Металларни кесишдаги ишқаланиш - Materialshunoslik - Referatlar

Металларни кесишдаги ишқаланиш

Yuklangan vaqt:

20.09.2019

Ko'chirishlar soni:

0

Hajmi:

74.8447265625 KB

Ko'chirib olish

Металларни кесишдаги ишқаланиш Режа: 1. Пухталаниш 2. Кесиш жараёнидаги иссиқлик ходисалари 3. Кесишдаги иссиқлик манбалари 4. Иссиқлик баланси 5. Қириндининг ўртача хароратининг максимал қийматлари

Металларни кесишдаги ишқаланиш Кесувчи асбобнинг олдинги ва орқа юзаси бўйича ишқаланишнинг хусусиятлари бутун қиринди ҳосил бўлиш жараёнига катта таъсир ўказади. Ишқаланиш кучи бошқа омиллар билан биргаликда кесувчи асбобнинг олдинги юзасида тенг таъсир этувчи кучларнинг йўналишини аниқлайди. Ўз навбатида бу йўналишга, силжиш юзасининг холати, қиринди киришуви, кесиладиган қатламнинг деформацияланиш даражаси таoсир этиб, натижада кесиш кучининг катталигига боғлиқ бўлади. Кесиш учун сарфланган иш иссиқликка айланиб ишқаланиш юзаларидаги кесувчи асбобнинг ҳароратини ва унинг кесувчи хусусиятларини сақлаш қобилиятини белгилайди. Кесувчи асбоб юзаларидаги ишқланиш - машина деталларидаги ишқаланишдан бутунлай фарқ қилади. У тўқнашувчи юзаларда юқори босим остида амалга ошади. Бу босим кесувчи қиррада 1000 мн/м2 га эришади ва олдинги юзадан қириндини тушиш жойида нолгача етади (машина деалларининг ҳаракатланувчи брикмаларида бу катталик 10 - 20 мн/м 2 дан юқори эмас). Ишқаланувчи юзаларнинг ҳарорати, хона ҳароратидан ишлов бериладиган материалнинг эриш ҳароратигача бўлган кенг чегарада ўзгариши мумкин. Бунда ишқаланувчи жисмлардан бири қиринди-пластик деформацияланади. Масалан, қуйидаги ўрнатилган маромда: пўлат 50 ни 0,33 м/сек кесиш тезлигида ва 2,38 мм/айл суриш билан йўнишда, кескич билан тўқнаш қириндини юзасидан 0,025 мм масофадаги нисбий силжиши 39 га тенг ва қириндининг асосий материали деформациясидан 20 марта ортиқдир. Фақат муайян шароитларда (айиқса кичик кесиш тезликларида) ишқаланувчи юзаларнинг ўзаро металл таъсирини чиқариб ташловчи плёнкалар билан қопланган бўлиши мумкин. Кесиш жараёнида ҳосил бўлувчи ва ҳамма физик ходисаларга таъсир этувчи, ишқаланиш улар билан узвий ўзаро боғлиқда бўлади. Ишқаланиш

кучини камайишини таъминловчи омиллар кесиш жараёнини енгиллаштиради, кесувчи асбобнинг хизмат муддатини оширади. Кесиш жараёнида ишқаланиш кучларини бевосита ўлчаш жуда мураккаб, сунъий ўхшаш шароитларни ташқил қилиш йўли билан тадқиқ қилинади. Ишқаланишнинг ўртача коэффициенти иккита турли физик маънога эга бўлиши мумкин. Агарда ташқи ишқаланишдаги кучланиш қиринди материалини силжишдаги оқувчанлик чегарасидан кичик бўлса, у ҳолда олдинги юза бўйича қиринди қатламининг ташқи силжиши қиринди материалидаги ички силжишига нисбатан фаолроқ бўлади. Бу ҳолда қиринди ва кесувчи асбоб иккита эгилувчан жисм сифатида ўрганилади ва қириндини кўчиши маoлум чегарада бир хил тезликка эга бўлади. У ҳолда ишқаланиш коэффициенти бевосита тўқнаш юзалардаги ташқи ишқаланиш жараёнини тавсиялайди. Бунда ишқаланиш кучланишини нормал кучланишга муносабати тахминан доимий деб қаралади, яъни ўртача ишқаланиш коэффициенти нормал босимга боғлиқ бўлмайди. Агарда ташқи ишқаланишдаги кучланиш қиринди материалини силжишидаги оқувчанлик чегарасидан катта бўлса у ҳолда қиринди материалида тўқнаш юза бўйлаб ичкисилжиш олдинги юза бўйича қириндини ташқи силжишига нисбатан фаолроқ бўлади. Бу ҳолда кесувчи асбоб ўзини эгилувчан жисм сифатида, қиринди эса пластик жисм сифатида ўрганилади, кесувчи асбобнинг олдинги юзаси билан бевосита тегиб турувчи қиринди қатлами тўхтайди ва унга ёпишиб қолади, қиринди ҳаракати эса тўқнаш юзага яқин турувчи қатламларнинг ўзаро пластик силжиши йўли билан юзага чиқади. Демак, тўқнаш юзида бўлакда уринма кучланишлар тўхтаган қатлам ва юқорида турувчи қатламларнинг пластик силжиши билан биргаликда доимийлигича қолишади. F =  S1 = const, (31)

У вақтдаμ= τF σN = const σN (32) У ҳолда ўртача ишқаланиш коэффициенти тўқнаш қатламда кучланган мос кўрсаткичи ҳисобланади . У асосан нормал кучланишга боғлиқ бўлади . Шуни назарда тутиш керакки нормал кучланиш ортиши билан ўртача ишқаланиш коэффициенти кескин камаяди . Кесувчи қиррадан узоқлашгани сари, нормал кучланиш тўқнаш юзада аста-секин камайиб боради. У олдинги юзадан қириндини тушиш жойида нолга тенг бўлади. Демак, кесишнинг ҳар қандай шароитларида олдинги юза билан қириндининг тўқнашиш қисми ташқи силжиш билан ҳарактерланади. Мураккаб кесим шароитида ўртача ишқаланиш коэффициенти, ташқи ишқаланиш ва қириндининг қуйи қатлами кучланганлик холатининг умумий кўрсаткичи ҳисобланади. Ишқаланиш жараёнига бошқа факторларнинг таoсирини кўриб чиқамиз. Совитиш-мойлашсиз, жуда кичик тезликда ишқаланиш юзасида адсорбланган ва оксидли пленкалар ҳосил бўлади. Шу сабабли ишқаланишнинг кучлари ва коэффициенти нисбатан катта бўлмайди. Мойлашни қўлланилиши қуйидагига олиб келади: юқори босимга қарамасдан мойловчи модда ишқаланувчи юзалар орасига киради ва қанчалик жадалроқ бўлса, шунчалик қовушқоқлик паст ва юзаларининг мойлаш активлиги катта бўлади. Бинобарин, ишқаланиш кучи мойловчи моддалар хусусиятларига боғлиқ бўлади. Мойлаш адгеизия кучлари таъсирини йўқотади ва ишқаланиш кучларини пасайтиради. Кесиш тезлигининг ошиши билан ишқаланиш кучига мойлаш натижасида адсорбланган ва оксидли плёнкаларнинг таoсири пасаяди. Чунки ишқаланиш юзасида адсорбланган ва оксидли плёнкаларини ҳосил бўлиши учун маoлум вақт керак бўлади. Шунинг учун кесиш тезлигининг ошиши билан плёнка қалинлиги камаяди ва адгезия кучлари анча ўсади. Агарда

мойлаш даражаси орттирилмаса адгезия кучлари қиринди материалида молекулалараро кучлардан ошиб кетиши мумкин ва қириндининг остки қатлами кесувчи асбобнинг олдинги юзасида тўхтаб қолиши мумкин, бундай жараёнга микрокон текисликлар ҳам ёрдам беради. Бунда ишқаланиш кучи кесувчи асбобнинг олдинги юзаси бўйлаб қиринди материалининг силжишга қаршилик қилади. Бу ҳодиса катта бўлмаган тезликлар оралиғида кузатилади. Кесишнинг муайян шароитида тезликнинг кейинги ортиши ишқаланиш кучининг камайишига олиб келади. Бироқ тезлик ишқаланиш кучига ҳарорат орқали таъсир ўтказмасдан, балки тезкор фактор сифатида деформация тезлигини ўзгартирувчи сифатида ҳам таъсир ўтказиши мумкин. Бу асосан енгил эрувчан металларни кесишда муҳим ҳисобланади. Ишқаланиш тезлиги қириндининг мустаҳкамлигини пасайтириб, ҳарорат омили сифатида ишқаланиш кучини камайтиради. Шундай қилиб иккала омилларнинг таoсири ўзаро бир-бирини йўқотади ва юқори кесиш тезлигида ўртача ишқаланиш коэффициенти асосан олдинги юзадаги ўртача нормал кучланишга боғлиқ бўлади. Санаб ўтилган ҳолатлар пластик ҳамда мўрт металларга таълуқлидир. Мўрт металларнинг мустаҳкамлиги паст бўлгани сабабли, ишқаланиш кучи мустаҳкамликнинг бошланғич функцияси ҳисобланади. Пўлатларни кесишда ўртача ишқаланиш коэффиценти ишқаланиш юзасида ҳароратнинг ошиши билан (тахминан 300 0 град 0 С гача, V=0,3-0,5 м/ сек ) ўсади, бунда энг катта ўсимта ҳосил бўлади. Адгезия кучлари қанчалик бу шароитда юқори бўлса, қириндининг ва кесувчи асбобнинг тўқнашиш эни шунчалик паст, ўртача ишқаланиш коэффиценти шунчалик юқори бўлади. Пухталаниш. Мўрт металлар, масалан, кулранг чўян, бронза ва бошқалар, кесиш жараёнида деярли пластик деформацияланмайди. Агар кесиладиган қатламнинг пластик деформацияланиш жараёни нотекис бўлса, у ҳолда ишлов бериладиган материални парчалашга дастгоҳда титираш ҳосил бўлишига ва кучайишга ёрдам беради. Бундай ҳолда дастгоҳ,

детал, мослама, кесувчи асбоб тизимининг устворлигини ошириш чораларини кўриш тўғри келади. Деталнинг ишлов берилган юзасида пластик деформацияланган қатламнинг ҳосил бўлиши қуйидагича тушинтирилади. Кесувчи тиғнинг олдинги ва орқа юзалари кесишмайди, аслида баъзи юзалар бўйича бир - бирига туташиб туришади. Буни тахминан  =0,01- 0,02 мм радиусли цилиндр сифатида тасаввур этиш мумкин (шакл-30). 30 - шакл. П ассив деформациянинг таысимланиш зонаси (пухталаниш ) АВ чизиқдан пастдаги металл кесувчи асбоб билан қисилади ва эгилувчан оқибатда пластик деформацияларга учрайди, натижада пухталаниш ҳосил бўлади. Пластик тикланиш натижасида детал материали h катталикка бироз кўтарилади. Элементлар кучлар босимини натижаловчи нормал куч катталигига, шунингдек кесувчи асбоб ва детал орасидаги ишқаланиш кучига боғлиқ бўлади. Ишқаланиш кучи таъсири остида пластик деформациялар натижасида қўшимча равишда ишлов берилган юзанинг юпқа ташқи қатламида пластик силжиш ҳосил бўлади. Қирранинг юмалоқланиш радиусини ошиши билан кесувчи асбобнинг кесиш юзаси билан бўлган тўқнаш юзаси ўсади, бу эса ишқаланиш кучларининг ўсишини ва сиртқи қатламнинг пластик деформацияланишини, пухталанишини орттиради. Шунингдек детални пухталанишининг бошланиш жойи ҳисобланувчи ишлов берилган юзанинг бошқа нуқсонлари детал материалининг мустаҳкамлик чегарасини пасайтиради. Бир вақтнинг ўзида пухталанган сиртқи қатламнинг юқори қаттиқлиги, агарда унда санаб ўтилган нуқсонлар

бўлмаса, деталнинг хизмат қилиш муддатининг ошишига ёрдам бериши мумкин. Баoзи пўлатларларни (Р9, Р18 ва бошқалар) тоблашда ёриқлар ҳосил бўлади. Бундан қутилиш мақсадида ортиқча кучланишларни олиб ташлаш учун деталлар тоблашдан олдин куйдирилади. Қора ишлов берилгандан сўнг пухталанган қатлам, тоза ишлов беришда ёмон таъсир кўрсатади. Масалан развёртка тезда ўтмасланади, ишлов берилган юза эса зўриқиш билан ҳосил қилинади. Пухталаниш чуқурлигининг ва даражасининг ошиши метал сиртқи қатламининг коррозияга турғунлигини анча пасайтиради. Масалан, пўлатнинг коррозия тезлиги сулoфат кислотасининг кучсиз эритмасида кескич билан ишлов берилгандан сўнг, пардозлангандан кейингига нисбатан 12,5 марта катта бўлади. Пухталанган қатлам чуқурлиги ишлов бериш турига боғлиқ бўлади ва ўрта қаттиқликдаги пўлатлар учун қора йўнишда 0,4-0,5 мм ни, тоза йўнишда 0,07 - 0,08 мм ни, жилвирлашда 0,04 - 0,06 мм ни ва пардозлашда 0,02 - 0,04 мм ни ашкил этади. Пухталаш пластик деформация маҳсули бўлганлиги сабабли (удеформация ўсиши билан ошади) кесиш жараёнини аниқловчи ҳамма омиллар унга таoсир этади. Пухталаш чуқурлиги ва даражаси суриш ва кесиш чуқурлигини ошиши билан ўсади, шу билан бирга суриш қиймати чуқурликка нисбатан катта таoсир ўтказади. Кесувчи асбоб олдинги бурчагининг камайиши ва ўтмасланишининг ўсиши пухталанишни анча оширади. Кесиш тезлигининг ортиши билан пластик деформациянинг таъсир чуқурлиги камаяди ва пухталаниш чуқурлиги ҳам камаяди. Пластик деформациянинг ишлов берилган юза остида материал чуқурлигига ўтиб бориши унда қолдиқ кучланишларни ҳосил қилади. Бу кучланишларнинг ўлчамлари ташқи қатламдан четлатиш ўлчови бўйича камаяди.

Кесувчи асбоб ва детал орасида ҳосил бўлувчи ишқаланиш кучлари таoсири остида чўзилиш кучланиши ҳосил бўлади, бунинг натижасида эса яхлитланган қирра материални сиқади, сиртқи қатламда сиқилиш кучланиши ҳосил бўлади. Қиринди ҳосил бўлиш шароитини, кесувчи асбоб геометрияси ва унинг қиррасини ўтмасланишини, кесиш маoромини, кесиш муҳитидаги ҳароратни, совитувчи-мойловчи суюқликни, ишлов бериладиган материалнинг физик - механик хусусиятларини ва бошқа омиллардан ўзаро бирикишидан таъсири натижасида чўзилиш ёки сиқилишнинг қолдиқ кучланишлари ҳосил бўлиши мумкин. Одатда сиқилишнинг қолдиқ кучланиши, кескичнинг олдинги бурчаги манфий бўлган ҳолда ҳосил бўлади. Совитувчи-мойловчи суюқликларнинг қўлланилиши кучланишларнинг пасайишига ва уларнинг ўтиш чуқлиги камайишига ёрдам беради. Маълумки, деталнинг сиртқи қатламидаги сиқилишнинг ортиқча кучланиши мавжудлиги уларнинг толиққан мустаҳкамлигини оширади. Шу билан бирга сиқилишнинг ортиқча кучланиши-чўзилишдаги ортиқча кучланишни пасайтиради. Шундай қилиб, юқори қатиқликдаги пўлатлар учун чидамлилик чегарасининг ортиши сиқувчи кучланиш мавжудлигида 50 % га эришади, пасайиш эса чўзувчи кучланиш мавжудлигида 50 % га тенг бўлади. Бироқ, детал сиртқи қатламининг ортиқча кучланишлари унинг ейилиш турғунлигига таъсир этмайди. Кесиш жараёнидаги иссиқлик ходисалари. Кесишда иссиқлик ҳосил бўлиш ва тақсимланиш қонунларини ўрганиш, кесиш жараёни билан бирга бир қанча ходисаларнинг мохиятини очиб беришга, кесувчи асбобнинг иш кобилиятини ошириш йўлларини аниқлашга, ишлов бериш аниқлигини ва унумдорлигини оширишга ёрдам беради. Кесишда вақт бирлиги ичида ажралиб чиқувчи иссиқлик миқдори (исиклик оқими ёки иссиқлик қуввати) қуйидаги формула бўйича ҳисобланади.

Q0=∑ М0∑ С(tк−t0) τдж/сек (ккал/мин), (33) бу ерда:  М 0 - калориметрдаги барча металлар огирлиги, кг:  С - огирлиги кг да ҳисобга олинган, материал иссиқлик сиғимининг ўртача қиймати ( t 0 дан t к гача бўлган ҳарорат оралигида); t 0 , t к -калориметрнинг бошлангич ва охирги ҳарорати к ( с);  -кесиш вақти сек(мин) . Худди шу иссиқлик миқдорини назарий жихатдан қуйидаги формула бўйича аниқлаш мумкин. Q0= Pz⋅V⋅α дж/сек {Q0= Pz⋅V 427 α } ккал/мин , (34) бу ерда: Р z - кесиш кучи М(кгс); V - кесиш тезлиги м/сек (м/мин) ;  - иссиқлик энергиясига айланган механик улушини ҳисобга олувчи коэффициент.  - коэффициент тури (маълумотлар бўйича 0,85 - 0,99) чегарада бўлади. Шундай қилиб ташқи кучлар ишининг (85-99) % иссиқликка айланади. Кесишдаги иссиқлик манбалари. Кесиш ишининг умумий миқдори F ум қўшилувчилар йиғиндиси кўринишда кўрсатилган бўлиши мумкин. E ум = Е деф + Е ишқ + Е элас + Е n дж(кчс.м), (35) бу ерда: Е деф - кесилаётган қатламнингқириндига айланишдаги пластик деформацияга сарф бўлган иши; Е ишқ - кесувчи олдинги ва кейинги юзалари бўйича ишқаланиш кучларини енгишга сарф бўлиши; Е элас - эластик деформацияни ҳосил қилувчи кучлар иши; Е n - диспергирлаш энергияси (яъни янги юзани ҳосил бўлиш иши қириндини юлиб-узиб олишга сарф бўлади).

Титраш йўқ бўлган тақдирда Е п иши нолга яқин бўлади. Диспергирлаш иши Е n кесишга сафланган умумий энергияга нисбатан жуда кичик бўлади, у ҳолда: Е ум = Е деф + Е` ишк + Е`` ишк бўлади. Пўлатга ишлов беришда деформация иши умумий кесиш ишининг ўртача 46….62%ни, олдинги юза бўйича ишқаланиш кучининг иши 38-33% ни, кетинги юза бўйича ишқаланиш 16… 5%ни ташқил этади. Ишқаланиш кучининг иши ва пластик дефформациялаш ишларининг бир қисми иссиқлика айланади. Дефформация ишининг бир қисми бузилган кристалл панжаранинг потенциал энергияси шаклида тўпланади. Бу дефомациянинг яширин ёки ютилган энергияси деб аталади. Рангли металлар учун ютилган деформация энергияси кучнинг статик таъсир қилишда 10  15% ни, динамик таoсир қилишда 25% гача ташқил этиши мумкин. Деформация даражаси ошиши билан яширин энергия миқдори камаяди. Деформация даражаси жуда катта бўлган кесиш вақтида деформация ишидаги яширин энергия улуши 0,5  5% ни ташкил этади. Амалий ҳисобларда кесишдаги барча механик ишларни иссиқлика айланиб кетади деб ҳисоблаш мумкин, яъни  =1. Демак, кесишда ҳосил бўладиган иссиқлик базалари деб қуйидагиларни аташ мумкин: 1) Кесилаётган қатламдаги силжиш юзалари (пластик деформация зонаси). 2) Кесувчи асбобнинг олдинги юзасига ишқаланиб чиқаётган қириндининг контакт майдони. 3) Кесиш юзаси ва буюмнинг ишлов берилган юзаси билан кесувчи асбоб кетинги юзасининг контакт майдони. Иссиқлик баланси. Кесиш вақтида ажралиб чиқадиган иссиқлик қиринди, кесувчи асбоб, детал ва атроф мухит ўртасида тақсимланади. Иссиқлик баланси тенгламасини қуйидагича ёзиш мумкин:

Q = Q деф + Q о + Q к = Q кир + Q дет + Q асб + Q атр , (36) бу ерда: Q - кесишда ҳосил бўлувчи умумий иссиқлик миқдори; Q деф - кесилаётган қатламнинг қириндига айланишдаги деформация- ланиш ишидан ажралиб чиқувчи иссиқлик миқдори; Q о - кесувчи асбобнинг олдинги юзасидаги ишқаланиш кучининг ишидан ажралиб чиқаётган иссиқлик миқдори; Q к - кесувчи асбобнинг кетинги юзасидаги ишқаланиш кучининг ишидан ажралиб чиқаётган иссиқлик миқдори; Q кир - қиринди билан чиқиб кетган иссиқлик миқдори; Q дет - деталга ўтиб кетувчи иссиқлик миқдори; Q асб - кесувчи асбобга ўтиб кетувчи иссиқлик миқдори; Q атр - атроф мухитга чиқиб кетувчи иссиқлик миқдори. Иссиқлик манбаларидан ҳар бирининг фаоллик даражасини бевосита ўлчаш хозирча мумкин эмас. Бу масала аналитик усулда ҳал қилинади. Кесувчи асбоб-детал-қиринди тизими ҳар бир элементнинг иссиқлик ютиш миқдори тадқиқий ва назарий аниқланиши мумкин. Қиринди билан чиқиб кетувчи иссиқлик миқдорини ва қириндининг ўртача ҳароратини калориметр ёрдамида аниқлаш мумкин (шкал-31). 31-шакл. Кесишдаги ажралган иссиылик миыдорини аниыловчи мосламани щрнатиш схемаси

Қириндининг ўртача ҳароратини қуйидаги формула бўйича ҳисобланади.tкир =tсм+М сСс(tcм+tв) М кир Скир оК(оС) , (37) бу ерда: М с ва М қир - сув ва қиринди массаси, кг; С с ва С кир - сув ва қириндининг солиштирма иссиқлик сиғими, дж/(кг. град) [ккал/(кг.град)]; t см ва t в - аралашма ва сувнинг бошланғич ҳарорати, о К ( о С). Кесувчи асбоб ва деталга ўтувчи иссиқлик миқдори ҳам шу тарзда аниқланади. Кесувчи асбоб ва деталга ютилган иссиқлик, атроф-мухитга тарқаб кетишга улгурмаслиги учун кесиш вақти етарли даражада кичик бўлиши керак. Бунда ўлчаш аниқлиги қиринди иссиқлигини ўлчашга қараганда кичик бўлади. Бироқ, ўлчам миқдорини бахолаш учун бу усул қониқарли ҳисобланади. Хозирча бундан бошқа ишончли усул йўқ. Қиринди ўртача ҳароратининг максимал қийматлари. Қиринди ҳароратининг чегаравий қийматлари назарий усул билан аниқланиши мумкин. Кесиш иши тўлалигича иссиқлика айанади ва ҳамма иссиқликни қиринди олиб кетади деб фараз қилсак, у ҳолда қиринди ҳарорати қуйидаги катталикка ортади: tкир = Рz⋅L т⋅с= Рz⋅L с⋅ρ⋅t⋅s⋅L= Хр с⋅ρ , (38 ) бу ерда: t  s  l = V - ажралиб олинган қиринди хажми; L - кесувчи асбобнинг йўли, м: Р z -кесиш кучи, Н; m - қиринди массаси, кг; с - қириндининг солиштирма иссиқлик сиғими дж (кг.град); р - кесишнинг солиштирма кучи, н/м 2 ;  - қиринди материалининг зичлиги, кг/м 3 .

Ўртача қаттиқликдаги пўлатлар учун Р=2  10 9 н/м 2 ,  =7,8  10 3 кг/ м 3 , C =520 дж/(кг.град) деб қабул қилиб қуйидаги натижани оламиз. tкир = Р с⋅ρ= 2⋅10 9 520 ⋅7,8 ⋅10 3≈495 о (39) Олинган натижалар қириндининг фақат ўртача ҳарорати хақидаги тушунчани беради. Кесиш тезлигининг ортиши билан қиринди ҳароратини кўтарилиши қуйидагича тушунтирилади. Қиринди элементларининг ўзаро силжиши жойида ва кескичнинг олдинги юзаси билан қириндининг ишқаланиш майдончасида ҳосил бўлган иссиқлик, детал материалининг иссиқлик ўтказувчанлиги ва иссиқлик сиғимига боғлиқ бўлган тезликда детал массасига тарқалади. Агар кесиш тезлиги иссиқликни тарқалиш тезлигидан ката бўлса, у ҳолда бутун иссиқлик, кескич ва қириндига ўтиб кетади. Демак, иссиқликнинг тақсимланиши-кесиш тезлигига ва иссиқлик оқимини деталда, қириндида ва кескичда тарқалиш тезлигига боғлиқ бўлади. Юқорида таoкидлаб ўтилганидек, қилинган фаразлар тадқиқотлар билан тасдиқланади. Можаев маълумотлари бўйича кесиш тезлиги ортиши билан қиринди ҳарорати дастлаб ортади, тезлик V =5 м/сек га етгандан сўнг эса амалий жихатдан кесиш тезлигига боғлиқ бўлмай қолади.

Фойдаланилган адабиётлар: 1. Авагимов В.Д. Машинасозлик материалларини кесиб ишлаш. «Уқитувчи» нашриёти, Тошкент, 1971. 2. Аваков А.А. Физические основ теории стойкости режуих инструментов. М. «Машгиз», 1960. 3.Бобров В.Ф.и др. Развитие науки о резании металлов. Под редакцией. Зорева Н.Н. М. «Машиностроение», 1967. 4. Вулгф А.М. Резание металлов. М. «Машгиз», 1963. 5. Грановский Г.И., Грановский В.Г.Резание металлов. М. «Вусшая школа», 1985. 6. Геллер Ю.А. Инструменталгнке стали. М. «Металлургия», 1968.

O'xshashlar

Металларни ёйиш

Металларни штамплаш

Металларни боғлаш

Кесиш хароратини аниқлаш усуллари

Металларни чўзиш ва пресслаш