Boshlang`ich sinflarda diktant va uning turlari - Pedagogika - Referatlar

Boshlang`ich sinflarda diktant va uning turlari

Yuklangan vaqt:

20.09.2019

Ko'chirishlar soni:

0

Hajmi:

69 KB

Ko'chirib olish

www.arxiv.uz REJA: 1. O`quvchilarni tarbiyalashda diktantning roli va ahamiyati. 2. Diktant yozishga tayyorlash. 3. Diktant va uning turlari. 4. Xatolarni hisobga olish va ular ustida ishlash.

www.arxiv.uz Diktant- eshitib yozishdir. O`qituvchi butun matn, gap yoki so`zni diktovka qiladi, o`quvchilar yozadilar. Diktant ko`chirib yozishdan eshituv uquvi orqali qabo`l qilinishi bilan farq qiladi. O`zbek tili orfografiyasi qoidalari faqat fonetik prinsip asosidagina emas, balki juda ko`hp so`zlar morfologik prinsip asosida ham yozilishi sababli faqat diktant orqali o`quvchilarni savodxon qilish mumkin emas. Uslubchilar o`zlarining dikkat e`tiborlarini diktantni orfografik mashqlarning foydali turiga aylantirishga qaratib, uning juda ko`p turlarini ishlab berdilar. Yuqorida ta`kidlaganimizdek diktantning turi ko`p bo`lib, ayrimlari haqida to`xtalib o`tamiz : Ta`kidiy diktant - Bu diktant o`quvchilar yo`l qo`uyishi mumkin bo`lgan xatolarni oldini olish maqsadida o`tkaziladi. Buning uchun tanlangan matn grammatik - orfografik tomonidan tahlil qilinadi, o`rganilgan qoidalar eslatiladi, ayrim so`zlarning yozilishi ta`kidlanadi, so`ngra matn aytib turib yoziladi. Ta`kidiy diktantning samaraliligi o`quvchilarning aktivligiga bog`lik, o`quvchilarni aktivlashtirish uchun matn tahlil qilinayotganda ularning ayrim so`zlarining yozilishini o`qituvchidan so`rashga, o`rganilgan qoidaga mos so`zni o`zlari tanlab, uni tahlil qilishga ayrim so`zlarni lug`atdan topib imlosini tekshirishga o`rgatish zarur. Ko`rsatuv diktanti- d iktantning bu turi ta`kidiy diktantning bir turi bo`lib, unda ko`ruv uquvi ham faol qatnashadi. Boshlang`ich sinflarda ko`prok ko`rsatuv diktanti qo`l keladi. Bunda o`qituvchi o`tilgan mavzuga mos bo`lgan matnni darslikdan tanlaydi, yoki yozib qo`yadi. Matn o`quvchilarga o`qib beriladi, zarur qoidalar eslatiladi, u yoki bu so`zning to`g`ri yozilishi ta`kidlanadi, matn ogzaki tahlil qilinadi. So`ngra doskaga yozilgan matn parda yoki kog`oz bilan berkitiladi. Matnni diktovka bilan yozdirilgach, parda ochiladi. O`quvchilar o`z ishlarini doskadagi matnga qarab tekshiradilar, xatolarni to`g`rilaydilar. So`ngra daftarlar tekshirish uchun yig`ib olinadi.

www.arxiv.uz Saylanma diktant - Saylanma diktant ham ta`kidiy diktant kabi o`tkaziladi. Buning ta`kidiy diktantdan farqi shundan iboratki, tanlangan matn tahlil qilinib, o`rganilgan qoidalar takrorlab eslatilgach, o`qituvchi diktovka qilgan gapdan o`quvchilar o`rgangan qoidalarga mos bo`lgan so`z yoki so`z birikmasinigina tanlab olib yozadilar. Masalan, Saylanma diktant qaratqich kelishigidagi otning gapda boshqa otga bog`lanishini mustaxkamlash maqsadida o`tkazilsa, “maktabimizning shuxrati butun yoyilgan” gapi diktovka kilingach, o`quvchilar qoidaga mos “maktabimizning shuxrati” so`z birikmasinigina yozadilar va xokazo. Saylanma diktantda vaqt tejaladi, kerakli so`z yoki so`z birikmalarigina yoziladi. Matnga o`rganilgan mavzuni puxtalashga o`quvchilarning faol munosabati talab etiladi. Eslatish diktanti - bu diktantni o`tkazishda avval zarur imlo qoidalari takrorlab, eslatiladi, so`ngra tanlangan matn diktovka bilan yozdiriladi va tahlil qilinadi. Diktant darsning o`zida tekshiriladi. Ayrim vaqtda tekstning bir qismi yozib bo`lingach, shu qism tahlil qilinishi va tekshirilishi ham mumkin. Eslatish diktanti o`quvchilarni kontrol diktant yozishga tayyorlaydi. Tayyorlov diktanti - bu diktantdan kontrol diktant yozishga tayyorlash, xatoning oldini olish maqsadida imloviy mashq sifatida foydalaniladi. Bunda avval matn o`kib tahlil qilinadi, keyin diktovka qilib yozdiriladi, so`ngra tekshiriladi. Lug`at diktantda bog`lanishli matn yoki gaplar emas, balki o`rganilgan ayrim imlosi qiyin so`zlargina diktovka qilinadi. Buning uchun mavzu mazmuniga mos 10-15 ta imlosi qiyin so`z tanlanadi. Lug`at diktant ko`pincha dars oxirida o`tkaziladi (5-7 daqiqa ajratiladi). O`qituvchi so`zlarni aytib turib yozdiradi, o`quvchilar yozib bo`lgach, lug`atdan topib yozishni tekshiradilar. Ba`zan diktant uchun tanlangan so`zlarni ifodalovchi rasmlar ko`rsatiladi, o`quvchilar rasmlarda ifodalangan predmetlar nomini yozadilar (bir predmet rasmi ko`rsatiladi, o`quvchilar uning nomini yozib, vergul

www.arxiv.uz qo`yadilar, ish shu tarzda davom ettiriladi) va yozgan so`zlarini lug`atdan tekshiradilar. Diktantning bu turi rasm diktant deb ham yuritiladi. Izohli yozuv- o`qituvchi gapni o`kigach bir o`quvchi so`zlarni bo`g`inlab aytib turadi, zarur bo`lgan so`zning imlosini aniq va qisqa izohlab tushuntiradi. So`zni hamma bir vaqtda yozadi.O`qituvchi o`quvchining izohini kuzatib, zarur tuzatishlar kiritadi. So`zni izohlashda o`quvchi to`xtab qolsa yoki xato qilsa, uni navbatdagi o`quvchi izohlaydi. Izohlash uchun ayrim grammatik forma tanlanishi (bu tanlab izohlanishi / bu to`lik yoki umumiy izohlash) mumkin. Izohli yozuv xususiyatiga ko`ra ta`kidiy diktantga o`xshaydi, ammo izohli yozuvda matnni yozib borish jarayonida xatolar oldi olinadi. Bu usul jarayonni boshqaradi, o`quvchilarni o`z - o`zini tekshirib borishga o`rgatadi. Erkin diktant - diktantning bayonga yaqin turi bo`lib, o`quvchilarni ravon bayon yozishga tayyorlaydi. Diktant deb atalishining sababi - o`quvchini matnni diktovka qiladi, erkin deyilishining sababi matnni o`qib berilgan qismidan esda qolganini erkin ravishda yozishdir. Diktant uchun 3-5 abzasga bo`lingan matn tanlanadi. Matn o`qilishidan oldin zarur qoidalar takrorlab eslatiladi. O`qituvchi avval matnni yaxshi o`qib beradi, so`ngra abzasma-abzas o`qib yozdiriladi. Birinchi abzas oq`iladi, o`quvchilar esda qolganini yozadilar , ikkinchi abzas o`qiladi o`quvchilar esda qolganini yozib bo`lgach, uchinchi abzas o`qiladi. Diktantning bu turi to`g`ri yozuvga o`rgatishning nutq o`stirish vazifasi bilan uyg`unlashtirib amalga oshirishga yordam beradi. Masalan, uchinchi sinfda "Fe`l" mavzusi o`tib bo`lingach o`qituvchi biz, bog`, gul, qo`shni, termoq, o`ynab o`tib ketmoq, adashib qolmoq, qidirmoq, topib kelmoq, so`zlarini doskada yozib berib, "bog`da" mavzusida gaplar tuzishni topshiradi. O`quvchilar quyidagicha gaplar tuzib yozadilar:

www.arxiv.uz biz bog`da gullar terdik, Nafisa o`ynab bog`dan boqqa o`tib ketdi. U adashib qoldi, biz Nafisani qidirdik uni qo`shni bog`dan topib keldik. Ijodiy diktant imloni o`zgartirishni o`rgatishni nutq o`stirish bilan uyg`unlantirib amalga oshirishga imkon beradi, bolalardan matn tuzishga faol munosabatda bo`lishini talab qiladi. Kontrol diktant kontrol yoki tekshiruv diktanti O`quvchilar olgan bilim hosil qilgan ko`nikma va malakalarni tekshirish uchun o`tkaziladi. Kontrol diktantdan ayrim vaqtda o`qitish vositasi yoki imloviy malakalarini qosil qilishga qaratilgan mashq turi sifatida ham foydalaniladi. Kontrol diktant mustaqil diktant deb ham nomlanadi. Chunki O`quvchi qandaydir vazifani mustaqil bajarishda o`z kuchini sinaydi, o`zi bilgan qoidani O`qituvchi diktovka qilgan matnga tadbik qiladi. Kontrol diktant O`qituvchiga u yoki bu qoidaga oid mavzuni O`quvchilar qay darajada o`zlashtirganligi xaqida ma`lumot beradi va keyingi mashg`ulotlarni tug`ri rejalashtirishga imkon beradi. O`qituvchi butun sinf ayrim O`quvchilar nimani o`zlashtirmagani nimani takrorlash kimga qanday yordam berish qanday mashqlar ishlatish kerakligini aniqlab oladi. Diktantlar kuzatilgan natijani berish uchun uni tashkil etish va o`tkazishda ayrim talablarga rioya qilish zarur. 1. Kontrol ish ma`lum bir mavzu o`tilib , O`quvchilarda zarur malaka hosil bo`lgach, o`tkaziladi. Aks holda kontrol ish qiyinroq o`tkaziladi. 2. Kontrol ish tekshirilganda yaqinda o`rganilgan mavzular bilan bir qatorda ilgari o`rgatilganlar yuzasidan yo`l qo`yilgan xatolar ham hisobga olinadi. 3. Diktant uchun materiallar sifatida ma`lum bir mavzudagi bog`lanishli tekst ba`zan alohida gaplar olinadi. Har bir sinf uchun so`zlar soni quyidagicha belgilangan: 1-sinfda ikkinchi chorak oxirida 20 so`z, yil oxirida 40 so`z; 2-sinfda ikkinchi chorak oxirida 55 so`z, yil oxirida 65 so`z ; 3- sinfda ikkinchi chorak oxirida 75 so`z, yil oxirida 85 so`z;

www.arxiv.uz Diktant tekstining qiyinligi o`rtacha bo`lishi, ma`lum qadar imlosi o`rganilmagan so`zlar kiritilmasligi yaqinda o`tilgan mavzuga oid 2-6 so`z bo`lishi talab etiladi. Diktant teksti O`quvchilarning turli qoidalarga oid yo`l qo`ygan xatolarini aniqlash, taqqoslash imkoniyatini beradi. Tekstda ma`lum bir qoidaga oid nechta so`z bo`lishini bilgan O`qituvchiga O`quvchilar yo`l qo`ygan xatolar hisobini olish, ular urtasidagi farqni aniqlash oson bo`ladi. 4. O`qituvchi diktant tekstini o`qib, ayrim tushunarsiz so`z va iboralarni yo`l- yo`lakay tushuntiradi, O`quvchilar yozmay, faqat tinglab esda saqlab qolishlarini eslatib, har bir gapni alohida-alohida diktovka qiladi. O`qituvchi yig`ik sodda gaplarni butunligicha, yoyik sodda gap va qo`shma gapni esa qismlarga bo`lib yana o`qiydi, O`quvchilar yozadilar. Gaplar qayta o`qilganda O`quvchilar yozganlarini tekshirib ko`radilar. Tekst diktovka bilan yozdirilgach, O`qituvchi tekstni yana bir marta sekin o`qiydi, O`quvchilar yozganlarini tekshiradilar. Masalan, 1-sinfda so`zlarni so`roq berish orqali bir-biridan farqlash; 2-3 sinflarda so`z turkumlarini, otlarning egalik qo`shimchalarini topib, shaxs- sonini aniqlash, qaysi kelishikda turlanganini farqlash, fe`llarning qaysi shaxs- sonda turlanganini, zamonini aniqlash, xatolarni hisobga olish va ular ustida ishlash. O`qituvchi o`z o`quvchilarining imlo va grammatikadan qay darajada malaka hosil qilganini aniqlash va bu malakani takomillashtirib borish uchun ularning yozma ishda yo`l qo`ygan xatolarini hisobga olib borishi zarur. O`qituvchi diktant natijalarini hisobga olib boradigan daftariga eng bo`sh o`zlashtiruvchi O`quvchilar uchun alohida varaq ajratib, ular yo`l qo`ygan xatolarni yozib boradi. Bu O`qituvchiga O`quvchilarning orfografik savodxonligi qanday o`sishini ko`zatib borishga, ayrim O`quvchilarga sinfda va uyda bajarish uchun shaxsiy vazifalar berishga differensial yordam uyushtirishga imkon beradi. O`quvchilar yozma ishlarida yo`l qo`ygan xatolarini tugrilash ustida o`zlari ham mustaqil ishlaydilar. Buning uchun ular xato yozgan so`zlarini tug`rilab ko`chirib yozish bilangina chegaralanmay, ularni hisobga oladilar. Oradan ma`lum vaqt

www.arxiv.uz o`tgach, O`qituvchi frontal suhbat vaqtida yoki O`quvchidan o`tilgan mavzuni so`rayotgan paytida zarur bo`lgan so`zlarni yozib berishini va qoidasini tushuntirishini so`raydi. Bu hildagi ish O`quvchilarni aktivlashtiradi. O`qituvchi chorak oxirida, yarim yilda, yil oxirida O`quvchilar ishida yo`l qo`yilgan xato va kamchiliklarni to`la analiz qilishi mumkin. U tipik xatolarni yozib borish va ularni O`quvchilar o`rgangan qoidalari asosida klassifikasiya qilish natijasida sinfdagi O`quvchilarning grammatika va imlodan o`zlashtirishi xaqida to`la tasavvurga ega bo`ladi. O`qituvchi O`quvchilar yo`l qo`yayotgan xatolarning sababini bilishi muhim ahamiyatga ega. Xatolarning kelib chiqish sabablari turlicha bo`lib, asosiylari qo`yidagilar hisoblanadi: 1. O`quvchi qoidani bilmaydi; 2. Qoidani biladi, lekin uni yozuvda qo`llay olmaydi; 3. Qoidalarni aralashtiradi; 4. Yozayotgan so`zlarini ma`nosini tushunmay xato qiladi; 5. ayrim nutq tovushlarini xato eshitadi, yoki noto`g`ri talaffuz qiladi, yozish jarayonida o`zini tekshirib bora olmaydi. O`quvchilarning grammatik bilim va to`gri yozuv malakalarini hisobga olib, ona tilidan o`zlashtirishlari baholanadi. Boshlang`ich sinflarda bitta baho qo`yiladi, bunda O`quvchilarning savodli yozishi hal qiluvchi rol o`ynaydi. Ona tilidan bilim va malakalarini baholash me`yori I - IV sinflar rejasiga berilgan. O`quvchilar yo`l qo`ygan xatoning oldini olish va to`grilashda yozma ishlarni tahlil qilish darslari katta ahamiyatga ega. Bunday darsning ko`rilishi kontrol ishning xarakteriga ko`ra turlicha bo`ladi. Diktant tahlilida O`qituvchi bolalar diqqatini jamoa ishiga jalb etish uchun daftarlarni avval tarqatmaydi. Sinfda O`quvchilar yo`l qo`ygan tipik xatolar ustida ishlanadi. O`qituvchi doskada, boshqa o`quvchilar daftarlariga sinfdagi ko`p o`quvchi xatoga yo`l qo`ygan so`z, yokigaplarni yozadilar; U yoki bu so`zning qanday yozilishi, nima uchun shunday yozilishi aniqlanadi; To`g`ri yozuv qoidalari takrorlanadi.

www.arxiv.uz Tipik xatolar juda ko`p bo`lmaydi, shuning uchun O`qituvchi ular tahlilini tez tugatib, takrorlangan qoidaga oid so`z tanlash, shu so`zni qatnashtirib gap yoki so`z birikmasi to`zish va uni yozishni mashq qilishi yaxshi natija beradi. Darsning ikkinchi qismida O`quvchilarning individual xatolari tahlil qilinadi. O`qituvchi O`quvchilar daftarlarini tarqatadi. Ular O`qituvchi tomonidan togrilangan so`zlarni topadilar va daftarlariga yozadilar, ular ishtirokida gaplar tuzadilar va xokazo. Faqat bunday darslardagina emas, balki boshqa darslarda ham xatolar ustida izchil ravishda ishlab boriladi. Har bir dars, har bir O`quvchining javobi, har qaysi yozma ish O`quv predmetida berilgan bilimlarini o`zlashtirish darajasini ko`rsatib, O`qituvchi O`quvchilar duch keladigan qiyinchiliklar, keyingi darslarda nimaga ko`proq e`tibor berish kerakligi haqida ma`lumot beradi. O`qituvchi alohida O`quvchi va butun sinf bilan olib boriladigan ishlarning aniq rejasini tuzish uchun sinf ishini diqqat bilan kuzatishi, og`zaki va yozma javoblarni to`g`ri baholab borishi, o`z daftarchasiga zarur ma`lumotlarni yozib borishi lozim. Grammatikadan - yozma grammatik tahlil, ma`lum sxema asosida gap bo`laklari, so`z turkumi yoki so`z tarkibi jihatidan tahlil qilib, gap bo`laklari, so`z turkumlari xaqida chizish bilan, so`z qismlarini ma`lum belgilar bilan gapdagi so`zlarning bog`lanishini sxema bilan ko`rsatish va shu kabilar. Orfografiyadan- kontrol diktant: kerakli so`zlarni yoki tinish belgilarini qo`yib, bo`sh formada berilgan so`zlarga ko`shimchalar ko`shib gap tuzib, kitob yoki doskadan ko`chirib yozish; berilgan tema asosida gap tuzish; hikoya tarzidagi tekst asosida bayon yozish; kichik hikoya yozish; ba`zan lug`at va kontrol diktantdan ham foydalanish mumkin. Maktab tajribasida grammatik bilim bilan orfografik malaka birga tekshiriladi, masalan: diktant yozdirilib, matndagi ayrim so`z, so`z birikmasi yoki gap tahlil qilinadi; Grammatik tahlil uchun ikki yoki uchta topshiriq berilishi mumkin.

www.arxiv.uz Uchinchi sinf o`quvchilariga 2-chorakda "Qish keldi" mavzusida diktant yozdiriladi. Bundan maqsad bilim, ko`nikma va malakalarini tekshirish bo`ladi. Qish keldi . Mana qish ham keldi.Ariqlarda suvlar muzladi. Hamma yoqni oppoq qor qopladi. Uyning tomlari ham oppoq bo`ldi. Bolalar pal`to va ko`lpoq kiyib qorda o`ynaydilar. Abbos bilan Malikning yangi chanasi bor. Ular yalanglik chetidagi tepalikdan mazza qilib chana uchdilar. Malik juda saxiy bola. U chanasini o`rtoqlari bilan birga uchadi (49 ta so`z.) Diktant matnini o`qib, ayrim tushunarsiz so`zlarni yo`l - yo`lakay tushuntirib boriladi, O`quvchilar yozmay, faqat eshitib esda saqlab qolishlarini eslatib, har bir gapni alohida-alohida diktovka qilinadi. Matn diktovka bilan yozdiriladi. O`qituvchi matnni yana bir marta sekin o`qiydi, O`quvchilar yozganlarni tekshiradilar. O`qituvchi matnni adabiy til normalariga rioya qilib o`qib berishi zarur. O`quvchilarni ishlari yig`ib olinib tekshiriladi. Tekshirilishi lozim bo`lgan BKM elementlari nomi va soni: 1. Gapda bosh harflar bilan yoziladigan so`zlarni aniqlash. 2. Xat boshidan yozish. 3. Atoqli otlarni aniqlay olish va ularning imlosi. 4. Ko`plik qo`shimchalarini to`gri yozish. 5. Kema-ket kelgan bir xil undoshlarni yozish. 6. Chiroyli yozuv. Diktant O`quvchilarni yozma nutqini o`stirishda katta ahamiyatga ega, diktant uchun matn tanlash muhim masaladir. Dastlab kichik matnlar tanlanadi. U sintaktik va leksik jixatdan sodda va tushunarli bo`lishi zarur. Diktant uchun tanlanadigan matnlar mazmun jihatidan asta-sekin murakkablashtirilib boriladi.

www.arxiv.uz Birinchi sinfda diktant yozishda mo`ljallangan matn to`rt - besh gapli bo`ladi. O`qituvchi matnni bir marta sekin va ifodali o`qiydi. Har bir so`zni diktovka qilib yozdiradi. Xar bir gap tugagandan so`ng takrorlab o`qiydi. O`quvchilarga yangi gap bosh xarflar bilan boshlanishini va oxirida nuqta qo`yilishini ham o`rgatiladi. O`qituvchi qaysi chorakda, nechta va qachon diktant yozdirilishini oldindan rejalashtirgan holda, oldindan tayyorlab boriladi va aytiladi. O`quvchilarni diktant yozishga tayyorlash, ular yo`l qo`yishi mumkin bo`lgan xatolarni oldini olish ustida muntazam ishlash odatlantirishning sharti hisoblanadi.

www.arxiv.uz FOYDALANILGAN ADABIYOTLAR . 1. K.Qosimova va b. Ona tili metodikasi.Toshkent. Nosir. 2009 yil 2. 2 DTS. "Boshlang`ich ta`lim" 5-son 2005 yil. 3. M.Jumaniyozova. M.Tilavova Husnixat va uni o`q itish metodikasi. (Ma`ruza matnlari) Urganch 2005 yil. 4. K.Abdullaeva. Savod o` rgatish metodikasi. Toshkent " O`q ituvchi" 2006 yil 5. onatili.uz

O'xshashlar

Boshlang`ich sinflarda mehnat ta`limining hozirgi davrdagi maqsad va vazifalari

Boshlang`ich sinflarda savodxonlikka o`rgatishda bolalar nutqini o`stirish

Chеt til o`qitishning boshlang`ich bosqichi

Bolalarda psixik kasalliklarning boshlang`ich ko`rinishlari

Boshlang`ich ta`limning vazifalari va me`yoriy-uslubiy hujjatlari tahlili