Кузги арпа, сули, жавдарни етиштириш технологияси - Qishloq va o'rmon xo'jaligi - Referatlar

Кузги арпа, сули, жавдарни етиштириш технологияси

Yuklangan vaqt:

20.09.2019

Ko'chirishlar soni:

0

Hajmi:

46 KB

Ko'chirib olish

Кузги арпа, сули, жавдарни етиштириш технологияси Режа: 1. Кузги арпанинг ахамияти, етиштириш технологияси. 2. Сулининг ахамияти, етиштириш технологияси. 3. Жавдарни ахамияти, етиштириш технологияси.

1.Арпанинг ахамияти, келиб чиқиши, тарқалиши ва етиштириш технологияси. Арпа халқ хўжалигида озиқ-овқат сифатида ишлатилиши билан бир қаторда у асосан чорва моллари учун озиқа сифатида ишлатилади. Икки қаторли арпа пиво тайёрлаш учун ишлатилади. Кузда экиладиган арпа навлари кузги ёки ярим кузги (двурак) бўлиб, булар совуққа чидамли бўлади. Ўзбекистонда арпа асосан кузда экилиши керак. Чунки кузги арпа бахорги арпага нисбатан юқори ҳосил беради, эрта пишади ва такрорий экин экишга яхши имкон туғдиради. Арпа жуда қадимий экин. Марказий осиё худудида жуда қадимдан экиб келинганлиги маълум. 1954 йилда ўтказилган археологик қазишлар натижаларига қараганда Туркманистонни Жойтун вилоятида топилган арпа дони Неолит даврида, яъни миллоддан 500 йил аввал экилганлиги исботланган. Хозирги вақтда арпа дунёнинг жуда кўпчилик мамлакатларида Европа, осиё, Америка, қитъасида, Австралияда экилади. Бутун дунё бўйича унинг экин майдони 67 млн. гектарни ташкил қилади. Ўзбекистонда арпа лалми ва суғориладиган ерларда экилиб, лалми ерлардан 10-15 ц/га дон, суғориладиган ерларда эса 30-40 ц/га ҳосил беради. Арпа етиштириш технологияси. Арпа учун суғориладиган ерларда яхши ўтмишдош экин қатор оралари ишланадиган ва дуккакли ўсимликлар хисобланади. Лалми ерларда эса тоза шудгор, дон-дуккакли ва дуккакли ўтлар хисобланади. Арпа ўғитга талабчан, унга кузда минерал органик ўғитлар берилади. Кузда экишдан олдин 8-10 тонна гўнг 40 кг фосфор ва 60 кг калий берилса яхши самара беради. Бахорда озиқлантиришда лалми ерларни зоналарига қараб 40-60 кг азот билан озиқлантирилади. Суғориладиган ерларда 20 тонна гўнг, 180-200 кг азот ва фосфор ҳамда 100 кг калий солинади.

5. Экиш меъёрини арпа ҳосили ва дон сифатига тъсири ( 2 ) Кўрсаткичлар Экиш меъёри, млн.дона. га 3 4 5 6 Дон ҳосили,ц.га 38,7 40,8 37,7 35,3 1000 доннинг вазни,г 49,1 48,1 45,9 45,3 2,5х2,8 мм,%элакдан ўтган донлар миқдори 99,3 99,1 92,8 97,0 Экстрактив моддалар % 80,2 80,0 80,4 80,3 Оқсил миқдори, % 10,84 10,94 11,81 11,13 Доннинг қобиқлилиги, % 8,79 8,41 8,53 8,42 Арпа экиш учун лалми ерларда ер 22-25 см чуқурликда хайдалиб, борона ва мола босилади. Арпа буғдойга ўхшаб лалми ерларни зоналарида кузги ёғингарчиликлардан олдин, суғориладиган ерларда кузги буғдой билан бир вақтда экилади. Экиш меъёри лалми ерларни тоғ ва тоғ олди зоналарида 4 млн. дона, дўнгли ва дўнгли текислик зоналарда 3,5 млн. дона, суғориладиган ерларда 4,0-4,5 млн. дона уруғ экилиши керак. Арпани парвариш қилиш бороналаш ва суғориладиган ерларда суғоришдан иборат. Вегетация даврида шароитига қараб 2-3 марта суғорилади. 2.Сули ва жавдарни ахамияти ва етиштириш технологияси . Жавдар унидан нон тайёрланади. Сули ва жавдарни дони ва сомони чорва моллари учун тўйимли озиқа сифатида ишлатилади. Сули ва жавдар қадимги экин хисобланиб европада сули экини эрамиздан 1500-1700 йиллар илгари экилган. Жахон дехқончилигида сулини экин майдони 17,2 млн. гектар ерни ташкил қилади. Ўзбекистонда сули дон ва кўк масса учун экилиб, майдони жихатидан арпадан кейинги ўринда туради. Сули бир гектар ердан 40-50 центнергача дон 400-500 центнергача кўк массў беради. Жавдар хам қадимги экин хисобланиб, эрамиздан олдин 1 асрда Италияда ва сўнг эрамизни 3-4 асрларида Керч ярим оролида кўплаб экилганлиги хақида маълумотлар адабиётларда кўп учрайди. Ўзбекистонда жавдар хам асосан кузда экилади.

Алмашлаб экишда сули ва жавдар учун энг яхши ўтмишдош экин бу чопиқталаб ўсимликлар хам дон-дуккакли экинлар хисобланади. Сули ва жавдар органик ва минерал ўғитларга, айниқса, азотга талабчан. Уларга органик ва минерал ўғитларни қўллаш яхши самара беради. Сули ва жавдар экини учун ерни ишлаш, экиш муддатлари, миқдори ва усули ҳамда экиш чуқурлиги, шунингдек парвариш қилиш ва ҳосилни ўриб, янчиб олиш буғдой ва арпаникига ўхшаш. Кўк масса учун экилганда эса дони сут пишиш даврида ўрилганда мўл ва сифатли ҳосил олиш мумкин.

Адабиётлар: 1.С.Пасўпанов Растениеводства М.Колос. 1997 145-172 2.Х.Н.Атабаева, З. Умаров, Х.Ч.Бўриев ва бошқалар Ўсимликшунослик Т.Мехнат-2000, 78-89 бетлар. 3.Г.К.Қурбонов. Арпа, Т. Фан 1976 5-70 бетлар. 4.Ж."Ўзбекистон қишлоқ хўжалиги", 1998,4,31-32 б.

O'xshashlar

Арпа - биологияси ва етиштириш технологияси

Кузги буғдойнинг зaмонавий етиштириш технологияси

Кузги арпа, кузги жавдар, тритикале (биологияси)

Донли экинларнинг аҳамияти ва дон етиштириш холати

Жавдар - биологияси ва етиштириш технологияси