Maktabgacha ta`limni axborotlashtirish fanining predmeti, maqsadi va vazifasi - Pedagogika - Referatlar

Maktabgacha ta`limni axborotlashtirish fanining predmeti, maqsadi va vazifasi

Yuklangan vaqt:

20.09.2019

Ko'chirishlar soni:

0

Hajmi:

37.5 KB

Ko'chirib olish

www.arxiv.uz Reja: 1. Maktabgacha ta`limni axborotlashtirish fanining predmeti, maqsadi va nazariy asoslari. 2. Texnologiya tushunchasining mohiyati va mazmuni

www.arxiv.uz Maktabgacha ta`limni axborotlashtirish fanining predmeti, maqsadi va nazariy asoslari . Fanning maqsadi - maktabgacha ta`lim jarayonini axborotlashtirishning nazariy va amaliy asoslarini haqida ma`lumot berish. Fanning vazifasi - zamonaviy axborot texnologiyalari, kommunikasiya va axborotda zamonaviy metodlardan foydalanish, maktabgacha yoshdagi bolalar foydalanadigan axborot turlari va mazmuni, maktabgacha yoshdagi bolalarning kompyuter savodxonligi va unga qo`yiladigan talablar, maktabgacha ta`lim mazmunini axborotlashtirishda bolalarning yoshi va bilim darajasini hisobga olish kabi masalalarga oid nazariy bilim, amaliy ko`nikma va malakalarni shakllantirishdan iborat. Axborot texnologiyalari – axborotni yig`ish, saqlash, uzatish, o`zgartirish, qayta ishlash usul va vosialari yig`indisidan iborat. O`qitishning yangi axborot texnologiyasi deganda, faqat o`quv-tarbiya jarayonida qo`llanishi mumkin bo`lgan eng yangi axborot texnologiyalari tushuniladi. Axborot texnologiyasi tushunchasiga bir qator olimlar turlicha ta`rif berganlar: Axborot texnologiyasi – axborot hosil qiluvchi mehnat usullari, hisoblash texnikasi hamda boshqa texnikalar majmuasi, ularni nomashinaviy jarayonlar bilan birlashtirish va qo`shib olib borish majmuidir ( Шофар Н.Д. Сущность и основные формы информационных технологий // Экономика и организация информационных технологий.-Свердловск, 1988, 129-132-стр.). Yangi axborot texnologiyalari – turli toifali foydalanuvchilar tomonidan EHM asosida axborot olish va qayta ishlash bo`yicha xizmatlar bilan ta`minlashdan iborat (Анри Ф. Заочное обучение и коммуникация с помощью ЭВМ// Перспективы. Вопросы образования.- 1989, №1, 92-97-стр.).

www.arxiv.uz Axborot texnologiyalari – ijtimoiy hayotning barcha sohalari uchun axborot yaratish, to`plash, uzatish, saqlash va qayta ishlash, hisoblash texnikasi hamda aloqa tizimlaridan foydalanishdir (Попел Г., Голдстайн Б. Информационная технология: миллионные прибыли.- М.,1990). Turli-tuman axborotlardan jamiyatda foydalanish ko`lamining kengayishi munosabati bilan “Informatika” fanidan “Axborot texnologiyalari” fani ajralib chiqdi. Ta`lim muassasasida axborot texnologiyasi deganda, o`qituvchi (pedagog) – kompyuter – talaba ( o`quvchi, bola) tizimini tushunish mumkin. Axborot texnologiyalarining vositalari qatoriga: kompyuter, skaner, videoko`z, videokamera, LCD proektori, faks-modem, telefon, elektron pochta, multimedia vositalari, Internet va Internet tarmoqlari, axborot tizimlari, ma`lumotlar omborini boshqarish tizimlari, sun`iy yo`ldosh aloqa tizimi, sun`iy aql tizimi va usullariga esa innovasion texnologiyalar, turli o`qitish metodlari (an`anaviy, noan`anaviy), Internet va Intranet (lokal va global) tarmoqlaridan foydalanish usullari, telekommunikasiya, masofali o`qitish, teleanjuman, videoanjuman, chat, forumlar o`tkazishni kiritish mumkin. Siz biror do`stingizga aloqa bo`limi (yozma) yoki telefon (og`zaki) yoxud telekommunikasiya vositalari orqali qandaydir xabar berishingizni axborot texnologiyalariga misol sifatida keltirish mumkin. Texnologiya tushunchasining mohiyati va mazmuni Har bir axborot foydalanuvchisi bilishi va aniq tasavvurga ega bo`lishi lozim bo`lgan bir qator so`zlar mohiyati ustida to`xtalish maqsadga muvofiqdir. Shulardan eng muhimi – texnologiyadir. “ TEXNOLOGIYA ” yunoncha so`z bo`lib, “ techne” – “mahorat”, “san`at” va “logos” – “so`z”, “ta`limot ” demakdir. Texnologiya so`zi zamirida jarayonlarni amalga oshirish usul va vositalari haqidagi bilimlar yig`indisi, shuningdek, ob`ektda sodir bo`ladigan sifatiy o`zgarishlar tushuniladi. «Texnologiya» materiallar yoki yarim fabrikatlarni olish, ishlov berish va qayta ishlash usullarini ishlab chiquvchi va takomillashtiruvchi ilmiy fandir.

www.arxiv.uz «Texnologiya» fani ham qadimgi Yunonistonda paydo bo`ldi va u ikkita so`z - «texne» - san`at va «logos» - o`rganish - dan iborat. Ushbu davrda, bu hunarmandning predmetni tayyorlash san`atiga, ustozi rahbarligi ostida (mashqlar tufayli) o`zining tirishqoqligi va tabiiy iqtidori orqali erishishini anglatar edi. Hunar o`rganish individual tarzda amalga oshirilar edi. «Texnologiya»ning fan sifatida vujudga kelishida, sanoat ishlab chiqarishini paydo bo`lishi metallurgiya, mashinasozlik, jumladan sanoat jihozlari, paroxod, parovoz, o`q otuvchi qurollarni ishlab chiqarish jadal rivojlana boshlanishi, sabab bo`ldi. Bunday murakkab va mehnattalab mashina va jihozlarni ishlab chiqarishni, faqat texnologik jarayoni aniq ishlab chiqilgan texnologik hujjatlar asosida tashkil etish mumkin edi. Ushbu hujjatlarda - xom ashyo, materiallar, yarim fabrikat va mahsulotlarni olish, ishlov berish, qayta ishlash yo`llari va usullarining murakkab jarayonlarini o`zaro bog`liq, ketma-ket va aniq bajariladigan harakat, operasiyalarga bo`lib, rejalashtirilgan natijaga erishish tasvir etiladi. O`qituvchilar o`z ish faoliyatlarini tartibga solish, bir tizimga keltirish, ilgaridan loyihalashtirilgan ta`lim jarayonini bosqichma-bosqich amaliyotga joriy etish kabi texnologik jarayonlarni amalga oshiradilar. “Ta`lim texnologiyasi ” tushunchasi “ Ta`lim metodikasi ” tushunchasiga nisbatan kengdir. “Ta`lim uslubi ” – o`quv jarayoni vazifalarini hal qilishga yo`naltirilgan o`qituvchi va o`quvchilarning birgalikda faoliyat ko`rsatish usulidir. “Ta`lim uslubiyoti ” esa, muayyan o`quv predmetini o`qitishning ilmiy asoslangan uslub, qoida va usullar tizimini ifodalaydi. “Ta`lim texnologiyasi ” – ta`lim maqsadiga erishish instrumentariysi, ya`ni ilgaridan loyihalashtirilgan ta`lim jarayonini yaxlit tizim asosida bosqichma- bosqich amaliyotga joriy etish va shu maqsadga erishishning uslub, usul va vositalar tizimi, ta`lim jarayonini boshqarishdan iborat.

www.arxiv.uz “Pedagogik texnologiya ”ning mohiyati – didaktik maqsad, talab etilgan o`zlashtirish darajasiga erishish va uni tatbiq etishni hisobga olgan holda ta`lim jarayonini ilgaridan loyihalashtirishda namoyon bo`ladi. O`qituvchining faol tarzda faoliyat ko`rsatishiga yo`naltirilgan, darsning uslubiy ishlanmasidan farqli o`laroq, ta`limning pedagogik texnologiyasi ta`lim oluvchilarga yo`naltirilgan bo`lib, ularning shaxsiy hamda o`qituvchi bilan birgalikdagi faoliyatini hisobga olgan holda o`quv materiallarini o`zlashtirishiga qaratiladi. Pedagogik texnologiyaning markaziy muammosi – o`quvchi shaxsini rivojlantirish orqali ta`lim maqsadiga erishishni ta`minlashdan iborat. Pedagogik texnologiyaning tamoyillari : - kafolatlangan yakuniy natija, ta`limning mahsuldorligi, to`g`ri va teskari aloqaning mavjudligi; - ta`lim maqsadining aniq shakllanganligidan iborat. Texnologiya kishilar tomonidan qandaydir vazifalarni bajarishda turli xil usullar ko`rinishini ifodalaydi.

O'xshashlar

Pedagogik texnologiyalar fanining predmeti, maqsadi va vazifalari

Maxsus fanlarni o’qitish metodikasi fanining mazmuni, predmeti va maqsadi

Oila pedagogikasining predmeti, maqsadi va vazifalari

Maktabda fizika ta`limining maqsad va vazifasi

Husnixat metodikasi fanining maqsadi va vazifalari