Сут консервалари ишлаб чиқариш жараёни - Qishloq va o'rmon xo'jaligi - Referatlar

Сут консервалари ишлаб чиқариш жараёни

Yuklangan vaqt:

20.09.2019

Ko'chirishlar soni:

0

Hajmi:

51 KB

Ko'chirib olish

Сут консервалари ишлаб чиқариш жараёни Режа: 1. Сут консервалари ишлаб чиқаришнинг моҳияти 2. Қуюлтирилган сут консервалари ишлаб чиқариш жараёни 3. Қуритилган сут консервалари ишлаб чиқариш жараёни

Таянч иборалар Осмотик босим, қуюлтириш, консервация, сут камчиликлари, иссиқликка чидамлилик, диспер таркиби, полидисперс таркиби, вакуум буғлантиргич аппарат, стерилизатор, ЁҚСҚ, хлор кальцийли, алкоголли, гомогенезация, динатрий фосфат, шарбатни пиширгич қозон, кристаллизатор - совутгич инактивация, рефрактометр, кристалланиш маркази, лактоза, коагуляция, плазма, гомогенизация, калорифер, шнек. Сут консервалари - табиий сутдан, сут қўшимча маҳсулотларидан ёки уларга турли хуштам, хушҳид берувчи озуқавий моддалар қўшиб, махсус ишлов бериш йўли билан тайёрланади. Сут консерваларини тайёрлашнинг назарий асослари; микроблар ҳаётини тўхтатиш ёки сусайтириш, шу асосида маҳсулот бузилишини олдини олиш, ҳамда маҳсулот таркибида кечадиган нохуш ферментатив жараёнларни тўхтатишдан иборат. Сут консервалари ишлаб чиқаришнинг бир неча усуллари мавжуд. Сут консервалари жуда кўп қулай шаклларга, табиий сутга нисбатан афзалликларга эгадир. Сут стерилизация, қуритиш ва шакар қўшиш йўллари билан консерваланади. Қуюилтирилган стерилланган сут консервалари ишлаб чиқариш учун вакуум - буғлантириш аппарат, стерилизатор ва банкаларни беркитувчи аппарат бўлиши керак. Бу турдаги сут консерваларига табиий куюлтирилган стерилланган, табиий қуюлтирилган пастерланган ва ёғсизлантирилган сутлар киради. Табиий қуюлтирилган стерилланган сут қуйидаги кўрсаткичлари билан характерланади: таъми ширин, консистенцияси бир хил, таркибида қуруқ модда 25,5% дан кам бўлмаган, шу жуладан ёғи 7,8%, бўлиши керак.

Бундай сутнинг таркибида умуман микроорганизмлар бўлиши мумкин эмас. Стерилланган қуюлтирилган сут ишлаб чиқариш технологияси қўйидаги жараёнларни ўз ичига олади: сут қабул қилиш ва уни сифатини аниқлаш, тозалаш, совутиш ва сақлаш, меъёрлаш, қуюлтириш, гомогенлаш ва қуюлтирилган сутни совутиш, синов учун стериллаш, сутни идишларга (банка) қуюш ва беркитиш, қуюлтирилган сутни стериллаш, стерилланганлигини текшириш ва сақлаш. Сутни қабул қилиш ва сифатини аниқлаш . Тибиий сут анализ қилинади ва уни органолептик кўрсаткичлари хамда иссиқликка чидамлилиги аниқланади. Сут механик аралашмалардан тозаланади ва 4-6 о С совутилади. Сутни меъёрлаш, пастерлаш ва қуюлтириш . Сутни меъёрлаш шундай олиб бориладики, унга обрат ёки қаймоқ қўшилганда тайёр маҳсулот таркибида ЁҚСҚ 17,8% ва ёғи 8,2% бўлиши керак. Меъёрлаштирилган маҳсулот 95 о С да 10-25 мин. пастерланади. Пастерланган сут вакуум - буғлантурувчи аппаратда 50-60 о С да 2,2-2,5 марта қуюлтирилади. Маҳсулотни қуюлтириш даражаси унинг зичлигига қараб аниқланади. У 55 о С да 1,04-1,05 г/см 3 бўлиши керак. Гомогенлаш. Бунда маҳсулот таркибида ёғ доначалари майдаланади, бу эса кейинчалик тайёр қуюлтирилган стерилланган сут маҳсулотини сақлаш жараёнида юза қисмига қаймоқ чиқмаслигини таминлайди. Гомогенланган қуюлтирилган сут 10-12 о С совутилади. Дастлабки синаш учун стериллаш. 5 та метал банка қуюлтирилган сут билан тўлдирилади. Устидан турли миқдорда 25% ли динатрий фосфат эритмаси ва дистилланган сув қуйилади. Сўнгра банкадаги маҳсулот яхшилаб аралаштирилади, ҳаво кирмайдиган қилиб беркитилади (махсус машиналарда), стерилланади (стериллаш режими тайёр маҳсулот режимида олиб борилади). Стериллангандан сўнг банкалардаги маҳсулотларни органолептик кўрсаткичлари аниқланади.

Қайси банкани маҳсулоти мақсадга мувофиқ бўлса, динатрий фосфат қўшиш ҳамма партия сут учун бир хилда қилиб олинади. Қуюлтирилган сутни банкаларга қўйиш ва беркитиш. Динатрий фосфат эритмаси қўйилган банкалардаги аралашма яхшилаб чайқалади, аралаштирилади, банкалардаги аралашма 320-330 г бўлиши керак. Сўнгра қопқоғи герметик беркитилади. Сўнгра уни беркитилиш даражаси сувга солиб текширилади. Стериллаш . Банкаларга солинган қуюлтирилган сут 115-118 о С да 15-20 мин стерилланади, сўнгра 20-25 о С да совутилади. Банкаларни стерилланганлик даражасини текшириш учун, улар 10 кун термостатга 37 о С да сақланади. Шишган ва деформацияланган банкалар пучак қилинади ва қолганлари 5-15 о С совутилган ва намлиги 85% бўлган биноларда сақланади. Қуюлтирилган шакарли сут консервалари ишлаб чиқариш. Бу маҳсулотларга қуйидагилар киради: қуюлтирилган шакарли табиий сут, қуюлтирилган шакарли қаймоқ, қуюлтирилган ёғсиз шакарли сут, қуюлтирилган шакарли, айрон, қуюлтирилган шакарли сутга какао ва кофе қўшилган турлари мавжуддир. Қуюлтирилган шакарли табиий сут. У ширин, мазали, ёпишқоқ консистенциялидир. Ранги оқ, оч пушти рангли. Нордонлиги 48 о т дан паст. Бу маҳсулотни ишлаб чиқариш қуйидаги технологик жараёнлардан иборат: сутни қабул қилиш ва анализ қилиш, меъёрлаш, пастерлаш, шакар эритмасини тайёрлаш, қуюлтириш, қуюлтирилган сутни нормаллаштириш, совутиш ва сут шакарини кристаллаш, банкаларга қўйиш ва ёпиш, сақлаш. Сутни қабул қилиш ва навларга ажратиш андоза сутни меъёрлаш асосида олиб борилади. Нормаллаш. Сутдан тайёр маҳсулот олинганда унинг таркибида 26,5% сув, қуруқ модда 28,5% (ёги 8,5% кам бўлмаслиги керак), шакар 43,5%, лактоза 11,6%, ёгнинг:ЁҚСҚ=0,425 бўлиши керак.

Нормаллаштирилган аралашма 85-90 о С да пастерланади. Шакар эритмаси юқори сифатли 99,75% ли сахароза ва 0,15% намлика эга бўлган шакардан тайёрланади. Қуюлтириш. Тайёрланган аралашма вакуум буғлаш аппаратида - 50- 60 о С да қуюлтирилади. Қуюлтирилишга 10-15 мин. қолганда шакар эритмаси аралаштирилади. Қуюлтирилган маҳсулотда куруқ модда 73,8-74% бўлиши керак. Банкаларга қўйиш . Тайёр маҳсулот махсус ускуналар ёрдамида туника банкаларга қўйилади. Ҳаво киритмасдан беркитилади. Идишлар 400 г, 3,8-3,9 кг, 50-100 кг ҳажмли бўлиши мумкин. Сақлаш махсус биноларда 10-15 о С да, 85% нисбий намликда бўлиши керак, 1 йилгача сақланиши мумкин. Қуюлтирилган сутни музлатиб сақлаш мумкин эмас, бунда оқсиллар коагуляцияланиши мумкин. Қуюлтирилган шакарли қаймоқ. Бундай маҳсулот таркибида қуруқ модда 36% дан кам бўлмаслиги (ёғи 20%), намлиги 26% юқори бўлмаслиги, қанд 37% кам бўлмаслиги, ёгнинг:ЁҚСҚ=1,176 тенг. Таъми ширин, консистенцияси маҳсулотга мос, ранги оқ нордонлиги 40 о Т баланд бўлмаслиги керак. Қуюлтирилган шакарли қаймоқ юқори сифатли қаймоқдан тайёрланади. Маҳсулот тайёрлаш технологияси қуюлтирилган шакарли сут билан бир хилдир, фақат қаймоқ тайёрлашда улар гомогенланади. Қуюлтирилган шакарли ёғи олинган сут ва айрон. Бу иккала маҳсулот алохида хомашёлари қўшилмасдан ва қўшилиб ҳам тайёрланиши мумкин. Бунда 75% ёғсиз сутга 25% айрон аралаштирилади. Тайёр маҳсулотда нордонлик 60 о Т дан, намлик 30% дан, ЁҚСҚ - 26% дан, шакар 44% кам бўлмаслиги керак. Фляга ва бочкаларга қўйилиб реализацияга чиқарилади. Қуритилган сут маҳсулотларини ишлаб чиқариш жараёни . Бундай маҳсулотлар тури (ассортимент) жуда кўп.

Табиий қуритилган сут, обрат, айрон, қаймоқ (шакарли ва шакарсиз), нордон сут маҳсулотлари, ёки эмизувдаги болалар учун ҳар хил қуритилган сут маҳсулотлари ишлаб чиқарилади. Қуритилган табиий сут ишлаб чиқариш жараёни. У оқ, кукун бўлиб, таркибида ЁҚСҚ. 70,9% (шу жумладан шакар 35-38%, оқсил 26-28%, минерал 5,8-6,2%), ёғ 26,1%, намлиги 3-7% бўлади. Ёғ: ЁҚСҚ=0,368 андоза бўйича олиб борилади. Сут икки хил усулда қуритилади: Пуркаш (ҳаво) ва юпқа парда ҳосил қилиш йўли билан қуритилади. Пуркаш йули билан қуритилганда 72-75 о С пастерланган сут вакуум - қуритгич аппаратда 43-48% гача қуюлтирилади. Сўнг гомогенланади. Шу ҳароратда сут махсус башняга форсунка ёки диск ёрдамида юборилади. Башняда ҳарорат t o 140-155 о С бўлиб, сут тез қурийди.

Адабиётлар 1. Кугенев П.В. Молоко и молочные продукты М. Россельхозиздат, 1985. 2. Горбатов К.К. Биохимия молоко и молочных продуктов М. легкая и пищевая промышленность, 1984. 3. Гасанов А.Т. Резервы увеличения производства молоко и молочных продуктов М. Агропромиздат, 1990.

O'xshashlar

Пишлоқ ишлаб чиқариш жараёни

Сарёғ ишлаб чиқариш жараёни

Истеъмол сутлари, қаймоқ ва нордон сут маҳсулотлари ишлаб чиқариш жараёни

Мева-сабзавот консервалари ишлаб чиқариш чиқитларидан фойдаланиш

Ишлаб-чиқариш логистикаси