Фрикцион узатмалар - Mashinasozlik - Referatlar

Фрикцион узатмалар

Yuklangan vaqt:

20.09.2019

Ko'chirishlar soni:

0

Hajmi:

70 KB

Ko'chirib olish

Фрикцион узатмалар Режа: 1. Умумий маълумотлар. 2. Узатманинг кинематикаси, геометрияси. 3. ФУ-даги кучлар. 4. ФУ -ни контакт кучланиш бўйича ҳисоблаш.

1. Фрикцион узатма деб, ҳаракатни бир валдан иккинчи валга ишқаланиш кучи воситасида ўтказадиган узатмага айтилади. а) б) расм. Бу узатмаларнинг энг оддийси бир-бирига маълум куч билан сиқилган текис сиртли иккита ғилдиракдан иборат. Агар xаракат ўзаро параллель валлар орасида узатилса, цилиндрик ғилдираклар (15- расм а), ўзаро кесишадиган валлар орасида узатилса, конуссимон ғилдирак-лардан (15.1- расм б ) фойдаланилади. Ишқаланувчи ғилдираклардан бирининг радиуси ўзгарадиган қилинса, у ҳолда, узатиш сони ўзгарувчан фрикцион узатма ҳосил бўлади. Бундай фрикцион узатма вариатор деб аталади. 15.2–расмда келтирилган оддий вариаторда етакланувчи иккинчи валнинг ҳаракатини ўзгартириш учун биринчи ғилдирак ўз ўқи бўйлаб силжитилади. Агар ҳаракат йўналишини ўзгартириш зарур бўлса, биринчи ғилдирак етакланувчи вал ўқидан чап тамонга суриб ўтказилиди. Бундан ташқари теxникада тезликни поғанасиз бир текисда ўзгарти-риш учун икки бўлак понасимон шкивлардан ва уларга кийдириладиган тасмадан иборат бўлган тасмали вариатор ишлатилади. Бунда шкив бўлаклари орасидаги масофа ўзгартирилади, тасманинг узунлиги эса ўзгармайди.

Бундай узатманинг яна бир тури дискли вариатор бўлиб, унда куч ва момент бир қанча етакловчи ва етакланувчи дисклар мажмуи воситасида узатилади ва узатиш сони марказлараро масофанинг ўзгартирилиши ҳисобига ўзгартирилади. расм. Афзалликлари: а) тузилиши оддий; б) xаракат бир текис ва шовқинсиз узатилиди; в) ишлаш жараёнида узатиш сонини ва тезликни маълум чегарада поғанасиз ўзгартириш мумкин. Камчиликлари : а) иш бажарувчи деталларнинг тез ва нотекис ейилади; б) таянчларга тушадиган кучнинг қиймати катта; в) сирпаниш мавжудлиги сабабли узатиш сони ўзгарувчан; г) ФИК нисбатан кам ( η = 0,8 … 0,92); д) ғилдиракларни бир-бирига сиқиб туривчи мосламанинг зарурлиги. Фрикцион узатмаларда U max = 10, P max = 300 кВт бўлиб, улар кўпин-ча V max = 25 м/с, қуввати эса 25 кВт гача бўлган кинематик узатма сифатида ишлатилади.

2. Фрикцион узатмаларнинг ўлчамларининг қийматларини аниқлаш-да, кўпинча амалий усулларга асосланади. Энг аввал етакловчи ғилди-рак диаметри аниқланади. Бунда қуйидаги шарт бажарилиши керак: d 2 ≥ (4…5) d в1 , бу ерда d в1 -етакловчи ғилдирак валининг диаметри бўлиб, у қуйидагича аниқланади: , бу ерда Р 1 - етакловчи валдаги қувват кВт; n 1 - етакловчи валнинг айланиш сони. У xолда, етакланувчи ғилдиракнинг диаметри қуйидагича аниқланади: d 2 = U · d 1 (1 - ε ) ≈ U · d 1 , бу ерда, U- узатиш нисбати; ε = (0,01…0,05) -сирпаниш коэффициенти. Юқоридаги ифодани диаметрга нисбатан ечилса, у xолда: U = d 2 / d 1 ( 1 - ε ) , бўлади. Бу тенгламада сирпаниш коэффициенти жуда кам миқдорни ташкил қилгани учун, амалиётда U = d 2 / d 1 деб қабул қилинади. 3. Етакловчи ғилдиракдан етакланувчи ғилдиракка айлана кучни узатиш учун ғилдираклар бир-бирига F n -сиқувчи куч билан сиқиб ишқаланиш кучини xосил қилиши лозим. Сиқувчи куч қуйидагача аниқланади: F n = k ·F t / f = 2 T 1 ·k / f ·d 1 , бу ерда k -эҳтиёт коэффициенти, k =1,2.…1,5; f -ишқаланиш коэффици-енти асосан ғилдиракларни материаллари турига ва мойланишига боғлиқ бўлиб, f = 0,04... 0,3 олинади; F t -айланма куч. Сиқувчи куч топилгандан сўнг ғилдиракларнинг эни топилади. Бунинг учун узунлик бирлигига жоиз босимнинг [ р ] нисбатидан фойдаланилади. Босимнинг қиймати ғилдиракларнинг материалига қараб жадвалдан олинади. Ғилдиракларнинг эни b =F n / [ p ] тарзда аниқланади. Бунда қуйидаги

шарт бажарилиши керак: b маx ≤ d 1 . Фрикцион узатманинг юқорида келтирилган ҳисоблаш усули энг оддий ва тахминий усулидир. Конуссимон ғилдиракли узатмалар учун валлар орасидаги бурчак (15.2 – расм б ), δ = δ 1 + δ 2 , бу ерда δ 1 , δ 2 - биринчи ва иккинчи ғилдиракни конус бурчаги. Бу узатмаларда δ = 90 o бўлганда узатиш сони қуйидагича аниқланади: U = n 1 / n 2 = d 2 / d 1 = tg δ 2 = c tg δ 1 . Фрикцион узатмаларни юқорида келтирилган усули ҳисоблашнинг энг оддий ва таxминий усули ҳисобланади. 4. Аслида фрикцион узатманинг ғилдираклари бир-бирига деярли бир чизиқ бўйлаб уриниб контакт сирт xосил қилади ва бунда сиқувчи куч таъсирида контакт кучланиш ҳосил бўлади . Бу кучланишни аниқлаш учун Герц формуласига асосланиб қуйидаги формула чиқарилади: ________________________ ___ σ H = 0,418 √ ( F n · E кел ) / ( b · ρ кел ) ≤ [ σ H ], бу ерда E кел = ( 2 E 1 · E 2 ) / ( E 1 + E 2 ) –келтирилган эластиклик модули; келтирилган эгрилик радиуси қуйидагича аниқланади: ρ кел = ( ρ 1 · ρ 2 ) / ( ρ 1 + ρ 2 ) = d 1 · d 2 / 2 ( d 1 + d 2 ) = d 2 / 2 ( U + 1 ). Фрикцион узатмаларни лойиҳалаш учун қуйидаги формуладан фойдаланилади: a = ( U+1 ) 3 √ E кел · K / ( ψ · f ) · ( P 1 / n 2 ) · ( 40 / U · [ σ H ] ) 2 . Шуни назарда тутиш керакки, контакт кучланиш бўйича чўян, пўлат, тексолитдан ва Гук қонунига бўйсунадиган бошқа материаллардан ясалган ғилдираклар ҳисобланади. Бошқа ҳолларда юқорида қайд этилган соддалаштирилган усулдан фойдаланилади.

Адабиётлар : 1. Сулаймонов И. И. Машина деталлари. Тошкент нашриёти, 1988. 2. Тожибоев Р.Н., Жўраев А.Ж. Машина деталлари. Тошкент, «Ўқитувчи», 2002 3. Пятаев А.В., Муҳаммаджонов Б.К. Машина деталлари. Ўқув қўлланма., Тошкент, 2004. 4. Иванов М.Н. Детали машин. Москва, «В ы сшая школа», 1991.

O'xshashlar

Узатмалар

Узатмалар

Тасмали узатмалар

Занжирли узатмалар

Тишли гилдиракли узатмалар кинематикаси