Ilk etnopedagogik fikrlar va xalq pedagogik tafakkuri taraqqiyoti - Pedagogika - Referatlar

Ilk etnopedagogik fikrlar va xalq pedagogik tafakkuri taraqqiyoti

Yuklangan vaqt:

20.09.2019

Ko'chirishlar soni:

0

Hajmi:

65.5 KB

Ko'chirib olish

www.arxiv.uz Reja: 1. Markaziy Osiyoda ilk pedagogik tasavvurlarning bayon etilishi. 2. Qadimgi miflarda bayon etilgan pedagogik fikrlar. 3.Kadimgi turkiy etnopedagogika manbalarida komil inson tarbiyaviy sifatlarining talqini. 4. O`zbek xalq pedagogik tafakkurining tarixiy taraqqiyot yo`li.

www.arxiv.uz 1. Markaziy Osiyoda ilk pedagogik tasavvurlarning bayon etilishi Xalq pedagogikasi – xalq ma`naviy madaniyatining tarkibiy qismidir. Shunday ekan Markaziy Osiyoda ilk pedagogik tasavvurlarning vujudga kelishi va taraqqiyoti ham mahalliy xalq ma`naviy madaniyatining o`sishi bilan bog`liqdir. Xalq pedagogikasining rivoji esa nazariy pedagogika ilmi taraqqiyoti bilan bevosita bog`liq. Biz ushbu holni Markaziy osiyoda pedagogik fikr taraqqiyoti misolida ko`rishimiz mumkin. Ibn Sino, Beruniy, Jomiy, Xorazmiy, Dehlaviy, Xayyom, Navoiy, Forobiy, Sa`diy, Nosir Xisrav va boshqa mutafakkirlar ilmiy merosi tahlili shuni ko`rsatadiki, ularning pedagogik qarashlari bevosita xalq pedagogikasi manbalari tizimi: maqollar, matallar, ertaklar, afsona va rivoyatlar mantiqiga mos keladi. Ayni paytda ko`plab rivoyatlar va ertaklar mazkur mutafakkirlarning hayoti va faoliyati bilan bevosita bog`liq holda vujudga kelgan. Demak, Markaziy Osiyoda ham xalq pedagogikasining ijodkori, yaratuvchisi xalq ommasidir. Uning paydo bo`lishida mehnat hal qiluvchi ahamiyat kasb etdi. Mehnat jarayonida odamlar samaradorlikni g`oyat oshiruvchi g`aroyib mashinalar haqida orzu qilganlar: “uchar gilam” lar, “uchar ot” lar, “oynai jahon” lar, “chopqir etik” lar, “sehrli dasturxon”, “ur to`qmoq” larni orzu qilganlar. Chunki, ibtidoiy ishlab chiqarish usullari, darajasi kishilarni qoniqtirmagan. Ular bir kechada ko`plab mato to`qishni, bir lahzada uzoqlarga borishni orzu qilib, otga minishni, qayiqda suzishni, himoyaga bardoshli qasrlar qurishni, kamon otishni, to`quv dastgohlari, charx yasashni o`rganganlar. Mehnat turli tarmoqlarga bo`lina borib, so`z san`ati xilma – xil xarakter kasb eta borgan. Og`zaki so`z paydo bo`lganida ibtidoiy odam so`zning magik (ilohiy) qudratiga sig`inar va o`z mehnati samarasini unga bog`lar edi. Oqibatda so`z bilan marosim bog`lana borib, so`zda u yoki bu marosim mohiyati ifoda etila boshlandi. Jamiyat taraqqiy etgani sari ommani itoatkorlikka chorlovchi, diniy ruhdagi asarlar paydo bo`la boshladi. Ko`pincha, etnopedagogik asarlarda zulm va yovuz kuchlar ustidan g`alaba qiluvchi, komil shaxs darajasiga ko`tarilgan qahramonlarni

www.arxiv.uz tasvirlash kuchaydi. Ularda eng oliy insoniy (tarbiyaviy) sifatlar: ilm egallash, kasb-hunar o`rganishga undaydi. Adolatli jamiyat va odil hukmdorlar orzu qilindi. Vatanparvarlik, ma`naviy va jismoniy komillik, halollik va adolat, insonparvarlik, do`stlik g`oyalari targ`ib etildi. Xalq pedagogikasi asarlarida xalq ideal darajadagi fazilatlar sohibi bo`lib, barcha yaxshi va yomon tarbiyaviy sifatlarni ko`ra biladi. Shuning uchun u eng barkamol, ommani ergashtira oluvchi qahramonlarnigina tan oladi. Shuning uchun ularda ijobiy qahramonlar tipiklashtiriladi. Masalan, Alpomish, Go`ro`g`li, Avaz, Ravshanxon, Nasriddin afandi, Aldar ko`sa va boshqalarda yuksak tarbiyaviy sifatlar mujassamlashgan. Dostonlarda qahramon va uning dushmani, ertaklarda dono dehqon va zolim boy, o`gay ona va jafokash qiz kabi obrazlarda xalqona kamtarlik va hukmrona takabburlik zuhr etilgan. Xalqning yuqorida qayd etilgan azaliy orzu-umidlari aks etgan etnopedagogika manbalari vositasida buyuk mutafakkirlar pedagogik qarashlari ham shakllangan. Chunonchi, Ibn Sino o`zining “Tadbiri manozil” asaridagi “Maktabda bolalarni o`qitish va tarbiyalash” deb nomlangan bobida umumta`lim g`oyasi olg`a suradi. Ta`limda suhbat metodini qo`llashni, aqliy mashg`ulotni jismoniy mashg`ulotlar bilan almashib turishni tavsiya etadi. Jamoada o`qitish afzalliklarini uqtiradi. Bunday ilg`or pedagogik fikrlarni Beruniy, Forobiy, Rudakiy, Nosir Xisrav, Sa`diy, Yusuf Xos Hojib, Umar Hayyom, Burxoniddin Zarnudjiy, Ahmad Yugnakiy asarlarida ham ko`rish mumkin. Buyuk mutafakkirlarning pedagogik qarashlari shakl va mazmuniga ko`ra xalqning pedagogik donishmandligi bilan uyg`unlashib ketgan. Ular Markaziy Osiyo xalqlari pedagogik madaniyatining shakllanishiga katta ta`sir ko`rsatgan. Demak, xalq pedagogik g`oyalari buyuk mutafakkirlar pedagogik qarashlari bilan hamohang shakllanib, ular bir-birini takomillashtirib, boyitib borgan. Donishmandlar asarlarida xalqning amaliy pedagogikaga doir fikrlari ilmiy pedagogik tusga kira borgan. Shu taxlitda pedagogika ilmi takomillasha borgan. 2. Qadimgi miflarda bayon etilgan

www.arxiv.uz pedagogik fikrlar Porloq kelajakka umid ko`zi bilan boqqan ajdodlarimiz inson qobiliyati va qudratini ideallashtiruvchi mifologik obrazlarni yaratgan. Mifologik obazlarning ilk namunalari qadimiy mif va afsonalarda o`z aksini topgan. Mif grekcha “myfhos”-so`z, rivoyat so`zidan olingan bo`lib, dunyoning paydo bo`lishi, tabiat hodisalari, xudolar, afsonaviy pahlavonlar; goh inson, goh jonzod qiyofasidagi zulmkor dushmanlar haqidagi to`qima afsonalardir. Mifologiya - miflarni o`rganuvchi fan bo`lib, u ibtidoiy insonning tabiat sirlarini bilishga intilishi tufayli vujudga kelgan. Insonning tabiat stixiyalariga qarshi kurashdagi ojizligi (bo`ron, sel, zilzila, dovul...) tufayli ularga qarshi kurasha oluvchi ғayritabiiy obrazlar yaratishga eҳtiyoj tugilgan. Natijada yaxshilik va yomonlik haqidagi mifologik tasavvurlar paydo bo`lgan. Olam haqidagi bunday ibtidoiy miflar ta`sirida osmon, oy, quyosh va turli hayvonlar, xudolar, g`ayritabiiy pahlavonlar haqidagi miflar vujudga keldi. Hayvonlar va tabiat stixiyalariga qarshi kurashga qaratilgan (so`z kuchi, afsun “avrash” vositasida ularga ta`sir etish tufayli, yovuz kuchlarga teng keladigan qurol inson ixtiyorida bo`lmagan bir paytda) miflar yaratildi. Ko`rinib turibdiki, miflar insonga osoyishta yashash, yovuz kuchlarni yengishga ko`maklashuvchi orzular ifodasidir. Miflarda yaxshilik va yomonlik, go`zallik va xudbinlik, yorug`lik va zulmat orasidagi kurash jarayoni tasvirlanadi. Komil insonlar hamisha yaxshilik, go`zallik, yorug`likning tantana qilishi ko`maklashadi. Aniqroq aytilganda, miflarni o`qigan o`quvchi ijobiy qahramonlarning tarafdoriga aylanadi. “Avesto” da yaxshilik – Axura Mazda, yomonlik – Axriman qiyofasida namoyon bo`ladi. Kitob g`oyasiga ko`ra barcha hodisalar (tabiat va jamiyatdagi) ana shu ikki yaratuvchining o`zaro kurashidan kelib chiqadi. Mitra – quyosh va yorug`lik xudosi, Noxit – obodonlik, farovonlik xudosi, Xumo – baxt, tole xudosi va boshqa yaxshilik tantanasiga ko`maklashadi. Yomonlik kuchlari: ajdar, dev, jin, yalmog`iz va boshqa mifologik obrazlarda tasvirlangan. Shuningdek, Kayumars va Jamshid haqidagi miflar ham O`rta

www.arxiv.uz Osiyoda qadimdan tarqalgan. Uning turli variantlari mavjud (“Avesto” da, “Qadim xalqlardan qolgan yodgorliklar” da, “SHohnoma” da va b.) Kayumars “G`iyosul lug`at” da Govmard (inson - buqa) deb ta`riflanib, Amudaryo bo`yida yashagan, bo`yi daryoning narigi betiga yetgan va hokazo .... Miflardagi ijobiy obrazlar xalq manfaati uchun, adolat, go`zallik uchun kurashadi. Kishilarga hayotda, kurashda yordam beradi. Ularga oliy insoniy sifatlarda o`rnak ko`rsatadi, kasb-kor o`rgatadi. Demak, miflarda xalq ommasining ilk pedagogik tafakkuri o`z ifodasini topgan, deyish mumkin. Jamshid haqidagi mif O`rta Osiyo va Eronda keng tarqalgan bo`lib, unda Jamshid najotkor qahramon sifatida ko`rsatilgan (“Avesto” da). Jamshid adolatli podsho bo`lib, uning ming yillik shohlik davrida qahraton sovuq, jazirama issiq, kasalliklar va o`lim kamaya borgan. Uning yerida mollar va odamlar ko`paya borgach, u yerni uch marta ko`paytiradi, chorva va qushlarni ham ko`paytiradi. Ammo, to`satdan qahraton qish, toshqin boshlanadi. Odamlarni qutqarish uchun Jamshid (yima) ariqlar ochadi. Bu afsona A. Navoiyning “Mulki Ajam”, Firdavsiyning “SHohnoma” asarlarida tasvirlangan. Bunday mifologik obrazlar keyinchalik ertak va dostonlarda rivojlantirildi. “Odami Od” hikoyasida Nuh payg`ambar bo`yi bulutga yetadigan usta yordamida chinordan kema yasatib, odamlarni kemaga o`tqazib, o`zi kemani torta ketibdi (“Od” – fors-tojikcha “ulkan odam”). “Er Xubbi” mifi ham insonga g`amxo`rlik timsolidagi etnopedagogik asardir. U Xorazm va Farg`onada keng tarqalgan. Xubbi insonparvar, daryoning hokimi, Amudaryoda 700 yil yashagan va bu davrda daryoga jinlar yaqinlasha olmagan. Jamshid taxtga o`tirishi bilan u dom- daraksiz g`oyib bo`lgan. Bundan Xubbining opasi aza tutgan, u bilan birga daryo, tog`u-toshlar, qushlar, hayvonlar, odamlar, osmonda farishtalar, yer ostida devlar yig`lagan. Ular Xubbi tirik, qiyomatgacha yashaydi, deb tasavvur qilganlar. “To`maris”, “SHiroq” rivoyatlari, Rustam haqidagi epos, qadimgi qo`shiqlarda ham yuksak tarbiyaviy sifatlar targ`ib etilgan. Ularda kishilar yaxshilik qilishga, xushxulq bo`lishga, yomon odatlardan xalos bo`lishga

www.arxiv.uz chorlangan. Jumladan, “Devonu lug`otit turk” da quyidagi pedagogik g`oyalar madh etiladi: Boqmas jahon sovuq so`z, SHilqim, yuzsiz, baxilga. Yoqimli bo`l, xushxulq bo`l, Қolsin noming ko`p yilga ... Ov qushlarin ushlashib, Tulki, to`ng`iz tishlashib. Itlarimiz ishlatib, Hunar bilan gerdaydik. Yoki qish – yozning kamchiliklarini shunday ochadi: Senda barcha yomonlar, Chivin, pashsha ilonlar. Du mi gajak chayonlar, Hamla qilib yugurishar. Yoz qishga deydi: Sendan sa`valar ketar, Bulbullar sayrab qo`nar. Menda qaldirg`och tunar, Naru - moda uchrashur ... 3. Qadimgi turkiy etnopedagogika manbalarida komil inson tarbiyaviy sifatlari talqini Biz oldingi bandda turkiy etnopedagogika manbalari jumlasiga kiruvchi qadimgi miflarda pedagogik fikrlar qay tarzda targ`ib etilganligini yoritishga harakat qildik. Garchi, mazkur miflarda g`ayriinsoniy qiyofalar timsolidagi qahramonlar tarbiyaviy sifatlariga doir fikrlar ushbu bandga ham aloqador bo`lsada, biz bu bandda yoritish ko`zda tutilgan muammoni etnopedagogikaning

www.arxiv.uz boshqa janrlari – dostonlar, maqol va matallar, hikmatli so`zlar misolida buyuk ajdodlarimiz pedagogik qarashlariga tayangan holda yoritamiz. Xalq pedagogikasining bosh ob`ekti – yosh avlodga ta`lim-tarbiya berish jarayonidir. Shuning uchun xalq tarbiyaning mohiyatini qanday tushunishi, tarbiya jarayonida qanday metod va usullardan foydalanishi, tarbiyaning asosiy yo`nalishlarini qanday talqin etishi haqidagi masalalar qiziqarlidir. Shuningdek, xalq asrlar davomida to`plangan, ilmiy-pedagogik tushunchalar bilan boyib borgan bilimlarni oilaviy tarbiyaga qanday tadbiq etganligini ham tahlil etish zarur. Xalq hamisha yosh avlod tarbiyasi mohiyatini to`g`ri talqin etgan. Bu yo`ldagi qiyinchiliklar va quvonchlarni, uning bebaho ish ekanligini to`g`ri anglab yetgan. Shuning uchun: “Tarbiya – bebaho boylik” deganlar. Turkmanlar: “Bola- aziz, odobi undan aziz” desalar, o`zbeklar: “Aql bahosiz, tarbiya esa chegarasiz” deb bejiz aytmagan. Chunki tarbiya jarayoni tarkibiga ko`plab yo`nalishlar kiradi. Ammo, bunda eng muhim yo`nalishni aqliy tarbiya tashkil etadi. Shuningdek, tarbiya jarayoni g`oyat murakkab ish, u alohida e`tibor, bilim va malakani talab etadi. Xalq inson tarbiyasini ona qornidayoq boshlash zarurligini allaqachon anglab yetgan. Agar bola tarbiyasida vaqt o`tkazib qo`yilgan bo`lsa, yoki tarbiya noto`g`ri olib borilgan bo`lsa, qayta tarbiyalash zarurligi xalq pedagogikasi manbalarida alohida ta`kidlangan. Xalq pedagogikasi manbalarida bola tarbiyaviy sifatlarining shakllanishi bevosita ota-onaga bog`liq ekanligi alohida ta`kidlangan. Chunonchi: “Bolaning qadami oiladan boshlanadi”, “Yomon o`g`il uchun ona, yomon nabira uchun buvi javobgar”, “Sababi otada, natijasi bolada”, kabi maqollar shular jumlasidandir. Buyuk mutafakkir Ibn Sino ham bola tarbiyasida ota-onaning tutgan o`rnini yuqori baholab, “Tadbiri manozil” asarida: “Agar oila tarbiya metodlaridan to`g`ri foydalansa, u hayotda baxtga erishadi. Oilada bosh tarbiyachi – otadir, onaning yumshoq ko`ngilliligi bola xarakterini buzadi”, - deydi. Xalq bola tarbiyasida ijtimoiy muhitning ahamiyatini ham hayratlanarli darajada to`g`ri tushunadi. Shuning uchun yomon xislatli bolalar muhiti bola tarbiyasini buzib qo`yishi mumkinligi quyidagiga takidlanadi: “qovun-qovundan

www.arxiv.uz rang oladi”, “Oriyatsiz odamdan qoch!” “Yomon bilan yursang qolarsan uyatga, yaxshi bilan yursang yetarsan murodga”, “Qozonga yaqinlashsang qorasi yuqor” kabilar. Shuning uchun Ibn sino pedagogik jarayonni yaxshi xulqli bolalar jamoasida olib borishni tavsiya etib: “Barcha turdagi o`quv mashg`ulotlarini jamoada olib borish zarur. Chunki bolalar jamoa muhitida do`stlashadilar, bir- birlarini hurmat qilishni o`rganadilar, yaxshi xislatlarni ham bir-birlaridan o`rgandilar”-degan edi. (“Tadbiri monozil” asaridan). Bola tarbiyasida yomon tomonga og`ish yuz berishi ham mumkinligini to`g`ri his etgan xalq, ularni qayta tarbiyalashga oid qator metodlarni tavsiya etadi: “Buyumni suv bilan, insonni o`rgatish bilan tozalashadi”. Lekin, Rudakiy ta`kidlaydiki: “Agar kim olmasa hayotdan ta`lim, unga o`rgatolmas hech bir muallim”. Yoki: “Tarbiyasizlikning davosi bor, axmoqlikning davosi yo`q.”, “Toptalgan o`tloqda ham gul unadi” va boshqalar shular jumlasidandir. Muslihiddin Shayx Sa`diy bolani oilada yoshlikdan tarbiyalash zarurligini ta`kidlaydi. Uning fikricha, bolani yoshligida istalgan maqsad yo`nalishida tarbiyalash mumkin. Chunki, bola yoshligida ho`l novda singari tarbiyaviy ta`sirga tez beriladi. Shuning uchun: “Ho`l novda egilar qay holda egsang, qurigach to`g`rilar uni o`t-otash,”-deydi Shuningdek, u hatto: “Temirchining bolasi o`qisa bulur olim”-deb ta`kidlaydi.Xalq pedagogikasi manbalarida ta`kidlanganidek: “Bir otaning bolalari ham har xil bo`ladi”, “Beshta barmoq teng emas” kabi maqollar mazmuniga tayanab ish ko`rgan. Xalq pedagogikasida tarbiya jarayonida uning mezonlariga amal qilish lozimligi ko`rsatib o`tilgan, kattalarning o`rnak bo`lishi, o`z-o`zini tarbiyalash singari metodlar ham e`tibordan chetda qolmagan. Shuningdek, tarbiyada bolaning ruhiy va yosh xususiyatlari ham inobatga olingan: jumladan: “Bola tarbiyasini beshikdaligidan, buzoqnikini qoziqdaligidan boshla!,-” maqoli ushbu fikrning isboti bo`la oladi. 4. O`zbek xalq pedagogikasining tarixiy taraqqiyot yo`li

www.arxiv.uz Jamiyatning ma`naviy yetukligi, ijtimoiy ong teranligi, inson kamolotini ta`minlashda etnopedagogika asarlarning ahamiyati beqiyosdir. Shuning uchun o`zbek xalq pedagogikasining tarixiy taraqqiyot yo`lini o`rganish muhim ahamiyat kasb etadi. Qadim zamonlaridayoq tarixiy, badiiy, ilmiy asarlar mualliflari turli maqsadlarda folklar asarlariga murojaat etib, ularni yozib olganlar. Jumladan, Mahmud Qoshg`ariyning (XI asr) “Devoni lug`otit turk” asari shular jumlasidandir. Mazkur manbalarda pedagogik g`oyalar targ`ib etilgan. Jamiyatning tarixiy taraqqiyoti jarayonida etnopedagogika asarlari takomil topib, bizgacha yetib keldi. Mehnat jarayonida va ongning rivojlanishi tufayli ilk etnopedagogika asarlari namunalari badiiy jihatdan mukammallashib borgan. Dastlab, kichik hajmli naql va miflar, mehnatni yengillashtiruvchi, ruhni tetiklashtiruvchi ertak va afsonalar yaratilgan, qo`shiqlar paydo bo`lgan. Demak, o`zbek xalq pedagogikasi manbalari yozuv yuzaga kelishidan ancha oldin paydo bo`lib, yozma adabiyotning vujudga kelishiga asos bo`lgan. Qadimiy etnopedagogik manbalar bizgacha asl holida yetib kelmagan. Chunki ular ijtimoiy taraqqiyot bosqichlarida o`zgarib, sayqal topib borgan. Eng qadimgi etnopedagogik manbalar miflar, jangnomalar, rivoyat, ertak, naqllar, qo`shiqlardan iborat bo`lgan. O`rta Osiyoda feodalizm davri (XI-XX asr boshigacha) g`oyat ziddiyatli taraqqiyot bosqichi bo`lib, bu davr xususiyatlari etnopedagogika manbalariga kuchli ta`sir ko`rsatgan. Ammo bu davrga xos ma`lumotlar bizgacha to`la yetib kelmagan. Mavjud taraqiqotlarda ko`rsatilishicha, eng qadimgi davrlarda miflar, rivoyatlar, aytimlar, mehnat va marosim qo`shiqlarida pedagogik fikrlar targ`ib etilgan. Ayniqsa, dostonchilik vujudga kelgach, kishilar ularda madh etiluvchi qahramonlarning tarbiyaviy sifatlaridan ruhiy madad, zavq olganlar. Yoshlar halollik, ma`naviy va jismoniy yetuklik timsolini his etganlar. Etnopedagogika manbalarining ilk yozma nusxasi O`rta Osiyoda XII asrda (“Abu Muslim” kitobi) yozilgan. XIV asrda Amir Temur o`z g`olibona yurishlarini baxshilarga doston qilib kuylashni topshirgan.

www.arxiv.uz Manbalarda o`zbek dostonchiligining ilk bo`g`ini Ergash Jumanbulbul o`g`lining yetti ota-bobosi (XVI asr) aytgan dostonlarga borib taqalishi ta`kidlangan. XVII-XVIII asrlar dostonchilik taraqqiyotida gullagan davr bo`ldi. Bu davrda “CHambil қamali”, “Rayhon arab”, “Tulumbiy”, “SHayboniyxon”, “To`lg`anoy” singari vatanparvarlik, mardlik, halollik, insonparvarlik, aqliy va jismoniy komillikni madh etuvchi asarlar, shu ruhdagi maqollar, matallar, xalq qo`shiqlari yuzaga keldi. Rusiya bosqinchiligi davrida xalq ommasi boshiga tushgan beadad azob uqubatlar XIX asr etnopedagogika namunalarida o`z aksini topdi. Jumladan: Non tishlatdim bolamga, mardikordan qaytsin deb, Zolimlarni qarg`adim, Ilohi, yer yutsin, deb. Yoki; mahalliy xalqning bosqinchilarga nisbatan nafrati quyidagi qo`shiqda yanada kuchliroq ko`zga tashlanadi. So`k oshini ichmayman, Hech haqimdan kechmayman. Etigimni yechmayman, Mardikorga olgan Nikolayni Qorda qarag`ay kesganman, Taxtdan yiqitmay qo`ymayman. SHuningdek, zulmkor mahalliy hukmdorlarga nisbatan nafrat ruhini ug`otuvchi quyidagi qo`shiqlar ham e`tiborga loyiqdir: Isfandiyor zolimliging bildirding, Non o`rniga kunjarani yedirding, ... Haddan oshding, zolim, yoning so`kilsin, Boshing kesilsinu, qoning to`qilsin! va boshqalar. Ko`rinib turibdiki, XX asr arafasida tarixiy qo`shiqlarga ijtimoiy adolatsizlikka qarshi kurash ruhi kirib kela boshlagan. Bosqinchilik va zulmga nisbatan nafrat ruhi targ`ib etilgan, milliy ozodlik orzusi vatanparvarlik, insonparvarlik g`oyalari kuchaya borgan. SHo`rolar tuzumi davrida etnopedagogika manbalarini to`plash, yozib olish, nashr etishga etibor kuchaygan bo`lsada, mavjud tuzum ruhiga mos kelmagan

www.arxiv.uz manbalarni o`qish, ulardan foydalanish o`tmish va din sarkiti nomi bilan taqiqlab qo`yildi. Faqat milliy istiqlol tufayli xalq pedagogikasi manbalaridan keng miqyosda foydalanish imkoniyati tug`ildi. Xalqning madaniy merosini, tarixiy haqiqatni qayta tiklash davlat siyosati darajasiga ko`tarildi. Biroq, etnopedagogika Respublikamizda alohida fan sifatida endigina shakllanish arafasidadir. Uning manbalarga g`oyat boy tarixiy taraqqiyot yo`lini ilmiy pedagogik jihatdan puxta o`rganish va tizimga solish ishlari o`z tadqiqotchilarini kutib turibdi.

www.arxiv.uz Adabiyotlar: 1. Karimov I.A. Tarixiy xotirasiz kelajak yo`q. T., “O`zbekiston”, 1998. 2. Barkamol avlod orzusi. Tuzuvchilar: Sh. Qurbonov va b.. Toshkent, “SHarq”, 1998. 3. O`zbekistonning milliy istiqlol mafkurasi. Toshkent, “O`zbekiston”, 1993. - 110 b. 4. Hoshimov K. va b. Pedagogika tarixi. T., “O`qituvchi”, 1996. 5. O`rta Osiyoda pedagogik fikr taraqqiyoti tarixidan. Tuzuvchi-mualliflar: M. Xayrullaev va b.. Toshkent, “FAN”, 1997. 6. Izmaylov A.E. Narodnaya pedagogika: pedagogicheskie vozzreniya narodov Sredney Azii i Kazaxstana. Moskva, “Prosveshenie”. 1991. 7. Ubaydullaev S. Pedagogika kursini o`rganishda o`zbek xalq pedagogikasi ashyolaridan foydalanish. Toshkent, “O`qituvchi”, 1983. 8. www.ziyonet.uz 9. www.pedagog.uz

O'xshashlar

Ma’rifiy fikrlar taraqqiyoti va ularning tarixiyligi

Xalq pedagogikasi fanining predmeti

Etnopedagogika manbalari tizimi

Mustaqil O'zbekistonda ijtimoiy hayot, ta'lim-tarbiya va pedagogik fikrlar

Eng qadimgi davrlardan IX asrgacha tarbiya, maktab va pedagogik fikrlar