Инсон, унинг ҳуқуқлари ва эркинликлари ҳамда манфаатлари- энг олий қадрият - Milliy istiqlol g'oyasi - Referatlar

Инсон, унинг ҳуқуқлари ва эркинликлари ҳамда манфаатлари- энг олий қадрият

Yuklangan vaqt:

20.09.2019

Ko'chirishlar soni:

0

Hajmi:

95.5 KB

Ko'chirib olish

Инсон, унинг ҳуқуқлари ва эркинликлари ҳамда манфаатлари- энг олий қадрият Режа: 1. Янги ҳаёт ва янги жамият қуришда Конституциянинг роли. 2. Ислоҳот ислоҳот учун эмас , аввало, инсон учун, инсон манфаатларини таъминлаш учун. 3. 2006 йил ҳомийлар ва шифокорлар йили.

Президент И. А. Каримов аввало барча Ўзбекистон аҳлини конституциямизнинг 13 йиллиги муносабати билан қизғин муборакбод этди. Ушбу қутлуғ сана умумхалқ байрамларимиз қаторидан муносиб жой олиб, юртимизда яшаётган ҳар қайси оила тақдирида, уларнинг бугунги ҳаёти, эртанги келажагини, инсон ҳуқуқ ва эркинликларини таъминлашда Конституциянинг беқиёс ўрни, аҳамияти ва таъсирини яна бир бор эслаш ва тасаввур қилишга ундашлигини таъкидлаб ўтди. Ўзбекистон Республикаси 13 йилдан бери эски тузум асоратларидан, миллий табиатимизга ёт ва бегона бўлган мафкуравий қарашлардан воз кечиб ўзимиз кўзлаган янги ҳаёт, янги жамият қуриш, унинг конституциявий асослари ва тамойилларини белгилаб олишда Асосий қонунимизга таяниб ва суяниб иш олиб бормоқдамиз. Президент табири билан айтганда мана шу ўтган давр мобайнида халқимизнинг сиёсий тафаккури, ақл-заковатининг кўзгуси бўлмиш Конституциямизнинг ҳаётий негизи нақадар мустаҳкам эканига, у бизнинг миллий қадриятларимиз ва айни пайтда умуминсоний талабларга ҳар томонлама мос келади. Мустақиллик даврида биз босиб ўтган ғоят мураккаб ва маъсулиятли, машаққатли ривожланиш йўли давомида оғир синовларга дуч келганимизда Конституциямиз ҳамиша юртимизни, халқимизни турли бало-қазолардан асраш, ўта таҳликали вазиятларда ягона тўғри йўлни топиш ва келажакка ишонч билан қарашда асос бўлиб хазмат қилмоқда деб таъкидлаб ўтди. Президент Асосий қонунимизда биринчи навбатда шахс манфаатининг давлат манфаатидан устун этиб белгиланганлиги, инсон, унинг ҳуқуқ ва эркинликлари ҳамда манфаатлари энг олий қадрият сифатида муҳрлаб қўйилганини яна бир марта таъкидлаб ўтди. Президент таъбири билан айтганда қатъий талабни нафақат қонунларимиз ва ҳуқуқий меёрларимизда белгилаб бериш, балки бу устувор принцпни ҳаётимизга тадбиқ қилиш муҳим аҳамиятга эгадир. Бунинг учун барча фуқароларимиз ўз ҳуқуқ ва бурчларини чуқур англаб олиши ва сиёсий

савиясини ошириши лозим. Бу тамойилга айниқса биринчи навбатда мансаб ва амалий вазифаларда ўтирганлар, ҳуқуқ тартибот идоралари ходимлари, ўзининг кундалик фаолиятида оғишмай риоя қилишлари лозимлиги бугунги куда энг долзарб масала сифатида ўртага ташланди. Шу ўринда олдимизда турган барча муаммо ва масалаларни ечишда»Ислоҳот ислоҳот учун эмас, аввало, инсон учун, инсон манфаатларини таъминлаш учун »деган фикрни унутмаслик деб таъкидлаб ўтди. Чунки бугунги кунда барча соҳада нимаики иш қилинаётган бўлса, уларнинг ҳаммаси шу юртда яшаётган инсонлар учун қилинаяпти. Президент ўз маърузасида бугунги кунда юртимизда демократик давлат эркин ва фаровон ҳаёт қуриш йўлида амалга ошираётган ишларимизни барча бирдек кузатиб турганлигини, лекин, минг афсуслар бўлсада бу йўлда ўз мақсадимизга етишишда олдимизда учраган муаммолар, қийинчиликлар, жойларда йўл қўйилаётган ҳато ва нуқсонлар, тўсиқ ва ғовлар, содир бўлаётган жиноятлар ҳақида ошкора гапириш, одамларга ҳолис ахборот етказиш заиф ҳолда эканлиги ҳақида ҳам тўҳталиб ўтди. Буларнинг асосий сабаби эса собиқ тузумга хос асоратларни кўпчилик онгида сақланиб қолганлигида деб изоҳ берди. Бу асоратлардан қутилиш учун аввало ўз- ўзимизнинг ҳато ва камчиликларимизни танқидий кўз билан баҳолаб, аччиқ бўлса ҳам ҳақиқатни айтишимиз керак деди ва қуйидаги уч нарсага алоҳида аҳамият берди. -лоқайдлик ва бепарволикдан қутилиш. -мамлакат ички ва ташқи жараёнларидан доимо ҳабардор бўлиб нима ҳақиқат ва ниа бўҳтон эканлигига ўз фикрини билдира олсин. -ҳар бир фуқаро ўзининг ва оиласининг бугуни ва эртаси куни учун қатъий курашмоғи керак. Чунки ҳозирги кунда халқаро майдонда сиёсий манфаатлар тўқнашаётган мураккаб шароитда ўз фикри ва этиқодига эга бўлган халқ енгилмас кучга айланади. Биз ҳозирги кунда демократик жамият қуриш йўлидан борар эканмиз бунда:

-Демократияга эришиш, унинг асосларини яратиш учун кўплиб давлатларга ўн-юз йиллаб вақт керак бўлган бўлса, кўпгина давлатлар бу жараёнга эндигина киришмоқда, -Барча мамлакатлар учун ягона демократия модели йўқ ва бўлиши мумкин ҳам эмас. Демократиянинг экспорт қилиш ва уни зўрлик билан жорий этишнинг ўзи демократияга зид. -Ўзбекистон ўзи учун демократик ривожланиш ва фуқаролик жамияти қуриш йўлини аниқ-равшан белгилаб қўйган ва бу Конституция билан мустаҳкамланган. Бу йўл демократия ва эркинликнинг умумэътироф этилган ва асосий принцпларига таянади. Айни пайтда, мамлакатимизнинг тарихий, миллий ва диний хусусиятларига ва халқимизнинг дунёқарашига асосланади. Бизнинг бу танлаган йўлимиз кимларгадир яхши кўриниш ёки сохта обрў учун эмас, халқ фаровонлиги учундир. Бизни бу йўлдаги ишларимизга аралашуви ёки бу йўлдан қайтаришга уринадиган шахслар билан ҳеч қачон келиша олмаймиз. Президент ўз маърузасида 2005 йил»Сиҳат-саломатлик йили»якунига тўҳталиб ўтди. Ўтган 2005 йилда 38 та шифохона ва сиҳатгоҳ янгидан қурилган, капитал таъмирланган ва реконструктура қилинган. 93 та даволаш-профилактика муассасаси замонавий тиббиёт ускуналари билан жиҳозланган. Шу билан биргаликда бир сменада 10 минг 500 беморни қабул қила оладиган амбулатория полклиника муассасалари, 210 та қишлоқ врачлик пунктлари ишга тушарилди. Жумладан, Бухоро вилоятининг Когон шаҳрида, Хоразм вилоятининг Янгибозор туманида янги шифохона, Боғот туманида туғруқхона барпо этилди. Қорақалпоғистон республикаси, Андижон, Жиззах, Самарқанд, Сирдарё, Наманган вилоятларидаги касалхона лар зарур тиббий анжомлар билан жиҳозланди. Бу ишларга 1, 5 млярд сўмдан кўпроқ маблағ сарфланди. Шу билан бирга Қарши шаҳрида кардиология ва ихтисослаштирилган урология марказлари, Самарқанд вилояти тез тиббий ёрдам марказининг Оқдарё филиали, Жиззах вилояти /аллаорол туманида

уруш ва меҳнат фаҳрийлари санаторияси, Фарғона вилояти »Чимён» санаториясида янги корпус, Фарғона шаҳрида болалар аквапарки каби тиббиёт ва ижтимоий иншоотлар барпо этилди. Шулар қаторида Республика шошилинч тиббий хазматининг марказий ва жойлардаги шифохоналари 127 та махсус автотранспорт ва замонавий алоқа воситалари билан таъминланди. Тиббий хизмат сохасида замон талабларига жавоб берадиган малакали кадрлар тайёрлаш масаласида пойтахтдаги 2 та медицина олий ўқув юрти негизида Тошкент тиббиёт академияси ташкил этилди. 3 та янги медицина коллежи барпо этилиб, у ерда минглаб талабаларнинг тахсил олиши тиббий кадрлар тайёрлаш ишини яҳшилашга хизмат қилади. Сиҳат-саломатлик йили давомида оналик ва болалик, репродуктив саломатликни ҳимоя қилиш, тиббий маданиятни ошириш, оилани соғломлаштириш борасида қилинган ишлар натижасида чақалоқлар ўлими билан боғлиқ ҳолатлар7, 4 %га оналар ўлими билан боғлиқ ҳолатлар 6, 8%га камайди. Мамлакатда фаолият юритаётган 9 та скрининг маркази қаторига яна 2 та Урганч ва Навоий шаҳарларида ана шундай замонавий тиббиёт марказлари ташкил этилди. Мамлакатимизнинг олис ва чекка жойларида яшайдиган аҳолининг тиббий ҳолатини яхшилаш мақсадида 2005 март ва сентябр ойларида Қорақалпоғистон Республикаси, Хоразм , Бухоро ва Навоий вилоятларига «Сиҳат-саломатлик»тиббий санитар ёрдам поезди юборилиб, 20 мингдан ортиқ киши тиббий кўрикдан ўтказилди. Шу билан бирга ёзги таътил мавсумида ХТВ ва Республика Касаба Уюшмалари Федерацияси томонидан 247 минг мактаб ўқитувчиси оромгоҳларда соғломлаштирилди. Аҳоли соғлигини мустаҳкамлаш мақсадида камқонликка қарши темир моддаси билан бойитилган махсус ун ишлаб чиқариш йўлга қўйилди. Турли хилдаги юқумли касалликларни юртимизга кириб келишини олдини олиш мақсадида чора-тадбирлар кўрилиб, биринчи навбатда медицина ходимларидан огоҳлик ва ҳушёрлик талаб қилинмоқда.

2005 йилда ҳам ёлғиз кексалар ва ногиронлар, ёрдамга муҳтож инсонлар саломатлигини асраш бўйича амалга ошитилаётган ишла давом эттирилиб, ҳорижлик мутахасислар билан биргаликда, Қашқадарё, Самарқанд, Жиззах, Сирдарё вилоятлари ва Тошкент шаҳридаги кам таъминланган оилаларга мансуб 2500 дан зиёд болалар атрофлича тиббий кўрикдан ўтказилди. »Соғлом авлод учун»жамғармаси билан ҳамкорликда 280 нафар ногирон бола классик операция қилинди. «Нуроний» шифохонаси негизида 150 ўринли Республика геронтология маркази ташкил зтилиб, унда тўрт минг нафар уруш ва маҳнат фаҳрийси, ногиронлар ўз саломатликларини яхшилаш имкониятларига эга бўлди. Мамлакатимизнинг ихтисослашган тиббиёт марказларида эса 15 минг 570 нафар уруш ва меҳнат фаҳрийлари, ногиронлар даволандилар. Бу кўрсаткич ўтган йилга нисбатан 2500 нафар кўп. Республикамизнинг урология, харургия, кўз хирургияси ва кардиология марказларида 1. 5 миллиарддан кўпроқ маблағ сарф этилди. 2005 йилда мамлакатимиз соғлиқни сақлаш тизимининг қонуний ҳуқуқий негизини мустаҳкамлаш мақсадида бир қанча ишлар амалга оширилди. -«Тиббиёт фаолияти тўғрисида»ги қонун лойиҳаси ишлаб чиқилиб, муҳокама этилмоқда. -«Фуқароларнинг саломатлигини асраш тўғрисида»ги -«Дори воситалари ва фавмацевтика фаолияти тўғрисида»ги қонунларга қўшимчалар ва ўзгартиришлар киритиш масаласи ҳам кўриб чиқилмоқда. «Сиҳат-саломатлик йили» дастурида кўзда тутилган долзарб масалалардан бири-аҳолининг тиббий маданиятини ошириш, соғлом турмуш тарзи билан боғлиқ ҳаётий қараш ва ёндашувларни шакллантириш бўйича кенг кўламда тарғибот-ташвиқот ишлари олиб борилмоқда. Бу борада республика бўйича турли мавзу ва йўналишларда 80 мингдан зиёд тадбирлар ўтказилиб, уларда 2 млн дан ортиқ киши иштирок этди.

Икки жилддан иборат»Соғлом турмуш тарзи асослари»китоби чоп этилиб, марказий ва минтақавий теле-радио каналлари орқали 1200 дан зиёд кўрсатувлар ва эшиттиришлар ташкил этилди. Ўқувчи ва талабалар ўртасида соғлом турмуш тарзини тарғиб этиш, гиёҳвандлик ва СПИД каби иллатларни олдини олиш мақсадида замонавий ахборот ресурслари, ҳусусан, Интернет тизимидан кенг фойдаланиш йўлга қўйилди. Йил давомида соғлом оила тарғиботига бағишланган кўплаб учрашувлар, суҳбатлар, мусобақалар, спорт ўйинлари ўтказилиб оммалаштиришга катта эътибор берилди. Бу борада хотин-қизларнинг иштироки ортиб, ўтказилган тадбирларда 3. 5 млн га яқин қизлар қатнашди. Ҳозирги кунда мамлакатимиз бўйича спорт сексияларига 2 млн ўқувчи жалб қилинган бўлиб, уларнинг 40%ини қизлар ташкил этади. Кейинги вақтда спорт билан шуғулланаётган ўқувчи ёшлар сони 20% га ортди. 2005 йил давомида ўтказилган «Баркамол авлод» спорт ўйинлари, аёллар спартакиадаси, бадиий гимнастика бўйича «Шарқ гўзали»халқаро беллашувлари ва кураш бўйича жаҳон чемпионати ва бошқа мусобақалар ташкил этилди. «Сиҳат-саломатлик йили» дастурининг ижросини таъминлаш бўйича шу йилнинг 1 ноябригача 165 млрд 800 млн сўм маблағ сарф этилди. Хулоса шуки »Сиҳат-саломатлик йили»бўйича қилган ишларимиз лоақал битта боланинг ҳаётини асраб қолишга, лоақал битта беморни шифо топишига хизмат қилган тақдирда ҳам 2005 йилга шундай ном беришимиз керак эди. Кириб келаётган ҳар қайси янги йилга орзу ниятлар билан маълум бир ном беришда қандай асосий мақсадлар кўзда тутилади. Ҳамма ишлар қатори, ҳар қайси йилга ном беришда ҳам биз инсон ва унинг манфаатларини таъминлашни, жамиятимизда тинчлик ва осойишталик, маҳр-оқибат, инсонпарварлик муҳитини мустаҳкам- лашни, кўпчиликни ўйлантираётган долзарб муаммоларни ҳал қилишни ўзимиз учун устувор вазифа деб белгилаб оламиз.

Янги йилга ном бериш ва шу асосда маҳсус дастур қабул қилиниб, уни амалга ошириш шу юртда яшайдиган барча инсонлар учун ҳам ижтимоий, ҳам иқтисодий, ҳам маънавий, қолаверса, сиёсий аҳамиятга эга бўлган муҳим масаладир. Лекин ана шу йўналишдаги вазифаларни бир йилда тўла ҳал қилиб бўлмаслигини ҳаммамиз яхши тушунамиз. Айни вақтда биз ана ша устувор вазифаларни амалга оширишнинг молиявий манбаларини аввал бошдан белгилаб олишимиз керак. Бунда маказий бюджет маблағлари билан бирга, жойлардаги ҳокимият идоралари, нодавлат ташкилотлари, биринчи галда, фуқаролик институтлари, ўзини-ўзи бошқариш органлари, жумладан, маҳаллалар, қўлидан амалий иш амалий кўмак бериш келадиган инсонларни ҳам эзгу ишга жалб этиш муҳим аҳамиятга эга. Бу борада тегишли чора-тадбирларни режалаштириш, жамоатчи лик фикрини шакллантириш, тарғибот-ташвиқот ишларини кенг йўлга қўйиш керак. Биз олдимизга қўйган мақсадларимиз одамларнинг эътиборини жалб қилган, уларнинг кўнглидан чуқур жой олиб, шу ишга муносиб хисса қўшган тақдирдагина кутилган натижа бериши мумкин. Президент И. А. Каримов бир фурсат янги тарихга назар ташлаб, 1997 йил юртимизда»Инсон манфаатлари йили», 1998 йил-«Оила йили», 1999 йил -«Аёллар йили», 2000 йил-«Соғлом авлод йили», 2001 йил –«оналар ва болалар йили», 2002 йил-«ҚАРИЯЛАРНИ қАДРЛАШ ЙИЛИ», 2003 йил-«Обод маҳалла йили», 2004йил-«Меҳр ва мурувват йили», 2005 йил-«Сиҳат-саломатлик йили» сифатида тарихимиздан муносиб ўрин эгаллаганлиги, бу йилларда амалга оширилган ишларни изчил давом эттириш ва янги босқичга кўтариш мақсадида янги 2006 йилни юртимизда «Ҳомийлар ва шифокорлар йили»деб эълон қилди. Президент И. А. Каримов ҳомийлик ва шифокорлик тушунчалари бир-бири билан қундай бағлиқ дейилган фикрга қуйидагича жавоб бериб ўтди. Ҳомийликни шифокор билан қиёслаш, одамга шифо бериш билан тенг қўйиш табий ҳол. ҳомий, ҳомийлик дегани-бу авваламбор саҳоватли бўлиш, беғараз ёрдам бериш дегани. Президент шу тушунчани ҳадис орқали эслатиб

ўтди. »Оллоҳ таоло саҳийдир, саҳийликни севади. Яхшилик қилувчидир, яхшилик ни яхши кўради». Ҳомийлик ўз бойлигидан бир қисмини хайр-эҳсон учун ажратиш эмас. Бу закот ҳам эмас, садақа бериш ҳам эмас. Балки, инсон ҳалби ва юрагидаги энг эзгу туйғуларнинг амалий ифодасидир. Яъни ҳомий деганда, ён атрофдаги бева-бечораларга, етим-есир, муҳтож кишиларга кўмак ва ёрдам беришга, одамларнинг дардига ҳамдард бўлишга, қадрдон қишлоғи ёки шаҳрини обод қилишга интиладиган. бир сўз билан айтганда, савобли иш қилиб яшайдиган инсонларни ўзимизча тасаввур этамиз. Муқаддас Қуръони Каримда зикр этилган «Ҳайрли, савобли ишларда бир-бирингиздан ўзишга шошилинг» деган ҳикматли сўзлар орқали тушунишимиз мумкин. Саҳоватлилик ва олиҳимматлилик ҳамманинг ҳам қўлидан келавермайди. Бунинг учун одам юксак фазилатлар соҳиби бўлиши керак. Шундан келиб чиқадиган бўлсак, саҳоватли ва беғараз ҳомийларнинг қиладиган беғараз ишлари инсон дардига малҳам бўлиб, унинг ғаму-ташвишларига шерик бўлиб яшайдиган фидоий шифокорлар фаолияти билан ҳар томонлама ҳамоҳанг ва узвий боғланиб кетганлигини тасаввур қилиш қийин эмас. Жондан азиз фарзандига шифо тилаб келган аёлга ўз хизмати ва фидоийлиги билан ёрдам берган шифокор ҳам гўдакка ҳам онанинг безовта қалбига шифо бахш этади. Бу билан ҳеч нима билан ўлчаб бўлмас олижаноблик ва инсоний фазилатларни намоён этади. Юртимизда бундай ўзгалар дардига малҳам бўлиб яшаётган минглаб шифокорлар бор, шундай фидоий одамларни қадрлаш, уларнинг машаққатли, оғир ва маъсулиятли маҳнатларини ҳам маддий ҳам маънавий жиҳатдан муносиб баҳолаш ва рағбатлантиришга етарли эътибор беришимиз керак. 2006 йил «Ҳомийлар ва шифокорлар йили» деб эълон қилинар экан биригчи навбатда ҳомийлик ҳаракати, ҳомийларнинг мавқеи ва мақомини кучайтириш. Бу масалани қонуний базасини яратишни, бундай беғараз ва олижаноб интилишлар жамиятимизда муносиб ўрин олиши учун кенг жамоатчилик фикрини шакллантириш кўзда тутилади. Шу мақсадда

ҳомийлар бундай ҳайрли ишларни ўз ҳаётининг узвий бир қисми даб хис қилиши учун уларга давлатимиз томонидан ҳуқуқий кафолат ва имтиёзлар яратиб бериш билан биргаликда, уларни ҳар томонлама рағбатлантириш учун ҳомийлик фаолияти тўғрисидаги низомни қабул қилишимиз зарур. Айни пайтда бутун халқимизнинг айниқса ёшларимиз онги ва тафаккурида меҳр-мурувват, саҳоват фазилатларини мустаҳкамлаш, миллий қадриятимиз бўлмиш бу ҳаракатни янада кучайтириш масаласини эътиборимиз марказида бўлиши керак. Табиатан ёки қандайдир сабабларга кўра кўмак ва мададга муҳтож бўлган, ҳаётда омади юришмай турган инсонлар борлигини ҳам унутмаслигимиз , давлат ва жамият эътиборини ана шундай одамларга қаратиб, уларга ёрдам бериш учун барчамиз бир ёқадан бош чиқариб ҳаракат қилишимиз зарур. Шифокорлар ҳақида гап кетганда, бу борада бошланган ишларимизни изчил давом эттириб, соғлиқни сақлаш тизимининг моддий техник базасини янада мустаҳкамлаш, тиббиёт ходимлари учун муносиб турмуш ва меҳнат шароитини яратиш, уларнинг меҳнатини рағбатлантириш масалаларига алоҳида аҳамият беришимиз керак. Бу борада куни кеча оммавий ахборот воситаларида»Тиббиёт ходимлари меҳнатига ҳақ тўлаш тазамини такомиллаштириш тўғрисида» қабул қилинган қарор элон қилинди. Буқарорга биноан 2006 йил январ ойидан бошлаб тиббиёт ходимларининг ойлик таъриф сеткасини такомиллиштириш, уларга малакаси, бажарадиган ишининг мураккаблиги, билими ва тажрибаси ҳамда ўз касбини адо этишда, одамларни даволашда қўшаётган хиссасини инобатга олган ҳолда маош белгилаш ва рағбатлантириш тизимини жорий этиш, шундай меъзон асосида уларнинг иш ҳақи миқдорини 30% гача ошириш кўзда тутилмоқда. Энди олдимизда турган фазифа ана шу олдимизга қўйган мақсадларни жойларда ҳаётга тадбиқ этишдан иборат. Чунки меҳнат қилаётган ҳар бир инсон ҳар бир тиббиёт ходими бу қарорнинг амалий таъсирини ўз ҳаётида кўрсин.

2006 йилга «Ҳомийлар ва шифокорлар йили »деб ном берилиши айни вақтда»Сиҳат-саломатлик йили»нинг мантиқий ва узвий давоми бўлади. Ҳар йилги тажрибаларимиздан келиб чиқиб, биз янги йил бўйича ҳам алоҳида дастур ишлаб чиқиб, уни амалга ошириш юзасидан зарур чора-тадбирларни белгилаб оламиз. И. А. Каримов ўз сўзининг оҳирида»Ўзининг 15 йиллик тараққиёт йўли давомида улкан давонларни босиб ўтган, ҳар қандай синов ва машаққатларни енгишга қодир бўлган, халқимизнинг буюк иродаси, азму-шижоатига таяниб, биз ўз олдимизга қўйган янги ва юксак марраларга, албатта, етамиз « деб ишонч билдирди.

Адабиётлар: 1. Ўзбекистон Республикаси Конституцияси. 2. И. А. Каримов. »Бизнинг бош мақсадимиз-жамиятни демократлаштириш ва янгилаш, мамлакатни модернизация ва ислоҳ этишдир». Маърифат . 19 январ. 2005 йил. 8-сон. 3. »Инсон, унинг ҳуқуқ ва эркинликлари, ҳамда манфаатлари энг олий қадрият». Маърифат. 10 декабр. 2005 йил. 98-сон. 4. Андижон сабоқлари. Диёнат. 7 июл. 2005йил. 27 сон. 5. Ўзбекистон Республикасида ўлим жазосини бекор қилиш тўғрисида. Президент фармони. диёнат. 4 август. 2005 йил. 31-сон. 6. »Қамоққа олишга санкция бериш ҳуқуқини судларга ўтказиш тўғрисида». Президент фармони. Диёнат. 2005 йил. 11 август. 32-сон. 7. »Давлат бошқарувини янгилаш ва янада демократлаштириш ҳамда мамлакатни модернизация қилишда сиёсий партияларнинг ролини кучайтириш тўғрисида»ги Ўзбекистон республикаси Конституциявий қонун лойиҳаси. Ўзбекистон овози. 2006 йил 14 январ. 135-сон. 8. Коституциянинг айрим моддаларига»89 модда, 93 модданинг 15-банди, 102 модданинг 2-қисми» тузатишлар киритиш тўғрисидаги Ўзбекистон Республикаси қонунининг лойиҳаси. Ўзбекистон овози. 2006 йил. 14 ноябр. 135-сон. 9. www . ziyonet . uz

O'xshashlar

Ўзбекистонда инсон тараққиёти. Ҳамма нарса инсон учун, инсон манфаатлари учун

Ўзбекистонда давлат ҳокимияти ва бошқарувини демократлаштириш ҳамда модернизациялашнинг

Қонун устуворлиги - ҳуқуқий демократик давлат ва фуқаролик жамияти қуришнинг асоси

Тафаккур ўзгариши ва маънавий янгиланишда миллий ғоянинг роли

Инсон тараққиёти концепцияси