Маргарин махсулотлари ассортименти. - Oziq-ovqat texnologiyasi - Referatlar

Маргарин махсулотлари ассортименти.

Yuklangan vaqt:

20.09.2019

Ko'chirishlar soni:

0

Hajmi:

87.5 KB

Ko'chirib olish

Маргарин махсулотлари ассортименти. Режа: 1. Маргарин рецептуралари ва компонентларни тайёрлаш. 2. Эмулсия тушунчаси. 3. Маргарин ишлаб чиқаришнинг принципиал схемаси. 4. Майонезлар рецептуралари ва ишлаб чиқаришнинг принципиал схемаси.

Маргарин сариёғга ўхшаш ёғ сифатида 1869 йилда француз кимёғари Меж-Мурье томонидан ишлаб чиқарилган. У эритилган мол ёғининг тез эрийдиган қисмини сигир ошқозанидаги зардоб ёрдамида эмульсиялашни таклиф этди. Хосил бўлган аралашмани ях сувда совутилганда ярим қаттиқ оч сариқ рангли ялтироқ махсулот хосил бўлди. Меж-Мурье уни маргарин деб атади. ( Margjaret – французча – марварид). Яъни марварид маъносини билдиради. Маргарин – бу майда заррачали эмульсия бўлиб, унинг таркибига: ёғлар, сут, туз, шакар витаминлар фосфатидлар, эмульгаторлар ва бошқалар киради. Биринчи маргарин заводлари 1930 йилда Москва ва Санкт- Петербургда ишга туширилган. Республикамизда Тошкент ёғ-мой комбинатида қаттиқ ва юмшоқ маргарин ишлаб чиқарилмоқда. Мойларнинг озуқа қиймати уларнинг энергетик қиймати ва физиологик таъсири Билан белгиланади. Маргарин киши организмига сингиши жихатидан сут ёғидан паст эмас ва энергетик қиймати жихатидан эса ундан юқори туради. Маълумки майда заррачали эмульсия ҳолатидаги ёғлар киши организмига яхши сингади. Бунга ёғларнинг эриш харорати ҳам таъсир этади. Шу сабабли, маргарин учун ишлатиладиган ёғларнинг хусусиятлари асос қилиб олиниб, масулотнинг эриш арорати 31-34 0 С дан юқори бўлмаслиги керак. Маргаринда мавжуд бўлган эссенциал (тўйинмаган) ёғ кислоталар унинг физиологик қийматини оширади. Маргарин масулотларининг ассортименти. Маргарин масулотлари қуйидагиларга бўлинади: 1.Маргаринлар таркибидаги ёғнинг миқдори 82% дан кам бўлмаслиги керак. (сутли маргаринлар). 2. Кулинар ёғларда ёғнинг миқдори 99,7% гача (кандолат, нон масулотлари учун ва ошпазлик).

Ишлатилишига ва рецептурасига қараб маргаринлар қуйидагиларга бўлинади: А) Ошхона ва маркали (бутерброд) маргаринлар Б) Саноатда қайта ишлаш ва умум овқатланиш тизими учун В) маза киритувчи қўшимчали маргаринлар (ёғлилиги 62% дан кам бўлмаслиги керак). Маргаринлар қаттиқ, юмшоқ ва суюқ холатда бўлиши мумкин. Юмшоқ маргаринлар бутерброд ёғи сифатида ишлатилади. Суюқ маргаринлар нон масулотлари, унли кандолат масулотлари ишлаб чиқариш учун фойдаланилади. Маза киритувчи моддалари бўлган маргаринлар (шоколадли) таркибида какао-порошок, кўп миқдорда шакар бўлади ва улар қандолат масулотлар тайёрлаш учун ишлатилади. Кулинар ёғлари қуйидаги ассортиментда ишлаб чиқарилади: печенье, шоколад ва вафли масулотлари учун. Бу ёғлар турли таркибга эга бўлиб, қуйидаги компонентлардан иборат: саломас, переэтерификацияланган ёғ, ўсимлик мойи. Баъзи кулинар ёғлар таркибига: мол ёғлари ҳам қўшилади. Нон масулотлари учун ишлатиладиган ёғлар фосфатид қўшилиб суюқ холатда тайёрланади. Маргарин ишлаб чиқариш учун асосий хомашёлар . Маргарин ишлаб чиқаришнинг асосий хомашёси ёғ ва сут ҳисобланади. Ёғли хомашё . Асосий хомашё суюқ ва гидрогенланган (саломас) холдаги ўсимлик мойидир. Кунгабоқар, пахта ва соя мойлари кенг қўлланилади. Гидрогенланган мой маргарин масулоти рецептурасидаги асосий компонентдир. Ундан ташқари ҳайвон ёғларидан мол, қўй ёғлари ва сариёғ ишлатилади. Сут . Маргарин ишлаб чиқариш учун пастеризацияланган ёки ивитилган сут ишлатилади. Ивитилган сут маргаринга ўзига хос маза, хушбўй ҳид бериб, маргаринни сақланиш муддатини оширади. Сутдаги қуруқ қолдиқ миқдори 8,0 фоиздан кўп ва кислоталилиги 21 0 Т дан кам

бўлиши керак (Сутнинг Тернердаги кислоталилиги деб 100мл сутни нейтраллаш учун керак бўлган 0.1Н ишқор эритмасининг миллилитрлар миқдорига айтилади). Агар кислоталилиги 23 0 Т дан ортиб кетса, пастеризация вақтида сут ивиб қолиши мумкин. Янги соғилган сутнинг кислоталилиги 15-16 0 Т бўлади. Эмульсиялар ҳақида . Маргарин сув ва мой аралашмасидан хосил қилинган қуюқ эмульсиядир. Эмульсия оддий шароитда ташқи ўринишидан бир хил бўлиб, бир-бирида аралашмайдиган ва бир бирида эримайдиган икки суюқлик аралашмасидир. Суюқликлардан бири майда заррачалар (томчилар) шаклида иккинчисида тақсимланган бўлади. Икки турдаги эмульсия мавжуд: сувнинг ичида ёғ (Ё-С) ва ёғнинг ичида сув (С-Ё). Табиий эмулсияларга сут ёки сариёғ мисол бўлиши мумкин. Эмульсия барқарор бўлиши учун эмульгаторлар ишлатилади. Эмульгатор . Маргарин тайёрлашда – турғун ва майда заррачали эмульсия хосил қилиш учун эмульгатордан фойдаланилади. Яхши эмулгатор маргаринни жуда турғун қилиб, ёғларнинг сув билан бириктириш ва комплекс бирикмалар хосил қилиш, эмульсияланиш хусусиятларини яхшилайди, организмга сингишини тезлаштиради, сирт активлигини оширади. Маргарин ишлаб чиқаришда эмульгатор сифатида моноглицерид, дистеарат моноглицерин (Т-2), қуритилган сут ва моноглицерин билан фосфатид концентрати аралашмаси (Т-Ф), МГ, МГД, Т-1 маркали эмулгаторлар ишлатилади. Маргарин рецептураси. Маргариннинг ёғли асоси турли ёғларнинг аралашмасидан иборат. Бу аралашманинг эриш харорати, қаттиқлиги ва қаттиқ фаза миқдори маргаринни асосий кўрсаткичларидир. Эриш харорати ёғли асоснинг таркибига боғлиқ. Мўтадил структура хосил бўлиши учун маргариннинг ёғли асоси таркибига эриш хароратлари хар хил бўлган саломаснинг бир неча турлари, переэтерификацияланган мойлар ва суюқ ўсимлик мойлари қўшилади. Қандолат, нон масулотлари учун ва кулинар ёғларнинг ёғли асос рецептуралари уларни ишлатилишга қараб тузилади.

Куйидаги жадвалларда сутли маргаринлар ва кулинар ёглар рецептураси келтирилган. Компонентлар Столовый сариёғ Экстра % миқдори 1. Саломас Тс 31-34 0 С Қаттиқлик 160-320 г/см 46 50 26 2. Саломас, Тс 35-36 0 С Қ=350-410 г/см 11 8 12 3. Пахта пальмитини Тс 18-22 0 С 8 - 8 4. Ўсимлик мойи 16 15 10 5. Кокос ёғи - - 25 6. Сари ёғи - - - 7. Бўёқ 0.2 0.2 0.2 8. Сут 12 8 16 9. Эмульгатор 0.2 0.2 0.2 10. Туз 0.4 0.3 0.3 11. Шакар 0.4 0.3 0.3 12. Сув 6 8 2 Жаъми 100 100 100 Шу жумладан ёғлилик, сут ёғи Билан биргаликда 82 82 82

Кулинар ёғларининг рецептураси Компонентлар Печенье учун кондитер ёғи Ўсимлик ёғи Кулинар ёғи шарк Пенорус 1. Саломас Тс 31-34 0 С қаттиқ лиги 160-320 г/см 73 70 65 35 2.Мол ёғи 24 - - 30 3. Қўй ёғи - - 15 - 4.Ўсимлик мойи - 10 10 20 5. Пахта пальмитини - 20 10 15 6. Фосфатид концентрати 3 - - - Жаъми 100 100 100 100 Сутни тайёрлаш . Сигир сутининг таркиби, % хисобида Сув 87 - 89 гача Ёғ 3,0 – 6,0 Оксиллар 3,4 – 4,0 Лактоза 4,0 – 5,5 Минерал моддалар 0,6 – 0,8 Сут оксили – бу сут альбумини, сут глобулинидир. Оксилнинг умумий миқдорига нисбатан казеин 80 %-ни ташкил этиши мумкин. Сутдаги қуруқ қолдиқнинг мавжудлиги, сутнинг озуқавий кийматини ифодалайди ва уларнинг камайиши сутнинг сув билан суюлтирилганлигини кўрсатади. Сутда ҳам мойда эрувчан ҳам сувда эрувчан витаминлар ҳамда минерал элементлар мавжуд. Сутга икки босқичда ишлов берилади. Биринчи – тозалаш, иккинчи – ивитиш. Сутни бактериялардан тўла тозалаш мақсадида пастеризация қилинади. Сутни ивитишдан мақсад маргаринга сутли, нордон ва хушбўй таъм бериш ва хосил бўлган сут кислотаси таъсирида маргаринда бўлиши мумкин

бўлган микрофлорани ривожланишига тўсқинлик қилиш. Маргаринга ивитилган ва ивитилмаган сут аралаш холда 1:1, 1:3 нисбатда қўшилади. Ивитилган сутдаги хушбўй таъмни диацетил ва диацетоин моддаларининг мавжудлиги белгилайди. Сут ивитиш томизғилари маргарин заводл арига қуруқ холда келтирилади. Улардан дастлаб оз миқдорда суюқ холдаги томизғилар кейин катта хажмдаги сутда аралаштирилган холда томизғилар тайёрланади. Рецептура буйича барча компонентлар махсус тайёрланади. Фосфатид концентрати эмульгатор сифатида ишлатилади хамда кулинария ёғларининг озука кийматини ошириш мақсадида қўшилади. Фосфатид концентратида 50 % дан кам бўлмаган миқдорда фосфатид ва намлик 4 % дан ортмаслиги керак. У қуйидаги нисбатда эритилади мой:фосфатид=4:1. Ош тузи маргариннинг таъмини яхшилаш ҳамда консервант сифатида қўшилади. Шакар маргариннинг таъмини яхшилайди. Бўёқлар сифатида маргаринга оч- сариқ яъни сариёғга ўхшаш ранг бериш мақсадида каротиннинг ёғли эритмалари қўшилади. Хозирги вақтда биосинтез йўли билан олинган  – каротин қўлланилмокда. Витаминлар маргариннинг биологик хусусиятларини ошириш мақсадида қўшилади. Хушбўй хид берувчи қўшимча сунъий ароматизаторлар ҳам қўшилади. Маргарин ишлаб чиқаришнинг принципи . Маргарин ишлаб чиқариш қуйидаги операциялардан иборат: меъёрлаш, аралаштириш, эмульсиялаш, ўта совитиш, кристаллаш ва кадоқлаш. Меъёрлашнинг икки усули маълум: оғирлиги ва хажми буйича. Оғирлиги буйича меъёрлаш компонентларни аниқ миқдорда олишни таъминлайди. Аралаштириш. Компонентларни аралаштириш жараёнида аралаштириш билан бирга аралашманинг харорати 38-40 0 Сда ушлаб турувчи аралаштиргичлар қўлланилади. Аралаштириш давомида дағал эмульсия, яъни дастлабки эмулсиялаш жараёни бажарилади. Аралаштиргичнинг айланиш тезлиги 60 айл/мин.

Эмульсиялаш. Дағал эмулсиядан майда заррачали эмульсия ҳосил қилиш учун гомогенизаторлардан фойдаланилади. Улар горизонтал уч плунжерли юқори босимда ишлайдиган насослардир. Уларнинг асосий элементи гомогенизацияловчи камера қисми хисобланади. Эмульсия камерага тушгач, тиркиш ва клапан орқали сиқиб чиқарилади. Шу вақтда юқори дисперс эмульсия хосил бўлади. Насос ҳосил қилган юқори босим эмульсиянинг ўта совитгичдан кадоқлаш автоматигача бўлган трубалардаги каршиликни бартараф қилиши учун сарф бўлади. Насоснинг босими 18-22 атм. Ўта совитиш. Маргарин эмульсияси совитилганда, кристалланиш жараёни содир бўлади. Структураларнинг шаклланиши совитиш тезлигига, аралаштириш тезлигига, тўйинган ва тўйинмаган глицеридларнинг миқдорига боғлиқ. Секин совитилганда катта кристаллар хосил бўлади. Улар маргаринга дагаллик, муртлик ва майдаланувчанлик хоссаларини беради. Замонавий маргарин ишлаб чиқариш корхоналарида ўта совитиш аралаштириш билан биргаликда олиб борилади. Натижада тез суюқланувчан, эгилувчан ва яхши консистенцияли маргаринлар хосил бўлади. Керак бўлган кристалл структураси, бир хил ва мулойим консистенцияли махсулот олиш учун кадоқлашдан олдин кристаллизаторлар ўрнатилади.

Ёғлар ва ёғда эрувчи компонентлар Сутли-сувли фаза компонентлари 2 омборга Узлуксиз маргарин ишлаб чиқариш принципиал схемаси Рафинацияланган ва хидсизлантирилган ёғлар ва ёғда эрувчи моддалар рецептура буйича автоматик тарозида, сув-сутли фаза эса иккинчи автоматик тарозида меъёрланади (1) ва фазалар аралаштиргичда 38-40 0 С хароратда ара- лаштирилади (2). Сўнгра эмульсия юқори босимли насос ёрдамида 18-22 атм босимда гомогенланиб (3), 38-40 0 С хароратда ўта совитгичга узатилади. Совут-кичда (вататорда) 12-14 0 С гача совутилиб (4), сўнгра фильтрдан ўтказилиб, кристаллизаторга (5) кейин қадоқловчи автоматларга юборилади. Қадоқлаш автоматларидан (6) қадоқланган маргарин тахлаш автоматларига берилиб, қутиларга жойланади ва тайёр масулот омборига юборилади. Маргаринни монолитда ишлаб чиқаришда декристаллизатордан ўтказилиб, қутиларга тўлдирилади. Узлуксиз ишлайдиган автоматлаштирилган линияларнинг кўпчилигининг унумдорлиги соатига 2,5т га тенг. Қуйма маргаринлар таркибида кўп миқдорда суюқ ўсимлик мойи бор. Қуйма маргаринлар таркибида 82% ва 60% ёғ билан ишлаб чиқарилади. Бу 1 1 2 3 4 5 64

маргаринлар касалликни олдини олиш ва даволаш учун мўлжалланган. Улар полимер идишда (стакан ва банкаларда) ишлаб чиқарилади. Қуйма маргарин ишлаб чиқариш технологик жараёни юқорида келтирилган жараёнга ухшаш. Фарки шундаки, совутгичдан кейин маргарин механик ишлов бериш учун декристализаторга, сўнгра қадоқлашга юборилади. Кулинар ёғшларни ишлаб чиқариш . Кулинар ёғлари кулинария ва озиқ- овқат саноати учун мўлжалланган. Бўлар сувсиз бўлиб, ёғлар ва ўсимлик мойлари, саломас, хайвон ёғларидан таркиб топган. Фойдаланиш мақсадларига кўра уларга бўёқлар, антиоксидантлар таъм берувчи моддалар қўшилиши мумкин. Кулинар ёғларини ищлаб чиқариш технологик жарёни қуйидаги босқичлардан иборат: ёғларни сақлаш ва уларни эритиш, меъёрлаш, аралаштириш, совутиш, механиқ ишлов бериш ва қадоқлаш.

Адабиётлар 1.Н.И.Назаров и др. Общая технология пищевых производств.-М.: Легкая и пищевая промышленность, 1981.-360 с. 2.У.Х.Халимова. Ўсимлик ёғлари ишлаб чиқариш технологияси. –Т.: Ўқитувчи, 1982. -246 б. 3.М.Г.Васиев, М.А.Васиева. Нон, макарон ва қандолат махсулотлари ишлаб чиқариш технологияси. –Т.: 2002. 4.П.М.Мальцев. Технология бродильных производств. –М.: Пищевая промышленность, 1980. -360 с. 5.П.Я.Бачурин, В.А.Смирнов Технология ликеро-водочного производства. –М: Пищевая промышленносить, 1975.-256 с.

O'xshashlar

Маргарин махсулотлари ассортименти

Хамир махсулотлари

Дон махсулотлари умумий технологияси.

Гушт ва гушт махсулотлари

Сут ва сут махсулотлари