Янги педагогик технологиялар (япт) ва педагогик махорат» предметининг методологик асослари - Pedagogika - Referatlar

Янги педагогик технологиялар (япт) ва педагогик махорат» предметининг методологик асослари

Yuklangan vaqt:

22.09.2022

Ko'chirishlar soni:

0

Hajmi:

114.5 KB

Ko'chirib olish

Янги педагогик технологиялар (япт) ва педагогик махорат» предметининг методологик асослари Режа: 1. ЯПТ ва педагогик махорат фанининг максади ва вазифалари, мохияти ва таркиби. 2. ЯПТ фанининг бошка фанлар билан алокаси. 3. Технология, педагогик технология тушунчалари. Педагогик технологиянинг тузилмаси. 4. Педагогик технологияга хорижий ва ўзбек олимлари томонидан берилган таърифлар. 5. Педагогик технологиянинг омиллари – ўкитишда тескари алокалар, ўкитиш натижаларини аник бахолаш, кўзланган натижаларга эриишишни кафолатлаш. 6. Таълимни стандартлаш. ДТС.

Таянч тушунча ва иборалар: технология, педагогик технология, педагогик технологияга ЮНЕСКО берган таъриф, жахон ва Ўзбекистон олимларининг берган таърифлари, тескари алока, кайта такрорланадиган ўкитиш цикли, бихевиоризм . «Кадрлар тайёрлаш миллий дастури»да таълим тизимига илгор педагогик технологияларни жорий килиш ва ўзлаштириш зарурлиги кўп кара такрорланади. Педагогик технологиянинг максади – таълим жараёнининг етарли самарадорлигини таъминлаш ва талабалар томонидан ўкитишнинг кўзланган натижаларига эришиш кафолатидан иборатдир. Педагогик технологиянинг вазифаси: Педагогик технологияларни кўллаш бўйича кўникмаларни шакллантириш хамда педагогик технологияларни лойихалаш бўйича билимлар ва кўникмаларни шакллантириш. Педагогик технологияларни ўзлаштириш психология, педагогика, касбий таълим услубиёти ва педагогик махорат фанларидан олинган билимларга асосланади. Педагогик технологиянинг бош вазифаси оммавий таълим шароитида оддий «ўртача» педагогларга ўкитишнинг самарадорлигига эришишини таъминлаш хисобланади. Педагогик технологиянинг ўрганиш сохаси предмети ўкитиш тизими хисобланади. Олий таълим муассасаларида, ўкитиш – ўкув материалининг тўла ўзлаштирилиш принципига таянмоги лозим, яъни фаннинг ўкув дастурига асосланган ўкув материали, гурухнинг барча талаблари томонидан тўла ўзлаштирилиши зарур. «Ўкув материалининг тўла ўзлаштирилиши» тушунчаси нимани англатади? Хар кайси мавзу бўйича ўрнатилган даражадаги билим олишга эришилиши, ўкув материалини тўла ўзлаштириш принципини англатади. Чет элда ўтказилган кўп сонли тадкикотларга кўра «талабаларнинг тўла ўзлаштрилиши» тушунчаси ўкув материалининг

гурухдаги хар бир талаба томонидан 80-90% га ўзлаштирилиши тушунилади, яъни хар бир талаба ўкув фанини ўртача 85% га ўзлаштириши зарур. Бундай натижа факат жуда катта тажрибали ажойиб профессор-ўкитувчиларда эса ўкув материалининг бундай ўзлаштирилишини факат иктидорли талабалар бериши мумкин. Бу шароитда, кандай килиб талабаларнинг тўла ўзлаштиришига эришиш мумкин? Бунга эришишнинг уч йўли бор: Биринчи йўл: ўзлаштириш мезонини пасайтириш, хозирги пайтда шундан фойдаланаяпти, шунинг учун хам хозирги пайтда ўкув материалини, ўкув фанини 55% ўзлаштирган талаба ўзлаштирадиган талаба деб хисобланади. Олий таълимнинг Давлат таълим стандарти кадрларнинг савияси ва тайёргарлик даражасига кўйиладиган минамал талаблар чегарасини белгилайди. Агар бу минимал талаблар 55% га ўзлаштирилса, хар бир фан бўйича талаба ўзлаштиришининг умумий интеграл бахоси канча бўлади деган савол тугилади. Табиийки бу йўлнинг истикболи йўкдир. Иккинчи йўл: профессор-ўкитувчилар таркибини факатгина олий даражали ажойиб профессор ва доцентлар асосила тузиш. Уларнинг хар бири ўзига хос ўкитиш усуллари ва йўллари туфайли тайёргарлик даражаси бутунлай хар хил бўлган, талабаларни тўла ўзлаштиришни таъминлайдилар. Хакикатда, бир гурухда киришдаги бали 80 дан 200 гача бўлган талабалар ўкиши мумкин. Бу йўл – хакикатдан узок, идеаллаштирилган йўлдир. Талабаларнинг хаммаси иктидорли бўлмаганидек, профессор ўкитувчилар таркибининг хаммаси хам иктидорли, олий даражали бўла олмайди. Учинчи йўл: ўкув жараёнига педагогик технологияларни жорий этиш бўлиб, улар ўкиш ва ўргатишнинг асосий элементларини ўрнатиб, ўзида олий даражадаги педагог олимларнинг ўкитишдаги услуб ва йўлларини мужассамлаштирган бўлади.

Ишлаб чикаришда, малакаси унча юкори бўлмаган оддий ишчи тайёр технология бўйича олий сифатли махсулот ишлаб чикарганидек, оддий ўкитувчи, педагогик технологияни кўллаб, ажойиб натижаларга эришади. Педагогик технологиянинг киммати ва ахамияти айнан шу билан белгиланади. Оммавий ўкитиш шароитида талабаларнинг тўла ўзлаштиришга эришишини таъминлайдиган ягона тўгри йўл – шу йўлдир. Педагогик технология, ишлаб чикариш технологик жараёнига ўхшаб кўзланган (режалаштирилган) натижаларга эришишни кафолатлайди. Педагогик технологияларнинг ўзи нима ва у анъанавий таълимдан нима билан фарк килади? Хозирги кунда педагогик адабиётлар, таълим муаммоларига оид маърузалар, расмий хужжатларда «Прогрессив педагогик технология», «Замонавий таълим технологияси» иборалари кенг кўлланилмокда. Аммо «Педагогик технология» тушунчаси хали хам бир колипга туширилмаган, энциклопедияларда изохланганича йўк, мазмунининг ягона талкини хам ишлаб чикилмаган ва шунинг учун иборанинг бир-биридан фаркланувчи кўпгина таърифлари мавжуд. Республикамизнинг педагогик олим ва амалиётчилари илмий асосланган хамда Ўзбекистоннинг ижтимоий-педагогик шароитига мослашган таълим технологияларини яратиш ва уларни таълим амалиётида кўллашга интилмокдалар. Бу ерда нима учун бугунги кунда педагогик технологияларнинг миллий назарий асосини яратиш ва амалиётга тадбик этиш зарурати тугилди, деган савол пайдо бўлиши мумкин. Жамиятимизга канчадан-канча билимли кадрларни ва юкори малакали олимларни етиштириб келган педагогика клублари мавжудки, уларнинг эскириб, талабга жавоб бермай колган ва мафкуралаштирилган жойларини ўзгартириб, миллий тус бериб, фойдаланаверса бўлмайдими? Деган мулохазалар хам йўк эмас. Ўзбекистоннинг шу кундаги педагогик жамоатчилигининг аксарияти, айнан мана шу йўлдан бормокда. Бу йўл иложсизликдан излаб топилган

бўлиб, киска муддат хизмат килиши мумкин. Мустакилликни кўлга киритган ва буюк келажак сари интилаётган жамиятга бу йўл узок хизмат килолмайди. Чунки, биринчидан, маълум сабабларга кўра жахон хамжамияти тараккиётидан ортда колиб кетган жамиятимизнинг тараккий этган мамлакатлар каторидан ўрин олиши учун, ахолии таълимини жадаллаштириш ва самарадорлигини ошириш максадида энг илгор педагогик тадбирлардан фойдаланиш зарурлиги; иккинчидан, анъанавий ўкитиш тизими ёзма ва огзаки сўзларга таяниб иш кўриши туфайли «ахборотли ўкитиш» сифатида тавсифланиб, ўкитувчи фаолияти биргина ўкув жараёнининг ташкилотчиси сифатида эмас, балки нуфузли билимлар манбаига айланиб колганлиги; учинчидан, фан-техника тараккиётининг ўта ривожланганлиги натижасида ахборотларнинг кескин кўпайиб бораётганлиги ва уларни ёшларга билдириш учун вактнинг чегараланганлиги; тўртинчидан, кишилик жамияти ўз тараккиётининг шу кундаги боскичида назарий ва эмпирик билимларга асосланган тафаккурдан тобора фойдали натижага эга бўлган, аник якунга асосланган техник тафаккурга ўтиб бораётганлиги; бешинчидан, ёшларни мукаммал тайёрлаш талаби уларга энг илгор билим бериш усули хисобланган объектив борликка тизимли ёндашув тамойилидан фойдаланишни талаб килишдадир. Таълим технологияси санаб ўтилган бешта сабабий шартларнинг барча талабларига жавоб берадиган таълимий тадбирдир. Бу зарурият шу вактгача тахсил олувчилар ёпик тафаккур парадигма (намуна, мисол)лари асосида ўкитилганлиги, уларда ўзгача нуктаи назарни тан олмаслик, факат ўз фикрини тўгри деб билиш шаклланганлигидандир. Бу хол хар кандай тараккиётга гов бўлиб, шу парадигмада юрган кишиларни инкироз сари етаклайди. Жамиятимиз жадаллик билан тараккий этиб, иктисодий ва сиёсий мавкеи кундан-кунга ортиб бормокда. Аммо ижтимоий сохада ва айникса, таълим-тарбияда депсиниш ва умумий тараккиётдан оркада колиш сезилмокда. Бундай нохуш вазиятдан чикиб кетиш йўлларидан бири таълим-

тарбия жараёнини кабул килинган давлат стандартлари асосида технологиялаштиришдир. Таълим жараёнига мукамаллик, аниклик, йўлга солинганлик, тартиблилик, равонлик, вазминлик аломатларини бериш оркали самарадорлигини оширувчи тадкикот олиб борилган. Дидактиканинг асосчиси Ян Амос Коменский XVII асрдаёк таълимнинг «Вакт, фанлар ва услубларни мохирона таксимлашни бошка нарсани талаб килмайдиган умумий тартибдаги ўкитишнинг ягона мукаммал услуби топилса, хамма нарса тошлари тўгри мувозанатланган соатдек, факат ана шундай махорат яратилган асбобда эришиш мумкин бўлган бехатолик билан илгарилайди». Замонавий педагогикада хам, таълимни шундай моделлари, унга нисбатан шундай ёндашувлар ишланмокдаки, улар таълимга, ишлаб чикариш – технологик жараён, маълум шароитларда ва белгиланган вакт ичида кўзланган таълим максадларига эришишни кафолатлайдиган характерни бериш имкониятини яратади. Т.С. Назарованинг кайд этишича, педагогик технология 70-йиларнинг бошларида АКШда юзага келган бўлиб, унинг асосчиси таникли олимлар Б.Блум, Д.Кратвол, Н.Гронлунд, Ж. Керрол, Ж. Блок, Л. Андерсон ва бошкалардир. Педагогик технология окими деярли барча ривожланган мамлакатларга тез таркалди, ЮНЕСКО каби нуфузли ташкилот томонидан тан олинди ва кўллаб-кувватланди ва хозирги кунда кўпгина мамлакатларда муваффакиятли ўзлаштирилмокда, кўлланилмокда. Кўпгина мамлакатлар педагогик технологиядан фойдаланиб, ўкувчилар ўзлаштиришини оширишда сезиларли муваффакиятларга эришдилар. Масалан, Жануби Кореяда педагогик технология бўйича тажриба-синов тарзида ўкитаётган 50 минг боладан 75 фоизида анъанавий ўкитишда факат энг яхши ўкувчилар эришадиган натижалар кўлга киритилган. Таълимни технологиялаштиришнинг асосини, таълим жараёнини, унинг

самарадорлигини ошириш ва таълим олувчиларни, берилган шароитларда ва ажратилган вакт ичида вакт ичида лойихалаштирилаётган ўкув натижаларига эришишларини кафолатлаш максадида тўлик бошкариш гояси ташкил этади. Бундай ёндашишнинг мохияти, таълим жараёнини тизимлаштиришдан – уни аник расмийлаштирилган ва деталлари бўйича аник элемнтларга бўлиб ташлаш ёрдамида максимал шакллантиришдан иборат. Таълим технологиясининг предмети – таълим тизимини концептуал асосларига далил келтиришдан, максадларни кўйишдан, натижаларни шакллантиришдан, ўкув материалини танлаш ва структуралаштиришдан, таълим моделини танлашдан, то уларни амалга оширишгача, уларнинг оптималлик ва самарадорлик даражасини бахолашгача лойихалаштиришдан таркиб топган. Бизда таълим назарияси ва амалиётида ўкув жараёнига технологик характерни киритиш 50-йиллардан бошланган. Улар анънавий ўкитиш учун техник воситалар мажмуасини яратишда ўз ифодасини топган. Хозирги вактда педагогик технологияга оддийгина «ўкитишнинг техник воситаларидан ёки компьютерлардан фойдаланиш сохасидаги тадкикотлар сифатида каралмайди: бу ўкитиш самарадорлигини оширувчи омилларни тахлил килиш ва кўллаш йўли билан кўлланилаётган усулларни бахолаш воситасида таълим жараёнининг тамойилларини аниклаш ва оптималлаштириш усулларини ишлаб чикиш максадидаги тадкикотлардир». (Международный ежегодник по технологии образования и обучения, 1978- 79. – Лондон: Нью-Йорк, 1978. с. 258 (инглиз тилида)). В.П. Беспалько бўйича, барча таълим ва тарбия ишларини педагогик технология йўлига ўтказиш – ўкув амалиётини, педагогик жараённи куриш ва амалга оширишда ихтиёрийликдан, унинг хар бир элементини ва боскичини тартибли асослашга, объектив ташхис килинадиган якуний натижага иетилишига кескин равишда бурилишини ифодалайди. Маърифатли ва риводланган мамлакатларда муваффакият билан кўлланиб келинаётган таълим техноло6гияларини ўрганб, халкимизнинг

миллий педагогика анъаналаридан хамда таълим сохасининг шу кундаги холатидан келиб чиккан холда Ўзбекистоннинг миллий таълим технологиясини яратиш лозим. Таълим технологияси тушунчаси ва тамойиллари Педагогика фани ва амалиётида «педагогик технология», «таълим технологияси», «ўкитиш технологияси» каби атамалардан кенг фойдаланилмокда. Шу билан бирга уларни тушуниш пайтида алохида фикрлар мавжуд. Авваламбор, «техник технология» ва «педагогик технология» тушунчаларининг мохиятини аниклайлик. «Технология» - юнонча икки сўздан – «технос» (techne) – махорат, санъат ва «логос» (logos) – фан, таълимот сўзларидан ташкил топган. Бу ифода замонавий технология жараёнини тўлик тавсифлаб беролмайди. Технология деганда субъект томонидан объектга кўрсатилган таъсир натижасида субъектда сифат ўзгаришига олиб келувчи жараён тушунилади. Технология хар доим зарурий воситалар ва шароитлардан фойдаланиб, объектга йўналтирилган максадли амалларни муайян кетма-кетликда бажаришни кўзда тутади. Ушбу тушунчаларни ўкув жараёнига кўчирадиган бўлсак, ўкитувчи (педагог)нинг ўкитиш воситалари ёрдамида ўкувчи (талаба)ларга муайян шароитларда кўрсатган тизимли таъсири натижасида уларда жамият учун зарур бўлган ва олдиндан белгиланган ижтимоий сифатларни интенсив тарзда шакллантирувчи ижтимоий ходиса, деб таърифлаш мумкин. Техник технология куйидагиларни билдиради:  Хом-ашё, материаллар, ярим фабрикатлар ёки махсулотларни олиш, уларга ишлов бериш ёки кайта ишлаш йўлари ва

усулларининг йигиндиси (технологиянинг жараёнли – баёнли аспекти);  Юкорида кўрсатилган йўллар ва усулларни ишлаб чикувчи ва такомиллаштирувчи фан. Технологияни фан сифатидаги вазифаси, моддий ресурслар ва вактни энг кам сарфлашни талаб киладиган самарали ва тежамкор ишлаб чикариш жараёнларини аниклаш хамда амалда кўллаш максадида конуниятларни топиш хисобланади (илмий аспекти);  Жараённинг ўзи – казиб олиш, топиш, ишлов бериш, кайта ишлаш, ташиш, омборга жойлаш, саклаш хамда ишлаб чикаришни техник назорат килиш (технологиянинг жараёнли – харакат аспекти). Ишлаб чикаришда «технология» сўзидан келиб чикадиган куйидаги тушунчалар ишлатилади: Технологик жараён – ишлаб чикариладиган махсулотга ишлов беришнинг ягона жараёнини хосил килувчи технологик операцияларнинг йигиндиси. Технологик операция – ишчи томонидан ўзининг иш жойида бажариладиган, якунига етказилган харакат кўринишидаги жараённинг бир кисми. Технологик харита – маълум бир махсулотни ишлаб чикариш технологик операцияларнинг кетма-кетлигини баён килувчи техник хужжат. Технологик режа – технологик операцияларни амалга оширишни белгиловчи тартиб бўлиб, маълум бир махсулотни ишлаб чикаришда бажариладиган операцияларнинг вакти, шартларини белгилайди. Ушбу тушунчаларни ўкув жараёнига кўчадиган бўлсак, ўкитувчи (педагог)нинг ўкитиш воситалари ёрдамида тахсил олувчиларга муайян шароитларда кўрсатган тизимли таъсири натижасида уларда жамият учун зарур бўлган ва олдиндан белгиланган ижтимоий сифатларни интенсив тарзда шакллантирувчи ижтимоий ходиса деб таърифлаш мумкин.

Таърифлар назарияси бўйича бундай ижтимоий ходисани педагогик технология деса бўлади (Б. Зиёмухаммедов). Педагогик технология ижтимоий зарурият бўлганлигидан даставвал АКIIIда 70 - йилларда фалсафанинг бихивиоризм окими заминида юзага келиб, бошка ривожланган мамлакатларга тез таркалиб кетди. Ер юзи мамлакатлари икки карама-карши лагерга бўлиниб, совук уруш авжига чиккан даврда социализм тарафдорлари бу ижтимоий ходисани мафкура нуктаи назаридан тан олмай, кўп йиллар давомида уни кўр-кўрона инкор килиб келишди. ХХ аср 90-йилларнинг бошида социализм нураб, унга аъзо бўлган давлатлар бирин-кетин мустакил бўлганидан кейин, хар жихатдан тараккий этган хорижий мамлакатларга, шу жумладан Ўзбекистон учун хам, кенг йўл очилди. Мустакилликка эришган Ўзбекистон олимлари хорижий мамлакатлар билан иктисодий, ижтимоий, сиёсий ва илмий-маърифий алокалар ўрната бошладилар. Натижада юртимизга илгор ва самарали технологиялар кириб кела бошлади. Шулар катори жахондаги прогрессив педагогик технология деган тушунчалар хам кириб, педагогик жамоатчилигимиз фикрини чулгаб олди. Кейинги йилларда Россия билан Ўзбекистонда педагогик технологияни ўрганиш йўлида анча ишлар килинди. Педагогик технологиянинг худудга мос вариантини яратишга кўл урган Мустакил давлатлар хамдўстлиги (МДХ)нинг пешкадам педагог олимларига тасаннолар айтиш билан биргаликда, улар йўл кўяётган баъзи камчиликларни айтиб, уларни тузатиб ўтишни лозим кўрдик. Чунки бу камчиликлар педагогик технологиянинг мазмун ва мохиятини тўгри тушунишга халал бермокда. Бунинг учун МДХда шу йўналишда фаолият кўрсатаётган педагог олимларнинг «педагогик технология» тушунчасига берган таърифларини хамда улар тузиб чиккан педагогик технология лойихаларини тахлил килиб чикамиз.

Педагогик технологиянинг ўкув жараёнига олиб кириш зарурлигини МДХга кирувчи мамлакатлар ичида биринчилар каторида хар томонлама илмий асослаб берган россиялик олим В.П. Беспальконинг фикрича, «ПТ – бу ўкитувчи махоратига боглик бўлмаган холда педагогик мувафаккиятни кафолатлай оладиган ўкувчи шахсини шакллантириш жараёнининг лойихасидир». Россия олимларидан В.М. Монахов: «ПТ – аввалдан режалаштирилган натижаларга олиб борувчи ва бажарилиши шарт бўлган тартибли амаллар тизимидир», - деган кискача таърифни бера туриб, унинг асосий хусусиятларига эътиборни каратади. «ПТ – ўкув жараёнини технологиялаштириб, унинг кайта тикланувчанлигини хамда педагогик жараён тургунлигини ошириб, бу жараён ижрочисининг субъектив хусусиятларидан уни озод килади”, - дейди В.М. Монахов. М.В. Кларин фикрича, ПТ – ўкув жараёнига технологик ёндашган холда, олдиндан белгилаб олинган максад кўрсатгичларидан келиб чикиб, ўкув жараёнини лойихалашдир. И.Я. Ларнернинг фикрига кўра, ПТ – ўкувчилар харакатларида акс этган ўкитиш натижалари оркали ишончли англаб олинадиган аникланадиган максадни ифодалайди. В.П.Беспальконинг ўзбекистонлик шогиртларидан Нурали Сайидахмедов ва Абдурахмон Очиловларнинг фикрича, ПТ – бу ўкитувчи (тарбиячи)нинг ўкитиш (тарбия) воситалари ёрдамида ўкувчи (талаба)ларга муайян шароитда таъсир кўрсатиши ва бу фаолият махсули сифатида уларда олдиндан белгиланган шахс сифатларини интенсив шакллантириш жараёнидир. Ўзбекистонлик педагог олим Б.Л. Фарберман педагогик технологияга куйидагича таъриф беради: «ПТ – таълим жараёнига янгича ёндашув бўлиб, педагогикада ижтимоий мухандислик онг ифодасидир. У педагогик жараённи техника имкониятлари ва инсоннинг техникавий тафаккури асосида стандарт

холга солиб, унинг оптимал лойихасини тузиб чикиш билан боглик ижтимоий ходисадир». Бу таърифларни узок хорижда берилган таърифлар билан солиштириб кўриш учун япон педагог олими Т. Сакомото берган таърифни келтирамиз. “ПТ, - дейди Сакомото, - бу тизимли фикр юритиш усулини педагогикага сингдириш, бошкача килиб айтганда, педагогика жараённи муайян бир тизимга келтиришдир». Айнан тизмли ёндашув педагогик технологияларни ўкитишга бошка ёндашувлардан фаркловчи асосий белги хисобланади. Педагогик адабиётда педагогик технологияга берилган бошка таърифлар (В. Гушаеев, В. Сластенин, Б. Лихачев, И. Волков, М. Чошанов, Ч.Юдит ва бошкалар) хам келтирилади, аммо уларнинг биронтаси ЮНЕСКО таърифи дражасига кўтарила олмаган. Бирлашган миллатлар ташкилотининг нуфузли идораларидан бири бўлган ЮНЕСКОнинг таърифи бўйича, «ПТ – бу билим бериш ва уни эгаллашда техника ва инсон ресурсларини ўзаро узвий боглик холда кўриб, бутун таълим жараёнини лойихалашда ва амалда кўллашда мажмули ёндашув усулидан фойдаланишдир» . Келтирилган таърифларни илмий-фалсафий нуктаи назардан тахлил киладиган бўлсак, узок хорижда берилган таърифлар билан МДХ мамлакатлари олимларининг берган таърифлари бир-бирига якин келса-да, фарки хам анчалигини кўрамиз. Жумладан, Сакомото ва ЮНЕСКО таърифларида тизимли ёндашув тамойилига алохида ургу берилган. МДХ олимларининг ПТ га берган таърифларида мажму ёндашув эслатиб ўтилгани билан, ўкув жараёнининг лойихасини тузишганда уни мутлок унутиб, тизимли ёндашув тамойилининг конун ва коидаларига сира хам амал килишмаганини кўрамиз. Хакикатда эса, объектив борликка тизимли ёндашув тамойилини яхши билган кишига Сакомото айтганидек, «ПТ – ўкув жараёнини муайян бир мажмуга келтиришдир», деган тушунча кифоя килади. Бу тушунча оркали

ПТ нинг бошка хамма хусусиятларини, яъни максадга йўналтирилганлигини, бир неча ўзаро узвий боглик бўлган кисмлардан ташкил топганлигини ва бошкаларни англаб олса бўлади. Чунки бу хусусиятларнинг хаммаси, тизимлар назариясига биноан, тизим деб ном олган нарса ва ходисаларнинг ажралмас сифатларидир. Ундан ташкари, Россия ва Ўзбекистон олимлари «таъриф» деб айтганларининг хаммаси хам «таъриф» макомига эга бўлолмайди. Таъриф тузишнинг ўз конун-коидалари, яъни таъриф тузиш назарияси бор. Таъриф ушбу назариядан келиб чикиб тузилса, у хакикий хисобланади. Биз тахлил килган таърифлар эса, Сайидахмедов ва Очиловларникидан ташкари, педагогик технологиянинг у ёки бу хусусиятларини очиб берувчи ё унинг таснифини ифода этувчи тушунчалар ёки уларнинг омухталаридир. Педагогик технологиянинг асосий тушунчаси, сўзсиз, ўкув жараёнига тизим сифатида ёндашишдир. Бунда таълим-тарбияда иштирок этувчи барча нарса ва ходисалар ўзаро функционал богликда бўлиб, бир бутунликни, яъни педагогик жараён мажмуини ташкил килади. Педагогик жараён мажмуини муайян бир вакт мобайнида боскичма-боскич амалга оширилиши педагогик технология дейилади. Ўзбекистонлик педагог олим Л.В. Голиш таълим технологиясини техник технологиядан келиб чиккан холда уч хил атамасини ифодалаб берган: Педагогик технология – ўкув жараёнини технологиялаштиришни бутунлигича аникловчи тизимли категория. Технологияларнинг барча тушунчаларини белгилаш учун, синоним сифатида таълим технологияси, ўкитиш технологияси кабиларни ишлаш мумкин. Ўкитиш технологияси – биринчидан, педагогик технологияни жараёнли харакат аспектини англатади. Бу таълим жараёнини ўзгарувчан шароитларда, ажратилган вакт давомида истикболлаштирилган натижаларига кафолатли эришишга ва конкрет таълим-тарбия жараёнларини амалга оширишни инструментал таъминловчи усул ва воситалар (технологик

операциялар)нинг тартибли бирлигини ўзида мужассамлаштирган таълим модулини ишлаб чикиш ва амалга оширишнинг технологик жараёни; иккинчидан, педагогик технологиянинг жараёнли – баёнли аспектини ифодалайди. Бу максадни амалга ошириш ва истикболда белгиланган натижаларга эришиш бўйича педагогик хамда ўкув фаолиятини лойихасини бажаришнинг баёнидир (технологик харита). Таълим технологияси – педагогик технологиянинг илмий аспектини белгилаш учун ишлатилади. Бу (фан предмети) «техника ва инсон ресурсларини хамда уларнинг ўз олдига таълим шаклларини оптималлаштириш вазифасини кўювчи хамкорлигини хисобга олган холда дарс бери шва билимларни ўзлаштиришнинг барча жараёнларини яратиш, кўллаш ва белгилашнинг тизимли усули». Ўзбекистонлик педагог олим Б.Г. Зиёмухаммедов педагогик технологияга куйидагича таъриф берган: «ПТ – бу жамият эхтиёжидан келиб чикиб, олдиндан белгиланган киши ижтимоий сифатларини самарали шакллантирувчи ва аник максадга йўналтирилган ўкув жараёнини тизим сифатида кўриб, уни ташкил килувчи кисмлари бўлган ўкитувчи (педагог)нинг ўкитиш воситалари ёрдамида тахсил олувчиларга маълум бир шароитда муайян кетма-кетликда кўрсатган таъсирини назоратда тутувчи ва таълим натижасини бахолаб берувчи технологиялашган таълимий тадбирдир». Ижтимоий технологиялар сафига кирувчи «педагогик технология» тушунчасининг мазмунини аниклаймиз. Кўпчилик педагог олимларнинг фикрича, ушбу кенг ишлатиладиган сўзлар бирикмаси инглизча “ an educa – tional technology ” , яъни «таълим технологияси» ифодасини ноаник таржима килишдан келиб чиккан. Бизнинг фикримизча, таълим технологиясига дастлаб асос солган АКШ олимлари педагогик технологияни эмас, балки айнан таълим технологиясини назарда тутишган. Буни тушуниб етиш учун педагог атамасининг лугавий маъносини эсга олайлик, бу атама юнонча «пайне» - бола, «агогейин» -

етакламок сўзларидан ташкил топган бўлиб, бола етакламок маъносини англатади. Бундай «бола етаклаш технологияси» деган атама келиб чикади, бу тушунча таълим технологияси максади ва мантиги зид бўлиб, таълим технологиясини максади ва мантигига зид бўлиб, таълим технологиясининг хакикий маъносини бермайди. Америкалик олимлар ва япон олими Сакомото «бола етаклаш» технологиясини эмас, балки тахсил олувчилар фаоллигини таъминлайдиган, таълим жараёнининг самарадорлигини кафолатлайдиган технологияни яратиш гоясини илгари суришган. Шунга асосланган холда биз мазкур атамани «таълим технологияси» деб аталиши тарафдоримиз. Юкори таъкидланганидек, таълим технологияси тушунчаси ўкитиш ва ўрганиш жараёнига тизим сифатида карашни англатар экн, аввало тизим тушунчасини тушуниб олиш зарур. Тизим деб, тартибланган, ўзаро узвий богланган ва биргаликда умумий функцияни бажарувчи элементлар тўпламига айтилади. Мисол учун, автомобиль двигатели бир нечта тизимлардан иборат бўлиб, хар бир тизим бир нечта элементлардан ташкил топган. Мойлаш тизимини кўриб чикадиган бўлсак, уни ташкил этувчи элементлардан бирортаси ишламай колса ёки ёмон ишласа, двигателнинг ишкаланувчи кисмига мой етиб бормайди ва натижада двигатель ишдан чикади. Кўриниб турибдики, тизимнинг фаолияти уни ташкил этувчи хар бир элементига ва ўз навбатида хар бир элемент бир-бирига чамбарчас боглик. Бундан шундай хулоса келиб чикади: таълим жараёнини бир тизим деб карайдиган бўлсак, уни ташкил этувчилари, яъни элементларига куйидагилар киради: таълим максади, ўкув максадлари (кутилаётган натижалар), таълим берувчи, тахсил олувчи, таълим мазмуни, таълим методи, таълим шакли, таълим воситалари, назорат ва бахолаш. Таълим жараёнини лойихалаштиришда юкорида санаб ўтилган элементлардан бирортаси эътибордан четда колса ёки нотўгри танланган бўлса, тизим ишламайди, демакки, таъли жараёнининг олдига кўйилган максадга эришилмайди.

Педагогик технологиянинг анъанавий услублардан асосий фарки, унинг тўла-тўкис тизим лар назарияси конуниятларидан келиб чикканлигидадир. Педагогик технологиянинг аввалги услублардан афзаллиги, у таълим жараёнини бир бутунликда кўриб, таълим максади, унинг мазмуни, билим бериш усуллари ва воситалари хамда таълим олувчи ва таълим берувчиларни тизимга келтириб, таълим боскичларини лойихалаб, таълим жараёнини назорат килиш ва таълим натижаларини бахолаш каби кисмларини ўзаро узвий боглаб тизимга келтириб туриб, унинг лойихасини тузишидадир. Унинг анъанавий услублардан кейинги фарки, у талабаларнинг ўзларига берилган билимни ёдлаб олиб айтиб беришига эмас, балки таълим ва тарбия жараёнининг якунида амалий ишларни бажаришига йўналтирилганлигидадир. Педагогик технологиянинг бошка таълим услубларидан навбатдаги фарки, унинг ёрдами ўкув жараёни ташкил этилганда, дарс натижаси билим берувчининг педагогик махоратига боглик эмаслигидадир. Илмий асосланиб, яхши лойихалаштирилган педагогик технология бўйича хар кандай ўкитувчи хам, аъло бўлмаса-да яхши дарс ўтади. Чунки педагогик технологияни педагог олим, методист ёки илгор тажрибали ўкитувчилар тузади, шу боис уларнинг педагогик махорати педагогик жараён лойихасида ўз ифодасини топган бўлади. Аввалгидек, «дарсдан кўзланган максадга объектив сабабларга биноан етиб бўлмайди» ёки «кутилмаган омилларга биноан дарс бузилди» ва шунга ўхшаш гапларга педагогик технологияда ўрин йўк. Педагогик технологиянинг юкорида кайд этилган хусусиятларидан ва тизимлар назариясининг конуниятларидан келиб чикиб, унга куйидаги кенгайтирилган таърифни берамиз. ПТ – бу жамият эхтиёжидан келиб чикиб, олдиндан белгиланган киши ижтимоий сифатларини самарали шакллантирувчи ва аник максадга йўналтирилган ўкув жараёнини тизим сифатида кўриб, уни ташкил килувчи кисмлари бўлган ўкитувчи (педагог)нинг ўкитиш воситалари ёрдамида ўкувчи (талаба)ларга

маълум бир шароитда муайян кетма-кетликда кўрсатган таъсирини назоратда тутувчи ва таълим натижасини бахолаб берувчи технологиялашган таълимий тадбирдир. Педагогик назариялар йигиндиси хисобланган педагогикада катта хажмда назарий ва амалий билимлар тўпланган бўлишига карамай, XX аср иккинчи ярмигача машхур педагогларнинг биронтаси кайта тикланадиган, яъни издошлари томонидан улар ўтган юкори самарали дарсларни ўзларига ўхшаб ўтиш имконини берадиган педагогик жараён андозасини ишлаб чикишмаган. Бунинг боиси, машхур педагоглар услуби таркибида ўзларининг шахсий сифатларини етакчи ўринни эганлаганлигидадир. Маълумки, жамият таркибида машхурликка даъвогар буюк шахслар жуда хам оз. Бизга эса, улар хар бир мактабда, хар бир лицей ва коллежда, хар бир олий ўкув юртида, хар бир синф ва дарс хоналарида керак. Бунга етишишнинг бирдан-бир йўли – машхур педагогларнинг дарсини педагогик технология шаклига солиб, лойихасини тузиш ва кўпайтиришдир. Технологик ёндашув ишлаб чикаришдан олинган бўлиб, унда минглаб технологик жараёнлар лойихалаштирилган. Улар ишлаб чикаришда керакли натижаларга эришиш гарови хисобланади. Бу технологияларни кўллаш вактида худуд ва уларнинг ижрочиси ўзгарса хам, керакли махсулот чикаверади. Таълим-тарбия жараёнида хам шунга эришиш учун педагогик технология ишлаб чикилди. Бу иш биринчи бор АКШ олимлари Б.Блум, Д.Кратволь, Н.Гранлунд, Дж. Керролла, Дж. Блок, Л.Андерсон ва бошкалар харакати натижасида амалга ошди. Педагогик технология, умуман олганда, репродуктив дарс беришга асосланган бўлиб, ундаги ўкув жараёни ўкувчи (талаба)ларга типик холатлардаги харакатларни эгаллашга йўналтирилган. Педагогик технологиядаги репродуктив билим бериш жараёнида дарс аник бўлакларга бўлиниб, хар бир бўладига ўкувчи (талаба)лар билиши шарт бўлган натижалар кўрсатилади. Ўкув материаллар дарс максадидан келиб

чикиб, модулларга бўлинган бўлади. Хар кайси модулга тест саволлари тузилади. Ўкув жараёни аник саволларга конкрет жавоблар топишга курилган бўлиб, саволлар ва жавоблар ўзаро узвий богликликда бўлиши натижасида бир бутунликни, яъни тизимни ташкил килади. Педагогик технологияда репродуктив усул каторида изланувчи – тадкикот ва бошка усуллар хам ишлатилади. Мустакил Ўзбекистоннинг эркин фукароларини шакллантиришда халк хўжалиги учун зарур бўлган маълум билим хажмига эга мутахассис хамда турли муаммоларга дуч келганда, мустакил изланиб, уларни хал килиб кетадиган тадбиркор кишиларни тарбиялашда типик харакатларга, репродуктив ва ностандарт вазиятлардан йўл топиб, чикиб кетишга ўргатувчи тадкикот усуллари мос тушади. Бизга зарур бўлган услуб ушбу икки анъанавий усуллар котишмасидан хосил бўлиб, технологиялаштирилган интегратив услубдир. Уни педагогик технология дейилмокда. Ўкув жараёни технологияси алохида олинган битта дарсга, битта мавзуга ёки ўкув предметининг бир кисмига ва бутун ўкув предметига тузиб чикилиши мумкин. Педагогик технологияни яратиш тамойилларининг биринчиси – муайян дарс, мавзу, кисм, ўкув предметидан кутилган асосий максадни шакллантириб олиш; икинчиси – умумий максаддан келиб чикиб дарсни ёки ўкув предметини модулларга ажратиб, хар бир модулдан кутилган максадни ва модуллар ичида хал килиши лозим бўлган масалалар тизимини аниклаб олиш; учинчиси- модул ичида ечиладиган масалаларнинг хар бири бўйича тест саволларини тузиб чикиш; тўртинчиси - максадлар аник бўлиб, тест саволлари тузилгандан кейин, максадларга етиш усуллари танланиб, уларни ишлатадиган аник жойларни белгилаб олиш. Таълим жараёнига технологик ёндашув пайтида, аввал айтиб ўтганимиздек, тизимли ёндашув тамойилига биноан дарс кисмлари орасидаги зарурий богликликларга ва фанлараро алокаларга алохида эътибор каратилади. Бу педагогик технологиянинг бешинчи тамойили хисобланади.

Хулоса килиб шуни айтиш жоизки, методика бўйича тадкикотлар олиб бориш хамда услублар яратишда замоннинг энг илгор усулларидан бири – хар бир нарса ва ходисага тизим сифатида ёндашиш зарур. Акс холда фаолият анъанавий тус олиб, кечаги кунни ифода этиб колади. Шу нуктаи назардан хар кандай педагогик фаолият давомида педагогик технология тамойиллари марказий ўринда туриши керак. Шундагина педагогик фаолият замонга мос бўлиб, жамият ижтимоий буюртмасини шараф билан бажариш мумкин.

O'xshashlar

Педагогик махорат асослари

Педагогик технологиялар

Янги педагогик технологияларнинг илмий- услубий асослари

Илғор педагогик технологиялар йўналишлари

Педагогик тадқиқотнинг методологик тамойиллари