Sertifikatlashtirish milliy tizimida qatnashuvchi idoralar - Metrologiya - Referatlar

Sertifikatlashtirish milliy tizimida qatnashuvchi idoralar

Yuklangan vaqt:

15.09.2023

Ko'chirishlar soni:

0

Hajmi:

284 KB

Ko'chirib olish

Sertifikatlashtirish milliy tizimida qatnashuvchi idoralar Reja: 1. Sertifikatlashtirish bo’yicha ishlarda qatnashuvchi korxonalar 2. O’zbekiston Respublikasi sertifikatlashtirish milliy tizimining tashkiliy tuzilmasi. 3. Sertifikatlashtirish bo’yicha milliy idora. 4. “O’zbekiston texnik jixatdan tartibga solish” hududiy filiallar 5. Bir turdagi mahsulotlarni sertifikatlashtirish idoralari. 6. Akkreditlangan sinash laboratoriyalari 7. Sertifikatlashtirish ob’ektlari va sub’ektlari

Sertifikatlashtirish bo’yicha ishlarda qatnashuvchi korxonalar. O’zbekiston Respublikasi Sertifikatlashtirish milliy tizimi (O’z SMT) da sertifikatlashtirish bo’yicha ishlarni quyidagi tashkilotlar amalga oshiradi: -Mahsulotlarni sertifikatlashtirishni bir turdagi mahsulotlarni sertifikatlashtirish bo’yicha akkreditlangan idoralar; -Sifat tizimlari va ishlab chiqarishlarni sertifikatlashtirishni sifat tizimi va ishlab chiqarishlarni sertifikatlashtirish bo’yicha akkreditlangan idoralar; -O’zbekiston Respublikasida aniq mahsulotni sertifikatlashtirish bo’yicha akkreditlangan sertifikat-lashtirish idorasi bo’lmagan taqdirlarda uni sertifikatlashtirish masalasini sertifikatlashtirish bo’yicha milliy idora «O’zstandart» agentligi hal qiladi; -Sertifikatlashtirish sinovlarini akkreditlangan sinash laboratoriyalari (markazlar) amalga oshirishadi; -Bir turdagi mahsulotlarni sertifikatlashtirish bo’yicha idoralarni akkreditlashni sertifikatlashtirish milliy idorasi rahbari tasdiqlagan komissiya O’z DSt 5.2 O’z SMT. Sertifikatlashtirish idorasiga qo’yiladigan umumiy talablar standartiga muvofiq o’tkazadi; -Sinash laboratoriyalari (markazlari)ni akkreditlashni akkreditlash bo’yicha idora O’z DSt 5.3 O’z SMT. Sinash laboratoriyalari (markazlari)ni akkreditlash. Asosiy qoidalari standarti talablariga muvofiq o’tkziladi. -Ekspert-auditorlarni attestatlash O’z RH 51-014 O’z SMT Ekspertauditorlarga qo’yilgan talablar rahbariy hujjatiga muvofiq amalga oshiriladi. O’zbekiston Respublikasi sertifikatlashtirish milliy tizimining tashkiliy tuzilmasi. Bugungi kunda o’z istiqloli yo’lida, bozor iqtisodiyotiga asoslangan demokratik davlat qurilishi sari shahdam qadam tashlab borayotgan, mustaqil

O’zbekiston Respublikasida standartlashtirish, metrologiya va sertifikatlashtirish sohalarida muhim va salmoqli ishlar amalga oshirilmoqda. O’zbekiston Respublikasi hududida ishlab chiqilgan me’yoriy hujjatlarga binoan muvofiqlik sertifikatlashtirishining asosiy maqsadlari: - mahsulot, jarayon va xizmatlarda fuqarolarning hayoti va sog’lig’ining xavfsizligini ta’minlash, tashqi-muhitni asrash, buyum (tovarlar)ni bir xilligi va o’zaro almashinuvchanligi masalalari, hamda iste’molchini himoya qilish; - xalqaro savdoda texnikaviy to’siqlarni bartaraf qilish, tovarlar (buyumlar, jarayon va xizmatlar) ni raqobatdoshlik qobiliyatini oshirishdan iborat. Sertifikatlashtirish milliy tizimining tashkiliy tuzilishi; - O’zbekiston Respublikasining sertifikatlashtirish bo’yicha milliy idorasi; - bir xil mahsulotni setrifikatlashtirish bo’yicha idora; - bir xil mahsulotni, sifat tizimini va ishlab chiqarishlarni sertifikatlashtirish bo’yicha akkreditlangan idoralari; - akkreditlangan sinov laboratoriyalari. Vazirlar Mahkamasining qaroriga binoan sertifikatlashtirish milliy idorasi qilib, standartlashtirish, metrologiya va sertifikatlashtirish O’zbekiston Davlat markazi – «O’zstandart» agentligi belgilangan. «O’zstandart» agentligiga qarashli turli soha va tarmoqlarni o’z ichiga olgan bir xil nomdagi bo’limlar ham bor. Bularga standartlar va mahsulotni sertifikatlashtirish bo’yicha davlat nazorati va o’lchash vositalarini davlat qiyoslovidan o’tkazish va attestatlash sohaviy bo’limlari kiradi. Standartlar va mahsulotni sertifikatlashtirish bo’yicha davlat nazorati sohaviy bo’limlar: og’ir sanoat, mashinasozlik, engil sanoat, oziq-ovqat, mahalliy sanoat hamda agrosanoat kompleksi doirasida o’z faoliyatini amalga oshiradi. O’lchash vositalarini davlat qiyoslovidan o’tkazish va attestatlash tarmoq bo’limlari esa massalar, radiotexnika, ionli nurlanish, geometrik, mexanik, elektrik, magnitli, bosim, sarflanish, haroratli hamda fizik-kimyoviy kattaliklarni qiyoslovdan o’tkazadi. O’zstandart agentligi tarkibidagi asosiy bo’limlar keltirilgan.

“O’zbekiston texnik jixatdan tartibga solish” agentligining ilmiy-uslubiy markazi etib O’zbekiston standartlashtirish, metrologiya, sertifikatlashtirish ilmiy tadqiqot instituti tayinlangan. Uning tashkiliy tuzilishi rasmda keltirilgan. Sertifikatlashtirish milliy idorasi quyidagi asosiy yo’nalishlar bo’yicha o’z faoliyatini amalga oshirmoqda: -Respublikada sertifikatlashtirishni qo’llash va takomillash-tirishning umumiy siyosatini ishlab chiqish, qonun chiqaruvchi va ijro etuvchi tegishli davlat idoralari bilan aloqalarni o’rnatish; -sertifikatlashtirish masalalari bo’yicha boshqa mamlakat va xalqaro tashkilotlarning vakillari bilan, o’zaro kelishilgan asosda aloqalarni o’rnatish, kerak bo’lsa, bu tashkilotlar faoliyatida O’zbekiston Respublikasining qatnashishini ta’minlash; -sertifikatlashtirishda yagona qoida va ish tartiblarini belgilash, bularga rioya qilishning nazorati, sertifikatlashtirish natijalari bo’yicha hujjatlarni axborotli ma’lumot bilan ta’minlash. Vazirlar Mahkamasi qarorini bajarish yo’lida O’zstandart agentligi o’zining viloyat markazlarini tuzib, ularning ishlariga har taraflama ko’mak ko’rsatmoqda. 1993 yilning 28 dekabridan boshlab "Mahsulotlarni va xizmatlarni sertifikatlashtirish to’g’risida" qonun kuchga kirib, bu qonun asosida sertifikatlashtirish va sifatni ta’minlash borasidagi barcha ishlar mutlaqo yangicha ruknda yo’lga qo’yila boshlandi. Respublikadagi sinov laboratoriyalarini akkreditlash ishlari ham jadal qadamlar bilan amalga oshirilmoqda. Hozirgi vaqtda 256 ta laboratoriya milliy sertifikatlashtirish tizimida akkreditlangan bo’lib, bu mahsulot ishlabchiqarishning hamma sohasi bo’yicha etarli darajada sinovlarni olib borish imkoniyatini beradi. “O’zbekiston texnik jixatdan tartibga solish” agentligi tarkibidagi oziq-ovqat va qishloq xo’jalik mahsulotlarini tekshiruvchi sinov laboratoriyasi akkreditlangan laboratoriyalardan hisoblanib, shu kungacha muayyan turdagi mahsulotlarga muvofiqlik sertifikati berish uchun kerakli bo’lgan sinovlarni bajarmoqda.

Respublika hududiga keltiriladigan yoki undan chetga chiqariladigan tovarlar (mahsulotlar)ning havfsizligini tasdiqlash bilan bog’liq bo’lgan amallar tegishli davlat idoralari bilan kelishilgan holda «O’zstandart» agentligi tomonidan tayyorlangan alohida hujjat bo’yicha bajariladi. Xalqaro hamkorlikni rivojlantirish maqsadida Turkiya va Xitoy davlatlari bilan standartlashtirish, sertifikat-lashtirish va metrologiya sohalarida hamkorlik qilish niyatida bitim tuzildi. Bu yo’ldagi ishlar o’z mevasini bermoqda. Turkiya mutaxassislari Toshkentda bo’lib, «O’zstandart» agentligi tomonidan uyushtirilgan Respublika seminarlarida sertifikatlashtirish sohasida ma’ruzalar bilan qatnashmoqdalar. O’zbekiston Respublikasi Mustaqil davlatlar hamdo’stligi qatoriga kiruvchi mamlakatlar bilan standartlashtirish, sertifikatlashtirish va metrologiya sohalarida bitimlar tuzgan bo’lib, o’zaro iqtisodiy va ijtimoiy munosabatlarni uzluksiz ravishda rivojlantirish borasida keng doirada faoliyat yuritib kelinmoqda. “ O`zbekiston texnik jihatdan tartibga solish ” agentligi sertifikatlashtirish milliy idorasi O ` z SMT sertifikatlashtiri sh kengashi Apeliyasiya kengashi O`z SMT ning Ilmiy uslubiy markazi Akkridetlangan sertifikatlashtirish milliy idora lari , sinash laboratoriyalari Bir turdagi mahsulotlar ni sertifikatlasht irish uslubiy markazi lar Sertifikatlashtirish so`rovchilar tekshirish idorasi Bir turdagi mahsulotlarni sertifikatlashtirish tizimi sertifikatlashtiri sh milliy idorasi tekshirish idorasi sinov markazi 4 - расм . O`zbekiston Respublikasi sertifikatlashtirish milliy tiziv tashkiliy tuzilmasi. Bevosita bo`ysinuvch funksional bog`liqlik

Yuqoridagilardan ko’rinib turibdiki, savdo-sotiq ishlarida mahsulotning sifati asosiy ko’rsatkichlardan biri bo’lib qolmoqda. Ishlab chiqarilgan mahsulot xalqaro va milliy standartlashtirish, sertifikatlashtirishning talablariga mos kelishi lozim. Har bir mahsulot o’z sifatini tasdiqlash uchun sertifikatga ega bo’lishi kerak, demak, mahsulot sertifikatlashtirishni o’tmoqligi lozim. Qanchalik ko’p mahsulotlar sertifikatga ega bo’lsa, shunchalik korxona, muassasa, tashkilotlarning iqtisodiy holati yaxshilanadi. Sertifikatlashtirish bo’yicha milliy idora. O’zbekiston Davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish to’g’risida O’zbekiston Respublikasi Vazirlar Mahkamasining 1992 yil №93 sonli va 2004 yil 5 avgustda № 373-sonli qarori qabul qilindi va bu qarorga binoan O’zbekiston Respublikasi Ppezidentining "Respublika davlat boshqaruvi organlari tizimini takomillashtirish to’g’pisida" 2003 yil 9 dekabrdagi PF-3358-son Fapmonini bajarish yuzasidan hamda standartlashtirish, metrologiya va mahsulotlar hamda xizmatlarni sertifikatlashtirish tizimini yanada takomillashtirish, uning zamonaviy xalqaro normalar va talablarga muvofiqligini ta’minlash, shuningdek xalqaro standartlardan foydalanish asosida mamlakatimizda ishlab chiqarilgan mahsulotlarning raqobatbardoshliligini oshirish maqsadida ushbu qarorni qabul qildi. Qarorga binoan O’zbekiston standartlashtirish, metrologiya va sertifikatlashtirish agentligi ("O’zstandart" agentligi)ning tashkiliy tuzilmasi va markaziy boshqaruv apparati belgilangan. “O’zbekiston texnik jixatdan tartibga solish” agentligi sertifikatlashtirish bo’yicha milliy idora bo’lib hisoblanadi. Sertifikatlashtirish milliy idorasi – “O’zbekiston texnik jixatdan tartibga solish” agentligi O’zbekiston Respublikasining qonun hujjatlariga muvofiq quyidagi vazifalarni amalga oshiradi:

-O’z SMT ning yagona qoida va tadbirlarini, ularga rioya etilishi ustidan nazoratni, sertifikatlashtirish natijalari bo’yicha hujjatlarni ro’yxatga olishni, respublika va horijiy iste’molchilarni ma’lumot bilan ta’minlashni belgilaydi; -Muvofiqlik belgisini va uni qo’llash qoidalarini belgilaydi; -O’z SMT ni mukammallashtirish bo’yicha dastur loyihalarini tuzadi va ularni Hukumat muhokamasiga taqdim etadi; -O’zbekiston Respublikasi Vazirlar Mahkamasi bilan kelishilgan holda xalqaro sertifikatlashtirish tizimlariga qo’shilish haqida qaror qabul qiladi, shuningdek, sertifikatlashtirish natijalarini o’zaro tan olish haqida bitimlar tuzadi; -O’zbekiston Respublikasini boshqa davlatlar va xaqaro tashkilotlar Bilan sertifikatlashtirish masalalari bo’yicha o’zaro munosabatlarda vakili bo’ladi; -Majburiy sertifikatlashtirilishi lozim bo’lgan mahsulotlar va xizmatlar ro’yxatini tuzadi va olib boradi; -Respublikada sertifikatlashtirish ishlarini tashkil qiladi va muvofiqlashtiradi hamda ularni o’tkazilishining to’g’riligi ustidan inspeksion nazoratni amalga oshiradi; -Bir turdagi mahsulotlarni, sifat tizimlari va ishlab chiqarishlarni, sertifikatlashtirish bo’yicha idoralarni va sinash laboratoriyalarini (markazlarini) akkreditlaydi; -Ekspert-auditorlarni attestatlaydi va ularning faoliyati ustidan nazoratni amalga oshiradi; -O’z SMT Davlat reestrini olib boradi; -Mahsulotlarni sertifikatlashtirish, sertifikatlash-tirish bo’yicha idoralarni va sinash laboratoriyalarini (markazlarini) akkreditlash bo’yicha ishlarga haq to’lash shakli va tartibini belgilaydi; -O’z SMT qoidalarini buzganligi uchun muvofiqlik sertifikatlari va muvofiqlik belgilarining amalini bekor qiladi va to’xtatadi, sertifikatlashtirish bo’yicha idoralarni va sinash laboratoriyalari (markazlari)ni akkreditlangani haqida guvohnomani bekor qiladi;

-Sertifikatlashtirish va akkreditlash natijalari bo’yicha appelyasiyalarni ko’rib chiqadi; -O’z SMT davlat reestri asosida sertifikatlashtirish bo’yicha ma’lumotlarni chop etadi va manfaatdor tomonlarning undan bemalol foydalanishlarini ta’minlaydi. Ushbu vazifalarni amalga oshirish uchun SMI vazifalarini tekshirish, ilmiytexnikaviy, jamoat tashkilotlarini, iste’molchilar jamiyatlarini jalb etib, yuqoridagi vazifalarni O’zbekiston Respublikasi hududlarida SMI vazifalarini, bu vakolatlarni “O’zbekiston texnik jixatdan tartibga solish” hududiy filiallar berganda ular bajarishi mumkin. “O’zbekiston texnik jixatdan tartibga solish” hududiy filiallar. Vazirlar Mahkamasi qarorini bajarish yo’lida “O’zbekiston texnik jixatdan tartibga solish” agentligi o’zining viloyat markazlarini tuzib, ularning ishlariga har taraflama ko’mak ko’rsatmoqda. 1993 yilning 28 dekabridan boshlab "Mahsulotlarni va xizmatlarni sertifikatlashtirish to’g’risida" qonun kuchga kirib, bu qonun asosida sertifikatlashtirish va sifatni ta’minlash borasidagi barcha ishlar mutlaqo yangicha ruknda yo’lga qo’yila boshlandi. Respublikadagi sinov laboratoriyalarini akkreditlash ishlari ham jadal qadamlar bilan amalga oshirilmoqda. Hozirgi vaqtda 256 ta laboratoriya milliy sertifikatlashtirish tizimida akkreditlangan bo’lib, bu mahsulot ishlabchiqarishning hamma sohasi bo’yicha etarli darajada sinovlarni olib borish imkoniyatini beradi. O’zbekiston Respublikasining sertifikatlashtirish sohasida Respublika sinov va sertifikatlashtirish markazi va hududiy standartlashtirish va metrologiya boshqarmalari (SMB) faoliyat olib borishadi. Respublika sinov va sertifikatlashtirish markazi o’z tarkibiga 17 ta hududiy markazlarni tashkil qiladi. Hududiy standartlashtirish va metrologiya boshqarmalarining namunaviy tuzilmasi 6rasmda keltirilgan.

Standartlashtirish, metrologiya va sertifikatlashtirish hududiy markazalari – SMSHM sertifikatlashtirish sohasida quyidagi vazifalarni amalga oshiradi: -Mahsulotlar va xizmatlarni ishlab chiqaruvchilari (bajaruvchilari)ga va etkazib beruvchilarga sertifikatlashtirish qoidalari haqida ma’lumot beradilar; -Bir turdagi mahsulotlarni sertifikatlashtirish (BMS) doirasida sertifikatlashtirish tadbirlari bo’yicha markaziy sertifikatlashtirish idoralari (MSI), bosh usuliyat markazlari (BUM) bilan o’zaro munosabatda bo’ladi; -Sertifikatlashtirish qoidalariga rioya qilish ustidan davlat tekshiruvini (nazoratini), hamda ular tomonidan sertifikatlashtirilgan mahsulotlar ustidan inpeksion nazoratni amalga oshiradilar; -Hududda sertifikatlashtirilgan mahsulot reestrini olib boradilar; -Sertifikatlashtirish bo’yicha hududiy idoralar va sinash laboratoriyalari (markazlari)ni akkreditlash bo’yicha «O’zstandart» agentligining topshirig’iga binoan komissiya tuzish va ularda ishtirok etish va ularning faoliyati ustidan inspeksion nazorat qilishni amalga oshirishidilar. Sertifikatlashtirish va tekshirish bo’yicha vazifalarni amalga oshirish uchun SMSHMlar umumiy asoslarda O’z DSt 5.2, O’z DSt 5.3 va O’z DSt 5.4 standartlariga muvofiq akkreditlanishi kerak. SMSHM akkreditlangandan so’ng sinov turlari va sertifikatlashtirilgan mahsulot turlari bo’yicha akkreditlashning ma’lum sohasida faoliyat ko’rsatish huquqini oladi. Bir turdagi mahsulotlarni sertifikatlashtirish idoralari. Bir turdagi mahsulotlarni sertifikatlashtirish bo’yicha akkreditlagan idoralar quyidagi vazifalarni amalga oshirishadilar: -Muayyan turdagi mahsulotlarni sertifikatlashtirish tartibini ishlab chiqadi; -bir turdagi mahsulotlarni sertifikatlashtirish (BMS) tizimida sertifikatlashtirilishi kerak bo’lgan muayan turdagi mahsulotlarni aniqlashda ishtirok etish;

-Muayyan turdagi mahsulotni sertifikatlashtirishi o’tkaziladigan me’yoriy hujjatlar fondini aniqlash va yuritish; -Sertifikatlashtirishni tashkil qilish va o’tkazish; -Muvofiqlik sertifikatini rasmiylashtirish, berish va tan olish; -Sertifikatlashtirilgan mahsulotlarning reestrini yuritish; -Berilgan mahsulotni sertifikatlashtirish natijalari haqida ma’lumot berish; -O’zDSt51-032 standartida o’rnatilgan tartib asosida sertifikatlashtirish ishlarining mehnat sarfi va qiymatining hisob-kitob me’yorlarini aniqlash; -Sertifikatlashtirilgan mahsulot ustidan inspeksion nazorat o’tkazish. Mulkchilik shaklidan qat’iy nazar, O’z SMT qoidalarini bajarayotgan va O’zDSt5.2 standarti talablariga javob beruvchi tashkilotlar sertifikatlashtirish bo’yicha idoralar sifatida akkreditlanishi ham mumkin. Akkreditlangan sinash laboratoriyalari. Akkreditlangan sinash laboratoriyalari (markazlari) O’z SMTda quyidagi asosiy vazifalarni amalga oshirishadi: -Mahsulotni sertifikatlashtirish bo’yicha sinovlarni o’tkazish va sinov dalolatnomalarini berish; -Sertifikatlashtirilgan mahsulot namunalarini, agar bu sertifikatlashtirish tartibida nazarda tutilgan bo’lsa, inspeksion (tekshirish) sinovlarini o’tkazish; -Sifat tizimlari va ishlab chiqarishlarni sertifikatlashtirishda (sinovlarni o’tkazishning to’g’riligi borasida) ishtirok etish; Sinash laboratoriyalari (markazlari) sifatida «O’zstandart» agentligi va uni hududiy idoralarining laboratoriyalari, ilmiy-tekshirish va konstruktorlik tashkilotlarining sinov markazlari, boshqa laboratoriyalar va mulkchilik ixtiyoriy shaklidagi markazlar akkreditlanishi mumkin.

Sertifikatlashtirish ob’ektlari va sub’ektlari O’zbekiston Respublikasi sertifikatlashtirish milliy tizimida sertifikatlashtirishning quyidagi ob’ektlari mavjud: -Mahsulotlar; -Jarayonlar; -Sifat tizimlari va ishlab chiqarishlar; -Xizmatlar; -Xodimlar. O’zbekiston Respublikasi sertifikatlashtirish milliy tizimida sertifikatlashtirishda quyidagi sub’ektlari mavjud: -Bir turdagi mahsulotlarni sertfikatlashtirish bo’yicha idoralari; -Sifat tizimlari va ishlab chiqarishlarni sertifikatlashtirish idoralari; -Sinov laboratoriyalari; -Ekspert-auditorlar. O’zbekiston Respublikasi sertifikatlashtirish milliy tizimida sertifikatlashtirish ob’ektlari va sub’ektlari O’z DSt 5.0 O’z SMT. Asosiy qoidalar standartiga muvofiq ro’yxatga olinadi. Ushbu standartga asosan O’z SMT da quyidagi Reestrlarni yuritish amalga oshiriladi: -Bir turdagi mahsulotlarni sertfikatlashtirish bo’yicha akkreditlangan idoralar; -Sifat tizimlari va ishlab chiqarishlarni sertifikatlashtirish bo’yicha akkreditlagan idoralari; -Akkreditlangan sinav laboratoriyalari (markazlari); -Attestatlangan ekspert-auditorlar; -Sertifikatlashtirilgan mahsulotlar; -Sertifikatlashtirilgan sifat tizimlari va ishlab chiqarishlar; -Bir turdagi mahsulotlarni sertifikatlashtirishning ro’yxatga olingan tizimlari. O’z SMT Davlat reestrini yuritish qoidalari O’z RH 51-021 O’z SMT. Davlat reestrini olib borish tartibi rahbariy hujjatida belgilangan. Sertifikatlashtirish bo’yicha milliy idora davlat reestrining me’yorlarini, shuningdek, sertifikatlashtirish bo’yicha idoralar va tizimning boshqa ishtirokchilaridan olingan axborotlarni nashr qilib boriladi.

Sertifikatlashtirish, akkreditlash va tekshirish o’tkazish bo’yicha harajatlarni O’z RH 51-032 O’z SMT. Ishlar haqini to’lash tartibi rahbariy hujjatida o’rnatilgan tartib bo’yicha shartnoma orqali so’rovchilar to’lashadi.

Adabiyotlar : 1. Mirziyoev SH.M. Erkin va farovon, demokratik O’zbekiston davlatini birgalikda barpo etamiz. O’zbekiston Respublikasi Prezidentining lavozimiga kirishish tantanali marosimiga bagishlangan Oliy Majlis palatalarining kushma majlisidagi nutki. -T.: "O’zbekiston" NMIU, 2016.- 2. Mirziyoev SH.M. Konun ustuvorligi va inson manfaatlarini ta’minlash - yurt tarakkiyoti va xalk farovonligining garovi. O’zbekiston Respublikasi Konstitutsiyasi kabul kilinganining 24 yilligiga bagishlangan tantanali marosimdagi maruza 2016 yil 7 dekabr. T: "O’zbekiston" NMIu. 2016-486. 3. Mirziev SH.M. Buyuk kelajagimizni mard va olijanob xalkimiz bilan birga kuramiz. - T.: "O’zbekiston"NMIU, 2017. - 488 6. buyicha 4. Ismatullaev P.R., Matyakubova P.M. Turaev SH.A. Metrologiya, standartlashtirish va sertifikatlashtirish. Dasrlik. T.: Lesson-Press, 2015.423 5. Ismatullaev P.R., Axmedov B.M., Matyakubova P.M., Xamrokulov F.X. Turaev SH . A . Sertifikatlashtirish asoslari va sifat menejmenti . Darslik. Toshkent, Sano-standart, 2014. - 330 6. 6. Abduvaliev A.A. i metrologii i upravleniya kachestvom Izdatelstvo TGTU, 2002. - 287 s. dr. Osnovы standartizatsii, sertifikatsii produksii. Uchebnoe posobie. - Tashkent: 7. Axmedov B.M., Ismatullaev P.R., Turaev SH.A. Sertifikatlashtirish va sifatni boshkarish asoslari, o’kuv kullanma. O’zR O MTV; TDTU. – Toshkent 2007. -233 6. 8. Axmedov B.M., Ismatullaev P.R. Turobjonov S.M., YUsupov E.D. Typaev SH . A . Osnov ы sistem ы menedjmenta kachestva . Izd-vo iptd Uzbekistan. - Tashkent, 2009. -208 s.

O'xshashlar

Sertifikatlashtirish

Sertifikatlashtirish faoliyati

Xizmatlarni sertifikatlashtirish

Halol sertifikatlashtirish

Maxsulot va xizmatlarni sertifikatlashtirish to`g’risida O`zbekiston Respublikasi qonuni. O`zbekiston Respublikasi sertifikatlashtirish milliy tizimi