Мактабгача ёшдаги болаларни тасвирий қобилияти ва ижодкорлигини ривожлантириш - Maktabgacha va boshlang'ich ta'lim - Referatlar

Мактабгача ёшдаги болаларни тасвирий қобилияти ва ижодкорлигини ривожлантириш

Yuklangan vaqt:

20.09.2019

Ko'chirishlar soni:

0

Hajmi:

84.9677734375 KB

Ko'chirib olish

Мактабгача ёшдаги болаларни тасвирий қобилияти ва ижодкорлигини ривожлантириш Режа: 1 Мактабгача таълим муассасаларида тасвирий фаолият воситасида болаларнинг қобилиятлари ва ижодкорлигини ривожлантириш. 2.Тасвирий фаолиятнинг турлари.

Мактабгача таълим муассасаларида тасвирий фаолият воситасида болаларнинг қобилиятлари ва ижодкорлигини ривожлантириш. Ўзбeкистoн Рeспубликaси Прeзидeнтининг 2016 йил 29 дeкaбрдaги “2017-2021 йиллaрдa мaктaбгaчa тaълим тизимини янaдa тaкoмиллaштириш чoрa-тaдбирлaри тўғрисидa”ги ПҚ-2707-сoнли қaрoри ижрoсини тaъминлaшдa бoлaлaрни мaктaб тaълимигa тaйёрлaш дaрaжaсини тубдaн яxшилaш, тaълимтaрбия жaрaёнигa зaмoнaвий тaълим дaстурлaрини тaтбиқ этиш, мaлaкaли пeдагoг кaдрлaр билaн тaъминлaш, бoлaлaрни ҳaр тoмoнлaмa интeллeктуaл, aҳлoқий, эстeтик вa жисмoний ривoжлaнтириш учун шaрт-шaрoитлaр ярaтиш, тaълим муассaсaлaрининг мoддий тexникa бaзaсини, Мaктaбгaчa тaълим тизимини янaдa тaкoмиллaштириш бўйичa 2017-2021 йиллaргa мўлжaллaнгaн дaстуридa бeлгилaнгaн вaзифaлaрни aмaлгa oшириш чoрa-тaдбирлaри рeжaси ишлaб чиқилди. Мактабгача таълимнинг вазифаси болаларни халқнинг бой миллий, маданий-тарихий мероси ва маънавий ахлоқий жиҳатдан тарбиялаш: болаларда миллий ватанпарварлик ҳисларини шакллантириш, мактабгача ёшдаги болаларда билим олиш эҳтиёжини, ўқишга интилиш мойилликларини шакллантириб, уларни мунтазам равишда таълим жараёнига тайёрлаш, болаларнинг тафаккурини ривожлантириш, ўзининг фикрини мустакил ва эркин ифодалаш малакаларини шакллантириш, болаларнинг жисмоний ва руҳий соғлигини таъминлашдан иборат. Асосий мақсадлардан яна бири замонавий тасвирий санъат орқали болалардаги қобилият ҳамда имкониятларни аниқлаб, уларни тўғри шакллантириш ва юзага чиқаришдир. Тасвирий санъатнинг ўзига хос мураккабликларини тушуниб, унинг нозик қирраларини мактабгача ёшдаги болаларга улашиш маҳоратига эга бўла оладиган тарбиячиларни етиштириб чиқариш вазифаси турибди. Мактабгача таълим муассасаларида тасвирий фаолият воситасида болаларнинг эстетик қобилиятларини шакллантиришда тарбиячининг ўрнибеқиёс. У чуқур билим ва юқори малакага эга бўлиши, бунинг учун

мунтаззам равишда ўз устида ишлаши, ўзининг илмий назарий савиясини тинимсиз кўтариши, илғор тажрибаларга таяниши керак. Давлат умумиллий дастури таълим тизимини тубдан ислоҳ қилиш, уни ҳам шаклан, ҳам мазмунан замон талабларига мослаштириш, таълим сифатсамарадорлигини узлуксиз такомиллаштириб боришга йўналтирилди. Тасвирий фаолияти бўйича мактабгача таълим муассасаси дастури ва мактабда тасвирий санъат дастури болаларда теварак атрофга нисбатан, санъат болаларда эстетик муносабатни тарбиялаш ижодий қобилият ва тасвирлашларини ривожлантиришни кўзда тутади. Мактабгача таълим муассасаси машғулотларида, мактабда муваффақиятли ўқиб кетишлари учун зарур бўлган вазифалар хал этилади. Расм, аппликация, лой ишлари жараёнида болаларда фикр юритишнинг анализ, синтез, такрорлаш, конкретлаштириш кабилар шаклланади. Шунингдек бу жараёнларда болалар жамоада ишлашга, ўз ҳаракатини ўртоқларининг ҳаракатига бўйсундиришга ўрганадилар. Болалар мактабгача таълим муассасасида тасвирий фаолияти машғулотлари болаларда, ўқув фаолиятида зарур бўлган малака кўникмаларни шакллантиради. Мактабгача таълим муассасаларининг тасвирий фаолият бирламчи йўналиши мактабгача ёшдаги болаларни бадиий-эстетик тарбиялаш ҳисобланади. Бу йўналишнинг самараси эстетик йўналишнинг барча воситаларини (театр, мусиқа, бадиий адабиёт, расм чизиш, аппликация ва бошқ.)

комплекс тарзда қўлланилгандагина аниқ бўлади. Мактабгача таълим муассасаларида ўтиладиган “Тасвирий фаолият” машғулотлари болаларга бериладиган эстетик тарбия масалаларини ечишда катта аҳамиятга эга. Чунки тасвирий фаолият ўз хусусиятига кўра бадиий фаолият ҳисобланади. Бадиий фаолият машғулотларининг барча турлари болаларда гўзалликни билиш учун, борлиққа эмоционал-эстетик муносабатни ривожлантириш учун кенг имкониятларни очиб беради. “Тасвирий фаолият” машғулотлари жараёнида: 1. Бадиий дидни тарбиялаш; 2. Амалий бадиий фаолият ва малакаларни ривожлантириш; 3. Фантазия, ижодий фикрлаш ва тасаввур қилиш, идрок қилишни ривожлантириш; 4. Қўлнинг аниқ ҳаракатлари ва бармоқларнинг майда моторикасини ривожлантириш; 5. Касбий бадиий-ижодий фаолият куртакларини намоён бўлиши учун имкон яратиш каби таълимий ва тарбиявий масалалар ҳал этиб борилади. Мактабгача таълим муассасалари учун ишлаб чиқилган такомиллаштирилган “Болажон” таянч дастурининг тузилиши ва мазмунининг таҳлилидан аёнки, кичик гуруҳлардан бошлаб энг кўп вақт тасвирий фаолиятга ажратилган. Агар тасвирий фаолиятнинг турлари - расм (2соат), - аппликация (0,5 соат), - қуриш-ясаш (0,5 соат) - лой ишини (1 соат) қўшиб ҳисобласак, жами 4 соатни ташкил этади. Ҳафталик юклама 12 соатни ташкил этилишини эътиборга оладиган бўлсак, тасвирий фаолият барча фаолиятларнинг учдан бир қисмини ташкил этади. Демак, тасвирий фаолият интегратив мазмун касб этувчи энг катта бўлим ҳисобланади ва фаолиятнинг бошқа турлари билан мантиқий ва

дидактик боғлиқликда амалга оширилади. Бу омил тасвирий фаолият машғулотлари мазмуни ва методикасини фаолиятнинг бошқа турларига ҳамоҳанг тарзда такомиллаштириб бориш лозимлигини англатади. Мактабгача таълим муассасаларида тасвирий фаолият машғулотларда болалар асосан амалий иш бажарадилар, санъат асарларини билан расмга қараб ҳикоя қилиш; мактабда эса тасвирий санъатнинг турлари ранг тасвир, график, ҳайкалтарошлик ва декоратив санъат асарлари билан янада чуқурроқ танишадилар. Мактабгача таълим муассасасида тасвирий фаолият машғулотлари хилма-хилдир: расм чизиш, лой, аппликация, қуриш-ясаш машғулотлари ҳисобланади. Мактабгача таълим муассасасида келтирилган машғулотларнинг ҳаммасига катта аҳамият берилади. Бошланғич синфларда таълим-тарбия масалаларининг муваффақиятли ҳал этилиши, мактабгача таълим муассасаларида олиб бориладиган тасвирлаш фаолияти машғулотлари билан узвий равишда олиб борилади. Болалар гуруҳдаги олиб бориладиган тасвирий фаолият машғулотларида, қалам ҳамда мўйқаламдан эркин фойдаланишга ўз характерини ва қўл кучини идора этишга ўрганадилар. Бу эса, малакани эгаллаш, болаларда қўлини енгил, эркин бир текисдаги ҳаракат қилиш хусусиятларини ривожлантиради. Болалар турли шакл, катталик, пропорциядаги предметларни чизиш жараёнида предметнинг иш хусусиятига қараб йўналишни сақлаш зарурлигига, предметнинг катталигига мос равишда ҳаракатланишга ўрганадилар. Мактабгача таълим муассасаларида олиб бориладиган тасвирий фаолият машғулотларида материалдан тартибли фойдаланишга , уларни тоза сақлашга, фақат зарур материаллардан ҳамда уларни ишлатиш йўлларини режалаштиришга ўрганадилар. Бу машғулотлар болаларда диққатни ва кўриш хотирасини ривожлантиради.

Мактабгача таълим муассасалари тайёрлов гуруҳида натурага қараб расм чизиш ёки тасвирлашга нисбатан талаблар ошади ва бу талаблар мактаб талабига яқинлашади. Натурага қараб тасвирлашда ишнинг кетма- кетлигини кўрсатиб, болалар тайёрлов ва катта гуруҳида ўрганишнинг бошланғич босқичидагина амалга оширилади. Болалар натурани анализ қилишга бутун умумий шаклни хомаки қоғозга тушириб олишга, расмни натурага солиштиришга, хато ва камчиликларини тўғрилашга, натурага ўхшатишга уринадилар. Тасвирий фаолият машғулотларида геометрик шаклларни топа олишга ёки кўра олишга, уларни терминлар билан аташга, кенглиги катталиги, узунлиги, баландлигини, қисмларнинг бир-бирига нисбатан фазовий жойлашишини билан танишишни болаларни мактабни 1-синфда элементар математик тушунчаларини пухта эгаллашларига ёрдам беради. Қуриш-ясаш машғулотларида материаллардан қуриш ясаш болаларда кўз билан чамалашни шакллантиради ва болаларни мактабдаги техник дарсларни эгаллашга ёки ўзлаштиришга ёрдам беради. Шундай қилиб, тасвирий фаолият машғулотларида болалардаги бадиий дид ва ижодий қобилиятлар ўсади ва бу орқали мактабда ўқишга тайёрланиб борилади. Чунки болалар предметлар билан узвий боғланадилар, уларнинг ўзига хос сифатлари, шакли, ранги, катта- кичиклиги билан танишадилар, уларни фарқини, ўхшашлигини аниқлайдилар, бу эсa, болаларни сенсор тарбиялашга, кўргазмали, образли фикр юритишга имкон беради. Тасвирий фаолият болаларни ахлоқий тарбиялайди. Болалар ишларида ўз ҳаётида, жамиятда бўлаётган воқеа-ҳодисаларни aкс эттирадилар, улардан мамнун бўладилар, ҳаяжонланадилар. Тасвирий фаолият жараёнида болаларда ироданинг сифатлари-бошлаган ишини охирига етказиш, олдига мақсад қўйиб, ўшани бажаришга томон интилиш, қийинчиликларни енгиш, ўртоқларига ёрдамлашиш каби хусусиятлар тарбияланади. Жамоа ишини яратиш жараёнида болаларга

бир-бирига ёрдам, келишиб ишлаш каби сифатлари ; ишни баҳолаш жараёнида, уларда ўртоқларининг ишга нисбатан реал муносабатда бўлиш, тўғри баҳолаш, ўз ишидан вa ўртоқларининг ишидан хурсанд бўлиш каби ахлоқий сифатлар шаклланади. Тасвирий фаолият-бу болаларни ўз олдига қўйган мaқсадлaрини бажаришда тинмай мeҳнат қилишга ундовчи фаолиятдир. Тасвирий фаолият болаларга эстетик тарбия беришнинг асосий воситаси ҳисобланади. Ҳар бир предметнинг катта-кичиклигини, рангини, шаклини, фазода жойлашишини ажратиш бу эстетик сезгининг бўлаклари ҳисобланади. Болаларда эстетик сезгининг ривожланиши - ранги, ритми, пропорцияни чуқурроқ сезиш билан боғлиқдир. Бола рангни, шаклни, унинг хилма- хиллигини сезса, шунчалик ранглар аралашмасининг хилма-хиллигидан завқ олади, баҳраманд бўлади. Болаларда эстетик сезгининг ривожланиши, уларда предметга ва унинг баъзи сифатларига нисбатан эстетик баҳо беришни ривожлантиради. Уларда тасвирий санъат асарларини тушунишга, уларга нисбатан ҳис-туйғуни, муносабатни тарбиялайди. Тасвирий фаолият болаларнинг бадиий ижодий ўсишида муҳим ўрин эгаллайди. Боланинг бадиий ижодий ўсиши-бу образли фикр юритиш, эстетик идрок этишни ва образ яратишда зарур бўлган малака, кўникмаларни эгаллаш ҳисобланади. Масалан: табиатга ёки истироҳат боғига сайр, куз фаслида экскурсия уюштириш. Тарбиячи болаларни предмет ёки теварак атрофни кузатишда келиб чиқувчи эстетик ҳистуйғу орқали, теварак-атрофга, кишилар меҳнатига тўғри баҳо бериш, Ватанга нисбатан муҳаббат каби сифатларни тарбиялаш мумкин.

Болаларни ўз ишини яна ҳам чиройли ва яхши бажариш, бошқаларга ёқадиган, улар кўрганда қувонадиган қилиб яратиш - бу бадиий, ахлоқий тарбиялашнинг асосий вазифаси ҳисобланади. Мактабга болаларни тайёрлашда тасвирий фаолият катта аҳамият касб этади. Расм, лой, қуриш материаллари бўйича билим, малакаларини эгаллаш мактабда тасвирий фаолият дарслари ва меҳнат дарсларини муваффақиятли эгаллашларига асос бўлади. Уларни ўқув фаолиятига тайёрлайди: педагогни тинглашга, унинг кўрсатмaларини бажаришга ўргатади. Олдига қўйилган вазифани ҳал этишда, унинг асосий ва муҳим ҳал этиш йулларини излаб топиш бу ўқув фаолиятнинг асосий сабабчиларидан биридир. Тасвирий фаолият жараёнида ўз ишини назорат қилиб бориш, мактабда вазифаларни бажаришда ҳам роль ўйнайди. Шунингдек, бола тасвирий фаолият жараёнида психологик жиҳатдан ҳaм тайёрланиб боради.

Адабиётлар рўйхати: 1. Такомиллаштирилган “Болажон” таянч дастури. Т.: 2016. 2.Мактабгача таълимга қўйиладиган давлат талаблари. Т.: 2017 “Билимдон” дастури. Т.: 2014 3.Амирова. Г.А., Сулаймонов А.П., Джураева Б .Р. Мактабгача таълим муассасаларда аппликация машғулотлари. Т., 2014. 4.Д.Т Сабирова. Мактабгача ёшдаги болаларда тасвирий саводхонлик элементларини шакллантириш. (13.00.01.-Педагогика назарияси ва тарихи ихтисослиги бўйича ёзилган диссертациянинг автореферати). Т.2007

O'xshashlar

Мактабгача ёшдаги болаларни расм чизишга ўргатиш

Мактабгача ёшдаги болаларни мактаб таълимига тайёрлаш технологиялари

Мактабгача ёшдаги болаларнинг теварак атрофни билишида нутқни ривожлантириш технологияси

Мактабгача ёшдаги болаларни расм чизиш фаолиятига ўргатиш (4-амалий машғулот)

Мактабгача ёшдаги болалар шахсининг шаклланиши