Миллий ва халқаро хавфсизликни таъминлаш муаммолари - Milliy istiqlol g'oyasi - Referatlar

Миллий ва халқаро хавфсизликни таъминлаш муаммолари

Yuklangan vaqt:

20.09.2019

Ko'chirishlar soni:

0

Hajmi:

96.5 KB

Ko'chirib olish

Миллий ва халқаро хавфсизликни таъминлаш муаммолари Режа: 1. XXI аср бўсағасида халқаро аҳвол. Ўзбекистоннинг геополитик шарт-шароитлари. 2. Ўзбекистоннинг миллий хавфсизлигини таъминлаш шартлари. 3. Ўзбекистоннинг мудофаа доктринасининг асосий тамойиллари.

1. Инсоният Ер юзида вазият ва кучлар нисбати кескин ўзгарган бир пайтда янги асрга қадам қўйди. Янги аср бўсағасида жаҳон тараққиётининг мазмуни тубдан ўзгарди. Илгари бир-бирига қарама-қарши бўлган - СССР ва АҚШ етакчилик қилган икки ижтимоий-сиёсий тузум, икки ҳарбий-сиёсий блок мавжуд эди. Дунёнинг тинчлиги ва хавфсизлиги шу икки қарама-қарши блокнинг ўзаро мухолифлик мувозанатига асосланган эди. Дунёда “совуқ уруш” сиёсати ҳукмронлик қиларди. Бутун инсоният ядро уруши хавфи остида яшарди. Асримизнинг 90-йилларига келиб, социалистик дунёнинг етакчиси бўлган улкан империя - СССР пароканда бўлди, социалистик тизим ҳалокатга учради. Варшава шартномаси блоки тарқалиб кетди. Дунёда янги мустақил давлатлар вужудга келди. Биргина СССРнинг парчаланиши натижасида 15 та мустақкил давлат, жумладан, мустақил Ўзбекистон давлати бунёд этилди. Халқаро вазиятда туб ўзгаришлар содир бўлсада, “совуқ уруш” сиёсати барҳам топсада, дунё ҳамон мурт, мураккаб ва муаммоли бўлиб турибди. Дунё тинчлигига таҳдид солувчи хавф-хатарлар, зиддиятлар сақланиб қолмоқда. Халқаро вазиятнинг қалтислиги, биринчидан, иккинчи жаҳон урушидан кейин халқаро муносабатлар тизимида қарор топган мувозанатнинг бузилишида намоён бўлди. Кучлар маркази илгари асосан икки жойда тўпланган, дунё икки қутбли бўлган бўлса, энди вазият ўзгарди, дунё кўп қутбли бўлиб қолди, назорат қилиш қийинлашди. Иккинчидан, турли даражада ривожланган мамлакатлар ўртасида ижтимоий- иқтисодий нотенглик ва зиддиятлар янада ўсди. Ривожланаётган мамлакатларнинг асосий бойлиги ҳисобланган табиий ресурсларни ривожланган мамлакатларнинг ўз қўлига олишга, назорат қилишга интилиши кучайди. Дунёнинг катта қисмида иқтисоди заиф, аҳолиси қашшоқ яшаётган мамлакатлар мавжуд. Мамлакатлар ўртасида илмий-техникавий билимлар, илғор технология, эркин сармояларни тўплаш ва жойлаштиришда ҳам тафовутлар катта. 2

Учинчидан, кўпгина мамлакатларда ижтимоий осойишталикка қарши хавф- хатарлар ўсиб бораяпти. Бой ва камбағаллар ўртасидаги мулкий тафовут кучайди, ишсизлик, қашшоқлик янада авж олмокда. Ривожланган мамлакатлар аҳолиси ривожланаётган мамлакатлар аҳолисига нисбатан сайёрамиз ресурсларини 20 марта кўп истеъмол қилмоқда. Бундай нотенглик жаҳонда ижтимоий адолатни таъминлашга хавф солувчи жиддий муаммодир. Тўртинчидан, бир қатор минтақаларда, ҳатто бир мамлакат фуқаролари ўртасида миллий-этник ва диний низолар келиб чиқиб можароларга, қонли урушларга айланмокда. Минтақавий можароларнинг хавфли тус олганлигини қуйидаги мисоллар яққол кўрсатиб турибди: ҳозирги пайтда бутун дунёда қарийб миллиондан ортиқ қочоқ бор. 1996 йилда бошқа мамлакатларда бошпана топган 13 миллион киши рўйхатга олинган. Фуқаролар уруши туфайли 30 миллионга яқин одам ўзи яшайдиган жойларни ташлаб, бошқа мамлакатларга қочоқ сифатида кетишга мажбур бўлган. Президент Ислом Каримов ўзининг «Ўзбекистон ХХ I аср бўсағасида: хавфсизликка таҳдид, барқарорлик шартлари ва тараққиёт кафолатлари” асарида Афғонистон ва Тожикистон можароларини таҳлил қилиб, уларнинг Марказий Осиё давлатлари, жумладан Ўзбекистон хавфсизлиги учун солаётган таҳдидини кўрсатиб берди. Бу можаролар туфайли Ўзбекистон фронт олди мамлакатига айланиб қолди. Қуролли ёки бошқача тарздаги қўпорувчилик ҳаракатларининг, фитначи элементларнинг, қочоқларнинг Ўзбекистонга ҳам ўтиб кетиш хавфи вужудга келди. Бешинчидан, умумий, минтақавий ва миллий хавфсизликка диний экстремизм ва фундаментализм ҳам таҳдид солмоқда. Динни сиёсийлаштириш натижасида вужудга келган экстремистлар, шу жумладан ислом фундаменталистлари одамлар ўртасида «ҳақиқий» ва «сохта» диндорлик белгилари бўйича қарама-қаршилик чиқаришга, миллатларни парчалашга интиладилар. Улар давлатларни исломлаш- тиришга, ислом цивилизацияси билан бошқа цивилизациялар ўртасида янги қарама-қаршиликлар, можаролар келтириб чиқаришга уринадилар. Ислом 3

экстремистларининг дастлабки ислом ғоялари ва анъаналарини қайта тиклаш байроғи остида қилаётган террорчилик, суиқасд уюштириш ишлари дунё аҳлини ташвишлантирмоқда. Ислом фундаментализмининг кучайишига, бир томондан, мусулмон мамлакатларида мулкий тенгсизлик ва табақаланишнинг кучайиши, ўз даромад манбаидан маҳрум бўлганларнинг шаҳарларга оқишининг ўсиши, ишсизлик ва қашшоқликнинг кўпайиши сабаб бўлди. Иккинчи томондан, ривожланган давлатлардаги муайян сиёсий кучлар томонидан юритилаётган мустамлакачилик ва янги мустамлакачилик сиёсати, мусулмонларга қарши зўравонлик, иқтисодий камситиш каби иллатлар ҳам диний ва бошқа турдаги экстремизмни вужудга келтиради, пировардида дунё тинчлигига, миллатлар ўртасидаги тотувликка раҳна солади. Олтинчидан, умумий хавфсизликка, халқлар ўртасидаги ҳамжиҳатликка айрим давлатлардаги муайян сиёсий кучлар томонидан юритилаётган буюк давлатчилик шовинизми ва агрессив миллатчилик сиёсати ҳам хавф солмоқда. Бундай сиёсатнинг хавфи халқаро, давлатлараро, миллатлараро ва элатлараро қарама- қаршиликни, можароларни келтириб чиқаришда намоён бўлмоқда. Шовинистлар кичик давлатларнинг, эндигина мустақилликни қўлга киритган ёш давлатларнинг халқаро ҳуқуқ ва ички давлат суверенитетини руёбга чиқаришига қаршилик кўрсатади, ташқи иқтисодий алоқаларини чегаралашга ва камситишга уринади. Еттинчидан, “совуқ уруш” сиёсатига чек қўйилиши натижасида ялпи ядро уруши хавфи камайган бўлсада, бу турдаги оммавий қирғин қуролларининг кўп миқдорда сақланиб қолаётганлиги, бундай куролларга эга бўлаётган давлатлар (масалан, Хиндистон, Покистон) сафининг ортиб бориши дунё аҳлини ташвишлантирмоқда. Саккизинчидан, жаҳон миқёесида атроф-муҳитнинг ифлосланганлиги, носоғлом экологик вазият, жумладан, Марказий Осиёдаги экологик танглик, биогенетик бузилишлар инсоният бошига хавф солиб турибди. Тобора кучайиб бораётган коррупция, уюшган жиноятчилик, экстремизм, террорчилик, 4

гиёҳвандлик, яширин қурол олди-соттиси бугун дунёни, инсониятни ташвишлантирмоқда. Буларнинг барчаси дунё ҳали ҳам илгаридек мўрт бўлиб турганлигидан далолат беради. Бизни қуршаб турган олам ғоят мураккаб ва муаммоли бўлиб келди, ҳозир ҳам шундай бўлиб қолмоқда. Халкаро мулоқотда ва муомалада бўлиш ҳар бир мамлакат, ҳар бир халқ учун ижтимоий заруриятдир. Шу боис Ўзбекистон, ўзбек халқи ҳам қадимдан бошқа мамлакатлар, халқлар билан алоқада, муомалада бўлиб келди. Мустақиллик бутун дунё билан алоқаларни, ҳамкорликни янада чуқурлаштириш, мазмунан бойитишга катта имконият яратди. Ҳар бир мамлакатнинг жаҳон ҳамжамияти билан алоқаси ва халқаро нуфузи аввало, унинг тараққиёт даражасига боғлиқ. Тараққиёт даражаси қанчалик юқори бўлса халқаро алоқалар ҳам шунчалик юқори, кўп томонлама, кенг, чуқур бўлиб бораверади. Бугунги кунда бутун инсониятнинг тақдири, ижтимоий тараққиёт истиқболлари халқаро муносабатларга боғлиқ бўлиб қолди. Халқаро майдондаги ҳар бир сиёсий танглик, можаро барча мамлакатлар ва халқлар манфаатига дахлдор бўлиб қолди. Ҳатто айрим олинган мамлакат ичкарисидаги низоли жараёнларни, урушларни бартараф этиш ҳам жаҳон ҳамжамиятининг вазифасига айланди. Асримизнинг муҳим хусусияти аҳоли талаб ва эҳтиёжларининг ғоят даражада ўсганлиги билан белгиланади. Алоҳида олинган бир мамлакат ресурслари билан унинг аҳолиси талаблари, эҳтиёжларини қондириб бўлмайди. Ҳатто ривожланган мамлакат учун ҳам бошқа мамлакатлар билан иқтисодий, маданий, илмий- техникавий ҳамкорлик қилиш объектив зарурият бўлиб қолди. Шу боисдан барча мамлакатлар, халқлар бир-бири билан боғланган ўзаро алоқададир. Ҳозирги дунёда бирон-бир мамлакат, шу жумладан Ўзбекистон Республикаси ҳам бошқалардан ажралган худуд эмас. Сайёрамиз яхлит ва бўлинмасдир. Ҳар бир мамлакат жаҳон хўжалик алоқаларининг муайян географик ва сиЁсий тизимлари таркибига киради. Ўзбекистон халқаро алоқаларни йўлга қўйиш нуқтаи назаридан ва ўз тараққиЁт истиқболлари жиҳатидан қулай географик-стратегик имкониятларга эга. Қадим 5

замонларда Шарқ билан ғарбни боғлаб турган Буюк Ипак йўли Ўзбекистон худуди орқали ўтган. Бу ерда савдо йўллари туташган, ташқи алоқалар ҳамда турли маданиятлар боғланиб бир-бирини бойитган. Бугунги кунда ҳам Европа ва Осиёни боғлайдиган йўллар Марказий Осиёдан, унинг ўртасида жойлашган Ўзбекистондан ўтади. Марказий Осиё мамлакатлари мустақилликни қўлга киритганидан кейин бу алоқалар янада шаклланиб, аҳамияти ошиб бормоқда. Марказий Осиёда географик-сиёсий жиҳатдан марказий ўрин тутган Ўзбекистон ушбу минтақада кучлар нисбати ва мувозанатини сақлаш, барқарорликни таъминлаш, ҳамкорликни мустаҳкамлаш имкониятларига эга. Ўзбекистон бугунги кунда қушни давлатлар - Қозогғстон, Қирғизистон, Тожикистон, Туркманистон ва Афғонистон ўртасида боғловчи халқа вазифасини ўтамокда. Минтақа доирасида манфаатли муносабатлар ўрнатиш имконияти Ўзбекистон орқали очилади. Ўзбекистон Марказий Осиёнинг транспорт, энегетика, сув тизими марказида жойлашган. Аҳоли сони, илмий-техникавий ва бошқа имкониятлари жиҳатидан минтақадаги қўшниларидан маълум даражада устун туради. Табиий иқлим шароити қулай, улкан минерал-хом ашё заҳиралари ва стратегик материалларга эга. Ўзбекистон ўзини нефт, газ, рангли металлар билан таъминлабгина қолмай, уларни экспорт қилиш имкониятига ҳам эга. Юртимизнинг жаҳонга машҳур бой маънавий мероси бор, шу туфайли инсоният цивилизациясида салмоқли ўрин эгаллаб, дунёнинг маънавий ва сиёсий жараёнларига таъсир ўтказиб келган. Географик-сиёсий жиҳатдан Ўзбекистонга қийинчиликлар туғдирувчи омиллар ҳам мавжуд. Ўзбекистон ўзининг географик-сиёсий ҳолати жиҳатидан коллектив хавфсизлик тизими изчил йўлга қўйилмаган минтақада жойлашган. У Форс курфази, Каспий денгизи ҳавзаси ва Тарим ҳавзасининг нефт ва газга бой конлари жойлашган ярим халқанинг марказида жойлашган. Шу боисдан бу худудда бутун дунёда энергия тақчиллиги шароитида кўпгина давлатларнинг бир-бирига мос келмайдиган манфаатлари ўзаро тўқнашмокда. Бир томондан, Россия, Хитой ва Ҳиндистон, шунингдек шарқ ва ғарб мамлакатлари мазкур минтақада ўз 6

манфаатларини изламоқдалар. Иккинчи томондан, мусулмон дунёсидаги баъзи кучли мамлакатлар - Туркия, Покистон, Эрон ва Саудия Арабистони ҳам бу худудда ўз манфаатларини излайди. Яна бир ноқулайлик шундан иборатки, Ўзбекистонни этник, демографик, иқтисодий ва бошқа муаммолар юки остида қолган мамлакатлар қуршаб турибди. Бунинг устига юртимиз минтақадаги диний экстремизм, этник муросасизлик, наркобизнес ва ҳар хил ташқи кучлар томонидан рағбатлантирилиб келинаётган ички можаро авж олган Афғонистон билан чегарадош. Маълумки, советлар даврида МО да жумладан, Ўзбекистонда коммуникациялар номақбул равишда шакллантирилган эди. Эндиликда, истиқлол йилларида Жанубий йўналишда транспорт коммуникацияларини ривож топтириш имконияти вужудга келди ва бу борада муҳим чоралар кўрилмоқда. Ўзбекистон бевосита денгизга чиқа олмайдиган, бунинг устига денгиз бандаргоҳларидан энг узоқда жойлашган мамлакат. Унинг Қора денгиз, Болтиқ денгизи, Япон денгизи ва Шимолий денгизларга олиб чиқувчи темир йўли қарийб 3 минг километрни ташкил этади. Бу бир неча давлатлар худудидан ўтадиган олис йўл бўлиб, Ўзбекистоннинг иқтисодий алоқаларини чегаралайди, юк ташишни қимматлаштириб, маҳсулотларни рақобатбардошлигини камайтиради. Сув ресурсларининг чекланганлиги, экологик муаммолар, Орол фожеаси ҳам мамлакатимиз учун ноқулайлик омилидир. Шунингдек, мустамлакачилик даврида юритилган Туркистонни бўлиш, миллат ва элатлари устидан ҳукмронлик қилиш сиёсатининг асоратлари ҳозиргача ташвишли омил ҳисобланади. Мустақил Ўзбекистон бу қийинчиликларни бартараф этиш, жўғрофий-сиёсий имкониятларини мустаҳкамлаш тадбирларини амалга оширмоқда. 2. Ўзбекистон Республикаси мустақилликнинг дастлабки кунлариданоқ миллий хавфсизликни таъминлаш, давлат суверенитетини ҳимоя қилиш вазифасини ҳал этишга киришди. Ўзбекистоннинг миллий хавфсизлигини таъминлашнинг муҳим шартларидан бири - бу унинг жаҳон ҳамжамияти ва давлатлараро хавфсизлик тизимида ўз ўрнини топишидир. Бунинг учун республиканинг жаҳон ҳамжамия- 7

тига киришини тезлатиш, нуфузли халқаро ташкилотлар - БМТ ва ЕХҲТ фаолиятида иштирокини таъминлаш лозим. Миллий хавфсизликни таъминлашнинг муҳим шартларидан яна бири - бу МДҲ, МО давлатлари билан ўзаро алоқаларни янада кенгайтиришдир. Ўзбекистон Республикасининг миллий хавфсизлигини, худудий яхлитлигини ҳимоя қилиш мамлакатнинг мудофаа қобилиятига боғлиқ. Ўзбекистон Республикаси Президентининг 1991 йил 6 сентябрдаги Фармонига асосан Мудофаа ишлари вазирлиги ташкил қилинди. Вазирлар Маҳкамасининг 1991 йил 25 октябрдаги қарорига биноан мудофаа ишлари вазирлигининг ҳуқуқий мақоми, тузилиши ва Низоми тасдиқланди. Ўзбекистон Республикаси Олий Кенгаши 1992 йил 14 январда «Ўзбекистон худудида жойлашган ҳарбий қисмлар ва қўшинларни ўз тасарруфига олиш тўғрисида» қарор қабул қилди. Ушбу қарорга мувофиқ, мамлакат худудида жойлашган собиқ Иттифоқ Қуролли Кучларининг барча қисм, ҳарбий ўқув юртлари, муассаса ва ташкилотлари ҳамда бошқа ҳарбий қисмлари Ўзбекистоннинг тасарруфига ўтказилди ва улар моддий-техника ва маблағ билан таъминланадиган бўлди. Бу Ўзбекистоннинг ўз Қуролли Кучларини барпо этишида муҳим воқеа бўлди. Шунинг учун ҳам бугунги кунда 14 январ «Ватан ҳимоячилари куни» сифатида нишонланиб келинмоқда. Ўзбекистон Қуролли Кучлари Қуруқликдаги қўшинлар, ҳарбий ҳаво кучлари, ҳаво ҳужумидан мудофаа қўшинлари, Махсус ва муҳандислик-қурилиш қўшинлари ҳамда Миллий гвардиядан иборат. Қуролли кучларимиз таркибидаги Миллий гвардия алохида мақомга эгадир. Бу гвардия Ўзбекистон Республикаси Вазирлар Маҳкамасининг 1992 йил 23 январдаги қарорига биноан, республика Қуролли Кучлари қисмлари негизида тузилган. Миллий гвардиянинг асосий вазифасига Ўзбекистон Республикасининг давлат суверенитети ва худудий яхлитлиги ҳамда фуқароларнинг конституциявий ҳуқуқ ва эркинликларини муҳофаза этиш киради. Гвардия таркиби фуқароларни мажбурий ҳарбий хизматга чақириш ва армия хизматига ўз ихтиёри билан боришни биргаликда 8

мувофиқлаштириш асосида тўпланади. Гвардия зиммасига бир қанча ўзига хос вазифалар, жумладан, давлат тантана маросимларида иштирок этиш юклатилган. Шу мақсадда гвардия таркибида фахрий қоровул ротаси тузилган. Шунингдек, гвардия зиммасига алоҳида муҳим давлат объектларини қўриқлаш вазифалари ҳам юклатилган. Бугунги кунда Тошкент умумқўшин командирлари, Самарқанд автомобилчи командир-муҳандислар, Чирчиқ танкчи командир-муҳандислар, Жиззах авиация олий ҳарбий билим юртлари, Тошкент алоқа-электротехника институтида ташкил этилган махсус факультет қуролли кучлар сафларига турли мутахассисликлар бўйича юқори малакали офицер кадрлар тайёрлаб берадиган олий ҳарбий илм ўчоғига айланди. Тошкентда олий қўмондонлар тайёрловчи ҳарбий Академиянинг очилиши Ўзбекистон ва Марказий Осиё минтақаси учун муҳим воқеагина бўлиб қолмай, у халқаро аҳамиятга ҳам моликдир. 3. Ўзбекистон Республикаси миллий хавфсизлигини таъминлашнинг асосини Мудофаа доктринаси ташкил этади. Мудофаа доктринаси «Ўзбекистон Республикасининг давлат мустақиллиги асослари тўғрисида»ги конунга, Ўзбекистон Республикаси Конституцияси қоидаларига ва БМТ Низомига асосланади. Ўзбекистон Республикаси Конституциясининг 125-моддасида: «...Қуролли Кучларнинг тузилиши ва уларни ташкил этиш қонун билан белгиланади». Яна «Ўзбекистон Республикаси ўз хавфсизлигини таъминлаш учун етарли даражада Қуролли Кучларга эга» дейилади (126-модда). Ўзбекистон Республикаси халқаро муносабатларда тинчликсеварлик йўлидан бориб, ўз фуқароларининг ҳаётини ҳимоя қилиш вазифасини ўз зиммасига олгани ҳолда БМТнинг Низомига мувофиқ ўзини-ўзи мудофаа қилишдан иборат ажралмас ҳуқуқини амалга оширишни, давлатимизнинг ҳарбий қудратга ва мудофаа қобилиятига эга бўлишини таъминламокда. Бу республиканинг «Мудофаа тўғрисида»ги (1995 йил 3 июл) Қонунида ўз ифодасини топган бўлиб, унда давлат органлари маҳаллий бошқарув идораларининг давлатимиз мудофаа қобилиятини 9

таъминлаш борасидаги ишларни йўлга қўйиш, бошқариш асослари, ҳуқуқ ва мажбуриятлари белгилаб берилган. Халқимиз унинг мудофаа хусусиятини ҳамда унга асос бўлган қоидаларини маъқуллади. Бу, энг аввало, Ўзбекистоннинг жаҳондаги бирор давлатни ўзининг душмани деб ҳисобламаслиги, худудий даъвосининг йўқлиги; халқаро муаммоларни, давлатлараро сиёсий ва иқтисодий зиддиятларни уруш йўли билан ҳал этишга қарши чиқиши; жаҳон ҳамжамияти давлатлари ўртасида ҳхарбий можаролар чиқишининг олдини олишни, бартараф этишни ўз ташқи сиёсатининг асосий вазифаси деб ҳисоблаши; Ўзбекистон бирор давлатга биринчи бўлиб ҳарбий ҳаракатлар бошламайди; ҳеч қайси давлатга таҳдид солмайди; ядро қуролисиз яшаш тамойилига амал қилиб, ўз худудида ядро қуролини жойлаштирмайди, ишлаб чиқармайди. Ўзбекистон Республикасининг мудофаа доктринаси тинчликни, осойишталикни, фуқаролар тотувлигини таъминлашга, тинчликсевар ташқи сиёсатини амалга ошириш учун қулай шарт- шароит яратишга қаратилган. 10

Фойдаланилган адабиётлар. 1. Ўзбекистон Республикасининг Конституцияси. – Тошкент: «Ўзбекистон» нашриёт-матбаа ижодий уйи, 2004. 2. «Ўзбекистон Республикасининг давлат мустақиллиги асослари тўғрисида»ги 1991 йил 31 август Қонуни. Ўзбекистоннинг янги қонунлари, № 3. – Т.: «Адолат», 1992 3. «Ўзбекистон Республикасида жамоат бирлашмалари тўғрисида». Ўзбекистон Республикасининг Қонунлари, № 4. – Тошкент: «Адолат», 1993. 4. Ўзбекистон Республикасининг «Сиёсий партиялар тўғрисида» ги 1996 йил 26 декабр Қонуни. Ўзбекистоннинг янги қонунлари, № 15. – Т.: «Адолат, 1997. 5. Ўзбекистон Республикасининг «Таълим тўғрисида»ги Қонуни, «Кадрлар тайёрлаш миллий дастури». Баркамол авлод – Ўзбекистон тараққиётининг пойдевори. –Т.: «Шарқ», 1997. 6. Ўзбекистон Республикасининг «Ташқи сиёсий фаолиятининг асосий принциплари тўғрисида»ги 1996 йил 26 декабр Қонуни. Ўзбекистоннинг янги қонунлари, № 15. –Т.: «Адолат», 1997. 7. Ўзбекистон Республикасининг «Виждон эркинлиги ва диний ташкилотлар тўғрисида»ги Қонуни. Ўзбекистоннинг янги қонунлари, № 19. – Т.: «Адолат», 1998. 8. Фуқароларнинг ўзини ўзи бошқариш органлари тўғрисида (янги таҳрири). Ўзбекистон Республикасининг Қонуни. Маҳалла: ўзини ўзи бошқариш ҳуқуқий кафолати (қонунчилик ва меъёрий ҳужжатлар тўплами). - Тошкент, 1999. 9. Ўзбекистон Республикаси Олий Мажлисига сайлов тўғрисида. Ўзбекистон Республикасининг Қонунлари. - Тошкент: «Ўзбекистон» нашриёт-матбаа ижодий уйи, 2004. 11

O'xshashlar

Миллий-маънавий тикланишнинг заминлари ва маданий муаммолари

Миллий –маънавий тикланиш ва юксалишнинг сиёсий омиллари, хуқуқий демократик давлат тузиш муаммолари

Миллий ғоя ва миллий – маънавий қадриятлар

Миллий –маънавий тикланишни таъминлашда миллий онг, миллий ва умуминсоний қадриятларнинг ўрни

Миллий-маънавий тикланиш, миллий муносабатлар ва жамият тараққиёти,