Ёрма ишлаб чикариш - Qishloq va o'rmon xo'jaligi - Referatlar

Ёрма ишлаб чикариш

Yuklangan vaqt:

20.09.2019

Ko'chirishlar soni:

0

Hajmi:

97.5 KB

Ko'chirib olish

Ёрма ишлаб чикариш Режа: 1. Ёрма экин донларининг технологик хоссалари. 2. Донларнинг технологик хоссаларини аниқловчи кўрсаткичлар. 3. Ёрма экин донларидан ишлаб чиқариладиган ёрма маҳсулотларининг турлари. 4. Ёрмаларнинг сифат кўрсаткичлари. 5. Тариқ донининг турлари ва сифат кўрсаткичлари. 6. Тариқ донини қайта ишлашга тайёрлаш жараёни. 7. Тариқ донини кайта ишлаб ёрма олиш жараёни. 8. Тариқ донидан олинадиган ёрманинг чиқиши ва сифати.

1. Ёрма экин донларининг технологик хоссалари. Ёрма заводлари 8-10 хил ёрма экинларидан ёрма ишлаб чиқаради. Гречиха, тариқ ва шоли донлари - асосий ёрма экинлари ҳисобланади. Чунки улар асосан ёрма ишлаб чиқаришда қўлланилади. Бундан ташқари сули, арпа, буғдой, нўхат, маккажухори, алоҳида ҳолларда оқ жухори, чечевица (ясмиқ- дуккакдошлар оиласига мансуб бир йиллик ўсимлик) ва бошқа экин донларидан ёрма ишлаб чиқарилади. Экин донлари ўзларининг хусусиятларини ҳар хиллиги билан бир-биридан фарқ қилади. Дон хусусиятлари кўрсаткичларини икки гуруҳга бўлиш мумкин: 1. Фақат шу экин донига таълукли хусусиятлари (шакли, мағиз ва қобиқларни ўзаро боғланиш мустаҳкамлиги, мағизни мустаҳкамлиги ва бошқалар); 2. Ҳар қайси экин чегарасида ўзгарадиган хусусиятлар (намлик, йириклиги, тозалиги, чиқиндилар миқдори ва бошқалар). Дон асосан уч қисмдан ташкил топган - эндосперм, қобиқлар ва муртак. Донларни қайта ишлаб ёрма олишда эндоспермдан (мағиздан) қобиқлар ажратилади. Биринчи навбатда ташқи қобиқлар ажратилади - гул қобиғи (шоли, тариқ, сули, арпа), мева қобиғи (буғдой гречиха, маккажухори) ва уруғ қобиғи (нухатда). Ҳар хил экин донларининг ташқи қобиқлари (пўстлоғи) мағиз билан бирлашмасдан, ёки бир нуқтада бирлашган ҳолда ўраб туради (тариқ, гречиха, шоли ва сули), ёки мағизнинг ҳамма юза қисмига жипс туташган бўлади (арпа, буғдой, маккажухори, нўхат). Мағизлардан қобиқларни ажратиш усули ҳар хил бўлади, чунки мағиз билан қобиқ бир-бирига мустаҳкам ёки мустаҳкамсиз бирлашган бўлади. Донларнинг тузилиши улардан олинадиган ёрманинг турини ҳам аниқлаб беради. Мағиз ва қобиғи бир-бирига бирлашмаган ёрма экин донларидан асосан бутун ёрма ишлаб чиқарилади, технологик жараён етарли даражада самарадорли бўлмаганида кўп бўлмаган миқдорда синган ёрмалар ҳам олинади.

Қобиқ билан мағиз бирлашиб ўсган бўлса, донларнинг қобиғини ажратиш қийин кечади. Бундай пайтларда катта механик куч ишлатишга тўғри келади, бу мағизларнинг қисман синишига олиб келади. Бундай экин донларини қайта ишлашда ҳар хил ўлчамдаги (рақамли) синган ёрмалар олинади. Ҳар хил экин донларининг механик хусусиятлари бир хил эмас. Шоли ва гречихани мағизи юқори мўртлиги билан бошқа экин донларидан фарқланади, улар урилишда тез синади, сули мағизи эгилувчан бўлиб, улар урилишга яхши қаршилик кўрсатади. Ҳар бир ёрма экин донларига таълуқли бўлган хусусиятлар керакли меъёрда, улардаги эндосперм, қобиқ, муртакнинг химиявий таркибига боғлиқ бўлади. Шоли эндоспермасида кам миқдорда оқсил ва кўп миқдорда крахмал бўлганлиги учун шолига намлик ва иссиқлик таъсир этганда мағизларнинг ёрилишига олиб келади. Сули эндоспермасининг юқори эгилувчанлиги унинг таркибидаги ёғнинг миқдоридан сезиларли боғлиқ бўлади. Ҳар бир экин донининг химиявий таркиби кўпми-камми доимий, лекин уларни экиб етиштириш шароитига қараб оқсил, крахмал, ёғлар, минерал моддалар ва бошқаларнинг миқдори ўзгариб туради, бу эса доннинг хусусиятларига таъсир қилади. Ҳозирги вақтда тайёр маҳсулотни экологик тоза бўлишига катта аҳамият берилади, яни уларда зарарли элемент ва моддалар бўлмаслиги керак. Зарарли элементлар таркибига қуйидаги оғир металлар киради: қўрғошин, кадмий, симоб, мис ва бошқалар. Оғир металларни дон таркибида бўлиши уларни тупроқ, ҳаво қатлами, ўғитлар ва сувдаги миқдоридан боғлиқ бўлади. Зарарли моддаларга аввалам бор пестицидлар киради - бу моддалар асосан бегона ўтларга, зараркунандаларга ва бошқаларга қарши курашда қўлланилади. Бундай зарарли элемент ва моддаларни ёш болалар озиқ-овқати учун ишлаб чиқарилган маҳсулотларда бўлиши жуда хавфлидир. Донларни қайта ишлаш ёрма маҳсулотлари таркибида зарарли моддаларни миқдорини камайишига олиб келмайди, донлар таркибида уларнинг миқдорини чегаралаб қўйиш керак. Шунинг учун ёш болалар озиқ-овқати маҳсулотлари

ишлаб чиқаришда, улар таркибидаги оғир металлар ва пестицидларнинг сақланишини назорат қилиш керак. Бундан ташқари бир қатор микроорганизмларнинг, ҳамда уларнинг ҳаёт фаолияти маҳсулотларининг миқдори чегаралаб қўйилган. Ҳар бир дон партияси ўзи хос технологик хоссаларга эга. Доннинг технологик хоссалари деганда, уни аниқ оптимал шароитда қайта ишлаб олинган охирги натижа - тайёр маҳсулотларнинг чиқиши ва сифат кўрсаткичлари, солиштирма эксплуатацион харажатлар, яьни тайёр маҳсулот массаси бирлигини ишлаб чиқаришга кетган харажатлар тушинилади. Донларнинг технологик хоссалари қуйидаги кўрсаткичларга боғлиқ бўлиб, уларни икки гуруҳга бўлиш мумкин: 1. Фақат шу экин донига таълуқли хусусиятлари (шакли, қобиқ ва мағизнинг ўзаро боғланиш мустаҳкамлиги) мағизнинг мустаҳкамлиги ва бошқалар. 2. Ҳар бир экин чегарасида ўзгарадиган хусусиятлар (намлик, тозалиги, йириклиги, чиқиндилар миқдори ва бошқалар. 2. Донларнинг технологик хоссаларини аниқловчи кўрсаткичлар. Донларнинг технологик хоссаларига таъсир қилувчи кўрсаткичларнинг анча қисми стандартларга тўғри келиши керак. Донларнинг технологик хоссаларига таъсир қилувчи баъзи кўрсаткичларни объектив баҳолаб бўлмайди. Асосий кўрсаткичлар қаторига қуйидагилар киради: донларнинг тозалиги, уларнинг ифлосланганлиги, қобиқдорлиги, мағизни бутун ҳолда сақланиши, йириклиги, текислиги, намлиги ва бошқалар. Доннинг тозалиги. Тоза донда ярқираган қобиқ бўлади, тоза эмасларида - қорайган, ярқирамаган хира ҳолда бўлади. Баъзида мағиз жуда қорамтир рангда бўлади. Тоза дон ўзига хос ҳидли. Тоза бўлмаган дон - қўланса ҳидли, моғорлаган, солодли, туршак аччиқ таъмга эга. Бундай донлардан ишлаб чиқарилган ёрма ёмон истеъмолбоплик хусусиятига эга. Шунинг учун ёрма заводларида қайта ишланадиган донлар тоза бўлиши керак.

Донларнинг ифлосланганлиги. Ёрма донлари массасида кўпгина миқдорда чиқиндилар мавжуд. Бу чиқиндилар қанчалик кўп бўлса, ёрманинг чиқиши ва сифати шунча паст бўлади. Донли ёки ифлос чиқиндилар бўлиши мумкин. Донли чиқиндиларга ўсган донлар, урилган, етилмаган, синган, қобиғи ажралган донлар ва ифлос чиқинди таркибига кирмайдиган маданий ўсимликларнинг донлари киради. Асосан шоли, тариқ ва гречиха таркибида учрайдиган ҳар қандай ёввойи ва маданий экинларнинг уруғлари ифлос чиқинди ҳисобланади. Бу асосий экин донларининг эзилган, урилган, шикастланганлари - донли чиқинди ҳисобланади. Бошқа экин турларидаги донли чиқиндиларга баъзи маданий ўсимликларнинг уруғлари киради. Масалан арпада-буғдой, сулида - буғдой, арпа, полба ва бошқалар. Ифлос чиқиндиларга-органик ва минерал чиқинди, бегона ўсимликларнинг уруғлари, баъзи бир донлар учун маданий ўсимликларнинг уруғлари киради. Булардан ташқари бу чиқиндиларга қуритиш, донларнинг ўз-ўзидан қизиши натижасида бузилган донлар, моғорлаган донлар киради. Асосан дон массасида қийин ажралувчи чиқиндилар, бузилган донларнинг бўлиши дон сифатини ёмонлаштиради. Таркибида бузилган донлар кўп бўлган дон массасидан стандартларга жавоб берадиган, юқори навли ёрмалар олиб бўлмайди. Бундан ташқари ифлос чиқиндиларга, стандартлар асосида кўрсатилган аниқ ўлчамдаги ғалвир тешикларининг эланмаси киради. Тариқ учун ғалвир тешикларининг ўлчамлари 1,4х20 мм, гречиха учун - диаметри 3 мм, сули ва арпа учун диаметри 1,5 мм ва бошқалар. Сули, арпа, буғдой, маккажухори ва нухат учун стандартлар бўйича қабул қилинган ғалвирларнинг эланмаси майда донни ташкил қилади. Сули дони учун ғалвир тешикларининг ўлчамлари 1,8х20 мм, арпа учун - 2,2х20 мм, буғдой учун - 1,7х20 мм ва бошқалар. Дон массаси таркибида майда донларнинг кўп миқдорда бўлиши, ёрманинг чиқишини камайтиради ва қобиғи ажралмаган донларнинг миқдорини

кўпайтиради. Шунинг учун бир қатор экинларда (сули, арпа ва бошқалар) майда донларнинг миқдори стандартлар бўйича чегараланади. 3. Ёрма экин донларидан ишлаб чиқариладиган ёрма маҳсулотларининг турлари. Донни қайта ишлаб ёрма олиш технологик схемасини тузишга қўйидаги омиллар таъсир қилади: ишлаб чиқариладиган маҳсулот ассортименти (бутун ёки синган мағиздан олинган ёрма, силлиқ ланган ёки силлиқланмаган ёрма); доннинг анатомик тузилиши, мағиз ва қобиқларни боғланиш мустаҳкамлиги, мағизни мустаҳкамли ги, доннинг шакли ва бошқалар. Технологик жараёнларни тузишни умумий қоидаларидан боғлиқ ҳолда ҳамма ёрма экинларини икки гуруҳга бўлиш мумкин. Биринчи гуруҳга ташқи қобиғи мағиз билан бирлашиб ўсмаган экин донлари киради. Бу донлардан (тариқ, сули, шоли, гречиха) олинадиган асосий маҳсулот бутун ядродан олинган ёрмадир. Иккинчи гуруҳга ташқи қобиғи мағиз билан бирлашиб ўсган экин донлари киради ва улардан олинадиган асосий маҳсулот майдаланган ядродан олинган ёрма ҳисобланади. Рус нўхатини қайта ишлаб бутун ёрма билан биргаликда бўлинган ёрма ҳам олинади. Пачоқланган ва баргсимон, тезпишар ёрмалар, болалар уни ва бошқа хил махсус маҳсулот ларни ишлаб чиқариш схемаси алохидалиги билан фарқ қилади. Ёрма экинларидан 19-жадвалда кўрсатилган маҳсулотлар ишлаб чи - қарилади. жадвал Ёрма экинларидан ишлаб чиқариладиган маҳсулотлар тури Экин тури Ёрманинг номланиши ва турлари

Шоли Гречиха Тарик Сули Арпа Нухат Макка- жухори дони Каттик бугдой Силлиқланган гурунч. Силлиқланган майдаланган гурунч Ёш болалар озиқ-овқати ишлаб чиқариш учун силлиқланган гурунч. Қобиғи олинган мағиз (ядрица). Майдаланган мағиз Тез пишар мағиз. Тез пишар майдаланган мағиз. Ёш болалар озиқ-овқати ишлаб чиқариш учун тез пишар мағиз. Пиширишни талаб қилмайдиган гречиха ёрмаси. Силлиқланган тариқ ёрмаси. Тез пишар-силлиқланган тариқ ёрмаси. Майдаланган сули ёрмаси. Пачоқланган сули ёрмаси. Геркулес номли баргсимон сули ёрмаси (хлопье). Ёш болалар озиқ-овқати учун сули ёрмаси. Экстра номли сули ёрмаси. Ёш болалар озиқ-овқати учун сули уни. Дурсимон ёрмаси. Силлиқланган арпа ёрмаси. Тез пишар арпа ёрмаси. Пишириш вақти қисқартирилган дурсимон ёрмаси. Пиширишни талаб қилмайдиган арпа ёрмаси. Қобиғи олинган бутун нухат ёрмаси. Қобиғи олинган бўлинган нухат ёрмаси. Тез пишар нухат ёрмаси. Силлиқланган маккажухори ёрмаси. Баргсимон ёрма ишлаб чиқариш учун йирик маккажухори ёрмаси. Қаламча ишлаб чиқариш учун майда маккажухори ёрмаси. Маккажухори уни. Силлиқланган буғдой ёрмаси. Тез пишар буғдой ёрмаси. Халиса учун буғдой ёрмаси. 4. Ёрмаларнинг сифат кўрсаткичлари. Шоли, тариқ, гречиха, сули донларидан майдаланмаган бутун ёрма ишлаб чиқарилади. Қайта ишлаш жараёнида ҳосил бўладиган майдаланган мағизлар

озиқ-овқат маҳсулотларига (майдаланган шо ли, майдаланган гречиха) ёки озуқа маҳсулотларига (тариқ ва су лининг майдаланган мағизи) тегишлидир. Бутун мағиздан олинган ёрма сифатига қараб икки ёки уч нав га бўлинади. Майдаланган ёрма навларга бўлинмайди. Арпа, буғдой, макажухори донларидан олинган майдаланган силлиқланган ёрмалар йириклигига қараб номерларга бўлинади. Кўп турли ёрмаларнинг асосий сифат кўрсаткичига тўлиқ сифат ли мағиз миқдори киради, бундан ташқари ёрма таркибида органик ва зарарли минераллар, металломагнит чиқиндилар, қобиғи олинма ган дон, бутун ёрма таркибида майдаланган ёрма миқдори чегара ланиб қўйилади. Номерли майдаланган ёрма учун текисланганлик бўйича сифат кўрсаткичи ўрнатилган, яъни аниқ йирикликдаги заррачалар миқдо ри фоизда белгиланган. 5. Тариқ донининг турлари ва сифат кўрсаткичлари. Тариқ донидан силлиқланган уч навли (олий, биринчи ва ик кинчи) ёрма ишлаб чиқарилади. Силлиқланган тариқ ёрмаси бу гул қобиғи, мева ва уруғ қобиғи, муртак ва қисман алейрон қатламдан ажратилган тариқ мағизини ташкил қилади. Тариқ ёрмаси ўзининг истеъмолбоп хоссалари ва тез пишиши билан ажралиб туради. Тариқ ёрмасини пиширганда унинг ҳажми олти-етти баробар ошади, бўтқаси яхши таъми, ранги, консистенцияси ва тез ҳазм бўлиши билан тавсифланади. Тариқ донининг оқсил моддаси юқори биологик қимматга эга эмас, чунки унинг таркибида лизин, метионин ва триптофан амино кислоталарининг миқдори етарли эмас. Тариқ ёрмасини таркибида липидларнинг кўплиги ёрмани сақлаш муддатларини камайтиради. Ёрма ишлаб чиқаришда тариқ донининг тўртта хили қўлланила ди. Ёрма ишлаб чиқаришда қимматли тариқ дони деб оқ ва оқ-сариқ рангли плёнкали, ҳамда қизил рангли гул плёнка билан қопланган дон навлари ҳисобланади. Доннинг плёнкасини миқдори 20 % ошмас лиги керак.

Ядронинг консистенцияси ҳам асосий технологик кўрсаткичлар дан ҳисобланади. Шаффофсимон ядроли тариқ навлари юқори мустаҳ камлиги билан ажралиб туради, қобиқ ажратиш ва силлиқлаш жара ёнларида камроқ майдаланади. Йирик ва айлана шаклидаги текисланган тариқ дони навлари яхши технологик хоссаларига эгадир. Тариқ донини гул плёнкалари ядро билан бирга ўсмаган бўлиб, қобиқ ажратишда енгил ажратилади. Намлиги 13,5...14,5 % бўлган тариқ дони қайта ишлаганда ёрманинг чиқиши кўп бўлади. 6. Тариқ донини қайта ишлашга тайёрлаш жараёни . Тариқ донини қайта ишлашга тайёрлашнинг алоҳидалиги шундан иборатки тариқ дони массаси таркибида ажралиши қийин бўлган чиқкиндилар кўп бўлади. Бу чиқиндиларни физик хоссалари майда та риқ донининг хоссаларига яқин бўлганлиги сабабли уларни ажратиш жуда қийин кечади. Бу чиқиндиларнинг анча қисмини тешикларини размери 1,6х20 мм (1,5х20 мм) ғалвирда ажратиш мумкин, лекин чиқиндилар билан бирга қисман майда дон ҳам йўқотилади. Тариқ донини қайта ишлашга тайёрлаш технологик схемаси қу йидагиларни ўзига олади: донни уч марта ҳаволи-ғалвирли сепара торларда тозалаш; донни чиқиндилардан қўшимча элакдонларда то залаш; тош тозалагич машиналарида минерал чиқиндиларни ажратиб олиш. Донни уч марта кетма кет ҳаволи-ғалвирли сепараторларда то залаганда йирик чиқинди биринчи сепараторда тешик диаметри 4,0...4,5 мм бўлган ғалвир билан учинчи сепараторда тешик диа метри 3,0...3,5 мм бўлган ғалвир билан ажратиб олинади. Майда чиқинди 1,5х20 мм ва 1,7х20 мм тешикли ғалвирлар ёрдамида ажра тилади. Майда чиқиндилар қўшимча А1-БРУ маркали элакдонда ва бурат ларда 1,7х20 мм тешикли ғалвирлар ёрдамида охирги марта ажрати лади. Тешик диаметри 2,7 мм ғалвирдан ўтган маҳсулот йирик дон фракциясидир. Тешик диаметри 2,0 мм ғалвирда қолган маҳсулот майда дон фракцияси ҳисобланади.

Йирик ва майда дон фракциялари алоҳида тош тозалагич машиналарига юборилади. Чиқиндилар бурат ларда назорат қилинади ва ҳар қайси чиқинди категорияси бўйича алоҳида бункерга юборилади. Тариқ донига гидротермик ишлов бе рилмайди. 7. Тариқ донини қайта ишлаб ёрма олиш жараёни . Тариқ донидан ёрма олиш технологик схемаси қуйидаги жараён ларни ўзига олади: доннинг қобиғини ажратиш; қобиқ ажратиш жа раёнида ҳосил бўлган маҳсулотларни саралаш; ядрони силлиқлаш; ёрма ва чиқиндиларни назорат қилиш. Доннинг қобиғини ажратиш ва қобиқ ажратиш жараёнида ҳосил бўлган маҳсулотларни саралаш оралиқ ядрони ажратиб олмасдан қо биқ ажратиш схемаси асосида олиб борилади. Доннинг қобиғи абра зив валли ва резинматоли пластинкали декали валли-декали даст гоҳда ажратилади. Доннинг қобиғи бир декали ёки икки декали дастгоҳда ажратилади. Икки декали дастгоҳда доннинг қобиғини ажратиш самарадорлиги юқори. Валларнинг айланиш тезлиги 15,5 м/ с ни ташкил қилади. Икки декали дастгоҳда доннинг қобиғи аж ратилганда дастгоҳдан кейин ҳосил бўлган маҳсулот таркибида қобиғи ажралган дон ва майдаланган ядронинг миқдори биринчи қи йин 91,0 ва 3,7 % бўлиши керак, иккинчи системадан кейин 99,0 ва 5,0 % бўлиши керак. Майдаланган ядрога тешик диаметри 1,5 мм бўлган ғалвирдан ўтган ядро бўлакчалари киради. Бир декали дастгоҳда доннинг қобиғи ажратилганда дастгоҳдан кейин ҳосил бўлган маҳсулот таркибида қобиғи ажралган ядронинг миқдори қуйидаги бўлиши керак: биринчи системадан кейин 80...90 %, иккинчи системадан кейин 90...95 %, учинчи системадан кейин 95...98 %, тўртинчи системадан кейин 99 %. Бир ва икки декали дастгоҳда қобиқ ажратиш жараёнида ҳосил бўлган маҳсулот таркиби 20-жадвалда келтирилган. жадвал

Бир ва икки декали дастгоҳда қобиқ ажратиш жараёнида ҳосил бўлган маҳсулот таркиби (%) Дастгоҳ тури ва системаси Қобиғи ажрал маган дон Бутун Ядро Майда- ланган ядро Ун Қобиқ Икки декали: биринчи сис тема иккинчи система Бир декали: биринчи сис тема иккинчи система учинчи система тўртинчи система 8,6 1,1 15,0 7,2 3,0 0,7 74,25 76,85 66,50 71,60 73,40 73,50 1,65 3,80 2,50 2,90 3,50 3,95 0,40 1,05 0,70 0,80 1,20 1,30 15,1 3,0 15,3 1,5 0,6 0,4 Доннинг қобиғи ажратилгандан кейин ядрода мева ва уруғ қо биғи , алейрон қатлам ва муртак қолади . Қобиқларнинг кўп қисмини ва муртакни олиб ташлаш учун ядро А1-ЗШН-3 русумли силлиқловчи машиналарда ёки валли декали дастгоҳларда силлиқланади. Силлиқлаш маҳсулотлари таркибидаги қобиқ ва ун ҳаво сепараторларида (аспираторларда) ажратиб олинади. Ёрма ва қўшимча маҳсулотлар А1-БРУ русумли элакдонларда ёки ёрма ажратгичларда йириклиги бўйича саралаш йўли билан ажрати лади. Тешик диаметри 2,3...2,5 мм бўлган ғалвир қолдиғи билан чиқиндилар (буғдой жавдар ва бошқалар) ажратиб олинади. Тешик диаметри 2,3...2,5 мм бўлган ғалвирдан ўтган маҳсулот тариқ ёрмаси икки марта аспираторларда ва магнит сепараторида назорат қилингандан кейин тайёр маҳсулот бункерига юборилади. 8. Тариқ донидан олинадиган ёрманинг чиқиши ва сифати. Базис кондицияли сифат кўрсаткичли тариқ донини қайта иш лаб олинган ёрманинг чиқиши жадвалда келтирилган. жадвал

Тариқ донидан олинадиган ёрмаларнинг турлари,% N Маҳсулот номи Силлиқлаш усули валли декали дастгоҳда А1-ЗШН-3 русумли машинада 1 2 3 4 5 6 Ёрма: олий навли биринчи навли иккинчи навли Жами ёрмалар Майдаланган ёрмалар Озуқа уни Қипиқ, III категория чиқинди, механик йўқотиш I ва II категория чиқинди Қуриш 5,0 58,0 2,0 65,0 4,0 8,5 15,0 7,0 0,5 5,0 56,0 2,0 63,0 5,0 9,5 15,0 7,0 0,5 Жами 100,0 100,0

Фойдаланилаётган адабиётлар 1. Егоров Г.А., Мельников Е.М., Максимчук Б.М. Технология муки, крупы, комбикормов. М. Колос, 1984 г. 2. Егоров Г.А., Мартыненко Я.Ф., Петренко Т.П. Технология и оборудование мукомольной, крупяной и комбикормовой промышлен ности. М, МГАПП. 1996 г. 3. Мельников Е.М. Технология крупяного производства. М., Агропромиздат. 1991 г.

O'xshashlar

Маккажухори донидан ёрма ишлаб чикариш технологияси

Бугдой донидан ёрма ишлаб чикариш технологияси

Арпа донидан ёрма ишлаб чикариш технологияси

Шоли донидан ёрма ишлаб чиқариш технологияси

Гречиха донидан ёрма ишлаб чиқариш технологияси