Қишлоқ хўжалик техникаси ва транспорт воситаларида ишлатиладиган техник суюқликлар - Qishloq va o'rmon xo'jaligi - Referatlar

Қишлоқ хўжалик техникаси ва транспорт воситаларида ишлатиладиган техник суюқликлар

Yuklangan vaqt:

20.09.2019

Ko'chirishlar soni:

0

Hajmi:

71 KB

Ko'chirib olish

Қ ишлоқ хўжалик техникаси ва транспорт воситаларида ишлатиладиган техник суюқликлар Режа: 1. Гидравлик системалар учун мойлар. 2. Тормоз ва амортизатор суюқликлари. 3. Юргизиб юбориш суюқликлари. 4. Совитиш суюқликлари.

Кишлоқ хўжалик саноатида гидравлик системалардан фойдаланилади. Гидравлик системалар қувватни узатиш ва агрегат ва механизмларининг ҳаракатга келтириш учун ишлатилади. Улар трактор ва комбайнларга ўрнатилган гидрокўтаргичларда ишлатилади. Масалан, булқдозер, экскаваторлар гидравлик узатмалар билан таъминланган. Иш суюқлиги сифатида мойлар ишлатилади. Бу суюқлик кучларнинг равон, силкинишсиз (турткисиз, зарбсиз) узатиш имконини беради. Мойларнинг гидравлик системаларда ишлаш шароити жуда оғир: бу ерда температуралар фарқи жуда катта 800-1000 0 гача бўлиб, иш температураси 60-80 0 С га етади. қишда - 30 0 40 0 С га етади. Босим эса 10 МПа га етади. Катта босим ва юқори иш температурасида мойлар оксидланади. Гидросистема ишончли ва узоқ ишлаши учун мойларга қуйидаги талаблар қўйилади: 1) Аввало уларнинг қотиш температураси паст бўлиши керак. 2) Системада буғ тиқинлари ҳосил бўлмаслиги учун мойнинг (қовушқоқлиги) буғланиш температураси иш режимлари температурасидан 20-30 0 С юқори бўлиши керак. Гидросистемалар учун мотор мойларининг “В” гуруҳсидан маълум даражада фойдаланилади. МГЕ-10А маркали ягона гидравлик мой ҳам ишлатилади. У - 60 0 Сдан Қ90 0 С гача температура интервалида ишлатилади. ВМГЗ мойи - 50 0 С дан Қ90 0 С гача ишлатилади, 50 0 С даги қовушқоқлиги 10 сантиСтоксга тенг. Тормоз суюқликлари. Юк ва енгил автомобилларнинг тормоз системаларида асосан гидравлик юритмалардан фойдаланилади. Уларда иш суюқлиги сифатида гидротормоз суюқликлари ишлатилади. Тормоз системаси узоқ вақт ишончли ишлаши учун тормоз суюқликларига қуйидаги эксплуатацион талаблар қўйилади:

1. Тормоз суюқлигининг қайнаш температураси етарлича юқори бўлиши керак, акс холда суюқлик кайнаб, тормоз педали полгача тушиб кетади. Тормоз цилиндрларининг температураси 190-200 0 С гача етиши мумкин. 2. Тормоз суюқлиги совуққа чидамли бўлиши, яъни -40 0 С ва ундан ҳам паст температурада узоқ вақт ушлаб турилганда ҳам чўкинди хосил қилмаслиги ва қатламларга ажралмаслиги керак. Бундан ташқари, унинг қовушқоқлиги -40 0 С да тормоз педалини босишни қийинлаштирадиган даражада юқорилашмаслиги керак. 3. Тормоз суюқлиги резина деталларга шикаст етказмаслиги (шишириб юбормаслиги ёки кучайтирмаслиги ва тормоз системаси деталларининг коррозиясига сабаб бўлмаслиги керак. Бу ГТЖ-22, ГТЖ-22М суюқликлари этиленгликолларга коррозияга қарши присадкалар ва яшил ранг бўёвчи моддалар қўшиб тайёрланади. Улар паст температурадаги хоссаларининг яхшилиги, кам буғланиши, - 60 0 С температурада иш қобилиятини сақлаб туриши билан бошқа суюқликлардан фарқ қилади. Тормоз системага сув тушганда бу суюқликлар қатламланмайди, чунки гликоллар сув билан яхши аралашади. Уларнинг кучли захарлилиги асосий камчилигидир. ГТЖ-22, ГТЖ-22М гидротормоз суюқликлари кенг ишлатилади. Бу суюқликлар этиленгликолларга коррозияга қарши присадкалар ва енгил еки енгил жигарранг бўёвчи моддалар қўшиб тайёрланади. Жигули, Москвич, Волга енгил автомобилларининг гидротормоз системаларида барча мавсумларда “Нева” тормоз суюқлиги ишлатилади. Ранги оч сариқ. қотиш температураси - 60 0 С га, қайнаш температураси 190 0 га тенг Эксплуатацион хоссалари ГТЖ-22, ГТЖ-22Мдан юқорироқ. Ундан юк автомобиллари тормозларининг юритмаларида ҳам фойдаланиш мумкин. БСК суюқлиги 50% мой ва 50% бутил спирти, канакунжут мойи ва изобутил спиртидан тенг миқдорда тайёрланади. Унга қизил бўёвчи модда

қўшилади. Уни юк ва енгил автомобилларнинг (Жигулидан бошқа) тормоз гидроюритмаларида ишлатилади. 118 0 С да қайнай бошлайди, 20 0 С да канакунжут мойи кристаллана бошлайди, шунинг учун БСК шу температурагача ишлаши мумкин. Техник хизмат қоидаларига асосан суюқлик алмаштирилиб туради. Канакунжут асосидаги суюқлик канакунжут мойини турли спиртлар билан аралаштириб тайёрланади: қизил суюқлик БСК: 50% мой 50% бутил спирти асосида тайёрланади; сариқ суюқлик ЭСК: 60% мой 40% этил спирти асосида тайёрланади; Бу суюқликлар -25 0 С Қ 70 0 С гача оптимал қовушқоқликга эга. ЭСК суюқлиги 78 0 С да у қайнайди. Шунинг учун ҳозирги вақтда ЭСК ишлаб чиқарилмайди. БСК суюқликлиги: бутил спирти билан тозаланган канакунжут мойининг аралашмасидан (1:1 нисбатда) иборат тормоз суюқлиги яхши мойлаш хусусиятларига эга. Минус 20 0 С температурагача ишга лаёқатли. Анча паст температураларда ҳам тормоз системаларининг ишга лаёқатлигини сақлаш учун суюқликка этил ёки бутил спирти (1:1 нисбатда) қўшилади. қайнаш температураси унча юқори (Қ 115 0 С) бўлмаганлигидан БСК суюқлигини диск тормозли автомобилларда ишлатиб бўлмайди. Сув қўшганда қатламланади. Нева ва ГТЖ-22М тормоз суюқликлари билан аралашмайди. Ёнғин жиҳатдан хавфли. Унга қизил ранг берилган (қўшилган). Бу суюқлик барабан тормозли барча енгил киш-яшил рангда бўлади. Енгил автомобилларда Нева тормоз суюқлиги ишлатилиши мумкин. Масалан, жигули, москвич, волга енгил автомобилларида гидротормоз системаларида барча мавсумларда Нева тормоз суюқлиги ишлатилади. Бундай номдаги тормоз суюқлиги қатор сунъий кимёвий бирикмаларнинг мураккаб композициясидан иборат. Уни плюс 50 дан минус 50 0 С гача бўлган температура интервалида ишлатиш мумкин. Плюс 190 0 С да қайнайди, қотиш

температураси -60 0 С. Захарли ва ёнғин жиҳатидан хавфли. Иссиқ сувда эрийди. Оч сариқ ранг берилган. Диск тормозли енгил автомобилларда (ВАЗ, Москвич , ГАЗ-3102 Волга ), албатта, ишлатилади ( Чайка , ЗИЛ-114, -4104 кби катта ва жуда юқори классли енгил автомобиллардан ташқари, бу авомобиллар учун махсус тормоз суюқликлари зарур). Барабан тормозли ЗАЗ-968М Запорожец ; ИЖ (барча моделлари); Москвич -2136, -2137, -2138, -2140, -2733, -2734 енгил автомобилларида; Урал ; КрАЗ-260 (илашиш муфтасини ажратишнинг гидропневматик юритмаси); ГАЗ-52-04, -53А, -53- 12 юк автомобилларида КАвЗ, ПАЗ-672 автобусларида ишлатиш тавсия этилади. Гликолли суюқликлар асосида ишлаб чиқарилган суюқликлар сувга чидамсиз. Улар сувни ҳатто герметик жойлардан ҳам сўриб оладилар. Шунинг учун вақт ўтиши билан уларнинг қайнаш температураси пасаяди. (130-150 гача етади). Ҳозирги вақтда қайнаш температураси 205 0 С бўлган Томқ ва 260 0 С бўлган Роса тормоз суюқлиги ишлаб чиқарилмоқда. Нефтдан олинган ГТН маркали гидротормоз суюқлигининг температура хоссалари яхши: қотиш температураси -63 0 С, 50 0 С даги қовушқоқлиги 10 сСг га тенг. Бу суюқлик зичлама ва шланглари мой- бензинга чидамли резинадан тайёрланган системалар учунгина тавсия этилади. Ҳар қандай тормоз суюқлигига ёнилғи ва мой аралашишига йўл қўйиб бўлмайди, чунки нефтқ махсулотлари резина деталларини емиради, оқибатда тормоз системаси ишламай қолади. Амортизатор суюқликлари. Амортизатор суюқлиги сифатида АЖ-12Т суюқлиги ишлатилади. Бу суюқлик қовушқоқлиги паст минерал мойга кремний органик бирикмалар, шунингдек емирилишга ва оксидланишга қарши присадкалар қўшиб тайёрланади. АЖ-12Т суюқлиги зичлаш деталлари мойга чидамли резинадан тайёрланган системаларда ишлатилади. У - 50 дан Қ60 0 С температура диапазонида амортизаторларнинг нормал ишлашини таъминлайди.

МГП-10 мойи автомобилларнинг гидравлик амортизаторларида барча мавсумларда ишлатиш учун мўлжалланган бўлиб, ҳайвонот ёғлари, оксидла- нишга ва кўпикланишга қарши присадкалар аралашмасидан иборат. Агар ишлаб чиқаришда махсус амортизатор суюқликлари бўлмаса, уларни тенг миқдорда олинган трансформатор ва турбина мойларини аралаштириб тайерлаш мумкин. 3. Атроф-ҳаво температураси паст бўлганда енувчи аралашманинг секин ўт олиши сабабли карбюраторли двигателлар ва дизелларни юргизиб юбориш қийинлашади. Совуқ двигателни юргизиб юборишни осонлаштириш учун юргизиб юбориш суюқликлари фойдали ҳисобланади. Бу суюқликларга муайян эксплуатацион талаблар қўйилади: - улар паст температурада яхши буғланиши ҳамда учқун таъсиридан тез ўт олиши ёки сиқиш натижасида ўз-ўзидан алангаланиши лозим. Юргизиб юбориш суюқлиги 20 ва 50 мл сиғимли алюминий ампулаларда бўлади. Суюқликлар двигателга киритиш учун юргизиб юбориш мосламалари бўлиб, улар двигателга ўрнатилади. Насос орқали ҳаво босими остида ампула тешилади, ҳаво билан биргаликда тўзитилган суюқлик жиклёрларига берилади. Дизелли двигателлар учун “Холод Д-40”, карбюраторли двигателлар учун “Арктика” суюқлиги ишлатилади. 4.Совитиш суюқликлари. Ички енув двигателлари ҳаво еки суюқлик билан совитилади. Двигател ишлаетганда совитувчи суюқлик температураси 85-90 0 га, баъзан 105-110 0 С га етади. Бу суюқликларга қуйидаги талаблар қўйилади: - қайнаш температураси совитиш системасидаги энг юқори температурадан 15-20 0 С юқори бўлиши керак; - қотиш температураси ҳавонинг температурасидан 5-10 0 паст бўлиши керак; - металл деталларни коррозияламаслиги керак;

- суюқликлар арзон, етарли, енғин чиқиш жиҳатидан ҳавфсиз бўлиши керак. Совитиш системасида асосан сувдан фойдаланилади. У иссиқликни яхши ўтказади, иссиқлик сиғими катта, қовушқоқлиги паст бўлиб, ишлатишга қулай. Сувнинг умумий қаттиқлиги деганда ундаги кальций ва магний тузларининг умумий миқдори тушунилади. Сув қайнаганда кальций ва магний тузлари чўкмасдан, эритмада қолади. Агар сувдаги тузлар 3,0 мГ - эквивалентлардан ошмаса, бу сув юмшоқ ҳисобланади. Таркибида 6,0 мГ - эквивалентдан ортиқ тузлар бўлган сув қаттиқ ҳисобланади. қаттиқ сувни юмшоқ сувдан унда совун кўпиртириб аниқлаш мумкин. Сувни юмшатишнинг энг оддий усули, уни 15-20 минут давомида қайнатишдир. 1 л сувни таркибида 20,04 мГ кальций ва 12,16 мГ магний тузлари бўлса бу сувнинг қаттиқлиги 1 мГ эквивалентга тенг дейилади. Паст температурада музлайдиган совитиш суюқликларига антифризлар киради. Бу суюқлик этиленгликоль ва сувнинг аралашмасидан (музлайди) ҳосил бўлади. Этиленгликоль - икки атомли спирт СН 2 ОН-СН 2 ОН бўлиб, рангсиз тиниқ суюқлик. У сув, спирт ва ацетонда яхши аралашади ва нефт махсулотларида эримайди. Сув 0 0 С да, этиленгликоль - 11,5 0 С да музлайди. 33,3% сув ва 66,7% этиленгликольдан иборат аралашманинг қотиш температураси - 70 0 С га тенг. 0 -10 -20 -30 -40 -50 =отиш темпера- тураси t, 0 C

100 80 60 40 20 0 Этилленгликоль миқдори, % расм. Этилленгликоль ва сувнинг музлаш харорати. Антифриз маркалари: А-40 - оч сариқ рангда бўлиб, таркиби: 53-55% этиленгликоль, қолгани сув - 35 0 С да ишлатилади, музлаш ҳарорати -40 о С. А-65 - тўқ сариқ рангда бўлиб, таркиби: 66% этиленгликоль, 33% сув. У совуқ шимолий районларда ишлатилади. Бундай антифризларнинг 40, 40М, 65, 65М маркалари ишлаб чиқарилмоқда. М - молибденли натрий қўшилмалари қўшилган. Ҳозирги вақтда ишлатиладиган антифризлар, ТОСОЛ ларга коррозион таъсирини камайтириш мақсадида коррозияга қарши динатрий фосфат - 2.5-3.5 г/л ва декстрин (крахмал) 1 г/л шунингдек, кўпикланишга қарши присадкалар қўшилади. Динатрий фосфат - чўян ва пўлатни, баъзида мисли қопламаларни сақлайди. Декстрин - алюминий ва мисли деталларни коррозиядан сақлайди.

Декстрин антифриз таркибида тўлиқ эримайди, шунинг учун баъзида антифризлар хира бўлади. Антифризлар қиммат бўлганлиги учун уларни тежаб сарфланади. Антифризга нефт махсулотлари тушиши натижасида кўпикланиш ҳосил бўлади. Бунинг натижасида антифриз кўпиклари олиб ташланса, сарфи кўпаяди. Антифризлар юқори температурада ҳажми сувга нисбатан тез ортади. Шунинг учун антифриз қўшилаётганда, 6-8% камроқ қўшиш керак. Шунингдек, ТОСОЛ-40М антифризлари ишлаб чиқарилади. Бу ерда М - Молибденли натрий (8%) присадкаси қўшилганини билдиради.. ТОСОЛ-60М - бу антифризлар рух ва хромли қопламаларни коррозиядан сақлайди. ТОСОЛ -А - антифриз таркибида концентрланган этиленгликолқ бўлиб, уни ишлатишдан олдин 1:1 нисбатда дистрланга сув аралаштирилиб, сўнгра ишлатилади. Бу антифризлар -35 0С да музлайди. Антифризларнинг зичлиги: ТОСОЛ -А - 1.12-1.14 г/см 3 ТОСОЛ-А-40 -1.075-1.085 г/см 3 ТОСОЛ-А-65 -1.085-1.095 г/см 3 Афзалликлари: қотиш температураси паст, қайнаш температураси юқори, қовушқоқлиги яхши, енмайди, иссиқлик сиғими ва ўтказувчанлиги юқори, музлаганда ҳажми катталашмайди, шунинг учун совитиш системасини ишдан чиқармайди. Этиленгликолқнинг сувдаги эритмалари металларни коррозияламайди. Бунинг олдини олиш учун антифризларга 0,4% махсус присадкалар қўшилади. Камчилиги: захарли, металларни коррозияловчи хоссага эга, қалай ва алюминийга нисбатан коррозияга активдир.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

O'xshashlar

Қишлоқ хўжалик техникаси ва транспорт воситаларида ишлатиладиган пластик сурков мойлар

Қишлоқ хўжалик техникаси узаткичларида ишлатиладиган мойлар (трансмиссион мойлар)

Қишлоқ хўжалик техникасида ишлатиладиган мойлаш материаллари

Қишлоқ хўжалик техникасига техник хизмат кўрсатиш тизими

Қишлоқ хўжалик техникасига техник хизмат кўрсатишни режалиштириш ва ташкил этиш