Гурухлар ижтимоий психологияси - Psixologiya - Referatlar

Гурухлар ижтимоий психологияси

Yuklangan vaqt:

20.09.2019

Ko'chirishlar soni:

0

Hajmi:

119.5 KB

Ko'chirib olish

Гурухлар ижтимоий психологияси Режа: 1. Этник гурухлар. 2. Этнопсихологик тадкикотлар. 3. Кичик гурухлар 4. Кичик гурухларда динамик жараёнлар.

Хар бир шахс уз фаолиятини турли гурухлар шароитида еки турли гурухлар таъсирида амалга оширади. Чунки жамиятдан четда колган еки инсонлар гурухига умуман кушилмайдиган индивиднинг узи йук, киши жамиятда яшар экан, у доимо турли инсонлар билан мулокотда,узаро таъсирда булади, бу мулокот жараенлари эса доимо кишилар гурухида руй беради.Шунинг учун хам гурухлар муаммоси, уни урганиш ва гурухларни шаклланишига оид илмий хулосалар чикариш инсоний психологиянинг асосий мавзуларидан ва муаммоларидан биридир. Психологик маънода гурух- бу умумий белгилар, умумий фаолият, мулокот хамда умумий максад асосида бирлашган кишилар уюшмасидир. Демак, одамлар гурухи ташкил топиши учун албатта кандайдир умумий максад еки тилаклар, умумий белгилар булиши шарт. Масалан талабалар гурухи учун умумий нарсалар куп (укув фаолияти, билим олиш, ешларга хос бирлик, успирин ешларларга маълум укув юртида таълим олиш истаги ва хокозо). Кучада бирор тасодиф руй берганлиги учун тупланган кишилар учун хам умумий булган нарса борки бу кизикувчанлик булиб, утган ходисага гувохлик унга умумий муносабатдир. Гурухни алохида шахслар ташкил этади, лекин хар бир гурух психологияси уни ташкил этувчи алохида шахслар психологиясидан фарк килади ва узига хос конуниятларга буйсунади. Айнан шу конуниятларни билиш эса турли типли гурухларни ташкил этувчиларни тарбиялашнинг асосий мезонидир Гурухларнинг турлари куп, шунинг учун хам уларни турли олимлар турлича классификация киладилар. Бизнинг назаримизда, Т.М.Андрееванинг «Ижтимоий психология» дарслигида классификация гурухларнинг асосий турларини уз ичига камраб олган. Улар хар кандай кишилар гурухини аввало, шартли ва реал гурухларга булади. Реал гурухлар аник тадкикот максадларида тупланган лаборатория типидаги хамда табиий гурухларга булинади. Конкрет фаолият ва одамларнинг табиий эхтиежлари асосида ташкил буладиган бундай табиий гурухларнинг узи кишиларнинг сонига

караб катта, кичик гурухларга булинади. Катта гурухлар уни ташкил этувчиларнинг максадлари, фазовий жойлашишлари, психологик хусусиятларига караб уюшган ва уюшмаган турларга, кичиклари эса уз навбатида энди шаклланаетган, диффуз хамда тараккиетнинг юксак погонасига кутарила олган жамоа турларига булинади. Гурухларнинг ижтимоий психология учун айникса мухим хисобланган турларига таъриф бериш ва уларнинг психологик конуниятларини урганишни максад килиб куйган холда бевосита катта гурухларнингижтимоий психологик конуниятларини урганишга утамиз. Катта гурухлар психологиясига хос хусусиятлар ва уларнинг илмий тадкик килиш принциплари. Катта гурухлар кишиларнинг шундай бирлашмасики, улардаги одамлар сони аввало купчиликни ташкил этиб, синфий, илмий, иркий, профессионал белгилар, уларнинг шу гурухга мансублигини таъминлайди. Катта гурухларни ташкил этувчилар купсонли булганлиги ва улар хулк-атворини белгиловчи механизмларни узига хослиги туфайли булса керак ижтимоий психологияда олимлар купинча кичик гурухларда иш олиб боришни афзал куради. Лекин катта кишилар уюшмасининг психологиясини билиш жуда катта тарбиявий ва сиесий мавкуравий ахамиятга эга. Бу сохадаги тадкикотларнинг камлиги бир томондан, айтиб утилганидек, купчиликни камраб олишда кийинчиликлар булса, иккинчидан томондан катта гурухлар психологиясини урганишга каратилган методик ишлар захирасининг камлигидир. Масалан: Ишчилар еки зиелилар синфи психологиясини урганиш керак, дейлик. Аввало уша ишчиларнинг сони куп, колаверса ишчиларнинг узи турли ишлаб чикариш шароитларида яшаетган турли миллатга мансуб кишилардир, уларнинг барчасини камраб оладиган ягона ишончли методикани топиш масаласи тадкикотчи олдида жуда катта муаммоларни куяди. Шунинг учун хам хар бир катта гурухга таалукли булган асосий, етакчи сифатни топиш ва шу асосда унинг психологиясини урганиш хозиргача ижтимоий психологиядаги асосий методологик йулланма булиб келмокда. Колаверса катта гурухлар

жамиятнинг тарихий тараккиёти мобайнида шаклланган гурухлар булгани учун хам хар кандай гурухни урганишдан олдин, хох бу синфлар булсин, хох миллатлар ёки халклар психологияси булсин, улар хаёт тарзи, унга хос булган одатлар, у ёки бу гурухга таалукли булган кишилар амалга ошириладиган мулокот типлари, узаро муносабатларда устун булган психологик омиллар, кизикишлар, кадриятлар, эхтиёжлар ва бошкалар назарда тутилади. Ана шуларнинг умумийлиги туфайли хар бир шахсда, яъни у ёки бу катта гурухга мансуб булган шахсда типик хислатлар шаклланади. Масалан: 90-йиллар ешларига хос булган типик сифатлар ана шу ёшлар уртасида кенг таркалган урф-одатлар, мода, сузлашиш хусусиятлари, кадриятлар, кизикишлар ва бошкалар туфайли шаклланади. Шунинг учун хам 20 ёшли кишининг психологиясини тулик равишда урганиш учун ундаги билиш жараенларининг узига хослиги, шахси, характери ва бошка индивидуал психологик хусусиятларидан ташкари яна унга ухшаш ешларда устун булган психологик хислатларнинг канчалик намоен булишини, у мансуб булган ва асосан вактини утказадиган гурухлар психологиясини миллий сифатларгина хам назарда тутиш ва уларни урганиш зарур. Бу дегани хар бир шахс онгида унинг алохида орттирган шахсий тажрибасига алокадор психологик тизимлардан ташкари унинг кайси миллат, элат, синфга мансублигидан сингдирилган психик тизимлар хам мавжуддир ва уни илмий тадкикотчи инкор этмаслиги керак. Этник гурухлар психологияси. Ижтимоий психологияда катта гурухлар ичида этник гурухлар психологияси яъни этнопсихология буйича купрок тадкикотлар утказилди. Айникса хозирги даврда хар бир жумхуриятлар алохида, мустакил давлат мавкеини олган, лекин бошка томондан караганда хамдустлик мамлакатлари иттифоки шароитида миллатлар уртасида муттасил алокалар мавжудлигидан келиб чикиб, илмий психология масалалари кун тартибида аввалгидан хам мухим масала сифатида куйилмокда. Шунинг учун хам катта гурухлар ичида

миллий гурухларга купрок эътибор бериш лозим деб топдик, бундай эътиборнинг яна бир боиси – Узбекистонда бу сохада айрим тадкикотларни утказилганлиги, лекин улар куп холатларда миллий психология доирасида олиб чикилмаганлигидадир. Миллий психология нима ва уни кандай килиб урганиш мумкин? Бу хозирда, яъни мустакил Узбекистон шароитида купгина тадкикотчиларни кизиктираётган масаласидир. Чунки давр этнопсихологиядан шундай эмпирик маълумотлар кутмокдаки, у факатгина миллий онгга таалукли булган хозирги ва утмишдаги холатни эмас, балки миллатнинг эртанги кунини, унинг онги кайси томонга узгаришини, миллатлараро содир буладиган жараёнларни башорат килмоги лозим. Бунинг учун унга кучли этнопсихологик назария ва ишончли методлар керак, Узбекистон олимлари охирги пайтларда масаланинг худди ана шу томонига катта эътибор бермокдалар. Чунки собик Иттифок шароитининг узи ана шундай кучли назариянинг булиши учун анчагина туганок булган, эмпирик тадкикотлар эса, аввал таъкидланганидек тор гурухлар доирасидан, аввало оилалар доирасидан чикмаган эди. Этнопсихология – бу психологиянинг шундай тармогики, у айрим миллатлар психологиясидан ташкари турли халклар психологиясини, кичик миллий гурухларини хам урганади. Маълумки бу борадаги биринчи миллий тадкикотларни В.Вундт бошлаб берган эди. Унинг тадкикотларидан «халк» тушунчаси аслида этник уюшма маъносида тушунтирилган эди. Унинг фикрича этник гурухлар психологиясини урганиш учун уларнинг тилини одатларини ва ана шу халкларда кенг таркалган афсоналар ва бошка онг тизимларини урганиш керак. Шуниси диккатга сазоворки, Вундтдан кейинги даврда утказилган мухим тадкикотлардан бири бизнинг улкамизда утказилган булиб, уни психолог А. Р. Лурия амалга оширган эди. Бу экспериментал тадкикот булиб, уни утказишдан асосий максад Л. С. Вигатскийнинг маданий- тарихий ёндашув гоясини текшириш эди. Лурия бочилигидаги олимлар гурухи революция галаба козонган Узбекистон шароитида турмуш тарзининг узгариши билан

узбек халки психологиясининг хам узгарганлигини исбот килдилар. Асосий максад – билим жараёнининг узгарганлигини исбот килиш булса хам тадкикотчилар уз-узини англаш ва уз хулк-атворини анализ килиш борасида хам уйда утирадиган аёллар, эндигина савод олиш максадида саводхонлик курсларида укиётган аёллар хамда педогогика билим юртларида таълим олаетган кизлар уртасида фарк бор-йуклигини текширишди. Тадкикот асосан уз-узини анализ килиш методи ёрдамида утказилган булиб аёлларга турли саволлар оркали уз шахсига хос хусусиятларини, узидаги етакчи сифатларини аниклаш ва баъзи психологик холатларга бахо бериш топшириги берилди. Лекин жавобларнинг сифати туликлиги аёлларнинг билим савиясига ва ижтимоий алокалар тизимида тутган урнига боглик булиб чикди. Уйда утирган аёллар куп холларда куйилган саволни хам англамаслиги маълум булди. Лурия шу нарсага икрор булдики, узбеклардаги онг асосан бошка одамлар фикрига боглик эканлиги, тобелик психологияси кучлилигини аниклади. Масалан: аёлларга узидаги ёмон сифатларни айтиш топшириги берилганда, улар ёмон кушниларни курсатишар ва умуман уз- узини бахолашдан кура бошкаларни бахолаш уларга сифат характеристикалари бериш анча осон туюларди. Юкорида таъкидлаганимиздек А . Р . Луриянинг асосий максади миллий психологик хусусиятларни урганишда тарихий принципга таяниш лозимлигини исботлаш , хамда миллий психологияни хаёт тарзига , шахсни жамиятда кишилар муносабатлари тизимида тутган урнига бевосита богликлигини исбот килиш эди . Лекин тадкикотнинг ахамияти шунда эдики, унда биринчи марта миллий психологияни урганишга ёрдам берувчи методлар ва методик принциплар синаб курилганди. Тугри бу тадкикотда тупланган маълумотлар ва илмий хулосалар билан бугунги кунда келишиб булмайди, колаверса, бу концепциянинг узи неча бор кайта ишловни талаб килди, лекин миллий психология буйича утказилган кросс – тадкикот сифатида унинг ахамияти каттадир. Кулланган пиктограмма – «суз

портретлари»ни, уз-узини анализ килиш методларини хозирги замонавий тадкикотларда хам факат янгича методологик принципларда куллаш мумкин. Охирги йилларда чет эл ва собик Иттифок олимларининг тадкикотларини умумлаштириб, этнопсихологик ишларга ягона илмий ёндашувни топиш харакатлари сезилмокда. Бу сохада машхур рус этногрофи ва психологи Ю. Бромлей олиб борган ишлар, унинг лабораториясида тупланган маълумотлар мисол булиши мумкин. Ю.В.Бромлей этник гурухлар психологиясида икки томонни фарк килади. 1- психик асос-этник характер, темперамент, миллий анъаналар ва одатлардан иборат баркарор кисми: 2 - хиссиёт сохаси, этник ёки миллий хис кечинмаларни уз ичига олган динамик кисм. Лекин тадкикотчилар нима учундир миллий психология масалалари билан шугулланишганда, миллий кирралар ёки сифатларни аниклаш билан шугулланадиларда, у ёки бу миллатларгагина хос булган кирраларни топишга уринадилар, лекин фан техника ривожланган, миллатлар уйгунлиги, миллатларнинг доимий узаро хамкорлиги ва мулокоти шароитида, аралаш никохлар кенг таркалган шароитда факат у ёки бу миллатга хос булган кирралар хакида гапириш жуда кийин. Масалан: Узбеклар уртасида утказилган кичик тадкикот натижасида шу нарса маълум булдики, гуёки мехмондустлик, камтарлик, самимийлик каби ижобий сифатлар узбек халкигагина хос эмиш. Тугри бу сифатлар албатта узбекларда бор. Лекин айнан шу сифатлар бошка миллат вакилларида йук дейишга чикканимиз йук. Худди хар бир шахс онгида турлича стериотиплар – яъни урнашиб колган образлар булганидек, хар бир оила якин ошна огайнилар ва узига ухшаш шахслар билан мулокот жараёнида у ёки бу миллат вакилида хам уз миллатига хос булган сифатлар хакида, стериотиплар пайдо булиб, унинг онгида урнашиб боради. Бундай стериотиплар уз миллатига ва бошка халкларга нисбатан булиб, бошкалар хакидаги тасоввурлар анча содда, юзаки, мазмунан тор булади. Шундай тасаввурлар асосида бошка миллатларга нисбатан ёктириш (симпатия) ёки ёктирмаслик (антипотия) ва

бефарклик муносабатлари шаклланади. Уз миллати хакидаги тасаввур ва стериотиплар эса миллий «этноцинтризм» хиссини шакллантирадики, шу хис туфайли шу миллий гурух вакилларида бошка миллатларга нисбатан ирроционал муносабатлар пайдо булиши, бу эса миллий антогонизм ва миллий адоватларни келтириб чикариши мумкин. Бу борада ижтимоий психологлар ва мавкурачилар олдида турган муаммолардан бири. Миллат вакиллирида миллий гурурнинг кай даражада булишини аниклаш муаммоси туради. Чунки купинча миллий гурур туфайли айрим шахсларда бошка миллатларни менсимаслик, улардаги гурур ёки миллий хисларни тан олмаслик холлари кузатилмокда. Умуман бизнинг фикримизча, миллий адоватлар асосида ётган этноцинтризм ва миллий гурурнинг салбий куринишлари бошка миллатларнинг тарихини, уларнинг анъаналарини, тили ва хоказоларини билмасликдан келиб чикади. Миллий психология буйича утказилиши лозим булган тадкикотларнинг максадларидан бири хам бошка миллат психологиясини билиб, уни бошка миллатларга етказиши туфайли, хар бир миллат вакилига хурмат-иззат хиссини кучайтиришдир. Чунки узини хурмат килмаган одам бошкани хурмат килмайди бунинг учун эса, уз психологиясини хам, узгалар психологиясини хам билиши керак. Шундагина шахслараро зиддиятларга бархам берилиши мумкин. Бу нарса миллатлар психологиясига хам хосдир яъни фан жамиятга шундай этнографик ва этнопсихологик маълумотлар мажмуини яратиб бериши лозимки, ундаги маълумотлар асосида катта гурух хисобланган миллатлар психологиясини хам бошкариш мумкин булсин. 3. Этнопсихологик тадкикотларда ишлатиладиган методлар. Чет элларда ва мамлакатимизда килинган илмий ишларни анализ килар эканмиз, эпнопсихологик тадкикотларда хилма-хил услуб ва методлар кулланилганининг гувохи буламиз. Чунки бундай тадкикотларда шахс хусусиятларини урганувчи турлича тестлардан тортиб, проэктив методлар, эксперименталларнинг турлича куринишлари сурок методлари - анкета,

интервью, социометрия, методлари ва бошкалар ишлатилади. Бу методлар хозирги кунда хам «Маданий мухит ва шахс» гурухлараро муносабатлар хамда киёсий тадкикотларда кулланилмокда. Бундай ишларни факатгина ижтимоий психологик эмас, балки умумий психология билан шугулланувчи олимлар хам утказмокдалар. Лекин шундай булишига карамай, эпнопсихологик методларнинг танкислиги кун сайин сезилмокда. Чунки этнопсихология муаммоси билан шугулланишни максад килиб куйган хар бир тадкикотчи ё мавжуд методикалардан бирини кайта узгартиришга ёки булмаса, узича янги методларни кашф килишга мажбур булмокда. Нихоят, этнопсихологик методларни куллашнинг нокулайлиги шундаки, масалан, Америкада жуда яхши натижа бериб, ишончли маълумотлар тупланган методика Осиё мамлакатлари ёки бизнинг жумхуриятимиз шароитида умуман хеч нарсани улчамаслиги мумкин. Масалан: Равеннинг матрик тести ва мухит таъсирлари дахлсиз деб хисоблнган. Кэттелнинг интеллект тести хам барибир, кисман булсада, мухит шароитларини хисобга олишни талаб килади. Колаверса уларни шархлаш масаласида алохида эхтиёткорлик зарур. Шунинг учун хам хозирда бутун жахон олимлари хар кандай маданий мухитни хам юкори турадиган, универсал тест ёки методика яратиш фикрининг асоссизлиги хакида умумий фикр билдирмокдалар. Этнопсихологик тадкикотларутказишни максад килиб куйган хар кандай тадкикотчи асосий принциплар сифатида маданий мухит шароитларининг хилма-хиллиги ва уларнинг узаро бир-бирига таъсир курсатишини инобатга олиши лозим. Бу нарса этнопсихологик тадкикот дастурини тузишда албатта хисобга олиниши керак. Мисол учун, Узбекистон шароитида тадкикот утказмокчи булинса, куйидаги нарсаларга эътиборни каратиш лозим: 1) Шу худуд шароитида яшовчи барча миллатларга хос булган умумий психологик омиллар ва уларни аниклаш усуллари; 2) Факат узбек миллатига хос булган умумий психологик сифатлар ва омилларни аниклаш;

3) Аниклашни омилларни ёки психологик сифатларни улчайдиган ёки экспериментал усулда текширишга имкон берадиган методларни танлаш ва уларни конкрет шароитларга мослаш; 4) Тадкикотчи гурухини текширилаётган миллий гурух тилини, урф-одатини биладиган ходимлар билан таъминлаш. Чунки тадкикот объекти хисобланган гурухда уша гурух типида тадкикот утказиш керак, токи текширилувчиларга куйилган хар бир талаб, савол ва топшириклар улар учун тушунарли булсин. Шуни алохида таъкидлаш лозимки, у ёки бу миллий гурух психологиясини, ундаги этник стереотипларни текширишга каратилган махсус методлар йук, шунинг учун хам тадкикотлар мавжуд методлар орасидан керагини танлаб, уларни жой шароитларига мослаш, керак булса, у тилдан бу тилга таржима килиш керак. Таржима хусусида шуни айтиш керакки, махсус психологик тестлар ёки методларни (анкеталар, суроклар, шкалалар, саволларни) таржима килиш, таржимондан юксак билимдонлик ва профессионал сифатларни талаб килади. Акс холда методика уз кимматини йукотиши ёки керакли сифатни аникламаслиги ёки улчамаслиги мумкин. Хаттоки, вербал (огзаки берилган) тестларни турли шароитларда куллаб, олинган маълумотларни шархлаш боскичида унинг мазмуни ёки максади узгарганлиги куплаб тадкикотларда исботланган. Шунинг учун хам хар кандай методик услубни куллашдан олдин уни кичикрок гурух доирасида синаб куриш ва натижаларни экспертларга бериб ёки бошка ёрдамчи методлар ёрдамида кайта синовлар утказиш йули билан текшириб олиш максадга мувофикдир. Конкрет- этнопсихологик тадкикотларга куйиладиган яна бир талаб- тадкикотни табиий шароитларда текширилувчилар учун таниш булган жойларда киска курсатмалар бериш йули билан утказишдир. Чунки этнопсихологик тадкикотларда купинча турли еш, касб ва маълумотга эга булган шахслар иштирок этади. Шунинг учун хам уларнинг барчасига

тушунарли, аник топшириклар тизимини туза олиш хам психологлардан катор профессионал малакаларни талаб килади. Бизнинг назаримизда, хозирги пайтда этнопсихологик муаммолар орасида энг мухими у еки бу миллат вакилларидаги этник стериотипларни тадкик килишдир. Бунда кандай методлардан фойдаланиш мумкин? Рус тадкикотчиси Г.У.Кцаеванинг ёзишича, бу ерда турт гурухли методларни курсатиш мумкин: 1 Шкалали улчов методлари- улар асосан миллат вакилларидаги турлича этник установкаларни текширади. Масалан: Багардуснинг машхур шкаласи: киёсий фикрлаш йули билан берилган жуфтликлар установкаларини хар бир текширилувчи томонидан аник бахоланишга асосланган. Ёки Лайкартнинг «бахолашлар йигиндиси» методи хам у ёки бу миллат вакилига хос установка- фикрларга текширилувчининг эътирози ёки эътирофини аниклайди. Бу методлар бутун жахон микёсида купгина тадкикотларда ишлатилган ва жой шароитида мослаштириш жихатдан рекорд куйган десак булади. 2 Кузатиш ва сурок методлари- бунда уша маданий мухитга хос булган унинг бевосита бойликлари хисобланган моддий ва маънавий кадриятлар, маиший шароитлар, одатлар, анъаналар ва хоказолар ташкари урганилади. Сурок методлари ичида купрок анкета усули кулланилади, бунда хам миллат вакилининг турмуш тарзи,автобиографик маълумотлари урганилиб умумий хулоса лар контент-анализ килинади.Америкалик олимлар Д.Катц ва Брейлилар сурок методининг узига хос куринишини этник стериотипларни аниклашда ишлатишган. Масалан: уларни кизиктираётган масала буйича имкони борича куп жавоблар руйхатини текширилувчиларга бериб, ундан шу жавоблар ичидан «узиникини» танлаб белгилашни сурашган. Бундан ташкари 84 хил сифатни уз ичига олган руйхатни уз миллатига ва бошка миллатга хос булган беш етакчи сифатни ажратиб бериш топширигини беришган.. Шу йул билан этник стериотиплар аникланган.

3 Проектив методлар- бу гуруга асосан Роршахнинг «сиёх доглари» тести, тематик апперцепцион тест (ТАТ), бошланган жумлаларни тугатиш тести, фотосуратларни бахолаш тести, Ловенфельднинг мозаикалари тести ва бошкалар киради. Мавхбум берилган топширикларни бажариш сифати ва жавобларни йуналиши буйича хам турли миллатларга оид стериотиплар урганилган. 4 Шахснинг алохида сифатларини аниклашга каратилган тестлар. Масалан: Г.Дейкер ва Н. Фрийдларнинг миллий характер ва хусусиятларини урганишга каратилган тестлар, улар асосан шахс таъсирчанлиги ва хиссий реакцияларни урганади. Бундан ташкари шу гурух тестларга алохида интеллектни текширувчи, маънавий дунекарашни урганиш, адолат хиссини аниклаш,бадиий дид тестлари ва бошка тестлар киради Айникса, миллий стериотипларни аниклашда миллатнинг тилини барча тилшунослик услублари билан урганиб чикиш хам жуда кимматли маълумотлар туплаш имконини беради. Чунки тил у еки бу миллат вакилининг узи миллатга хос миллий кадриятларни, стериотипларни узлаштиришда асосий восита ролини уйнайди. Шунинг учун хам этнопсихолог уз тадкикотларини тилшунос, этнограф, этнолог, социолог, тарихчи хамкорлигида утказади. Юкорида айтиб утилган методологик ва методик услублар миллий психологияни урганишда факат асосийлари холос,чунки миллатнинг куп кирралик психик холатини урганишда яна куплаб усуллардан фойдаланиш мумкин, бу нарса тадкикотнинг максадларига, тадкикотчининг эса услубий тайергарлик даражасига боглик. Кичик гурух психологияси. Кичик гурух муаммоси ижтимоий психологияда энг яхши ишланган ва куплаб илмий тадкикотлар утказилган объектлардандир. Бу анъана Америкада асримиз бошида утказилган куплаб экспериментал тадкикотларни

бошлаган булиб, уларда олимлар олдига куйилган асосий муаммо шу эдики, индивид якка холда яхши ишлайдими ёки гурухда яхширок самара берадими, бошка одамларнинг ёнида булиш унинг фаолиятига кандай таъсир курсатади. Шуни таъкидлаш лозимки, бундай шароитларда индивидларнинг узаро хамкорлиги (интеракция) эмас балки уларнинг бир вактда бир ерда бир вактда бирга булганлиги фактнинг (коакция) таъсири урганилади. Олинган маълумотлар шуни курсатадики, бошкалар билан хамкорликда булган индивид фаолиятининг тезлиги ошади, лекин харакатлар сифати анча пасайиши аникланади.Бундай маълумотлар Америкалик Н.Гриплетт, немис олими В.Мёде ва бошкаларнинг тадкикотларида хам кайд этилди. Бу психологик ходиса ижтимоий психологияда ижтимоий фацилитация номини олди.Унинг мохияти шундан иборат эдики, индивиднинг фаолият махсулларига унинг ёнида булган бошка индивидларнинг бевосита таъсири булиб, бу таъсир аввало сенсор кучайишлар хамда иш харакатларнинг, фикрларнинг тезлигида намоён булади.Лекин айрим экспериментларда тескари эффект хам кузатилди.Бу нарса фанда ингибиция номини олди. Лекин олинган фактларнинг кандайлигидан катъий назар, олимлар учун кичик гурухлар асосий тадкикот мавзуига айланиб колди ва улар натижасида катор конуниятлар очилди. Биринчидан, кичик гурухларнинг хажми, уни ташкил этувчи шахслар сони хусусида шундай фикрга келиндики,кичик гурухда «диада» икки кишидан тортиб, то мактаб шароитида 30-40 кишигача деб кабул килинди. Икки кишилик гурух дейилганда, аввало оила-янги шаклланган оила купрок назарда тутилади. Лекин самарали узаро таъсир назарда тутилганда 7-2 киши назарда тутилади. Бундай гурух ижтимоий психологик тадкикотлар учун хам, социал психологик тренинглар утказиш учун хам кулай хисобланади. Иккинчидан, гурухлар улчами канчалик катта булса, унинг алохида олинган шахслар учун кадрсизланиб бориш хавфи кучаяди, яъни шахснинг купчиликдан иборат гурухдан узини тортиш ва унинг нормаларини бузишга мойиллиги ошиб боради.

Учинчидан, гурухнинг хажми кичиклашиб борган сари шахслраро узаро муносабатлар таранглашиб боради. Чунки шахсларнинг бир бирлари олдида маъсулиятларининг ошиши ва якиндан билишлари уларнинг уртасидаги алокаларда доимо аниклик булишини талаб килади. Муносабатлардаги хар кандай дисбаланслар очик холдаги зиддиятларни келтириб чикаради. Туртинчидан, агар гурух аъзоларанинг сони ток булса,улар уртасидаги узаро муносабатлар жуфт булган холдагидан анча яхши булади. Шундан булса керак, бошкарув психологясида одамларни бирор нимага сайлашда ва умуман расмий танловларда гурухдаги одамлар сони ток килиб олинади. Бешинчидан, шахснинг гурух тазйикига берилиш ва буйсуниши хам гурух аъзоларининг сонига боглик. Гурух сони 4-5 киши булгунга кадар унинг таъсири кучайиб боради, лекин ундан ортиб кетгач, таъсирчанлик камайиб боради. Масалан: кучада содир булган бахтсиз ходисанинг гувохлари сони ортиб борган сари, жабрланганга ёрдам беришга интилиш, маъсулият хисси пасайиб боради. Бу конуниятларни билиш, табий гурухларни бошкариш ишини анча енгиллаштиради. 5 Кичик гурухлар классификацияси. Тарихан кичик гурухларни расмий ва норасмий турларга булиш кабул килинган. Бундай булинишни Америкалик олим Э.Мейо таклиф этган эди, унинг фикрича расмий гурух хар бир аъзоларининг расмий ролларга эга эканлиги улар мавкеини ва гурухда тутган урнининг аниклиги билан характерланади. Бундай гурухларда муносабатлар асосан «вертикал» тарзда руй бериб, гурухнинг бир ёки бир неча аъзосида «хокимият» булганлиги учун хам, улар бошкаларни бошкариш уларга буйрук, расмий курсатмалар бериш хукукига эга булади. Расмий гурухларга мисол килиб, хар кандай биргаликдаги фаолият максадлари асосида шаклланган жамоаларни- ишлаб чикариш бригадаси, талабалар гурухи, синф укувчилари, педогогик жамоа ва бошкаларни олиш мумкин.

Расмий гурухлардан фаркли уларок ,норасмий гурухлар хам мавжуд буладики улар асосан стихияли тарзда аник максадсиз таркиб топади ва уларда аъзоларнинг аник мавкелари, роллари олдиндан белгиланган булмайди.Купинча норасмий гурух расмий гурух таркибида ташкил топади ва уларни бошкариш хам олдиндан белгиланган булмай, одамлар ичидан у еки бу шахсий сифатлари туфайли ажралиб чиккан аъзолар норасмий рахбарнинг ролини бажаришлари мумкин. Бундан ташкари ижтимоий психологияда референт гурух тушунчаси хам бор. Бу тушунча фанга биринчи марта Америкалик тадкикотчи Г.Хаймен томонидан 1942-йилда киритилган эди. У уз тадкикотларида шуни исбот килдики, маълум булишича гурух аъзолари учун, шу гурух ичида еки бошка доираларда шундай шахслар гурухи мавжуд булар эканки, у уз хатти харакатлари, фикрлари ва йуналишларида уша гурух аъзоларига эргашиш, уларни танкидсиз кабул килишга мойил хамда тайер булар экан. Шундай шахслар гурухи референт гурух номини олди. Укувчи учун бундай гурух ролини мактабдаги бир неча укитувчилар, ота ёки онаси, якин дусти ёки кариндошларидан кимдир уйнаши мумкин. Шуниси характерлики шахс доимо шу гурухга эргашади, уни кадрлайди, у билан мулокотда булишга интилади. Рус психологлари бу гурухни одатда шахс учун мавжуд хакикий гурух (аъзолик гурухи) таркибида еки унга карши булган гурух сифатида карайдилар. Нима булганда хам ана шундай гурух мавжудлиги шахс учун ахамиятли булиб, унинг хулк-атвори учун эталон хисобланади. Тадкикотчи ёки тарбиячининг вазифаси ана шу гурухни аниклай олиш ва аниклагандан сунг нима учун айнан шу гурух референт ролини уйнаганини билиш мухимдир. Референт гурухга караб шахсга бахо бериш билан унинг хулк- атворини башорат килиш мумкин. Кичик гурухлардаги динамик жараёнлар. Маълумки, гурухда тупланган кишилар уртасида доимий мулокот ва муносабатлар мавжуд буладики, уларнинг мазмуни ва йуналишига кура, узига хос социал психологик мухит шаклланади. Бу мухит гурухнинг

тараккиётини хам, ундаги турли жараёнларни хам белгилайди. Гурухнинг динамик жараёнлари деганда аввало унинг шаклланиши жараёни, лидерлик ва гурухда турли карорларни кабул килиш жараёни, гурухлар хар бир шахсга таъсири кабилар тушинилади. Гурухнинг шаклланиши, унинг пайдо булиши хакида гапириладаган булса, аввало шуни таъкидлаш лозимки, гурух жамият эхтиёжлари ва ижтимоий талаблар асосида пайдо булади. Масалан: синф жамоаси доимо болаларнинг тугилиши, ривожланиши ва уларнинг мактабда таълим олишлари кераклиги учун, талабалар гурухи хам шунга ухшаш олий маълумотли шахслар керак булганлиги учун пайдо булади ва хоказо. Лекин бу масаланинг ижтимоий томони. Унинг соф психологик томони хам борки, у одамларнинг нима жамоаларда ишлаши, одамлар ичида булиши билан боглик. Чунки хар бир нормал инсонда мулокотда булиш эхтиёжи хамда турли хаётий вазиятларда узини ижтимоий химояда сезиш эхтиёжи борки, бу нарса нарса турли кичик жамоларда уларни булишини такозо килади. Лекин гурухга аъзо булиш билан биргаликда харбир индивид катор гурухий жараёнларнинг гувохи булади. Биринчидан, гурух уз аъзоларига маълум тарзда психологик курсатади. Бу ходиса психологияда «конформизм» деб аталади (узбек тилида «мослашиш» маъносини англатади). Бу ходисанинг мохияти шундан иборатки у индивиднинг гурухда кабул килинадиган нормалар, фикрлар, хулк-атвор стандартларини канчалик кабул килиши ёки кабул килмаслиги билан боглик. Гурух фикрини канчалик тез кабул килиш, унинг таъсирига берилиш индивид билан гурухнинг зиддиятларини олдини олиш мумкин. Шунинг учун хам индивид ана шундай хатти-харакат килишга интилади. Лекин ана шундай гурух фикрига, харакатига кушилиш турли шаклларда булиши мумкин: ташки конформ индивид гурух фикрига номигагина кушилади, аслида рухан у гурухга карши туради. Ички конформлилик- индивид гурух фикрига тулигича кушилади ва рухан кабул килади. Ана шундай холларда индивид билан бошкалар уртасида зиддият еки

конфликтлар пайдо булмайди. Бу уринда яна бир тушунча бор, у хам булса «негативизм» тушунчасидир, бу индивиднинг хар кандай шароитда хам гурух фикрига карши туриши ва узича мустакил фикр мавкеини намоен килишдир. Бу табиий индивид учун нокулай,лекин мустакил фикр, одил харакатлар доимо хурмат килинадиган жамоаларда негативизм ходисаси ёмон иллат сифатида кабул килинмайди. Гурухдаги яна бир жараён- бу гурухнинг уюшкоклиги муаммосидир. Гурух аъзоларининг бир-бирларини дунёкарашлари хаётий ,принциплари, кадриятларини яхши тасаввур килишлари бундай уюшкокликнинг биринчи омилидир. Иккинчи ва асосий омил- бу уша гурухни бирлаштириб турган фаолият максадларини унинг йуналиши ва мазмунини билишдаги гоявий бирликдир.Умуман экспериментал тадкикотларда кайд этилган гурухга оид фикрлардаги умумий уюшкоклик ижобий замин хиссобланади.

Тавсия этиладиган адабиётлар. 1. Каримов И.А. «Узбекистон XXI аср бусагасида: хавфсизликка тахдид, баркарорлик шартлари ва тараккиёт кафолатлари» Тошкент. 1997 й. 2. Каримов И.А. «Баркамол авлод-Узбекистон тараккиётининг пойдевори» Тошкенгт. 1997 й. 3. Каримова В.М. «Ижтимоий психология асослари» Тошкент. Ук. 1994 й. 4. Каримова В.М . «Ижтимоий психология ва ижтимоий амалиёт» Тошкент. Университет. 1999 й. 5. Агоронян А.С. «Культура повседневной жизни. Социально-практические аспекты» Тошкент. Узбекистоон. 1982 й. 6. Аникеева «Жамоадаги рухий мухит» Тошкент. Ук. 1992 й. 7. Гозман «Психология эмоциональных отношений» М: Изд МГУ –1987. 8. Добрович А.Б. «Воспитателю о психологии и психогигиене общения» Кн. для учителей и руководителей М.Просв-1978. 9. www.ziyonet.uz

O'xshashlar

Гуруҳ (жамоа) психологияси. гуруҳнинг ижтимоий-психологик структураси

Ижтимоий муносабатлар психологияси. Мулокот ва унинг шакллари

Шахс психологияси

Таълим психологияси

Тарбия психологияси