Проектив методикалар - Pedagogika - Referatlar

Проектив методикалар

Yuklangan vaqt:

20.09.2019

Ko'chirishlar soni:

0

Hajmi:

61 KB

Ko'chirib olish

Проектив методикалар Режа: 1. Проектив психология тарихи. 2. Хорижий психологияда проектив методикаларни қўлланилиши. 3. Проектив методиикаларнинг классификацияси

Проектив психология ярим асрлик тарихга эга бўлса-да, ундан олдин ҳам баьзи олимлар инсон проекциялари масаласига тўхталиб ўтганлар. Уларнинг қарашлари проектив психология ҳақидаги классик назариялар ҳисобланади. Проектив тестлар масаласига тухталишдан олдин, проекция тушунчаси мазмунига эьтибор бериш лозим. Проекция тушунчаси дастлаб, З.Фрейд томонидан шахсларнинг онгли ва онгсизлик тарзда кўчирилган шахсий хусусиятлари, ташки обьектларга нисбатан муносабатини ифодалаш учун қўлланилган. Проекция лотинча «proektio» сўзидан олинган бўлиб, олдинга ирғитиш, ташлаш маьносини билдиради. Проекция баьзида инсоннинг мен механизми билан, ички ҳимоя куч сифатида намоён бўлишини Фрейд таькидлайди. Проекция сублимация, рационализация, фориғланиш каби тушунчаларни ҳам қамраб олади. Г.С. Фримен инсондаги проекцияларни шундай изоҳлайди. 1. Онгсизлик ҳолати, яьни инсоннинг бу ҳолатда бошқа кишиларнинг ғоя, қараш, истак, эмоция ёки характер хислатларини ўзига олиши сифатида. 2. Ўз шахсий эҳтиёжларини бошқаларга кўчириш сифатида . 3. Қандайдир тажрибага асосланган нотўғри хулоса чиқариш сифатида қарайди. Бундан ташқари баьзи олимлар айнан проекция сузини куйидагича ифодалайдилар. Проекция - воқеликни, инсонларни, намоён қилинган стимулларни идрок этиш муайян даражада шахснинг психик ҳолати, эҳтиёжлари, хусусиятларига мос равишда тафсифлаш тенденцияси мавжуD. Проекция–англанмаган психологик механизм саналади, яьни проекция элементлари онгсиз тарзда идрок қилинади. Бу ҳолат клиник тадқиқотлар, психотерапивтик изланишларда ҳам яққол кўзга ташланган. Чунки проектив тестларга берилган дастлабки таьрифлар клиник нуқтаи назардан берилган. Проекция сўзли ассоцияциялар, тугалланмаган сўзлар, расм ва доғлар, текширилувчилар чизган расмлар, турли қўзғатувчи стимуллардан иборат. Лекин проектив методикалар илдизи 1904-1905 йилда К. Густав Юнг

томонидан яратилган сўзли ассоцияциялар тестига бориб тақалади. Бу методикани яратиш билан Юнг шахснинг онгсизлик ҳолатларидаги кечинмаларини ассоциатив диагностика қилиш мумкинлигини кўрсатиб берди. Кейинчалик ассоциатив тестнинг турли вариантлари айбдорлик ҳиссини аниқлашда (ёлғон детектори) М.Вейртгаймер ва А.Р.Лурия томонидан нормани патологиядан ажратиш ва бошқа вазиятлар учун қўлланилган. Проектив тестлар қаторидаги тугалланмаган ҳикоя ёки гап тести ҳам Юнгнинг ассоциатив тестидан келиб чиққан, деб ҳисобланади. Бундан ташқари Европанинг классик психология мактаби вакиллари Френк, Г.Роршах, Г. Мюррей каби олимларнинг ҳиссаси проектив тестларнинг келиб чиқишига кенг аҳамият касб этади. Юқорида айтилгандек, дастлабки проектив тестлар клиник характерда тадбиқ этилган. Проектив психодиагностиканинг юзага келиши Г. Роршахнинг 1921 йилда Германиянинг Берн шахрида чоп этилган «Психодиагностика» асари билан боғланади. Ўзи рассом бўлишига қарамай Роршах саньат ва рассомчилик тарихига жуда қизиққан. Унга маьлум бўлишича, буюк рассом Леонардо Да Винчи ўз хаёлини осмондаги булутлар, улардаги турли шаклларни узоқ вақт давомида кузатиш ва уларни таҳлил қилиш орқали машқ қилдирган. Бу хусусият яьни атрофимиздаги «предметли дунёни жонлантириш» барчага, айниқса, рассомлар ва ёш болаларга хос бўлган хусусиятдир, деб қаралди. Г. Роршах талқинига кўра, сиёҳ доғлари, яьни кўришга юналтирилган сиёҳ доглари мотор (ҳаракат) фантазияларини жонлантиради. Роршахдан аввал сиёҳ доғлари билан бошқа олимлар асосан Россияда Ф.Е. Рибаков, Францияда А.Бине ва Валлон Анрилар тадқиқот олиб борганлар. Бирок Роршах биринчи бўлиб фантазия образларини шахснинг сифат ва хислатлари билан алоқасини исботлаб берди. Роршахнинг тадқиқотлар ғояси бугунги кунда икки йирик йуналишларда АҚШ (Beek Klopfer, Davidson Rapoport) ва Европада (Bohm, Doosli-Listeri) ўрганилмокда.Россияда Роршах тестини ўрганишга уринишлар ХХ-асрнинг 20-30 йилларига тўғри келиб,у асосан шахснинг аномал хусусиятларини аниқлаш, невроз ва психопатиялар

диагностикасида, шунингдек, эпилепсия (тутқаноқлик) касаллигини тадқиқ қилишда фойдаланилган. Шунингдек, 1935-1939 йилларда кўпгина проектив тестлар яратилиб психотерапияда кенг қўлланилган. Бунда турли хил касалликлар ва трамваларнинг шахс психикасига таьсири, касаллик ва соғломлик ўртасидаги аломатлар ўрганилган. Шулар қаторида 1935-йилларда журналларда чоп этилган тематик апперцепция тести (ТАТ)ни киритиш мумкин. Бу тест келиб чиқишига кўра фантазияни экспериментал ўрганиш методикаси сифатида юзага келди. Унинг муаллифи Г.Мюррей ҳисобланиб, Роршах тести сингари келиб чиқиш тарихи мавжуD. Бунда шундай масала юзага келдики, педагог ва психиатрларга текширувчилар учун махсус танлаб олинган сюжетли расмлар асосида тузилган ҳикояга қараб, инсоннинг қизиқишлари, майллари ҳақида хулоса чиқариш мумкинлиги олдиндан маьлум бўлиб, баьзида эса психиканинг касаллик ҳолатини ҳам аниқлаш имкони мавжуд эди. Бир қарашда ТАТ фикри Роршах ғоясига қараганда анча содда ва аниқ кўринар, бироқ, бунда муаллиф қаҳрамонлари тақдири ва расмлари тўғрида-тўғри акс этади-ю, баьзилари карама –карши маьно акс этиши, муаммо туғдиради. Ўтган асрнинг буюк эртакшунослари ёзган эртаклари мазмуни ҳам проектив характерли ҳисобланган. Бу эса болаларнинг турли хил психологик хусусият ва ҳолатларини ўрганишда қўл келган. Францияда Ш.Перро, Германияда ака-ука Гримлар жуда кўп проектив характерли эртаклар яратган. Бунга мисол қилиб «Кизил шапкача», «Ухлаб ётган паризод», «Доно киз», «Бўри билан эчки», «Қор маликаси», каби эртакларни келтириш мумкин. Айнан, ушбу эртаклар ҳам проектив тестларнинг келиб чикишига сабаб бўлган, деган маьлумотлар мавжуD. Бундан фарқли равишда проектив тестлар масаласи ва проекция тушунчаси психологиянинг бир қанча соҳаларида баҳсбоб бўлган. Шу жумладан, экспериментал психология, аналитик психология, холистетик психологияда кенг тадқиқ қилинган. Аналитик психологияда айнан эртакли проектив тестлар орқали болаларнинг онгсизлик ҳолатларини тадкик этиш кенг йўлга қўйилган. Бугунги кунда бу эртакли терапия номи билан ғарбда машҳур

саналади. Умуман олганда проектив тестлар масаласи баҳсбоб масалага айланиб, у олимлар ўртасида турлича фикрлар ва қарашларни келтириб чиқарди. З.Фрейд фикрига кўра, проектив тестлар мазмунан онгсизликни ифодалайди шу билан бирга инстинктив характер касб этади. Холистетик психология вакиллари проекция масаласига бошқача назар билан қараб, у инсоннинг субьектив ёки ички дунёси билан боғлиқлигини таькидлайди. Бу эса инсондаги структурали яширин мақсадлар борлигини ифодалайди. Айнан шу ҳолат барча кишиларда «шахсий дунё» деб аталади. Буларга карши равишда экспериментал психология вакиллари проекция ва проектив тестлар масасаласига ўзгача қараган. Бунга кўра проекция тушунчаси назорат ва билиш усули, идрокли жараён билан характерланади: атрибутив проекция, классик проекция, артистик проекция, рационал «аклий» проекция, муносабатли проекция ва симилятив проекция. Атрибутив ва классик проекциялар инсон характерида ўзини англаш билан вужудга келиб, ундан бошлаб қарама-қарши орттирилиши таькидланади . Артистик проекциялар идрокнинг детерменантлиги ва актуал эҳтиёжлар пайдо бўлиши ва қондирилиши билан боғлиқлиги кўрсатилади. Бу фалсафий оқим бўлган Аутизм қарашларини ҳам ўз ичига олади. Рационал проекциялар эса инсон характери, хулқ -атвори ва ақл-заковатини мазмунини белгилайди. Ва бу D.Холмснинг проекция тушунчаси классификациясига берган таҳлилида кенг ўрин олган . Проектив психологиянинг келиб чикишига В.Вунд, Ф.Гальтонларнинг тадқиқотлари ҳам катта аҳамият касб этади. Улар Вюрцбург психологиясида дастлабки экспериментал тадқиқотни ўтказганлар. Тадқиқот «Ассоциатив сўзлар» методикаси деб олиб борилган. Бунда шахслардаги характер хусусиятлари ўрганилди. Лекин, кўплаб олимлар фикрича, дастлаб проектив тестларни К.Г.Юнг ишлатганлиги таькидланади. Юнг эркин ассоциациялар тести орқали барча проектив тестлар характерини очиб берди.Яьни бу шахсни диагностика қилишни комплекс усули, деб ҳам тан олинди. 1910йилларда тадқиқотчилар Г.Кент, К.Г.Юнг, А.Розановалар АҚШда

шахсларни фавкулодда ҳолатларда ўрганадиган стимулли тестлар яратишга киришди. Бунда юз кишидан натижалар олиниб, улардаги индивидуаллик хусусияти ўрганилди. Бу методика гарчи клиник характерли бўлсада ,кейинчалик бошқа олимларнинг ҳам назарини торта бошлади. 1946- йилда Рапопорт К.Г.Юнг тадқиқотларидан келиб чикиб 60 та стимулли сўзлардан иборат методикани яратди. Методика асосида психоаналитик назария ётиб, шахслардаги ичк низоларни, фаолиятдаги ментал бузилишларни ўрганади. Баъзи олимлар эса З.Фрейд нинг 1909-йилда босилиб чиққан монографияси «психоанализ асослари»да проектив тестларнинг дастлабки назарий асослари ётишини таькидлайдилар .19 аср охирида ва 20 асрнинг 30-40-йилларида проектив тестлар ва уларнинг турли йўналишдаги мактаблари пайдо бўлди 1921-йилда Г.Роршах амалга оширган иш проектив методикаларни эмпирик тадқиқ қилишнинг янги талқини, деб ном олди. Бундан ташқари проектив тестлар ривожи 1920-йиллардан сўнг жадал ўсиб борди. 1939-йилга келиб Френк фанга ҳақиқий проектив методика тушунчасини киритди. Шундан кейин проектив методикалар турли хил вазиятларда ва соҳаларда кенг қўлланила бошлади. Масалан, тадқиқотчи Г.Мюррей, Юнг ва Роршах ишларидан келиб чиқиб вояга етмаган жиноятчиларнинг сирларини очишда қўл келадиган проектив тест, яьни ТАТ(тематик апперцепция) ни суд- психологик экспертезасида кенг қўллаган. Бу метод Гарвард психологик клиникасида ҳам кенг йўлга қўйилган. Бунда синалувчиларнинг ошкор этишни хоҳламайдиган ёки яшириб келаётган хотиралари, ғоялари, кечинмалари очиб берилган. Хорижий психологияда кенг қўлланилган проектив методика бу Люшернинг «Ранг тести» бўлиб, у шахслардаги конфликт, агрессивлик, шахслараро муносабатдаги келишмовчиликлар, шу билан бирга инсонларнинг рангларга муносабатини аниқлашга кенг имкон берган. Бундан ташқари ушбу тест соғломлик ва касаллик ўртасидаги тафовутларни аниқлашда ҳам қулай методика ҳисобланган. Люшер фикрича, инсон проекцияларини ранглар билан ҳам ёркин билиш мумкин. Чунки ҳар бир

киши ўзи ёқтирган ва ёқтирмаган ранглари билан ўз хусусиятини белгилайди, деб таькидлади. Кейинчалик проектив тестларнинг новербал вариантлари кенг тарқала бошлади. Шулар жумласида геомитрик фигуралар тести, уз рамини чизиш, манзаралар курсатмаси, орқали инсонларнинг хиссий олами, ижодий қобилиятлари ҳақида маьлумот олинган. Тест талабига кўра, обьектив мазмун касб этган. Чунки берилган йўриқномалар бу ҳолатни таьминлашга хизмат килган. Бугунги кунга келиб проектив тестларларнинг янги модификациялари психолог олимлар томонидан кўплаб яратилмоқда .

Адабиётлар : 1. Каримов И.А. Юксак маънавият – енгилмас куч. Т., Маънавият. 2008. 2. Абдулла Шер. Ахлоқшунослик. /Ўқув қўлланма. Т., Янги аср авлоди. 2004. 3. Загритдинова Ф. Б. В помощ изучающим этику. Т., II-ТашМИ. 2004. 4. Имомназаров М. Миллий маънавиятимиз асослари. Т. Ислом 5. Университети. 2001. 6. Гусейнов А.А., Апресян Р.Г. Этика /Учебник. Москва. Гардарики. 2004. 7. Маънавият асосий тушунчалар изоҳли луғати. Т.: Ғ.Ғулом номидаги нашриёт – матбаа ижодий уйи. 2009 йил

O'xshashlar

Проектив методиикаларнинг классификацияси

Аклий фаолиятни урганиш учун методикалар

Шахсни баҳолаш методикалари

Шахслараро муносабат психодиагностикаси

Психодиагностиканинг тарихий тараққиёти