Ўқувчиларни янги билимларни сухбат методида баён этиш - Pedagogika - Referatlar

Ўқувчиларни янги билимларни сухбат методида баён этиш

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Ўқувчиларни янги билимларни сухбат методида баён этиш Сухбат – ўқув жараёнини ташкил этишнинг савол-жавобли методи. Умумтехника ва махсус фанлар ўқитувчилари сухбатнинг иккита асосий туридан: асосий мақсади ўқувчиларга янги билимларни баён этишдан иборат булган сухбат ҳамда ўқувчиларнинг билимлари мустаҳкамланадиган, такрорланадиган, текшириб куриладиган ва бахоланадиган сухбатдан фойдаланадилар. Сухбатнинг хар бир тури учун уз методикаси хосдир. Агар сухбатдан кузланадиган мақсад янги билимларни билдиришдан иборат бўлса, ўқитувчи урганилиши керак булган масалани уртага ташлайди ва мантиқий мулохазалар йули билан ўқувчиларни муайян хулосага олиб келади. Бунда ўқитувчи ўқувчиларни илгари олинган билимлар, кузатишлар, хаётий ва ишлаб чиқариш тажрибасини такрорлашга, ходисаларни солиштириш, таккослашга, уз фикрини баён этишга ундайди. Сухбатнинг асосий аломати – ўқув материалин мухокама қилишда ўқувчиларнинг бевосита иштирок этиши сухбатнинг узига хос хусусиятларини белгилайди. Бундай сухбат жараёнида ўқувчиларнинг билимлари ва тажрибаси сузлаб беришдагига караганда анча самарали аниқланади ва фойдаланилади, материални узлаштириш жараёни туларок ҳамда оперативрок назорат қилинади, илгари олган билимлари анча чуқурлашади, мустаҳкамланади. Жамоа сухбат умумий манфаатдорлик вазиятини яратади, ўқувчиларнинг эътибори ва кизкишини оширади, мушохадасини активлаштиради ташаббус ҳамда мустақилликни ривожлантиради, дарсда билимларнинг онгли равишда узлаштирилишини таъминлайди ва уй ишини осонлаштиради. Илгор ўқитувчилар сухбатининг гоявий мазмунига катта аҳамият берадилар, унинг имкониятларидан ўқувчиларнижамоалилик рухида тарбиялаш, ўқувчилар билимини эътикодга айлантириш учун, билиш ва ижодий кучларини ривожлантириш учун кенг фойдаланадилар.

Сухбат ўқувчиларнинг янги билимларини идрок этишини таъминлабгина колмай, балки бу билимларни тушуниб олиши ва системага солишга имкон беради хам. Аммо янги материални баён этиш методи булган сухбат, бир канча афзалликларга эга булишига карамай, педагогикада «соф холда» нисбатан кам кулланилади. Бунинг асосий сабаби шуки, ўқувчиларни янги материални узлаштиришга секин-аста олиб келиш жараёни куп вакт олади ва ўқитувчинингг махсус тайёргарлик куришини: саволларни ўқув материалининг мантикига мувофик танлаш, таърифлаш, жойлаштиришни, ўқувчилардан кутилиши мумкин булган жавоблар ҳамда асосий хулосаларни уйлаб олишни, шунингдек анчагина вактни талаб қилади. Ўқувчилар урганиладиган материал юзасидан бир катор тайёргарликка эга булишлари кераклиги хам сухбатдан фойдаланишни кийинлаштиради: сухбатни «буш жойда» утказиб булмайди. Ўқувчиларнинг айни фан ёки бошқа фанлардан олган билимлари, кузатишлар, дарсликларнинг, справочникларнинг материалини, журналлардаги маколаларни, техникавий ва технологик хужжатларни ўрганиш, ўқувчиларнинг ишлаб чиқариш таълими жараёнида ортирган тажрибаси, хаёт тажрибаси сухбат манбаи бўлади. Юқорида айтиб утилганлар асосида янги материални баён этиш методи булган сухбатдан фойдаланишнинг баъзи шартларини аниқлаш мумкин: энг муҳим, принципиал аҳамиятга эга булган материални сухбат методида урганган маъкул; сухбат методида ўрганиш учун мазмуни аниқ мантиқий изчилликка эга булган материални танлаш зарур; сухбатда ўқувчилар билимни муайян системага келтириш, фанлараро богланишни амалга ошириш, ўқувчиларнинг назарий билимлари билан ишлаб чиқариш тажрибалари уртасида богланиш урнатиш учун фойдаланиш энг катта самара беради; сухбатни бошқа методлари: тушунтириш, китоб билан ишлаш, ўқувчиларнинг мустақил кузатишлари, намойиш қилиш, машқлар, лаборатория – амалий ишлар билан бирга кушиб утказган маъкул.

Сухбатнинг мувафакиятли утиши куп жихатдан шу сухбат темасининг тўғри танланишига ва конкрет ўқув вазифасига боғлиқ. Сухбат темасини аниқ ифодала бериш, ўқувчиларга билимларни узлаштириш учун яна нималар қилиш лозимлигини курсатиб бериш жуда муҳимдир. Янги билимлар бериш мақсадида утказиладиган сухбат индуктив ва дедуктив усул билан олиб борилиши мумкин. Ўқитувчилар индуктив усулни ўқувчиларни узларида бор билимларга ва ишлаб чиқариш тажрибасига таяниб, мустақил хулосалар чиқаришга ва умумлаштиришлар қилишга олиб келадиган холлларда куллайдилар. Ўқитувчи келтириб чикарган ёки баён этилган коида, шарт, талабни ўқувчилар бошқа холларга татбик эта бошлаган, ўқитувчи саволига жавоб бериб ва унинг топширигини бажариб, янги ходисаларни анализ қила бошлаган, мазкур коидани ана шу ходисаларга татбик этиш мумкинлиги тўғрисида мулохаза юрита бошлаган вактда дедуктив усулдан фойдаланилади. Сухбатнинг самарали чиқиши учун ўқувчиларга бериладиган саволни тўғри танлаш, таърифлаш ва куйиш ҳал қилувчи аҳамиятга эга. Эвристик, излаш сухбатида саволларни ўқитувчи фаолиятининг формаси дебгина карамаслик керак. Ўқитувчи уртага ташлаган хар бир савол ўқувчилар онгида тегишли савол тугдириши, пайдо булган ноаниқликларга бархам бериш истаги хосил қилиши, янги ассоциацияга ундаши зарур. Шу нуктаи назардан караганда, савол фикрнинг билиш билан билмаслик уртасида турадиган, янги мулохаза ҳамда тушунчалардан олдин келадиган ва айни вактда уларнинг хосил булишига ёрдам берадиган алохида формасидан иборат, деб айтиш мумкин. Ана шу асосланилганда, саволга нисбатан куйиладиган асосий талаб ўқувчиларнинг актив фикрлаш фаолиятини, зехнини устиришдан иборат. Бундан ташқари, саволларга нисбатан куйиладиган талабларни айтиб утиш зарур: қисқалик ва аниқлик; мақсадга мувофиклик; мантиқий равшанлик ва оддийлик; сухбатнин бундан олдинги саволлари ва мавзуси билан

боғлиқлиги; мазмун ва шаклининг аниқлиги; амалий йуналганлик; ўқувчиларнинг ишлаб чиқариш тажрибасини ҳисобга олиш. Асосий кушимча, ёрдамчи саволлар бўлади. Асосий саволлардан кузда тутиладиган мақсад – энг муҳим материални очиб бериш; кушимча саволлардан кузланган мақсад – асосий материални аниқлаштириш, унга аниқлик киритиш; ёрдамчи саволлардан кузда тутиладиган мақсад – таниш маълумотларни ўқувчилар эсига туширишга ёрдам бериш, ўқувчилар фикрини зарур томонга каратиш. Янги материални сухбат методида баён этишда ўқувчиларга бериладиган саволлар нихоятда хилма хилдир. Саволларнинг қуйидаги гуруҳларини ажратиб курсатиш мумкин: нарсаларни, уларнинг тасвирларини, ходисалар, жараённлар, фактлар ва шу кабиларни солиштириш ҳамда таккослашга оид саволлар; урганилаётган фактлар, ходисалар, жараёнларни умумлаштириш ва уларнинг муҳим аломатларини ажратиб курсатишга доир саволлар; билимлардан бир хил вазиятларда фойдалана билишни аниқлаш учун бериладиган саволлар; сабаби изохлашга оид саволлар; исботлашга оид саволлар, «ха» ва «йук» эканлигига исботлар келтириш; фанлараро богланишни урнатишга оид саволлар; тушунчааларни таърифлашга оид саволлар. Ўқувчиларнинг жавобларига нисбатан куйиладиган талаблардан, аввало, онглилик ва асосланганликни айтиб утиш керак. Хар бир жавоб ўқувчининг фикрлаш мустақиллигини акс эттириши лозим. Ўқитувчи ўқувчилардан техника жихатидан ва адабий жихатдан саводли ифодаланган аниқ ҳамда равшан жавоб кайтаришни талаб қилиши шарт. Ўқувчиларнинг нутқ маданиятини тарбиялашга фикрлаш маданиятини тарбиялашнинг таркибий қисми деб карамок лозим. Сухбатни ташкил этишга нисбатан куйиладиган талаблар, биринчи навбатда, саволлар куйиш усулларига ва ўқувчиларни жавоб кайтариш учун

ундашга таалуклидир. Саволларни бутун гуруҳга бериш, сунгра ўқувчилар жавоб беришга тайёрланиши учун бир оз танаффус қилиш, шундан кейингина бирор ўқувчининг фамилиясини аташ тавсия қилинади. Сухбатнинг мантиқий режасига катъий амал қилиш жуда муҳим. Саволлар билан жавоблар шундай тартибда келиши керакки, ўқувчилар мавзунинг изчиллигини хамма вакт сезиб турадиган булсин. Сухбат жараёнида ўқувчилар эътиборини бутун урганилаётган материални тушуниш учун асосий булган факт ва хулосаларга каратиш алохида аҳамиятга эга. Ўқитувчи сухбат ипининг учини хамиша уз кулида тутиб туриши керак. Шу билан бирга саволлар куйишнинг ва уларни таърифлашнинг илгари белгилаб куйилган тартибига кур-курона амал қилиш ярамайди. Саволларни ўқувчиларнинг жавобларига караб хар қила билиш, фикрларнинг боришини тартибга солиш, хар қайси ўқувчининг кучли ва кучсиз томонларини ҳисобга олиш зарур. Агар ўқувчи саволга жавоб кайтаришга кийналса, бошқа ўқувчини чакиришга шошилиш ярамайди, саволни ўқувчига тушунарлирок булган янги варинатда бериш ва тўғри жавоб йуналтириш мумкин булган бирор фактни эслатиб утиш лозим. Аммо жавобни очик ойдин берувчи саволлар бериш ярамайди. Сухбатни якунлар ясаш билан тугаллаш зарур: ўқитувчи сухбат жараёнида урганилган масалаларга аниқ таърифлар беради. Хозиргача гап сухбат олиб бориш усули тўғрисида борди, бунда саволларни ўқитувчи берди, ўқувчилар эса бу саволларга жавобларни уйлаб курдилар ва ўқитувчи рахбарлиги остида маълум хулосага келдилар. Сухбатнинг бундай тузилиши энг типикдир. Лекин сухбат жараёнида ўқувчилар хам савол бериши мукин; ўқувчилар саволни ўқитувчига хам, гуруҳдаги уртокларига хам бериш мумкин. бундай методик усулнинг афзаллиги шундаки, биринчидан, ўқитувчи, саволнинг характерига караб, ўқувчилар билимининг канчалик чуқур эканлиги, уларнинг билиш активлиги, кизикувчанлиги ва урганилаётган ходисаларни тушуниш даражаси тўғрисида бир фикрга келади; иккинчидан, купинча чуқур, асосли савол бир-бири билан

кетма-кет богланган бошқа саволларнинг узлуксиз занжиридан иборат бўлади; биринчи саволнинг ҳал қилиниши иккинчи, учинчи саволни келтириб чикаради ва, шундай қилиб, ўқувчилар актив ишга жалб этилади. Бу холда саволлар ўқувчилар билимлари ва кизикишларининг чуқурлик мезонигина эмас, балки бу кизикишни кувватлаб турувчи восита хам бўлиб колади. Ўқитувчининг вазифаси саволарнинг мураккаблигини ва педагогик кимматини доимо ошира бориб, ўқувчиларни саволлар беришга ундашдан иборат. Ўқувчиларни савол беришга ундаш усулларидан қуйидагиларни таъкидлаб утиш мумкин: ўқитувчининг укиб чиқилган матн, расм, курсатма кулланмага оид саволлар тузиш тўғрисида ўқувчиларга берадиган топшириги; жавоб кайтараётган ўқувчига, ўқитувчига саволлар беришни таклиф эитш; ўқувчиларни атайлаб муайян кийинчиликларга тукнаштириш ва хоказо.

Адабиётлар 1. И. А. Каримов. «Баркамол авлод орзуси». Т. 1999 й. 2. И. А. Каримов. «Баркамол авлод Узбекистон тараккиётининг пойдевори». Т. 1997 й. 3. В. А. Скакун. «Ишлаб чиқариш таълими устози учун кулланма». Тошкент «Ўқитувчи» 1992 й. 4. Р. Х. Джураев. «Теория и практика интенсификации профессиональной подгогтовки учащихся профтехучилиҳ». Тошкент. «ФАН» 1992 й. 5. С. А. Акмалова. «Таълим назарияси дидактика масалалари бўйича ўқув кулланма». Наманган 1993 й. 6. К. Ж. Мирсаидов. «Махсус фанларни ўқитиш ва ишлаб чиқариш таълими». Тошкент «Ўқитувчи» 1996 й.

O'xshashlar

Ўқитишни ташкил этишни бошқа шакллари

Хозирги кунда замонавий маданият иқтисодиёт техника ва технологияларнинг ютуқлари

Ўқитувчининг ўқув материалини оғзаки баён этиш методикаси

Мехнат ва ишлаб чикариш таълими методлари. Огзаки методлар

Бўш ўзлаштирувчи ўқувчиларни кутубхонага жалб этиш усуллари