Ректификацион колонналарнинг тузилиши - Konchilik ishi - Referatlar

Ректификацион колонналарнинг тузилиши

Yuklangan vaqt:

20.09.2019

Ko'chirishlar soni:

0

Hajmi:

426.5 KB

Ko'chirib olish

Ректификацион колонналарнинг тузилиши Режа: 1.Даврий ишлайдиган ректификацион колонналар 2.Узлуксиз ишлайдиган ректификацион колонналар 3.Ректификацион колонналар ёрдамчи курилмалари 4.Тарелкали ректификацион колонна 5.Тарелкаларнинг турлари 6.Роторли контакт курилмаси 7.Насадкали ректификацион колонналар 8.Пленкали ректификацион колонналар 9.Ректификацион колонналарни хисоблаш ва лойихалаш

Таянч иборалар Ректификацион колонна, дефлегматор, флегма, флегма сони, конденсатор, тарелка , насадка, плёнка, барботаж. Даврий ишлайдиган ректификацион қурилмалар. Кичик ишлаб чиқаришларда даврий ишлайдиган ректификацион қурилмалар қўлланилади. Дастлабки аралашма ҳайдаш кубига берилади. Куб ичига иситувчи змеевик жойлаштирилган бўлиб, аралашма қайнаш температурасигача иситилади. Ҳосил бўлган буғлар ректификацион колоннанинг охирги тарелкасининг пастки қисмига ўтади. Буғ колонна буйлаб кўтарилган сари енгил учувчан компонент билан тўйиниб боради. Дефлегматордан колоннага қайтган бир қисм дистиллят флегма деб юритилади. Флегма (суюқ фаза) колоннанинг энг юқори тарелкасига берилади ва пастга қараб ҳаракат қилади. Суюқ фаза пастга ҳаракат қилишида ӯз таркибидаги енгил учувчан компонентни буғ фазасига беради. Буғ ва суюқ фазаларнинг бир неча бор ўзаро контакти натижасида буғ фазаси юқорига ҳаракат қилгани сари енгил учувчан компонент билан тўйиниб борса, суюқлик эса пастга томон ҳаракат килгани сари таркибида қийин учувчан компонентнинг миқдори ошиб боради. Колоннанинг юқориги қисмидан буғлар дифлегматорга ўтади ва у ерда тўла ёки қисман конденсацияга учрайди. Буғлар тўла конденсацияланганда ҳосил бўлган суюқлик ажратгич ёрдамида икки қисм (дистиллят ва флегма)га ажралади. Охирги маҳсулот (дистиллят) совитгичда совитилгандан сўнг, йиғиш идишига юборилади. Кубда қолган қолдиқ суюқлик керакли таркибига эришгандагина жараён тӯхтатилади, қолдиқ туширилади ва цикл қайтадан бошланади. Қолдиқни тегишли таркибга эга бўлишини унинг қайнаш температурасига қараб аниқланади(13-расм). Узлуксиз ишлайдиган ректификацион қурилмалар. Бундай қурилмалар саноатда кенг ишлатилади. Узлуксиз ишлайдиган

ректификацион қурилманинг принципиал схемаси 14 – расмда кўрсатилган Қурилманинг асосий қурилмаи ректификацион колоннадир. Колонна цилиндрсимон шаклда бўлиб, унинг ичига тарелкалар ёки насадкалар жойлаштирилган бўлади. 13- расм. Даврий ишлайдиган ректификацион қурилма схемаси: 1-ҳайдаш куби; 2-ректификацион колонна; 3-дефлегматор; 4-ажратгич; 5- совиткич; 6,7-йиғгичлар 14- расм. Узлуксиз ишлайдиган ректификацион қурилма схемаси: 1-иситгич; 2-ректификацион колонна; 3-дефлегматор; 4-ажратгич; 5- совитгич; 6-дистиллят йиғгич; 7-қайнатгич; 8-қолдиқ маҳсулотни йиғгич

Дастлабки аралашма иситгичда қайнаш температурасигача иситилади, сўнгра колоннанинг таъминловчи тарелкасига юборилади. Таъминловчи тарелка қурилмани икки қисмга (юқориги ва пастки колоннага) бўлади. Юқориги колоннада буғнинг таркиби енгил учувчан компонент билан бойиб боради, натижада таркиби тоза енгил учувчан компонентга яқин бўлган буғлар дифлегматорга берилади. Пастки колоннадаги суюқлик таркибидан максимал миқдорда енгил учувчан компонентни ажратиб олиш керак, бунда қайнатгичга кираётган суюқликнинг таркиби асосан тоза ҳолдаги қийин учувчан компонентга яқин бўлиши керак. Шундай қилиб, колоннанинг юқориги қисми буғ таркибини оширувчи қисм ёки юқориги колонна деб аталади. Колоннанинг пастки қисми эса суюқликдан енгил учувчан компонентни максимал даража ажратувчи қисм ёки пастки колонна деб аталади. Колоннанинг пастидан юқорига қараб буғлар ҳаракат қилади, бу буғлар колоннанинг пастки қисмига қайнатгич (иссиқлик алмашиниш қурилмаи) орқали ўтади. Қайнатгич одатда колоннанинг ташқарисида ёки унинг пастки қисмида жойлашган бўлади. Бу иссиқлик алмашиниш қурилмаи буғнинг юқорига йӯналган оқими ҳосил қилинади. Колоннанинг теппасидан пастга қараб суюқлик ҳаракат қилади. Буғлар дефлегматорда конденсацияга учрайди. Дифлегматор совуқ сув билан совитилади. Ҳосил бўлган суюқлик ажратгичда икки қисмга ажралади. Биринчи қисм флегма колоннанинг юқори тарелкасига берилади. Шундай қилиб, колоннада суюқ фазанинг пастга йӯналган оқими юзага келади. Иккинчи қисм – дистиллят совитилгандан сўнг йиғгичга юборилади. Дефлегматорда буғлар тўла ёки қисман конденсацияга учрайди. Биринчи ҳолда конденсат иккига бўлинади. Биринчи - қисм флегма қурилмага қайтарилади, иккинчи қисм эса дистиллят (ректификат) ёки юқори маҳсулот совутгичда совитилгандан сўнг, йиғиш идишига юборилади.

Иккинчи ҳолда эса дефлегматорда конденсацияга учрамаган буғлар совитгичда конденсацияланади ва совитилади: бу ҳолда ушбу иссиқлик алмашиниш қурилмаи дистиллят учун конденсатор – совутгич вазифасини бажаради. Колоннанинг пастки қисмидан чиқаётган қолдиқ ҳам икки қисмга бўлинади. Биринчи қисм қайнатгичга юборилади, иккинчи қисм (пастки маҳсулот) эса совитгичда совитилгандан сўнг йиғиш идишига тушади. Ректификацион қурилмалар одатда назорат-ӯлчаш ва бошқарувчи асбоблар билан жиҳозланган бўлади. Бу асбоблар ёрдамида қурилманинг ишини автоматик равишда бошқариш ва жараёнсни оптимал режимларда олиб бориш имкони туғилади. Ректификацион қурилмалар асосан икки турга бӯлинади: 1) поғонали контактли қурилмалар (тарелкали колонналар); 2) узлуксиз контактли қурилмалар (плёнкали ва насадкали колонналар). Тарелкали, насадкали ва айрим плёнкали қурилмалар ички тузилиши (тарелка, насадка) га кўра абсорбцион колонналарга ўхшаш бўлади. Ректификацион калонналарни ҳисоблаш ҳам бир ҳар типдаги абсорбцион қурилмаларни ҳисоблашдан фарқ қилмайди. Фақат дастлаб юқориги ва пастги колонна алоҳида ҳисобланади, сўнгра ректификацион қурилманинг умумий иш баландлиги аниқланади. Ректификацион калонналар (абсорберлардан фарқли) қӯшимча иссиқлик алмашиниш қурилмалари (иситгич, қайнатгич, ҳайдаш куби, дефлегматор, конденсатор, совитгич) билан таъминланган бўлади. Бундан ташқари атроф муҳитга тарқаладиган иссиқликнинг йўқолишини камайтириш учун ректификацион калонналар иссиқлик изоляцияси билан қопланади. Ректификацион (ва абсорбцион) қурилмаларда асосан етти хил типдаги контакт тарелкалари ишлатилади:

15-расм. Интенсив контактли тарелкаларнинг турлари; а-фазаларнинг икки зонали контактига эга бўлган тарелкалар; б-қўзғалувчан шарсимон насадкали тарелкалар 1) Ғалвирсимон; 2) ғалвирсимон- клапанли; 3) клапанли; 4) жалюзали- клапанли; 5) қалпоқчали; 6) ғалвирсимон кўп қуйилишли; 7) панжарали. Тарелкалар оралиғидаги масофа h =200/1200мм бўлиши мумкин, кўпинча h нинг қиймати 200; 300; 400; 500 ва 600 мм га тенг қилиб олинади. 15-расмда суюқ ва газ ( буғ) фазалари ўртасида интенсив режимларни таъминлаб берувчи тарелкаларнинг айрим турлари кўрсатилган. Иккита зонали контактга эга бўлган тарелкада (4.13-расм, а) буғ суюқлик плёнкаси тарелкадан қуйилаётган жойда қўшимча контактга учрайди ва тарелкадаги суюқлик қатламидан ўтаётган пайтда эса барботажли режим ҳосил қилади. Бу ҳолат жараён тезлигининг ортишига олиб келади. 15-расм, б да кўрсатилагн контакт қурилмада шарлар қатламидан фойдаланилганда тарелкалар оралиғидаги бўшлиқда суюқликнинг бир- биридан ажратилган зич плёнкалари ҳосил бўлади, натижада бундай колоннадаги газ (ёки буғ) нинг тезлигини ғалвирсимон тарелкаларга нибаттан 3-4 маротаба кўпайтириш имкони пайдо бўлади. Роторли қурилмаларда ҳам фазалар ўртасида интенсив контактли режим уюштирилади. 16 –расмда роторли қурилмаларнинг икки ҳар контакт қурилмалари кўрсатилган. Бундай қурилмаларда марказдан қочма куч майдони ҳосил килиниб, суюқлик валдаги тешиклар орқали очиб берилади. Роторли қурилмалар иссиқликка бардошсиз системаларни вакуум остида

ректификация қилиш учун қўлланилади. Бундай қурилмаларнинг гидравлик қаршилиги кам, бироқ роторни айлантириш учун қўшимча энергия талаб қилинади. 16-расм. Роторли қурилмаларнинг контакт қурилмалари (а, б): 1-тарелка; 2-патрубкалар; 3- айланувчи конус; 4-томчи қайтаргич; 5- вал; 6-қуйилиш қурилмаси; 7- валдаги тешиклар; 8- тӯлқинсимон парраклар. Дистилляцион ва ректификцион қурилмаларнинг ишини интенсивлаш учун энергияга бўлган харажатларни камайтириш, интенсив гидродинамик режимларни ташкил қилиш учун оптимал шарт-шароитлар яратилиши мақсадга мувофиқ бўлади. Энергетик харажатларни камайтириш учун қуйидаги ишлар қилинган бўлиши керак: 1) ректификацон колонналарни яхши иссиқлик изоляцияси билан қоплаш 2) жараённи оптимал флегма билан олиб бориш; 3) иккиламчи иссиқлик оқимларидан ишлаб чиқариш эхтиёжларини қондириш учун фойдаланиш; 4) мумкин бўлган шароитда қурилманинг кубида суюқликни буғлатиш учун ўткир буғни ишлатиш; 5) иссиқлик насосини қўллаш; 6) айрим шароитларда, масалан, азеотроп аралашмаларини ректификациялаш

пайтида ҳар хил босим билан ишлайдиган икки (ёки кўп) колоннали қурилмалардан фойдаланиш.

Адабиётлар : 1.Машина и аппараты химических производств. И.И. Поникаров и др. М. Машиностроение , 1989. 2.Салимов З, Туйчиев И. Химиявий технология процесслари ва аппаратлари. Т.: Укитувчи. 3. М.Г.Рудин., А.Е.Драбкин. Краткий справочник нефтепереработчика.Л: Химия 1980.

O'xshashlar

Кристализаторларнинг тузилиши

Қуритиш қурилмаларининг тузилиши

Экстракциялаш қурилмаларининг тузилиши

Модда алмашиниш қурилмалари Абсорберларнинг тузилиши

Нефт ва газ қудуқларининг тузилиши