Jismoniy tarbiya mashg‘ulotlarini multimedia vositalari orqali tashkil etish (2-amaliy mashg‘ulot) - Maktabgacha va boshlang'ich ta'lim - Referatlar

Jismoniy tarbiya mashg‘ulotlarini multimedia vositalari orqali tashkil etish (2-amaliy mashg‘ulot)

Yuklangan vaqt:

20.09.2019

Ko'chirishlar soni:

0

Hajmi:

397.7666015625 KB

Ko'chirib olish

Jismoniy tarbiya mashg‘ulotlarini multimedia vositalari orqali tashkil etish (2-amaliy mashg‘ulot) Maktabgacha ta’lim muassasalarida multimedia texnologiyasining tatbiq etish sohalaridan asosiysi ta’limdir: ya’ni videoensiklopediya, interfaol yo‘naltirgich, trenajerlar, intellektual o‘yinlar, kompyuter o‘qitish tizimi va masofaviy ta’lim yo‘nalishlaridir. Multimedia tizimini nafaqat oliy va o‘rta ta’lim tizimida, bundan tashqari malakali mutaxassislar tayyorlash markazlarida, maktabgacha ta’lim muassasalarida ham qo‘llash mumkin. Multimedia – (multi – ko‘p, media – muhit) bu zamonaviy texnik va dasturiy vositalardan foydalanib, interfaol dasturiy ta’minot ostida boshqariladigan video va audio effektlarning o‘zaro bog‘liqligi bo‘lib, matn, tovush, grafika, foto, videoni birlashtiradi. Bunda ma’lumot turli axborot tashuvchilarida mavjud bo‘lishi mumkin (magnit va optik disklar, audio va video tasmalar). Multimedianing apparat – dasturiy vositalari foydalanuvchi o‘z ish faoliyatida axborotning matn va grafik shaklidan tashqari yana foydali audio va video fayllar shakllaridan foydalanish hamda o‘zlarining animatsiyali rolik va filmlarini yaratishlari mumkin. Multimedia vositalari – bu foydalanuvchi tovush, video, grafika, matn, animatsiya yordamida muloqotda bo‘ladigan apparat va dasturiy vositalarning yig‘indisi. Grafik va tovush redaktorlari, kartografik axborot va matnlarga ishlov bera oladigan shaxsiy amaliy dasturlar bilan ishlash mumkin. Masalan, oddiy Word redaktorida tayyorlangan faylni grafik faylga aylantirish, bir formatdagi grafik fayllarni boshqa formatdagi grafik fayllarga aylantirish, bir necha multimedia ilovalarini yagona multimedia ilovalariga jamlash, multimedia ilovalarini o‘lchamini, hajmini, sifatini va tuzilishini multimedia dasturlari orqali amalga oshirish mumkin. Bunday dasturlarga Adobe PageMaker, Adobe Photoshop, Adobe Flash, 3D Max kabi dasturlar kiradi.

Maktabgacha ta’lim muassasalarida tashkil etiladigan ertalabki badantarbiya mashg‘ulotlarida chiniqtirish ishlarini yosh xususiyatlarini inobatga olgan, tovush, videoni qo‘llagan holda amalga oshirilsa bolalarda doimiy ko‘nikmalar hosil bo‘ladi. Maktabgacha ta’lim muassasalarida yozgi mavsumda ertalabki badantarbiya mashg‘ulotlarini ochiq havoda bolalarni yosh xususiyatlari yaqin bo‘lgan guruhlarni jamlagan holda tashkil etiladi. Multimedia vositalaridan foydalanish jarayonida tarbiyachi bolalarga mashqlarni oyna tarzida (qarama-qarshi) ko‘rsatgan holda bajaradi. Bu esa bolalarning jismoniy tarbiya yo‘riqchisi bilan birgalikda jismoniy mashqlarni bajarishi, mashqlarni to‘g‘ri bajarishga qiynalayotgan bolalarga amaliy yordam berish imkonini beradi. Shu bilan birga, maktabgacha ta’lim muassasalarini zamonaviy texnik vositalar bilan ta’minlanishi tarbiyachilarga

ta’lim jarayonida qulaylik yaratibgina qolmay, balki bolalarni bilim olishga bo‘lgan qiziqishlarini ham oshiradi. Maktabgacha ta’lim muassasalarida axborot texnologiyalaridan foydalanish turli ko‘rinishda tashkil etiladi. Masalan, bajarilishi lozim bo‘lgan harakatlar videoproyektor orqali ekranda bolalarga namoyish etiladi. Kichik guruhlarda bolalar umumrivojlantiruvchi mashqlarni tarbiyachining harakatlarini kuzatgan holda quyidagicha bajaradilar: - turgan joyida oddiy yurish; - tizzalarini balandga ko‘tarib yurish; - qo‘llarini yuqoriga ko‘tarigan holda oyoq uchida yurish; - turgan joyida qo‘llarini belga qo‘ygan holda tavonda yurish; - turgan joyida qo‘llarini beliga qo‘ygan holda sakrash; - turgan joyida qo‘llarini yuqoriga ko‘tarib qarsak chalib sakrash; - o‘ng va chap tomonga qadam tashlab harakatlanish; - engashish, o‘tirib turish kabi. - O‘rta guruh tarbiyalanuvchilari uchun berilgan harakat turlari murakkablashtiriladi. Ekran orqali namoyish etiladigan multimediani kuzatgan holda bolalar quyidagi harakatlarni bajarishadi: - boshni aylantirish;

- qo‘llarni oldinga va orqaga aylantirish; - bel uchun harakatlar; - oyoq uchun harakatlar; - bir oyoqda sakrash; - ikki oyoqda turgan joyida sakrash kabi. Katta va tayyorlov guruhlarida multfilm qahramoni o‘rniga oddiy bola siymosida tana qizdiruvchi mashqlardan boshlab qatorlarga bo‘linish turlari, umumrivojlantiruvchi mashqlar hamda asosiy harakat turlarini bajarish jarayoni multimedia ilovalari orqali olib borilishi mumkin. Masalan: chambarak orasidan o‘tish, skameykada qomatni tik tutib yurish, sakrab qo‘ng‘iroqchani chalish, chopish va yugurib kelib uzunlikka sakrash amalga oshirilsa yo‘riqchi va tarbiyachi tomonidan nazorat qilinib turiladi.

Multimedia taqdimotlari bolalarning barchasiga ko‘rinadigan va harakatlanishiga to‘sqinlik qilmasligi lozim. Bolalar ekranda namoyish etilayotgan harakatlarni qaytarishadi, jismoniy tarbiya yo‘riqchisi bolalar tomonidan bajarilayotgan harakatlarning aniqligini nazorat qilib boradi.

Adabiyotlar ro‘yxati: 1. Takomillashtirilgan “Bolajon” tayanch dasturi. T.: 2016. 2. “Maktabgacha ta’limga qo‘yiladigan davlat talablari”. T.: 2017 3. Nuriddinova M. M. «Maktabgacha ta’lim muassasalarida jismoniy tarbiya yo‘riqchilari uchun me’yoriy hujjatlar majmui». T.: “Muxarrir”, 2013. 4. R.J.Ishmuxamedov, M.Yuldashev. Ta’lim va tarbiyada innovatsion pedagogik texnologiyalar. T.: “Nihol” nashriyoti, 2013 5. Abduqodirov A.A., Ishmuxamedov R., Pardayev A. Ta’limda innovatsion texnologiyalar. T.: Iste’dod, 2008.

O'xshashlar

Maktabgacha ta’lim muassasalariga jismoniy tarbiya mashg‘ulotlarini rejalashtirish va tashkil etish metodikasi (5-amaliy mashg‘ulot)

Jismoniy tarbiya mashg‘ulotlaridagi asosiy harakat turlari (4-Amaliy mashg‘ulot)

Tasviriy faoliyat mashg‘ulotlarini o‘tkazish texnologiyalari (1-amaliy mashg‘ulot)

Bolalarning kundalik hayotida jismoniy tarbiya bo‘yicha ishlarni tashkil etish

MTMda tabiat bilan tanishtirishning mazmuni (2-Amaliy mashg‘ulot)