Қишлоқ хўжалик техникаси узаткичларида ишлатиладиган мойлар (трансмиссион мойлар) - Qishloq va o'rmon xo'jaligi - Referatlar

Қишлоқ хўжалик техникаси узаткичларида ишлатиладиган мойлар (трансмиссион мойлар)

Yuklangan vaqt:

20.09.2019

Ko'chirishlar soni:

0

Hajmi:

86.5 KB

Ko'chirib olish

Қишлоқ хўжалик техникаси узаткичларида ишлатиладиган мойлар (трансмиссион мойлар) Режа: 1. Трансмиссион мойларнинг вазифаси ва уларга қўйиладиган асосий талаблар. 2. Трансмиссион мойларнинг асосий ҳоссалари. 3. Трансмиссион мойларнинг классификацияси ва маркалари. 4. Трансмиссион мойларнинг алмаштириш муддатлари.

Двигател эришган қувват етакчи цилдиракларга трансмиссиянинг бир неча агрегат ва механизмлари орқали узатилади. Узатиш вақтида буровчи мо- ментнинг бир қисми трансмиссияни ташкил этувчи агрегат ва механизмлар қаршиликларини енгишга сарфланади. қаршиликлар асосан шестернялар- нинг ишқаланишидан келиб чиқади. Трансмиссиянинг бундай зарарли қаршиликларини енгишга двигателнинг 10-15% гача қуввати сарфланади. Трансмиссион мойлар транспорт воситаларининг узаткичларидаги, яъни узатмалар қутиси, етакчи кўприклари, борт узатмалари, тарқатиш қутилари, рул ва бошқариш механизмларининг тишли узатмаларини мойлаш учун ишлатилади. Трансмиссион мойларнинг асосий вазифаси - шестерня тишлари иш сиртларининг ейилишини ва трансмиссия агрегатларида ишқаланишга бўладиган сарфларни камайтириш, деталларни совитиш ва уларни коррозиядан сақлашдан иборатдир. Бундан ташқари трансмиссион мойлар зарбий нагрузкалар таъсирини, шестернялардан чиқадиган шовқинни ва уларнинг титрашини пасайтириши, салқниклар ва турли бирикмалардаги зазорларни зичлаши лозим. Трансмиссион мойлар асосан нефтни қайта ишлашда ҳосил бҳладиган қолдиқ маҳсулотлардан гудрон чала гудрондан олинади. Трансмиссион мойларнинг зичлиги 900-935 г/см 3 бўлган жуда қовушқоқ ва ёпишқоқ қора рангли суюқликлардир. Трансмиссион мойларнинг иш шароити мотор мойлари иш шароитидан кескин фарқ қилади. Аввало, тишли, конуссимон, цилиндрик, червякли узатмалар деталларининг ишқаланувчи сиртларига двигателдагига қараганда анча катта 1500-200 МПа гача, гиппоид узатмаларда ҳатто 4000 МПа гача солиштирма юкланиш тушади. Двигателдаги ишқаланувчи жуфтлар орасида сирпаниш тезлиги катта, лекин трансмиссиянинг шестерняли узатмаларида нисбий сирпаниш тезлиги унчалик катта эмас (2,5-3,0 м/с дан катта эмас) ва иш температураси (80-100 0 С). Двигателнинг қуввати ошиши ва машиналарни ишлатиш туфайли трансмиссия агрегатларида иш температураси кҳтарилади, шунинг учун баъзан 125-140 0 С гача кўтарилади. Тишли илашмалар бир-

бирига тегадиган жойларда эса қисқа вақтли маҳаллий қизиш натижасида бу температура 250 0 С гача кўтарилади. Бунда интенсив оксидланишдан ташқари, мойдаги Увлар термик парчаланади. Трансмиссион мойларнинг хили кўп бўлишига қарамасдан, уларга умумий эксплуатацион талаблар қўйилади. Уларга қўйиладиган 1-асосий талаб - тишли ва червякли цилдиракларнинг едирилиб шикастланишига йўл қўймасликдир. Бу талаб мойнинг мойлаш хусусияти билан белгиланади. Бунда мойнинг мойлаш қобилияти юқори бўлиб, тишли илашмаларда мустаҳкам парда ҳосил қила олиши керак. Мойларнинг мойлаш хусусияти қуйидаги кўрсаткичлар билан характерланади: тирналиш индекси, критик юкланиш, пайвандлаш юкланиши ва едирилиш кўрсаткичи. Тирналиш индекси сурков мойининг ишқаланувчи сиртлар ярим қуруқ ҳолатда бўлганида шикастланиш даражасини камайтириш хусусиятини характерлайди. Критик юкланиш сурков мойининг тирналишнинг олдини олиш хусусиятини характерлайди. Пайвандлаш юкланиши сурков мойининг чегаравий ишқаланиш хусусиятини характерлайди. Агар пайвандлаш юкланиши ортиб кетса, шестернялар тезда ишдан чиқади. Едирилиш кўрсаткичи сурков материалининг ишқаланувчи жисмларнинг критик қийматдан кичик ўзгармас юкланишдаги едирилишига таъсирини характерлайди. Қишлоқ хўжалиги техникасида, айниқса мураккаб шароитларда ишлаганда, гиппоидли бош узатмадаги ишқаланувчи жуфтларга зўр келади. Цилиндрик ва конуссимон (спираль-конуссимон ҳам) тишли узатмалардан фарқли равишда гиппоидли узатмаларда шестерняларнинг контактлашиш чизиғи бўйича силжиш ходисаси содир бўлиб туради. Бу ҳол тинч ишлаб турганда ҳам ишқаланувчи сиртларнинг едирилишига сабаб бўлсада, контакт соҳасида интенсив иссиқлик ажралиши туфайли узатманинг элтувчанлик хусусиятини чеклаб қўяди.

Трансмиссион мойларга қўйиладиган иккинчи талаб - қувватни минимал йўқотиш билан узатишни таъминлашдир, бу эса тишларнинг ишқаланиш коэффициентига ва мойнинг қовушқоқлигига боғлиқ. Трансмиссион мойга қўйиладиган қолган талаблар мотор мойига қўйиладиган талаблар билан бир хил. Трансмиссион мойларнинг қовушқоқлик - температура хоссалари яхши, қотиш температураси керакли даражада бўлиши (манфий температурада двигателнинг осонгина юргизиб юборилишини, агрегатнинг иш режимига тез ўтишини ва ишқаланувчи жуфтларнинг ишончли мойланишини таъминлаши), температура таъсирида ҳамда вақт ўтиши билан хоссаларини кам ўзгартириши, таркибда абразив механик аралашмалар ва сув, шунингдек, коррозияловчи актив бирикмалар бўлмаслиги (деталларнинг механик ва кимёвий ейилишини камайтириши), ниҳоят, резина зичламаларини емирмаслиги лозим. Бу талаблардан энг муҳими тирналишга ва ейилишга қарши хоссалар ҳисобланади. Бу хоссаларни яхшилаш учун мойларга присадкалар қўшилади. Контакт температураси юқори бўлганда, присадкаларнинг актив элементлари ишқаланувчи сиртларда асосий металлга қараганда пластикроқ ва ейилишга чидамлироқ пардалар ҳосил қилади. 0.9 0.8 0.6 0.4 0.2 0.9 0.8 0.6 0.4 0.2

10 30 50 70 90 -40 -20 0 20 40 60 мой ҳарорати, 0 С ҳаво ҳарорати, 0 С расм. Мой ҳарорати ва ҳаво ҳароратининг тишли илашмалар ейилишига таъсири. Ишлатилиш шароитига кўра трансмиссион мойларни 5 та катта гуруҳга бўлиш мумкин: - Трактор ва автомобиллар трансмиссиясининг контакт кучланиши 1000 МПа гача, температураси 90 0 С гача бўлган шароитда ишловчи кам нагрузкали цилиндрик ҳамда конуссимон тишли узатмалар, тезликлар қутиси, кетинги кўприклари, борт узатмалари ва бошқа агрегатларида ишлатиладиган мойлар бўлиб, бу мойларга одатда присадкалар қўшилмайди; - Ейилишга қарши присадкалар қўшилган мойлар бўлиб, улар 2000 МПа гача солиштирма босим остида ва 120 0 С гача бўлган температурада ишлайдиган конуссимон тишли узатмалар учун тавсия этилади; - Оғир юк кўтарадиган автомобиллар трансмиссиясининг катта нагрузкали спирал-конуссимон, червякли узатмалари ва бошқа агрегатлари учун чиқариладиган температура 120 0 С дан юқори, нагрузка 2000 МПа дан ортиқ тирналишга қарши присадкалар қўшилган мойлар; - Юк автомобиллари ва енгил автоммашиналарнинг гиппоид узатмалари учун мўлжалланган, тирналишга қарши самарали присадкалар қўшилган махсус мойлар; - об-ҳаво шароитига қараб, трансмиссион мойларнинг ёзги, қишки, шимолий ва барча мавсумбоп сортлари ишлаб чиқарилади. Трактор ва автомобиллар трансмиссиялари учун ёзда 100 0 С даги 14-20 сСт, қишда эса 10-14 сСт бўлган мойлар ишлатилади.

Трансмиссион мойнинг температура интервали атроф-муҳитнинг температурасига қараб (узоқ вақт тургандан кейин қўзғалишда) ва оғир шароитда узоқ ишлагандаги температурасига қараб белгиланади. Иссиқ кунларда мойнинг температураси 80-100 0 С га, оғир ишлаш шароитларида ишлатилганда 150 0 С га етиши мумкин. Ишқаланувчи сиртларнинг контактлашиш жойларида температура 300-1000 0 С га етиши мумкин, тўғри, бу қисқа муддатли бўлади. Температура пасайганда мойнинг қовушқоқлиги ортиши сабабли ишқаланиш туфайли исрофлар ва мойнинг кўчишига қаршиликларни енгишга сарфланадиган исрофлар ортади. Трансмиссион мой қовушқоқлигининг чегаравий қийматлари белгиланган: қуйи чегараси 5, юқори чегараси 50000 сСт. қуйи чегара ишқалувчи жуфтларнинг кўтариб туриш хусусиятинигина эмас, балки зичлагичларнинг ишлаш хусусияти билан ҳам белгиланади: жуда суюқ мой манжет зичлагичдан тез сизиб ўтиб кетган бўлар эди. Юқори чегара автомобилни жойидан мой қизимаган ҳолда кузатиш мумкинлиги ва биринчи узатмада 10 км/соат тезлик билан юргазиш мумкин- лиги билан белгиланади. Бошқача айтганда, агар мойнинг қовушқоқлиги кўрсатилган қийматдан юқори бўлмаса, жойидан қўзғалишда ҳеч қандай муаммо бўлмайди. Барибир мойнинг қуйи температура чегараси қовушқоқ- ликнинг юқори чегарасига эмас, балки совиган мойнинг мустаҳкамлик чега- расига боғлиқдир. Аввал мойдаги оғир фракциялар қотади, кейин температура пасайиши билан енгил фракциялар музлайди. Шунинг учун қотган мойнинг температураси - маълум даражада шартли ўлчовдир. қотиш темпе-ратурасида енгил фракцияларнинг бир қисми хали суюқ ҳолатда бўлади, холбуки, совуқ мой деярли қаттиқ жисм деб ҳисобланади, унинг мустаҳ-камлик чегараси унгча катта бўлмайди. Демак, мой қотиб қолганда, шестер-няларни хавфли даражада катта куч қўймасдан айлантириш мумкин. Шу сабабли, трансмиссион мойнинг қўлланиш температураси унинг қотиш температурасидан паст бўлади. Мойнинг температураси бундан ҳам

пасайганда, у шунчалик мустаҳкам бўладики, уни иситмасдан туриб рулни буриш ҳам, жойидан қўзғалиш ҳам мумкин бўлмай қолади. Совуқ жуда кучли бўлганда автомобилни шатакка олиб ўт олдиришга уринишлар ярим ўқларнинг синиши билан тугаган воқеалар ҳам бўлади. Трансмиссион мойларнинг кўпи дистиллят (яъни, ҳайдаш йўли билан олинган) ва олтингугуртли нефт мойлари қолдиғининг (шунинг учун нохуш олтингугурт хиди келади) аралашмасидан тайерланади. Мойлаш хусусиятини (мойлилик) яхшилаш учун мой таркибида асфалқт-смола моддасидан оз миқ- дорда қолдирилади (бундай мойлар қора бўлади). Мой таркибида олтин- гугуртнинг бўлиши едирилишни камайтиради, бироқ бундан ташқари, мойга тирналишга қарши ва антифракцион (ишқаланишни камайтирувчи) қўшил- малар қўшилади, улар мотор мойларига қўшиладиган қўшилмалардан фарқ қилади. Бу ҳолда олтингугуртли, фосфорли ва азотли бирикмалар, қўрғошин, руҳ, алюминий, молибденли металл-органик бирикмалар, ҳайвонот ва ўсимлик ёғлари, ёғли кислоталар, уларнинг эфирлари, смолали ва нефтли кислоталар ва ҳоказолар қўлланилади. Трансмиссион мой таркибида оксидланишга қарши, едирилишга қарши ва депрессаторли қўшилмалар бўлиши мумкин. Ҳозирги кунда энг яхши трансмиссион мой ТАД-17И. Ундан трансмиссиянинг ҳамма агрегатларида, шу жумладан, рул механизмида ҳам фойдаланиш мумкин. Бу мой едирилишга қарши сифатлари билан бирга антикоррозион ва антиоксидланиш хоссаларига ҳам эга, у сувга чидамли. У пайвандланиш нагрузкасига чидамлилиги бўйича гиппоидли мойдан кейин турса ҳамки, ҳозирги ишлаб чиқарилаётган автомобилларнинг трансмиссиясида ТАД-17И дан фойдаланиш мумкин, чунки ҳозирги вақтда бош узатманинг шестерняси фосфатланган бўлади. Кетинги кўприкнинг фосфатланган шестерняларига маълум муддат ишлагандан сўнг, яъни 10-12 минг км юргандан кейин ТАД- 17И ни қўллаш мумкин.

ТАД-17И ни бошқа трансмиссион мойлардан осон ажратиш мумкин, у тиниқ янги асалга ўхшаб олтин рангда бўлади. Бу ранг агрегатнинг қанчалик едирилаётганини баҳолашга имкон беради. Едирилиш маҳсулотлари билан ифлосланганда мой кул ранг тусда бўлади ва тиниқлигини йўқотади, демак мойни алмаштириш лозим. Бироқ, афсуски, ТАД-17И ни ишлаб чиқариш истеъмол талабини тўла қондирмайди, шунинг учун унинг ўрнини босадиган бошқа мой танлашга тўғри келади. Уларнинг ҳаммасида едирилишга ёки тирналишга қарши ва депрессатор қўшилмалар, баъзиларида эса, бундан ташқари, кўпиришга қарши (Тсм-14,5 ва Тсп-10) ва оксидланишга қарши (Тсм-14 гип) қўшилмалар бўлади. * Трансмиссион мойлар 2 хил гуруҳга бўлинади: 1. Фақат автомобиллар учун ишлатиладиган трансмиссион мой. 2. Умумий ишларга мўлжалланган трансмиссион мойлар. Бундан ташқари, трансмиссион мойлар тишли узатмаларни тузилишига қараб бир неча хил гуруҳга бўлинади: 1) Конуссимон ва цилиндрик узатмаларни мойлаш учун ишлатиладиган мойлар. 2) Гиппоид илашмавий фақат конуссимон узатмаларни мойлаш учун. 3) Гидромеханик трансмиссияларга ва руль механизмини гидрокучайтиргич системаларга қўшиладиган махсус мойлар. Трансмиссион мойлар ишлатилиши шароитига қараб қуйидагиларга бўлинади: 1. Умумий ишларга мўлжалланган мойлар. Буларга ТС ҳарфлари билан белгиланади. Масалан, ТС-10-ОТП даги ҳарф ва рақамлар трансмиссион мойнинг 100 0 С даги қовушқоқлиги 10 мм 2 /с. ОТП - тирналишга ва ейилишга қарши ОТП қўшилмаси борлигини билдиради.

ТС П - 15К. “П” ҳарфи трансмиссион мой таркибида қўшилма борлигини, К ҳарфи КаМАЗ автомобилларининг трансмиссия-ларининг кўп нагрузка тушадиган агрегатлари учун ишлаб чиқарил-ганини билдиради. ТС З - 9 . “З ҳарфи - мой таркибида уни қуюқлаштирувчи қўшилма борлигини билдиради. 2. Автомобиллар учун трансмиссион мойлар Бу мойлар маркаси ТА ҳарви билан бошланади. ТАД - 17И . “Д” ҳарфи мой таркибида фақат қолдиқ мой эмас, дистиллят (мазутни ҳайдаб олинади) мойи ҳам борлигини билдиради. “И” ҳарфи - мойга ейилишга қаршилик кўрсатиш ва кўпиришга қарши ҳоссаларини таъминловчи комплекс қўшилмалар борлигини билдиради. ТАП - 15В . “П” ҳарфи - мой таркибида қўшилмалар борлигини билдиради. “В” ҳарфи - олдин ишлаб чиқилган ТАП-15 мойига қараганда таркиби яхшироқ эканлигини билдиради. АҚШ ва /арбий Европа мамлакатларида автотрактор трансмисион мойларининг классификацияси икки тизимга бўлинади: 1. Қовушқоқлик - ҳарорат кўрсатгичлари бўйича SAE J 306 C (Америка автомобил мухандислар жамияти) классификацияси; 2. Эксплуатация хусусиятлари бўйича API (Америка нефтқ институти) классфикацияси. Бу классификациялар бир-бирини тўлдиради ва уларни бирга ишлатиш - мой турини тўғри танлашга ёрдам беради. қишки трансмиссион мойлар: SAE -70 W , 75 W , 80 W , 85 W . Ёзги мойлар: SAE -70, 75, 80,85 киради. Ҳамма иқлим шароитларида ишлатиш мумкин бўлган мойлар: SAE 75 W -90,80 W -90, 85 W -140 мойлар киради. Трансмиссия агрегатлари турига ва уларни ишлатиш шароитларига қараб API классификиацияси бўйича трансмиссион мойлар олти гурухга бўлинади:

1. L -1 гурухи - механик узатмалар қутисидаги спирал-конуссимон ва червякли тишли узатмаларда нисбатан юмшоқ шароитларда ишлатилади; 2. GL -2 гуруҳи оғир шароитларда ишлайдиган юк автомобилларининг асосий узатмаларининг червякли тишли узатмаларида ишлатилди. Бу мойларга едирилишга қарши қўшилмалар қўшилган. 3. GL -3 гуруҳи ўртача шароитларда ишлайдиган автомобилларнинг етакчи кўприкларида ишлатилади. Бу мойларга тирналишга қарши қўшилмалар қўшилган. 4. GL -4 гуруҳи енгил автомобиллардаги узатмалар қутиси ва гиппоидли узатмаларда ишлатилади. Бу мойларнинг иш шароитлари оғир бўлиб, уларга тирналишга қарши қўшилмалар қўшилган. 5. GL -5 гуруҳи юк ва енгмл автомобилларининг узатмалар қутиси ва гиппоидли узатмаларида ишлатилади. Бу мойларга тирналиш ва ейилишга қарши қўшилмалар қўшилган. 6. GL -6 гурухи зарбий юкланиш шароитлари жуда оғир бўлган узатмаларда ишлатилади. Айрим трансмиссион мойларнинг турлари. Са strol SAF қ- XI Сунъий мой. Трансмиссияни емирилишдан жуда яхши химоялайди ва шовқинни камайтиради. Паст ҳароратларда оқувчанлиги яхши ва ёнилғи тежамкорлигини оширади. SAE 75 W -140, Api GL -5 Тўлиқ узатмали автомобиллардаги блокировкаси бор дифференциаллар учун блокировкасиз орқа кўприклар учун махсус мой. Са strol SMX - B Турли мавсумда ишлатиш мумкин бўлган сунъий мой. Поғанадан поғанага ўтганда қаттиқ шовқин чиқарадиган трансмиссиялар учун махсус тайёрланган. Кам оксидланади, жуда яхши мойлаш сифатларига эга.

SAE 75 W -30 Api GL -4 Тўрт цилиндрли двигателлар ва тўрт поғанали узатмаларда ишлайдиган барча BMW автомобиллари учун тавсия этилади. Мой алмаштириш муддатлари ҳақида. Трансмиссион мойнинг автомобилнинг турли агрегатларидан иш шароитларининг муҳим шартларини таъкидлаб ўтиш керак. Рул бошқармаси редукторидаги мой деярли ишламайди, шунинг учун ундаги мой автомобил ҳаёти давомида алмаштирилмайди. Узатмалар қутисидаги мой бевосита узатмадан ташқари ҳамма узатмаларда ўзининг қувват йўналтирувчанлик вазифасини бажаради. Мой бевосита (тўғри) узатмада аралашиб туради холос, у юқори температура таъсирига дуч келмайди, едирилиш маҳсуллари билан ифлосланмайди. қутининг температураси бу ҳолда баланд бўлмайди, чунки унда ишқаланиш туфайли исрофлар бўлмайди. Бош узатмада мой доимо ишлаб туради, бунда шестернялар кўп сирпанади. Шунинг учун автомобил шаҳардан ташқаридаги текис асфалқт йўлда ҳаракатланганда узатмалар қутисидаги мойни алмаштириш муддати, кетинги кўприкдаги мойга нисбатан икки марта узаяди (яъни, 40-60 минг км юргандан кейин) алмаштириш мумкин. ТАД-17И нинг ўрнига бошқа мой қуйилганда мой алмаштириш муддати 1/3...1/4 марта қисқаради.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

O'xshashlar

Қишлоқ хўжалик техникаси ва транспорт воситаларида ишлатиладиган пластик сурков мойлар

Қишлоқ хўжалик техникаси ва транспорт воситаларида ишлатиладиган техник суюқликлар

Қишлоқ хўжалик техникасида ишлатиладиган мойлаш материаллари

Ички енув двигателлари учун мойлар

Қишлоқ хўжалик ҳайвонларининг озиқлантириш асослари