Киши хаёт тарзининг ёш даврлари. Хар бир ёш даврининг кискача тавсифи - Pedagogika - Referatlar

Киши хаёт тарзининг ёш даврлари. Хар бир ёш даврининг кискача тавсифи

Yuklangan vaqt:

20.09.2019

Ko'chirishlar soni:

0

Hajmi:

81 KB

Ko'chirib olish

Киши хаёт тарзининг ёш даврлари. Хар бир ёш даврининг кискача тавсифи Режа: 1. Ёш даврлари психологияси предмети. 2. Ёш даврларининг ривожланиш боскичлари. 3. Ёш даврларини табакалаш назариялари. 4. Психик ривожланишга таъсир этувчи омиллар. 5. Етакчи фаолият тури тушунчаси.

Одамга чакалоклигидан кексалик давригача унинг ички имконияти, майли, иктидори, кобилияти, акл – заковати, кизикиши, иродаси, хис туйгуси, диккати ва билиш жараёнларининг хусуситларига кура индивидуал муносабатда булиш ёш психологиясини инсонпарварлик гояларидан биридир. Унинг мухим хусусияти хар бир даврдаги ривожланишнинг узига хос кулай (сензитив) холатидан унумли фойдаланишдир. Хар бир ёш даврининг психологик хусусиятларини хисобга олган холда тарбиявий таъсир утказиш инсонда уз вактида узини англашни вужудга келтиради. Болада узини англаш туйгуси канча эрта уйгонса, шахсий нуктаи назар, уз хукукини хис этиш, узининг аклий ва жисмоний имкониятларини бахолаш шунчалик тез пайдо булади. Таълимнинг барча боскичларида унинг самарадорлигини ошириш ёш психологиясининг конуниятларига суянмоги зарур. Шунинг учун хам таълим тарбия иши билан шугулланадиган барча мутахассислар, жумладан мухандис –педагоглар ёш даврлари психологиясини чукур билишлари талаб килинади. Ёш даврлари психологияси фанининг МАЪРУЗА бахси турли ёшдаги одамларнинг (болалар, укувчилар, катталар, эркаклар, аёлларнинг) онтогенезда (тугилгандан умрининг охиригача) психик ривожланиш жараёнини, шахснинг шаклланиши хамда узаро муносабати конуниятларини урганишдан иборатдир. Ёш даврлари психологияси инсонда турли психик жараёнлар (сезги, идрок, хотира, тафаккур, хаёл ва хакозолар) ривожланишининг узига хос хусусиятларини, унинг хар хил фаолиятини (уйин, укиш, мехнат кабилар), эр ва аёлнинг жинсий тафовутларини, шунингдек, инсон шахсининг таркиб топишини илмий жихатдан тадкик килади. Инсон рухиятининг ривожланиш даврларини аниклаш, шу сохадаги маълумотларни туплаш хам мазкур психологиянинг мавзу бахсидир. Ёш даврлари психологияси – инсон психикасининг ривожланиш конуниятлари ва хусусиятлари хамда шу ривожла-нишнинг боскичлари тугрисидаги фандир. Ёш даврлари психоло-гиясининг асосий вазифаси

шахснинг камол топиши конуниятлари ва турли ёш давридаги одамларда вужудга келадиган психик фаолият, холат ва шарт-шароитларнинг узаро таъсири хусусиятларини аниклашдан иборатдир. Ёш даврлари психологияси ана шу вазифани хал килиш билан амалий максадларни руёбга чикаради: таълим – тарбия ишларини такомиллаштиришга ёрдам беради, моддий неъматларнинг ишлаб чикаришнинг самарадорлигини оширишга, миллатлараро муноса-батларини яхшилашга, шахслараро мулокотни тугри йуналтиришга, жамоада ижобий психологик мухит яратишга, узок умр куриш сирларини очишга, оилавий муносабатларни мустахкамлашга, ажра-лишларнинг олдини олишга хизмат килади. Ёш даврлари психологияси предмети ва конуниятлари тугрисида жахон психологияси оламида турли карашлар назариялар мавжуд. Уларни жуда кенг таркалганлари биогенетик (В. Штерн 1871-1938), социогенетик (К. Левин 1890-1947), бихевиористик (Э. Торндайк-1874-1949), психоаналитик (З. Фрейд – 1856-1939) назарияларидир. Инсон онгининг ривожланиши унинг ташки оламни фаол акс эттиришида намоён булади. Инсоннинг борликни (вокъеликни) акс эттириши – фаол жараёндир. Маълумки, инсон зотининг ривожланиши объектив борликка (вокеликка) ва узига фаол таъсир курсатишида содир булади. Боланинг катта ёшдаги кишилар билан ташкил киладиган амалий фаолияти, масалан, уйини, кузатиши, мехнати, укиши, адабий асарни мутолаа килиши хамда кизикишининг баркарорлашуви, иктидорининг такомиллашиши ва бошкалар унинг психик ривожланишини ифодалайди. Ривожланиш инсон шахсининг таркиб топиш жараёнидир. Ривожланиш узаро узвий боглик катор боскичларда амалга ошади. Бола акл заковатининг курсаткичи, сифати, характери унинг атрофдаги одамлар билан кундалик муносабатлари ва амалий фаолиятида вужудга келади. Узаро таъсир (савол-жавоб) натижасида унда аклнинг ижодий махсулдорлиги,

теранлиги, тезлиги орта боради. хозирги даврда инсоннинг ривожини янада жадаллаштирувчи воситалар мавжуд ва унинг аклий усиш даражасини тест синовлари билан аниклаш мумкин. Утган аждодларимиз ёш психологиясининг муаммоларини изчил ва атрофлича, муайян йуналишда, маълум концепция асосида урганмаган булсалар хам, алломаларнинг асарларида мазкур холатларнинг акс эттирилиши, намоён булиши, ривожланиши ва узгаришлари тугрисида кимматли фикрлар билдирилган. Булар турт турдаги манбаларда учрайди. Уларнинг бири халк ижодиёти: ривоятлар, маколлар, маталлар ва масаллар; иккинчиси – махсус ижодкор кишилар томонидан муайян шахсга багишлаб ёзилган угит-насихат ва хикоятлар; учинчиси – комусий, Урта Осиё мутафак- кирларининг илмий-назарий карашлари; туртинчиси–турли даврларда ижод килган шоир ва ёзувчилар ижодининг махсуллари, яъни бадиий асарлардир. Абу Наср Форобийнинг инсон ва унинг психикаси хакидаги ахлокий- фалсафий мушохадалари «Идеал шахар ахолисининг фикрлари», «Масалалар мохияти», «Фалсафий саволлар ва уларга жавоблар», «Жисм ва акциденцияларнинг шаклларига караб булиниши», «Шархлар», «Хикмат маънолари», «Акл маънолари тугрисида» каби катор асарларида баён этилган. Абу Райхон Беруний узининг «Утмиш ёдгорликлари» китобида инсон хаётига доир хилма-хил маълумотларни келтиради. Беруний одам узок яшашининг сабабини биологик ва ирсий омиллар билан боглайди. Бу жихатдан унинг «Хиндистон», «Минералогия» асарлари, Ибн Сино билан ёзишмалари алохида ахамиятга эга. Ибн Синонинг «Тиб конунлари» асарида организмнинг тузилиши, ундаги нервлар ва нерв йуллари, физиологик жараёнлар билан боглик психик жараёнлар хакида анча мухим маълумотлар бор. Унинг «Одоб хакида» рисоласи хам инсон шахсини шакллантириш тугрисидаги жиддий асардир. Юсуф Хос Хожибнинг «Кутадгу билиг» асаридаги бош масалалардан бири комил инсонни тарбиялашдир.

Абдурахмон Жомийнинг «Бахористон», «Хирадномаи Искандарий», «Тухфатул ахрор» «Силсилатуз захоб» ва бошка асарларида илм-маърифат, таълим-тарбия, касб-хунар урганиш, яхши хислатлар ва одоблик хакидаги фикрлар ифодаланган. А. Навоийнинг «Хазойинул маоний», «Махбубул кулуб» ва бошка асарларида етук, баркамол инсоннинг ахлоки, маънавияти, одамларга муносабати, истеъдоди ва кобилияти тугрисида кимматли мулохазалар юритилган. Ана шу психологик категориялар ижтимоий адолат карор топиши учун мухим ахамиятга эга экани таъкидланган. Шунингдек, А.Навоий асаорларида шахснинг камол топишида ота-онанинг роли, аёлларнинг иффатлилиги, инсонларнинг камтарлиги масалалари алохида урин эгаллайди. Юкоридагилардан ташкари Бобур, Фаргоний, Мажлисий, Машраб, Гулханий, Нодира, Увайсий, Мукимий, Фуркат, Бедил, Завкий, Хамза, Авлоний ва бошкаларнинг ёшлар тарбиясига, ахлок-одоб, феъл-атвор, оилавий хаёт масалаларига шахслараро муносабатларга доир карашлари хам турли жанрдаги асарларда равон ва ихчам баён килинган. «Куръони Карим» ва «Хадис»ларда хам инсоний фазилатлар хакида кимматли фикрлар билдирилган. Булар ичида боланинг рухий холати, уни тарбиялаш, ота-онанинг бурчи ва хоказолар хакида суз юритилган. Ёш даврларини табакалаш назариялари . Психология фанида ёш даврларини табакалаш буйича катор мустакил назариялар мавжуд. Улар инсон шахсини тадкик килишга хар-хил нуктаи–назардан ёндо-шади ва муаммонинг мохиятини турлича ёритади. Уларга биогенетик , социогенетик , психогенетик , когнитивисти к, психоаналитик , бихевио-ристик назарияларни киритиш мумкин. Биогенетик назарияда инсонни биологик етилиши бош омил сифатида кабул килинган. Бу назарияга биноан, ривожлантиришни бош максади биологик детерминатларга (аникловчиларга) каратилади ва улардан ижтимоий-психологик хусусиятлар келиб чикади. Биогенетик конунни Ф.

Мюллер ва Э. Геккел кашф килган. Энг характерли жойи бола ривожида тугилганидан вояга етгунча филогенезни, яъни иинсоният тарихий тараккиётини такрорлайди деб каралади. В. Штерн, С. Холл хам худди шундай фикрни билдириб, масалан, Штерн фикрича «чакалок хали одам эмас, факат сут эмизувчи хайвондир». Биогенетик концепциянинг бошка бир тури немис «конституцион психологияси» назариясидир. Бунинг асосчиси Э.Кречмер (немис олими) булиб, шахс психологияси деб ном олган назарияни ишлаб чикди. Бунга мувофик инсоннинг жисмоний типи билан усишининг хусусияти уртасида узвий богланиш мавжуд деб тахмин килади. У одамларни иккита катта тоифага: циклоид (тез кузгалувчи, хис-туйгуси ута бекарор) ва шизоид (одамови, муносабатга кийин киришадиган) ларга ажратади. Шу хусусиятлар болалардаёк куринади. Дастлаб купрок циклоид, успиринлардан бошлаб шизоид, –деб хисоблаш хар доим хам тугри эмас. Психология тарихида биологизмнинг энг яккол куриниши Зигмунд Фрейднинг шахс талкинида уз ифодасини топган. Унинг таълимотига биноан шахснинг барча хатти-харакатлари (хулки) онгсиз биологик майллар ёки инстинктлардан келиб чикади, биринчи навбатда жинсий-шахвоний (сексуал) майлга богликдир. Биогенетик назариянинг тескари куриниши – социогенетик назариядир. Бу назарияда шахсда руй берадиган узгаришларни жамиятнинг структураси, ижтимоийлашиш (социализация) усуллари, атрофдаги одамлар билан узаро муносабат воситалари асосида тушунтирилади. Ижтимоийлашиш назариясига кура инсон биологик тур сифатида тугилиб, хаётдаги ижтимоий шарт-шароитларнинг бевосита таъсири остида шахсга айланади. Психологияда психогенетик ёндошув хам мавжуд булиб, у биогенетик ва социогенетик омилларнинг кимматини камситмаган холда психик жараёнлар ривожланишини биринчи даражали ахамиятга эга деб хисоблайди. Бу назариянинг намоёндаси Э. Эриксондир (америка). У инсоннинг умрини узига хос бетакрор хусусиятларга молик 8 та даврга ажратади. 1-давр –

гудаклик – онгсиз даври, 2-давр – илк болалик ёки ярим мустакиллик ва шахсий кадр-киммат, уят ва шубха шаклланиш даври, 3-давр – уйин ёши – 5- 7 ёшли, адолат туйгуси шаклланиш даври, 4-давр – мактаб ёши – кузлаган максадга интилиш, уддабуронлик ва тиришкоклик, бунинг салбий томонлари хам бор, 5-давр – успиринлик бетакрор хислати, муайян ролни уддаламаслик, катъиятсизлик, узини синаб куриш истаги, психосексуал кизикиш ва патоген (касаллик кузгатувчи) жараёнларга мойиллик. 6-давр – ёшлик, бошка жинсга психологик интим якинлашув кобилияти ва эхтиёжи. 7-давр – етуклик даври; 8-давр – карилик даври, босиб утган хаёт йулидан коникиш, шукроналар айтиш ва хоказо. Э. Шпрангер, К. Бюллер, А. Маслоу ва бошкалар персо-нологик (шахсшунослик) назариясининг йирик намоёндаларидир. Бунда асосий эътибор психик ривожланишдаги «Мен»ни кашф килинишига каратилади. «Мен» сиймоси шахс камолотининг чуккиси деб каралади. Когнивистик йуналиш асосчилари Ж. Пиаже, Д.Келли ва бошкалар акл–идрокнинг асосий функциялари уюшкоклик ва мослашиш, куникишдан иборат булиб, акл-идрокнинг функционал инвариантлиги деб юритилади. Интеллектни ривожланиш даврларига ажратадилар. Рус психологиясида ёш даврларини табакалаш муаммоси дастлаб Л. С. Виготский, П. П. Блонский, Б. Г. Ананьев сингари йирик психологларнинг асарларида уз аксини топа бошлаган. Кейинчалик бу муаммо билан шугулланувчилар сафи кенгайиб борди, шу боисдан табакаланиш келиб чикиши, илмий манбаи, ривожланиш жараёнларига ёндошилиши нуктаи – назаридан узаро кескин фаркланади. Л. С. Виготский ёш психологиясига турли даврлар учун характерли булган давр инкирози (кризиси) тушунчасини киритди. (Гудаклик даври инкирози, бир ёшли даври инкирози, уч ёшли давр инкирози, етти ёшли давр инкирози, ун уч ёшли давр инкирози, ун етти ёшдаги инкироз). Виготскийнинг шогирди Л. И. Божович инсоннинг камол топишини ёш даврларига булишда мотивларни асос килиб олди, шунинг учун хам буни

мотивацион ёндошиш деб аташ мумкин. (1- боскич – чакалоклик, II -боскич – мотивацион тасаввур; III -боскич – «Мен»ни англаш даври ва х.). Д.Б.Эльконин таснифи А.Н.Леонтьевнинг етакчи фаолият тугрисидаги назариясига, хар кайси ривожланиш палласида фаолиятнинг бирор тури устунлик килиши мумкинлигига асосланади. Етакчи фаолиятнинг инсон шахс сифатида камол топишидаги роли назариянинг негизини ташкил килади. Шунга асосланиб, Д.Б.Эльконин ёш даврларини куйидаги боскичларга ажратишни лозим топади: 1. Гудаклик даври бир ёшгача, асосий фаолияти – бевосита эмоционал мулокот. 2. Илк болалик – 1-3 ёш, асосий фаолияти – предмет билан нозик харакатлар килиш (манипуляция). 3. Мактабгача давр – 3-7 ёш асосий фаолияти – ролли уйинлар. 4. Кичик мактаб ёши 7-10 ёш, асосий фаолияти - укиш. 5. Кичик усмирлик 10-15 ёш, асосий фаолияти – шахснинг интим мулокоти. 6. Катта усмирлик ёки илк успиринлик даври 16-18 ёш, асосий фаолият – укиш, касб танлаш. хозирги психологиянинг йирик вакили А. В. Петровский инсон камолотига, шахсни таркиб топишига социал-психологик нуктаи–назардан ёндошиб, ёш даврларининг узига хос таснифини яратди. А.В.Петровскийгача психологлар шахснинг бир текис камол топишини урганган булсалар, у шахс шаклланишининг просоциал (ижтиомий коидаларга мувофик) ва асоциал (аксилижтимоий) боскичлари хам булиши мумкинлигини исботлаб беришга харакат килади: Шахснинг камол топиши учта макрофазадан иборатлигини кайд этиб, 1 – болалик даврига тугри келишини, унда ижтимоий мухитга мослашиш, куникиш (адаптация) руй беришини; 2 – усмирларга хос индивидуаллашиш; 3-успиринликда, яъни етукликка интилиш даврида узига хос холатларни мувофиклаштириш (бирлаштириш) хусусиятлари пайдо булишини баён килади.

Юкорида айтиб утилганларга яна шуни хам кушимча килиш мумкинки, турли ёш даврларидаги ривожланишга шахс яшаб турган социал мухит, экологик вазият хам таъсир этадики, буни ривожланишдаги тезлашув – акселерация холатида куриш мумкин. Демак ривожланишга факат биологик факторгина эмас, социал, географик, экологик мухит хам таъсир килади. Д. И. Фельдштейн шахсга ижтимоий ёндошувга асосланган тасниф яратди. Бу тасниф Петровский таснифидан кескин фарк килади. Унинг фикрича, инсон шахс сифатида шаклланишда иккита катта боскичдан утади, улардан бири – «Мен» жамият билан нуктаи-назаридан иборат булиб, куйидаги ёш паллаларини камраб олади: 1. Илк болалик - 1ёшдан 3 ёшгача; 2. Кичик мактаб ёши даври - 6-9 ёш; 3. Катта мактаб ёши - 15-18 ёш; Фельдштейн «Мен ва жамият» нуктаи-назаридан 1 ёшгача булган даврни гудаклик, 3-6 ёшни мактабгача давр, 10-15 ёшни усмирлик деб атади. Д. И. Фельдштейн бошка тадкикотчилардан фаркли равишда ус-мирлик даврини уч боскичга ажратади: Биринчи – боскич – (10-11ёш) узига муносабатни кашф килишдан иборат булиб, узини шахс сифатида хис килиш ва катъий карорга келиш билан якунланади. Иккинчи –боскич (12-13 ёш) бир томондан узини шахс сифатида тан олиш, иккинчи томондан узига салбий муносабатда булишдир. Учинчи– боскич(14-15 ёш) тезкорлик, узини – узи бахолашга мойил-лик билан фаркланади.

А д а б и ё т л а р 1. Каримов И.А. «Буюк максад сари оғишмайлик» Тошкент-1993 2. Каримов И. А. «халоллик ва фидоийлик-фаолиятимизнинг асосий меъзони бўлсин» Тошкент-1994 3. Каримов И. А. «Ўзбекистон XXI асрга интилмокда». Тошкент-1999 4. Ўзбекистон Республикасининг таълим тўғрисидаги конуни. 1997 йил 29 август 5. www.ziyonet.uz

O'xshashlar

Ёш даврлари ва педагогик психология фани предмети

Ёш даврлари психологияси фанининг вазифалари ва тадкикот усуллари

Ёш авлод тарбиясининг максад ва вазифалари

O‘zgarmas tok kuchaytirgichi

МТМнинг турли ёш гурухларида болаларнинг мактаб таълимига жисмоний томондан тайёргарлигини аниклаш