Ўзбек Халқининг Театр Санъати - Madaniyatshunoslik - Referatlar

Ўзбек Халқининг Театр Санъати

Yuklangan vaqt:

20.09.2019

Ko'chirishlar soni:

0

Hajmi:

61.5 KB

Ko'chirib olish

Ўзбек Халқининг Театр Санъати Режа: 1. Театр санъати тарихига назар 2. Жадидчилик ҳаракати даврида театр санъати 3. Театр санъатида миллийлик 4. Фарғона театр мухити 5. Фарғона вилояти ўзбек театри фаолияти

Театр санъати тарихига назар Ҳозирги Ўзбекистон заминида театр санъати қадим замонлардан кенг ёйилган оммавий ва севимли санъат бўлган. У шакл, воситалар жиҳатидан яқин шарқ мамлакатлари театрларига ўхшаб кетади. Бундай театр санъати азалдан қўғирчоқбозлик, халқ театри, анъанавий театр сифатида ривож топган. Манбаларга қараганда XVIII аср охири, XIX аср ҳамда XX аср бошларида ҳар қайси хонлик территориясида ўзига хос халқ театри мавжуд бўлганлиги аниқланган. Халқнинг этник маданиятидан келиб чиқиб бир- биридан фарқ қилувчи Бухоро, Фарғона ва Хоразм халқ театрлари майдонга келган. Қўқон шаҳрида ташкил этилган халқ театри труппаси хон ўрдаси қошида бўлиб, бунга Зокир Эшон раҳбарлик қилган. Бу труппада 20га яқин қизиқчи ва артистлар бўлган. Жумладан, Бухоро амирлиги ва Хива хонлиги тасарруфида ҳам шундай театрлар мавжуд бўлган. Жадидчилик ҳаракати даврида театр санъати Жадидлар театр санъатининг аҳлоқий маданиятини шакллантиришдаги ролига берган аҳамияти ҳам ибратлидир. Улар томонидан «Турон» номли драматик жамият ташкил этилди. Абдулла Қодирийнинг «Бахтсиз киёв», Хамзанинг «Заҳарли ҳаёт» драмалари қўйилди, Беҳбудийнинг «Падаркуш», Фитратнинг «Мунозара», Қудратиллонинг «Тўй» каби драмалари дунёга келди. М.Беҳбудий театр санъатини ривожига эмас, театршунослик фани тараққиётига ҳам катта ҳисса қўшган. Унинг фикрича, театр санъати ўзбек халқи тараққиётига тўсқинлик қиладиган барча иллатларни очиб ташлаши зарур, бу билан у катта ижтимоий тарбиявий вазифани бажаради. Театр ибратхонадир, театр ваъзхонадир, театр қалб ойнасидур-деб ёзади Бехбудий. Тараққий қилган миллатлар театрхоналарни улуғлар учун мактаб ва ибрат атайдурлар. Театрдан таъсирланиб, ёмон одатларни тарк этиб, яхшиликни зиёда ишламоққа сабаб бўлур -деб шарҳлайди. Умуман олганда

Жадидчилик харакати намоёндалари миллий театр санъати ривожига кўприк бўлиб хизмат қилганлар. Театр санъатида миллийлик ХХ -асрнинг 20 -йилларига келиб -Ўзбекиистонда профессинал театрлар вужудга кела бошлади. Шўро мафкураси хукмрон бўлса ҳам ташкил топган театрлар репертураларида миллий асарлар, вужудга кела бошлади ва театр артистларининг бутун бир авлоди етишиб чиқа бошлади. Масквада консерватория қошида, ўзбек театр студияси очилди. Келгусида машҳур бўлган санъаткорлар илм олдилар. «Халима», «Лайли ва Мажнун», «Тохир ва Зухра», «Алпомиш», «Майсаранинг иши», «Гул ва Наврўз», «Бой ила хизматчи», «Зайнаб ва Омон», «Муқанна», «Рустам», «Юсуф ва Зулайхо»сингари саҳна асарлари дунёга келди. Хозирда Республикамизда 40га яқин театрлар мавжуд бўлиб, миллий академик театр, Навоий номидаги опера ва балет театри, Муқимий номли мусиқали драма ва комедия театри, рус академик театри ва қўғирчоқ театрлар, вилоятларда мусиқали драма ва комедия театрлари фаолият кўрсатмоқда. Театр санъатининг бутун бир неча авлоди мунтазам ижод қилдилар. Маннон Уйғур, Етим Бобожонов, Сора Эшонтўраева, Олим Хўжаев, Шукур Бурхонов, Аброр Хидоятов, Лутфихоним Саримсоқова, Раззоқ Хамроев, Халима Носирова, Наби Рахимов, Ёқуб Ахмедов, сингари ажойиб актёрлар ижод қилдилар. Ўзбек актёрлари миллий санъатимизга хос асарлар билан бир қаторда жахон классикларини асарларини ҳам маромига етказиб ўйнадилар. Аброр Хидоятов ижро этган «Отелло», Шукур Бурхонов ўйнаган «Шох Эдип», Наби Рахимов ижро этган «Яго», образлари жахон театри ижрочилиги салномасидан мустахкам ўрин олди. Вилоятларда ижод қилган Аббос Бакиров, Солижон Ахмедов, Зуннун Мадалиев, Занжирали Мирзатов, Омон Беганжиев, Танаберди Қурбонов сингари актёрлар ўзбек театр санъати ривожига салмоқли хисса қўшдилар.

Аброр Хидоятов (1900-1958) Аброр Хидоятов Тошкент шахрида Дегрез махалласида туғилди. Маннон Уйғур қўлида тарбия топди. 1924-1927 йилларда Москвада театр студиясида таълим олди. Хамза номли кадемик драма театрида иш фаолиятида 100дан ортиқ образ яратди. У яратган «Отелло», «Ғофир», «Мажнун», «Гамлет» образлари ўзбек театр санъатининг ёрқин образларига айланди. Аброр Хидоятов -ўзбек актёрлик санъатидаги романтик йўналишга асос солган, мактаб яратган буюк санъаткор. Ўзининг қайтарилмас образлари билан ўзбек театри тарихида ўчмас саҳафалар қолдирди, санъатимиз довруғини оламга ёйди. Унинг номига Тошкент шахрида театр қуйилган. Шукур Бурхонов (1916-1988) Машҳур актёр Шукур Бурхонов Тошкент шахрда таваллуд топди. Бир умр Хамза номли академик театрида ижод қилиб 200дан ортиқ образларни яратди. Айниқса у яратган «Шох эдип», «Ғофир», «Брут», «Гамлет», «Сулаймон ота» образлари унинг ижодини сартожи бўлди ва бутун дунёга танилди. «Ўзбекфилм» киностудиясида яратилган Ялангтўш, Қоработир,Улуғбек образлари унутилмас образлар қаторига киради. Кинода ҳам 50 дан ортиқ образлар яратди. Шукур Бурхонов камтарин, халол, инсон эди. У ўзбек театр санъатида ўзининг мактабини яратган эди. Шукур Бурхонов театр ва кино санъатининг ёрқин юлдузи, томошабинларнинг севимли актёри эди. Олим Хўжаев (1910-1977) Олим Хўжаев Бухоро шахрида туғилди. Москва ва Боку театр студияларида таълим олди. Олим Хўжаев ўзининг 45 йиллик ижоди давомида Хамза театрида ўзбек, жахон классикасининг энг яхши намуналаридан 100га яқин

ролларни ижро этди. У яратган Қирол Лир, Навоий, Гамлет, Цезар образлари, кинода яратган Хамза, Хўжа Ахрор, Давронбек, Солиҳ Маҳдум образлари томошабинлар юрагидан бир умрга жой олди. У таниқли режиссёр сифатида, жамоат арбоби сифатида машҳур эди. Ўзбек санъатининг вакили Олим Хўжаевни жахон санъат ахли ҳам яхши биларди. Олим Хўжаевнинг ижодий диапазони кенг эди. Унинг номига Сирдарё вилояти театри, Бухоро маданият техникуми, Тошкентда мактаб, кўчалар қўйилган. Фарғона театр мухити Миллий мафкурамизни халқимиз онгига синдиришда театрнинг ўрни беқиёсдир. Ҳурматли Президентимиз миллий академик драма театрининг янги биносини очилиш тантанасида бир ибора айтдилар: -Театр халқчил бўлиш лозим. Миллий истиқлол ғоясини тарғиботи театрлар зиммасига ҳам маъсулият юклайди. Театр миллий мафкурамизнинг бош бўғинидир. Ушбу сўзлар билан театр санъати олдида хозирги кунда ҳам долзарб вазифалар турганлигини мамлакатимиз раҳбари ҳам таъкидлаб ўтдилар. Театрга азалдан халқимиз интилиб яшаган. Халқимизнинг севимли маскани хисобланган. Фарғона вилоятида 4 та давлат театри мавжуд бўлиб, вилоят театри, рус драма театри, вилоят қўғирчоқ театри ва бир неча халқ театрлари ижод қиладилар. Ушбу театр жамоалари барча даврларда ҳам Республикамиз театр жамоалари орасида ўзларининг алоҳида мавқеларига эга бўлиб келганлар. Ўз асарлари билан халқимизга манзур бўлган. Вилоятимизда ижод килган Ўзбекистон халқ артистлар Сулаймон Қосимов, Мамадали Хайдаров, Солижон Ахмедов, Яхёхон Маматхонов, Занжирали Мирзатов, Муроджон Ахмедов, Зуннун Мадалиев, Хафизахон Иброхимова, Жалолиддин Охунов, Рашидхон Содиқов, Рахимахон Мазохидова, Ёрқиной Хатамова, Холматжон Икромов, сингари санъаткорлар вилоят театр санъатининг ривожида мухим ўрин тутганлар ва Республикамиз миқиёсида ҳам ўзларининг ижодий

мавқеларига эга бўлганлар. Улар яратган образлар халқимиз дилидан жой олган бўлиб, хозиргача мароқ билан эслашади. Хозирда уларнинг ўрнини қатор ёш санъаткорлар эгаллашган. Сўнги йилларда ҳам вилоят театр жамоалари имкониятлардан келиб чиқиб давр талабига жавоб берган холда асарлар яратишиб халқимизни хушнуд қилмоқдалар. Фарғона вилояти ўзбек театри фаолияти Юсуфжон қизиқ Шакаржонов номли вилоят мусиқали драма ва комедия театри Республикамизда отахон театрлардан саналади. Ўзининг 75 йиллик тарихи мобайнида 300 дан ортиқ саҳна асарлари саҳналаштирилди, юзлаб актёр ва режиссёрлар ижод қилдилар. «Тохир ва Зухра»,«Фарход ва Ширин», «Лайли ва Мажнун», «Гул ва Наврўз», «Бахтиёр гадолар», «Аршин мололон», «Ревизор», «Ўтган кунлар», «Мухаббат ёдгори» асарлари театр саҳнасида завқ билан ўйналган. Театр жамоаси сўнги 15 йилда энг юқори чўққиларга кўтарилди. Шароф Бошбековнинг талантли режисёр Олимжон Салимов томонидан саҳналаштирилган «Темир хотин» жиддий комедияси 1989 йилда Бишкек шахрида бўлган Ўрта Осиё ва Қозоғистон театрларининг халқаро «Наврўз» фестивалида энг олий грамприн мукофотига сазовор бўлди ва Ўзбекистон халқ артисти хозирда театрнинг бош режисёри Муҳаммадсоли Юсупов энг яхши эркак рол ижрочиси мукофоти совриндори бўлди. Бу спектакл Москва, Украина сахналарида ўйналди.Марказий телевидения орқали синхрон таржима билан намойиш қилинди. «Тошкентга саёхат» спектакли 1991 йилда Тошкентда бўлган ана шу «Наврўз» фестивалида биринчи ўринни олди. Яна Муҳаммадсоли Юсупов иккинчи марта энг яхши эркак роли совринига сазовор бўлди. Жамоа бу спектакл билан Полpша давлатининг Торин шахрида бўлиб ўтган «Контакт -94» халқаро театр фестивалида қатнашиб Америка, Италия, Япония, Германия сингари 30 га яқин давлатларнинг театрлари орасида юқори баҳо олди. Сўнги йилларда жамоа «Амир Темур ва Тўхтамишхон»,

«Осомонга сиғмаган мухаббат», «Кампир топайми дадажон», «Чимилдиқ», «Юракдаги фарёд» ва «Турмуш чоррахаларида» сингари асарлари билан томошабинларни хушнуд қилмоқдалар. Муроджон Ахмедов (1918 -1987) Муроджон Ахмедов Қўқон яқинидаги «Афғонбоғ» қишлоғида туғилди. Дастлабки саводини ғижжакчи Тошпўлат акадан олди. Мухторжон Муртазаев уни санъатни ёрқин йўлига олиб чиқди. Таниқли режиссёр Занжирали Муртазаев театрга олиб келди. 50 йиллик ижодини театр санъати билан боғлади, хилма -хил роллар ижро этди. «Тохир ва Зухра» да Тохир, «Лайли ва Мажнун» да Мажнун, «Равшан ва Зулхумор» да Равшан, «Гул ва Наврўз»да Наврўз роллари билан томошабинлар қалбини забт этди. Ҳофизлик борасида мактаб яратди. «Бу оқшом», «Эҳтиёж», «Айтинг», «Эй сарви равон», «Узоқдан келаётибман», «Топмадим», «Ўзбекистоним», «Юксал Ватан» сингари қўшиқларни бетакрор ижросини яратди. Айниқса «Ўтган кунлар» филмидаги «Ўртар» қўшиғи унинг ижодини гултожиси бўлди. Муроджон Ахмедовга «Ўзбекистон Халқ артисти» унвони берилган бўлиб, халқимиз қалбида абадий сақланади. Жалолиддин Охунов (1932-1996) Қайтарилмас, ранг-баранг образларни яратган Жалолиддин Охунов Фарғона шахрининг янгичек махалласида тавалуд топди. 52 йиллик ижодий фаолиятини Фарғона театри билан боғлади. 200дан ортиқ хар-хил образлар яратди. «Бой ила Хизматчи» да Ғофир, «Тохир ва Зухра» да Тохир, кейинчалик Хон Бобохон, «Сўнмас чироклар» да Мозорбек, «Ревизор» да шахар хокими, «Майсаранинг иши» да қози, «Темир Хотин» да домла синг ари образлари орқали халқ хурматига сазовор бўлди. Айниқса «Қумрининг муроди» мусиқали драмасидаги Нурохун образи унинг ижодининг гултожиси

бўлди. Ҳофизлик санъатида 100дан ортиқ қўшиқлар ижро этди. Айниқса «Кўз етмас», «Раққосага», «Барнога ўхшатдим», «Биз қашқардан чиққанда» сингари қўшиқлари жуда машҳур бўлган. Жалолиддин Охуновга 1970 йилда «Ўзбекистонда хизмат кўрсатган артист» 1980 йилда «Ўзбекистон Халқ артисти» фахрий унвонлари берилган. Бу ҳурмат санъаткорга бўлган юксак эҳтиромдир. Фарғона шаҳрида ўзи тавалуд топган кўчага унинг номи қўйилган бўлиб, халқимизнинг доимий ардоғидадир.

Фойдаланилган адабиётлар 1. И.Каримов “Ўзбекистон XXI-аср бўсағасида: хавфсизликка тахдид, барқарорлик шартлари ва тараққиёт кафолатлари” Тошкент 1997й. 2. “Миллий истиқлол ғояси: асосий тушунча ва тамойиллар” Тошкент «Ўзбекистон» 2000 й. 3. «Маънавият ва комиллик» Тошкент 1997 й.

O'xshashlar

Ўзбек халқининг кино санъати

Ўзбек халқининг рақс санъати

Ўзбек халқининг мусиқа мероси тарихига назар

Ўзбек халқининг маданияти, миллий урф - одатлар негизида

Мустақиллик йилларида Узбекистонда миллий кадриятларнинг тикланиши ва маданият тараккиёти