Миллий барқарорлик ва ижтимоий ўзгаришлар - Manaviyat asoslari - Referatlar

Миллий барқарорлик ва ижтимоий ўзгаришлар

Yuklangan vaqt:

20.09.2019

Ko'chirishlar soni:

0

Hajmi:

17.5419921875 KB

Ko'chirib olish

Миллий барқарорлик ва ижтимоий ўзгаришлар Ўзбекистон тараққиётини таъминлаш мақсадида қандай омилларга таяниб иш кўрилди? Қандай реал натижалар қўлга киритилди? Даставвал, мамлакатимизда иктисодиёт, қишлоқ хўжалиги ҳамда саноат ишлаб чиқариши тизимларини тубдан қайта қуриш ислоҳотлари муваффақиятли амалга оширилди. Истиқлол шарофати билан мамлакатимизда ҳам жамоатчилик фикрини социологик усуллар орқали ўрганиш ишлари йўлга қўйилиб, хал-қимиз турли табақалари вакилларининг ижтимоий ҳаётда юз бераётган воқеаларга бўлган муносабатлари атрофлича ўрганила бошланди. Бугунги кунда республикамизда 10 дан зиёд социологик марказлар аҳолининг турли йўналишлардаги фикр-қарашларини ўрганиб, тегишли тавсия ва хулосаларни оммалаштириб келмоқда. Социологик сўровлар аҳолининг моҳиятан ўзгарган жамиятда янгича тафаккур қилиши, турмуш кечириши ва интилишлари тарзи мамлакатимизда амалга ошириб келинаётган ислоҳотлар билан умуман мувофиқ кечаётганлигидан далолат бермоқда. Даставвал, одамларда ҳаёт қадриятларининг ўзгарганлиги, ўз-ўзига, атроф-муҳитга, давлат ва жамиятга, тарих ва миллий меросимизга бўлган муносабат мазмунининг янгича маъно касб этганлиги қувонарли ҳолдир, Шуни қувонч билан таъкидлаш жоизки, ўтказилган сўровлар натижаларига кўра одамлар Ватан, эътиқод, бурч, виждон сингари қадриятларга катта масъулият ва ишонч билан ёндоша бошладилар. Хусусан, одамлар учун ватан туйғуси эндиликда ўзи кўриб, эшитмаган бегона ўлкалар тимсоли эмас, балки «киндик қони тўкилган юрт» (сўралганларнинг 68%и), «миллат номи билан аталувчи мамлакат» (63%), «тарихий кечмиши ўтган жой» (58%) сифатида талқин этила бошланди. Шунингдек, эътиқод, виждон ва бурч сингари қадриятлар ҳам

маънавий ислоҳотлардан сўнг, инсон ҳаёти, тасаввурлари, орзу- интилишларига бевосита боғлиқ ҳодисалар тарзида англана бошланди. Хусусан, тадқиқотга жалб этилган кишиларнинг аксарияти ўзларининг эътиқодий мўлжаллари кундалик ҳаётий кечинмалари, интилишлари, муаммолари ва орзу-ниятлари билан ҳамоҳанг эканлигини изҳор этдилар. Аҳоли турли қатламлари вакилларининг ўз ҳаётий мўлжалларини мамлакатимизда амалга оширилаётган ижтимоий-иқтисодий ислоҳотларга мувофиқ равишда белгилашлари истиқлол йўлида эришилган буюк зафар-ларимиздан саналади. Бу борада ўсиб келаётган ёш авлод вакилларининг нуқтаи назарлари айниқса эътиборга моликдир. Ёшларнинг бугунги кун ўзгаришларига оптимистик қарашлари, истиқбол режаларининг барқарорлиги уларнинг иқтисодиёт, маърифат, маънавият борасидаги ислоҳотларга муносабатларида айниқса ёрқин намоён бўлмоқда. Ёшлар илм-фанга қизиқиш даражаси, турли касбларни ўзлаштиришдаги интилувчанлик фазилатлари жиҳатидан аҳо лининг бошқа ёшдаги вакилларига нисбатан сезиларли нисбат-ларда устунлик қилмоқдалар. Хусусан, ёшларнинг аксарияти (81%) мамлакатни нурли истиқболга олиб келувчи бош омил сифатида маърифий-интеллектуал ислоҳотларни белгилайдилар. Ёшларнинг сиёсий ўзгаришларга бўлган қарашлари таҳлили ҳам шуни кўрсатадики, кўпчилик ўзбекистонлик ёшлар ўз она-Ватанини бошқа давлатлар билан қиёслаб бўлмайдиган азиз диёр сифатида таъкидлаидилар. Бундай эътироф уларнинг мутлақ кўпчилигида (81,2%) «Бошқа мамлакатларга доимий яшаш учун кетиб қолиш истакларининг йўқлигида», «Ўзбекистон давлотининг фуқароси бўлишдан ифтихор туйғусини ҳис этишларида (89%), «Мамлакатимизда миллий ва фуқаровий тотувлик барқарор» эканлигини англашларида (92,2%) намоён бўлмоқда. Ёшлар билан бирга аҳолининг кўпчилик қисми миллий ва фуқаровий барқарорлигимизнинг асосий гарови сифатида Прези дент И.А. Каримов

томонидан олиб борилаётган доно ички ва ташқи сиёсатни қайд этадилар. Шунингдек, аҳолининг муайян қисми миллий барқарорлигимизга «ўзбекларнинг бағрикенг феъл-атвори» (87,6%), «мамлакатимизда диний эътиқод эркинлигининг мавжудлиги» (61,9%), «инсон ҳуқуқлари талабларига риоя қили-ниши» (69,3%) омиллари ҳам бевосита таъсир кўрсатишини эътироф этадилар. Аҳоли турли табақалари томонидан мамлакатимизда истиқ-лол йилларида юз берган жиддий ижтимоий ўзгаришлардан бири сифатида эътироф этилган жиҳат - юртимизда миллий барқарорлик, тинчлик, тотувликни таъмин этган қонун устуворлиги ўрнатилганидир. «Сизнинг ҳаётингизда мамлакатимиздаги ўз-ўзини бошқа-риш органлари, хусусан, маҳалланинг ўрни ва роли қандай бўл-моқда?» деган саволга турли миллат, ёш ва жинс вакилларининг мутлақ кўпчилиги (60,1%) маҳалла ҳаётимизда «муҳим ва катта роль ўйнамоқда» деган жавобни берганликлари ҳам фикримизнинг далилидир. Дарҳақиқат, маҳалла сўнгги йилларда мамлакатимизнинг ички ва ташқи сиёсатини аҳолининг турли табақалари орасида тарғиб-ташвиқ этишда алоҳида ўрин тутаёт-ганлиги барчага аёндир. Шу нарса эътиборга лойиқки, одамларнинг аксарияти маҳалланинг ижтимоий ҳаётга бўлган таъсири янада юқори бўлишини хоҳлаб фикр билдиргаилар.

O'xshashlar

Динлараро бағрикенглик –тинчлик ва барқарорлик гарови

Маънавият ва ижтимоий адолат. Ижтимоий тоифалар табиати ва маънавияти

Маънавият ва миллий менталитет

Маданий антропология ва миллий менталитет

Ижтимоий мўлжал ва таълим қадриятлари