Назорат ва йиғиш мосламалари - Mashinasozlik - Referatlar

Назорат ва йиғиш мосламалари

Yuklangan vaqt:

13.03.2024

Ko'chirishlar soni:

0

Hajmi:

281 KB

Ko'chirib olish

Назорат ва йиғиш мосламалари Режа: 1. Мосламаларни вазифалари, турлари ва асосий элементлари 2. Йиғиш мосламаларини турлари 3. Йиғиш мосламалари элементлари ва лойиҳалаш

Мосламаларни вазифалари, турлари ва асосий элементлари Назорат мосламалари заготовкаларни, деталларни ва машиналар бирикмаларини назорат қилиш учун ишлатилади. Назорат мосламалари ёрдамида ўлчамлар аниқлиги,сиртларнинг нисбий жойлашиш аниқлиги ва сиртлар геометрик шаклини тўғрилиги текширилади. Назорат мосламасини принципиал схемасини танлашга, назоратнинг аниқлиги ва унумдорлиги катта таъсир кўрсатади. Мослама хатолиги назорат қилинган объектнинг допуск майдонини 10...20% дан катта бўлмаслиги керак. Назорат мосламалари майда ва ўрта деталлар учун ишлатиладиган стационар; катта деталлар учун кўчма бир параметрни текшириш учун ва бир нечта параметр текшириш учун бир ва кўп параметрли турларга бўлинади. Назорат автоматлари ва ярим автоматлари катта самадорликни таъминлайди. Назорат мосламалари уни танасига ўрнатилган ўрнатиш, қисиш, ўлчаш ва ёрдамчи элементлардан ташкил топади. Ўрнатиш элементлари сифатида дастгоҳ мосламаларидаги каби таянчлар, пластиналар, призмалар, конуссимон, цилиндрик ва кенгаювчан правкалар хизмат қилади. Назорат мосламани схемаси ишлаганда текширилаётган детални ўрнатиш ва ўлчаш базалари бириктирилиши керак. Шунинг билан бирга мослама таянчларининг ва ўлчаш қурилмасини базавий элементларнинг қисмлари билан контакда бўлиш доимийлиги таъминланиши керак. Назорат мосламаларини қисиш қурилмалари текширилаётган детални (бирикмани) ўлчаш қурилмасига нисбатан силжишдан сақлайди ва детал ўрнатиш базаларини мослама таянчлари билан мустахкам контактда бўлишини таъминлайди. Текширилаётган деталларнинг деформацияланишдан сақлаш мақсадида қисиш кучларини қиймати кичик ва стабил бўлиши керак. Агар детал таянчларда турғун жойлашиб ўлчаш кучлари уни турғунлигини бузмаса қисиш қурилмасига зарурият колмайди. Назорат мосламаларида содда, дастакли қисиш механизмлари, буриш, кутариш ва деталларни суриб чиқариш учун хам ишлатиладиган пневматик

юритмалардан фойдаланадилар. Қисиш қурилмасини ўлчаш приборини кўрсатишига таъсири деталнинг текширилаётган параметрининг 5% ошмаслиги керак. Назорат мосламаларини ўлчаш қурилмалари чегаравий (шкаласиз) ва ҳисобий (шкалали) турларга булинади. Нормал калибрлар тамойилида ишловчи қурилмалар хам алохида гуруҳни ташкил қилади. Чегаравий ўлчашда, ўлчанаётган параметрни аниқ миқдори аниқланмайди, балки назорат қилинаётган махсулот уч турга бўлинади: яроқли, пастки чегарадан чиқиб кетган, юқориги чегерадан чиқиб кетган браклар. Чегаравий ўлчаш қурилмалари сифатида қўзғалмас маҳкамланган (скобалар, пробкалар, шуплар) ишлатилади. 1-расмда Н 1 , Н 2 , ва Н 3 ўлчамларни назорат қиладиган мослама келтирилган. Бундан ташқари суриб чиқариладиган чегаравий элементлар хам ишлатилади. Қўзгалмас маҳкамланган элементлардан IT 9 квалитетдан баланд бўлмаган допусклар назорат қилинганда, суриб чиқариладиган элементлардан IT 10 квалитетдан юқори бўлмаган допусклар назорат қилинганда фойдаланадилар. Назорат мосламаларида ва назорат сараловчи автоматларда кенг ишлатилаётган электроконтактли датчиклар хам чегаравий ўлчаш қурилмалари қаторига киради (9.2-расм). Бу датчиклар бир параметрли назорат қилиш учун хамда деталларни ўлчамлар гуруҳларига саралаш учун кўп контактли кўринишида ишлаб чиқилади. Электроконтактли датчиклар + 1 мкм (1 синф) ва + 3 мкм (2 синф) аниқликда ўлчаш имкониятини беради. ўлчаш чегараси 1 мм. Датчиклар созланмасдан 25000 ўлчашни таъминлайдилар. Буларни ўлчаш учун ўлчаш товонига 1-2Н куч етарлидир.

Ҳисобий ўлчаш воситалари сифатида одатда тишли узатмали ва ричагли индикаторлар ишлатилади. приборлар 3 синф бўйича ишланади: 0, 1 ва 2 синфлар. Буларни стрелка бир айланишидиги хатолиги 0,01; 0,015 ва 0,02 мм. Допуски 0,03 мм дан кам бўлмаган деталларни назорат қилиш учун хатолиги 0,01 мм бўлган индикатор ишлатилади. Аниқроқ ўлчашлар учун бўлинмалар қиймати 0,002 ва 0,001 мм тенг микроиндикатор ва микрометрлар ишлатилади. Корхоналарда индуктив датчиклар

ва пневматик микрометрлар хам тарқалган. Бундай назорат мосламалари 0,5… 0,2 мкм аниқликда ўлчаш имкониятини беради. Нормал калибрлар принципида ишловчи қурилмалар сифатида кўпинча ясси контурли, хажмий (фазовий) шаблонлар ишлатилади. Текширилаётган деталлар яроқлилиги шуплар киритиш ёрдамида ёки тирқишни кўз билан баҳолаш ёрдамида аниқланади. Бу турдаги мосламалар билан кўп холларда база тешигини деталл контурига нисбатан жойлашиши текширилади. Бу иш назорат шкалкалари ёрдамида бажарилади. Назорат мосламаларини баъзи типавий схемаларини кўриб чиқамиз: 1. Иккита цилиндрик юзаларни параллелигини текшириш мосламаси (3 расм). Бунда 1 индикаторни 3600 бурилгандан кейинги индикатор кўрсаткичи асосида параллелик аниқланади. 3-расм. Иккита цилиндрик юзани ўқдошлигини текшириш учун индикаторли мослама. 2. Поршенни кўп томонлама назорат қилиш мосламаси 4 расмда келтирилган. Бу мосламада 1, 2 ва 3 -индикаторлар ёрдамида палец тешиги масофаси, тешик ўқининг поршен ўқига перпендикулярлиги ва бошқалар аниқланади.

4 -расм. Поршенни кўп томонлама назорат қилиш учун мослама 3. Ўқлар орасидаги масофани текшириш. Бу назоратда ўлчам калибрлари ёки плитка поналар ёрдамида текширилади. Узунлик L ўлчами микрометр, штангенциркул ёки микрометрик ёрдамида ўлчаниб ҳисобланади. Йиғиш мосламаларини турлари Бирикмаларни бевосита йиғиш учун мўлжалланган йиғиш асбоблари йиғиш дастгоҳларида бирикаётган деталларни тўғри ўрнатиш ва маҳкамлаш жараёнини бажаришига кўра йиғиш мосламалари бир- биридан фарқ қилади. Бу мосламалар универсал ва махсус бўлиши мумкин. Универсал мосламалар доналаб ва майда сериялаб ишлаб чиқаришларда ишлатилиб улар қаторига плиталар, йиғиш балкалари, призмалар, уголниклар, струбциналар, домкратлар ва турли ёрдамчи деталлар ва қурилмалар киради. Плиталар ва балкалар ўрнатиш сиртларида йиғиладиган махсулотни маҳкамлаш учун Т-симон ариқчалар қилинади. Кўп сериялаб ва кўплаб ишлаб чиқаришларда ишлатиладиган махсус мосламалар икки асосий турга бўлинади. Биринчи турга махсулотни базавий детали ёки бирикмаини маҳкамлаш учун мўлжалланган мосламалар киради. Бу мосламалар ёрдамида йиғиш жараёнида пайдо бўладиган бириктириш кучлари,

пресслаш ва оғдириш кучларига нисбатан детални турғунлиги таъминланади. Бу гуруҳ мосламаларга маҳкамланаётган деталларни аниқ ўрнатиш талаби бу мосламаларга йиғиш жараёни автоматик равишда ўтказилсагина қўйилади. Булар бир ўринли, кўп ўринли ва бурилувчи қилиб тайёрланиши мумкин. Йиғиш мосламаларининг иккинчи турига йиғиладиган деталларни тез ва аниқ ўрнатиш учун мўлжалланган мосламалар киради. Буларда бирикувчи элементларнинг база сиртларини мослама таянчлари ва йўналтирувчи элементлари билан контактда бўлиши ҳисобига уни нисбий ҳолатини текшириш зарур бўлмайди. Бу мосламалар пайвандлаш, кавшарлаш, парчинлаш, елимлаш, таранг ўтқазиш, винтли ва бошқа бирикмалар учун ишлатилади. Масалан 5-расмдаги мослама шатун бўйнини бир -бири билан бириктириб маҳкамлашдан олдин ўзак бўйинларини ўқдошлигини таъминлайди. 6-расмда кўрсатилган мослама тишли узатмани йиғиш жараёнида валларни талаб қилинган ҳолатга тез ва аниқ келтириш учун ишлатилади.

5-расм. Йиғиладиган тирсакли вални йиғиш учун мослама. Бу турдаги мосламалар бир ва кўп ўринли, стационар ва кўчма бўлиши мумкин. Кўчма мосламалар майда ва ўртача бирикмаларни йиғиш учун, кўпинча кавшарлаш ва елимлаш учун ишлатилади. 6-расм. Тишли механизмларни йиғиш мосламаси.

7-расм. Поршенга халқаларни кийдириш учун мослама. Кўриб чиқилганлардан ташқари машинасозликда кайишкок элементларни (пружина, кесик халқалар ва х.к.) бириктиришдан олдин уларни деформациялаб туриш учун мўлжалланган мосламалар (7-расм) ва йиғишда катта кучлар талаб қилувчи таранг бирикмалар йиғиш мосламалари ишлатилади. 7-расмдаги мосламада поршен арикчаларига поршен халқаларини ўрнатиш учун халқалар йиғишдан олдин конус билан кенгайтирилиб пневматик поршен ёрдамида қисиб турилади. Йиғиш мосламалари элементлари ва лойиҳалаш Махсус йиғиш мосламалари танадан ва унга маҳкамланган ўрнатиш элементлари билан қисиш қурилмаларидан ташкил топади. Йиғиладиган деталларни ўрнатиш база сиртлари тоза ишланган бўлади, шунинг учун мосламани ўрнатиш элементлари каттарок таянч юзаларга эга бўлиши керак. Ишланган тоза сиртларни шикастланишдан сақлаш мақсадида ўрнатиш элементлари кўп ҳолда қаттиқ резина ёки пластмасса билан қопланган бўлади. Лекин бу чора детални аниқ ўрнатилиши талаб қилинмаган ҳолларда қўлланиши мумкин. Йиғиш мосламаларида ишлатиладиган қисиш механизмлари дастгоҳ мосламаларида ишлатиладиган қурилмалардан фарқ қилмайди. Бу механизмлар иложи борича кичик габритли бўлиб бирикувчи сиртларни олдини тўсмаслиги керак. Ёрдамчи вақтни қисқартириш учун қисиш қурилмалар юритмалари

механизациялашган бўлиши керак. Махсулот ёки уни бирикмалари магнитланиб қолиши сабабли йиғиш мосламаларида магнит плиталарни ишлатиш тавсия этилмайди. Кичик кучлар билан қисиш талаб этилса вакуумли, катта кучларда эса пружинали қисиш механизмлари ишлатилгани афзал. Қисиш кучлари қийматини топиш учун йиғиш жараёнининг шароитларини билиш керак. Масалан елим билан бириктирганда бирикувчи деталларни 1,2 … 2,0 Н кучи билан босиб туриш керак. Кавшарлашда қисиш кучи деталларни мустаҳкам фиксацияланиш шартига тўғри келиши керак. Умуман бу кучларни аниқлаш услубиёти дастгоҳ мосламалардаги аниқланишдан фарқ қилмайди. Лекин аниқланган қисиш кучи, базавий детални рухсат қилинган деформацияланиши шартидан топилган кучдан катта бўлмаслиги керак. Йиғиш мосламаларни ёрдамчи элементлари қаторига буриш ва бўлиш механизмлари, фиксаторлар, суриб чиқарувчи ва бошқа элементлар киради. Йиғиш мосламаларни лойиҳалаш- тартиби мосламаларни лойиҳалаш босқичлари билан бир хил босқичлардан ташкил топади. Лекин йиғиш жараёнининг ўзига хос хусусиятини эътиборга олиниши керак. Бирикмани аниқ йиғилишини таъминлаш учун бирикувчи деталлар бир бирига нисбатан марказлаштирувчи элемент бўйича оралиқсиз базаланиши керак (8 расм). 8-расм. Мосламаларда йиғиш аниқлигини ҳисоблаш конструктив схемаси. Агар марказлаштирувчи элемент бўлмаса йиғиш жараёнида бирикувчи деталларнинг база сиртлари узелни талаб қилинган ўлчами аниқланадиган бирикма йиғилиши керак.

Агар 9-расмдаги деталлардан А ва Б сиртлари бўйича базаласак ўлчамлари аниқлиги билан боғлиқ бўлган хатолик хосил бўлади. Шунинг учун деталлар сиртлари бўйича баъзаланиб ўлчами аниқлиги таъминланади. 9-расм. Мосламаларда йиғиш аниқлигини ҳисоблаш конструктив схемаси. Бирикма деталлари йиғиш жараёнида қўлланиладиган усуллар алохида хусусиятган эга. Бу усулларда мосламанинг ўрнатиш элементлари билан йиғилаётган бирикмани база сиртлари орасидаги ички оралиқларини ҳисобга олиш зарур. Акс ҳолда бирикма қисилиб қолиши. 10 расмда кавшарланиб йиғилганда ва йиғилувчи деталлар хамда мослама деталлари қизийди. Колдириладиган оралиқ А қиймати мосламани а М C , ва деталларни а ЭМ кенгайиш коеффицентларига боғлиқ. 10-расм. Мосламаларда йиғиш аниқлигини ҳисоблаш схемаси. Деталлар шакллари мураккаб бўлса, А қийматни аниқлаш қийинлашади шунинг учун у элементар равишда топилади. Агар деталлар кенгайиш коеффецентлари мослама материали кенгайиш коеффициентларидан кичик бўлса, А оралиқини кичрайтириш имконияти пайда бўлади.

Автоматик йиғиш учун мўлжалланган мосламаларни лойиҳалаш катта эътибор талаб қилади, чунки улар юқори ишончлилик талабига жавоб бериши зарур.

Адабиётлар: 1. Андреев Г.Н., Новиков В.Ю., Схиртладзе А.Г. Проектирование технологической оснастки машиностроительного производства. -М.: Высшая школа, 1999. -415с. 2. Ансеров М.А. Приспособления для металлорежущих станков. 4-е изд. - М.: Машиностроение, 1975, -656 с. 3. Белоусов А.П. Проектирование станочных приспособлений. -М.: Высшая школа, 1980. -240с. 4. Горошкин А.К. Приспособления для металлорежущих станков: Справочник. -М.: Машиностроение, 1979. -303с. 5. Корсаков В.С. Основы конструирования приспособлений. -М.: Машиностроение, 1983. -277. 6. Кузнецов Ю.И. Конструкции приспособлений для станков с ЧПУ. -М.: Высшая школа, 1988. -303с. 7. Перегудов Л.В., Хошимов А.Н., Шалагуров И.К. Перегудов С.А. Автоматлашган корхона станоклари -Т.: «Узбекистон», 1999. 488б. 8. Терликова Т.Ф., Мельников А.С., Баталов В.И. Основы конструирования приспособлений. -М.: Машиностроение, 1980. -119. 9. Алексеева Н.А., Джайман В.В., Серпичева Е.В. Основы проектирования и конструирования узлов и деталей машин и механизмов. - М.: Издательство. МАИ. 2006. - 104 с. 10. Базаров Б.С. Основы технологии машиностроения. -М.: Машиностроение, 2007. - 380 с.

O'xshashlar

Дастгоҳ мосламалари ва ёрдамчи асбоблар

Автомобилни умумий йиғиш

Автомобилсозликда йиғиш технологик жараёни ва ахамияти

Йиғиш технологик жараёнини лойихалаш

Йиғиш жараёнида аниқликка эришиш