка. 90-90 схемада олинган эгатларнинг бирйўла тўрт қаторига чигит экади. Сеялка икки вариантда чиқарилади: А.СЧХ-4А1 сеялка қолдиқ момиқлари 0,8% гача бўлган чигитларни ғалтакли экиш аппаратлари ва парракли уяловчи аппаратлар ёрдамида ҳар 20

ёки 30 см оралиқда экади: сеялка уяловчи аппарат ишлатилганда чигитни қаторлаб экади. Б.СЧХ-4А111 сеялка ёрдамида туксизлантирилган қуруқ ва сараланган чигитлар катакчали, дискли экиш аппаратлари билан серуялаб (қатордаги уялар орасини 20 ва 30 см қилиб) экилади. Агрегатнинг бурилиш жойларига чигитлар уялаб (орасини 15 см қилиб) экилади. Дискли аппаратлар 48 катакчали дисклар билан жиҳозланган. Дисклар чигитнинг катталигига қараб танланади. Сеялка ҳар уяга учта чигит ташлаш учун тўртта куракчали уяловловчи диск, ҳар уяга тўрттадан чигит ташлаб экиш учун эса уч куракчали уяловчи диск билан комплектланади. СЧХ-4А-1 ва СЧХ-4А-111 сеялкалари кетинги ғилдиракларининг ораси 1800 мм бўлган Т-28Х4М тракторларига ўрнатиб ишлатилади. Сеялкалар МТЗ-80Х тракторига махсус поводок ёрдамида ўрнатилади. Гербицид сепишда сеялка ПГС-2,4 мосламаси билан бирга ишлатилади. СЧХ-4А-1 сеялкаси қуйидагича ишлайди: сеялкага тўртта ғалтакли экиш аппарати ўрнатилган. Ҳар қайси аппарат бункеридаги чигит айланаётган ғалтак тишларига илиниб, ташчиқади ва уруғ ўтказгич орқали уяловчи аппаратга тушади; паррак чигитларни тўплаб сошник ҳосил қилган эгатчага ташлайди. Сошник кетида жойлашган иш органлари- загортачлар ва катаклар эгатчани кўмади, ҳосил бўлган марза зичланади. СЧХ-4А-1 сеялкасини турли экиш схемасига мослаш учун занжирли узатмага тишлар сони турлича бўлган юлдузчалар қўйилади. Уялар орасини 16 см қилиб экиш учун каттта юлдузча тишларининг сони 45, кичик юлдузчаларники эса 12, уялар орасини 20 см қилиш учун тегишлича 45 ва 46, уя ораси 30 см бўлиши учун 45 ва 25 тишли юлдузчалар қўйилади.

Фойдалани лган адабиётлар рўйхати 1. И.А.Каримов «Дехқончилик тараққиёти-фаровонлик манбаи». Тошкент., 1994 йил. 2. Э. Ойхўжаев, Х..Қўшназаров. «Қишлоқ хўжалик ишлаб чиқаришини механизациялаш», Тошкент., 1988 йил. 3. А.И.Комилов, Қ.А.Шарипов ва башқалар. Трактор ва автомобиллар. Тошкент «Талқин» 2003 й.(лотин алифбосида). 4. М. Шоумарова, Т.Абдуллаев «Қишлоқ хўжалик машиналари».Тошкент. «Ўқитувчи». 2002. 5. Ў.Қўчқаров. Олий ўқув юртларига «Трактор ва автомобиллар» фанидан агрономик мутахассислигига оид қўлланма. Тошкент 1997. 6. В.И Родичев., Г.И Родичева Трактор ва автомобиллар. Т.1984 й. 7. А. Гуревич, С. Сорокин «Трактор ва автомобиллар» Т. Ўқитувчи-1980 й. 8. Ф.М.Маматов «Қишлоқ хўжалик машиналари». Қарши. «Ўқитувчи». 2008.

O'xshashlar

Кўчат экиш машиналари

Ерларни кўчат экиш, кўчат ковлаш ва кўчат қаторлари оралиғи тупроғига ишлов бериш машиналари

Экиш ва кучат утказиш машиналари

Уруғ ва экиш материалларини дорилашда қўлланувчи фунгицидлар

Уруғ ва экиш материалларини дорилашда қўлланувчи фунгицидлар