Машина деталларини тиклаш технологик жараёнлари - Qishloq va o'rmon xo'jaligi - Referatlar

Машина деталларини тиклаш технологик жараёнлари

Yuklangan vaqt:

20.09.2019

Ko'chirishlar soni:

0

Hajmi:

76 KB

Ko'chirib olish

Машина деталларини тиклаш технологик жараёнлари Режа : 1. Асосий тушунчалар ва деталларни тиклашнинг хозирги усуллари. 2. Деталларни гальваник ва кимиёвий қопламалар билан тиклаш. 3. Деталларни пластик деформациялаш усули билан тиклаш. 4. Қўлда электрёй билан пайвандлаш ва суюлтириб қоплаш.

Қишлоқ хўжалик машиналарни таъмирлашнинг иқтисодий самарадорлигини оширишда деталларни қолдиқ иш муддатидан фойдалиниш катта аҳамиятга эга. Тракторлар ва қишлоқ хўжалик машиналарининг ҳамда улардаги агрегатларнинг асосий таъмиргача хизмат муддатини ўтаган деталларининг 60-65% қолдиқ иш муддатига эга бўлиб таъмирланмасдан ёки оз миқдорда таъмирлаш ишларини бажаргандан кейин яна ишлатишга яроқли бўлади. Тракторлар ва қишлоқ хўжалик машиналарининг барча деталларнинг иш муддатларига қараб уч гуруҳга бўлинади: 1. Биринчи гуруҳга ўз иш муддатини тўлиқ ўтаган ва таъмирлаш пайтида янгиси билан алмаштирилиши лозим бўлган деталлар киради. Бундай деталлар нисбатан оз бўлиб, барча деталлар сонининг 25-30% ни ташкил этади. Бу гуруҳ деталларга поршенлар, поршень ҳалқалари, подшипникларнинг вкладишлари, турли втулкалар, думалаш подшипниклари, резина техник буюмлар ва бошқалар киради. 2. Иккинчи гуруҳ деталларни (30-35%) таъмирламасдан яна ишлатиш мумкин. Бу гуруҳ деталларига иш сиртлари жоиз чегарада ейилган деталлар киради. 3. Учинчи гуруҳ деталлари асосий (40-45%) қисми киради. Улар таъмирлангандан кейингина қайта фойдаланиш мумкин. Бу гуруҳга анча қиммат ва мураккаб замин деталлар, масалан, цилиндрлар блоки, тирсакли вал, узатмалар қутисининг картери, орқа кўприк, тақсимлаш вали киради. Бу деталларни тиклаш нархи уларни тайёрлаш нархининг 10-50 % дан ошмайди. Қишлоқ хўжалик техникасини таъмирлаш иқтисодий самарадорлигини оширишнинг асосий манбаи иккинчи ва учинчи гуруҳ деталларини қолдиқ иш муддатидан фойдаланишдан иборат. Деталларни тиклаш халқ хўжалигида катта аҳамиятга эга. Деталларни тиклаш учун сарфланадиган маблағ уларни тайёрлаш харажатларидан 2-3 марта кам бўлади. Чунки деталларни тиклашда ашёлар, электр энергияси ва меҳнат ресурслари сарфи анча қисқаради.

Деталларни тиклаш самарадорлиги ва сифати танланган усулга боғлиқ. Деталларни тиклашнинг куйидаги усуллари кенг кўламда қўлланилади: механик ишлов бериш, пайвандлаш ва суюлтириб қоплаш, пуркаб қоплаш, гальваник ва кимёвий ишлов бериш, босим билан ишлов бериш, синтетик ашёлардан фойдаланиш. Машиналар ва ускуналарни таъмирлаш технологик жараёнида уларнинг деталлари тозаланади, яроқли-яроқсизларга сараланади ва ташхис қўйиш каби умумтаъмир ишлари бажарилади, шунингдек баъзи ҳолларда тегишли синовлардан ҳам ўтказилади. Деталнинг геометрик шаклини ёки ашёнинг ички холатини ўзгартириш билан боғлиқ бўлган технологик таъсир этиш ишлари тиклаш ишларига киради. Бунинг учун қуйидаги технологик жараёнлар бажарилади: деталнинг ейилган сиртини тўлдириб қоплаш, иш вақтида эгилувчан дефомацияланган жойларни асл холатига келтириш ёки ейилган жойларнинг ўлчамларини тиклаш мақсадида ашёни қайта тақсимлаш учун пластик деформациялаш, деталнинг бир қисмини алмаштириш ва қўшимча элементлар ўрнатиш, деталларнинг сиртларига бирор усулда ишлов бериш металнинг бир қисмини олиб ташлаш. Гальваник қоплаш электр ток таъсирида металл тузларининг эритмасидан металларнинг ажралиб чиқиш хоссасига асосланган. Детал ток манбаининг манфий қутбига катодга уланганда, унинг ейилган сиртига металл ўтиради. Ток манбаининг мусбат қутбига уланган анод иккинчи электрод сифатида хизмат қилади. Иккала электрод ажраладиган металл тузларининг эритмасига жойланади. Гальваник ва кимёвий қопламалар деталнинг ейилган жойини тўлдириш учун ётқизилади, шунингдек улардан занглардан сақлайдиган ёки пардоз қопламар сифатида фойдаланилади. Гальваник қоплаш усулларидан

хромлаш, темирлаш, никеллаш, рухлаш ва мислаш кимёвий усулларидан эса, оксидлаш ва фосфотлаш кенг кўламда қўлланилади. Хромни ейилган сиртларига ётқизиш жараёни кўпи билан 0.25-0.3 мкм ейилган деталларни тиклашда, шунингдек занглашдан сақлаш учун қўлланилади. Валлар, ўқларнинг иш сиртлари, думалаш подшипниклари ўтказиладиган сиртлар ва бошқа деталлар хромлаш усулида тикланади. Хромли қопламалар кўкимтир-оқ рангда бўлади. Деталларга ётқизилган хром қаттиқлиги НВ 800-1000, ейилиш ва занглашга қаршилиги катта бўлади. Хром билан тикланган деталларнинг хизмат муддати иш шароитларига қараб 4-10 марта ошади. Хромли қопламаларни хом ва тобланган пўлатларга ётқизиш мумкин. Механик ишлов беришда ҳар томондан олинган қатлам қалинлиги 0.25 мм ошмаслиги керак. Деталнинг хромланмайдиган жойлари цапон лак, целлуоид, тасма ва бошқалар билан беркитилади, тешиклар эса қўрғошин тиқинлар билан ёпилади, хромланадиган сиртлар ГОИ пастаси суртилиб, эластик жилвир тошлар билан ёки майда донали жилвир қоғоз билан тозаланади. Хромлашга тайёрланган детал осмаларга ўрнатилади ва тоғорачада электролитик ёғсизлантирилади. Электролит таркиби 50г ўювчи натрий, 1л сувдан иборат; ёғсизлантириш таркиби: ток зичлиги 5 А  дм 2 , электролит харорати 15-20°С, электролитда тутиб туриш вақти 1-2 мин. Ёғсизлантириш сифати сиртларнинг кетказиш учун декопирланади. Оксид парда ётқизиладиган хромнинг асосий деталга мустахкам ёпишига тўсқинлик қилади. Оксид пардаси Н 2 О 4 нинг 5% ли эритмасида ёки таркиби 100 г хром ангидрид, 2-3 г сулфат кислота, 1 л сувдан иборат электролит қуйилган тоғорада кетказилади. Темирлаш – хлорли электролитлардан ейилишга чидамли қаттиқ қопламалар хосил қилиш жараёнидир. Бу усул хромлаш жараёнига нисбатан қуйидаги афзалликларга эга: хромлашдагига нисбатан 5-6 марта кам ток сарф бўлади, қоплама тез ҳосил бўлади, қопламанинг хосил бўлиш тезлиги 0.3-0.5 мм|соат га етади (хромлашдаги тезликдан 10-15 марта катта); қоплама

ейилишга чидамли бўлади (тобланган пўлат 45 дан қолишмайди); қалинлаги 1-1.5 мм ва бундан қалин, қаттиқлиги Н RC 20-60 бўлган қоплама хосил қилиш учун оддий арзон электролитдан фойдаланиш мумкин. Шу афзалликлари туфайли автомобилларни таъмирлашда кенг фойдаланилмоқда. Темирлашда электролит сифатида оз миқдорда хлорид кислота қўшилган хлорли темирнинг сувдаги эритмаси ишлатилади. Хлорли темир концентрацияси 200-700 г  л, хлорид кислотаники эса 1-3 г  л ни ташкил этади. Рухлаш . Тракторлар ва автомобилларни таъмирлашда майда махкамлаш деталлари рухлаб занглашдан химоя қилинади. Рухлаш сулфат кислотали электролитларда бажарилади. Бундай электролитлар таркибига сулфат кислотали рух (200-250 г  л); сулфат кислотали аммоний (20-30г  л); сулфат кислотали натрий (50-100г  л) ва дексрин (8-12г  л) киради. Қоплама айланадиган махсус барабанларда ёки қалпоқларда ётқизилади. Рухлаш жараёнида электролит харорати уй хароратига тенг ва ток кучи зичлиги 3-5 А  дм 2 бўлади. Оксидлаш –пўлат деталларда таркибида оксидловчи моддалар бўлган қайноқ ишқорли эритмаларда ишлов беришдан иборат. Оксидлашда деталларнинг сиртида қалинлиги 0.6-1.5 мкм ли оксидларда хосил бўлади. Оксид парда жуда мустахкам бўлиб, метални занглашдан мухофазалайди. Нормалар (болт, гайка ва бошқалар) ҳамда кузов арматурасининг баъзи бир деталлари оксидланади. Фосфатлаш –пўлат деталлар сиртида химоя пардалар хосил қилувчи кимёвий жараёндан иборат. Химоя парда фосфор, марганец ва темир тузларидан иборат бўлади. Парда қалинлиги 8-40 мкм бўлиб, ғовак бироз қаттиқ ва яхши мосланувчан бўлади. Фосфатлаш «Мажеф» дорисининг сувдаги 30-35 фоизли эритмасида 95-98°С хароратда 50-60 мин давомида амалга оширилади. Кузов деталларини бўяшга тайёрлашда грунт бериш ва деталларнинг ишлаб мослашувчанлигини яхшилашда бундай ишлов бериш усули қўлланилади.

Пўлатлаш –деталларнинг ейилган сиртига қалинлиги 3 мм гача бўлган пўлат қатламни электролит усулида ётқизишдан иборат. Бу усул анча тежамли ва унумли бўлганлиги сабабли кейинги йилларда пўлат ва чўян деталларни тиклашда кенг қўлланилмоқда. Пўлатлашдаги иш унуми металлнинг тез ўтириши хисобига 0.5 мм соатни ташкил этади, бу эса хромлашдагидан 15-20 хисса ортиқ. Пўлатлаш (темирлаш) усулида трансмиссияларнинг валлари, шкивлар, чўян втулкалар ва бошқа 3 мм гача ейилган деталлар тикланади. Пўлатлашнинг афзаллиги шундаки, бу усул билан детал сиртига ўтирган қатламни цементлаш, тоблаш ва бўшатиш мумкин. Никеллаш . Электролит ва кимёвий никеллаш деталларнинг ейилишга чидамлилигини ошириш, занглашдан химоялаш ва декоратив қоплама хосил қилишда қўлланилади. Электролит никеллаш эса,деталларни эритмага ботириб, маълум хароратда тутиб туришида, (электр токини ишлатмасдан), металнинг ейилган сиртига ўтиришини таъминлашдан иборат. Ёнилғи насослари ва гидравлик асбобларнинг пўлат, мис ва алюминий қотишмаларидан аниқ тайёрланган деталларни таъмирлашда никеллаш усулидан фойдаланиш тавсия этилади. Унинг юқори унумдорлиги бу усулнинг афзаллигидир. Мислаш ейилган ва сиқилган втулкаларни тиклаш, сиртларни цементитлашда мухофазалаш, электр асбобларнинг контактларини таъмирлашда ёки хромлаш ва никеллаш олдидан қуйи қатлам сифатида қўлланилади. Оқартириш –таъмирланган деталларнинг ишлаб мосланишини яхшилаш учун сиртларга қалай қатламини ётқизишдан иборат. Деталларни пластик деформациялаш усули билан тиклаш металларнинг совуқ ва иссиқ ҳолатларда пластик деформациялана олиш хоссасига асосланган. Углеродли пўлатлар, рангли металлар ва уларнинг қотишмаларидан тайёрланган деталлар совуқлайин, таркибида кўпи билан

0.3 фоиз углерод бор бўлган деталлар эса иссиқ холатларда пластик деформация усулида тикланади. Деталларни қиздирмасдан тиклашда катта куч қўйиш талаб этилади. Бунда металл тузилишини ўзгартирмасдан деформацияланади, пухталаш натижасида эса қовушқоқлик пасаяди, оқувчанлик чегараси катталашади ва детал металлининг қаттиқлиги ошади. Детални суюқланиш хароратининг 0.8-0.9 қисмигача қиздирганда пластик деформациялашга сарфланадиган куч 12-15 хисса камаяди, шунда унинг тузилиши ва механик хоссалари сезиларли даражада ўзгармайди. Амалда деталларни чўктириб, босиб киргизиб, кенгайтириб, айланасига сиқиб, чўзиб ва тўғрилаб тикланади. Бундан ташқари, деталларни тиклаш ва механик хоссаларини яхшилашнинг турли усуллари кенг қўлланилади. Деталларнинг ейилган сиртларини босим билан ишлов бериб тикланганда деталнинг ишламайдиган қисмидаги металл унинг ейилган қисмига сурилади. Бу жараён детални тайёрлаш, деформациялаш ва деформациялангандан кейин ишлов беришдан иборат. Деталларни деформациялашга тайёрлаш ишлов бериладиган сиртларни совуқлайин деформациялаш олдидан юмшатиш ёки юқори хароратда қиздириб бўшатиш, ёки иссиқлайн деформациялаш олдидан уларни қиздириш ишларидан иборат. Қ аттиқлиги 25 Н RC дан кам бўлган пўлат деталлар, шунингдек рангли металлардан тайёрланган деталлар дастлаб термик ишлов бермасдан совуқлигича деформацияланади. Рус физиги В.В. Петров 1802 йилда ёйли разряд ҳодисасини ва ундан металларни суюлтириш учун фойдаланиш мумкинлигини аниқлади. 1882 йилда рус инженери Н.Н. Бенардос дунёда биринчи бўлиб металларни пайвандлашда электр ёйдан фойдаланади. Бунда ўзгармас токда эримайдиган кўмир электрод ёрдамида электр ёй ҳосил қилиниб, металл чивиқ суюлтириб ётқизилган. 1882 йилда бошқа рус инженери Н.Г.Славянов ўзгарувчан ва ўзгармас токларда эрувчан металл электрод билан электр ёйли пайвандлаш усулини ишлаб чиқди. Бу усул ҳозир электр пайванлашнинг асосий тури

сифатида кенг қўлланмоқда. Бу усулда қалинлиги 1 мм ва ундан қалин углеродли ва легирланган барча маркадаги пўлатларни пайвандлаш ва суюлтириб қоплаш, чўян ва рангли металларни пайвандлаш мумкин. Электр пайвандлаш ёйи - қаттиқ ёки суюқ электродлар ўртасида газли муҳитда кучли ток ўтганда ҳосил бўладиган барқарор электр разрядидан иборат. Бундай разряд ҳосил бўлганда жуда кўп миқдорда иссиқлик ажралади. Ёй ҳарорати электрод кўндаланг кесимининг майдон бирлигига тўғри келадиган ток кучига боғлиқ. Бу катталик токнинг зичлиги деб аталади. Ток зичлиги қанча катта бўлса, ёй ҳарорати шунча юқори бўлади. Эрувчан электроддан фойдаланиб қўлда электр ёйли пайвандлашда ток зичлиги 10-20 А|мм 2 , кучланиш 18-20 В бўлади. Пайвандлаш сими ва электродлар пайванд чокни тўлдириш учун ишлатилади. Бунинг учун ёй зонасига суюлтириб ётқизиладиган металл чивиқ ёки сим киритилади. Қ ўлда электр ёйли пайвандлашда суюлтириб ётқизиладиган электрод сифатида сувоқли металл чивиқ ёки таёқча ишлатилади. Пайвандлаш электродлари «Э» ҳарфи ва пайванд бирикманинг узилишдаги мустаҳкамлигини кўрсатувчи рақамлар билан белгиланади. Масалан, Э42 белги пайванд чокнинг узилишга қаршилиги 4.2 Мпа эканлигини билдиради. Электроднинг ҳар қайси тоифасига одатда электродларнинг бир нечта маркаси киради. Масалан, Э42 тоифага ОЗЦ-1 ва ОМ ОММ-5 маркали электродлар кирса, Э42А тоифага ЦМ-8 электроди киради ва ҳоказо. Пўлат деталларни пайвандлаш ва суюлтириб қоплаш . Қўлда электр ёйли пайванлаш усулидан тузилишлардаги ва корпус деталлардаги дарзларни, ёрилган жойларни ямаш, деталларнинг синган қисмларини бириктириш, шунингдек деталларнинг ёйилган сиртларини металл суюлтириб қоплашда кенг кўламда қўлланилади. Пўлат деталларни пайвандлаш ва суюлтириб қоплаш сифати металлнинг кимёвий таркибига, унинг таркибидаги ва легирловчи аралашмалар миқдорига, пайвандлаш

тартиби ва электроднинг маркасига, суюлтириб қоплашга тайёрлашда металл сиртига ишлов бериш сифатига боғлиқ. Суюлтириб қоплаш олдидан деталларнинг ейилган сиртлари қум пуркаш аппаратлари ёки металл чўтка билан тозаланади, уларни 250-300°С гача қиздириб, нефть маҳсулотлари қолдиқларидан тозаланади, эски суюлтириб ётқизилган қатлам ва ёйилган резьба йўниб ташланади. Чўян деталларни пайвандлаш ва суюлтириб қоплаш . Чўяннинг кимёвий таркиби ва ўзига хос физик-кимёвий хоссалари туфайли чўян деталлар катта қийинчиликлар билан пайвандланади. Металлни тез совутганда у тобланиб, дарзлар пайдо бўлади ва ички кучланишлари ошади. Бундай ҳолга йўл қўймаслик учун пайвандлашнинг турли технологик усуллари ва махсус электродлар қўлланилади. Дарз ва синган чўянлар деталлар иссиқ ва совуқ ҳолатда пайвандланади. Иссиқ ҳолатда пайвандлашда газ билан пайвандлаш усули қўлланилади. Бунда катта чўян деталлар 600-650°С гача, кичик деталлар 150- 200°С гача қиздирилади, пайвандлангандан кейин улар секин совитилади. Чўян деталлардаги дарздлар пўлат деталлар каби пайвандлашга тайёрланади. Совуқ ҳолда пайванлаш . Чўян деталлар совуқ ҳолда пайвандлаш учун олдиндан қиздирилмайди. Бу усулда чўяннинг оқаришига, пайванд чокнинг тобланишига ва ички кучланишларнинг пайдо бўлишига йўл қўймайдиган электродлардан ва суюлтириб қопланадиган ашёдан фойдаланиш керак. Чўянни совуқ ҳолда электро пайвандлашда тескари қутбли ўзгармас ток ва кичик (3-4 мм) диаметрли электродларни ишлатиш тавсия этилади. Пайвандлаш токининг кучи электроднинг диаметрига қараб қуйидаги формула асосида танланади: I *(25-30) d э , бунда I –пайвандлаш токининг қиймати, А; d э - электрод диаметри мм.

Фойдаланилган адабиётлар руйхати : 1. Йўлдошев Ш.У., Машиналар ишончлилиги ва уларни таъмирлаш асослари.- Тошкент, Ўзбекистон, 1994. 2 . Ермолов Л.С. ва бош қ алар. Основы надежности сельскохозяственной техники.-М.: Колос, 1992 . 3 . Мельников.Г.Н., Технология машиностроения (1 ,2- том). - М .: Издательства МГТУ им. Н.Э.Баумана , 1998. 4 . Прейсман В.И. Основы сельскохозяйственной техники.-Киев. : Высшая школа, 1988 . 5 . Решетов Д.Н. Роботоспособность и надежность деталей машин.-М.: Высщая школа, 1990 . 6 . Решетов Д.Н. ва бош қ алар. Надежность машин.-М.: Высщая школа, 1988 .

O'xshashlar

Линтерлаш технологик жараёнлари

Бирикмалар деталларини бирикиш юзаларини тиклаш ва деталларни комплектлаш асослари

Технологик машина ва жиҳозларни лойиҳалашнинг ўзига ҳослиги

Чигитли пахтани дастлабки қайта ишлаш технологик жараёнлари

Буғдой ва жавдар донларидан ун тортишнинг технологик жараёнлари