Қишлоқ хўжалик машиналарининг ишчи органларини таъмирлаш - Qishloq va o'rmon xo'jaligi - Referatlar

Қишлоқ хўжалик машиналарининг ишчи органларини таъмирлаш

Yuklangan vaqt:

20.09.2019

Ko'chirishlar soni:

0

Hajmi:

71.5 KB

Ko'chirib olish

Қ ишло қ хўжалик машиналарининг ишчи органларини таъмирлаш Режа: 1. Ерга ишлов берувчи ва экин экадиган машиналар ишчи органларини таъмирлаш. 2. Терим машиналари ва уларнинг ишчи органларини таъмирлаш. 3. Гидротизим агрегатлари ва осма қурилмаларини таъмирлаш

Трактор ва автомобиль деталлари ишлашига нисбатан қишлоқ хўжалик машиналари деталлари ишлов берилаётган муҳитга бевосита боғлиқ бўлгани ёки жуда катта чангланиш шароитида ишлагани туфайли кўпроқ даражада абразив ейилишига дучор бўлади. Тишларни таъмирлаш. Тишлар Л-65 ёки 65Г маркали пўлатдан тайёрланади. 28-45 мм кенгликда тобланади ва HR С 44-55 қаттиқликкача бўшаштирилади. Тишларнинг ўзига хос нуқсонлари: тиғларнинг ўтмаслашиши, тишнинг эни бўйича ейилиши, сиртни эгилиши ва тоб ташлаши, тиғнинг уваланиши. Умумий технологияга кўра тишларнинг 1 мм дан ортиқ ўтмасланиб қолган тиғлари ишлайдиган томонидан чархланади. Эни бўйича ейилган тиш тортиб таъмирланади. Уни 800-1200°С гача қиздирилади ва махсус мослама ёрдамида пневматик болға (ПМ-50 ёки ПМ-75) билан чўзилади. Чўзиш учидан бошланади, бунда металл тишнинг бутун бўйи ва эни бўйича чўзилади. Чўзилгандан сўнг тиш чархланади ва тиғи бўйлаб унинг 2 3 энига 820°С ҳароратгача иссиқ ишлов берилади ва 30-40°С гача иситилган сувга солиб тобланади. Тоблаш ваннасига тиш орқа томонини пастга қаратиб туширилади, бу тадбир тиғда ғадир-будурлик ва ёриқ пайдо бўлишининг олдини олади. Тиш 300-350°С ҳароратда бўшатилади. Чўзилиш сифати янги тиш шакли ва ўлчамлари бўйича тайёрланган андоза билдан текширилади. Ағдаргич ларни таъмирлаш. Ағдаргичлар 20-маркали пўлатдан тайёрланади. HRC 48-56 қаттиқликкача цементацияланади ва тобланади. Ағдаргичларнинг нуқсонлари дала тахтачаси ва қанот сиртининг ейилишидир. Ағдаргичларнинг ейилган дала тахтачалари диаметри 4-5 мм ли Э-42 электрод билан 200-250 А ток кучида электр ёйли пайвандлаш ёрдамида таъмирланади. Уни тозаланганидан сўнг чарх тошида қирқма чети чархланиб, бунда фаска ва чархлаш бурчаги сақлаб қолинади. Культиватор панжаларини таъмирлаш. Плуг, култиваторларнинг тупроқни юмшатувчи панжалари ёки коррозияга қарши қуролларнинг

панжалари одатда 65Г маркали пўлатдан тайёрланади. 50-56 қаттиқлигигача тобланади ва юмшатилади. Уларнинг асосий нуқсонлари: тиғларнинг ўтмасланиб қолиши, сиртнинг қийшайиши, панжанинг учи ва тиғининг эни, қалинлиги бўйича ейилиши. +ирқувчи аппаратларнинг сегментларини таъмирлаш. Сегментлар юқори углеродли пўлатлардан (У7; У8; 65) тайёрланади, HRC 55-62 қаттиқликкача тобланади ва бўшаштирилади. Уларнинг асосий нуқсонлари: қирқувчи қирраларнинг синиши, ўтмасланиб қолиши, махкамланган жойларининг бўшаши, пичоқ белининг узилиши. Тишларнинг тикланиши. Ишлаш жараёнида тиш бракка чиқарилади ёки нуқсоннинг хусусиятига қараб, қуйида кўрсатилган усулларнинг бири билан тикланади. Тишнинг «орқа» фаскаси кенглиги ўрта тупроқда ишлаганда 16° ли бурчак остида 6-8 мм ни, бурчаги 20° бўлиб оғир (қаттиқ тупроқда) 3-4 мм ни ташкил этади. «Орқа» фаскалари бундан катта бўлганда плугни ерга ботириб бўлмайди. Тишнинг тиғи тўлиқ ишга яроқли бўлиб, уч қисми анча ейилган бракка чиқарилади. Чўзиб тиклаш. Тиш тиғининг шакли ва фаскаси темирчилик чўзиши билан тикланади. Тишни чўзиш 1200°С ҳароратда бошланиб 600°С хароратда тугалланади. Тикланган тишнинг шакли шаблон (андоза) билан текширилади. Чўзгандан сўнг тиш тобланади ва бўшаштирилади. Тиш ҳавода совутилиб 350°С да бўшаштирилади. М.В. Тишларни тоблаш ва бўшаштиришдан мақсад нима? Тиғни пайвандлаб тиклаш. Магазин материали захирасидан тўлиқ фойдаланилиб бўлгандан кейин тишнинг тиғларини пайвандлаб тиклаш мумкин. Бунинг учун бракка чиқарилган тишлардан тегишли ўчамда тасма олдиндан тайёрланади. Тасмани таъмирчилик усули билан газ ёки электр ёй пайванди билан пайвандлаш мумкин. Янги ва темирчилик чўзиш усули билан тикланган тишнинг таъмирлашлараро ресурслари жуда оз, битта тиш ейилгунча ўртача ишлаши 1 дан 4 гача бўлади.

Сеялкаларнинг экиш аппаратларини таъмирлаш. Экиш аппаратларида айланувчи розетка тегиб турадиган жойини деворлари ейилади. Штампланган қутиларда ғалтаклар розеткасини ушлаб турувчи фланецлар ейилади. Шунингдек ғалтакларнинг четлари ейилади. Ундан ташқари сеялкаларда коррозия ва деформация оқибатида уруғ ўтувчилар ишдан чиқади. Дискли сошникларни таъмирлаш. Нуқсонлари: тоб ташлаши, тиғининг ўтмасланиб қолиши, уларда ғадир-будурликларнинг пайдо бўлиши ва тиғининг айлана бўйлаб нотекис ейилиши. Тоб ташлаган дисклар плитада рихтовка қилиб тикланади. Тиғи ўтмасланиб қолганида плугларнинг диск пичоғи сингари токарлик дастгохида қопқоғи томонидан комбинацияланган кескич билан чархланади. Кулранг чўяндан тайёрланган сошникларнинг синган корпуслари газ ва электр ёйида пайванлаш усулибилан пайвандланади. Сеялкаларни таъмирлаш сифатини назорат қилиш. Сошникни узатиш, кўтариш ва ботириш механизми, ричаглар, эшик ростлагичи ва ғалтакли вал силлиқ кўчиши керак, уруғ яшиғи тирқишсиз ва қопқоқ билан зич беркилиши керак. Сеялкалар узатиш механизми уланган холда юриш ғилдиракларининг 15-20 айл  мин тезлигида 15 минут давомида ишлатиб кўрилади. Юрғизиб кўриш жараёнида ҳамма узатиш механизмларининг бир текис ишлаши ва автомобилларнинг пухта ишлаши тишларни уч марта кўтариб ва тушириб текширилади, етакчи юлдузчанинг хроповий муфтаси – осон ишга туширилади ва ўчирилади, кўтариш ричаглари – тўхтаб қолмасдан бурилади ва истаган вазиятда тўхтатгич (зашёлка) билан тўхтатилади. Пахта териш машиналари одатда махсус устахоналарда, таъмирлов ишлаб чиқариш корхоналарида (ТИЧК) ва марказий таъмирлаш устахоналарида ремонт қилинади. Пахта териш машиналарини ремонт қилиш учун махсус мосламаларни Средаз-ГОСНИТИ ишлаб чиқарган. Оммавий

ишлаб чиқариладиган пахта териш машиналари деталлари (шпинделлар, чўткалар, роликлар) механизациялашган тизимларда ремонт қилинади. Нуқсонлари – пахта териш аппаратлари шпинделларнинг ейилиши, деформация ва синиши, уларнинг ифлосланиши, шпинделлнинг букилиши, втулкаларнинг ейилиши, таянч ўқ ва шпиндель юқори таянчи тебраниш подшипкаларнинг бузилиши, шпинделлар приводи (ремни) роликларда ўтказишнинг бузилиши ва ейилиши, чўткали планкалар формаси ва чўткали съёмникларнинг бир томонлама ейилиши. Шпиндель . Ремонт қилиш учун ишчи сиртида ёриғи ва занглаши бўлмаган шпиделлар ҳамда букилганлиги 5 мм дан ортмаган ва тишининг баландлиги камида 1.6 мм бўлган шпинделлар қабул қилинади. Машина ишлаганда ҳамма деталлари (шпиндель, шарикоподшипник, ролик, втулка ва бошқалар) тез ейилади. Хром қатлами кўчади, шпиндель юзининг кўпгина қисми занглайди, тишлар ўтмаслашади, втулкалар ейилади ва ифлосланади, капрон ва резина деталлари харорат, мойлаш ва атмосфера шароити таъсирида эластиклигини йўқотади ва ишдан чиқади, подшипникларда тирқиш пайдо бўлади. Ундан ташқари деталлар тез ифлосланади ва мой қотиб қолади. Шунинг учун шпинделларни тиклашда уларни яхшилаб ювиш ва айрим деталларга ажратиш зарур. Тишлар чархланиб, такроран хромланганидан ва ейилган деталлар алмаштирилганидан кейин шпинделлар йиғилади, кейин консервацияланиб жойланади. Ейилган тишлар чарх ошида чархлаб тўғриланади ва кейин такроран хромланади. Чархлаш ишини механизациялаш ва автоматлаштириш шпинделнинг учларидан қирқиш бошлангунча қатъий ўлчамларнинг йўқлиги туфайли анча мураккаблашади. Ролик . Таъмирланган шпинделларнинг 30% идан кўпроғида ролик стерженга бўшроқ ўтказилган бўлади. Ўтказишни тиклаш учун қуйидаги усуллар мавжуд:

шпинделни прессда сиқиш; ролик стержени диаметрини электромеханик усулида катталаштириш; роликнинг ўтказиш сиртини хромлаш; роликнинг ўтказиладиган сиртини пўлатлаш. Тиклашнинг қийматига кўра энг самарали усул пўлат билан қоплаш хисобланади. Съёмникларнинг чўткалари. Съёмникларнинг чўткаларини планкаларни рихтовкалаш,чўткаларни тозалаш,дефектовка ва гуруҳларга ажратиш, симли кулфларни ташки томондан қирқиш ва ейилган дасталарини уяларидан итариб чикариш,елимли композицияни тайёрлаш ва куйиш,елим композициясини планканинг охирги учи бўйлаб қуйиш ва қуритиш, чўткаларни меъёрдаги ўлчамгача қирқишдан иборат. Планкаларни станокда рихтовкаланади, унда к ў п марта букиш усулидан фойдаланилади. Планкаларни ортича букилиши 1.5-1.8 мм дан ошмаслиги керак. Чўткаларни катта оқимли икки камерали ювиш қурилмасида тозаланади. Биринчи камерада ч ў ткалар 80-85 °С гача иситилган тринатий фосфат эритмасида (концентрация 5 кг  м 3 ) эритилади. Оқим билан ювиш учун мўлжалланган иккинчи камерада ювувчи эритма М1112 насоси ёрдамида 0.45-0.15 МПа босими остида ўтказилади. Ювилгандан с ў нг ч ў ткалар қ уритиш шкафида 95-100 °С қ уритилади. +уритилгандан сўнг чўткалар нуқсонлаш ва навларга ажратишга ўтилади. Ярмидан кўп дастаси тўла ишдан чиққан чўткалар бракка чикарилади, чунки уларни тиклаш самара бермайди. Пахт а териш машиналарини б ў лакларга ажратиш ва йиғиш. Пахта териш блоки трактордан ечиб олинади ва таъмирлаш корхонасига транспорт аравачасида етказилади. Асосий таъмирлаш ишлари (йиғиш, ростлаш) пахта териш аппаратини операцион аравачага жойлаштириб бажарилади. Пахта териш блоки аппарати юритмаси редукторини қисмларга ажратиш ва йиғиш ишларини механизациялаш учун пневматик қурилмали

стенд қўлланилади, шпинделли барабанларни қисмларга ажратиш ва йиғиш ишини механизациялаш учун эса стенд қўлланилади. Таъмирланган пахта териш машиналарига қў йиладиган техник талаблар: Съёмник – подшипникларнинг юқори ва қуйи корпусларида синиш ва ёриқ бўлиши мумкин эмас. Чўтка планкалари текис, чўтка туклари дастаси зич бўлиши. Дастага 60 Н куч қўйилганда туки чўтка уясидан узилмайди, тукининг баландлиги 25 мм гача ейилиши мумкин. Қуйи ва юқори подшипникларнинг бўшликлари 1-13 ёки ЦИАТИМ-203 сурков мойи билан тўлдирилган бўлиши керак Шпиндель барабани. Шпиндель бармоғи қуйма дискга охиригача бураб киритилган, резьбаси эса вальцовка қилинган. Шпинделлар таянчларда эркин айланади. Хар бир шпинделнинг барабанда урилиши 2 мм дан ошмаслиги керак. Шпинделни тескари айлантириш қурилмасидаги колодкани кўчириш ва бу билан унинг бузилишига йўл қўйилмайди. Колодка шпинделларининг буксивка қилмасдан, ишончли айланишини таъминлаб, амортизациялайди. Шпиндель тишлари ўткир ва букилмаган. Тишнинг олд қ ирраси ва текислик орасидаги бурчаги 50-54 °С га тенг. Синган тишларнинг сони бир қаторда кетма-кет 6 та ва кетма-кет жойлашмаганда 20та бўлишига рухсат берилади. Тишнинг баландлиги камида 1.6 мм бўлишига керак. Йиғув аппарати. Харакатланувчи ромлар аппаратларнинг шарнирли бирикмаларида илиниб ва қотиб қолмасдан харакатланади. Чўтканинг туки бутун баланлигига шпинделга тегиб туради. Чўткаларнинг туклари билан шпинделлар орасида бўшлиқ колмаслиги керак. Айрим чўткаларнинг тукини шпиндель тишларига ботиши 1.5 мм дан ортмаслиги керак. Вентилятор. Станина ёри қ ва сини қ б ў лмаслиги керак. Вентилятор вали шарикли подшипникнинг ўтирадиган бўйинчаларининг урилиши ва шлицли юзаларнинг ташқи диаметрлари бўйича урилиши 0.05 мм дан ортиқ эмас.

Вентилятор қаноти ва қожухи орасидаги бўшлик (зазор) 0.5-2 мм атрофида бўлади. Шпиндель барабани, чўткали съёмниклар, вентилятор, сув насоси, қабул қилувчи камера трубалари, редуктор ва пахта териш блоки стендда ишлатиб кўрилади, бунда техник шартларда келтирилган кўрсаткичлар назорат килинади. Гидротизим агрегатларининг нуқсонлари: гидротизим агрегатлари ва узелларидаги деталларнинг ейилиши ва резина зичланмаларининг эскириши ишчи суюқликларининг ички ва ташқи сизиб чиқишига олиб келади. Бунинг натижасида фойдали таъсирнинг хажмий коэффициенти камаяди. Асосий нуқсонлари: хажмий ф.и.к нинг техник шароитлар билан белгиланган меъёрдан пасайиши, созлашнинг бузилиши, бошқарувнинг ёмонлашиши, деталларнинг чегарадан ортиқ ейилиши ва хоказо. Гидроагрегатлар деталларнинг асосий ейилиши – абразив ва гидроабразив ейилишидир. Шестерняли насосларни таъмирлаш. Шестеняли насослар деталларининг ейилиши натижасида хажмий ф.и.к. пасаяди ва у кўтараётган босим кескин тушиб кетади. Гидронасосларда корпуси, втулкалари, шестернялари, қопқоқлари ва резина зичланмалари ейилади. Корпуснинг асосий нуқсонлари: қудуқлар-втулкалар ва шестенялар билан қўшилган сўриш камераси томонидан ейилади, чунки тебранувчи узел гидронасос ишлаётганда корпуснинг шу томонига суюқлик иш босими билан сиқилади. Втулкалар тагидаги таянч юзаси ва зичловчи манжет остидаги юзада хам кўп ейилиш учрайди. Юзада ёриқлар, раковиналар хам кузатилади, шунингдек қопқоқли махкамлаш болтларидаги ва корпусга бириктириш муфталаридаги резьбалар ейилади ва узилади. Корпусни қуйидаги усуллар билан: эпоксид смола асосли елим суркаш билан; ўтиш гильзаларини (қуймаларини) ўрнатиб, сиқиш (пластик деформация) усули билан тиклаш мумкин.

Корпусдаги қудуқлар йўниш дастгохларида ёки токарлик, фрезерлик олмос- йўниш ёки бошқа дастгохларда ўрнатиладиган махсус мосламалардан фойдаланиб йўнилади. Бронза ёки махсус алюминий қоришмаларидан тайёрланадиган втулкалар шестерня билан қўшилган холда ишловчи қирра сирти бўйича ейилади, бунинг натижасида втулканинг баландлиги камаяди. Втулкаларни осадка (ўтқазиш), сиқиш ва кейинчалик механик ишлов бериш билан тиклаш мумкин. Легирланган пўлатлардан таёрланган шестерняларда цапфалари, четки сиртлари ва тишларининг айланма бўйича каллаклари ейилади. Шестерняларнинг берилган термоишлов қатлами қалинлигида ейилиши уларнинг цапфалари юзини, тиш каллагининг чети ва сиртқи қисмлари силлиқлаш йўли билан тиклашга имкон беради. Цапфа,шестерналар сиртлари силлиқлангандан сўнг супер финишланади. +опқоқ четки сиртининг насос корпуси томонидан ейилиши, чуқурлик ва чизиқлар,шунингдек стопор халқасининг тутиб турувчи сальник уясида бўртиқнинг узилиши ва ёриқлар кўздан кечириб аниқланади. Таъмирланган шестерняли гидронасосни юрғизиб кўриш ва синаш КИ- 4200 ёки КИ-4815 синов стендида ўтказилади,бунда тегишли ишчи суюқлигидан 150-5 0 С хароратда фойдаланилади. Гидронасосларни синашда номинал қ арши босим,одатда 10МПа да ани қ ланади. Хажмий ф.и.к. гидронасосни КИ-4200 ёки КИ-4815 стендида синашда қуйидаги формула бўйича топилади: n v қQ x  Q T Q x ,Q t – мос холда гидронасоснинг етакчи шестернясининг бир айланишидаги хақиқий ва назарий иш унуми,см 3 . Хақиқий Q x стендда синашда ўлчанади, Q t назарий эса техник характеристика бўйича ёки қуйидаги формула билан аниқланади:

Q T қ10 -3 * 2 p* m 2 * b * n(z + 2k + 0.276),л  ми н. Бу ерда m – тишлашиш модули,мм; b – шестерналарнинг кенглиги,мм; n – етакчи валнинг айланиш сони,айл  мин; z - тишлар сони, дона; k – т ўғ рилаш коэффициенти (К-0.5).

Фойдаланилган адабиётлар руйхати: 1. Йўлдошев Ш.У., Машиналар ишончлилиги ва уларни таъмирлаш асослари.- Тошкент, Ўзбекистон, 1994. 2 . Ермолов Л.С. ва бош қ алар. Основы надежности сельскохозяственной техники.-М.: Колос, 1992 . 3 . Мельников.Г.Н., Технология машиностроения (1 ,2- том). - М .: Издательства МГТУ им. Н.Э.Баумана , 1998. 4 . Прейсман В.И. Основы сельскохозяйственной техники.-Киев. : Высшая школа, 1988 . 5 . Решетов Д.Н. Роботоспособность и надежность деталей машин.-М.: Высщая школа, 1990 . 6 . Решетов Д.Н. ва бош қ алар. Надежность машин.-М.: Высщая школа, 1988 .

O'xshashlar

Қишлоқ хўжалиги машиналарининг ишончлилик кўрсаткичлари

Қишлоқ хўжалиги машиналарининг электр жиҳозлари

Қишлоқ хўжалик ҳайвонларининг озиқлантириш асослари

Қишлоқ хўжалик хайвонларининг биологик хусусиятлари

Қишлоқ хўжалик техникасида ишлатиладиган мойлаш материаллари