Кутубхоначилик тарихи ва унинг хозирги даврдаги турлари - Pedagogika - Referatlar

Кутубхоначилик тарихи ва унинг хозирги даврдаги турлари

Yuklangan vaqt:

20.09.2019

Ko'chirishlar soni:

0

Hajmi:

176 KB

Ko'chirib olish

www.arxiv.uz Режа: 1. Антик давр кутубхоналари. 2. Урта асрларда Шарк кутубхоналари. 3. XX асрда Узбекистонда кутубхоналар тармогининг ривожланиши. 4. Хозирги даврда кутубхоналарнинг турлари.

www.arxiv.uz « Инсоният тарихидаги дастлабки китоблар ва кутубхоналар качон , кандай ижтимоий - маданий шароитларда вужудга келган ?», деган савол купчилик педагог ходимларни , жумладан кутубхоначиларни кизиктирмасдан колмаса керак . Бирок бу саволга муфассал жавоб кайтариш осон эмас, чунки маълумотлар турли манбаларда турлича талкин килинади ва уз-узидан уларни солиштириш, аникликлар киритиш, тулдириш зарурати тугилади. Узбекча комусни вараклаймиз. Унинг 6-жилдида (191-бет) айтиладики, «Кутубхона ёзма ёдгорликлар сакланадиган жой сифатида кадим замонларда пайдо булган. Мил.ав. VII аср урталарида Шаркдаги куп мамлакатлар подшохлари саройларида сапол ва пергаментдан иборат хужжатлар тупламлари сакланган». «Тонг юлдузи» газетасида босилган «Кутубхона - нурхона» сарлавхали хабарнома (1999 йил 20 апрел) бу маълумотни кисман тулдиради. «Ура шахридаги (Абраам патриархлар шахри) казилма ишларини олиб борган кишилар, - дейилади хабарномада, - ёзувлар туширилган тахтачалар топиб олишди. Бу ёзувлар эрамиздан аввалги 800 - йилларга тугри келиб, биринчи кутубхоналарга карашли экан». Шундан сунг хабарномада милоддан олдинги 600-йиллардаёк Месопотамия (хозирги Ирок) саройларида яхши ташкил этилган кутубхоналар булганлиги, мисрликлар, юнонлар ва римликлар хам ушандан куп утмай уз ёзма ёдгорликларини саклашга киришганликлари баён килинади. Узбекча комусда бу масала куйидагича изохланган: «Кадимги Миср ибодатхоналарида рухонийларга хизмат килган кутубхоналар булган. Юнонистонда биринчи йирик кутубхонани Аристотел ташкил этган (мил. ав. 4-аср). Кадимги даврдаги кутубхоналардан энг машхури Александрия (Искандария) кутубхонасидир». Энди нашр этилганига 2004 йилда бир аср туладиган «Большая энциклопедия»нинг 3-жилдига разм соламиз. Унда таъкидланишича, кадимги мисрликлар китобларнинг анча йирик жамгармаларига эга эдилар, улардан энг кухналари Христос таваллудигача булган Х I Х асрга мансубдир. Ассирия ва Вавилон шахарлари харобаларидан топилган баъзи ёдгорликлар хам

www.arxiv.uz кутубхоналарнинг колдиклари хисобланади. Юнон салтанати кулаганидан кейин эллин маданияти кушни мамлакатларда - Осиё, Миср, Италияда ривожланди, бу ерларда кутубхоналар ташкил топишига олиб келдики, булардан энг номдорлари Птоломий асос солган Александрия кутубхонаси ва Пергамедаги кутубхонадир. Хакикатан хам бизгача сакланиб колган шундай кутубхоналар, ёзувлар ва китоблар булмаганида инсоният уз утмишини хам, билим, донолик ва хикматларни хам билолмаган, илм-фанни тараккий эттира олмаган буларди. Юртдошимиз Юсуф Хос Хожиб «Кутадгу билиг» асарида (1066 йил) ёзиб куйганидек: Битиб куймасайди дона калами, Коронги коларди мозий олами. Она тилимиздаги комусда тарихий манбаларнинг гувохликларига таяниб ёзиладики, «Урта Осиёнинг куп давлатларида, хусусан Сугдиёна, Хоразмда III асрлардаёк анчагина бой кутубхоналар булган». Шу ерга келганда укишни тухтатишимизга тугри келади. Негаки, Марказий Осиёдаги энг кадимги халкларнинг ёзувлари милоддан аввалги V , IV асрларда шакллана бошлагани, аждодларимиз бу даврда хоразмий, сугдий, бохтар тилларида ёдгорликлар битганликлари мисол сифатида келтирилмаяпти. Лоакал яратилиш урни Амударё буйидаги вилоятлар, Балх билан Хоразм оралиги, санаси бугунги кунларимиздан 3 минг йил олдин, деб тан олинган «Авесто»нинг такдири инобатга олинмаётир. Манбаларда «Авесто» дастлаб 21 та китобдан иборат булганлиги, 12 мингта хукиз териси ёки 12 мингта тахтага олтин харфлар билан битилганлиги кайд этилади. (Каранг: Саъдуллаев А. Кадимги Узбекистон илк ёзма манбаларда - Т., «Укитувчи», 1996, 12-бет; Сулаймонова Х. Шарк ва Гарб. - Т., «Узбекистон», 1997, 212-бет). Академик Б. Ахмедов уша вактларда «Авесто»нинг уч нусхаси мавжуд булгани, бири Искандар Зулкарнайннинг (Александр Македонскийнинг) амр - фармони билан ёкиб юборилгани, иккинчиси Юнонистонга олиб кетилгани, учинчиси ута эътикодли

www.arxiv.uz оташпарастлар кулида сакланиб колганини маълум килади. («Узбекистон тарихи манбалари». - Т., «Укитувчи», 2001, 30-бет). Шубхасизки, булар Каёний хукмдорлардан Гуштосп (Виштосп) саройидаги кутубхонада сакланган. Бундан ташкари, «Авесто»да табиат, нужум, жугрофия, дехкончилик, табобат, тарих каби илмларга оид кисмларнинг мавжудлигидан хулоса чикариб айта оламизки, оташпарастлар (зардуштийлар)нинг ихтиёрларида шу фанларга оид ёзувлар хам булган. Тугри, кадимги ёзувларимизга асосланган илк манбалар «Авесто» сингари (унинг ягона нусхаси Данияда, Копенгаген кутубхонасида сакланмокда) табиий офатлар, айникса боскинчилик урушлари окибатида бизгача камдан-кам етиб келган. Улардан араблар истилоси ( VII - IX асрлар) даври маънавий-маданий йукотишларини 150 дан ортик асар муаллифи Абу Райхон Беруний шундай ёзиб колдирган: «Кутайба Хоразм хатини яхши билган, уларнинг хабар ва ривоятларини урганган кишиларни халок этиб, буткул йук килиб юборган эди» («Танланган асарлар». I -том. Т., 1986, 79- бет.) Марв, Бухоро ва Самарканд кутубхоналарида сакланган жуда куп ноёб асарларнинг такдири хам шундай хал булди. Хуллас, Марказий Осиёда ёзув ва китобат иши араблар боскинидан анча олдин хам ривожланган эди, дейиш имкони бор. Бунга китобат ишининг асосий хомашёси булган когознинг юртимизга юнонлар, араблар, италянлардан олдинрок кириб келганлиги хам далолат беради. Халкаро «Курьер» журналининг (ЮНЕСКО нашри) кутубхона ва архив ишига багишланган махсус сонида (1985 йил, март) эрамиздан олдинги 98-йилда Хитойнинг Ганьсу улкасига тегишли йилномада илк бор когоз кашф этилганлиги хабар килинади. Хитойдан бу кашфиёт Япония ва Кореяга кириб келди. Арабларга эса факат 650 йилдан сунг уша кезда савдо маркази булган Самарканд оркали бориб етди (34-бет). IX - X асрларда (Сомонийлар хукмронлиги даврида) Марказий Осиёнинг деярли хамма кисмларида илм-фан ва маданият ривож топди. Бу давр Рудакий, Дакикий, Фирдавсий сингари улкан шоирларни, Форобий, Беруний,

www.arxiv.uz Ибн Синодек забардаст олимларни етиштириб берганлигидан ташкари, укимишли хукмдорлар томонидан бой кутубхоналар барпо этилгани жихатидан хам характерлидир. Бухоро амири Нух ибн Мансурнинг саройидаги кутубхона айникса машхур эди. Абу Али ибн Сино мазкур илм- маърифат даргохига шундай таъриф беради: «Мен шундай китобларни курдимки, купчилик кишилар хатто уларнинг сарлавхасини хам эшитмаган. Уша пайтгача хам, ушандан кейин хам хеч качон мен бунчалик куп китобни курмагандим. Бу китобларни укиб чикиб, зур манфаат топдим». Булар уз навбатида баъзи нохолис муаллифларнинг «Шарк, чунончи Марказий Осиё кутубхоналари жамгармаси асосан диний адабиётлардан иборат эди», кабилидаги фикрлари асосли эмаслигини курсатади. Кутубхоначилик тарихнависи О.Косимова уринли уктирганидек, айни дунёвий адабиётларнинг кутубхоналар, китоб бозорлари (расталари)да мул- кул булиши илмий билимларнинг ёйилишига имкон берди». «Масалан, - деб ёзади академик М.Хайруллаев, - Х аср муаллифи Абул Вафо ал-Бузжоний узининг «Геометрик коидаларнинг хунармандларга керакли томонлари хакида китоб» асарида турли геометрик усуллар ёрдамида хар хил накшлар, бино безаклари ясаш йуллари, курувчи усталарнинг тажрибалари, бадиий усуллари хакида хикоя килади». («Урта Осиёда илк Уйгониш даври маданияти».-Т., «Фан», 1994, 29-бет). О.Косимова алохида таъкидлайдики, сомонийлар даврида «Илгари саройлар ва мадрасаларда сакланиб келган кулёзмалар энди аста-секин кутубхоналарда туплана бошланди. Айни вактда кулёзмаларни хилларга ажратиш усуллари ишлаб чикилади, бу иш I Х-Х асрларга келиб анча юкори даражага кутарилади». (Узбекистонда кутубхоначилик тарихи. - Т., «Укитувчи», 1992, 6-бет). Бу фикрида олима ибн Синонинг гувохлигига суянади. Ул зот ибн Мансурнинг кутубхонасига тавсиф бериб ёзган эди: «хар бир хонада китоблар солинган сандиклар турарди: бир хонада арабча ва шеърий китоблар, бошкасида фикхга оид китоблар, яна бир хонада хар фанга оид китоблар бор эди».

www.arxiv.uz Бундан англашиладики, Шарк, жумладан Марказий Осиё кутубхоналарида уша даврдаёк китоблар ёхуд кулёзмалар тили, мавзуи ва жанр хусусиятларига кура тизимли тарзда жойлаштирилган. Муаллифлар иктидоридан ташкари, замонасининг зиёлиси, маърифатпарвари ва маданият таркатувчиси даражасида турувчи куплаб хаттотлар (нусха кучирувчилар, мирзолар), юксак махоратли мусаввирлар, захматкаш муковасозлар мехнатининг махсули сифатида майдонга келган китоблар ахоли томонидан эъзозланган, кадр-киммати баланд тутилган. Газнавийлар даврида факат Марвда унта йирик кутубхона фаолият курсатган булса, улардан Азизия мадрасаси хузуридаги маърифатхонада 12 минг жилдга якин китоб сакланган. Думария мадрасаси номи билан машхур булган хонакохдаги кутубхонада биргина Берунийнинг 30 дан ортик илмий рисоласи урин олган. (Косимова О. Узбекистонда кутубхоначилик тарихи.- Т., «Укитувчи», 1991, 7-бет.) Турон заминдаги кутубхоначиликнинг утмиши хакида фикр юритар эканмиз, мугул истилосининг вахшиёна окибатлари хусусида тухталмаслик мумкин эмас. Бу даврда (Х-Х IV асрлар) она диёримизда фан ва маданиятнинг бошка йуналишлари катори кутубхоначилик хам инкирозга юз тутди. Факат сохибкирон Амир Темур Мовароуннахрни улар исканжасидан озод килиши натижасида 27 мамлакатдан олимлар, шоирлар, мусаввирлар, меъморлар пойтахт Самаркандга кела бошлашди. Тайинки, карвонларда бундай инсонларнинг туя-туя моддий мулклари эмас, балки коп-коп китоблари, яъни маънавий бойликлари буларди. Бундан ташкари, Али Яздий маълумот берганидек, Темур бош девонидаги (дастлаб Шахрисабз, кейинрок Самарканд) шохона кутубхонага кадами етган жойлардан китоблар ва кулёзмалар жунатиб турган. Унинг фаолиятини Багдод, Урганч ва Газнадаги «Байтул хикма»ларнинг кутубхоналарига киёслаш мумкин. Тадкикотчи Д.Юсупова ёзадики, бу «кутубхона ишлари билан махсус кишилар шугулланганлар. Улар китобларнинг тайёрланишини йулга солиб борганлар, ажратилган маблагларни тасарруф этганлар, кутубхонани доимий суратда

www.arxiv.uz тулдириб туриш учун янги китоблар излаш билан шугулланганлар». (Амир Темур ва унинг жахон тарихида тутган урни. Халкаро конференция тезислари. - Т., «Узбекистон», 1996, 6-9-бет). «Китоб - барча бунёдкорлик, яратувчилик ва акл-идрокнинг, илму донишнинг асосидир, хаётни ургатувчи мураббийдир», дея угит берган хукмдор бошкача йул тутиши мумкин эмасди, албатта. Дарвоке, ислом оламида энг муътабар кулёзма - «Куръон»нинг мусхаф нусхаси (яъни сахифаларининг муковаланган шакли) Самаркандга келиб колишининг сабабчиси хам Амир Темурдир. Мусхаф замонлар утган сари ута нодир тарихий ёдгорликка айланишининг боиси эса куйидагича: уни учинчи халифа Усмон бин Аффон уз хукмронлигининг иккинчи йилидаёк (25 хижрий, 646 милодий) кучиртирган ва у янгидан-янги нусхалар учун андоза (эталон) булиб хизмат килган. Халифа Усмон 35-хижрий йилда давлатдаги ички низолар ва исёнчиларнинг фитнаси окибатида уз уйига махбус килиниб, мазкур нусхани укиб утирган чогида мухолифлар томонидан катл этилади. Шахид кони очик колган мусхаф узра «Бакара» сурасининг 137-ояти устига тукилади, сал утмай бир неча варак кон изларига беланиб колади. Аввал Мадинада, кейин халифаликнинг Басрадаги кутубхонасида сакланган мусхафи Усмонни сохибкирон хижоздан Самаркандга уз кутубхонасининг мукаддас бойлиги сифатида жунатади. Дастлаб «Кук гумбаз» жомеъсида, кейин Хожа Ахрори Вали масжидида асраб келинган «Куръон»и каримнинг мазкур нусхаси 100 йилдан ортик Санкт-Петербургда император кутубхонасининг «мулки» булиб турди ва истиклолимиз арафасида Тошкентга кайтарилди, хозирги кунда Имом ал-Бухорий ёдгорлик мажмуасида аввайлаб асралмокда. (Яхшиликов Ж., Ахадов Ш. Темурийлар маънавияти.-Т., «Фан», 1999, 18-бет). Сохибкироннинг тарихга «Темурийлар» номи (1370-1507 йилларда Мовароуннахр ва Хуросонда хукмронлик килган сулола) билан кирган авлодлари хам мамлакатда илм-фан, маданият, жумладан кутубхона ишини тараккий эттиришга катта хисса кушганликларини алохида таъкидламок

www.arxiv.uz лозим. Масалан, угли Шохрух Мирзо уз хукмронлиги даврида Хиротда Шарк мамлакатларидаги энг йирик кутубхоналардан бирини ташкил этганлиги хусусида маълумотлар бор. «...унда, - дейди тарих фанлари доктори О.Косимова, - 40 нафар машхур рассом, хаттот ва муковасоз усталар ишлашарди. Мазкур кутубхона XV асрнинг иккинчи ярмида, яъни бу ерда Мовароуннахр билан Эроннинг барча жойларидан келган илм-фан ва санъат арбоблари тупланган даврда муваффакиятли иш олиб борди. Узига хос илмий муассаса булиб колган бу ажойиб сарой кутубхонасида китоблар хаттотлар томонидан кайта кучирилар ва нафис расмлар билан безатилар эди». (Узбекистонда кутубхоначилик тарихи. - Т., «Укитувчи», 1991, 9-бет). Мовароуннахрни 40 йилдан ортик бошкарган, бу даврда Самаркандни дунёга донги кетган илм-фан, маданият ва маърифат марказига айлантирган темурийлардан бири Мухаммад Тарагай Улугбекдир. У бобоси Амир Темур, отаси Шохрух Мирзо каби илм-фан, санъат ва хунар ахилларига хомийлик килибгина колмасдан, шахсан узи хам илм ва таълим ишлари билан фаол шугулланди. Салтанатда аввал катор мадрасалар, сунгра жахонда тенги йук расадхона курдириб, уларда уз даврининг таникли олимлари Мавлоно Ахмад, Козизода Румий, Гиёсиддин Жамшид, Мухаммад Хавофий, Али Кушчи, Мансур Коший, Мирим Чалабий, Мухаммад Самаркандий сингарилар (жами 100 кишидан ошик) иштирокида юкори савияли тадкикот ишларини олиб борди. Улар расадхонада ташкил этилиб, жамгармасига 25 минг жилд атрофидаги китоб тупланган кутубхонадан самарали фойдаланишарди. Улугбек бошчилигидаги олимлар ушбу китоблар каторига узларининг 50 дан зиёд нодир асарларини кушдилар. Бу асарлар нафакат фалакиёт ва риёзиёт, балки хандаса, хисоб, тарих, адабиёт, тилшунослик, мусика, табобат, меъморчилик хамда мухандислик сохаларини хам камраб олган эди. Шайбонийлар даврида (1500-1601 йиллар) Амир Темур давлати вайроналари урнида тикланган Марказий Осиёда маданий хаёт кайта жонланди. О.Косимова ёзганидек, бу кезларда куплаб тарихий асарлар узбек

www.arxiv.uz тилига таржима килинди, янги кутубхоналар ташкил этилди, борлари эса кенгайтирилди. Бухорода Абдулазизхон кутубхонаси вужудга келтирилди. Таникли хаттотлардан Мир Али Харавий ва Ахмад Хусайний мазкур кутубхонада фаолият курсатишди. Шунингдек, Абдуллахоннинг кутубхонаси хам китоб шинавандалари орасида машхур эди. Хива ва Кукон хонликларида ( XV 111- X 1 X асрлар) хам нодир кулёзмалар сакланувчи бой кутубхоналар булган. Чунончи, Хива хони Мухаммад Рахим II катта кутубхона барпо этган булиб, унда араб ва форс тилларида битилган анчагина асарлар мавжуд эди. Кутубхоналар бу хил китобларни 1723 йили Астраханда, сунгра Санкт-Петербург, Москва, Козон, Крим ва Кавказ каби жойларда араб ёзувидаги мусулмон босмахоналаридан ола бошлаганди. Туркистонда эса дастлабки босмахона (литография, тошбосма) 1872 йили генерал-губернаторлик девонхонасида ташкил топди. С.И.Лахтиннинг биринчи хусусий босмахонаси эса 1877 йили Тошкентда вужудга келди. Сунгра О.А.Порцев, И.И.Гейер, П.Д.Немжинов, М.В.Канцельсон, Э.П.Эдельман, Ш.Граевский кабиларнинг босмахоналари очилди. Шу билан бирга Х I Х аср охирларида Бухорода 75, Хивада 47, Фаргонада 38, Тошкентда 25, Самаркандда 22 нафар машхур хаттот утмишдошлари ва замондошлари яратган илмий-бадиий дурдоналарни авлодларга етказиш максадида захмат чекишарди. (Каранг: Каттабоев А. Узбекистон китоб нашри тарихига доир. «Узбекистонда ижтимоий фанлар», 1996, 4-сон, 46-48-бетлар). Шуниси эътиборлики, жахонда энг йирик кутубхоналарнинг купчилигига хам XVIII - XIX асрларда асос солинган. Чунончи, Британия музейи кутубхонаси 1753 йилда, Санкт-Петербургдаги М.Е.Салтиков- Шедрин номли давлат оммавий кутубхонаси 1795 йилда, Вашингтондаги конгресс кутубхонаси 1850 йилда ташкил топган. 1800 йилда Лондондаги энг бой кутубхонани давлат тасарруфига олиш хакидаги карорни Англия парламенти тасдиклаган.

www.arxiv.uz Х I Х асрнинг иккинчи ярмида Марказий Осиё чор Россияси томонидан тулик ишгол килиниши натижасида улкада уша давр нуктаи назаридаги бирмунча замонавий кутубхоналар пайдо булди. Улардан дастлабкиси Туркистон халк кутубхонаси (1868) булиб, асосан русийзабон кишилар эхтиёжини кондирарди. 1871 йил сентябрдаги маълумотларга караганда, кутубхона жами 75 нафар китобхонга хизмат курсатиб турган. Улардан 45 нафари зобит, 19 нафари махкама амалдори, 5 нафари савдогар, 2 нафари харбий котиб, 2 нафари рухоний, 1 нафари махаллий мактаб талабаси эди. (Дмитровский Н.В.Двадцати пятилетие Туркестанской публичной библиотеки. «Туркестанские ведомости», 1895, 15 параграф). Рус техника, богдорчилик, тиббиёт жамиятларининг Туркистон булимлари хам уз кутубхоналарини вужудга келтиришди. Рус жугрофия жамиятининг Туркистон булими айникса бой кутубхона ташкил этди. 1916 йилга келиб бу ерда 10 мингдан ортик китоб, журнал ва бошка нашрлар бор эди. Шунингдек, А.С.Пушкин жамиятининг, эркаклар ва хотин-кизлар гимназияларининг, укитувчилар семинариясининг кутубхоналарида хам бир неча минг жилд нашрлар тупланди. Масалан, эркаклар гимназияси асосий кутубхона ва укувчилар кутубхонасига эга булиб, асосийсида 4294 номда 8651 жилд, кейингисида 1697 номда 3767 жилд китоб бор эди. 1917 йил арафасида Туркистонда бундай кутубхоналар жами 14 та булиб, улардан Бухородагиси 1890 йилда, Фаргонадагиси 1899 йилда, Андижондагиси 1907 йилда, Самарканддагиси 1911 йилда ташкил этилганди. Туркистондаги дастлабки усмирлар ва болалар кутубхонаси 1904 йилда Самаркандда А.Н.Якубовская томонидан хусусий тарзда очилган. 1905 йилда эса А.Чернявская «Самарканд» газетаси тахририяти хузурида хусусий кутубхона ташкил этади. Бу ерда 3000 жилддан ортик китоб булиб, 2 апрелдан 20 июнга кадар 1500 дан купрок китобхонга хизмат курсатилган. 1908 йили археолог В.Л.Вяткиннинг ташаббуси билан шахардаги Мирзо Улугбек мадрасасида янги тартибдаги мусулмон кутубхонаси, 1911 йил 6 декабрда халк кутубхонаси (хозирги А.С.Пушкин номидаги вилоят

www.arxiv.uz кутубхонаси) очилди. Лекин боскинчи маъмурият бу муассасалардан улкада рус таъсирини кучайтириш, империя таркибини мустахкамлаш, ахолининг турли катламларига хокимият учун макбул мафкуравий ишлов бериш максадларида фойдаланди. Профессор Х.Зиёев ёзганидек, асосан расмий шахслар ва рус улкашунослари битган нашрларда «...гуё Россия туфайли Туркистонда тинчлик урнатилган ва улкада ижобий узгаришлар юз берганлиги, акс холда каттик инкироз ва колоклик содир булиши мумкинлиги хакида жар солинди. Шу тарика Рус давлатининг аёвсиз мустамлакачилик сиёсати ва миллий зулмини эмас, балки «ижобий узгаришлар ва ютуклар»ни таргиб этиш асосий вазифага айлантирилди». (Туркистонда Россия тажовузи ва хукмронлигига карши кураш. - Т., «Шарк», 1998, 7-бет). Туркистоннинг ватанпарвар зиёлилари, миллий озодлик учун курашувчи маърифатпарварлари, жасоратли ноширлари хокимиятнинг бу максадларига карама-карши йул тутдилар. Мунаввар кори Абдурашидхонов, Махмудхожа Бехбудий, Исхокхон Ибрат каби жадидлар, Гулом Хасан Орифжонов, Хусайн Манаев, Хожи Мухаммад Азимжон Маргилоний, Мирзаахмад бинни Мирзо Карим, Сиддик Хужандий сингари ноширлар шулар жумласидандир. Чунончи, Мунаввар кори Тошкентда «Турон», Бехбудий Самаркандда «Бехбудия», Ибрат Наманганда «Исхокия» (литографияси хам бор) кутубхоналарини ташкил этиб, халк миллий онгини уйготишга, илм-маърифатни юксалтиришга имкон берувчи асарлар таргиботини биринчи даражали вазифа деб билдилар. Бу борада факат Махмудхожа Бехбудийнинг фаолиятини олиб карайдиган булсак, у 1908 йили Самаркандда мусулмон кутубхонасини ташкил этиш фикрини ахли илм, акробою уломалар олдига куяди. Аввало, бир жамият тузилиб, саккиз киши кумита аъзоси этиб сайланади, кутубхона устави (конуннома) ишлаб чикилади. Самарканд губернатори конунномани тасдиклагач, 1908 йил 11 сентябрда зиёхона тантанали равишда очилади. Бир кеча-кундузда 110 нафаргача укувчи унда шугуллана бошлайди. Зиёхонанинг

www.arxiv.uz китоб жамгармаси хам узига яраша бойиб боради. Бехбудий бу хакда «Китобхонамизга 600 нав мухталиф китоб ва рисолалар ва ундан зиёда жарида ва мажаллалар омода ва мухайёдур», деб ёзганди. М.Бехбудий кутубхонани «мусулмонларга андак харж илан куб фойдаланмок»ларига имкон яратиш максадида тузган эди. Моддий харажатларнинг асосий кисми Бехбудий гарданига тушар, шунинг учун кутубхона хам «Бехбудия» деб аталадиган булганди. Вадуд Махмуд кейинрок хотирлаб ёзганидек, «1000 жилдлик китоб фондига эга булган бу мутолаахона барча учун доимо очик эди. Уша вактларда бу китобларнинг хар бири олтин бахосида хисобланарди». (Ахророва З. «Бехбудия» кутубхонаси. «Узбекистон адабиёти ва санъати», 1995, 17 феврал). Минг афсуски, М.Бехбудий 1919 йилда Каршида янги истибдодчи - совет хукумати айгокчиларининг бевосита иштирокида катл этилганидан сунг «Бехбудия» хам талон-торож булиб кетди. Шуни хам эътироф этиш лозимки, коммунистик мафкура хукмронлиги даврида - 1917 йилдан 1991 йилгача булган вактда мамлакатимизда кутубхоналарнинг кенг тармоги вужудга келди. Агар 1914 йилда улкамизда 14 та йирик кутубхона ишлаб турган булса, 1973 йилга келиб улар сони 13 минг 232тага, жамгармасидаги нашрлар микдори 99,6 миллион нусхага етди. Лекин улар «бойлиги»нинг 60-65 фоизини марксча-ленинча таълимотни, комфирка хужжатларини таргиб этувчи, асосан рус тилидаги нашрлар ташкил килиб, Шарк, жумладан Марказий Осиё халкларининг бой утмиш маданияти, шонли тарихи, ривожланган илм-фани хусусидаги талай кулёзмалар жамоатчилик нигохидан нари тутилди улар ёпик жамгармалардагина сакланди. Натижада аксарий самаркандликлар академиклардан Садриддин Айний ва Вохид Абдуллаев, профессорлардан Абурахмон Саъдий, Абдурауф Фитрат, Улуг Турсунов, фозил кулёзмашунос Абдулхамид Пулодий сингариларнинг шахсий кутубхоналарига мурожаат килишга мажбур булишган.

www.arxiv.uz Муаллифлардан Н.Ражабов билан Н.Сайфиддинов Узбекистонда хизмат курсатган фан арбоби, етук тилшунос профессор Улуг Турсуновнинг шахсий кутубхонаси хакида шундай ёзадилар: «У киши... китобни узининг дусти деб биларди, шогирдлари дилига хам ана шундай олийжаноб туйгулар уругини сочишга эришганди. Етук шогирдлари - аспирантлар (уларнинг умумий сони 45 нафарга якин эди), дипломчилар ва бошкалар кам нусхали ноёб китобларни факат уз устозининг шахсий кутубхонасидан олиб укир эдилар. Устозимизнинг шахсий кутубхонасидаги китоб ва журналларнинг умумий сони 8 минг нусхадан ортик эди». (Нодир хазина. - Т., «Камалак», 1993, 12- 13-бетлар) Истиклол туфайли кутубхоналаримизнинг бу кемтиклари битиб кетди. Хозирги кунда мактаб кутубхоналарида хам «Куръон» ва Имом ал- Бухорийнинг турт жилдлик хадислари, Хожа Ахмад Яссавий «Хикматлар»ию «Темур тузуклари»ни, «Киссаи Рабгузий», Н.Комиловнинг «Тасаввуф»ларини бемалол укиш мумкин. Миллий тилимиз ва тарихимиз хакида унлаб хакконий нашрлар чоп этилди, жадид намояндаларининг «Танланган асарлар»и нашр килинмокда ва хоказо. Хозирги даврда кутубхоналарни сохавий, тармок ва худудий кутубхоналарга ажратиш мумкин. Узбекистон Республикасида энг ривож топган кутубхоналар тизими маданият ишлари, Халк таълими, Олий ва урта махсус таълим вазирлигига, Фанлар академиясига, касаба уюшмаларига тегишлидир. Шунингдек, техника, тиббиёт, кишлок хужалиги, педагогик адабиётларга ихтисослашган кутубхоналар хам мавжуд. Умуман олганда кутубхоналарни икки типга – универсал ва махсус булишади. Универсал кутубхоналарнинг узлари хам турт турга – оммавий универсал, илмий универсал, ижтимоий-сиёсий, таббиий-илмий кутубхоналарга булинади. Махсус ёки ихтисослашган кутубхоналар эса амалий кутубхоналар хам деб аталади ва асосан техника, кишлок хужалиги, курилиш сингари тармокларга доир адабиётларни жамлаган булади.

www.arxiv.uz Маданият ишлари вазирлигига карашли кутубхоналар уз навбатида республика, вилоят, шахар, туман, кишлок ва болалар кутубхоналарига булинади (6000 дан ортик) хамда уз худудида ахолига кутубхоначилик хизмати курсатишнинг ташкилотчиси хисобланади. Марказий давлат кутубхоналари эса китобхонларга хизмат курсатишдан ташкари тармок кутубхоналари фаолиятини мувофаклаштириш ва уйгунлаштириш, ташкилий методик ишларни хам бажаришади. Алишер Навоий номидаги Узбекистон Миллий кутубхонаси тизимнинг бош кутубхонасидир. Республика халк таълими вазирлиги хам, юкорида айтилганидек, уз кутубхоналар тизимига эга.

www.arxiv.uz

www.arxiv.uz Чизмадан англашилиб турибдики, республика илмий-педагогика кутубхонаси халк таълими тизимидаги кутубхоналарнинг илмий-методик, ахборот-библиографик ва мувофиклаштирувчи марказидир. У 1934 йилда Узбекистон педагогика фанлари илмий-тадкикот институтининг ёрдамчи булинмаларидан бири сифатида ташкил этилган эди. Хар йили унинг китоб фрнди уртача 18-20 минг нусха китоб, 360 дан ортик номдаги журнал, 46 номдаги газеталар билан тулдириб борилади. Республика илмий-педагогика кутубхонасиниг бешта булими – илмий- методик, илмий-библиографик, адабиётлар билан тулдириш нашрларга илмий-ишлов бериш ва катологлаштириш, китобхоналарга хизмат курсатиш ва китоб саклаш булимлари мавжуд. У айни пайтда педагогика институтлари, педагогика урта махсус укув юртлари, укитувчилар малакасини ошириш институтлари хамда мактаблар кутубхоналарига ташкилий-методик рахбарликни амалга оширади.

www.arxiv.uz Фойдаланилган адабиётлар руйхати: 1. Уз.С.Э. 65-жилд, Т.,1975. 2. Кутубхона-нурхона. «Тонг юлдузи», 1999, 20 апрел. 3. «Болшая энциклопедия». С. Петербург, 1903, 3-жилд. 4. Ахмедов Б. Узбекистон тарихи манбалари. Т., «Укитувчи», 2001. 5. Беруний А. Р. Танланган асарлар. 1-жилд, Т.,1985. 6. Хайруллаев М. Урта Осиёда илк уйгониш даври маданияти. Т., «Фан», 1994. 7. Косимова О. Узбекистонда кутубхоначилик тарихи. Тошкент, «Укитувчи», 1992. 8. Яхшиликов Ж., Ахадов Ш. Темурийлар маданияти. Тошкент, «Фан», 1999. 9. Ахророва З. «Бехбудия» кутубхонаси. УзАС, 1995, 17 феврал. 10. Ражабов Н., Сайфиддинов Н. Нодир хазина. Тошкент, «Камалак», 1993. 11. Хасанов Р. Кутубхоналар тарихидан. Самарканд, «Зиёкор» журнали, 2003, 1-сон. 12.www.Ziyonet.uz

O'xshashlar

Дарс ва унинг турлари

Ноанъанавий дарс ва унинг турлари

Морфология хакида тушунча ва унинг тарихи

Ўзбек фантастикаси тарихи ва унинг ўзига хослиги

Кутубхона тизимининг моҳияти ва унинг жамиятдаги ўрни. Ўзбекистонда кутубхоналарнинг типлари ва турлари