Автомобил – ўзи юклагичлар - Mashinasozlik - Referatlar

Автомобил – ўзи юклагичлар

Yuklangan vaqt:

20.09.2019

Ko'chirishlar soni:

0

Hajmi:

501.404296875 KB

Ko'chirib olish

Автомобил – ўзи юклагичлар Режа: 1 Айланувчи найзасимон кранли ўзи юклагичлар 2 Юк кўтарувчи бортли ўзи юклагичлар 3 Олинувчи кузовли ўзи юклагичлар

Ташиладиган юкни юклаш ва туширишга мўлжалланган мустақил мосламалар билан жиҳозланган ИҲТ ўзи юкловчилар дейилади. Стандарт юклаш воситаларини қўллаш ташиладиган юкларни ҳажми нуқтаи назаридан ўзини оқламаган тақдирда ёки юклаштириш майдони ўлчами бўйича имконият йўқ бўлганда ўзи юкловчи автомобилларни қўллаш мақсадга мувофиқдир. Бундай автомобиллардан савдо тизимида, коммунал ишларда, қурилишда кенг фойдаланилади. Юклаш-тушириш механизмлари ихчам ва енгил бўлиши, юклаш-тушириш муддати қисқа ҳамда бошқариш хавфсиз бўлиши лозим. Ўзи юкловчи автомобиллари юклаш-тушириш жиҳозларини турига кўра қуйидагиларга бўлинади: айланувчи найзасимон кранли; тебранувчи порталли; юк кўтарувчи бортли; энгашувчи платформали ва олинувчи кузовли.

22-расм. Айланувчи найзасимон кранли ўзи юклагич. Айланувчи найзасимон кранли ўзи юклагичлар универсал автомобиль контейнерларини ташиш учун хизмат қилади (22-расм). Бу турдаги ИЩТ борт платформали автомобиль кабинаси ва орқага бироз сурилган кузов оралиғига ўрнатилган гидравлик кран кўринишидадир. Номинал юк кўтарувчанлиги қуйидагича бўлган кранлар ўрнатилиши мумкин: 0,63т(УКК- 0,63), 1,0т(УКК-1,00) ва 1,25т(УКК-1,25). Юкни ташиш жараёнида кран йиғилган ҳолатда туради ва юклаш- тушириш вақтида 5 минут мобайнида иш ҳолатига келтирилади. Кран қуйидаги асосий қисмлардан ташкил топган: колонна (пастки қисми буриш механизми, юқори қисми эса кўтариш цилиндри ҳисобланади); найза (рама, хартум, гидроцилиндр ва сурилувчи трубадан иборат); ташқи таянчлар; бошқариш узели; гидротизим. Тебранувчи порталли ўзи юклагичлар ўрта ва кичик тоннажли контейнерларни юклаш-тушириш ҳамда ташиш учун ҳизмат қилади. Портал туридаги кранлар автомобиль ёки ярим тиркама рамасига ўрнатилади. Номинал юк кўтарувчанлиги қуйидаги портал кранлар мавжуд: 1,25т (УКП- 1,25), 3,0т (УКП-3,0) ва 5,0т (УКП-5,0). 23-расм. Тебранувчи порталли ўзи юклагич.

Контейнерларни юклаш-тушириш (23-расм) кўндаланг тўсин цапфасига шарнир ўрнатилган портал 1 ёрдамида бажарилади. Портални тебранишини иккита гидроцилиндрлар 2 амалга оширади. Илгакли юк кареткасини кўндаланг силжиши ва илгакни вертикал ҳаракатланиши портални юқори кўндаланг қисмида ўрнатилган гидроцилиндрлар ёрдамида амалга оширилади. Гидравлик юритма ва блоклар тизими ёрдамида нафақат юкни кўтариш ва тушириш, балки уни ҳоҳлаган оралиқ ҳолатда ушлаб туриш мумкин. Гидротизимни юритмаси қувват олиш қутисига ўрнатилган шестерняли насосдан олинади. Қувват олиш қутиси ҳайдовчи кабинасига ўрнатилган ричаг ёрдамида ишга туширилади. Юк кўтарувчи бортли ўзи юклагичлар номинал юк кўтарувчанлиги 0,63т (УГБ-0,63), 1,0т (УГБ-1,00) ва 1,5т (УГБ-1,5) бўлган турлари мавжуд. Автотранспорт воситасига ўрнатиладиган юк кўтарувчи бортлар қуйидаги белгиларига кўра таснифланади: компоновка ечими – бирга ишланган, олинувчи (осма); кўтариш механизмининг тури – тросли, ричагли; гидроюритма тури – гидравлик, электрогидравлик; юк кўтариш узелининг тури – вилкасимон, платформали; юк кўтарувчи бортни ўрнатилиши – автомобилни орқа ёки ёнбош томонига.

24-расм. Юк кўтарувчи бортли ўзи юклагич. 24-расмда келтирилган юк кўтарувчи борт ўзининг конструктив ўзгалигига кўра кузовини ўзгартирмаган ҳолда бир неча турли автообилларда қўлланилиши мумкин. Юк кўтарувчи платформа 1 устига тарам-тарам қилинган пўлат варақ ўрнатилган рамадан иборат. Кўтариш механизми корпус 4, кўтариш рамаси 3, йўналтирувчи ричаклар 2 ва оралиқ звенолардан 7 ташкил топган. Кўтариш рамасини олдинги қисми гидроцилиндр 5 штоки билан шарнир уланган. Гидроцилиндр корпуси кўтариш механизми корпуси билан шарнир туташтирилган. Борт кран 6 ёрдамида бошқарилади. Борт вертикал ҳолатда кузовга лўкидон 8 ёрдамида маҳкамланади. Олинувчи кузовли ўзи юклагичлар саноат, қурилиш ва қишлоқ хўжалик юклари юкланган кузовларни механизациялаштирилган равишда ўзига ўрнатиш ва тушириш билан транспорт ишларини бажаришга мўлжалланган. Олинувчи кузовлар автомобиллар шассисидан осон ва тезда ажратилиб, юклаш-тушириш ишларини бажариш ва вақтинча сақлаш учун таянчларга ёки йўл юзасига ўрнатилади. Олинувчи кузовлар автомобиллар шассисига қайд қилувчи қурилмалар ёрдамида маҳкамланади. Одатда, махсус таянч устунчалар билан жиҳозланган бортли платформалар, ўзи ағдаргич платформалар, фургонлар ва цистерналар олинувчи кузов сифатида ишланиши мумкин. Шасси (25-расм) йўналтиргичли махсус устки рама, учта телескопик кўтаргич (биттаси бўйлама силжитиш, иккитаси кўтариш учун), учи қамрагичли Гсимон балка ва роликли думалатиб тушириш қурилмалари билан жиҳозланган. Гсимон балка вертикал ва горизонтал қисмлардан иборат. Балкани телескопик горизонтал қисми кузовни бўйлама ўқ бўйлаб сурилишини таъминлайди, натижада ағдарилиш нуқтасига нисбатан кузовни оғирлик марказини жойлашуви ўзгаради. Иккита цилиндрларни штоки ричаглар орқали балкани горизонтал қисми билан уланади.

25-расм. Олинувчи кузовли ўзи юклагич. Кузовни олиш учун аввал шасси билан маҳкамловчи қисмлар бўшатилади, сўнгра балкани горизонтал қисмини қисқартириш билан кузов орқага сурилади. Натижада кузов вертикал текисликда балкани маҳкамланган ўқи атрофида бурилади. Кузов роликли думалатиб тушириш қурилмаси бўйлаб ер билан туташганга қадар сурилади. Сўнгра автомобиль аста олдинга ҳаракатланади ва кузовни олдинги қисми майдонга тушади.

Адабиётлар 1. Автомобили. Специализированнўй пожвижной состав. Под ред. М.С.Вўсоцкого, А.И.Гришкевича. Минск.: Вўш.шк.1989.-240с. 2.Вахламов В.К. Техника автомобильного транспорта. Подвижной состав и эксплуатационнўе свойства: М.:2004. -528с. 3.www.ziyonet.uz

O'xshashlar

Ўзи ағдаргич автомобиллар

Автомобил ва автопоезд-фургонлар

Автомобил агрегатларини йиғиш технологик жараёни

Автомобил транспортида юк ташишни ташкил килиш асослари

Иҳтисослаштирилган ҳаракатланувчи таркиб