logo
  1. Bosh sahifa
  2. Referatlar
  3. Mashinasozlik
  4. Подшипниклар

Подшипниклар

Yuklangan vaqt:

20.09.2019

Ko'chirishlar soni:

0

Hajmi:

44.2412109375 KB
Ko'chirib olish
Подшипниклар Режа: 1. Подшипниклар. 2. Сирпаниш подишипниклари. 3. Подшипникларнинг ишлаш шароити ва емирилиши. 4. Подшипникларнинг шартли ҳисоби. Подшипниклар Подшипниклар вал ҳамда ўқларнинг шипларига ўрнатилиб, таянч вазифасини ўтайди. Уқ ёки вал орқали таянчга тушадиган кучни бевосита подшипниклар ўзига қабул қилади. Механизмнинг фойдали иш коэффициентини камайиб кетишидан сақлаш учун подшипниклардаги ишқаланишга сарфланадиган қувватни иложи борича камайтиршга харакат қилиш зарур. Машинанинг ишлаш қобилияти ва чидамлилиги подшипникларнинг сифатига кўп жихатдан боғлиқ. Шунинг учун подшипниклар танлаш ва иш жараёнида уларни кузатиб туриш масалаларига алохида эътибор бериш лозим. Айланаётган вал ёки ўқ шиплари подшипникларда ишқаланади. Ана шу ишқаланишнинг турига қараб подшипниклар сирпаниш подшипниклари билан думаланиш подшипникларга бўлинади. Сирпаниш подшипникларида сирпаниб ишқаланиб, думаланиш подшипникларида эса думалаб ишқаланиш содир бўлади. Бундан ташқари , вал ўқига тик кучларни қабул қилиш учун мўлжалланган подшипниклар радиал подшипниклар дейилади. Вал ўқи бўйлаб йўналган кучларни қабул қилиш учун мўлжалланган подшипниклар тирак подшипниклар деб, вал ўқига тик куч билан бир вақтда унинг ўқи бўйлаб йўналган кучларнинг ҳам қабул қилиш учун мўлжалланган подшипниклар эса радиал-тирак подшипниклар дейилади. Юқорида айтиб ўтилган подшипникларннинг ҳамма тури ҳам кенг кўламда ишлатилади. Сирпаниш подшипниклари Сирпаниш подшипниклари тузилиши жихатидан олганда, ажралмайдиган ва ажраладиган подшипникларга бўлинади. Хозирги вақтда ажралмайдиган подшипниклар-дан кўпрок фойдаланилади. Бундай подшипникнинг тузилиши шаклда кўрсатилган. У қуйидаги қисмлардан иборат: 1) таянчга тушувчи кучни қабул қилиб оладиган асосий детал- подшипник корпуси 1; 2) подшипникнинг юқори томонидан беркитиб турувчи қисми – копкок 2; 3) подшипникнинг энг мухим қисми – икки палладан иборат вкладиш 4; 4) корпус билан қопқоқни бириктириш болтлари 3; 5) корпусни фундаментга бириктириш болтлари 5; 6) мойлагич 6. Умуман олганда, сирпаниш подшипникларининг хозирги замон машинасозлигида ишлатилиши сўнгги йиллларда сезиларли даражада камайди; чунки улар ўрнига бир қатор афзалликлари бўлган думаланиш подшипниклар ишлатила бошлади. Лекин сирпаниш подшипникларида қуйидаги афзалликлари бўлгани учун айрим холларда улардан фойдаланиш маъқул кўрилади. 1. Катта (1000 мин -1 гача) частота билан ишлаш холларида думаланиш подшипникларига қараганда кўпга чидайди. 2. Валларни талаб қилинган даражада аниқ йуналишда ўрнатиш имконини беради. 3. Ажраладиган қилиб тайёрланганлиги учун уни валнинг исталган қисмига ўрнатиш мумкин. Бу хол айниқса тирсакли валлар учун қўл келади. 4. Зарб билан таъсир қиладиган кучлар мавжуд бўлган холларда подшипникдаги мой қатлами бу кучларнинг салбий таъсирини камайтиради. 5. Думаланиш подшипникларидан фойдаланиш мумкин бўлмаган агрессив муҳитли шароитда (масалан сувда) бемалол ишлай олади 6. Диаметри хаддан ташқари (1метрдан ортиқ) бўлган валлар учун хозирча стандартлаштирилган думаланиш подшипниклари ишлаб чиқарилмайди, сирпаниш подшипниклари эса исталган катталикда тайёрланиши мумкин. Сирпаниш подшипнигининг тузилиши. Подшипникларнинг ишлаш шароити ва емирилиши . Вал айлана бошлаши билан унинг сирти подшипникдаги вкладиш устида сирпаниб ишқалана бошлайди. Бундай ишқаланиш натижасида маълум миқдор иссиқлик ҳосил бўлади. Бу иссиқлик подшипник корпуси, вал ҳамда мой воситасида ташқарига олиб кетилади. Подшипникнинг нормал ишлаши учун , ҳосил булаётган иссиқлик микдори мавжуд имкониятлар воситасида олиб кетилаётган иссиқлик микдоридан ортиқ бўлмаслиги керак. Акс холда подшипникнинг қизиши рухсат этилган даражада ортиб, вкладиш суюқланиб кетиши мумкин. Демак, подшипникнинг хаддан ташқари қизиб кетиши уни ишдан чиқарувчи асосий сабалардан биридир. Бундан ташқари, цапфанинг вкладиш устида сирпаниб ишқаланиши натижасида ейилиш процесси ҳам содир бўлади. Вкладиш сиртининг ейилиши маълум чегарадан ортиб кетса, механизмнинг ишлаши ёмонлашади. Шунинг учун бундай подшипниклар емирилган деб топилади. Подшипникнинг чидамлилиги, асосан, ейилиш суръати билан белгиланади. Уларнинг синиб кетиши эса кам учрайди. Ейилишнинг суръати кўп жихатдан ишқаланиш процесси содир булаётган сиртлар орасидаги муҳитга боғлиқ. Ана шу муҳитга қараб, ишқаланиш уч турга бўлинади. 1. Қуруқ ишқаланиш – мойланмаган сиртлар орасидаги ишқаланиш . 2. Суюқликда ишқаланиш. Бунда ишқаланаётган сиртлар узаро қовушқоқ мой қатлами билан батамом ажралган холда бўлади. Харакат вақтида мойнинг вал билан вкладиш сиртига тегиб турган сиртқи қисми улар билан бирга харакат қилади, натижада ишқаланиш асосан мой қатлами ичидаги заррачалар орасида рўй беради. Мой қатламининг қалинлиги цапфа ҳамда вкладиш сиртларида ишлов беришдан ҳосил бўлган нотекисликлар йиғиндисидан албатта катта бўлиши керак: h = R z 1 + R z 2 Бу шарт бажарилгандаташқи нагрузкани мой қатлами қабул қилади , натижада иш сиртларининг ейилиш процесси содир бўлмайди. Суюқликда ишқаланишнинг харакатга кўврсатадиган қаршлиги жуда кичик (ишқаланиш коэффициенти 0,005 чамасида) бўлади. Демак, бундай шароитда ишлайдиган сирпаниш подшипникларининг фойдали иш коэффициенти хатто думаланиш подшипникларидан ҳам ошади. Шунинг учун сирпаниш подшипникларидан фойдаланганда Суюқликда ишқаланиш бўладиган шароит яратишга иложи борича харакат қилиш керак. 3. Ним қуруқ ёки ним суюқликда ишқаланиш. Бунда иш сиртлари етарли даражада мойланса ҳам, аммо икки сиртни батамом ажратиб турадиган мой қатлами бўлмайди. Ишқаланиш кўпроқ қуруқ ишқаланишга яқин бўлса, ним қуруқ ишқаланиш, суюқликда ишқаланишга яқин бўлса, ним суюқликда ишқаланиш дейилади. Суюкликда ишқаланишни таъминлайдиган шартлардан бирортаси бажарилмаса, подшипник ним суюқликда ёки ним қуруқ ишқаланиш билан ишлайди Ним суюқликда ишқаланиш содир бўлганда ишқаланиш коэффициенти 0,008…..0,1 оралиғида ним қуруқ ишқаланиш рўй берганда эса 0,1…0,2 оралиғида бўлади. Ишқаланишнинг юқоридаги хилларидан сирпаниш подшипниклари учун суюқликда ишқаланиш энг яхши шароитдир. Лекин бундай шароитни ҳамма вақт таъминлаб бўлавермайди. Бунинг учун бир неча шароит бажарилиши керак. Подшипникларнинг шартли ҳисоби. Ҳисоблашнинг бу усулидан амалда кенг қўламда фойдаланилади. Айниқса, ҳисоблаш учун зарур параметрлар маълум машина ва механизмларни ишлатиш йўли билан тўпланган маълумотлар асосидаёса, ҳисоблаш натижаси қониқарли чиқади. Бундай ҳисоблаш усули суюқликда ишқаланиш режими билан ишлайдиган подшипниклар учун тақрибий, ним қуруқ ва ним суюқлик режимида ишлайдиган подшипниклар учун эса асосий усулдир. Подшипникларнинг шартли ҳисоби икки йўл билан : а) солиштирма босим буйича ; б) солиштирма босим билан сирпаниш тезлигининг кўпайтмаси бўйича бажарилиши мумкин. Ҳисоблаш қуйидаги формулалар асосида бажарилади:р= R dl ≤ [p] (325) рv = Rπ dn dl⋅60 = Rn 19 l≤ [pv ] (326) бу ерда R -подшипникка радиал йўналишда таъсир этаётган куч, H ; l - подшипникнинг узунлиги, м; d – цапфанинг диаметри, метр; n -цапфанинг айланиш частотаси, мин -1 ; [р] –солиштирма босимнинг рухсат этилган қиймати, Па; (бу босим пўлат баббит устида сирпанганда (8….9) МПа; пўлат бронза устида сирпанганда (5…8) Мпа; пўлат чўян устида сирпанганда эса (2…3) МПа оралиғида бўлади); [ pv ] – солиштирма босим билан сирпаниш тезлиги кўпайтмасининг рухсат этилган қиймати (одатда, [ pv ]=(6…30)МПа  м/с оралиғида бўлади). Фойдаланилган адабиётлар: 1. И. Сулаймонов «Машина деталлари» Уқитувчи. Тошкент. 1981й. 2. М. Н. Иванов «Детали машин». М., «Машстроение». 1984г. 3. А. Жўраев.. М.М. Шукуров «Машина деталлари». Фан. Тошкент. 1999й.

O'xshashlar

Валлар, ўқлар, подшипниклар ва бириктириш муфталари
Подшипниклар. Сирпаниш подшипниклари ва уларни ҳисоблаш асослари
Думалаш подшипниклари
Намунавий агрегатларни, таянч деталларини ва уларнинг элементларини тиклаш технологик асослари
Деталларининг нуқсонларини аниқлаш. Машиналарни йиғиш, чиниқтириш, синаш ва бўяшнинг технологик асослари