Машиналарнинг таъмирлашни ташкил этиш асослари - Qishloq va o'rmon xo'jaligi - Referatlar

Машиналарнинг таъмирлашни ташкил этиш асослари

Yuklangan vaqt:

20.09.2019

Ko'chirishlar soni:

0

Hajmi:

71 KB

Ko'chirib olish

Машиналарнинг таъмирлашни ташкил этиш асослари Режа : 1. Машиналар таъмирланишини режалаш. 2. Машиналарни таъмирловчи ва деталларни қайта тикловчи чет эл фирмалари. 3. Қишлоқ хўжалик машиналарига техник хизмат кўрсатиш ва таъмирлаш ишларини ташкил этиш комплекс тизими. 4. Машиналарга техник хизмат кўрсатиш ва таъмирлашни ташкил қилиш усуллари.

Ўғит сочиш ва ўсимликларни ҳимоялаш машиналаринитаъмирлаш жараёни қуйидаги кетма-кет бажариладиган қатор операциялардан иборат: машинани ўғитдан тозалаш, таъмирлаш учун машинани етказиб бериш; машинани қабул қилиб олиш; сиртини тозалаш ва ювиш; қисман узел ва деталларга ажратиш; узел ва деталларни дефектовка қилиш; деталларни таъмирлаш ёки қайта тиклаш; машиналарни таъмирланган ёки янги узел ҳамда деталлар билан жамлаш; машинани йиғиш ва ростлаш. Йиғилган машинани текширилади, бўялади ва чиниқтирилади, сўнгра ишлашга ёки сақлаш учун йўналтирилади. Ўғит киритиш ва ўсимликларни ҳимоя қилиш машиналарини таъмирлаш ширкат хўжаликларини шунингдек бошқа корхоналарнинг таъмирлаш устахоналарида ташкил қилинади. Таъмирлаш устахоналарида меҳнатни ташкил этиш шакли ишлар ҳажми ва характерига ва уларни бажариш муддатларига боғлиқ. Ўғит киритиш ва ўсимликларни ҳимоя қилишда, машиналарни таъмирлаш тажрибасида меҳнатни ташкил этишнинг қуйидаги шаклларидан фойдаланилади: бригада, бригада – узел ва агрегат усуллари. Кичик хўжаликларнинг таъмирлаш устахоналарида меҳнатни ташкил қилишни бригада шакли қўлланилади. У шундан иборатки, қисмларга ажратиш-йиғиш ва мослаш ишларини ишчилар универсал постда (иш ўрни) бажарадилар. Таъмирлашни ташкил этишнинг анча мукаммаллаштирилган бригада – узел шакли шундан иборатки, барча қисмларга ажратиш ва йиғиш ишларини бригадалар ихтисослаштирилган постларда бажарадилар. Иш постларининг сони ишлаб чиқариш дастури ва операциялар бўйича вақт нормаларига боғлиқ. Бунда ишлаб чиқариш майдонларини мавжудлиги ҳисобга олинади. Ўғитлаш ва ўсимликларни ҳимоялаш машиналарини таъмирлаш ширкат хужаликларининг устахоналарида ва умумий ишларга мўлжалланган устахоналарда, шунингдек ихтисослаштирилган участкаларда режаланади. Паркда машиналарни мавжудлиги, машина бажарадиган иш ҳажми ва

таъмирлашлараро муддатларига асоланиб таъмирлаш дастури аниқланади, сўнгра эса устахонанинг ишлаш графиги ёки календарь режа тузилади. Режада иш ўринларини асбоб-ускуналар, мосламалар ҳамда асбоб ва материаллар билан жиҳозлаш, ишчиларга иш ўрнини бириктириш ва машиналарни таъмирлашга қўйиш муддатлари назарда тутилади. Машиналарнинг таъмирлашни дала ишларидан кейин дарҳол бошлаш режаланса жуда мақсадга мувофиқ бўлади. Бу хол машиналарнинг яхши сақланишига ва иш ҳажмларининг тақсимланиши ва энг қулай об-хаво шароитларини ҳисобга олган ҳолда устахонани бир маромда иш билан таъминлашга ёрдам беради. Иш ўринларини асбоб-ускуналар билан жиҳозланиши машиналар таъмирлаш ишларини сермеҳнатлиги ва уларни иш турлари бўйича тақсимланишига мувофиқ хисобланади. Ўғит сочгични таъмирлаш учун тахминан сарфланадиган мехнат – 36 соатгача. Бунда станок ишларига барча мкҳнат сарфининг 9-11%, слеарлик ишларига 12-15%, темирчилик ишларига 10-14%, пайвандлаш ишларига 3-7% ва қисмларга ажратиш – йиғиш ишларига 60-70% тўғри келади. Ҳисоблашда мутахассислар (ишчилар таъминловчи)нинг вақт фонди, шунингдек иш вақтининг номинал (имкони борича йўл қўйилган) ва ҳақиқий фонди хисобга олинади. Номинал иш вақти фонди Ф н тўла календарь вақтидан (635 кун) дам олиш ва байрам кунлари айириб аниқланади. Режалаш жараёнида ҳақиқий иш вақти фонди Ф дан фойдаланилади. У номинал фонд ва отпуска муддати ҳамда узрли сабабларга кўра, ишга чиқилмаган кунлар сони айирмасидан топилади. Ишлаб чиқаришдаги ишчиларнинг умумий сони (И) қуйидаги формула бўйича ҳисоблаб топилади:К Ф Т И х й   ) / ( Бу ерда Т й – бир йилда таъмирлаш ишларига талаб қилинадиган жаъми меҳнат, соат;

Ф х – иш вақтининг йиллик ҳақиқий фонди, соат; К – бажариладиган иш хажми нормасини ошириб бажариш коэффициенти, 1.2. Хорижий мамлакатларда фирмалар – машиналар ишлаб чиқарувчи, шунингдек ихтисослаштирилган алоҳида мустақил фирмаларнинг иқтисодий манфаатига асосланиб ҳар хил доимий хизмат кўрсатиш, шу жумладан машиналарни таъмирлаш ишлари бажарилади. А Қ Шда машиналар тайёрловчи фирмалар машиналар ва эхтиёт қисмларни ишлаб чиқаришга, диллер эса таъмирлаш ва техник хизмат кўрсатиш учун тўла жавоб беради. Машиналар холати учун диллер ва фирма жавобгар бўлади. Бунга эхтиёт қисмларнинг нархи янги машиналар йиғишдаги нархларга қараганда 1.5-2 марта юқорилиги ёрдам беради. Бунда машина қанча олдин чиқарилган бўлса, эхтиёт қисмлар шунчалик қиммат бўлади. Масалан, хизмат кўрсатиш учун сарфланган 1 сўм маблағ уларда 2 сўм фойда келтиради. Машиналарнинг техник ҳолатига диагноз қўйишга катта аҳамият берилади, шу билан бирга бу операция автоматлаштирилган. Тракторларга диагноз қўйишда учта йўналиш бор: а) далада диагноз қўйиш; б) диллер иштирокида диагноз қўйиш; в) электроникадан фойдаланиб диагноз қўйиш. Бунда мойларни анализ қилишга, ёрдамчи системаларга, мой системасига, гидравликага, тормозларга, совутиш системалари ва хоказоларга диагноз қўйишга катта аҳамият берилади. Машиналар асосан жорий таъмирлаш ҳажмида таъмирланади. Таъмирлаш мақсадга мувофиқлигини белгиловчи мезон иқтисодий фактор хисобланади. Масалан, агар таъмирлаш учун қилинадиган харажатлар янги машина нархининг 50% идан ортиқ бўлса, бундай ҳолларда машина таъмирланмайди. А Қ Ш нинг таъмирлаш хизмати самаралидир. Унинг самарадорлиги хўжаликларни техника билан таъминлаш ва уни таъмирлаш функциялари бирлаштиришгина эмас, эхтиёт қисмлар билан тўла таъминланганлик жуда

мухим роль ўйнайди. А Қ Ш да ташкил топган нормаларга мувофиқ эҳтиёт қисмлар нархи эса 40% ва ҳатто 60% ни ташкил қилади. ЭҲМ ларни қўллаш ҳам муҳим аҳамиятга эга, улар ёрдамида узоқ вақт ичида (20-25 йил) айни фирма сотган тракторлар ва қишлоқ хўжалик машиналарини ҳисобга олиб борилади. Ривожлаган мамлакатларда таъмирлашни ташкил этилишини юқорида келтирилган таҳлили асосида қуйидаги хулосаларни чиқариш мумкин. 1. Жахон бозорида конкуренция кураши кескинлашаётган шароитларда тракторлар, автомобиллар ва бошқа машиналарга тез ҳамда юқори сифатли техник хизмат кўрсатиш борган сайин катта аҳамиятга бўлмоқда. Техник хизмат кўрсатишнинг тармоқланган ва яхши йўлга қўйилган тармоғининг ташкил қилиниши янги бозорларни ўзлаштиришда муҳим усуллардан бири ҳамда машиналарни экспорт қилувчи фирмаларни конкуренцияга қобилиятлилигининг асосий кўрсатгичи ҳисобланади. 2. Жорий таъмирлаш ҳажми бўйича афзал кўрилади. Капиталистик мамлакатларнинг кўпчилик таъмирлаш корхоналари унча катта эмас, улар таъмирлаш ишларининг барча хилларини бажарадилар, универсал асбоб-ускуна ва технологик ҳужжатлардан фойдаланадилар. 3. Ихтисослаштирилган корхоналарда бажариладиган капитал таъмирлаш (асосан агрегатларни) сони шунга ўхшаш маркали янги машиналар чиқарилишига нисбатан кичкина улушни ташкил қилади. Тўла комплектли машиналарни таъмирлайдиган ихтисослаштирилган йирик корхоналар йўқ, агрегатларни таъмирлаш учун ихтисослаштирилган (асосан двигателларни) катта дастурли корхоналар эса бир нечтани ташкил қилади. 4. Машиналарга диагноз қўйишга катта аҳамият берилади, машина ва агрегатлар техник ҳолати характеристиканинг юқори даражада ишончлилигини таъминлайдиган замонавий диагноз қўйиш воситалари яратилмоқда.

5. Машиналарни таъмирлаш ва уларга хизмат кўрсатиш ишлари одатда ихтисослаштирилган хизмат: фирма, диллер, дистрибьютор, томонидан бажарилади. 6. АҚШ, Англия, Германияда автомашиналарга хизмат кўрсатиш ва уларни таъмирлаш бўйича база яратишга катта аҳамият берилади. Буни автомашиналардан фойдаланишни катта миқдордаги бир жойга тўпланиши, уларни таъмирланишга яроқлилиги ҳамда автомашиналар тезлигининг юқорилиги билан тушунтириш мумкин. 7. Юқори даражада ривожланган индустриал капиталистик мамлакатларда, янги эҳтиёт қисмлар етарли миқдорда ишлаб чиқилади ва янги машиналар ҳар доим сотилавермайди, деталларни тиклаш фойдали иш ҳисобланади. Қишлоқ хўжалиги комплекси қуйидаги асосий масалаларни ечиш учун мўлжалланган: 1) қишлоқ хўжалигида меҳнат унумдорлигини ошириш ва машиналарни керакли бўлган техник тайёргарлигини таъминлаш асосида бу мақсадлар учун меҳнат ва пулни жуда кам сарфлаган ҳолда, маҳсулот ишлаб чиқарилишини кўпайтириш; 2) ташкил этишни яхшилаш ҳамда машина ва ускуналарга ТХК ва уларни таъмирлаш ишлари сифатини ошириш, уларни тегишлича сақланиши ва хизмат қилиш муддатининг ўтишини таъминлаш; 3) ширкат хўжаликлари ва нохия қишлоқ хўжалик техникасинининг ТХКБ тузилиши ва таркибини оптималлаш агросаноат комплекси шароитларида уни режа асосида ва балансланган тарзда ривожланиши; 4) қишлоқ хўжалик техникасини ишлатишда ИТР ни жадаллаштириш. Хужжат ТХКМ ўтказишда энг янги усуллар ва воситалар қўллаш назарда тутади, бу эса меҳнат унумдорлиги ва сифатини ошишига сезиларли таъсир қилади.

Нормативлар ва қоидаларга риоя қилиш, техникани ишга яроқли холатда сақлаб туришда қишлоқ хўжалик ишлабчиқариш харажатлари энг кам бўлган ҳолда, ундан фойдаланида пухталигини оширишга ёрдам беради. Техник хизмат кўрсатиш ва таъмирлаш тизими техник хизмат кўрсатиш ва таъмирлаш билан банд бўлган хизмат ва корхоналарни тегишли ишларни оқилона ташкил қилишга йўллайди, оптимал таъмирлаш сифатини белгилайди, қишлоқ хўжалик таъмирлаш базасини мўлжалланган жойга тўплаш ва ихтисослаштириш ҳисобига ривожлантириш учун капитал маблағларни камайтиришга ёрдам беради. Техник хизмат кўрсатиш ва таъмирлаш тизими машиналарнинг қуйидаги гуруҳларга жорий қилинади: тракторлар; ғалла ўриш машиналари; пахта териш машиналари; юк ташиш автомобиллари; бошқа қишлоқ хўжалик машиналари. Техник хизмат кўрсатиш ва таъмирлаш тизимининг асосий нормативлари. КТХК-8-10 соатдан сўнг, ТХК-1-60 соатдан сўнг, ТХК-2-240 соатдан сўнг, ТХК-3-960 соатдан сўнг бажарилади. Ҳозирда ишлаб чиқарилаётган тракторлар учун техник хизмат кўрсатиш даврийлиги (мотосоатлар) қуйидагича бўлади, соат: КТХК-8-10; ТХК-1-125; ТХК-2-500; ТХК-3-1000 Тракторларни капитал таъмирлаш даврийлиги (ғалла йиғиш ва баъзи махсус комбайнлар) режалаш мақсадлари учун маркалари бўйича дифферецияланган ҳамда таъмирлашга қадар ва таъмирлашдан кейин бажариладиган иш ҳажми билан мотосоатларда таърифланади. Маркаси Таъмирлашга қадар бажарилган иш ҳажми Таъмирлашдан кейин бажарилган иш ҳажми МТЗ-80 6400 5100

ЮМЗ-60 ДТ-75М К-700А ЕС-6Б лавлаги қазиш комбайни 7000 5700 5900 1150 5600 4500 4777 920 Техник хизмат кўрсатиш ва таъмирлаш тизими қуйидаги ишлар турини назарда тутади. Улар ёрдамида машиналарнинг зарур бўлган техник ҳолати ва бутун ишлатиш даври ичида уларни ишга лаёқатлилиги сақлаб турилади: техник хизмат кўрсатиш; жорий таъмирлаш; капитал таъмирлаш; сақлаш. Техник хизмат кўрсатиш – машиналардан фойдаланишда ва сақлашда улар шайлигини сақлаб туриш бўйича қилинган ишлар комплексидир. Ишлар мажбурий характерга эга ва машинани бутун ишлатиш даври давомида вақти-вақти билан бажарилади. Техник хизмат кўрсатиш ювиш, тозалаш, назорат қилиш, диагноз қўйиш, ростлаш, мойлаш, ёнилғи билдан таъминлаш (қишлоқ хўжалик ишларини бажариш учун машиналарни технологик суюқликлар билан таъминлашдан ташқари), маҳкамлаш ва монтаж - қисмларга ажратиш ишлари, консервация ва реконсервацияга оид ишларни ўз ичига олади. Техник хизмат кўрсатишда машинанинг айрим ташкил қилувчи қисмлари алмаштирилиши мумкин. Умуман олганда, машина бўйича уларнинг умумий даврийлиги, босқич ёки фойдаланиш шароитлари билан бирлаштирилган бундай ишларни маълум руйхати хизмат кўрсатиш тури деб аталади. Қ исман қисмларга ажратилган холда хизмат кўрсатиш жойига олиб келингандан кейин машина тўла йиғилади, ростланади ва чиниқтирилади.

Машиналарга қуйидаги техник хизмат кўрсатиш турларини бажариш кўзда тутилади: ҳар сменада техник хизмат кўрсатиш; техник хизмат кўрсатишни номерли турлари; мавсумий техник хизмат кўрсатиш (МТХК); махсус шароитларда фойдаланилганда техник хизмат кўрсатиш; сақлашда техник хизмат кўрсатиш. Ҳар сменада техник хизмат кўрсатиш машинани ишга тайёрлаш ва смена давомида унинг ишга лаёқатлилигини таъминлаш учун мўлжалланган. У смена бошида ёки смена охирида бажарилади. Техник хизмат кўрсатишнинг номерли турларини даврийлиги ва уларнинг режаланадиган мазмуни ҳар хил турдаги ва маркадаги машиналар учун турлича бўлиши мумкин. Тиркалма ва ўрнатма машиналарга хизмат кўрсатиш даврийлиги катталигига каррали бўлиши керак. Юқори номерли техник хизмат кўрсатиш ишларининг руйхати, одатда, олдинги техник хизмат кўрсатишни ўз ичига олади. Мавсумий техник хизмат кўрсатиш бир йилда икки марта ўтказилади: баҳорги-ёзги ва кузги-қишки шароитларда ишлатишга ўтишда, яъни атрофидаги ҳавонинг ўртача ҳарорати 5°С белгидан ўтиш даврларида. Алохида шароитларда фойдаланилганда техник хизмат кўрсатиш сақлаш жараёни ва фойдаланишга тайёрлашда сақлаш қоидалари талабларига мувофиқ бажарилиши керак. Сақлаш жараёнида машиналарга хизмат кўрсатиш ишларининг асосий мазмуни металл қисмларни занглашдан, резинотехник буюмларни эскиришдан ҳимоялаш, тутиб турувчи деталлар деформацияланишининг олдини олишдан иборат. Техник хизмат кўрсатишнинг режалаш асоси ҳар сменадаги бажарилган иш ҳажми, босиб ўтилган йўл ёки сарфланган ёнилғи ҳисобга олишдир.

Ҳар сменадаги техник хизмат кўрсатиш шу машинани ишлатувчи ходим томонидан бажарилади. Техник хизмат кўрсатишнинг бошқа турларини хўжаликлардаги ихтисослаштирилган звенолар, шунингдек техник хизмат кўрсатишда ихтисослаштирилган станцияларнинг сайёр бригадалари ҳамда звенолари бажарса мақсадга мувофиқ бўлади.

Фойдаланилган адабиётлар руйхати : 1. Йўлдошев Ш.У., Машиналар ишончлилиги ва уларни таъмирлаш асослари.- Тошкент, Ўзбекистон, 1994. 2 . Ермолов Л.С. ва бош қ алар. Основы надежности сельскохозяственной техники.-М.: Колос, 1992 . 3 . Мельников.Г.Н., Технология машиностроения (1 ,2- том). - М .: Издательства МГТУ им. Н.Э.Баумана , 1998. 4 . Прейсман В.И. Основы сельскохозяйственной техники.-Киев. : Высшая школа, 1988 . 5 . Решетов Д.Н. Роботоспособность и надежность деталей машин.-М.: Высщая школа, 1990 . 6 . Решетов Д.Н. ва бош қ алар. Надежность машин.-М.: Высщая школа, 1988 .

O'xshashlar

Машиналарнинг эскириш ва ейилиш асослари

Машиналарнинг пухталигини ошириш

Юк ташиш жараёнини ташкил этиш

Уругчиликнинг вазифалари ва ташкил этиш

Уруғчилик. Уруғчиликнинг вазифалари ва ташкил этиш