O’zbekiston Respublikasi akkreditlashtirish milliy tizimining asosiy qoidalari - Metrologiya - Referatlar

O’zbekiston Respublikasi akkreditlashtirish milliy tizimining asosiy qoidalari

Yuklangan vaqt:

15.09.2023

Ko'chirishlar soni:

0

Hajmi:

63.5 KB

Ko'chirib olish

O’zbekiston Respublikasi akkreditlashtirish milliy tizimining asosiy qoidalari Reja: 1. O’zbekiston Respublikasi akkreditlashtirish milliy tizimining asosiy qoidalari 2. Akkreditatsiyalashtirish. Akkreditlashtirish tizimining tashkiliy tuzilmasi.

O’zbekiston Respublikasi akkreditlashtirish milliy tizimining asosiy qoidalari . O’zbekiston Respublikasida akkreditlashtirish tizimini ishlab chiqishdan maqsad mahalliy mahsulotlar, xizmatlar yoki jarayonlarning muvofiqligini tasdiqlovchi sertifikatlar va boshqa hujjatlarni xalqaro tan olinishi uchun shart- sharoitlar yaratishdan iborat. Bu shart-sharoitlar O’zbekiston Respublikasining xalqaro akkreditlashtirish tizimi (ILAC, IAF) ga qo’shilishi va tan olish bo’yicha kelishuv tuzishda asos bo’lib xizmat qilishi mumkin. Tan olish xorijiy akkreditlashtirish tizimlari, bu tizimning xilma xil qiymatliligini hisobga olgan xolda akkreditlashtirish milliy tizimiga ishonishga asoslangan. Bunda sinov natijalari muvofiqligi va sertifikatlangan mahsulot sifati ko’rsatkichining barqarorligi muvofiqlikni tasdiqlash bo’yicha reglamentlangan xalqaro standartlarga muvofiq akkreditlangan sertifikatlashtirish va nazorat idoralari, sinash, kalibrlash (qiyoslash) laboratoriyalari faoliyatlarining layoqatliligi bilan kafolatlanishi ko’zda tutilgan. O’zbekistonda mustaqil akkreditlashtirish milliy tizimi 1998 yilda yaratildi. Tizimni yaratish akkreditlash yo’li bilan tashkilotlar muvofiqligini baholash sohasida davlatning o’rnini kuchaytirishni yo’lga qo’yadi. Akkreditlash muvofiqlikni tasdiqlash sohasida o’zining layoqatliligini bahosini olishni ixtiyoriy istovchi sub’ektlar munosabatida amalga oshiriladi. Akkreditlash tizimi – akkreditlashni amalga oshirish uchun protsedura va boshqaruvning o’z qoidalariga ega bo’lgan tizim. Tizimning me’yoriy asosi (bazasi) 10-rasmda ko’rsatilgan xalqaro standartlar bo’lib hisoblanadi. Tizimning qonuniy hujjatlariga 17.07.2006 yil Adliya Vazirligida №1596 sonli ro’yxatga olingan «Sertifikatlashtirish sohasidagi nazorat idoralari, bir turdagi mahsulotlarni sertifikatlashtirish bo’yicha idoralari, sinov (o’lchash) laboratoriyalar (markazlar)ni akkreditlash qoidalari» taaluqlidir. Tizimda «akkreditatsiya» atamasi «o’rnatilgan talablarga mahsulotlar, xizmatlar, xodimlar va sifat tizimining muvofiqlikni baholash va tasdiqlash

bo’yicha muayyan ishlarni bajarish uchun huquqiga egaligini rasman tan olish» deb ta’riflangan. Akkreditlashtiruvchi idora bu «o’rnatilgan talablarga mahsulotlar, xizmatlar, xodimlar va sifat tizimining muvofiqlikni baholash va tasdiqlash bo’yicha faoliyatni amalaga oshirish uchun rasmiy vakolat beruvchi, davlat boshqaruv idora». O’zbekiston Respublikasida akkreditlashtirish idorasi sifatida O’zstandart Agentligi vakolatlangan. Akkreditlashtirish bo’yicha Kengash bu «o’tkazilgan akkreditlash natijalari bo’yicha qaror qabul qiluvchi milliy akkreditlash tizimining rahbariy idorasi». Akkreditlash sohasi, bu «muvofiqlikni tasdiqlash bo’yicha aniqlangan faoliyat sohasida muayyan ishlarni, ya’ni akkreditlashga taqdim qilingan va berilgan arizani bajarish». Tizim quyidagi tamoyillarga asoslanadi: -milliy darajada tizimni tan olish; -o’zining qoida va protseduralirining mavjudligi; -akkreditlashtirish ob’ektlarining ishchi holati masalalari va xorijiy va xalqaro akkreditlash tizimlari bilan minosabatlarni rivojlantirish bo’yicha tizimini takomillashtirish; -tizimda barcha yuridik va jismoniy shasxlarni qatnashishiga imkonyatlar mavjudligi; -tizim a’zolarining layoqatliligini xodimlar etarli malakasi, ularni vakolatlari va texnikaviy vositalar bilan ta’minlash; -akkreditlash natijalari va protseduralari xolisligi, adolatsiz qarorlar va kamsitishlar (haq-huquqlarini chegaralash) mavjud emasligi; -tizimda o’rnatilgan qatnashchilar yoki barcha qiziquvchilarga munosabati bo’yicha tayyorligi: -akkreditlash natijalarini yuridik yoki jismoniy shaxslar ta’sirlaridan mustaqilligi; -qarorlarni qabul qilish va ushbu tamoyillarga rioya qilish uchun tizimda rahbarlarning javobgarligi;

-tizim tuzilmasining ma’qulligi va akkreditlash protseduralari xarajatlarini kamaytirish; -akkreditlash ob’ektlari haqidagi, tijorat qiziqishiga taaluqli ma’lumotlarning maxfiyligi; -akkreditlashtirishning barcha qatnashchilari uchun tekshirish va baholash usullari ochiqligi va maqbulligi. Tizim xalqaro akkreditlashtirish tizimlari bilan kelishuv asosida o’zaro faoliyat olib boradi. Akkreditlashtirishning maqsadlari bo’lib quyidagilar hisoblanadi: -mahalliy mahsulotlar, xizmatlar va jarayonlar xavfsizligi, sifati va raqobatbardoshligini oshirish; -xalqaro kelishuvlarda texnikaviy to’siqlarni bartaraf etish; -sinov laboratoyalari, qiyoslash va kalibrlash bo’yicha laboratoriyalar, nazorat va sertifikatlashtirish bo’yicha idoralar, metrologik xizmatlar va standartlashtirish bo’yicha xizmatlar faoliyatlari natijalarini xalqaro tan olinishini ta’minlash va texnikaviy layoqatliligini oshirish. Akkreditlashtirish vazifalari bo’lib me’yoriy hujjatlar talablariga muvofiq jismoniy shaxslar va tashkilotlar faoliyatini huquqiy rasman tasdiqlash hisoblanadi. Tizimda akkreditlashtirish ob’ektlari bo’lib quyidagilar hisoblanadi: -sinov laboratoriyalari; -qiyoslash va kalibrlash laboratoriyalari; -mahsulot va xizmatlarni sertifikatlashtirish bo’yicha idoralar; -menejment tizimlarini sertifikatlashtirish bo’yicha idoralar; -tekshiruv (nazorat) idoralari; -yuklash oldi inspeksiyasi bo’yicha maslahat firmalar; -sifat bo’yicha ekspert- auditorlar. Majburiy akkreditlashtirish ob’ektlariga, qonunchilik faoliyatida amalga oshiriluvchi boshqariladigan sohalar kiradi. Sertifikatlashtirish, standartlashtirish, metrologiya, sinash, nazorat, kalibrovka (qiyoslash) sohalarida o’zining faoliyati natijalarini xalqaro tizim darajasida va

Tizim qoidalari bo’yicha ixtiyoriy tartibda akkreditlangan kelishuvlar bo’yicha tan olinishga erishuvchi ob’ektlar bo’lishi mumkin. Birga qo’shiluvchi faoliyatlar, ikki va undan ortiq akkreditatsiya sohalari, ushbu sohalar bo’yicha ob’ektlarning barchasi akkreditlanishi lozim. Bunda akkreditlash bir vaqtni o’zida barcha talab qilingan sohalar yoki akkreditlash tartibiga qo’shimcha sohalar, bosqichma-bosqich o’tkazilishi mumkin. Xalqaro laboratoriyalarni akkreditatsiya qilish tashkiloti (ILAC). Sinov laboratoriyalarini akkreditlash bo’yicha Xalqaro konferensiya - (ILAK) 1977 yil (Kopengagen, Daniya) da birinchi bo’lib tashkil etilgan. Konferensiyani ish olib borishidan maqsadi savdoda texnik to’siqlarni sinov laboratoriyalarini akkreditlash yo’li bilan xalqaro darajadagi tamoyillar va usullarni, sinov natijalarini o’zaro ishonchliligini o’rnatish asosiy yo’nilishdir. ILAK o’zining faoliyati darajasida xalqaro kelishuvni ikki turini ko’zda tutadi: -akkreditlanmagan laboratoriya sinov sertifikatlari, bayonnomalarni o’zaro tan olish bo’yicha kelishish; -milliy tizim akkreditlagan sinov laboratoriyalarini o’zaro tan olish bo’yicha kelishish (sertifikatlarni va ulardan foydalanish imkoniyati mavjudligi). O’tgan asrning 90-yillarining o’rtalarida Evropa Ittifoqida (ES) ishlab chiqariladigan va sotiladigan mahsulotlar sifati bo’yicha yangi siyosat qabul qilindi. ISO va MEK ishlab chiqqan xalqaro qoidalariga asosan laboratoriyalarini akkreditlashdan maqsad sinov laboratoriyalarini aniq sinovlar yoki aniq tur sinovlari (ISO/MEK Rukovodstvo 2.86) o’tkazishga huquq berishdan iborat. Akkreditlangan sinovlar tushunchasi mahsulotni sertifikatlashtirish faoliyati bilan chambarchas bog’langandir. ILAK (Internationai Laboratory Accreditation Conference) birinchi marta 1977 yili Kopengagen (Daniya) da chakirilgan. ILAK ning yaratilishidan milliy tizimlarini o’zaro tan olish bilan amaldagi va xalqaro bitimlardagi ma’lumotlarni,

mahsulotni sinash natijalarini va boshqa mahsulot sifati haqidagi ma’lumotlarni umumlashtirishga harakat qilish. 1980 yilda chakirilgan ILAK ning konferensiyasida milliy tizimlarining akkreditlangan laboratoriyalarini o’zaro tan olish bo’yicha amaldagi ikki va ko’p tomonlama bitimlar haqida ma’ruza tayyorlashga qaror qabul qilindi. Ish jarayonida ikki xil xalqaro bitimlar borligi namoyon bo’ldi: Laboratoriyalarni akkreditlamasdan sinov natijalarini va sertifikat bayonnomalarini o’zaro tan olish bitimi; Sinov laboratoriyalarining akkreditlash milliy tizimlarini o’zaro tan olish bitimi (tan olishni sertifikatga yozish bilan). SHu masalalar bo’yicha tavsiyalar ishlab chiqilgan va ularning natijalariga ko’ra shunday bitimlar zarurligi qayd qilindi. Laboratoriyalarning akkreditlash masalalari hozirgi kunda aktual bo’lib, ular bilan bog’liq bo’lgan materiallarni sistemali ravishda chop etilish zarurati tugildi. SHu masalalarda har doim ILAK o’z materiallarining chop etilishini «Metrologiya» jurnali tahririyati bilan hamkorlikda amalda oshirilishiga qaror qildi. 1983 yili ILAK tashabbusi bilan sinov laboratoriyalari uchun sifat bo’yicha qo’llanma tuzishga tavsiyaviy loyiha tayyorlandi, 1986 yili esa bunday tavsiya qabul qilindi. ISO va MEK lar tomonidan qayta ishlangan bu hujjat ISO - MEK 49 qo’llanmasi nomi bilan ma’lumdir. ILAK tomonidan ishlab chiqarilgan xalqaro hujjatlar mahsulotni chetga chiqaradigan va chetdan mol olib keladigan mamlakatlardagi savdo – iqtisodiy siyosatiga katta ta’sir o’tkazmoqda. Bunga misol tariqasida EES mamlakatlari tomonidan 1989 yili qabul qilingan akkreditlanuvchi laboratoriyalarga talablar asosini belgilovchi akkreditlar va sertifikatlashtirish idoralari uchun zarur Evropa EN – 45000 standartini ko’rsatish mumkin. ILAC/O’zstandart» agentligi ILAC va IAF to’laqonli a’zolari hisoblangan davlatlarning ro’yxatlarini e’lon qildi. Ushbu axborot ayrim tovarlarni sertifikatlashtirmay olib kirishlari mumkin bo’lgan tadbirkorlar uchun

mo’ljallangan. Eslatib o’tamiz, Prezidentning 12.12.2018 yildagi PQ–4059-son qaroriga muvofiq, ustav kapitalida davlat ulushi 50%dan ko’p miqdorda bo’lmagan tadbirkorlik sub’ektlari uchun (erkin iqtisodiy zonalar ishtirokchilari bundan mustasno) 1.01.2019 yildan boshlab olib kiriladigan mahsulotlarni sertifikatlashtirishning soddalashtirilgan rejimi joriy etilgan (sharhga qarang). CHunonchi, O’zbekistonda ishlab chiqarilmaydigan ixtisoslashgan va qishloq xo’jaligi texnikasi, texnologik uskunalar, ularning butlovchi va ehtiyot qismlari, shuningdek majburiy sertifikatlanishi lozim bo’lgan mahsulot ishlab chiqarishda foydalaniladigan nooziq-ovqat xom ashyo, materiallar va buyumlar O’zbekiston hududiga olib kirilayotganda majburiy sertifikatlashtirishdan ozod qilingan. Olib kirilayotgan tovar uchun Xalqaro laboratoriyalarni akkreditatsiya qilish tashkiloti (ILAC) va Xalqaro akkreditatsiya qilish forumi (IAF) to’laqonli a’zolari hisoblangan davlatlarning sertifikatlashtirish organlari tomonidan berilgan muvofiqlik sertifikatlari yoki sinov bayonnomalari taqdim etilgan taqdirda ushbu norma amal qiladi. Akkreditatsiyalashtirish. Akkreditlashtirish tizimining tashkiliy tuzilmasi. Akkreditlashtirish milliy tizimi tuzilmasiga quyidagilar kiradi: -akkreditlashtirish bo’yicha kengash; -akkreditlashtirish bo’yicha idora (O’zstandart Agentligi); -ilmiy-uslubiy markaz (SMSITI); -akkreditlashtirish ob’ektlari; -akkreditatsiya bo’yicha ekspert-auditorlar (baholovchilar). Tizimning tuzilma sxemasi rasmda keltirilgan. Akkreditlashtirish bo’yicha kengash milliy darajada va davlat boshqaruv idoralari vakillari, akkreditlashtirish ob’ektlari, hamda ishlab chiqaruvchilar, mahsulot iste’molchilari, tekshirish va nazorat ob’ektlari va o’lchash vositalaridan foydalanuvchilar shuningdek, boshqa qiziquvchi tashkilotlardan tarkib topgan. Akkreditlashtirish bo’yicha kengashning vazifalari:

-akkreditlashtirish sohasidagi yagona siyosatni olib boradi va rivojlantiradi; -sertifikatlashtirish va sinov natijalarini xalqaro tan olinishiga imkoniyat yaratish; -akkreditlashtirish sohasidagi xalqaro hamkorlikka imkoniyat yaratish; -baholashda olingan natijalar va akkreditatsiya komissiyasini shakllantirish bo’yicha akkreditlashtirish idoralarigi maslahat berish; -sertifikatlashtirish idoralari va akkreditlashtirish laboratoriyalari faoliyalarini muvofiqlashtiradi, hamda akkreditlashtirish idorasida apellyasiya komissiyasi ko’rib chiqishini nazorat qiladi. Kengash o’zining davriy yig’lishini yig’adi va umumiy tashkilot bo’lib hisoblanadi. Tashkilotning yig’ilishni tayyorlash, qabul qilingan qarorlarni bajarilish masalalri bo’yicha doimiy ishlar uchun kengashning kotibati yaratilgan. Kengash qarorni qabul qilish va bajarish uchun kelishmovchiliklar bo’yicha ishchi guruh va apelliyasiya bo’yicha komissiya tuzadi. Zaruriyat bo’lganda tizimda bir nechta akkreditlashtirish bo’yicha idoralar tuziladi. Akkreditlashtirish bo’yicha idora quyidagi yo’nalishlar bo’yicha faoliyatni amalga oshiradi: -akkreditlashtirishni o’tkazish uchun boshqaruv va protsedura qoidalarini o’rnatadi; -akkreditlashtirish bilan navbatdagi inspeksion nazoratini o’tkazadi; - akkreditlangan ob’ektlar, ya’ni nomi, ob’ekt rahbari va manzili, akkreditatsiya sohasi va akkreditatsiya attestatining amal qilish muddati to’g’risidagi ma’lumotlardan tarkib topgan reestrini yuritadi; -xorijiy akkreditlangan sinov laboratoriyalari, sertifikatlashtirish va nazorat idoralari, kelishuv doirasidagi O’zbekiston Respublikasida tan olingan muvofiqlik sertifikati va sinov bayonnomalari ro’yxatini yuritadi; -akkreditlashtirish masalalari bo’yicha milliy tizimlar va xalqaro tashkilotlar bilan hamkorlikni amalga oshiradi;

O’zbekiston Respublikasida akkreditlashtirish natijalari haqida qiziquvchi tashkilotlar va xalqaro akkreditlashtirish tizimlarni xabordor qiladi va tizim hujjatlarini aktualligini (dolzarbligini) ta’minlaydi. Ilmiy-uslubiy markaz tizimda quyidagi vazifalarni bajaradi: -tizimning me’yoriy bazasini ishlab chiqadi va takomillashtiradi; -ularni akkreditlashtirish maqsadi uchun tashkilot hujjatlarini ekspertizadan o’tkazadi; -akkreditlashtirish bo’yicha idora topshirig’i bo’yicha akkreditlangan ob’ektlarni faoliyatini inspeksion nazorati va qayta akkreditlashtirishda, akkreditatsiya bo’yicha komissiya ishlarida qatnashadi; -akkreditlashtirish bo’yicha ekspert-auditorlarni tayyorlash va qayta tayyorlash; -qiziquvchi tashkilotlar va shaxslarga akkreditlashtirish tartibi, mezonlari va qoidalari bo’yicha maslahat beradi. Akkreditlashtirish tizimida akkreditlashtirishga hohish istagini baldirgan tashkilot va shaxslar (akkreditlashtirish ob’ektilari): -talab etilgan akkreditlashtirish sohasiga muvofiq aniqlangan ish turlarini bajarishga tayyorgarligini ta’minlaydi; -akkreditlashtirish idoralari va akkreditlashtirish jarayonida tizimning boshqa qatnashchilari bilan o’zaro faoliyatda akkreditlashtirishga ariza beradi; -o’rnatilgan tartibga muvofiq akkreditlashtirish bo’yicha ishlarga (uning natijalaridan mustaqil) to’lovlarni bajaradi. Akkreditlashtirish milliy tizimining tashkilish sxemasi. Akkreditlangan tashkilot va shaxslar: -o’rnatilgan qoidalar bo’yicha akkreditatsiya sohasiga muvofiq qat’iy rioya qilgan holda ishlarni bajaradi; -akkreditatsiya shartlarini buzgan holatlarda muvofiqlikni tasdiqlash bo’yicha faoliyati to’xtatiladi yoki tugatiladi yoki akkreditatsiya attestati to’xtatiladi yoki bekor qilinadi;

-o’rnatilgan talablarga (shuningdek sifat tizimi) muvofiq tashkilot qo’llabquvvatlaydi; -akkreditlashtirish sohasidagi o’ziga xos ishlarni bajarishda tashkiliy tuzilmasi, texnikaviy qurilmalari va boshqa shartlarning o’zgarishi haqida faoliyati to’g’risida ma’lumotlarni akkreditlovchi idoraga taqdim etadi; -akkreditlashtiruvchi idoraning inspeksion nazorati faoliyati va muvofiq to’g’rilovchi amallarni qabul qilishda zaruriy sharaoitlarni yaratadi.

Adabiyotlar : 1. Mirziyoev SH.M. Erkin va farovon, demokratik O’zbekiston davlatini birgalikda barpo etamiz. O’zbekiston Respublikasi Prezidentining lavozimiga kirishish tantanali marosimiga bagishlangan Oliy Majlis palatalarining kushma majlisidagi nutki. -T.: "O’zbekiston" NMIU, 2016.- 2. Mirziyoev SH.M. Konun ustuvorligi va inson manfaatlarini ta’minlash - yurt tarakkiyoti va xalk farovonligining garovi. O’zbekiston Respublikasi Konstitutsiyasi kabul kilinganining 24 yilligiga bagishlangan tantanali marosimdagi maruza 2016 yil 7 dekabr. T: "O’zbekiston" NMIu. 2016-486. 3. Mirziev SH.M. Buyuk kelajagimizni mard va olijanob xalkimiz bilan birga kuramiz. - T.: "O’zbekiston"NMIU, 2017. - 488 6. buyicha 4. Ismatullaev P.R., Matyakubova P.M. Turaev SH.A. Metrologiya, standartlashtirish va sertifikatlashtirish. Dasrlik. T.: Lesson-Press, 2015.423 5. Ismatullaev P.R., Axmedov B.M., Matyakubova P.M., Xamrokulov F.X. Turaev SH . A . Sertifikatlashtirish asoslari va sifat menejmenti . Darslik. Toshkent, Sano-standart, 2014. - 330 6. 6. Abduvaliev A.A. i metrologii i upravleniya kachestvom Izdatelstvo TGTU, 2002. - 287 s. dr. Osnovы standartizatsii, sertifikatsii produksii. Uchebnoe posobie. - Tashkent: 7. Axmedov B.M., Ismatullaev P.R., Turaev SH.A. Sertifikatlashtirish va sifatni boshkarish asoslari, o’kuv kullanma. O’zR O MTV; TDTU. – Toshkent 2007. -233 6. 8. Axmedov B.M., Ismatullaev P.R. Turobjonov S.M., YUsupov E.D. Typaev SH . A . Osnov ы sistem ы menedjmenta kachestva . Izd-vo iptd Uzbekistan. - Tashkent, 2009. -208 s.

O'xshashlar

Sifat menejmenti tizimini joriy etish

Sertifikatlashtirish faoliyati

Mahsulotlarni sertifikatlash

Standartlashtirishning asosiy qonun-qoidalari

Sifat menejmenti tizimini sertifikatlashtirish bosqichlari