Neft mahsulotlari gidrokrekinglash jarayonlari - Konchilik ishi - Referatlar

Neft mahsulotlari gidrokrekinglash jarayonlari

Yuklangan vaqt:

13.11.2023

Ko'chirishlar soni:

0

Hajmi:

197.404296875 KB

Ko'chirib olish

Neft mahsulotlari gidrokrekinglash jarayonlari Reja: 1. Neft mahsulotlari gidrokrekinglashning mohiyati. 2. Gidrokreking texnologik qurilmasi tuzilishi. 3. Gidrokreking jarayoni ish rejimi.

Gidrokreking jarayoni asosan turli xomashyolardan kam oltingugurtli yoqilg’i distillyatlarini olishga mo’ljallangan. Odatda vakuum va atmosfera gazoyllari, termik va katalitik kreking gazoyllari, deasfalьtizatlar va kamdan-kam mazut va gudronlar. Avtomobil benzinlari, dizel va reaktiv yoqilg’ilar, neft kimyosintezi xomashyolari va ayrim hollarda suyultirilgan uglevodorod gazlarini ishlab-chiqarish maqsadida gidrokreking o’tkaziladi. Gidrokrekingda vodorod sarfi gidrotozalashga qaraganda biroz yuqori bo’ladi. Gidrokreking qo’zg’almas qatlamli katalizatorda vodorod yuqori porsial bosimida bir yoki ikki bosqichda amalga oshiriladi. To’g’ri haydashdan olingan xomashyodan yoqilg’i distillyat ishlab-chiqarish uchun odatda bir bosqichli variantdan foydalaniladi, ya`ni reaksion tizimda gidrotozalash, gidrogenlanish va gidrokreking jarayonlari birgalikda kechadi. Ikki bosqichli jarayonning birinchi bosqichida xomashyo gidrotozalash va gidrirlanishi, ikkinchi bosqichida – gidrokreking o’tkaziladi. Bunday holatda og’ir xomashyoni yanada yuqori o’zgartirish darajasiga erishiladi. Gidrokreking jarayoni – ekzotermik jarayon bo’lib, xomashyo aralashmasi temperaturalari muvozanatini saqlash uchun reaktor balandligi bo’yicha katalizator qatlamlari orasidagi zonaga sovitilgan vodorod saqlovchi gaz kiritish ko’zda tutilgan. Reaktorda xomashyo aralashmasi harakati pastga qarab yo’naladi. Gidrokreking texnologik qurilmasi odatda asosiy ikki reaktor va fraksiyalash bloklaridan tuzilgan. Bundan tashqari gazlarni vodorod sulfiddan tozalash bolki ham mavjud. Qurilma quvvati 13000 m 3 /sutka gacha etishi mumkin. Vakuum gazoyldan sifatli dizelь yoqilg’isi olishni qo’zg’almas qatlamli katalizator ishtirokidagi bir bosqichli gidrokrekinglash jarayoni texnologik tizimi quyida keltirilgan (18-rasm).

18-rasm. Vakuum gazoylni bir bosqichli gidrokrekinglash qurilmasi texnologik sxemasi: 1, 12, 16, 19,23, 25-nasoslar; 2, 18-pechlar; 3-reaktor; 4, 11-issiqlik almashtirgichlar; 5,14-suvli kondensator-sovitkichlar; 6,10, 17, 22-separatorlar; 7-vodorod sulfiddan tozalash bloki; 8-kompressor; 9-redukcion klapan; 13,21- havoli sovitkichlar; 15,20-rektifikatsion kolonnalar; 24-bug’latish kolonnasi. Xomashyo 1-nasos yordamida toza va sirkulyatsiyalanuvchi vodorod

saqlovchi gaz bilan aralashtiraladi. Gaz xomashyo aralashmasi 4-issiqlik almashtirgichdan o’tib, 2-zmeevikli pechda reaksiya temperaturasigacha qizdirilib, 3-reaktor yuqorisidan kiritiladi. Gidrokreking jarayonida ko’p issiqlik ajralishini hisobga olgan holda reaktorga katalizator qatlamlari oraliq zonasida sovuq vodorod saqlovchi gaz reaktor balandligi buyicha temperaturalar tengligini saqlash uchun kiritiladi. Reaktordan chiquvchi reaksiya mahsulotlari aralashmasi va sirkulyatsiyalanuvchi gaz 4-issiqlik almashtirgichda va 5-sovitkichda sovutiladi, so’ngra yuqori bosimli 6-separatorga tushadi. Bu erda vodorod saqlovchi gaz suyuqlikdan ajratiladi va suyuqlik separator pastidan 9- reduksion klapan orqali past bosimli 10-separatorga tushadi. Bir qism uglevodorod gazlari 10- separatorda ajraladi, suyuq oqim 11-issiqlik almshtirgichga, so’ng 15-oraliq rektifikatsion kolonnaga yuboriladi. Kolonnada uglevodorod gazlari va benzin uncha yuqori bo’lmagan bosimda ajraladi. Benzin bir qismi 15-kolonnaga «to’yintirish» sifatida kolonnaga qaytariladi, balans miqdori qurilmadan chiqariladi. Kolonna qoldig’i 20-atmosferali kolonnada og’ir benzin, dizel yoqilg’isi va 360 0 C < fraksiyalarga ajraladi. Atmosferali kolonna benzini oraliq kolonna benzini aralashgan holda qurilmadan chiqariladi. Dizel yoqilg’isi 24-bug’latish kolonnasidan so’ng sovitilgan holda chiqariladi. Yuqori fraksiya (360 0 C<) bir qismi 20- kolonna pastida qaynoq oqim sifatida foydalaniladi, qolgan qismi qurilmadan chiqariladi. Vodorod saqlovchi gaz monoetanolominni suvli eritmasi bilan tozalanadi va tizimda qaytariladi.Sirkulyatsiyalanuvchi gazdagi zarur vodorod konsentratsiyasi toza vodorod uzatish tizimi bilan ta`minlanadi.Katalizatorni qayta tiklash jarayoni havo va inert gazlari aralashmasi bilan o’tkaziladi. Katalizator hizmat muddati 4 – 7 oy. Gidrokreking jarayoni rejimi quyida jadvalda keltirilgan: 15-jadval Temperatura, 0 С I – bosqichda 420 – 430 II – bosqichda 450 – 480 Bosim, MPa 15 – 20 Xomashyoni uzatish hajmiy tezligi, soat -1 1,5 gacha Sirkulyatsiyalanuvchi vodorod saqlovchi gaz karrasi , m 3 / m 3 xomashyo 2000 gacha Vodorod sarfi, xomashyoga nisbatan % (mass.) 1,2 – 4,0 Oltingugurtli va yuqori oltingugurtli xomashyoni bir bosqichli gidrokreking jarayoni moddiy balansi quyidagi jadvalda keltirilgan : 16-jadval Ko’rsatkichlar Oltingugurtli neft vakuum distillyati Neft vakuum distillyat Oltingugurtli neft gudronini kokslash distillyati

(350–500 0 С ) (350–45 0 0 С ) (200 – 450 0 С ) Kiritilgan, % (mass.) xomashyo Vodorod (100 % li H 2 ) 100,0 0,9 100,0 0,9 100,0 0,9 Jami : 100,9 100,9 100,9 Olingan, % (mass.) Benzin (qay.boshl. – 180 0 С ) Dizel yoqilg’isi (180–360 0 С) Qoldiq > 360 0 С Vodorod sulfid Ammiak Uglevodorod gazlari Yo’qotishlar 2,8 43,3 49,0 2,1 0,2 2,5 1,0 3,2 49,2 41,4 3,4 0,2 2,6 1,0 5,6 70,6 18,7 2,0 0,16 3,24 1,0

Adabiyotlar: 1. Альбом технологических схем ы процесс ы переработки нефти и газа. //Под. Ред.Бондаренко Б.И. М., Химия, 198 4 . 1 2 4 с. 2. Смидович Е.В. Технология переработки нефти и газа, ч. 2; Учеб. для вузов. М., Химия, 1980. 328с. 3. Суханов В.П. Переработка нефти. М.: Высшая школа, 1974. 252 с. 4. Орочко Д.И., Сулимов А.Д., Осипов Л.Н. Гидрогенизационные процессы в нефтепереработке. М., Химия, 1971. 352с.

O'xshashlar

Gidrogenizatsion jarayonlar. Neft mahsulotlari gidrotozalash jarayonlari

Neft qoldiqlarini kokslash jarayonlari. Qizdirilmaydigan kameralarda sekinlik bilan boruvchi kokslash qurilmasi texnologik tizim tavsifi

Neft xomashyosi pirolizi

Xomaki misni tozalash jarayonlari

Neft konlarini ishlatish texnologiyalari