Иссиқлик алмашиниш қурилмалари - Konchilik ishi - Referatlar

Иссиқлик алмашиниш қурилмалари

Yuklangan vaqt:

20.09.2019

Ko'chirishlar soni:

0

Hajmi:

238 KB

Ko'chirib olish

Иссиқлик алмашиниш қурилмалари Режа : 1.Иссиклик алмашиниш курилмалари классификацияси. 2.Иссиклик алмашиниш аппаратлари вазифалари. 3.Иссиклик алмашиниш аппаратларини танлаш. 4.Кобик трубали иссиклик алмаштириш курилмалари классификацияси. 5.Бир ва куп йулли кобик трубали иссиклик алмашиниш аппаратлари.

Таянч иборалар : Конструкция, кобик трубали, труба тури , каллак, иситиш трубаси, копкок, таянч, линзали компенсатор, U - симон труба, патрубка, мустахкамлик хисоби. Иссиқлик алмашиниш қурилмалари хом-ашё ва тайёр маҳсулотларлирни иситиш ва совутишда ишлатилади. Нефт киёси ва нефтни қайта ишлаш корхоналарида иссиқлик алмашиниш аппаратлари умумий қурилмаларнинг 50 % ини ташкил қилади. Иссиқлик алмашиниш қурилмалари ишлаш принципига кӯра рекуператив, регенератив, аралаштирувчи турларга бӯлинади. Рекуператив (ёки сиртий) иссиқлик алмашиниш қурилмаларида иссиқлик ташувчилар девор билан ажратилган бӯлиб, иссиқлик шу девор орқали ӯтказилади. Регенератив иссиқлик алмашиниш қурилмаларида қаттиқ жисмдан ташкил топган бирта юза навбат билан турли иссиқлик ташувчи агентлар билан контактда бӯлади, натижада бу жисм бир иссиқлик ташувчидан олган иссиқлигини иккинчисига беради. Аралаштирувчи иссиқлик алмашиниш қурилмаларида икки иссиқлик ташувчи агент бир-бири билан ӯзаро контактда бӯлади. Сиртий иссиқлик алмашиниш қурилмалари ӯз навбатида қобиқ - трубали, "труба ичида труба" типидаги, змеевикли, пластинали, ғилофли, спиралсимон, қовурғали ва бошқа турларга бӯлинади. Нефть кимёси ва нефтни қайта ишлаш саноатида асосан санаб ӯтилган биринчи беш турдаги сиртий иссиқлик алмашиниш қурилмалари кенг қӯлланилади.

Қобиқ-трубали иссиқлик алмашиниш қурилмалари. Бу турдаги иссиқлик алмашиниш қурилмалари қобиқ ичида жойлашган трубалар тӯпламидан ташкил топган бӯлиб, умумий аппаратларнинг 80% ини шу турдаги қурилмалар ташкил қилади. Бунда трубалар икки томондан труба тӯрига қотирилган бӯлади, натижада трубалар ташқи сирти, қобиқ ва труба тӯри билан чегараланган трубалар орасидаги бӯшлиқ ҳамда иссиқлик алмашиниш трубаларининг ички сирти ва иккита қопқоқ билан чегараланган трубалар ички бӯшлиғи юзага келади. Ушбу қурилмаларда иссиқлик трубаларнинг девори орқали узатилади. Труба орасидаги бӯшлиқдан асосан юзани ифлослантирмайдиган, чӯкма ҳосил қилмайдиган иссиқлик ташувчилар юборилади. Трубалар ички бӯшлиғидан эса асосан иситилаётган ёки совитилаётган суюқлик юборилади. Иссиқлик ташувчиларнинг ҳаракат тезлигини ошириш ёки жараённи интенсивроқ олиб бориш мақсадида бу қурилмаларнинг иккала бӯшлиғи ҳам кӯп ҳолларда бир неча йӯлли қилиб тайёрланади. Бир йӯлли қобиқ-трубали иссиқлик алмашиниш қурилмаи, қобиқ 1, труба тӯрлари 2, трубалар 3, қопқоқ 4, иссиқлик ташувчилар кирадиган ва чиқадиган патрубкалар 5, 6, болт 7 ва прокладка 8 дан иборат (1 - расм). Иссиқлик ташувчиларнинг тезлигини ошириш мақсадида кӯп йӯлли иситкичлар ишлатилади. Бу иситкичларда суюқликнинг сарфи кам бӯлганда уларнинг трубалардаги тезлиги кичик бӯлиб, натижада иссиқлик алмашиниш коэффициенти ҳам кам бӯлади. Кӯп йӯлли иситкичларда трубаларни секцияларга бӯлиш учун ёки муҳитнинг ҳаракат йӯлининг сонига қараб, иситкичнинг қопқоғи билан труба тӯрининг орасига кӯндаланг тӯсиқлар ӯрнатилади. Бунда ҳар бир секциядаги трубаларнинг сони бир хил бӯлиши керак. Кӯп йӯлли иситкичларда бир йӯлли иситкичларга нисбатан муҳитларнинг тезлиги йӯлларнинг сонига қараб пропорционал ӯзгаради.

Саноатда 4-6 йӯлли иситкичлар ишлатилади, чунки йӯлларнинг сони ортиб бориши билан иситкичнинг гидравлик қаршилиги ортиб, қурилманинг конструкцияси мураккаблашади. Қобиқ-трубали иситкичларда қобиқ билан трубалар орасидаги температураларнинг фарқига қараб труба ва қобиқнинг узайиши ҳар хил бӯлади. Шунинг учун қобиқ трубали иситкичлар конструкциясига кӯра икки хил бӯлади: 1) қӯзғалмас тӯрли иситкичлар; 2) компенсаторли иситкичлар. Қӯзғалмас тӯрли иситкичларда иссиқлик таъсирида трубалар ва қобиқ ҳар хил узаяди, шу сабабли бундай иситкичлар трубалар ва - 1- расм. Бир йӯлли қобиқ трубали иситкичлар: 1- қобиқ; 2- труба тӯрлари; 3 - трубалар; 4- қопқоқ; 5,6 - иссиқлик агентлари кирадиган ва чиқадиган штуцерлар; 7- болт; 8- қистирма.

2 - расм. Кӯп йӯлли қобиқ трубали иситкичлар: а) икки йӯлли; б) тӯрт йӯлли. I - II - иссиқлик ташувчи агентлар; 1 - қопқоқ; 2- кӯндаланг тӯсиқлар. қобиқ ӯртасидаги температуралар фарқи катта бӯлмаганда ( 50 С гача) ишлатилади. Температуралар фарқи 50 С дан катта бӯлганда трубалар ва қобиқнинг ҳар хил узайишини компенсациялаш мақсадида линзали компенсаторли (3 - расм, а) ва U - симон трубали (3 -расм, б) қобиқ трубали иситкичлар ишлатилади. Линзали компенсатор иситиш трубалари ва қурилма девори ӯртасидаги босим 2 5 / 10 6 м н  гача бӯлганда ишлатилади. U - симон қобиқ трубали иситкичларда иссиқлик таъсирида трубаларнинг узайишидаги компенсацияни труба қурилмаларининг ӯзи бажаради.

3 - расм. Температура юқори бӯлганда қобиқ ва трубаларни узайтиришни ҳисобга олувчи қобиқ-трубали иситкичлар: а) линза компенсаторли; б) U - симон трубали.

Адабиётлар : 1.Машина и аппараты химических производств. И.И. Поникаров и др. М. Машиностроение , 1989. 2.Справочник нефтехимика. Под ред-сией С.К.Огородникова Л: Химия, 1978 3.М.Г.Рудин., А.Е.Драбкин. Краткий справочник нефтепереработчика. Л: Химия 1980.

O'xshashlar

Модда алмашиниш қурилмалари Абсорберларнинг тузилиши

Иссиклик алмашиниш аппаратларининг бошка турлари.Уларни хисоблаш ва лойихалаш

Қатламга таъсир қилишнинг иссиқлик усуллари

Ректификацион колонналарнинг тузилиши

Экстракциялаш қурилмаларининг тузилиши