logo
  1. Bosh sahifa
  2. Referatlar
  3. Mashinasozlik
  4. Илгакларни тайёрлаш технологияси

Илгакларни тайёрлаш технологияси

Yuklangan vaqt:

20.09.2019

Ko'chirishlar soni:

0

Hajmi:

356.7783203125 KB
Ko'chirib olish
И лгакларни тайёрлаш технологияси Режа: 1. Илгаклар ва тирсакларни хизмат вазифалари, тайёрлаш бўйича техник талаблар, қўлланиладиган материаллар ва хомашё турлари. 2. Шарнирли илгакларга механик ишлов бериш технологик жараёнининг кетма-кетлиги ва бажарилиш тартиби. 3. Илгакларни назорат қилиш 4. Шатунларни хизмат вазифаларии, тайёрлаш бўйича техник талаблар қўлланиладиган материаллар ва ҳом-ашё турлари Илгаклар ва тирсакларни хизмат вазифалари, тайёрлаш бўйича техник талаблар, қўлланиладиган материаллар ва хомашё турлари. Харакатни ўзгартириш илгаклари ўқ бўйича харакатланганда тишли ғилдирак муфта ва шунга ўхшаган кинематик элементларни ҳолатини ўзгартиради. Деталларни харакатга келтириш илгакларни «суҳарик»ларининг текис юзалари ёрдамида амалга оширилади (10.1-расм). Харакатни ўзгартириш илгакларини йиғиш жараёнида базавий юзаси бўлиб «бобишка»даги текис юзали, шпонка уяли, шлицали тешиклар хизмат қилади. Бу тешикни тайёрлаш аниқлиги IT 7- IT 9 аниқлик квалитетида бўлса юза тозалиги Ra =5…1,25 мкм бўлади. «Суҳарик»ни Ra =5…1,25 мкм ишчи юзаси IT 9- IT 12 аниқлик квалитетида тайёрлансада, унинг юза тозалиги Ra =5…1,25 мкм бўлиши талаб этилади. Харакатни ўзгартириш илгакларида бундай юза доимо ишқаланишга ишлайди. Бу юзанинг тешик ўқига нисбатан перпендикулярлиги 100 мм ўқ узунлигига 0,1…0,3 мм орлиғида бўлади. Шарнирли илгак шарнирли бирикмаларнинг ўтиш детали ҳисобланади. Бу илгакларда иккита қулоқча бўлиб уларда ўқдош иккита тешик бор. Тешикларни тайёрлаш аниқлиги IT 8- IT 9 бўлади. Бу тешиклар шарнирли илгакларни йиғишда ёрдамчи бирикиш юзаси вазифасини бажаради. Асосий бирикиш юзаси бўлиб илгакларни қуйруқ қисми ёки «бобишка»даги тешик хизмат қилади. Бу юза оралиқ (зазорли) ўтказиш учун мўлжалланган бўлиб IT 8- IT 10 аниқлик квалитетида рез p бали ёки текис цилиндрик шаклда бўлиши мумкин. Кардан шлицали илгакларнинг асосий тешиги шлицали қилиб тайёрланади. Шарнирли илгаклар қулоқчалари тешикларнинг ўқлари асосий базавий юзасига ва қулоқчаларни сирт юзаларига перпендикуляр бўлиб 100 мм узунликка 0,1-0,4 мм бўлиши талаб этилади. Харакатни ўзгартириш илгаклари учун хомашё кулранг чўян СЧ-12 дан СЧ-24 гача, болғаланувчи чўян КЧ-35,КЧ-37, ҳамда одатдаги сифатли пўлатлар пўлат 3 ва пўлат 5 ва конструкцион пўлатлар пўлат 20,35,40Х лардан тайёрланади. Шарнирли илгаклар учун хомашёлар одатдаги сифатли пўлатлар ва конструкцин пўлатлар пўлат 35,45 ва шу кабилардан тайёрланади. 10.1-расм. Илгаклар туридаги деталлар. а) Ҳаракатни ўзгартириш илгаклари; б) шарнирли илгаклар. Чўяндан тайёрланган харакатни ўзгартириш илгаклари хом ашёлари опкаларда металл моделлардан фойдаланиб қўлда ва машиналарда шакллантирилган қолипларга қуйиш усули билан олинади. Қуйма аниқлигига қўйилган талаб юқори бўлса қобиқли қолиплардан фойдаланилади. Пенопластик моделлар қўллаб ҳам хомашё тайёрлаш мумкин. Қуйишининг бу оддий аниқ ва илғор усули қобиқли қолиплар ўрнига Тошкент экскаватор заводида ишлаб чиқилган. Пенопластдан тайёрланган модел эриган металл билан тўқнашганда пенопласт бир зумда куяди ва эриган металл уни ўрнини шундай тезликда эгаллайдики қолипни қуми сочилиб шакл, бузилиб улгурмайди. Бу усулнинг яна бир афзаллик томони шундан иборатки 5 мм ва ундан катта диаметрдаги тешиклар стерженсиз қуйиш йўли билан олинади. Пўлатдан тайёрланган илгакларнинг хом ашёлари болғалаш ва штамлаш йўли билан олинади. Шарнирли илгакларни хомашёси чивиқдан олинади. Харакатни ўзгартириш илгакларига механик ишлов бериш технологик жараёнининг кетма-кетлиги ва бажариш тартиби. Харакатни ўзгартириш илгакларнинг тайёрлаш технологик жараёни қуйидаги тартибда бажарилади: - «бобишка» нинг сирт юзаларига ишлов бериш: - асосий технологик базани («бобишка» даги тешикни) қора ва тоза механик ишлаш: - «суҳарик» нинг текис юзаларига механик ишлов бериш: - ёрдамчи текис юзаларга ва тешикка механик ишлов бериш: - «суҳарик» ни ишчи юзаларини жилвирлаш; Айрим ҳолларда аввал асосий технологик юза-тешика ишлов берилиб кейин бу тешик бўйича илгак ўрнатилиб «бобишка» нинг сирт юзаларига ишлов берилади. Биринчи ва иккинчи ҳолларда ҳам харакатни ўзгартириш илгаклари «бобишка»нинг ташқи цилиндрик юзаси бўйича призмага ўрнатилган ҳолда ишлов берилади. «Бобишка» нинг сирт юзаларига сирт фрезалари ёрдамида вертикал-фрезерлаш дастгоҳида бирин кейин ишлов берилади ёки бўлмаса икки ўринли мослама қўллаб қайта ўрнатиш йўли билан ишлов берилади. «Бобишка» нинг ҳар икки сирт юзасини бир вақтда фрезерлаш учун икки ва уч томонлама фрезаловчи фрезадан фойдаланиб горизонтал фрезерлаш дастгоҳи қўлланилади. «Бобишка» даги 25 мм гача бўлган тешик вертикал-пармалаш дастгоҳларида пармаланади, зенкерланади ва развёрткаланади ёки тешикни якуний шаклига мос сидиргич билан сидриш дастгоҳларида сидирилади. Қуйиш ёки штамплаш йўли билан олинган тешикларга ишлов беришда бирламчи пармалаш қўлланилади. Харакатни ўзгартириш илгаклари асосий тешик ва «бобишка»нинг сирти бўйича ўрнатилиб, «суҳарик»нинг текис юзалари вертикал ёки горизонтал-фрезерлаш дастгоҳларида бир неча ўрнатиш орқали фрезерланади. Ишлов бериш даврида илгакларнинг бурилиб кетишдан сақлаш учун «суҳарик»нинг юзаси бўйича доимий ёки олиб қўйилиши мумкин бўлган таянчлар қўлланилади. Ёрдамчи тешикларга ва юзаларга ишлов беришда ўрнатиш юзаси бўлиб асосий тешик ва «бобишка»нинг юзаларини жилвирлашда ҳам ўрнатиш юзаси бўлади. Шарнирли илгакларга механик ишлов бериш технологик жараёнининг кетма-кетлиги ва бажарилиш тартиби. Шарнирли илгакларга механик ишлов бериш технологик жараёнининг кетма-кетилиги қуйидагилардан иборат: - илгакни қуйруқ қисмини бирламчи йўниш ёки асосий ўрнатиш юзасини тайёрлаш; - илгак қулоқчаларини ён юзаларига ишлов бериш; - шарнир ўқи ости тешигига ишлов бериш; - илгакни қуйруқ қисмига якунловчи ишлов бериш. Илгакнинг қуйруқ қисмини йўниш токарлик дастгоҳларида олиб борилади. Йўниш жараёнида илгак қулоқчаларининг қора, ишлов берилмаган юзалари бўйича ўрнатилади, масалан, икки муштчали ўзи марказловчи призмалардан фойдаланилади. Илгакларнинг қуйруқ қисмини сирти йўнилади сўнг цилиндрик ташқи юзалари йўнилади. Қайсики бу юзалар кейинги операциларда асосий технологик база вазифасини бажаради. Илгак қулоқчаларининг ён томонлари ишлов берилган қуйруқ қисм бўйича ўрнатилиб горизонтал-фрезерлаш дастгоҳларида фрезаларни йиғмасидан фойдаланилган ҳолда фрезерланади. Илгакни буралиб кетишдан сақлаш учун олиб қўйиладиган таянчдан фойдаланилади. Бу таянч илгакни қулоқчалари билан ду қисмини туташув жойига қўйилиши мумкин. Худди шу тартибда фақат горизонтал ҳолда ўрнатилган илгакни шарнир ости тешикларига ишлов берилади. Бу тешик вертикал-пармалаш дастгоҳида пармаланади, зенкерланади ва развёрткаланади. Илгакни қуйруқ қисмига якунловчи ишлов бериш (тоза йўниш) ёки рез p ба қирқиш махсус мосламада токарлик дастгоҳларида бажарилади. Мослама Деталнинг шарнир ўрнатиладиган тешиги бўйича базалаш имкониятига эга бўлиши керак. Шу тартибда Деталнинг йиғишда икки асосий базавий юзаларни ўзаро тўғри жойлашуви таъминланади. Қуйруқ қисмига эга бўлмаган балки тешикли (қадам узатмаси илгаклари) илгакларга механик ишлов бериш тартиби бошқача бўлиши мумкин. Бунда илгакни қуйруқ танаси қора технологик юза сифатида ишлатилиб, унинг қулоқчалари фрезерланади. Кейин эса қулоқчаларни ишлов берилган юзаларини технологик ўрнатиш юзаси сифатида қўллаб шарнир ўрнатиладиган тешикка ишлов берилади. Қуйруқ қисм танасидаги рез p бали тешикни ҳосил қилишда детал шарнир ўрнатиладиган тешик бўйича базаланади. Илгакларни назорат қилиш 10.2-расм. Илгакнинг ишчи юзаларини ўзаро жойлашишини назорат қилиш. Илгаклар тешикларининг диаметрлари, ариқчаларни кенглиги, ишчи текис юзалари ўртасидаги масофа аксарият ҳолларда калибрлар ва штанген асбоблар ёрдамида назорат қилинади. Деталнинг ишчи юзаларини базавий юзаларга нисбатан ўзаро жойлашуви назорат мосламалари ёрдамида текширилади (3.2.-расм). Бу мосламалар индикаторлар билан жиҳозланади. Текшириш жараёнида харакатни ўзгартириш илгаги бармоққа ўрнатилади ва бурилиб кетишдан сақлаш учун «бобишка» даги рез p бали тешикдан фойдаланилади. Ўлчаш асбобининг шарли чети текширилаётган «суҳарик» нинг ишчи юзаси билан тўқнаштирилади. Ўлчаш бирикмасининг айлантириш натижасида ўлчаш асбобининг шари назорат қилинаётган ишчи юза бўйича сирпанади натижада индикатор юзанинг базавий тешикка нисбатан перпендикулярлигини кўрсатади. Шатунларни хизмат вазифаларии, тайёрлаш бўйича техник талаблар қўлланиладиган материаллар ва ҳом-ашё турлари Шатунлар кривошип-шатун механизмларининг узатиш элементи вазифасини бажаради, масалан, цилиндр-поршенли машиналарида. Шатунлар поршен билан тирсакли вални бирлаштириб илгариланма-қайтма харакатни айланма харакатга ўтказиш учун хизмат қилади ёки бўлмаса харакатни аксинчасига ўзгартиради (11.1-расм). 11.1-расм. Шатуннинг тузилиши Шатун тирсакли валнинг шатун бўйини билан бирикадиган кривошип ва поршен билан унинг бармоқ ости тешиги орқали бирикадиган поршен каллакларидан иборат бўлади. Кривошип ва поршени каллакларини бириктирувчи қисм шатуннинг стержени деб юритилади. Аксарият шатунларда унинг кривошип каллаги тирсакли вал билан йиғишни осонлаштириш учун икки қисмдан иборат бўлади ва шатуннинг ўзаги ва қопқоғидан ташкил топади. Бу ўз навбатида (вкладиш) кўринишдаги сирпаниш подшипникларини қўллашда қулай бўлади. поршен каллагида подшипник ўрнида бронзадан тайёрланган втулка ишлатилади. Втулка поршен каллагида зўриниш ўтказиши билан прессланади. Шатунларни тайёрлашда қуйидаги талабларга риоя қилинади: а) кривошип ва поршен каллагидаги тешиклар IT 4.. IT 5 аниқли квалитетда бўлиб, юза тозалиги Ra =0,63..0,16 мм бўлади. Тешикнинг конуссимонлиги ва оваллиги 0,003…0,005 мм дан ошмаслиги керак; б) кривошип ва поршен каллаги тешикларнинг ўқлари битта текисликда ётган бўлиши ҳамда уларнинг оғиши 100 мм узунликда 0,02..0,4 мм чегарасида бўлиши шарт. Бу ўқларнинг ўзаро паралеллиги 100 мм узунликда 0,02..0,04 мм чегарасида бўлади; в) кривошип каллаги тешигининг сирт юзасини ўққа нисбатан тепиши (оғиши) 100 мм узунликда 0,1 мм дан ошмаслиги талаб этилади; г) шатуннинг маҳкамлаш (ўзак билан қопқони) тешиклари IT 8… IT 10 квалитет аниқликда тайёрланади; д) шатуннинг ҳар бир каллагининг массаси бўйича оғиши 5..10 г дан ошмаслигини таъминлаш зарур. Автомобил ва трактор двигателларининг шатунлари пўлат 40, 45Г2 ва легирланган пўлатлар 10Х2Н4ВА, 40ХНМА кабилардан тайёрланади. Шатунларнинг хомашёлари кетма-кет штамплаб, ўсимта шаклидаги қириндиларни олиб ташлаш ва калибровка қилиш натижасида олинади. Хомашё шатун ўзаги ва қопқоғи билан бир бутун қилиб ва алоҳида-алоҳида қилиб тайёрланади. Механик ишлов бериш технологик жараёнларининг кетма-кетлиги ва бажарилиш тартиби Шатун ўзаги ва қопқоғи бир бутун қилиб штампланган бўлса, механик ишлов бериш кетма-кетлиги қуйидагича бўлади: - шатуннинг ён томонидаги маҳкамлаш болтлари ости ва сирт юзаларига ҳамда технологик юзаларига ишлов бериш; - кривошип ва поршен каллакларидаги тешикларга дастлабки ишлов бериш: - шатун қопқоғини қирқиб олиш билан бирга гайка ва болт ости юзаларига ишлов бериш; - маҳкамлаш болтлари ости тешикларга ишлов бериш; - шатун ўзаги ва қопқоғини йиғиш; - кривошип ва поршен каллакларидаги тешикларга тоза ишлов бериш ва бронза втулкасини ўрнатиш (пресслаш); - кривошип каллагида вкладишларни ўрнатиш учун қулф уяларини (ҳалқасимон ариқчаларини) тайёрлаш; - кривошип ва шатун каллакларидаги тешикларга якунловчи ишлов бериш; - шатунни массаси бўйича созлаш. Шатун ўзаги ва қопқоғи алоҳида штампланган ҳолда уларга дастлаб алоҳида-алоҳида ишлов берилади. Маҳкамлаш болтлари учун тешиклар очилгандан сўнг биргаликда ишлов берилади. Бир бутун ва алоҳида штампланган шатунларни ҳар икки каллакларининг сир юзаларига фрезерлаш сидириш ва жилвирлаш дастгоҳларида ишлов берилади. Ҳар икки каллакнинг сирт юзалари вертикал фрезерлаш дастгоҳларида шатунни текис юзаси бўйича ва призмаларга ўрнатиб призмалар ёрдамида маҳкамланади. Ҳар икки томондан бир вақтда ишлов бериш учун икки ўринли мосламалардан фойдаланилади. Бунда детал қайта ўрнатилади (180 0 га бурилади). Ялпи ишлаб чиқариш шароитида кўп шпинделли икки томондан ишлов бера олдиган бўйлама ёки карусел фрезерлаш дастгоҳлари қўлланилади. Кейинги амалда шатуннинг маҳкамалаш болти ўрнатилган юзани ён томонларига технологик, ўрнатиш юзаси сифатида ишлов берилади. Бунинг учун шатун стержен ва поршен каллаги бўйича ўрнатилади. Механик ишлов бериш горизонтал фрезерлаш дастгоҳида икки томонлама кесиб ишлайдиган фрезерлардан фойдаланган ҳолда бажарилади. Каллакларнинг сирт юзаларини сидириб ишлаш бир ёки икки холатли сидириш дастгоҳларида олиб борилади. Ўрнатиш юзаларига ҳам ташқи юзаларга ишлов бериш учун тайёрланган сидиргичлар йиғмасдан фойдаланиб бошқа юзаларга қўшиб ишлов берилади (11.4-расм). Сирт юзаларни жилвирлаш учун ясси жилвирлаш дастгоҳларида сегмент кўринишида сирт жилвирлаш абразив тошларидан фойдаланган ҳолда амалга оширилади. Бунинг учун ишлов берилаётган шатунлар столнинг айлана юзаси бўйича кетма-кет ўрнатилади ва уларни ҳолати 180 га ўзгартирилиб тузилади яъни оғдариб қўйилади. Бу ҳолда бир неча шатунга тўхтов ишлов берилади. Кривошип ва поршен каллакларидаги тешикларга дастлаб ишлов бериш кўп шпинделли кўп холатли (ҳолати) дастгоҳларида бир вақтда ишлов берилади (11.3-расм). Тешикларга кетма-кет ҳам ишлов берса бўлади. Бунинг учун холатлар бўйича қайси тешикка қачон ишлов бериш бўлиб чиқилади. Агарда тешиклар штамплашда ҳосил қилинган бўлса улар зенкерланади ва сидирилади ёки йўниб кенгайтирилади. Йўниб кенгайтиришда ҳалқасимон ариқча ҳам ҳосил қилинади. Штамплашда тешиклар ҳосил қилинмаган бўлса улар аввал пармаланади. Алоҳида тайёрланган шатунни кривошип каллагидаги тешик одатда сидирилади (11.4.-расм). Бир бутун тайёрланган ҳом-ашёда шатуннинг кривошип каллагидаги тешик зенкерларнинг марказларини 2..3 м га силжитиб икки марта зенкерланади. Бу қопқони кесиб олишда керак бўладиган ортиқча қўйимни таъминлайди. Кейинчалик қопқоқ билан узоқ йиғилади ҳам ўрнатиш юзалари ва танаси бўйича ўрнатиб маҳкамланади. Шундан сўнг тешик икки марта зенкерланиб йўниб кенгайтирилади ва фаска очилади. Бир бутун тайёрланган ҳом-ашёда шатун қопқоқларини қирқиб олишда болт ва гайка ости юзалар ҳам фрезерланади (11.2.-расм). 11.2-расм. Шатун қопқоғини қирқиб олиш ҳамда болт ва гайка ости юзаларини фрезерлаш Шатуннинг маҳкамлаш болти тешикларини ҳосил қилишда ҳом-ашё турига эътибор берилади. Бир бутун тайёрланган шатунларда бу тешиклар бирикиш юзаси фрезерлангандан яъни қопқоқ ўзакда қирқиб олингандан сўнг, алоҳида-алоҳида тайёрланганларида эса бирикиш текислигига ишлов берилгандан сўнг очилади. Бу тешикларга якунловчи ишлов бериш қопқоқ ва ўзакни бириктирган ҳолда бажарилади. Тешиклар пармаланади, зенкерланади ва разветкаланади. Ялпи ишлаб чиқариш шароитида қопқоқ ва ўлакдаги тешикларни бир вақтида тайёрлаш учун кўп шпиндели кўп холатли дастгоҳлардан фойдаланилади (11.5-расм). Шатуннинг қопқоқ ва ўзак қисмларини йиғишда штифт ролини бажарувчи текис цилиндрик қисмга эга бўлган болтлар прессланади ва шпинделсиз тождор гайкалар ёрдамида маҳкамланади. 1 - ъолат2 - ъолат 3 - ъолат 4 - ъо - лат 2 - ъолат 3 - ъолат 4 - ъолат 11.3-расм. Шатун каллакларидаги тешикларга ишлов бериш: а) поршен каллагидаги тешикка тўрт холатли олти шпинделли вертикал пармалаш ярим автоматида; б) қопқоқ билан йиғилгандан сўнг кривошин каллагидаги тешикка тўрт холатли олти шпинделли вертикал пармалаб- йўниб кенгайтириш дастгоҳида Шатуннинг поршен каллагига бронзадан тайёрланган втулка прессланади. Кейинчалик бу втулка роликни асбоб ёрдамида кенгайтирилади. Ролик ёрдамида кенгайтирилган втулка тешикдаги сегментсимон ариқчани тўлдиради. Бу ўз навбатида втулкани ўқ бўйича силжишдан сақлайди. Шундан сўнг тешик йўниб кенгайтирилади, разветкаланади ёки хон каллаги ёрдамида ишланади. Йўниб кенгайтириш бир ёки кўп шпинделли олмосли кўниб кенгайтириш дастгоҳларда бажарилади. Кривошип каллагидаги тешик юқорида айтиб ўтилгандай қопқоқ билан йиғилгандан сўнг ишланади. Тоза ишлов берилгандан сўнг қопқоқ ажратиб олинади. Қопқоқ ўзакдан бирикиш текислигига чиқувчи уячалар сегментсимон ариқчалар фрезерланади. Вкладишларни штамплаб ўрнатилганда бу уячалар шатунни иш жараёнида вкладишларни айланиб кетишидан сақлайди. Шундан сўнг қопқоқ ўз ўзаги билан йиғилади, чунки шатун қопқоғи ва ўзаги бошқа шатунникига тўғри келмайди. 11.4-расм. Шатун қопқоғини сидиргичлар йиғмаси ёрдамида сидириш схемаси Кривошип ва поршен каллаклардаги тешикларга якунловчи ишлов бериш вертикал хонинглаш дастгоҳларида олиб борилади. Хонинглаш жараёни олмосли қайроқ тош ёки керамик боғловчили майда донали кўк кремний карбидидан тайёрланган қайроқ тош ёрдамида амалга оширилади. Хоннинг бир вақтдаги айланма ва илгариланма қайтма харакати натижасида абразив доналаб бир-бири билан тартибсиз кесишувчи винтсимон из қолдиради. Бунда юзалар юқори тозаликка эга бўлиб ейилишга чидамли бўлади. 1 - ъолат 2 - ъолат 3 - ъолат 4 - ъолат 5 - ъолат 11.5-расм. Шатун қопқоғи ва ўзагидаги маҳкамлаш болтлари ости тешикларига ишлов бериш Шатунларни массаси бўйича созлашда уларни оғирлигини аниқлаб етти гуруҳга бўлинади. Ҳар бир гуруҳда шатунлар массаси бўйича 5…102 фарқ қилгунга қадар созланади. Шатун массаси бўйича мувозанатда бўлиши учун шатун берилган оғирликка эга бўлиш ва оғирлик маркази белгиланган координаталарда жойлашиши керак. Шатуннинг кривошип ва поршен каллакларини массаси бўйича созлаш учун махсус дастгоҳлар яратилган, улар торози ва фрезерлар шпинделлари билан жиҳозланган. Тарозиларда эталон ва тайёрланган шатун тортиб кўрилади. Одатда тайёрланган шатун эталонга нисбатан оғир бўлиб тарози палласи паст ҳолатни эгаллайди. Шу ҳолда шатун маҳкамланади ва пастдан фреза ортиқча метанни олиб ташлайди. Шатунларни назорат қилиш Шатунлар механик ишлов бериш амаллараро ва якуний амалдан сўнг назорат қилинади. Ялпи ишлаб чиқариш шароитида каллаклардаги асосий тешикларни текшириш учун пневматик калибрлар қўлланилади. Бу калибрлар тешик билан калибр орасида ўтувчи ҳавонинг сарфланиши асосида ўлчамни аниқлайди. Кривошип ва поршен каллаклардаги тешикларни ўзаро жойлашувини назорат қилиш учун индикаторлар билан жиҳозланган махсус мосламадан фойдаланилади. Индикаторлар ўзаро перпендикуляр бўлган текисликлар бўйича жойлашади. Шатун остини қўзғалувчан оправкага ўрнатилади. Каллаги поршен тешигига киритилган оправкага икки текислик бўйича тўқнашади. Ўқларнинг паралеллиги ўнг ва чап томондаги индикаторлар кўрсаткичларининг фарқи сифатида аниқланади. 11.6-расм . Шатуннинг кривошип ва поршен каллакларидаги тешикларини ўқлараро масофаси ҳамда ўқларнинг ўзаро параллеллигини назорат қилиш мосламаси Адабиётлар рўйхати : 1. Технология машиностроения: в 2 т. Т.1. Основ технологии машиностроения: Учебник для вузов / В.М. Бурцев и др.; под ред. А.М. Дальского-М.: Изд-во МГТУ им. Н.Э. Баумана 1998-564 с. 2. Технология машиностроения: в 2 т. Т.2. Производство машин: Учебник для вузов / В.М. Бурцев и др.; под ред. Г.Н. Мелникова -М.: Изд-во МГТУ им. Н.Э. Баумана 1998-640 с. 3. Егоров М.Е., Демент p ев В.И., Дмитриев В.А. Технология машиностроения. М.: Вусшая школа, 1976-534 с. 4. Каратаев С.А. Технология машиностроения (специальная част p ). Киев: Вусшая школа, 1984-272с. 5. Основ технологии машиностроения. Под ред. Корсакова. М.: Машиностроение,1977-416с.

O'xshashlar

Илгакларни тайёрлаш технологияси
Қутисимон деталларни тайёрлаш технологияси
Тишли гилдиракларни тайёрлаш технологияси
Дастгоҳ шпинделларини тайёрлаш технологияси
Машинасозлик технологияси асослари