Bolalarda shartlı o’lchov yordamıda turlı o’lchamlarnı o’lchash haqıdagı tasavvurlarnı shakllantırısh - Pedagogika - Referatlar

Bolalarda shartlı o’lchov yordamıda turlı o’lchamlarnı o’lchash haqıdagı tasavvurlarnı shakllantırısh

Yuklangan vaqt:

29.08.2023

Ko'chirishlar soni:

0

Hajmi:

102.0927734375 KB

Ko'chirib olish

I.BOB. Bolalarda shartlı o’lchov yordamıda turlı o’lchamlarnı o’lchash haqıdagı tasavvurlarnı shakllantırısh 1.1. Predmetlar o’lchamini idrok qilish va taqqoslash Bolalarga shartli o’lchovlarni o’rgatishdan oldin o’lchovning aniq chiqishiga yordam beradigan quyidagi qoidalarni tushuntirish lozim: 1. Hap doim o’lchovni eng chekkadan boshlash kerakligi haqida. 2. O’lchovning oxirini belgilab qo’yish kerakligi haqida. 3. Predmetning uzunligini o’lchash vaqtida o’lchov chapdan o’nga qarab, eni bilan bo’yini o’lchagan vaqt o’lchov yuqoridan pastga qarab olinishi haqida. 4. Keyingi o’lchovni oxirgi belgi qo’yilgan joydan boshlash kerakligi haqida. 5. O’lchov olayotgan vaqtda albatta uning sonini sanash kerakligi haqida. Bolalarni uzunlikni o’lchashga o’rgatish vaqtida o’lchovning soniga qarab, lentachalarning uzunligini o’lchash yoki chiziqchalarda ramka chizishni taklif qilinadi. Bolalar rasmdagi predmetlarning o’lchamlarini olishga qaraganda, tayyor predmetlarning o’lchamlarini olish vaqtida uncha qiynalmaydilar. Shuning uchun bolalarga to’g’ri o’lcham olishni o’rgatish vaqtida tayyor predmetlardan foydalanish kerak. Shuningdek ma’lum sondagi o’lchovlar ko’p bo’lmasligi, ya’ni 5-6 ta bo’lishi kerak. Kundalik hayotda olib borilgan maxsus mashg’ulotlar davomida bolalar uzunlik o’lchashning turli usullarini o’rganib oladilar. Enini o’lchashga o’rgatish vaqtida bolalarga o’lchovni predmetning ko’ndalangiga qarab qo’yganligini tushuntirishning o’zi kifoya. Predmetning uzunligi va enini o’lchash vaqtida olgan ko’nikmalarni balandlikni o’lchash vaqtida qo’llaydilar, shuning uchun bu o’lchovni olishda qiynalmaydilar va birinchi mashg’ulotdayoq o’lchovni to’g’ri ola boshlaydilar. Tajriba va kuzatishlar shuni ko’rsatdiki, 6-7 yoshli bolalar uzunlikni o’lchashni to’la egallash qobiliyatiga egadirlar. Og’irlik o’lchamini bolalar qanday tushunadilar? Kuzatish va bolalarning javobi shuni ko’rsatadiki, 6-7 yoshli bolalar og’irlikni tarozi orqali o’lchash kerakligini

biladilar. Xaltacha (qop)larda qancha shakar bor degan savolga bolalar «Uni tarozida tortish kerak» deb javob beradilar. Bu savolga maishiy uy tajribasini ifodalovchi javoblar ham beradilar. Masalan: «Stakan bilan o’lchash kerak». Bolalar shu narsalarning og’irligi uning toshi ekanligini bilmaydi. Toshlar katta va kichik, og’ir va yengil bo’ladi. Agar bolalarning uzunlik va og’irlik haqidagi bilimlari taqqoslansa, ularning og’irlik haqidagi bilimlari ko’p ekaniga ishonch hosil qilamiz. Bolalarning suyuqliklar sig’imi haqidagi bilimlari juda past ekanligi aniqlangan. Bolalarning ko’pchiligi ko’zadagi sutni qanday o’lchashni bilmaydi. Ularni «santimetr» bilan, lineyka bilan, gradusnik bilan deb javob beradilar. Bolalarning javoblari ularning suyuqliklarni, sochiluvchi jismlarni o’lchash haqidagi bilimlari yo’qligini ko’rsatadi. Bolalar suyuqliklarni o’lchash qoidalarini, suyuqlikning o’lchami nimaligini bilmaydi. Bolalarning hikoyalarida ularning onalari bilan bir litr sut olganliklarini aytadilar, lekin ular litr suyuqliklarning o’lchov birligi ekanligini bilmaydilar. Turli narsalarni o’lchay olishga o’rgatish bolaning aqliy taraqqiyotiga katta ta’sir qiladi. Shuning uchun bog’chaning katta tayyorlov guruhlarida olib borgan ta’lim-tarbiyalari natijasida ularga uzunlikni o’lchash, og’irlikni o’lchash, suyuqliklarning sig’imini o’lchash va ularning o’lchov birliklari bilan tanishtirib borish kerak. Ta’lim berish natijasida: 1. O’lchash, bolaga o’lchanayotgan obyekt haqida aniq bilim beradi. 2. O’lchashlarning soni uning katta-kichikligiga bog’liq bo’ladi. 3. O’lchashlarning soni va ularning o’lchami o’rtasida funksion bog’liqlik borligini ko’rsatadi. Shunday qilib, bolalarning shartli o’lchov haqidagi bilimlari ularning umumiy o’lchov haqidagi bilimlarini kengaytirishga olib keladi. Bilimlarni mustahkamlash uchun o’yin: “Yaqin – uzoq”. O’yin qoidasi: 4 xil: yaqin, yaqinroq, uzoqroq, uzoq masofada savatchalar tayyorlab qo’yiladi. Bolalar ikki qator bo’lib ikki tomonga saflanadilar.

Tarbiyachi aytgan masofaga har bir qatordan bir bola kelib turadi va koptokni tarbiyachi aytgan masofadagi savatchaga uloqtirib tushirishi kerak. Koptok qaysi masofaga tushsa, bolalar o’sha masofani yaqin, uzoq, yaqinroq, uzoqroq deb aytadilar va navbatni keyingi bolaga beradilar. O’yin shu tarzda davom etib, 2-3 marotaba takrorlanishi mumkin. Mashq natijasida bola “yaqin” va “uzoq” so’zlarini tushunadi va nutqda to’g’ri qo’llaydi. Tarbiyachi: Bolalar, hozir sizlar yoningizdagi qutichadan doira shaklini olinglar. Bu shaklni o’zingizga nisbatan uzoq joylashtiring (stol ustiga). Endi kvadrat shaklini o’zingizga nisbatan yaqin joyga joylashtiring. Uchburchak shaklini olib o’zingizga nisbatan yaqinroq joyga qo’yinglar. To’g’ri to’rtburchak shaklini uzoqroqqa joylashtiringlar. Tarbiyachi bolalar ishini kuzatib “Doira sizdan uzoqdami yaqindami?”, “Uchburchak sizdan uzoqroqmi , yaqinroqmi?” deb so’raydi. “Sehrli qopcha” o’yini. Bolalar doira bo’lib turadilar, tarbiyachi doira o’rtasida turadi, tarbiyachining qo’lida “sehrli qopcha”, qopchada turli qalinlikda va uzunlikdagi matolar, qalamlar bo’ladi. Bolalar bittadan kelib qopchadan bir narsani ushlab uning nimaligini va qandayligini aytadilar, hamda qopchadan chiqarab rangini ham aytadilar. Bolalar to’g’ri topgan buyumlar olib qo’yiladi. “Yaqin” va “uzoq” so’zlarini tushunadi va nutqda to’g’ri qo’llaydi. Maktabgacha yoshdagi bolalarning narsalarning katta-kichikligi haqidagi tushunchani o’zlashtirib olishlari imkoniyatlari va o’ziga xos xususiyatlarini ilmiy tekshirishlar natijasida ochib berish bolalar bog’chasidagi har bir yosh gruppasi uchun dasturda berilgan bo’lim bo’yicha kerak bo’lgan zarur bilim va malakalar hajmini aniqlashga imkon beradi. Atrofdagi hamma narsani miqdor jihatidan kuzatishlarni uyushtirishga, bolalarning o’z faoliyatlarining xilma-xil turlarida matematik mazmundagi bilim va ko’nikmalaridan qanday foydalanishlariga katta ahamiyat beriladi. Ta’limiy faoliyatlarda va kundalik hayotda didaktik o’yinlardan hamda o’yin-mashqlardan keng foydlaniladi. Ta’limiy faoliyatlardan tashqari vaqtlarda o’yinlar tashkil qilib,

bolalarning matematik tasavvurlari mustahkamlanadi, chuqurlashtiriladi va kengaytiriladi. Ta’limiy faoliyatlarda bolalarning faol faoliyati birinchi navbatda yangi material ustida ishlashni hamda ilgari o’tilgan materialni takrorlashni birga to’g’ri qo’shib olib borish bilan ish turlarini va uni tashkil etish usullarini almashtirib turish bilan, ya’ni ta’limiy faoliyat tuzilmasi bilan ta’minlanadi. 1.2. Bolalarning predmetlar shakli va geometrik figuralarni idrok qilishidagi o’ziga xos xususiyatlar Matematika mashg’ulotlarida bolalar eng sodda geometrik figuralar bilan, ularning ba’zi xossalari bilan tanishadilar, buyumlarni geometrik etalonlar bilan taqqoslash asosida ularning (buyumlarni) shaklini tahlil qilish va baholashni o’rganadilar.Bolalarda asta-sekin shakl haqidagi umumiy tasavvur shakllanadi, bunday tasavvur maktabda geometriya, chizmachilik kabi fanlarni o’zlashtirish uchun asos bo’ladi. Tug’ilgan bolalar geometrik figuralarni his eta boshlaydilar. Masalan, bir nechta turli butilkalarni bolaning oldiga terib qo’ysak, bola ovqat yeydigan butilkasini ko’zi bilan, labi bilan teshib yuboray deydi. Bola biroz ulg’aygandan so’ng o’yinchoqlarini geometrik figuralar bilan solishtira boshlaydi. Masalan: Mana bu tayoq stolbaga o’xshaydi, mana bu tarvuzga o’xshaydi, ya’ni hamma narsalarni bir-biriga o’xshatish. Predmetlarning shaklini aniqlashda geometrik figuralar etalon bo’lib xizmat qiladi. Shakl xuddi o’lchamga o’xshab bir predmetni ikkinchi predmetdan farqlashga yordam beradi Bolalarda shakl haqidagi tasavvurlarini shakllantirish sensor tarbiyaning bir muammosi deb hisoblanadi. Kam tanish bo’lgan predmetlar shaklini hech narsa bilan o’xshata olmaydi, shuning uchun shaklning belgisiga ko’ra ularni umumlashtira olmaydilar. Predmet shaklini aniqlashda geometrik figuralarning rol katta. 2-3 yashar bolalar geometrik figuralarni oddiy o’yinchoq deb his etadilar. Masalan: silindr – stakan, stolba; konus – stakan, stolba; konus – minora. Shuning uchun geometrik figuralar bilan tanishtirish katta ahamiyatga ega (doira, kvadrat, uchburchak). Bolalar maishiy xizmat qiluvchi predmetlarni etalon (ko’rgazma deb hisoblangan geometrik figuralarni his eta boshlashadi. Shaklni ko’rish va his qilish orqali, harakat tuyg’ulari orqali idrok etishni tashkil etish, uning xossalarini namoyon qiluvchi xilma xil

ishlardan foydalanish, figuralar nomini, ularning xossalarini, harakat usullari nomini aytish bolalarning figuralar haqidagi tasavvurlarini aniqlash imkonini beradi. Kichkintoylar predmetlarni faqat ko’z bilan ko’ribgina qolmasdan, balki qo’liga oladi va og’ziga solib ko’radi. Keyinchalik esa so’zlashga harakat qiladi. Bolalarga uchburchak, doira va kvadrat shakllari tasvirlangan kartochkalar tarqatiladi va quyidagicha topshiriq beriladi: Rasmdagi uchburchak shakllarini birlashtirib chiqing. Bolalar uchburchak shakllarini qalam yordamida birlashtirib chiqadilar. Tarbiyachi bilan bolalar gilam ustida doira qurib o`tiradilar. Gilamda katta klyonka ustida plakat va geometrik shakllar (doira, uchburchak, kvadrat) to’plami. Tarbiyachi boshchiligida geometrik shakllardan turli narsalarni applikatsiya usulida yopishtiradilar. Buning uchun g`oyani bolalardan so`rash mumkin. Masalan: «Bolajonlar, mana shu geometrik shakllardan turli narsalarni yasash mumkin, hozirgi nimalar yasashni xohlashingizni aytasizlar. Men yozib olaman va birgalikda yasaymiz. Shakl haqidagi tasavvurlarni idrok qilish va shakllantirishda so’zning o’rni. Bilimlarni mustahkamlash uchun o’yin: “Ovalni top”. Bolalar doira shaklida turadilar. Kartondan qirqilgan doira, kvadrat, uchburchak, to’g’ri to’rtburchak va oval

shakllaridan 8 tasi aralashtirib qo’yiladi. 4 ta bola doira ichiga chaqirilib, ko’zlari ro’mol bilan bog’lanadi. Bolalar ko’zlari bog’liq holatda shakllar ichidan oval shaklini topib olishlari kerak. Qaysi bola ko’proq oval shaklini to’plasa, unga yulduzcha shaklidagi medalon mukofot sifatida beriladi. Bolalar navbat bilan 4 tadan bo’lib almashib o’yinni davom ettiradilar. O’yin: “Shakl yasa”. Tarbiyachi bolalarni 4 guruhga bo’lib 4 joyga joylashtiradi. 1-guruhga 10 ta tayoqcha, 2-guruhga 8 ta tayoqcha, 3-guruhga 6 ta tayoqcha, 4-guruhga 4 ta tayoqcha beradi. Har bir guruh tarbiyachining topshirig`idan so’ng oldidagi tayoqchalardan kvadrat shaklini yasaydi. Natijada to’rt xil katta-kichik shakllar paydo bo’ladi. Bolalarni to’g’ri yoki noto’g’ri bajarganliklari tekshirib chiqiladi. Guruhlar o’rni o’zgartirilib o’yin yana shu shart bilan davom etadi. “Postlar qo’yish” o’yini Maqsad: O’yin bolalarni tinchlantiradi va uyushqoqlikni ta’minlaydi. Bolalarning geometrik shakllar to’g’risidagi tasavvurlarini mustahkamlaydi. O’yinning borishi: Bolalar ketma-ket turib marsh qilib yuradi. Boshlovchi oldinga boradi. Boshlovchi qarsak chalib signal berganda oxirida ketayotgan bola to’xtab qimirlamay postda turadi, qolganlari yurishda davom etadi. Mana shunday qilib boshlovchi hamma bolalarni o’zi belgilangan tartibga postga qo’yib chiqadi, natijada biror geometrik shakl hosil bo’ladi ( katta va kichik kvadrat, uchburchak, doira va hakozo), so’ng bolalardan ular qanday shakl yasaganlari so’raladi. Oldin boshlovchi saylanadi va har bir bola boshlovchi bo’lgunicha o’yin davom etadi. 5- 6 yoshli bolalar, odatda, albatta qo’l bilan ushlab ko’radi. Demak, shunday xulosa qilamiz: bolalarni yoshligidan geometrik figuralar shaklini qo’liga ushlab ko’rib, eshitib, ko’zlari bilan ko’rib, to’g’ri xulosa chiqarishga o’rgatishimiz kerak.

II. BOB. Geometrık fıguralarnı turlı belgıları bo’yıcha guruhlash 2.1. Geometrik figuralarni burchaklari, tomonlari, soni bo’yicha taqqoslash. Ikkinchi kichik guruh uch yoshli kichkintoylarni dumaloq predmetlarni va burchaklari bor predmetlarni farq qilishga, ya’ni predmetlar shakllarini elementar tahlil qilishga o’rgatadilar. Qarash uchun geometrik shaklga ega bo’lgan, detallari yo’q, oddiy shakldagi predmetlarni tanlashadi. Boshdagi har xil rangdagi, ammo bir xil shakldagi bir xil predmetlarni, masalan: uchburchak, kvadrat, to’g’ri to’rtburchak shaklidagi bayroqchalardan foydalanish maqsadga muvofiq, bu kichkintoylarga shakl alomatini ajratishga yordam beradi. Shundan keyin har xil rangli bir xil predmetlarni, sodda shakldagi istalgan predmetlarni, koptok, ip, koptok, banka, rul, g’ildiraklarni berish mumkin. Tarbiyachi bolalarga predmetlarning shakllarini payqash — harakat yo’li bilan, «shakl» so’ziga urg’u bergan holda tahlil qilishni o’rgatadi. U predmet konturi ustidan ko’rsatkichni yuritib chiqadi, oxirida u predmet ustidan qo’lini yurgazib «dumaloq» (g’ildirak) deydi. Bolalarni birgalikda harakat qilishga jalb qilish muhim. Tarbiyachi qo’llarining harakatini kuzatib, kichkintoylarga xuddi shunday harakatni havoda bajarishga «yordam» berishadi. Predmet konturi ustidan qo’l yoki ko’rsatkich aylantirib chiqiladi. Har gal harakat predmet ustidan qulni tekkazib chiqish bilan tugaydi, shunday qilinmasa shakl haqidagi tasavvur kontur chizig’i bilan bog’lanib qolishi mumkin. Tarbiyachi bolalarda predmetlar konturini o’rab olish, ularni qo’l bilan qamrab olish, qo’lni sirt bo’yicha siypalab chiqish, predmetlarni dumalatish, ularni har xil holatda qo’yish istagini uyg’otadi. Natijada dumaloq va burchakli predmetlarning xossalarini (turg’un, turg’un emas va h.k.) topadilar. «Shakli bo’yicha o’xshashlarini tanla» kabi o’yin mashqlardan foydalanish mumkin. Chaqirilgan bola o’z predmetini tekshirib chiqib, uni shu shakldagi predmetlar turgan stolga o’tkazib qo’yishi kerak. Keyinroq bolalar buni mustaqil bajaradilar, masalan: o’z stollari yonida o’tirgan hollarida har xil shakldagi predmetlarni ajratib qutilarga solishadi: bir qutiga dumaloq (doiraviy), ikkinchi qutiga burchakli (burchaklari bo’lgan) predmetlarni solishadi. Ikkinchi

kichik guruhda bolalarni doira va kvadrat bilan tanishtiradilar. Bolalarni geometrik shakllar bilan tanishtirish Маtematika mashg’ulotlarida bolalar eng sodda geometrik shakllar bilan, ularning ba’zi xossalari bilan tanishadilar, buyumlarni geometrik etalonlar bilan taqqoslash asosida ularning (buyumlarning) shaklini tahlil qilish va baholashni o’rganadilar. Bolalarda asta-sekin shakl haqidagi umumiy tasavvur shakllanadi, bunday tasavvur maktabda geometriya, chizmachilik kabi fanlarni o’zlashtirish uchun asos bo’ladi. “Bolajon” tayanch dasturida geometrik shakllar bilan tanishtirishga qo’yilgan vazifalar mazmuni bilan tanishtirish. Kichik guruh Geometrik shakl. Doirani taniy olish va nomini aytishni o’rgatish. Uni sezish, harakat va ko’rish yo’llari bilan tekshirish usullarini o’rgatish. Kvadrat bilan tanishtirish. Doira, kvadratni farqlash va aytishni sezish, harakat va ko’rish usullari orqali o’rgatish. Bolalarga shar va kub haqida tushuncha berish. Turli topshiriqlar yordamida shar va kub haqidagi bilimlarni mustahkamlash. Uchburchakni taniy olish va nomini aytishni o’rgatish. Uni sezish, harakat va ko’rish yo’llari bilan tekshirish usullarini o’rgatish. O’rta guruh Geometrik shakllar. Doira, kvadrat, uchburchak shakllarini bir-biridan farqlashni mustahkamlash. To’g’ri to’rtburchak shakli bilan tanishtirish, to’g’ri to’rtburchak-kvadratni farqlash va aytishni, ularni sezish - harakat va ko’rish usullari orqali o’rganish. Oval shakli bilan tanishtirish, doira, ovalni farqlash va aytishni, ularni sezish - harakat va ko’rish usullari orqali o’rgatish.

Kub, shar, silindr kabi shakllarning nomini aytish va bir-biridan farqlashni o’rganish. Shakllar har xil o’lchamda bo’lishi mumkinligi haqida tasavvur hosil qilish (katta doira - kichik doira, katta kvadrat – kichik kvadrat). Tayoqchalardan to’g’ri to’rtburchak, kvadrat, uchburchak yasashga, bu shakllardan foydalanib turli narsalar yasashni o’rgatish. Katta guruh Geometrik shakllar . Shakllar har xil o’lchamda bo’lishi mumkinligi haqida tasavvur hosil qilish (katta doira - kichik doira, katta kvadrat – kichik kvadrat). Shakllar va uning ayrim belgilari haqida tasavvur hosil qilish: Masalan, to’rtburchakning 4 ta burchagi va 4 ta tomoni (to’rtburchakning turli ko’rinishlari misolida) bor. Bolalarning shar, kub, silindrlar haqidagi tasavvurlarini mustahkamlash va ular yordamida turli mavzularda loyihalar yaratish. Doira va oval shaklini farqlashga doir turli mashqlarni bajartirish. Qurshab turgan narsalar orasidan tanish bo’lgan geometrik shakllarni topa olishga o’rgatish: masalan, lagan, non doiraga o’xshaydi; stolning usti, devor, eshik va derazalar to’rtburchakka, ro’molcha kvadratga, qizchalar boshidagi ro’mol uchburchakka, stakan silindrga o’xshaydi va hakozo. Uchburchak va to’rtburchaklardan turlicha katta o’lchamdagi narsalar va shakllar tuzish. Turli geometrik shakllar to’plamidan har xil o’yinlar o’ynash, maxsus shakllar to’plamidan foydalanib, namunadagi narsalarni yasashni o’rgatish. Tayoqchalardan to’g’ri to’rtburchak, kvadrat, uchburchak yasashga, bu shakllardan foydalanib turli narsalar yasashga o’rgatish. Tayoqchalardan hosil bo’lgan geometrik shakllardan bir nechta tayoqchani olish usuli bilan ko’rinishini o’zgartirishga doir muammoli vazifalarni hal etishni o’rgatish. Maxsus shakllar to’plamidan foydalanib, namunadagi qismlardan tashkil topgan shakl- siluetlar hosil qilishga o’rgatish. Labirintlar va ularning yechimi bilan tanishtirish. Tayyorlov guruh Geometrik shakllar. Bolalarni doira, kvadratni ikki teng qismga bo’lishga, olingan qismlarni «yarim», «ikkidan bir qism» deb atashga o’rgatish. Aniq material yordamida

butun qismdan katta, qism esa butundan kichkina ekanligini belgilash. Ko’pburchaklar haqida tasavvur berish: uchburchak, to’rtburchak-bu ko’pburchak. Bolalarni ko’pburchak elementlari (tomonlari, burchaklari, burchak uchlari) bilan tanishtirish. Т ayoqchalar yordamida turli shakllarni yasash. Bolalarga doirani, kvadratni 4 ga bo’lishni o’rgatish. Aniq material asosida butun qismdan katta, qism esa butundan kichkina ekanligini belgilash. Bolalarni 2 ta, 4 ta uchburchaklardan bitta ko’pburchaklar tuzishga, kichik to’rtburchakdan bitta katta to’rtburchak tuzishga o’rgatish. Beshburchak va oltiburchak bilan tanishtirish. Yetishmagan shakl, jismni (shar, kub, silindr) topishga doir mantiqiy masalalarni yechishni o’rgatish. Geometrik shakllar ko’rinishini o’zgartirishga o’rgatish: kichik uchburchaklardan to’rtburchak shaklini yasash va boshqalar. Tayoqchalardan hosil bo’lgan geometrik shakllardan bir necha ayoqchani olish usuli bilan ko’rinishini o’zgartirish. Maxsus shakllar to’plamidan foydalanib, namunadagi narsalarni hosil qilish. Kichik guruhda bolalarni geometrik shakllar bilan tanishtirish Uch yoshli kichkintoylar dumaloq buyumlarni va burchaklari bor buyumlarni farq qilishga, ya’ni buyumlarning shakllarini elementar tahlil qilishga o’rgatiladi. Qarash uchun geometrik shaklga ega bo’lgan, detallari yo’q oddiy shakldagi buyumlar tanlanadp. Buning uchun dastlab, har xil rangdagi, ammo bir xil shakldagi, bir xil buyumlardan, masalan: uchburchak, kvad-drat, to’g’ri to’rtburchak shaklidagi

bayroqchalardan foydalanish maqsadga muvofiq, bu kichkintoylarga shakl alomatini ajratishga yordam beradi. Shundan keyin har xil rangli bir xil buyumlarni sodda shakldagi istalgan buyumlar (koptok, ip koptok g’ildiraklar)ni berish mumkin. Tarbiyachi bolalarga buyumlarning shakllarini payqash — harakat yo’li bilan, “shakl” so’ziga urg’u bergan holda tahlil qilishni o’rgatadi. U buyum konturi (tashqi ko’rinishi) ustidan ko’rsatkichni yuritib chiqadi, oxirida u buyum ustidan qo’lini o’tkazib “dumaloq” (g’ildirak), — deydi. Bolalarni birgalikda harakat qilishga jalb qilish muhim ahamiyatga ega. Kichkintoylar tarbiyachining qo’l harakatini kuzatib, xuddi shunday harakatni havoda bajarishga “yordam” berishadi. Buyum konturi ustidan qo’l yoki ko’rsatkich barmoq aylantirib chiqiladi. Har galgi harakat buyum ustidan qo’lni tekkizib chiqish bilan tugaydi, shunday qilinmasa, shakl haqidagi tasavvur kontur chizig’i bilan bog’lanib qolishi mumkin. Tarbiyachi bolalarda buyumlar konturini o’rab olish ularni qo’l bilan qamrab olish, qo’lni sirt bo’yicha siypalab chiqish, buyumlarni dumalatish, ularni har-xil holatga qo’yish istagini uyg’otadi. Natijada yumaloqlangan va burchakli buyumlarning xossalarini (turg’un, turg’un emas va h.k.) topadilar. 2.2. Geometrik figuralarni o’lchash, umumlashgan tushunchalarni shakllantirish. O’rta guruh o’qitishning dastlabki oylarida maktabgacha yoshdagi bolalarning o’zlariga tanish geometrik figuralar: doira va kvadratlarni farq qilish hamda to’g’ri aytish malakalarini mustahkamlash kerak. Bu ishni guruhlarni miqdoriy taqqoslash mashqlari va sanoqqa o’rgatish mashqlari bilan bir vaqtda o’tkazish maqsadga muvofiq. Tarbiyachi bolalarni sodda masalalar – bosh qotirgichlar (cho’plardan-har xil geometrik figuralar tuzish) bilan tanishtirishi mumkin. 7 ta cho’pdan 2 ta kvadrat tuz: 6 ta cho’pdan to’g’ri to’rtburchak tuz; 7 ta

cho’pdan 3 ta uchburchak tuz; 5 ta cho’pdan 2 ta uchburchak va 1 ta kvadrat tuzish mumkinmi? Bu mashqlar bolaning topqirligini, xotirasini, tafakkurini, rivojlanish imkonini beradi. Butun ish ma’lum izchillikda tuzilishi kerakligi tushunarli. O’quv yili boshida tarbiyachi bolalarning shakl haqidagi bilimlari darajasini aniqlaydi. Geometrik figuralar haqidagi bilimlarni musahkamlash va aniqlash, shuningdek bolalarni kataklar bo’yicha o’lchashga mashq qildirish uchun katakli qog’ozda kvadratlar, to’g’ri to’rtburchaklar, doiralar, ovallar chizish bo’yicha mashqlar o’tkaziladi. Geometrik figuralar, shuningdek sodda shakldagi predmetlar (bayroqchalar, olxo’rilar, olmalar va h.k.) ning rasmini chizishga matematikadan 10- 12 ta talimiy faoliyat ajratiladi. Figuralarni guruhlashda bolalar bitta belgi bo’yicha mo`ljal olib, boshqa belgilarga e`tibor bermaydilar. Guruhlashga doir mashqlar o’tkazganda bolalarning figura haqidagi bilimlarini sistemalashtirish maqsadga muvofiq. Masalan, oldin figuralarni guruhlarga ajratish, so’ngra yumaloq figuralar orasidan doira va ovallarni, ko’pburchaklar orasidan to’rtburchaklar va uchburchaklarni ajratish kerak. Nihoyat, to’rtburchaklar orasidan to’g’ri to’rtburchaklar va kvadratlarni topish kerak. Bolalar ayrim shakllar orasida bog’lanishlar o’rnatadilar. Figuralar juftini tanlashga doir mashqlar shu maqsadda xizmat qiladi: uchburchaklar, to’rtburchaklar va h.k. har xil rang va o’lchamdagi, ammo bir xil proporsiyadagi figuralar, masalan, teng yonli uchburchaklar juft tashkil qiladi. Bolalarda har xil proporsiyadagi bir jinsli figuralarni taqqoslashadi. Bolalarga maishiy mashqlarni taklif qilish foydali, masalan, «Topingchi, qatorda qaysi shakl ortiqcha», «Shakllarni tanlashda qanday xato qilishgan?» qator qilib qo’yilgan 6 ta uchburchak orasidan bitta to’rtburchak qo’yilgan va h.k.). Qanday shakl yetishmaydi?» (uch to’rt xil o’lchamdagi uchburchaklar, to’rtburchaklar qatorlarga joylashtirilgan, har qaysi qatorga predmetlar kattaliklari kichiklashib boradigan tartibda joylashtirilgan, bir qatorda bitta figura yetmaydi). Bir guruhdagi shakllarning ikkinchi guruhdagi shakllardan farq qilishi alomatlarini topishga doir masalalar uchburchaklar, to’rtburchaklar va boshqa shakllar haqidagi tasavvurlarini mustahkamlash imkonini beradi. Doiralar va ovallar, uchburchaklar

va to’rtburchaklar tasvirlangan juftlashgan jadvallardan foydalanish mumkin. Shakllar ikki-uch xil o’lchamda va rangda berilgan. Katta guruh uchun “Postlar qo’yish” o’yini bolalar ketma-ket mashq qilib turadilar. Boshlovchi oldinga boradi. Boshlovchi(qarsak chaladi) signal berganda oxirgi ketayotgan bola darhol to’xtab qimirlamay postda turadi qolganlari yurishda davom etadi. Mana shunday qilib boshlovchi hamma bolalarni o’zi belgilagan tartibda portga qo’yib chiqadi . Natijada bir geometrik shakl hosil bo’ladi (katta, kichik to’rtburchak qilib, uchburchak aylana) so’ng bolalardan ular qanday shaklni yasaganliklarini so’raladi. Oldin boshlovchi tarbiyachi bo’ladi. Keyin yangi boshlovchi saylanadi va har bir bola boshlovchi bo’lguncha qadar davom etadi. Tayyorlov guruhi dasturida geometrik figuralar ko’rinishini o’zgartirish, bir xil figuralardan boshqa xil figuralar tuzish nazarda tutilgan. Tarbiyachi bolalarga o’z ixtiyorlaridagi figuralarga qarashni, ularni shakl bo’yicha taqsimlash, ular qanday atalishini va qanday kattalikda ekanini aytishni taklif qiladi, so’ngra esa qandaydir ikki-uchta figura olib, ularni birlashtirish yo’li bilan qanday yangi figura tuzish mumkinligini o’ylab ko’rishni taklif qiladi. Bolalar figuralarni tuzganlaridan keyin, qanday yangi figuralar hosil bo’lganini va ular qanday figuralardan tuzilganligini gapirib berishni taklif qiladi. Qismlardan butun figuralar tuzib, bolalar ikkita yarimta, to’rtta yarimta, sakkizdan bir qismdan, doiraning to’rtdan biriga teng qismdan va h.k. dan nechta doira tuzish mumkinligini fahmlaydilar. Geometrik shakllarni o’rganishda o’yin texnologiyalaridan foydalanish samarali sanaladi. Masalan,” Topgan topaloq” didaktik o’yini Maqsad: Bolalarda geometrik shakllarni ajratib va uni to’g’ri aytish ko’nikmasini hosil qilish. Fikrlash, tinglash va to’g’ri javob berishga o’rgatish. 1. Uchta uch-u uchta burchak Va yana uchta tomon, Uchovi qo’shilib, Yashaydi omon-omon. (Uchburchak) 2. To’rt burchagi to’g’ri burchak, O’zi to’rtta tomoni bor.

Hamma tomoni teng uning Bu nimadir, aytinglar-chi nomini? (To’rtburchak) 3. Boshi boru oxiri yo’q, Ketaverasan bir yo’lda. Oxiriga yetay dema, Yetolmaysan million yilda. ( Doira) Endi bu shakllardan kuchukcha uyini yasab beramiz. Maktab yoshidagi katta bolalar bilan ishlashda geometrik mazmunli qiziqarli o’yinlar va mashqlar katta foyda keltiradi. Ular bolalarning matematik bilimlarga qiziqishini rivojlantiradi, aqliy qobiliyatlarining o’sishiga yordam beradi. O’quv yilining dastlabki oylarida maktabgacha yoshidagi bolalarning o’zlariga tanish geometrik shakllar — doira va kvadratlarni farq qilish hamda to’g’ri aytish malakalarini mustahkamlash kerak. Bu ishni guruhlarning miqdoriy taqqoslash va sanoqqa o’rgatish mashqlari bilan bir vaqtda o’tkazish maqsadga muvofiq. Bolalarga “Bilgin-chi, bunda nechta kvad-rat bor”, “Nima ko’p, doiralarmi yoki kvadratlarmi?” kabi topshiriqlar va savollar beriladi. O’rta guruh dasturida bolalarni uchburchak bilan tanishtirish nazarda tutilgan. Bolalarni bu shaklni tanish va aytishga, doira va kvadratlarni farq qilishga o’rgatish kerak. Bu ishlarni amalga oshirish usullari kichik guruhda foydalanilgan usullarga o’xshaydi, bular: shaklni payqash— harakatni tekshirish, u bilan har xil amaliy ishlarni tashkil qilish. Uchburchak bilan tanishtirish uni doira va kvadrat bilan taqqoslash asosida o’tkaziladi. Dastlab shakllar juftlab

taqqoslanadi, masalan, birinchi mashg’ulotda uchburchak bilan doira taqqoslanadi. Tarbiyachi uchburchakni ko’rsatib, bolalar e’tiborini burchaklarga qaratgan holda uchburchak konturi bo’ylab barmog’ini (ko’p marta) yuritib chiqadi. “Barmoq burchakkacha boradi, to’xtaydi, burchakni aylanib, yana nariga ketadi. Yana bir marta burchakkacha boradi, burchakni aylanadi, yana nariga ketadi”,—deb tushuntiradi tarbiyachi. U shaklni aytadi (“Bu — uchburchak”), uning qanday rangda ekanini so’raydi, bolalarning e’tiborini uchburchakning tomonlari borligiga, ular 3 ta ekaniga, burchaklari borligiga va ular ham 3 ta ekaniga qaratadi. Shundan keyin tarbiyachi bolalardan o’z uchburchaklarini ko’rsatishni, ularni sanashni, uning burchaklari nechta ekanini so’raydi. Keyingi mashg’ulotlarda uchburchak bilan kvadrat shunga o’xshash taqqoslanadi, shundan keyin esa doira, kvadrat va uchburchak bir vaqtda taqqoslanadi. Tarbiyachi bolalar e’tiborini uchburchaklar, doiralar va kvadratlar katta o’lchamli ham, kichik o’lchamli ham bo’lishiga qaratadi, har xil rangli katta va kichik shakllarni ustiga qo’yish usuli bilan taqqoslashni taklif qiladi, shakli bir xil bo’lgan shakllar har xil rangli va har xil o’lchamli bo’lishi mumkinligini tushuntiradi. O’rta guruhda tarbiyachi bolalarda har xil shakldagi shakllarni idrok qilish tajribasini to’plashida davom ettiradi. Bolalar ikki-besh qismdan iborat sodda va murakkabroq shakldagi buyumlarni ko’zdan kechirishadi va rasmlarini chizishadi, ularni loy va plastilindan yasashadi, bunda qismlarning shakli hozircha geometrik etalonga yaqin bo’ladi (bular piyola, jo’ja va boshqa narsalar bo’lishi mumkin). O’rta guruhda tarbiyachi predmetlar shaklini sezish — harakat va ko’rish bilan — tekshirishni tashkil qiladi. Tekshirish natijalari dumaloq (doiraviy), to’g’ri to’rtburchak shaklida kabi so’zlar bilan mustahkamlanadi. Bu guruhda “Buyum o’zi haqida nima deydi?”, “Qismlariga ko’ra buyumning o’zini bil”, “Buyumlar dominosi” kabi o’yinlardan va shuningdek kubchalar, qirqma rasmlardan foydalanish mumkin. Geometrik obrazlar haqidagi dastlabki ma’lumotlarni bolalar o’yinlardan,

mehnatdan, kundalik hayot (turmush)dan oladilar. Ular tarbiyachiga taqlid qilib, mozaikalar va qurilish materiallari komplektiga kiruvchi u yoki bu buyum nomini aytadilar. Ularning xossalari bilan amalda tanishadilar. Matematika mashg’ulotlarida sanoqqa o’rgatish uchun doiralar, uchburchaklar va boshqa narsalardan ko’rsatma material sifatida foydalaniladi. Bolalar shakllar miqdorini aniqlab, ularni aytishadi. Mashg’ulotlarda bolalarni doira, kvadrat, uchburchakning ba’zi belgilari bilan keyinroq esa, to’g’ri to’rtburchakning belgilari bilan tanishtirish, shakllar har xil o’lchamli va har xil rangli bo’lishini ko’rsatish kerak. Bolalar tarbiyachi bilan birga katta o’lchamli (diametri 15 sm) shakllarni qarashadi, kichik o’lchamdagi xuddi shu shakllarni ko’rsatishadi. Bolalarga o’z konvertlaridagi shakllarni ajratish va ular qanday shakllar ekanini va qanchaligini aytishtaklif qilinadi. Tarbiyachining topshirig’iga binoan, bolalar shakllarning kattaliklari bo’yicha ortib va kamayib borish tartibida joylashtiradilar, har xil shakllarning miqdorlarini taqqoslab, qaysi shakllar kam, qaysi shakllarning miqdori barobar ekanini aniqlaydilar. Birinchi mashg’ulotda bolalarga shakllarning bir xil komplekti beriladi, keyingi mashg’ulotlarda esa har qaysi bola shakllarning shunday komplektini oladiki, unda shakllarning miqdori, rangi va o’lchami har xil bo’ladi. Tarbiyachining ko’rsatmasiga binoan, bolalar shakllarni ikki poloskali kartochkalarga shakli, rangi, kattaligi bo’yicha joylashtiradilar, so’ngra poloskalarning har qaysisidagi shakllar miqdorini taqqoslaydilar. Shunday mashg’ulotlar o’tkaziladiki, ularda bolalar kvadratlar bilan to’g’ri to’rtburchaklarni taqqoslaydilar va ularning ba’zi xususiyatlari bilan tanishadilar. Masalan, tarbiyachi bolalarga kvadrat va to’g’ri to’rtburchak olishni, navbati bilan ularning konturlaridan barmoqlarini yuritib chiqishni va ular nimalari bilan farq qilishini o’ylab ko’rishni taklif qiladi. Bolalar kvadratni to’g’ri to’rtburchak ustiga qo’yib, shakllarni taqqoslashadi va to’g’ri to’rtburchak uzun ekanini, u shunisi bilan kvadratdan farq qilishini ko’rishadi. Bolalar sanashni o’rganib olishganidan keyin, ular tanish shakllarniig elementlari

bilan, ya’ni tomonlari va burchaklarining mavjudligi hamda ularning miqdori bilan tanishtiriladi. Tarbiyachi kvadratning bir uchidan ikkinchi uchigacha barmog’ini yuritadi va bu kvadratning tomoni ekanini aytadi. Kvadratning hamma tomonini ko’rsatadi. Shuni kuzatish kerakki, bolalar “burchak” so’zini burchakning uchi bilan, ya’ni burchakni hosil qiluvchi nurlar (tomonlar) chiqadigan nuqta bilan bog’lamasinlar. Shuning uchun burchak ko’rsatilayotganda, qo’lni burchak tekisligida bir tomondan ikkinchi tomongacha surib borib ko’rsatish maqsadga muvofiqdir. Bolalar o’z kvadratlari va to’g’ri to’rtburchaklarining tomonlarini topishadi, so’ngra esa burchaklarini topishadi, tomonlar va burchaklar miqdorlarini sanashadi, kvadrat va to’rtburchakning to’rttadan burchagi va to’rttadan tomoni borligini aniqlashadi. Navbatdagi mashg’ulotda ular uchburchaklarni ham xuddi shunday tekshirishadi, hamma uchburchakda uchtadan burchak va uchtadan tomon borligini aniqlashadi. Bunday mashqlarni bolalar shakllarni tekshirib, ko’yilgan savolga javobni mustaqil izlab topa oladigan qilibtuzish kerak. Geometrik shakllar haqidagi bilimlarni mustahkamlash uchun tarbiyachi bolalarga oldin gugurt cho’plaridan shakl tuzishni, so’ngra ornament hosil qilishni taklif qiladi. Shakllarni farq qilish va aytnsh bo’yicha mashq qildirish uchun “Nima o’zgardi?”, “Nima yo’q bo’ldi?”, “Shakllar dominosi”, “Xuddi shunday shaklni ko’rsat” kabi didaktik va harakatli o’yinlardan foydalaniladi. Masalan, tarbiyachida disk bo’lib, unga doira bo’ylab har xil geometrik shakllar joylashtiriladi. U disk strelkasini surish bilan goh u shaklni, goh bu shaklni ko’rsatadi, bolalar esa, o’z shakllari orasidan xuddi shunday shakllarni topishadi, ko’rsatishadi va nomini aytishadi. “O’z uychangni top” o’yinida polga chizilgan yoki chilvirdan "tuzilgan doiralar, kvadratlar, uchburchaklar va boshqa shakllar uycha bo’lishi mumkin. Katta o’lchamli shakllar shaklini aniqlash bolalarga qiyinlik qilishkni hisobga olib, bunday o’ychalar o’lchamlarini tobora kattalashtirib borish maqsadga muvofiq. Individual mashqlar uchun “Juftini top”, “Kartochkaga mos shakl tanla” va boshqa

o’yinlardan foydalanish maqsadga muvofiq. Bolalar shakllarning rangli va kontur tasvirlarini mos qo’ynshadi, shaklga mos shakl tanlashadi. Yil oxirida bolalar sodda geometrik shakllarni nafaqat farq qilishadi va aytishadi, balki ularning ba’zi belgilari bo’yicha oriyentir oladigan bo’lishadi. Bolalarni buyumlar shaklini geometrik shakllar bilan taqqoslashga o’rgatish mumkin. Shu maqsadda maxsus mashqlardan foydalaniladi. Masalan, tarbiyachi stolga geometrik shaklni qo’yadi, bolalar esa shu shakldagi buyumlarni tanlashlari kerak. Geometrik shakl — namuna shakl ayrim bolalarga berilishi ham mumkin, ular shaklni va o’zlari tanlagan buyumni ko’rsatishadi. Mashqlarni “Xuddi shu shakldagi buyumni top”, “Men nimani aytsam, shuni top”, “Topshiriq” va boshqa o’yinlar shaklida o’tkazish maqsadga muvofiq. Tarbiyachi har qaysi shakldagi buyumdan ikki-uchtadan tanlaydi. Asta-sekin ularning miqdorini to’rt-beshtaga yetkazish mumkin.

O'xshashlar

Matematık tasavurlarnı shakllantırısh nazarıyası va metodıkası xususıy masalaları

Xayolning bolalarda rivojlanishi

Irodaviy harakatlarning bolalarda rivojlanishi

Bolalarda vatanga muhabbat va baynalmilallikni tarbiyalash

Maktabgacha yoshdagi bolalarda psixik jarayonlarni rivojlantirish