Чўян ишлаб чиқариш1 - Materialshunoslik - Referatlar

Чўян ишлаб чиқариш1

Yuklangan vaqt:

20.09.2019

Ko'chirishlar soni:

0

Hajmi:

42 KB

Ko'chirib olish

Чўян ишлаб чиқариш Режа: 1. Асосий темир рудалари 2. Рудани суюқлантиришга тайёрлаш 3. Ўтга чидамли материаллар

Металл ишлаб чиқариш жараёни металлургия деб аталади. Рудаларни суюқлантириб улардан металлар ажаратиб олиш усули пирометаллургия деб аталади. Чўян, асосан домна печларда темир рудалардан ана шу усулда олинади. Таркибида чўян ишлаб чиқариш учун арзийдиган миқдорда темир бўлган тоғ жинслари темир рудалари дейилади. Қизил темиртош. Қизил тусли руда бўлиб, уни таркибида темир Fe 2 O 3 формула билан ифодаланадиган оксид тарзида бўлади. Қизил темиртош минерали гематит деб аталади. Рудадаги темир миқдори 55-60% ни ташкил этади. Магнитавий темиртош. Бу руда ( Fe 3 O 4 ) қорамтир тусда бўлиб, магнитавий хоссаларга эга. Магнитавий темиртош минерали магнетит деб аталади. Бу рудада темирнинг миқдори 45-70% ни ташкил этади. Қўнғир темиртош. Бу руда сарғиш-қўнғир тусли бўлиб, унинг таркибида темир оксид тарзида бўлади. Шпатли темиртош. Сарғиш-кулранг тусли руда. Унда FeO формула билан ифодаланадиган карбонат тарзида бўлади. Бу рудалардан ташқари комплекс рудалар ҳам мавжуд. Комплекс рудаларда темир билан бир қаторда хром, никель, титан, ваннадий ва бошқа металлар бўлади. Комплекс рудалар жумласига темир-марганецли, темир- хромли, темир-никелли, темир-хром-никелли, темир-ваннадий-титанли рудалар киради. Рудани суюқлантиришга тайёрлаш Бу жараён асосан, майдалаш, ғалвирдан ўтказиш, ювиш, электромагнит ёрдамида бойитиш, қиздириш, агломератлаш жараёнларидан иборат бўлади. Домна печларда чўян ишлаб чиқаришда асосан, қаттиқ ва газсимон ёқилғилар: кокс, писта кўмир, ўтин ва табиий газ ишлатилади. Кокснинг иссиқлик бериш қобилияти 5600 ккалғкг га тенг. Кокс тошкўмирнинг алоҳида навини ҳаво кирмайдиган махсус печларда 950-1000  С гача

қиздириш йўли билан олинади. Коксланувчи кўмир қуруқ хайдалганда учувчи моддалар чиқиб кетади ва қолган қисми мустаҳкам ғовак массага, яъни коксга айланади. Писта кўмир ёғочни ҳаво кирмайдиган жойда 350-500  С гача қиздириш йўли билан олинади. Унинг иссиқлик бериш қобилияти 7500 ккалғ кг га тенг. Бу кўмирда олтингургурт ва кул жуда кам бўлганлиги учун у юқори сифатли чўянлар олишда ишлатилади. Ўтин ёқилғи янги қурилган ёки таъмирдан чиққан металлургия печларини, шу жумладан домна печларини қуритиш учун ишлатилади. Щавода қуритилган ўтиннинг иссиқлик бериш қобиляти 3000 ккал ғкг. Газ ёқилғи. Домна печларида кокснинг ўрнини қисман босиши мумкин бўлган ёқилғи табиий газдир. Табиий газ коксга қараганда анча арзон бўлиб, коксни 10-15% гача тежаш имконини беради. Флюс. Домна печларида чўян суюқлантириб олишда рудадаги бекорчи жинсларни ва ёқилғи ёнганда чиқадиган кулни бирга суюқлантириб, шлакка айлантириш учун ишлатиладиган материаллар флюс деб аталади. Флюс сифатида оҳактош, ( CaCO 3 ), доломит (СаСО 3 х MgCO 3 ), қумтупроқ ( SiO 2 ) ва бошқалардан фойдаланилади. Домна печига солинган флюс рудадаги бекорчи жинслар, ёқилғи кули ва олтингургут билан бирикиб, осон суюқланувчан енгил жисм ҳосил қилади. Бу жисм суюқ чўян сиртида йиғилади. Ана шу жисм шлак деб аталади. 1 т чўян олиш учун, одатда 0,2-0,5 т флюс сарф қилинади. Ўтга чидамли материллар Домна печининг ички қисмига териладиган материаллар катта нагрузкага (руда, ёқилғи ва флюс босимига) чидамли, юқори температура таъсирига бардош берадиган (ўтга чидамли), ишқаланишга яхши қаршилик кўрсатадиган, температуранинг кескин ўзгаришига чидайдиган, яъни газ, шлак суюқ металлнинг кимёвий тасирига яхши қаршилик кўрсатадиган бўлиши ва ниҳоят арзон тушиши керак. Кимёвий таркиби жиҳатидан, ўтга

чидамли материаллар кислотавий, ярим кислотавий, асосий ва нейтрал материалларга бўлинади. Кислотавий материаллар жумласига динас ғишти, кварц кўқуни, кварц қуми киради. Динас ғишти янчилган табиий кварцдан тайёрланади, унинг таркибида 90-95% қум тупроқ бўлади. Динаснинг ўтга чидамлилиги 1600- 1730  С га тенг. Ярим кислотавий материалларга кварц, қум, кварцит ва бошқалар киради. Уларда 70-80% қум тупроқ, 20-30% гилтупроқ бўлади. Асосий материаллар жумласига магнезит ( MgCO 3 ), доломит ( CaCO 3 х MgCO 3 ) ва хром-магнезит киради. Магнезитнинг ўтга чидамлилиги 2000- 2400  С, доломитники эса 1900-2000  С га тенг. Нейтрал материаллар. Уларга шамот билан хромли темиртош киради. Шамот, асосан гилтупроқ ва қумтупроқдан иборат. Таркибида 45-60% гилтупроқ бўлган шамотнинг ўтга чидамлилиги 1750  С га тенг.

Фойдаланилган адабиётлар : 1. В.А. Мирбобоев. Конструкцион материаллар технологияси. –Т.: Ўқитувчи, 1991 й. 2. А.Н. Дальский. и др. «Технология конструкционнўх материалов». – М.: Машиностроение, 1990 г. 3. С.А. Тўрахонов. Металлар технологияси. –Т.: Ўқитувчи, 1991 й. 4. В.А. Мирбобоев. Конструкцион материаллар технологиясидан қисқача луғат. –Т.: Ўзбекистон. 1995 й. 5. Политехнический словарь. (Спец. редактор Т.Р. Рашидов, акад. АНУз). –Т.: 1989 г. 6. И.Носиров «Материалшунослик» 1993 й 7. И.Носиров «Материалшунослик» 2002 й 8. Кучер А.М Металлар технологияси-Т .Ўқитувчи, 1977-632 б 9. Мирбобоев В.А, Умаров Э, Аҳмадхужаев М,Конструкцион материаллар технологияси курсидан лаборатория ишлари.- Т. Ўқитувчи, 1993-176 б 10. Қаландаров Р. Конструкцион материаллар технологияси- Т. Ўқитувчи, 1989. -255 б 11. Козлов Ю.С Материалшунослик. –Т. Ўқитувчи, 1987 -84 б 12. Алан С.И, Григорьев П.М, Ростовцев А.Н . Технология конструкционнўх Материалов МП росвешение 1980-224 с

O'xshashlar

Пўлат ишлаб чиқариш

Саноатда пўлат ишлаб чиқариш

Қора металлар ишлаб чиқариш асослари

Саноатда рангли металлар ишлаб чиқариш

Саноат ишлаб чиқаришнинг тарихий ривожланиш йўллари