Мактабгача таълим муассасаларида мултимедиа технологияларини жорий этиш - Maktabgacha va boshlang'ich ta'lim - Referatlar

Мактабгача таълим муассасаларида мултимедиа технологияларини жорий этиш

Yuklangan vaqt:

20.09.2019

Ko'chirishlar soni:

0

Hajmi:

112.5 KB

Ko'chirib olish

Мактабгача таълим муассасаларида мултимедиа технологияларини жорий этиш Режа: 1. Мултимедиа технологияларидан фойдаланиш методикаси. 2. Медиа таълимнинг асосий мазмуни. 3. Мактабгача тайёрлов гуруҳ болаларини саводга ўргатишда мултимедиа технологиясидан фойдаланиш методлари. 4. Мактабгача тайёрлов гуруҳ болаларини саводга ўргатишда мултимедиа технологияларини татбиқ этиш.

Мултимедиа технологияларидан фойдаланиш методикаси. Мултимедиа атамасининг луғваий маъноси (мултим-медиур ёки мултимедиа) иккита сўз йиғиндисидан ташкил топган бўлиб, муити-кўп, медиамуҳит маъносини англатади. Атама илмий ва ўқув адабиётларида «кўп воситалилик», «мултимедия муҳити» «кўп қатламли муҳит», «маълумот ташувчи восита» каби талқин қилиниб келинмоқда 1 . Ҳозирги даврда мултимедиа атамаси кўп қиррали бўлиб, турли ҳил тушунчаларни ифодалашга татбиқ этиб келинмоқда. Масалан, мултимедиа технологияси; мултимедиа маҳсулоти; мултимедиали компютер; мултимедиа дастури ва бошқалар шулар жумласидандир. «Мултимедиа» тушунчасининг адабиётларда ёритилган бир нечта таърифини келтирамиз: «Мултимедиа – деганда турли шаклдаги маълумотларни қайта ишловчи воситалар мажмуаси тушунилади» 2 , « Мултимедиа – бир вақтнинг ўзида турли кўринишдаги ахборотлардан: матн, графика, товуш ва бошқалардан фойдаланишни кўзда тутган фойдаланувчи интерфейсининг контсептсияси», «Мултимедиа бу информатиканинг дастурий ва техникавий воситалари асосида ахборотнинг анъанавий ва оригинал турлари асосида ўқув материалларини ўқувчиларга етказиб беришнинг мужассамлашган ҳолдаги кўринишидир». Мултимедиа бу махсус технология бўлиб, дастурий ва техник моддий таъминот асосида компютерда бир вақтнингт ўзида матнли, тасвирий ахборотни товушли ва ҳаракатли ҳолда ифодалаш имкониятидир. Мултимедиа – тасвирли маълумот билан ишлашга қодир бўлган восита ҳисобланади. Одатда, мултимедиа деганда. турли шаклдаги маълумотларни қайта ишловчи воситалар мажмуаси тушунилади. Мултимедиа – компютер тизимида матн, товуш, видеотасвир ва турли аниматсияларни мужассамлаштириш имконини берувчи замонавий ахборотлар технологиясидир. 1 Aripov M. Informatika va axborot texnologiyasi asoslari. - T.:Universitet, 2001. 2 Adilova S. Multimedia va ularni ta`lim jarayonida qo‘llash // Pedagogikta`lim -T.: TDPU, 2001. № 2. -B. 20- 21

Мултимедиа мазмунидан келиб чиққан ҳолда мултимедиа тушунчасининг қуйидаги таърифини келтириш мумкин: Мултимедиа – бир нечта ахборот турларнинг компютерда ишлов бериш натижасида ҳосл қилинган ва бита дискка жамланган ахборот йиғиндисидир. Мултимедианинг шаклланиш босқичлари унинг асосий техник таъминоти бўлган компютернинг ривожланиши билан боғлиқ. Мултимедиани ташкил этувчи ва уларнинг ривожланиш босқичлари қуйидагилардир: Матн шаклидаги ташкил этувчиси. Дастлаб одамлар ёзувларни тошга ўйиб ёзгандар, қоғоз ихтиро қилингач парранда пати, қалам ва ручкалардан фойдаланиб ёзув ишларини амалга оширганлар. Кейинчалик ёзув машинаси ихтиро этилгач, узоқ йиллар мобайнида улардан фойдаланиб келинди. Ниҳоят, компютерларда «Матн муҳаррири» дастури ўрнатилгач, ёзув ишлари компютерда бажариладиган бўлди 1980 йилдан бошлаб эса компакт дискларга ёзиш ва ундан фойдаланиш йўлга қўйилди, жумладан, 1982 йилда Полйграм компанияси Аудио CД ни ишлаб чиқди, СОНЙ компанияси эса, ўша йили стандарт ёзувларни CД дискларга ёзишни тавсия этди. Натижада, СД дискларда ёзиш технологияси ривожланиб кетди. Айни бир пайтда микрофон ёрдамида нутқ ва мусиқа ёзиш ҳам шаклланди. Видео шаклидаги ташкил этувчиларга видеотасвирлар, графикли тасвирлар, маълумот графиклари ва ҳоказолар киради. Видеотасвирлар дастлаб магнит ленталарида ёзилиб, видеомагнитофонларда намойиш этила бошланди, сўнгра видеотасвирларни ёзиш компакт дискларда амалга оширилди. Мултимедианинг аниматсия самараси. Мултимедиани ташкил этучи ахборот турларидан бири - ахборотлага аниматсия самарасини беришдир. Бу мултипликатсион филмларда рассомнинг чизган қатор чизмалари ва расмларини тез (бир дақиқада 24 кадр тезликда) намойиш этилиши асосида содир бўлади. ҳозирги кунда мултипликатсион филмлар компютерда 3Д.

Флаш дастури асосида яратилмоқда. Мултимедиада эса махсус дастурлар (Поwер Поинт, Макромедиа Флаш, Сwиш, Адобе Прмиере, Медиа Плайер, CД Плайер) орқали амалга оширилади. Бир сўз билан айтганда, таълим муассасалари малакали медиапедагогларни кутмоқда. Аммо бу борада бажарилиши кўзда тутилган ишлар кун тартибида долзарб бўлиб турибди: – таълим муассасаларини компютер техникасига хизмат кўрсатувчи ўрта махсус маълумотли малакали мутахассислар (техник ходимлар) билан таъминлаш; – педагогларини ахборот коммуникация технологияларидан самарали фойдаланишга ўргатиш, уларни қайта тайёрлаш ва доимий малакасини ошириб бориш; – электрон дарс ишланмалари, тестлар мажмуи, электрон кўргазмали қуроллар ва ўқув филмлари яратиш, уларни доимий янгилаб бориш; – ўқув жараёнида компютер техникасидан унумли (кунига 10-12 соат) фойдаланишни йўлга қўйиш; – шу билан бирга, шубҳасиз, барча муассасаларда барқарор электр кучланиши, сифатли телефон алоқаси бўлишини таъминлаш зарур. Ҳозирги кунда барча таълим муассасалари, шу жумладан мактабгача таълим муассасалари замонавий компютер ва ахборот технологиялари воситалари билан жиҳозланмоқда. Бунда тарбиячи педагогларнинг ўз меҳнати фаолиятига янгича ёндашувни, машғулот ўтиш жараёнида тарбияланувчиларнинг билим, малака ва кўникмаларини шакллантириш ҳамда уларни тушунарли ва қизиқарли шаклда ташкил этишда замонавий педагогик ва ахборот-коммуникатсион технологиялардан самарали фойдаланишлари зарурияти пайдо бўлади 3 . Мактабгача таълим муассасаларида таълим-тарбия жараёнида янги компютер ва ахборот-коммуникатсион технологиялар воситаларининг 3 UNICEF to‘plam 2014 y fefral .B.Aminov - Samarqand davlat universiteta

жорий этилиши, педагог-тарбиячиларнинг ахборот технологиялари воситаларидан фойдаланиш малака ва кўникмаларини шакллантириш билан бирга, уларнинг машғулотни ташкил этиш жараёнидаги мақсади, вазифалари ва тутган ўрнини ўзгартиради. Мактабгача таълим муассасалари тарбияланувчиларига таълим беришда ахборот технологияларидан фойдаланиш мураккаб масала ҳисобланиб, кўплаб баҳс-мунозараларга сабаб бўлмоқда. Лекин шунга карамай, мактабгача ёшдаги болаларни тарбиялаш ва уларнинг ҳар томонлама етук инсон бўлиб ривожланишида компютер технологиялари воситаларидан фойдаланиш ўзининг ижобий самарасини бермоқда. Бугунги кунда мактабгача таълим муассасаларида тарбияланувчиларнинг бадиий-мусиқий фаолиятини, матнларни ўқиш, расмларни кўриш ва ажрата билиш тасаввурларини кенгайтириш компютерли ўйин дастурлари орқали фикрлаш ва мустақил қарорлар қабул қилиш бўйича билим, кўникма ва малакаларини шакллантиришда ахборот технологияларидан кенг фойдаланилмоқда. Мактабгача ёшдаги болаларнинг ривожланиши учун мўлжалланган компютерли ўйин дастурларининг барчаси ҳам таълим жараёнида ўз самарасини беравермайди. Шунинг учун ҳам компютер ўйинларини танлаш ва улардан фойдаланиш учун жиддий ёндашув ва эътибор керак бўлади. Компютерли ўйин дастурлари шундай яратилган бўлиши керакки, унда бажариладиган ҳар бир ҳаракат болалар томонидан тўғри қабул қилиниши, бажарилиши ва тасаввур этилиши лозим. Ўйин дастуридаги ҳар бир ҳаракатни бола тушуна олиши, уни қандай бажариш кераклигини ўйлаш ва амалга ошириш имкониятига эга бўлиши лозим. Бундан ташқари, мактабгача таълим муассасаларида тарбияланувчиларнинг ахборот технологиялари бўйича бошланғич саводхонлигини ҳам ошириш зарур, яъни компютернинг умумий тузилиши, асосий қурилмалари тўғрисида умумий тушунчаларни, клавиатурадан фойдалана олиш малакаларини ҳосил қилиш мумкин. Бу ишлар тарбияланувчиларнинг компютер ўйинларидан

фойдалана олиш бўйича малака ва кўникмалари шаклланишида асосий омил бўлиб ҳисобланади. Мултимедиа воситалари асосида таълим-тарбия бериш ҳозирги куннинг долзарб масалаларидандир. Мултимедиа - бу информатиканинг дастурий ва техникавий воситалари асосида аудио, видео, мант, графика ва аниматсия эффектлари асосида ўқув материалларини мактабгача ёшдаги болаларга етказиб беришнинг мужассамланган ҳолдаги кўринишидир 4 . Мултимедиа воситалари асосида мактабгача ёшдаги болаларга таълимтарбия бериш қуйидаги афзалликларга эга: А) берилаётган материалларни чуқурроқ ва мукаммалроқ ўзлаштириш имконияти бор; Б) таълим-тарбия олишнинг янги соҳалари билан яқиндан алоқа қилиш иштиёқи янада ортади; В) таълим-тарбия олиш вақтининг қисқариши натижасида, вақтни тежаш имкониятига эришиш; Г) олинган билимлар киши хотирасида узоқ муддат сақланиб, керак бўлганда амалиётда қўллаш имкониятига эришилади. Демак, компютерли дидактик ўйинлар таълим билан бевосита боглиқ бўлиб, таълим жараёнини амалга оширишга ёрдам қилади. Компютер ва унинг хотирасидаги таълимий ўйинлар биргаликда, мултимедиа технологияси (компютерли таълим) нинг ўйинлар бўйича асосий дидактик воситаси ҳисобланади. Компютер хотирасидаги ўйинлардан ташқари, қўшимча дидактик ўйинлар тайёрлаш мумкин. Медиа таълимнинг асосий мазмуни. Республикамизнинг педагогик олим ва амалиётчилари илмий асосланган ҳамда Ўзбекистоннинг ижтимоийпедагогик шароитга мослашган таълим технологияларини яратиш ва уларни таълим-тарбия амалиётида қўллашга интилмоқдалар. 4 Begmatova N.X. , Aripov M. Multimediya texnalogiyasidan foydalanish 2012 yil

Бу ерда нима учун бугунги кунда педагогик технологияларни илмийназарий асосини яратиш ва амалиётга татбиқ этиш зарурияти туғилди, деган савол пайдо бўлиши мумкин. Жамиятимизга қанчадан қанча билимли кадрларни ва юқори малакали олимларни етиштириб келган педагогика услублари мавжудки, уларнинг эскириб, талабга жавоб бермай қолган жойларини ўзгартириб, миллий тус бериб, фойдаланаверса бўлмайдими? - деган мулоҳазалар ҳам кам эмас. Педагогик жамоатчиликнинг аксарияти, айнан мана шу йўлдан бормоқда. Бу йўл иложсизликдан излаб топилган бўлиб, қисқа муддат хизмат қилиши мумкин. Мустақилликни қўлга киритган ва буюк келажак сари интилаётган жамиятга бу йўл узоқ хизмат қила олмайди. Чунки: - маълум сабабларга кўра жаҳон ҳамжамияти тараққиётдан ортда қолиб кетган жамиятимиз, тараққий этган мамлакатлар қаторидан ўрин олиши учун, аҳоли таълимини жадаллаштириш ва самарадорлигини ошириш мақсадида энг илғор педагогик тадбирлардан фойдаланиш зарурлиги: - анъанавий ўқитиш тизими ёзма ва оғзаки сўзларга таяниб иш кўриши туфайли «Ахборотли ўқитиш» сифатида тавсифланиб, ўқитувчи фаолияти биргина ўқув жараёнининг ташкилотчиси сифатида эмас, балки нуфузли билимлар манбаига айланиб қолганлиги : - фан-техтика тараққиётининиг ўрта ривожланганлиги натижасида ахборотларнинг кескин кўпайиб бораётганлиги ва уларни ёшларга билдириш учун вақтнинг чегараланганлиги: - кишилик жамияти ўз тараққиётининг шу кундаги босқичида назарий ва эмпирик билимларга асосланган тафаккурдан тобора фойдали натижага эга бўлган, аниқ якунга асосланган техник тафаккурга ўтиб бораётганлиги: - ёшларни ҳаётга мукаммал тайёрлаш талаби уларга энг илғор билим бериш усули ҳисобланган объектив борлиққа мажмуавий ёндошув тамойилидан фойдаланишни талаб қилишидадир 5 . 5 Abduazimov O. Multimedia — noyob ne'mat. «Xalq so‘zi» gazetasi, 2002-yil, 28-fevral.

Кейинги 10 йиллар ичида яратилган, педагогикага бағишланган адабиётларда «Педагогик технология», «Янги педагогик технология», «Илғор педагогик технология», «Прогрессив педагогик технология» каби тушунчалар кўп учраб тургани билан, уларнинг ўзбек тилидаги маромига етган таърифи ҳали тузилмаган. Медиа таълим нима? Медиа таълим интерфаол, болага индивидуал таъсир этадиган усул сифатида таълим жараёнига жадал суръатлар билан кириб келмоқда. Медиа таълим болани мустақил фикр юритишга, ижодкорлик фаолиятларини ривожлантиришга, ахборот олиш, уни қайта ишлаш, умумлаштириш, хулоса чиқаришга ўргатади. Ўқув хоналарига матбуот, телевидение, радио, кино, видео ва интернет олиб кирилмокда. Буларнинг барчаси медиа таълим номи билан таълим жараёнини ташкил этишга ёрдам бермоқда. Медиа таълимнинг асосий мазмуни медиамаданият (кино санъати, бадиий телевидение ва бадиий медиа) тилини, унинг тарихини билиш, тушунишдир. Унинг педагогик стратегияси медиаматнларни бадиий таҳлил қила олиш, уни талқин қилиш асосида баҳо беришдан иборатдир. Хулоса ўрнида шуни айтиш керакки, медиа қандай шаклланади, у ҳақиқатни ифодалайдими, кимнинг манфаатини кўзлайди, унинг мазмуни нималардан иборат ва болалар уни қандай қабул қиладилар - бу саволлар ҳозиргача турли мунозараларни туғдирмоқда. Лекин шуни ёдда тутиш керакки, медиа таълимнинг марказида бола шахси туради, унинг қизиқиш, хоҳиш, истакларини ҳисобга олиш, олинган ахборот асосида танқидий фикрлашга ўргатиш керак. Турли давлатлар олимларининг фикрларига кўра, медиа таълим тарбиявий, таълимий аҳамиятга эга бўлиб, болаларни ўқув-билиш жараёнида креатив фикрлашга ўргатади.

Медиатаълимнинг энг муҳим вазифаларидан бири ёш авлодни тобора жадаллашиб бораётган ахборот оқимида, ҳар хил ахборотни олиш, тушуниб етиш, унинг инсон психикасига таъсирини билиш ва ундан тўғри, мақсадли фойдаланишга ўргатишдан иборат. Медиатаълим олинган ахборотни интегратсия қилиш, шу асосида шахсий фикрни билдириш ва қайта олишга чорлайди. Ўз фикрини эркин билдириш, шахсий ривожланиш, турли ахборот хуружларига қарши фикр билдириш орқали ўқувчининг ижтимоий фаоллиги ошади, медиа ахборотдан фаол ва тўғри фойдаланиш маданияти шаклланади. Шу орқали берилаётган ахборот ҳақида фикр юрита бошлайди. Шунинг учун ҳам медиа машғулотлар: • «Бадиий-имитатсияли» - кичик сенарийлар, медиаматнлар тузиш, уни интерфаол усулда намойиш этиш; • Театрлашган вазият ҳосил қилиш (медиаматн асосида айрим эпизодларни саҳналаштириш, медиаматн жараёнини намойиш этиш); • Тасвирий-имитатсия тайёрлаш (афишалар яратиш, фотокўргазма, маълум мавзудаги асарлар расмларини намойиш этиш) кабиларни тушуниш, қўллай олиш кўникмасини ҳосил қилади. Юқоридаги дидактик материалларни тайёрлаш, намойиш этиш, таҳлил асосида хулоса қилиш, эмотсионал қабул қилиш орқали нафис санъатни тушунишга олиб келади. Бу ҳолат боланинг умуминтеллектуал ривожланишида, билим олиши, тарбия топишида муҳим омил бўлиб хизмат қилади 6 . Медиамашғулотлар берилаётган ахборотни қабул қилиш, ўзлаштириш жараёнида иккита янги компонент иштирокини таъминлайди. 1. Медиамашғулотларда компютерлар универсал ҳолда қўлланиши билан характерланади. 2. Анъанавий технологиялар воситалари ёнига дастурли воситалар тўлдирувчи бўлиб киради. Дастурий таъминот айрим мавзуларни ўқитиш ва 6 Maktabgacha ta`lim muassasalari mudiralari uchun o`quv modullari 3-modul:2012 y.

ўзлаштириш учун Медиатаълим қулай муҳит яратади. Унда таълим мазмуни аниқ, равон шакллантирилган бўлади, чизмалар, расмлар, жадваллар, видеофрагментлар, овозли, аниматсион таъминот креатив билан намойиш этилади. Медиамашғулотларнинг афзал жиҳати шундаки, таълим жараёнида болаларнинг мустақил ижод қила олиш қобилиятларини ривожлантиради, Шу муносабат билан медиамашғулотлар мазмунини белгилаш, ташкил этишда фақатгина ўқув фани мазмуни нуқтаи назаридан ёндашмасдан, балки унинг таълимий, тарбиявий, ривожлантирувчи томонларини ҳам ҳисобга олиш керак бўлади. Медиамашғулот ахборотдан фойдаланиш маданиятини шакллантириш, яъни керакли ахборотни олиш, уни янги техник воситалар ёрдамида қайта ишлаш, амалиётда қўллаш кўникмаларини ривожлантиришга қаратилиши талаб этилади. Медиа машғулотлар компютерлаштирилган ўқув хоналарида, мултимедиа пройектор ёрдамида ўтказилади. Бу машғулотни ташкил этишнинг ўзига яраша санитария-гигиена меъёрлари. болаларнинг узлуксиз ишлаш меъёрлари мавжуд: Тарбияланувчилар билан ишлашни қуйидагича ташкил этиш мумкин: * видеофрагментларни фронтал кўриш; * топшириқ, машқларни индивидуал бажариш; * умумий ўқув лойиҳалари, моделли тажриба-синовни амалга оширишда кичик гуруҳларда ишлаш; * медиа машғулотларни ташкил этишда ҳам ўқув жараёнининг ҳамма компонентлари ўз аксини топиши ва компютердаги ва компютерсиз фаолият алмашиб туриши мумкин; * фаоллаштириш (ўқув материалини такрорлаш, материални бирданига ўзлаштириш, компютерда ёки компютерсиз); * билим, кўникма, малакаларни шакллантириш, ўқув ахбороти блокининг моҳиятини билиб, тушуниб олиш ва уни мустаҳкамлаш (компютерда ёки унинг иштирокисиз);

* ўқув материалларини амалда қўллай олишини назорат қилиш (компютер ва компютерсиз). Компютерлашган ўқув хоналарида ўқув фаолиятининг самарали кечиши учун у ерда қўшимча жойлаштирилган ўқув столларидан фойдаланиш мақсадга мувофиқ. Бу ҳолат санитария меъёрларига риоя этиш, боланинг ўқув фаолиятини бошқа жойда ташкил этиш имкониятини яратади. Бундай алмашинувлар болани чарчашдан сақлайди. Агар тарбиячи кўргазмали тасвирлардангина фойдаланса, уларни компютер экранида намойиш этиш билан чекланади. Мактабгача тайёрлов гуруҳ болаларини саводга ўргатишда мултимедиа технологиясидан фойдаланиш методлари. Мактабгача таълим ўқув тарбия фаолиятини ташкил қилиш восита ва усулларини, ўқув тарбия жараёнида келиб чиқадиган муаммолар ва уни ечишни тўғри ҳал қила билиш, инновацион технология усулларидан фойдаланиш, қийинчиликларни тўғри ечимини топишга йўналтиради. Мактабгача таълим-тарбия масалалари энг муҳим асосий педагогик муносабатлар сабабларини аниқлайди, уни педагогик жараёнда ўрганади. Таълим-тарбия масалалари, ҳар бир миллатнинг миллий меросига, умумбашарий қадриятларига боғланган ҳолда мактабгача ёшдан бошлаб ўзлигини англаш, эркин фикрлаш, ғурур туйғуларини шакллантиришга қаратилади. Инновация (инглизча иннаватион) – янгилик киритиш, янгилик демакдир. Инновацион технологиялар педагогик жараён ҳамда ўқитувчи ва талаба ёки ўқувчи фаолиятига янгилик, ўзгаришлар киритиш бўлиб, уни амалга оширишда асосан интерфаол услублардан фойдаланилади 7 . 7 Maktabgacha ta’lim muassasalari uchun modullar T-2012 y ikkinchi nashr 126 b

Ананавий ўқитиш модели Интерфаол ўқитиш методи Афзалликлари Камчиликлари Афзалликлари Камчиликлари Ўқитишнинг тизимлилиги Машғулотларнинг бир қолиплилиги, бир хиллиги Ўқитиш мазмунини яхши ўзлаштиришга олиб келиши Кўп вақт талаб этилиши Ўқув материалларини тартибли изчил берилиши Машғулот жараёнида фақат дастлабки йўналиш берилади, кейинги даражалар уй вазифасига берилади. Ўз вақтида алоқаларнинг таминланиши Болаларни ҳар доим ҳам кераклича назорат қилиш имкониятининг пастлиги Оммавий ўқитишда ресурсларнинг оқилона ҳаражати Иштирокчиларнинг сустлиги ва мустақилликнинг йўқлиги Тушунчаларни амалиётга қоллаш учун шароит яратиш Жуда мураккаб мазмундаги материал ўрганилганда ҳам тарбиячи ролининг паст бўлиши Тарбиячи шахсининг доимий эмотсионал тасири Иштирокчилар ўзаро мулоқотдан Ажратилади, нутқий фаолият суст Ўқитиш методларининг турли хил кўринишлари таклиф этилиши Ташкилий пухталик Суст қайта боғланиш Мативатсиянинг юқори даражада бўлиши Маълум Ўрта меъёрда Ўтилган кўникмаларга эга бўлган ва ёндашув материалнинг эсда яхши сақлаб

аниқ тушунчаларни ўргатишда фойдалидир қолиниши Педагог томонидан ўқитиш жараёни ва ўқитиш муҳитининг юқори даражада назорат қилиниши Бола суст иштирокчи бўлиб қолади Мулоқотга киришиш кўникмаси такомиллашади Вақтдан унумли фойдаланиш Болада мативатсия вужудга келмайди Ўз-ўзини баҳолашнинг ўсиши Аниқ илмий билимларга таянади Бола педагог билан ўзаро муносабатга кира олмайди Мустақил фикрлайдиган бола шаклланади Еслаб қолиш даражаси ҳамма болада бир хил бўлмаганлиги сабабли гуруҳ бўйича ўзлаштириш даражаси паст бўлиши мумкун Мавзунинг мазмунини ўзлаштиради, танқидий ва мантиқий фикрлашни ривожлантиради Мустақил Муаммони ечиш

ўрганиш ва ечимлар қабул қилиш учун шароит яратилмайди кўникмаларининг шакилланиши

Адабиётлар: 1. Ахмедова З., Аюпова М., Хамидова М. Логопедик ўйин. Тошкент2013. 2. М.Аюпова. Логопедия. Тошкент-2007. 3. И.Г. Веретенникова. Логопедическая работа с детьми дошкольного возроста. Тошкент – 1998. 4.Нуркелдиева Д.А., Аюпова М.Ю.,Ахмедова З.М. Бармоқлар машқи ва логопедик ўйинлар. Тошкент “Янги аср авлоди” 2007.

O'xshashlar

Мактабгача таълим муассасаларида машгулотларни ташкил этиш

Мактабгача таълим муассасаларида лой иши машғулотлари

Мактабгача таълим муассасаларида жисмоний тарбия йўриқчисининг вазифалари

Мактабгача таълим муассасаларида турли ёш гуруҳларида қуриш ясашга ўргатиш

Мактабгача таълим муассасаларида лой иши машғулотлари (5 амалий машғулот).docx