Линтерлаш технологик жараёнлари - Qishloq va o'rmon xo'jaligi - Referatlar

Линтерлаш технологик жараёнлари

Yuklangan vaqt:

20.09.2019

Ko'chirishlar soni:

0

Hajmi:

181.5 KB

Ko'chirib olish

Линтерлаш технологик жараёнлари Режа: 1. Чигитларнинг ифлослиги ва уларни тозалашнинг аҳамияти. 2. Чигит тозалагичлар. 3. Линтерлаш жараёни асослари. 4. Линтер хиллари ва конструкциялари. 5. Линтерларнинг муҳим узел ва деталлари. 6. Линтернинг ишлаб чиқариш кўрсаткичлари. 7. Линт сифати ва чигитни кўп маротаба линтерлаш. 8. Линтерларни батареяга ўрнатиш.

1. Чигитларнинг ифлослиги ва уларни тозалашнинг аҳамияти. Пахта тозалаш заводида жинлашдан чиққан чигитларни ишлаш давом эттирилади: хас-чўплардан тозаланади, линтерланади, делинтерланади, сортларга ажратилади ва дориланади {кейинги икки иш уруғлик чигитлар учун бажарилади). Пахтада бўлган хас-чўпларнинг бир-қисми жинлаш жараёнида тола ўлук билан бирга чиқиб кетмасдан чнгит билан қўшилиб чиқиб, уни ифлослантиради. Жиндан чиққан чигитлар йирик қум, хас-чўплар, тасодифан тушган металл парчалари ва майда тошлар билан ифлосланган бўлади, Булардан ташқари соғлом бўлмаган (пуч ва етилмаган) чигитлар ҳам бўлиб, булар винтли конвейерлар ва элеваторлардан ўтказилганда майдалаииб, ишланаётган линтнинг ифлослигини кўпайтириши мумкин. Чигитларга иш вақтида жин камерасини очганда тўкилган пахта бўлакчалари ҳам қўшилган бўлиши мумкин. Айниқса машинада терилган пахтани жинлашда чиқадиган чигитлар кўпроқ ифлосланган бўлади. Шунинг учун чигитни линтерлашдан олдин унн яхшилаб тозалаш талаб қилинади. Жинлашдан кейин чигит тозаланса, линт кам ифлосланади, линтернинг арралари шикастланмай уларнинг ишлаш муддати узаяди. 2. Чигит тозалагичлар. Чигитларни хас-чўплардан тозалаш учун ҳар бир линтерлар батареяси олдига СХА, ЧСП ёки УСМ маркали пневматик чигит тозалагичлар ўрнатилади, чигит ташийдиган винтли конвейерлар эса йирик, ичи 3-5 мм кўзли тўр новлар билан жиҳозланади. СХА-10 ва СХА-3 маркали пневматик чигит тозалагичлар бир-биридан ўлчамлари ва иш унуми билан фарқ қилади. Установка чигитли тозалагич вентилятор ва толали чигитларни тутиб қолувчи циклондан иборат. Бир соатда ишланадиган чигитнинг микдори 4-5 т бўлса, СХА-3 маркали ва ундан ортиқ бўлса СХА-10 маркали чигит тозалагич ўрнатилади.

Жиндан чиқаётган чигитлар элеватор ёрдамида тозалагичнинг таъминлаш конвейерига берилади. Конвейер винтининг ўрамлари узилган жой бор бўлиб, бу ерда чигитлар тўпланиб пробка ҳосил қилади. Шунинг учун бу ердаги чигитларни пастдан келаётган ҳаво оқими пуфлаб конвейер бошига қайтара олмайди. Шундай пробка конвейерда ҳам ҳосил бўлиб, чигитнинг чиқиш йўлини беркитиб туради. Чигитлар тўпланган жойдан пастга қия текисликга тушади, сўнгра вентилятордан труба бўйлаб келаётган ҳаво оқимига қўшилиб канал орқали юқорига кўтарилади ва ажратувчи камерага чиқади. Ҳажми каналникидан анча катта бўлган камерада ҳаво тезлиги бир неча марта камаяди, натижада тўлиқ нормал чигитлардан енгил хас-чўплар ажралиб ҳаво билан труба орқали ташқарига чиқиб кетади. Зичлиги етарли даражада бўлган соғлом тўлиқ чигитлар пастга конвейерга тушади ва чигит тозалагичдан ташқарига чикариладилар. Труба орқали ҳаво билан чиқаётган майда хас-чўплар, чанг, эркин толалар, пуч чигитлар махсус циклонга йиғилиб, унда ҳаводан ажратилади. Чигитлар ҳаво оқими билан вертикал канал бўйлаб юқорнга кўтарилганда, улардаги оғир қўшилмалар (майда тошлар, темир парчалари ва ҳ.к.) юқорига кўтарилмай тош тутгичга тушади. Бу тозалагичларда чигит тозалаш эффекти тўсиқларнинг вазиятини ўзгартириб ростланади. Шунда ҳаво оқимининг тезлиги ва йўналишини ўзгартириб, тозалаш эффектига таъсир этади. Чигит тозалагичнинг пневматик системасига бериладиган ҳаво миқдори, бинобарин унинг статик босими сўриш ёки ҳайдаш трубасида жойлашган тўсиқнинг ҳолатини ўзгартириб созланади. СХА-10 ва СХА-3 маркали чигит тозалагичлар хас-чўпларнинг 10-12%, пуч чигитларнинг 14-17% ва оғир қўшилмаларнинг 70-80% ини чигитдан ажратади. Чигит тозалагичлар иш органларининг тўғри ишлашини, чигит тозалаш даражасини, тош тутгичга йиғилган тошларни ва циклон камераларига

тўпланган чиқиндиларни ўз вақтида олиб туриш ва иш унумига қараб тозалаш даражасини текшириб туриш керак. Камера чиқадиган ҳаво миқдорини тўсиқ билан ўзгартириш мумкин. Чигит тозалагичнинг нормал ишлаши учун бу тусиқни вертикалга нисбатан 12° га буриш учун уиинг дастасини 20 мм га суриш керак. Ажратиш камерасининг кўндаланг қирқимини тўсиқ ёрдамида ўзгартириб циклонга кетадиган қўшилмалар миқдорини ростлаш мумкин. Тоштутгичларга йиғилган чиқиндиларни икки ясси тўр (юқори тўр кўзлари 8X15 мм пастки тўр кўзлари эса бх15мм) билан элаб улардан нормал чигитлар ва чигитли пахта бўлакчалари ажратиб олинади. ЧСП чигит тозалагич СХА чигит тозалагичга ўхшаш ишлайди. Лекин чигит келтириш ва олиб кетиш конвейерлари ўрнига вакуум-клапанлар ўрнатилгани учун чигит тозалагичнинг аэродинамик шароитлари анча яхшиланган, майда хас-чуплар 90%, пуч чигитлар эса 52% гача ажратилади. ЧПС чигит тозалагичга чигитлар вакуум-клапан орқали берилиб, кейин қия текислик орқали ўтиб труба орқали вентилятор берадиган ҳаво оқими таъсирига дуч келиб, тик канал орқали юқорига кўтарилиб ажратиш камерасига тушади. Чигит ва майда ифлосликлар вертикал канал орқали юқорига кўтарилганда оғир қўшилмалар пастга тушиб вакуум-клапан орқали ташқарига чиқарилади. Енгил кўшилмалар, пуч чигитлар ва чанг ҳаво билан труба орқали циклонга юборилиб, соғлом тукли чигитлар ва улардан ажратилмаган ифлос қўшилмалар камерадан пастга тушиб вакуум-клапан орқали ташқарига чиқарилиб конвейер билан олиб кетилади. 1968 йилдан бошлаб чигитларни тозалаш учун УСМ маркали пнсвматик чигит тозалагич қўллана бошланди. Бу чигит тозалагич бошқаларга қараганда ихчам тузилган, уни ишлатиш оддий ва қулай. Чигитлар линтерлар батареясииинг йиғувчи коивейери билан берилиб куракли барабан орқали чигитни сўрувчи трубадаги тешикга берилиб, ажратиш камерасига тушади. Ҳаво оқими чигитларни юқорига кўтарганда оғир жисмлар шахтанинг пастки қисмига тушиб ажралади. Тозаланган

соғлом чигитлар тўсиқлар билан вакуум-клапанга туширилиб конвейср орқали керакли ерга олиб борилади ва эркин туклар, майда ифлосликлар ҳам пуч чигитлар ҳаво оқими билан вентилятор орқали циклонга узатилади. Қўлда терилган I ва II сорт пахталар чигитини тозалаганда УСМ чигнт тозалагичининг тозалаш эффекти 25%, машинада терилган пахта чигитини тозалагалда эса 35% гача етади. Оғир қўшилмаларни ажратиш эффекти тошларнинг массаси 1,5-2,5 г бўлса 91%, 2,5-3,5 г гача бўлса 99% ва массаси 3,5 г дан оғир бўлса 100% га етади. 3. Линтерлаш жараёни асослари. Жинлаш жараёнидан кейин чигитдан линт ва делинт (тук) номи билан юритиладиган қисқа толалар қатлами қолади. Қайта ишланадиган чигитли пахтанинг селекцион ва саноат сортига қараб чигитларда жинлашдан кейин ҳар хил миқдорда (чигитларнинг бошланғич массасига нисбатан) ўрта толали пахта чигитларида 11-17% ингичка толали пахта чигитларида эса 2,4-5% гача линт ва делинт қолади. Жинлардан кейин чигит сиртида қолган линт ва делинт умумий массасининг чигитнинг бошланғич массасига нисбатан пропент ҳисобидаги миқдори чигитнинг умумий туклилиги деб аталади. Пахта линтини чигитдан ажратиш жараёни линтерлаш шу жараённи бажарадиган машиналар эса линтер деб аталади. Пахта тозалаш саноатининг бошланғич даврларида лиитга хўжалик учун фойдаланилмайдиган материал деб ҳисоблангани учун пахта тозалаш заводларига линтерлаш жараёни киритилмаган эди. Пахта мойи чиқарадиган заводларда чнгитдан мой чиқаришни камайтирмаслик учун чигитларни икки ёки уч марта лингерлаш жараёни ташкил қилинар эди. Бироқ, пахтани дастлабки ишлашни ривожлантирилиши натижасида 1869 йилда биринчи линтер машинага ва 1907 йилда биринчи делинтер машипага патент берилди. Ўрта Осиёда биринчи линтер сифатида «Карвер» фирмасииинг (АҚШ) 106 аррали линтер машинаси Каттақўрғон мой заводида ўрнатилиб, шундан кейин линтер машиналари пахта тозалаш заводларида ҳам пайдо бўлади. Бу машиналар ҳар бири бир кеча-кундузда 5-6,5 т чигит ишлаб чигитдан 0,5-

1,5% линт ажратар эди. Шундан кейип чигитлар мой заводига топширилиб яна иккинчи мартаба линтерланиб 0,5-1,5% линт олинадиган бўлди. 1911 йилдан бошлаб айрим мой заводларида чигитларни учинчи маротаба линтерлаб ундан яна 1 % дан ортиқ линт ола бошладилар. Линтер ва делинтер машиналар конструкциясини ва линтерлаш жараёнини такомиллаштириш натижасида линт ишлаб чиқаришни анчагина кўпайтиришга эришилди. Илгари линт кийимларга ва кўрпа-кўрпачаларга ва шунга ўхшаш тиқиладиган буюмларга солиш учун ишлатилар эди, ҳозир эса, айниқса нитроцеллюлоза саноатининг ривожланиши (XX аср бошларидан) натижасида линтга талаб ошди. Биринчи жаҳон уруши даврида линт нитроцеллюлоза ишлаб чиқариш учун кўп ишлатилди. Шу даврдан бошлаб линтни нитроцеллюлоза сифатида сунъий ипак, пластмасса ва шунга ўхшаш материаллар ишлаб чиқариш учун талаб қилинади. Сўнгги йилларда кимё саноатининг ривожланиши натижасида пахта линтига бўлган талаб жуда зўрайди. Линтер машиналари асосий иш органларининг конструкцияси ва линтни чигитдаи ажратиш технологик жараёни жнҳатидан аррали жинларга ўхшайди. Аррали линтерларда, аррали жинларга ўхшаб асосий иш органи сифатида тишлари билан линтни чигитдан ажратадиган аррали цилиндр хизмат қилади. Липтерларда ҳам жинга ўхшаб фартук, чигит тароғи, колосник панжара ва пештоқ бруслар билан чегаралангап (чигит) камераси бор. Шу камерада чигитларни лиитсрлаш жараённ бажарилади. Арра тишларидан линтни ажратиш учун, ўлук ва ифлосликларни ажратишни ростловчи мосламалар билан жнҳозлангаи чўткали барабанли ёки ҳаво оқими берадиган система бор. Чигит камерасига чигитларни бир текисда бериб туриш учун линтерлаш даврида чигит валигининг зичлигига қараб чигитни кўпайтирадиган ёки камайтирадиган механизмлари бўлган махсус конструкциядаги таъминлагич хизмат қилади.

4. Линтер хиллари ва конструкциялари. 1929 йилда ХЛО маркали биринчи аррали линтерлари ишланиб, шу липтерлар пахта тозалаш ва мой чиқариш заводларнга ўрнатила бошланди. 1946 йилда ЦНИИХПром илмий изланишлари натижасида ХЛФ маркали линтер яратилди. 1951 йилда ХЛФ маркали линтер такомиллаштарнлиб, 160 аррали ПО- 160, кейинчалик эса ПОМ-160 маркали линтерлар пахта тозалаш заводларида ишлатила бошланди. ХЛО, ХЛМ, ХЛФ, ПО-160 ва ПОМ-160 маркали линтерларнинг асосий камчилиги ва уларнинг ишини аниқроқ созлаб бўлмаслик ҳамда линтерлаш жараёнининг автоматлаштириш қийинлигидир. Бундан ташқари бу линтерларнинг иш органлари орасидаги зичлик яхши бўлмагани натижасида линтер хонасида чанг кўтарилиши сабабли ишчи ва хизматчилар учун нормал санитария ва гигиена шароитларини яратиб бўлмаслигидадир. Бу камчиликларни назарга олиб ЦНИИХпром ва ТГСКБ конструкторлари 1960 йилда чигит ва линт бўйича иш унуми юқори ва линт сифати яхшироқ бўлган ПМП-160 маркали янги линтер яратди. Бу линтер заводларда кўпроқ ишлатилмоқда. Бу линтернинг иш камераси юқорида таърифланган линтерларнинг иш камераларидан фарқ қилади. Бу камеранинг оғзи кенгайтирилиб, ичига диаметри каттароқ (130 мм) тўзитгич ўрнатилган. Унинг айланиш частотаси 500 айл/мин гача оширилган бўлиб, чигит валиги тезроқ айлантирилади, шу билан бирга чигит валиги муайян шаклни кабул қилади. ПМП-160 маркали линтсрга янги конструкциядаги икки барабанли таъминлагич-тозалагич ўрнагилган. Бу линтерда линтерлаш жараёни қуйидагича бажарилади. Чигитлар линтернинг иш камерасига машинанинг узунлиги бўйича таъминлагич новидан бир тскисда оқиб тушади. Иш камерасида айланаётган аррали цилиндр тўзитгич таъсирида чигитлар зичланган айланувчи валик ҳосил қилади. Арра тишлари айланиб турган чигит валигига санчилиб, чигит

сиртидан линт ва тукларни ажратиб уларни колосник панжарасидан ташқарига чиқаради. Юқориги соплодан пуфлапаётган ҳаво оқими арра тишларидаги линтнн ажратиб, труба бўйлаб батарея конденсерига етказиб берилади. Чигитлар линти маълум даражада олингандан кейин улар айланаётган валикдан ажралиб, колосник устига тушади, сўнгра пастга сирпаниб, тароқ ва колосниклар орасидан ўтиб, йиғиш конвейерига тушади ва навбатдаги ишлов бериш машиналарига юборилади. Линтнинг арра тишлардан ажратиш вақтида ажралган ўлук ва майда хас- чўплар конвейер орқали машинадан ташқарига чиқарилади. Ликтернинг иш органлари учта асинхрон электромотор билан ҳаракатга келтирилади. Аррали цилиндр вали қуввати 10 кВт, айланиши частотаси 1460 мин -1 бўлган АО2-52-4 типидаги электромотордан В-2240 понасимон тасмалар орқали ҳаракатга келтирилади. Тўзитгич эса қуввати 7,5 кВт, айланиш частотаси 1460 мин -1 бўлган АО2-51-4 типидаги иккинчи электромотордан Б- 2800 понасимон тасмалар орқали айлантирилади. Тўзитгич валининг иккинчи томонидаги шкивдан ҳаракат ИВА маркали импульсли вариаторга, бундан эса таъминлагичнинг валига берилади. Ўлук конвейери қуввати 0,6 кВт, айланиш частотаси 1350 мин -1 бўлган АО2-П-4 типидаги учинчи электромотордан редуктор орқали ҳаракат олади. Хас-чўплар конвейери эса ҳаракатни А-2800 понасимон тасма орқали ўлук конвейеридан олади. Линтернинг иш камераси электропереключателли икки томонлама ишлайдиган пневмоцилиндр билан кўтарилади ва туширилади. Машинани бошқариш (двигателларни юргизиш ва тўхтатиш, иш камерасини кўтариш ва тушириш) машинанинг ўзидаги ёки махсус пультдан бажарилади. 1981 йилда ЦНИИХпром чигит ва линт бўйича иш унуми оширилган ва линт сифати яхшиланган 5ЛП маркали линтерни яратди.

5. Линтерларнинг муҳим узел ва деталлари. Линтернинг станинаси иккита ён чўян девордан иборат. Станина умумий фундамент рамасига ўрнатилади. Станинанинг тўғри жойлашганлиги иккала ён девордаги арра вали подшипникларининг бнр горизонтал чизиқда ўрнатилганлигига қараб аниқланади. 160 аррали линтерларнинг техник характеристикаси Кўрсаткнчлар ПО- 160 ПОМ- 160 ПМП- 160 5ЛП Арра вали диаметри, мм 61,8 61,8 61,8 61,8 Арралар диаметри, мм 320 320 320 320 Арра тишларининг сони 330 330 330 330 Арра дискининг қалинлиги, мм 0,95 0,95 0,95 0,95 Айланиш частотаси, мин - аррали цилиндр 730 730 730 730 таъминловчи валиклар 20 гача 20 гача 20 гача 20 гача тўзитгич ..... 360 360 500 500 Иш унуми, кг/соат: чигит бўйича (3% линт олганда) 1000- 1200 1000- 1200 1300- 1500 200 0- 230 0 линт бўйича 30-35 30-35 35-40 60- 65 Тозалаш зффекти, % чигит бўйича - - 45 гача 45 гача Электрмотор

қуввати кВт арра вали 14 14 10 18,5 тўзитгич ва таъминлагич 2,8 2,8 7 11 Кўтариш механизми 0,6 1,1 - - Диаметр, мм: тўзитгич 115 115 130 130 таъминлаш барабани 150 150 150 150 қозиқли-планкали барабан - - 300 300 оралиқ қистирма 160 150 160 160 арра оралиқ қистирма 8,75 8,75 8,75 8,75 Ҳаво камерасидаги босим, мм сув устуни 290 290 290 190 Соплодан чиқадиган ҳаво тезлиги, м/с 64 64 64 64 Ҳово сарфи, м/с 0,5 0,5 0,5 0,5 Тўзитгич тўғрисида арра чиқиши, мм 28-32 28-32 28-32 28- 32 Тўзитгнч билан арралар ораси, мм 9-11 9-11 9-11 9-11 Қолосниклар ораси, мм иш қисмида 2,3-3,1 2,3-3,1 2,3-3,1 2,4 пастки қисмида 3,5-4,7 3,5-4,7 3,5-4,7 4,2- 5,0 Арра билан сопло ораси, мм 1,5-2 1,5-2 1,0-2 1,0- 2

Сопло тешигининг кенглиги, мм 4-6 4-6 4-6 4-5 Габарит ўлчамлари, мм Узунлиги 3050 3050 3070 326 5 Кенглиги 1400 1400 1400 173 0 Баландлига 1670 1670 1860 209 5 оғирлиги, кг — — 2248 247 4 Иш (чигит) камераси. ПОМ-160 маркали линтер камераси чигит тароғили фартук, колосникли панжара, пештоқ бруси, зичлик клапани ва ён деворлар орасида жойлашган. Иш камерасининг ичига аррага яқин тўзитгич ўрнатилган. Таъминлагичдан бериладиган чигит камерага унинг юқориги очиқ жойидан киритилади. Валга жойлашган арралар колосниклар орасидан иш камерасига чиқиб туради. Иш камераси линтер станинасига махсус кронштейнлар ёрдамида осиб қўйилади. Иш камерасининг ён деворлари чўяндан қуйилиб, унинг ички сирти силлиқланган бўлади. Иш камерасининг ён деворларига колосниклар боғланадиган юқори брус бириктирилиб, уларга пастки брус боғланади. Ён деворлар тешигига тўзитгич ўрнатилиб махсус ўйилган ерига камеранинг фартуги осиб қўйилади. Фартук билан ён деворлар орасида очилиши учун имкон берадиган масофа ҳар бир томони 1-1,5 мм масофа қолдирилади. Чигит тароғи пўлат полосадан ясалиб, кўндаланг кесими тўғри тўртбурчак шаклида фрезерланган бармоқлари бор ва айрим секциялардан тузилган. Бармоқлар ораси бир хилда бўлиб 4-5 мм га тенг, тароқни аррага яқинлаштириш ёки узоқлаштириш мумкин. Чигит тароғининг ҳолатини винт 10 ва эксцентрик вал билан ростлаганда камеранинг ҳажми ва чигитларнинг арра билан учрашиш

бурчаги ўзгариб, линтернинг иш унумига ва линт ажратиш даражасига таъсир қилади. ПМП-160 маркали линтернинг иш камераси ўзининг профили ва аррага нисбатан жойланиши жиҳатидан ПО-160 ва ПОМ-160 маркали линтерлар камерасидан анча фарқ қилади. Бу камеранинг ҳажми катталиги сабабли, чигит валигининг массаси ва арранинг камерага кириш қисми катталашади, бу эса ўз навбатида аррали цилиндр иши самарасини оширади. Чигит тароғи фартукка қаттиқ бириктирилган. Унинг колосник панжарасига нисбатан ҳолати эксцентрик вални бураб фартукнинг фақат пастки қисмини суриб ўзгартирилади. Колосникли панжара. 160 аррали линтерларга 161 дона колосник ўрнатилади. Буларнинг иккитаси четки колосник бўлиб, қолганлари арралар орасида ўрнатиш учун мўлжалланган. Колосниклар кул ранг чўяндан ясалади. Колосникларнинг ички иш қисми махсус андаза бўйича ясалади ва улар бир-бири билан ўрин алмашина олади. Колосниклар брусларга айрим секциялар тарзида ясалган юқориги ва пастки пўлат тароқлар ёрдамида бириктирилади. Тароқлардаги уялар колоспикларнинг юқори ва пастки панжалари профилига ҳамда ўлчамларига мослаб ясалади. Колосник тирқишлари, айниқса иш қисмида жуда тўғри ўлчаниши керак, чунки линтерда арра дисклари киргизиладиган қўшни колосниклар ораси 2,5-3,1 мм га тенг. Арра дискининг қалинлиги 0,95 мм бўлганлигидан колосникнинг ён сирти билан арра ораси 0,75-0,85 мм ни ташкил қилади. Ишлатиш учун йиғилган колосник тирқишларининг кенглиги иш қисмида 2,5-3,1 мм, юқори қисмида 3,0-3,5 мм, пастки қисмида эса 3,5-4,7 мм гача бўлиши керак. Тўзитгич чигит камерасининг ён деворларида жойлашган шарикли подшипникларда айланувчи валдан иборат. Бу валга камеранинг бор бўйича тўртта металл планка ўрнатилади. Бу планкаларнинг баландлиги бир хил

бўлиб узунлиги иш камерасинииг ён деворларига 1,5 мм етмайдиган бўлиши керак. Тўзитгич линтер камерасига ўрнатилганда унинг планкалари билан арра тишлари орасида 9-12 мм тирқиш бўлиши керак. Бу тирқишиинг кенглиги ишланаётган чигит сортига қараб ўзгартирилади. Аррали цилиндр замонавий линтерларда вал, 160 дона аррали диск, 159 дона арра қистирмалари, иккита четки шайба ва иккита маҳкамлаш гайкаларидан иборат. Аррали цилиндр линтернинг асосий иш органи ҳисобланиб, тузилиши жиҳатидан аррали жин цилиндрига ўхшайди, фақат ундаги тишлар сони, арралар сони, қистирмалар қалинлиги ва ўлчами билан фарқ қилади. Арралар вали Ст.3 пўлатдан ясалиб, аррали дисклар ўрнатиладиган қисмининг диаметри 61,8 мм га тенг, аррали дисклар тешигидаги чиқиқ валдаги узун ариқчага киргизилади. Линтерларнинг аррали дискалари жинлар арраси каби қалинлиги 0,95±0,05 мм ли У8Г пўлат листдан ясалиб, унинг қаттиқлиги ВДС-30-35 гача етказилади. Аррали дисклар орасига қўйиладиган қистирмалар кўпинча диаметри 162 мм ва қалинлиги 8,75 мм бўлиб, А-9 маркали алюминин эритмасидан ясалади. Аррали дисклар валга кийдирилгандан кейин қисувчи шайбалар ва гайкалар билан тортиб қўйиб, контрол рейка ёки колосникли панжара билан текширилади. Аррадан линтни ажратиш аппаратлари. ХЛФ, ПО-160 ва ПОМ-160 маркали линтерда линтни пастдан, ПМП-160 маркали линтерда эса юқоридан ажратадиган ҳаво аппаратлари ўрнатилган. Линтни арра тишларидан ажратиш ва уни машинадан олиб кетиш жараёни аррали жинларникига ўхшайди. Аррадан линтни ажратиш учун батареядаги линтерлар сонига қараб ВЦ- 8 ёки ВЦ-10 маркали вентиляторлар ҳар батареяга бир донадан уланади.

Таъминлагич чигитни линтернинг иш камерасига автоматик равишда бир текисда бериб туриш учун мўлжалланган. Уни линтер корпусидаги олдинги брусга ўрнатилиб, орқа брусга кронштейнлар билан боғлаб қўйилади. Таъминлагич валга кийгизилган ҳар бири 12 тишли 13 дона юлдузчадан иборат. Иккита четки юлдузча валга болтлар билан маҳкамланиб, оралиқ юлдузларни қисиб туради. Чигитларни линтер камерасига бир текис бериб туриш учун юлдузчалар бир-бирига нисбатан ярим тишга суриб шахмат тартибида ўркатилади. Таъминлагич вали ҳаракатни тўзитгич валидан понасимон тасмалар ва ИВА маркали импульсли вариатор орқали олади. Чигитлар валигининг зичлигига қараб чигит қуйидагича оз-кўп бериб турилади. Чигит валигининг босим кучи ўқда буралувчи зичлик клапанига таъсир этади. Ўқ иккинчи учига тош билан ричаг ўрнатилган. Ричаг устида суриладиган тошнинг ҳолати (I масофа) чигит валигининг зичлик даражасини кўрсатади. Агар I масофа катталашса чигит валигининг зичлиги ошган бўлади ва аксинча. Тошнинг оғирлиги ва елканинг узунлиги ўзгармаса чигит валигининг зичлиги кам ўзгармас бўлиб, зичлик клапани ва шувга яраша линтернинг ишлаш тартиби аввалдан белгиланган кўрсаткичларга эга бўлади. Агарда бирор сабаб билан чигит валигининг зичлиги камайса зичлик клапани ва тошли ричаг пасая бошлайди. Чигит валигининг зичлиги кўпайса тошли ричаг юқорига кўтарилади. Ричагнинг ҳолати ўзгарса, унга уланган занжир ўз ўрнини ўзгартириб, таъминлаш барабанининг айланиш частотасини ростловчи механизмга таъсир қилади. Чигит валигининг зичлиги камайганда зичлик клапани пастга тушиб занжир воситасидан механизмга таъсир қилади ва таъминлаш барабанини тезроқ айлантириб чигитни кўпроқ бера бошлайди. Чигит валигининг зичлиги ошганда зичлик клапанига таъсир қилувчи кучларнинг клапан ўқига нисбатан моменти тошнинг ҳам шу ўққа нисбатан моментидан оша бориб, занжирни бўшатади. Шунда импульсли вариатордаги тошли ричаг пастга

тушиб, таъминлаш барабанининг тезлигини камайтира бошлайди. Таъминлаш барабанининг айланиш тезлиги камайганда вақт бирлиги ичида бериладиган чигит миқдори ҳам камаяди. КПП маркали таъминлагич-тозалагич анча такомиллашган бўлиб, 160 аррали линтерларнинг ҳаммасига ҳам ўрнатилиши мумкин. Чигитни иш камеранинг бор бўйича бир текис тақсимлаб бериш билан бир қаторда уни хас-чуплардан ҳам тозалайди. Натижада чигит валигининг зичлиги бир меъёрда бўлиб, чигитдан линт ажратиш жараёни яхшиланади, чигитлар кам шикастланади, линт сифати ва линтернинг иш унуми ортади. ИВА маркали импульсли вариатор линтернинг иш камерасига бериладиган чигит миқдорини чигит валигининг зичлигига қараб автоматик равишда ростлаб туради. Бу вариатор линтернинг иш камерасидаги зичлик клапанига ва юқориги чигит берувчи барабанга занжир ёрдамида таъсир этиб, барабаннинг айланиш тезлигини ўзгартиради. Вариатор мой тўлдирилган корпус, храповикли муфта, чегараловчи кулачок, учта сурилма пишанг, эксцентрикли валга ўрнатилган юритиш шкивидан иборат. Ўздириш муфтаси, таъминлаш барабанининг валига ўрнатилган. Муфтанинг текис сирти билан ҳалқа орасига бештаролик ўрнатилиб, булар пружиналар билан қисилиб туради. Пишангларнинг узун елкаси юқориги пружиналар билан эксцентрик валга босилиб туради, қисқа елкалари эса тезликни тўғриловчи валикга тегиб туради. Эксцентрикли вал бир марта айланганда пишангларнинг узун елкаси ҳалқа билан 8°30' га бурилади, шунда таъминлаш барабанининг вали ҳам шу бурчакка сурилади. Механизмда учта пишанг бўлгани учун юритиш шкиви бир марта айланганда таъминлаш барабанининг вали 8°30' х 3 = 25°30' бурчакка яъни 1/14 айланага бурилади. Эксцентрикли вал бир минутда 280 марта айлангани учун таъминлаш барабанининг вали бир минутда 280 : 14 = 20 марта айланади.

Вариатордаги храповикли механизмнинг айланиш сонини чекловчи пишангнинг ҳолатини ўзгартириб созланади. Магнитли тутгич линтерга бериладиган чигитлар орасида учрайдиган металл парчаларини ушлаб қолиш учун таъминлагич новига ўрнатилади. Магнитли тутгич доимий магнит бўлакларидан ёки электромагнит ғалтакларидан тузилган бўлади. Злектромагнитли тутгич болтлар билан икки бурчакли металлга уланган бруслардан иборат бўлиб, бу бурчакли металлар орасига ҳар бирига 2000 марта сим ўралган бешта ғалтак ва ҳар бирига 2500 марта сим ўралган тўртта ғалтаклар ўрнатилган. Ҳар группадаги ғалтак симлари кетма-кет уланиб, алоҳида электр занжирини ташкил қилади. Электромагнит ғалтаклар ва уларнинг ичига киргизилган пўлат стержендан иборат. Электромагнитларга 110 В кучланишли ўзгармас ток берилади. 6. Линтернинг ишлаб чиқариш кўрсаткичлари. Линтернинг иши уч хил кўрсаткич билан тавсифланади: иш унуми, яъни вақт бирлигида олинадиган линт (кг/соат), тукли чигит ўтказиш (кг/соат) ва линт олиш проценти. Бу кўрсаткичлар ўзаро қуйидагича боғланган: Линтернинг иш унуми линтерлашга тушадиган чигитнинг селекцион ва саноат сортига, арра дискларннинг диаметрига, тишларнинг аҳволига, чигит валигининг зичлигига, линтернинг ишлаш тезлиги ва унинг техникавий ҳолатига боғлиқ. Линтерлаш кўрсаткичларига чигитларнинг умумий туклилиги ва жинлашдан кейннги қолган туклилиги ҳам таъсир қилади. Чигитларнинг саноат сортининг линтер иш унумига таъснри куйидаги кўрсаткичлар билан характерланадн: линтернинг иш унумини I сорт чигит ишланганда 100% деб олсак, II сорт чигит ишланганда 103%, III сорт учун 106-112% ва IV сорт учун 114-116% деб ҳисоблаш мумкин. Линтер ишлаганда арра тишлари ўтмасланади ва вақти-вақти билан чархланиб, тишлари қайта кесилиши натижасида уларнинг диаметри кичиклашади. жадвалда ҳар хил диаметрли арралар учун вш унумига киритиладиган тузатиш коэффициентлари берилган.

жадвал Линтер иш унумининг аррали диск деаметрига боглиқлиги Аррали диск ҳолати Аррали диск диаметри, мм Иш унумига тузатиш коэффициенти Янги арра Янги тиш чиқарганда: Биринчи марта Иккинчи марта Учунчи марта Тўртинчи марта Бешинчи марта 320 310 300 290 280 270 1,00 0,94 0,89 0,87 0,83 0,75 жадвалда берилган коэффициентлардан аррали диск диаметрини 270 мм дан камайтириш иқтисодий жиҳатдан мувофиқ эмаслиги кўриниб турибди. Аррали дисклар ишлаш вақтининг линтернинг иш унумига таъсири жадвалда кўрсатилган. жадвал. Аррали дисклар ишлаш вактининг линтернннг иш унумига таъсири Арранинг ишлаш вақти, соат Ўртача иш унуми, % Арранинг ишлаш вақти, соат Ўртача иш унуми, % 8 100,0 80 64,0 16 94,0 88 61,8 24 88,7 96 59,8 32 84,0 104 58,4 40 79,5 112 56,8 48 75,7 120 55,2 56 72,2 128 54,0 64 69,3 136 52,8 72 66,3 144 51,6

Линтер арраларига янги тиш чиқармасдан ишлатиш муддати 24-32 соат олинади, чунки янги тиш чиқармасдан яна ишлатишни давом эттирилса иш унуми жуда пасайиб кетади. Чигит валигининг зичлиги колосникли ланжара билан чигит тароғи орасидаги масофага, зичлик клапани пишангидаги тошнинг оғирлиги ва унинг пишанг устидаги ўрнига боғлиқдир. Колосникли панжара билан чиғит тароғи учлари орасидаги масофанинг линтер иш унумига ва линт олиш процентига таъсири жадвалдаги маълумотлардан кўриниб турибди.

жадвал. Колосникли панжара б и лан ч и гит тароғи орасидаги масофанинг линтер иш уну ми га таъс и ри Колосннк панжара билан чигит тароғи ораси, мм Иш унуми, бир соатда бир машига берадиган линт (кг/соат) Линт олиш, % 35 45 55 30,2 32,6 34,1 4,3 3,8 3,2 Зичлик клапанининг ричагидаги тошнинг елкаси линтернинг иш унумига бевосита таъсир қилади, яъни елка 185 мм бўлгандаги линтер иш унуми 27,7 кг/соатни 100% деб ҳисобласак, елкани 290 мм га етказилса, линтернинг иш унуми 24% кўпайиб 34,2 кг/соат ни ташкил қилади. Таъминлаш автомати тортқиси (занжири) нинг узунлиги узгартирилганда иш унумига аксинча таъсир килади, яъни занжир узунлиги кўпайса иш унуми камаяди. 7. Линт сифати ва чигитни кўп маротаба линтерлаш. Пахта линтининг сифати штапелнинг узунлиги, пишганлиги, ифлослиги, кулининг миқдори, ичидаги бутун чигитнинг миқдори ва намлиги билан белгиланади. Бу кўрсаткичларнинг ҳаммаси линтерлашга келаётган чигитларнинг сифатига боғлиқдир. Бундан ташқари линтнинг штапел узунлиги, ифлослиги, кулининг миқдори ва линт ичидаги бутун чигитлар миқдори линтерлаш жараёнини қандай бажарилишига боғлиқдир. Линтер цехининг ишлаш шароитига қараб линтерлашга келаётган чигитларда қолдиқ тола 200 г чигитда 0,09-0,2 г гача бўлса, 1-тип линт жуда кам олиниш ёки бутунлай олинмаслиги ҳам мумкин. 2-тип линтдан аптека пахтаси олиш мумкин бўлиб, 3-тип линтдан кимё саноатида целлюлоза олиш учун яхши хом ашё ҳисобланади. Бу саноатда линтнинг штапел узунлиги ва унинг ифлослигига қаттиқ талаблар кўйилади. Жинланиб келаётган чигитларда қолдиқ толалик нормал бўлса, 1-тип линтни

агар линт олиш процснти 0,9 дан кам бўлсагина олиш мумкин, шунинг учун чигитларни икки марта ёки уч марта линтерлайдиган пахта заводларида фзқат 2- ва 3- типдаги линтерлар олинаётир. Узбекистондаги илғор заводлар тажрибаси чигитларни биринчи ва иккинчи линтерлашда умумий линт олиш процентини 5-6% га етказиш мумкин эканлигини кўрсатади, бироқ бунда чиқадиган линтнинг нфлослиги бир оз юқори булади. Сифати жиҳатидан стандартга тўғри келадиган линт олиш учун ўрта толали пахта ишлайдиган заводларда чигитни уч марта линтерлаб, ингичка толали пахта ишлайдиган заводларда чигитларни бир марта линтерлаш тавсия этилган. Кўп текширишлар натижасида 160-аррали линтерларни чигит бўйича иш унуми 1000-1100 кг/соат бўлганда биринчи ва иккинчи линтерлашда умумий линт олиш 5-6% бўлса ва учанчи марта линтерлашда линт олиш 3-4% бўлиб чигит бўйича иш унуми 800-900 кг/соат дан ошмаса, линт сифати стандартга мувофиқ бўлади. 8. Линтерларни батареяга ўрнатиш. Пахта заводларида линтерлар ҳам жинлар каби ҳар батареяга 4-8 тадан ўрнатилади. Линтерлар батареяси деб умумий таъминлаш ва тақсимлаш ҳамда тайёр маҳсулотни (линт ва линтерланган чигитни) машиналардан олиб кетиш ускуналари билан жиҳозланган линтерлар группасига айтилади. Литерларга берилаётган чигитларнинг нечанчи марта линтерланишига қараб линтерлар батареяси биринчи линтерлаш, иккинчи линтерлаш ва учинчи линтерлаш батареяси деб аталади. Ҳамма линтерлаш батареялари бир хонага жойлашган бўлиши ёки биринчи линтерлаш батареяси жин цехида жойлашган бўлиб, иккинчи ва учинчиси завод шароитига қараб бошқа хонада жойлашган бўлиши мумкин. Агар линтерлаш учун ҳар қайси арраси соатига 10-11 кг тола берадиган бир батарея жинлардан (тўртта 80 аррали жин) келаётган чигитлар миқдори

ишлаб чиқарилаётган толадан 1,7 марта кўп деб ҳисобласак, линтерлаш цехига ҳар соатда келадиган чигитлар миқдори 11*80*1,7=1500 кг бўлади. 160 аррали линтер соатига 1000-1100 кг чигит ишлаб беради деб ҳисобласак, биринчи ва иккинчи линтерлаш учун бир батарея жинга ҳар қайсиси олти машинадан иккита батарея линтер ўрнатиш керак бўлади. Учинчи марта линтерлаш учун ҳар линтер соатига 800-900 кг чигит ўтказиши назарга олинса, ҳар бир жинга икки линтер, яъни батареяда саккизта линтер ўрнатиш керак. Шундай қилиб, тўрт жинлик бир батареядан чиқаётган чигитларни биринчи марта линтерлаш учун 6 линтер, иккинчи марта линтерлаш учун 6 линтер, учинчи марта линтерлаш учун эса 8 линтер, ҳаммаси бўлиб 20 линтер урнатиш керак бўлади.

Фойдаланилган адабиётлар руйхати: 1. Йўлдошев Ш.У., Машиналар ишончлилиги ва уларни таъмирлаш асослари.- Тошкент, Ўзбекистон, 1994. 2 . Ермолов Л.С. ва бош қ алар. Основы надежности сельскохозяственной техники.-М.: Колос, 1992 . 3 . Мельников.Г.Н., Технология машиностроения (1 ,2- том). - М .: Издательства МГТУ им. Н.Э.Баумана , 1998. 4 . Прейсман В.И. Основы сельскохозяйственной техники.-Киев. : Высшая школа, 1988 . 5 . Решетов Д.Н. Роботоспособность и надежность деталей машин.-М.: Высщая школа, 1990 . 6 . Решетов Д.Н. ва бош қ алар. Надежность машин.-М.: Высщая школа, 1988 .

O'xshashlar

Машина деталларини тиклаш технологик жараёнлари

Чигитли пахтани дастлабки қайта ишлаш технологик жараёнлари

Буғдой ва жавдар донларидан ун тортишнинг технологик жараёнлари

Донларнинг технологик хоссалари

Хом ашёни қайта ишлаш жараёнлари