Узатмалар - Mashinasozlik - Referatlar

Узатмалар

Yuklangan vaqt:

24.11.2022

Ko'chirishlar soni:

0

Hajmi:

294.9384765625 KB

Ko'chirib olish

Узатмалар Режа: 1. Умумий маълумотлар 2. Фрикцион ва тасмали узатмалар 3. Тишли ва червякли узатмалар 4. Занжирли узатма

1. Умумий маълумотлар Фрикцион, тишли, тасмали, червякли ва занжирли узатмалар энг кенг тарқалган. Узатмаларнинг асосий характеристикалари: фойдали иш коэффициенти ва узатиш сони ҳисобланади. Фойдали иш коэффициенти (ф. и. к.) нинг қиймати машина ҳосил қилувчи фойдали ишнинг ҳаракатланувчи кучларга нисбати билан аниқлаш мумкин ёки унинг катталигини етакланувчи валдаги қувватнинг етакчи валдаги қувватга нисбати билан аниқлаш мумкин: (6) бунда- N 2 — етакланувчи валнинг қуввати; N 1 — етакчи валнинг қуввати; (7) бунда: υ — тезлик, м/с. Айланма ҳаракатда (8) бунда: Д — айлана диаметри, м; п — минутига айланишлар сони, айл/мин. Умумий ф. и. к. узатмалар элементларининг ф. и. к. лари кў- пайтмасига тенг: (9)

Узатманинг узатиш сони (и) деб, етакчи вал бурчак тезлигининг етакланувчи вал бурчак тезлигига нисбатига айтилади; (10) бурчак тезлик (11) бунда: п минутига айланишлар сони, айл/мин. Шунингдек, узатиш сони ҳам қуйидаги формуладан аниқланади бунда: М 1 ва М 2 — етакчи ва етакланувчи валлардаги буровчи момент; η — етакчи валдан етакланувчи валга узатманинг ф. и. к. Битта узатиш жуфтининг узатиш сони фақат юқорида келтирилган нисбатлар билангина эмас, балки етакланувчи ғилдирак диаметрининг етакчи ғилдирак диаметрига нисбати билан ёки етакланувчи ғилдирак радиусининг етакчи ғилдирак радиусига нисбати билан, ёхуд (тишли ва анжирли узатмаларда) етакланувчи шестерня ёки юлдузча тишлари сони ( Z 2 ) нинг етакчи шестерня тишлари сони ( Z 1 ) га нисбати билан, ёхуд (червякли узатмаларда) червяк ғилдираги тишлари сони ( Z ) нинг червяк киримлари сони (а х ) га нисбати билан ҳам аниқланади: (13) Узатмалар системасининг узатиш сони унинг айрим жуфтлари узатиш сонлари кўпайтмасига тенг:

i (14) 2. Фрикцион ва тасмали узатмалар Фрикцион узатма яқинлаштирувчи кучлар билан бир-бирига сиқилган силлиқ катоклар сирти орасида ҳосил бўладиган ишқаланиш кучларидан фойдаланишга асосланган. Цилиндрик, конуссимон катокли узатмалар энг кўп тарқалган. Конуссимон катокли узатмалар бир-бирига нисбатан маълум бурчак остида жойлашган валлар орасида айланма ҳаракат узатишга имкон беради; понасимон катокли узатмалар эса катта айланма кучларни узатиш хусусиятига эга. Фрикцион узатмаларнинг афзаллиги: оддий тузилган, равон ва шовқинсиз ишлайди, узатиш сонини поғонасиз ўзгартириш мумкин. Етакчи валнинг айланиш сони ўзгармагани ҳолда етакланувчи валнинг айланиш тезлигини поғонасиз ўзгартиришга имкон берадиган узатмалар вариаторлар дейилади. Вариаторлар олд томони билан тегишувчи катокли; конуссимон катокли ва чарм оралиқ ҳалқали, шунингдек, сферик сиртга эга бўлган катокли қилиб ишланади. Етакланувчи катокни етакчи каток марказига томон силжитиш йўли билан етакланувчи катокнинг айланишлар сони камайтирилади. Конуссимон катоклар орасидаги сиқилган оралиқ ҳалқа чапга сурилса етакланувчи валнинг айланишлар сони ортади. Ўқларга ўрнатилган оралиқ катокларнинг вазиятини ўзгартириб, етакланувчи валнинг айла-ниш тезлигини камайтириш мумкин. Тасмали узатмалар 10—15 м, баъзан, 25—40 м гача масофага айланма ҳаракат узатиш учун хизмат қилади. Оддийлиги ва унча ейилмаслиги тасмали узатмаларнинг афзаллиги, узатиш сонининг турғунмаслиги (тасманинг сирпаниши) ва узатманинг катталиги камчилиги ҳисобланади.

Тасмали узатмалар етакчи ва етакланувчи шкивлар ҳамда тасмадан иборат. Қуйидаги тасмали узатмалар энг кўп тарқалган (20- расм): бир томонга айланадиган параллел валлар орасида айланма ҳаракат узатишга мўлжалланган тўғи (очиқ); етакчи ва етакланувчи шкивлари қарама-қарши томонга айланадиган айқаш; кесишган валларга айланма ҳаракат узатиш учун мўлжалланган ярим айқаш; ўзаро перпендикуляр текисликларда жойлашган валларга айланма ҳаракат узатиш учун мўлжалланган бурчакли; етакчи валнинг айланишлар сони ўзгармагани ҳолда етакланувчи валнинг айланишлар сонини ўзгартириш учун мўлжалланган поғонали шкивлари бор узатма; бир-бирига яқин жойлашган шкивларга айланма ҳаракат узатиш учун мўлжалланган понасимон тасмали у з а т м а. Тасмаси шкив ариғига тиқилиб туриши натижасида тасмали узатма катта кучларни узатишга имкон беради. Понасимон тасмалар бир неча қатлам резиналанган матодан тайёрланади. Тасма ёрдамида айланма ҳаракат узатиш учун тасма билан шкив сиртлари орасида ҳосил бўладиган ишқаланиш кучлари узатиладиган кучдан катта бўлиши керак. Тасмани қуйидагича таранглаб: узунлигини назарий (ҳисоблаб чиқилган) узунлигидан қисқа қилиб; таранглаш роликларидан

фойдаланиб (тарангликни ошириш билан бирга тасманинг кичик шкивни қамраш бурчагини ҳам ошириб); тасмали узатманинг етакчи шкиви ўрнатилган электр двигателни салазкаларга ўрнатиб; шунингдек, винтли, рейкали ва юкли таранглаш қурилмалари қўллаб бу шартни таъминлаш мумкин. 3. Тишли ва червякли узатмалар Тишли узатма айланма ҳаракатни яқин масофага узатиш сонини ўзгартирмай узатишга имкон беради. У етакчи ва етакланувчи тишли ғилдираклардан иборат. Етакчи (одатда, кичик) тишли гилдирак, кўпинча, шестерня деб аталади. Тишли ғилдиракда қуйидаги элементларни фарқ қилиш керак (- расм.) С Т — ташқи айлана (тиш чўққилари айланаси); С ба — бошланғич (бўлувчи) айлана; С ич — ички айлана (тиш тублари айланаси); т — тишли ғилдиракнинг қадами (қўшни тишларнинг бир хил исмли нуқталари орасидаги масофа, бу бошланғич айлана ёйида ўлчанади); с 1 — тиш қалинлиги; с 2 — тиш чўққиси эни; б — тиш узунлиги; Д Т , Д а.б Д ич — ташқи, бошланғич, ички айланалар диаметрлари; h 1 — тиш каллаги баландлиги; h г — тиш оёғи баландлиги; h — тиш баландлиги; z — тишли ғилдиракнинг тишлари сони. Бошланғич айлана узунлигини қуйидаги икки формулада ифодалаш мумкин:

(15) Буларни таққослаб, диаметрини топиш мумкин: (16) нисбати модуль деб аталади ва т ҳарфи билан белгиланади. Модуль мм ларда ўлчанади. У ГОСТ 9563 — 60 бўйича танланади, ГОСТда унинг қуйидаги қийматлари: 1,5; 2; 2,5; 3; 4,5; 6; 8; 10 ва бошқалар кўзда тутилган. Модулидан фойдаланиб, бошланғич айлана диаметрини қуйидаги формуладан аниқланади: (17) Д б.а =m z, бундан Одатда h 1 =m; h 2 =1,25m; D Т =m (z+2); D ич =m (z-2,5). Тишли узатмалар ички ва ташқи тишлашадиган қилиб тайёрланади.

Тишли ғилдиракларнинг цилиндрик ва конуссимон хиллари бор. Цилиндрик тишли ғилдираклар тўғри, қийшиқ, шеврон ва спираль тишли қилиб тайёрланиши мумкин (22 - расм). Қийшиқ ва шеврон тишли ғилдираклар анча катта кучларни равон узатиш учун хизмат қилади. Спираль тишли ғилдираклар айқаш валлар орасида айланма ҳаракат узатишга имкон беради. Тишли ғилдиракларнинг ўлчамлари мустаҳкамликка (егилишга), силжишдаги контакт мустаҳкамликка, ейилишга ва қизишга ҳисоблаб аниқланади. Тишли ғилдираклар, одатда, чўян ва пўлат қуймалардан, шунингдек, конструкцион ва махсус пўлатлардан йўниб, болғалаб, штамплаб ёки пайвандлаб тайёрланади. Тишли ғилдиракларнинг тишлари станокларда ишланади. Берк мой ванналарида ишлайдиган тишли узатмалар редукторли узатма дейилади. Улар валдаги буровчи моментни ошириш ва валнинг айланиш сонини камайтириш учун хизмат қилади. Одатда, электрик двигателлар валининг айланиши тах-минан 1000—1500 айл/мин бўлади; кўпинча, буни 20—25 марта камайтиришга тўғри келади. Редукторлар, одатда, электр двигатели билан ҳаракат узатувчи машина орасига ўрнатилади. Редуктор корпуслари, кўпинча, қуйиб, баъзан, пайвандланиб тайёрланади. Узатиш

сони кичик (1=10 гача) бўлган узатмаларда бир поғонали, узатиш сони катта бўлганларида эса икки ва уч поғонали редукторлар қўлланилади. Цилиндрик тишли ғилдирак редукторининг схемаси 23- расмда кўрсатилган. Цилиндрик тишли узатмаларда марказлараро масофа қуйидаги формуладан аниқланади: тўғри тишли ғилдирак учун (18) қийшиқ тишли ғилдирак учун (19) бунда ß — тишли ғилдирак цилиндрик сиртининг ясовчиларига нисбатан тишларнинг оғиш бурчаги. Червякли узатма узатиш сони катта (10, 25, 100 гача, баъзан, 400 гача) бўлган ҳолларда бир-бирига яқин жойлашган айқаш валларни айлантириш учуи қўлланилади. Червякли узатма червяк (кўпинча, вал билан бирга тайёрланади) ва червяк ғилдиракдан иборат. Диаметри Д б.а > 3д в бўлган червяк ғилдирак, одатда, йиғма ҳолда (тишли венеци бронзадан, ғилдираги чўяндан) ясалади. Червякли узатма червякдан червяк ғилдиракка айланма ҳаракат узатиш учун, яъни тезликни пасайтириш учун қўлланилади. Червякли узатманинг узатиш сони етакчи валнинг айланишлар сонини етакланувчи валнинг айланишлар сонига нисбати билангина аниқланмай, балки червяк ғилдиракнинг тишлари сонини червякнинг киримлар сонига: тақсимлаб ҳам аниқланади: , (20) бунда: n 1 — етакчи валнинг айланишлар сони; n 2 — етакланувчи валнинг айланишлар сони;

z — червяк ғилдиракнинг тишлари сони; α х — червякдаги киримлар сони (параллел кесилган винцимон ўйиқлар); α х = 1÷4 Червякли узатмалар, тишли узатмалар каби мустаҳкамликка, ейилишга ва қизишга ҳисобланади. Червякнинг бошланғич айлана диаметри: (21) бунда: α — червяк винт чизиғининг кўтарилиш бурчаги: α=4÷26°. Бурчак қанча катта бўлса, червякнинг киримлари сони шунча кам бўлади. Червяк ғилдиракнинг бошланғич айланаси диаметри: (22) Кўпинча, червакли узатмалар редукторли қилиб ишланади (24-расм). 4. Занжирли узатма

Занжирли узатма етакчи ва етакланувчи юлдузлар ҳамда занжирлардан иборат. У узатиш сони қиймати ўзгармагани ҳолда анча узоқ масофага айланма ҳаракат узатиш учун хизмат қилади. Саноат машиналарида юк кўтариш, тортиш ва ҳаракатлантириш занжирлари қўлланилади. Юк кўтариш занжирлари юкни кўтариш ва тушириш учун хизмат қилади. Тортиш занжирлари юк ташиш қурилмаларида қўлланилади. Ҳаракатлантирувчи занжирлар икки параллел вал орасида буровчи момент узатади. Динамик нагрузкаларни камайтириш учун улар кичик қадамли ва ейилишга чидамли қилиб ишланади. Занжири 10—15 м/сек гача тезликда ва и=6÷77 гача узатиш сонида ишлайдиган занжирли узатмалар энг кўп тарқалган. Занжирли узатмаларда втулка-роликли занжирлар кўпроқ иш-латилади. Втулка-роликли занжир ( -расм, а) валиклар 2 билан бириктирилган ташқи пластиналар 1, втулкалар 4 га маҳкамланган ички пластинкалар 3 ва роликлар 5 дан иборат. Втулкалар валикларда, роликлар ва втулкаларда эркин айланиши мумкин. Катта кучларни узатиш учун кўп қаторли втулка-роликли занжирлар қўлланилади. Масалан, Э-652 экскаваторларда тўрт қаторли занжир, Э-302 экскаваторларда эса икки қаторли занжир қўлланилади. Тишли занжирлардан (25-расм, Б) фойдаланилганда занжирли узатма равон ва шовқинсиз ишлайди.

Занжирли узатма бир занжир билан бир неча вални айлантиришга имкон беради. У тишли узатмаларга нисбатан динамик нагрузкани яхшироқ қабул қилади. Шарнирларнинг ейилиши ва звеноларнинг узайиши натижасида занжирларнинг салқиланиб қолиши — занжирли узатмаларнинг камчилигидир.

Назорат саволлари 1. Айланма ҳаракат узатувчи узатмалар қайси аломатларига қараб классификацияланади? 2. Тишли узатманинг узатиш сони нима? У қандай аниқланади? 3. Узатмалар системасининг узатиш сони қандай аниқланади? 4. Тишли илашиш модули нима? 5. Агар тишли жуфтнинг тишлари сони ва тишлашиш модули маълум бўлса, тишли жуфтдаги марказлараро масофа қандай аниқланади? 6. Қандай ҳолларда қийшиқ тишли ва шеврон тишли узатмалар ишлатилади? 7. Червякли узатманинг узатиш сони ва марказлараро масофа қандай аниқланади? 8. Занжирли узатманинг узатиш сони қандай аниқланади?

АДАБИЁТЛАР 1. С.К. Камолов, Т.К. Жабборов, Саноат корхоналарининг электр таъминоти. Фарғона, “Фарғона” 2002 2. М.М. Матбобоев, Электротехнологик қурилмалар. Фарғона, “Фарғона” 2002 3. М.В. Авдеев, Е.Л. Воловик, Технология ремонта машин и оборудования. Москва, Агропромиздат, 1986 4. В.Ч. Черноиванов, Организация и технология восстановления деталей машин. Москва, Агропромиздат, 1989 5. Ш.У. Йўлдашев, Машиналар ишончлилиги ва уларни таъмирлаш асослари. Тошкент, “Ўзбекистон”, 1994 6. И.Г. Гореоышев, Слесарно – сборочные работы. 7. А.М. Красин. Слесарь механосборочных работ. 8. Г.Ч. Куценко, Основы гигиены труда и производственной санитарии. 9. С.М. Эйнис, Технология слесарных, ремонтных и сборочных работ. 10. Н.И. Макиенко, Общий курс слесарного дела. 11. Н.И. Макиенко, Слесарное дела с основами материаловедения.

O'xshashlar

Узатмалар

Тасмали узатмалар

Фрикцион узатмалар

Занжирли узатмалар

Тишли гилдиракли узатмалар кинематикаси