Maktabgacha ta’lim muassasalarida loy ishi mashg‘ulotlari (5 amaliy mashg‘ulot) - Maktabgacha va boshlang'ich ta'lim - Referatlar

Maktabgacha ta’lim muassasalarida loy ishi mashg‘ulotlari (5 amaliy mashg‘ulot)

Yuklangan vaqt:

20.09.2019

Ko'chirishlar soni:

0

Hajmi:

294.392578125 KB

Ko'chirib olish

Maktabgacha ta’lim muassasalarida loy ishi mashg‘ulotlari (5 amaliy mashg‘ulot) Plastilin doimiy holda ishga tayyor bo‘ladi. Plastilindan predmetlar tasvirini yaratish mumkin. Plastilin issiqda yumshab, sovuqda qotish xususiyatiga egadir. Shu boisdan plastilin sovuq xonada saqlansa, uni ishlatish oldidan issiq suvga solib olish lozim. Plastilinni qo‘lda ushlanibturilsa, albatta u yumshaydi va ish holati yaxshilanadi. Ammo uni uzoq qo‘lda ushlab turmaslik kerak. Chunki, uni uzoq qo‘lda ushlab turilsa, o‘z holatini yo‘qota boshlaydi. Plastilindan asosan kichik modellarni yasashda foydalaniladi. U sun’iy plastik massa bo‘lib loyga o‘xshab, qurilmasligi va doimo ishlatishga tayyorlash bilan farqlanadi. Plastilinning har xil - oddiy va murakkab turlari mavjud. Loy narsalar yasashda asosiy material hisoblanadi. Chunki u istalgan joyda topiladi, arzon va qayishqoqdir. Loyning tarkibida boshqa narsalar (tosh, qum va shu kabilar) bo‘lmasligi kerak. Loy o‘zining xossasiga ko‘ra yumshoq, yopishqoq, ilashuvchan, yaxshi tekislanish va istalgan shaklga kirish xususiyatiga ega bo‘lishi kerak. Loy bilan ishlaganda asosan oddiy asboblar: oddiy konstruksiyadagi yog‘och va steklardan foydalaniladi. Bunday loyni tayyorlash uchun tuproq tanlanadi. Tuproq jigarrang, qo‘ng‘ir bo‘lib, ular ikki xil xususiyatda, quruq va yog‘li bo‘ladi. Yog‘li tuproq quruq tuproqqa nisbatan namligi yaxshi, yopishqoq, yumshoq, tekislanish va pardozlanish xususiyati yaxshi bo‘ladi. Tuproqni tekshirish odatda bir siqim tuproqni olib, suvga solinadi, yopishqoqligi, ilashimligi tekshiriladi.

Loy tayyorlashni bir necha usullari mavjud. 1-usul: loy tayyorlash mumkin bo‘lgan tuproqni tanlab, uni yaxshilab eziladi va elakdan o‘tkaziladi. So‘ngra uni yog‘och yoki plastmassa idishga solib, suv quyiladi, suv to‘la shimdirilgandan so‘ng 1-2 kun saqlanadi, so‘ngra yana suv quyib, qoriy boshlanadi. Loy yopishqoq, yagona massali, qo‘lga yopishmaydigan, yaxshi silliqlanish va elastiklik holatiga yetguncha ishlanadi. So‘ngra, loyni polietilen xaltaga solib, havo o‘tkazmaydigan holda o‘raladi. Undan bir necha mashg‘ulotda foydalanish mumkin. Chunki, bu holda loyni bir oy, yoki ikki-uch oy yoki yillab saqlash mumkin. Loy qancha ko‘p saqlansa, u shunchalik yopishqoq, elastiklik va silliqlanish xususiyati ortib boradi. 2- usul: Chamasi 1kg tuproq elanadi. Duxovkada 20 minut qizitib, sovugandan so‘ng, 25 gramm paxtani maydalab solinadi. 200 gramm yog‘ quyilib, kerakligicha suv solinadi. Loyga ishlov berilib, qoriladi. Loyni ho‘l matoga o‘rab, polietilen xaltada 2 sutka tindiriladi. Bunday loyni ko‘p marta ishlatsa bo‘ladi. М ashg‘ulotlarda tayyorlab qo‘yilgan loydan ma’lum qismi olinib, unga yana ishlov beriladi. Qo‘lga yopishmaydigan holga kelgunga qadar ishlanadi. Loy qo‘lga yopishmaydigan, lekin o‘z massasiga yaxshi yopishadigan va plastiklik holati yaxshi bo‘lsa, bunday loydan har qanday shakl yasash mumkin bo‘ladi. Tasviriy faoliyat mashg‘ulotlarda yasaladigan materiallar xilma-xildir. Bugungi kunda afzallik polimer loyga (chinni xamir)ga beriladi. Polimer loy yoki chinni xamir Polimer loy yoki chinni xamirning kelib chiqish tarixiga ko‘ra Argentinada ixtiro qilingan bo‘lib, undan ajoyib gullar, shakllar yaratiladi, bugungi kunda bu materialdan noyob mahsulotlarni yaratish imkonini beradi. Vizual qarashda u chinniga o‘xshaydi, undan tayyorlangan mahsulot havoda qotib qoladi. Bunday

materialdan tayyorlangan sovg‘alarni bolalar ham tayyorlashlari mumkin. Sog‘liq uchun xavfsiz, qiymatligi bo‘yicha arzon, yumshoq, u bilan ishlash zavqli va undan yasaladigan narsalar uzoq saqlanadi. Fantaziya, didni rivojlantirishga xizmat qiladigan a’lo darajadagi qiziqish hamdir. To‘g‘ri tayyorlangan chinni xamir o‘zining xossasiga ko‘ra yumshoq, ilashuvchan, yaxshi tekislanish va istalgan shaklga kirish xususiyatiga ega bo‘ladi. Bu mateiral bilan ishlash uchun chuqurlashtirilagan maxsus bilim va ko‘nikmalar shart emasligi, maktabgacha yoshdagi bolalar uchun ayni muddaodir. Bunday loyni tayyorlash usullari xilma-xil. 1- usul:  3 osh qoshiq yelim PVA;  2 osh qoshiq pista yog‘i;  1 osh qoshiq glitserin;  4 osh qoshiq jo‘xori kraxmali; 3/1 ch qoshiq limon kislotasi.  Tayyorlanishi: Barcha ingrediyentlar aralashatiriladi, ishlov beriladi, xamir tayyor bo‘ladi. Xamirni yog‘langan stol ustiga ag‘dariladi, ishlov beriladi. Necha xil rang kerak bo‘lsa, shuncha qismlarga bo‘linib, к erakli rang guash solinadi, (bo‘yash uchun faqat guash ishlatiladi). Xamirni xona haroratida 3 soatga yog‘langan polietilen xaltaga solinadi va tindiriladi. Ishlatishga tayyor bo‘lgan xamirdan loy ishi mahsulotlarini yasagan kabi yasaladi. Xamir 4 haftagacha saqlanadi. 2- usul:  200 gramm jo‘xori kraxmali.  200 gramm yelim PVA.  2osh qoshiqpista yog‘i.  1 osh qoshiq glitserin.  3/1 ch qoshiq limon kislotasi.

Tayyorlanishi: Barcha ingrediyentlar aralashtiriladi. Bug‘li hammomga qo‘yiladi. 7-10 daqiqa ichida aralashma quyilib, xamir tayyor bo‘ladi. Xamirni yog‘langan stol ustiga ag‘dariladi, ishlov beriladi. Necha xil rang kerak bo‘lsa, shuncha qismlarga bo‘linib, kerakli rang guash solinadi (bo‘yash uchun faqat guash ishlatiladi). Xamirni xona haroratida 3 soatga yog‘langan polietilen xaltaga solinadi va tindiriladi. Ishlatishga tayyor bo‘lgan xamirdan loy ishi маҳсулотларини ясаган kabi yasaladi. Xamir 2 haftagacha saqlanadi. Plastilin, loy, polimer loy yoki polimer loy yoki chinni xamir bilan bajariladigan barcha ishlar ko‘lda bajariladi. Plastik materiallar bilan ishlash tasviriy san’atning bir turi hisoblanib, hajmli yoki relyefli obrazlardan butun kompozitsiya yasash tushuniladi. Modellashtirish texnikasi turli va rang- barang bo‘lib, shu bilan birga kichik yoshdagi bolalar ham bajara olish imkoniyatiga egadirlar. Fazoviy tasvirlarni modellashtirishda plastik materiallardan narsalarni yasash ajoyib imkoniyatlarni beradi.

Adabiyotlar ro‘yxati: 1. Takomillashtirilgan “Bolajon” tayanch dasturi. T.: 2016. 2. Maktabgacha ta’limga qo‘yiladigan davlat talablari. T.: 2017 3. “Bilimdon” dasturi. T.: 2014 4. Amirova. G.A., Sulaymonov A.P., Djurayeva B.R. Maktabgacha ta’lim muassasalarda applikatsiya mashg‘ulotlari. T., 2014.

O'xshashlar

Maktabgacha ta’lim muassasalariga jismoniy tarbiya mashg‘ulotlarini rejalashtirish va tashkil etish metodikasi (5-amaliy mashg‘ulot)

Maktabgacha ta’lim muassasalarida mashgulotlarni tashkil etish

Tasviriy faoliyat mashg‘ulotlarini o‘tkazish texnologiyalari (1-amaliy mashg‘ulot)

Maktabgacha ta’lim muassasada applikatsiya ishiga o‘rgatishning vazifalari va turlari (6-amaliy mashg‘ulot)

Maktabgacha ta’lim muassasalarida jismoniy tarbiya yo‘riqchisining vazifalari