Газлифт қудуқларини ишга тушириш

Yuklangan vaqt:

20.09.2019

Ko'chirishlar soni:

0

Hajmi:

45 KB

Ko'chirib olish

Газлифт қудуқларини ишга тушириш Режа: 1. Газлифт қудуқларининг системалари. 2. Ишга тушириш босими. 3. Газлифт қудуқларини ишлатишда мехнат ва атроф мухит мухофазаси

Таянч сўзлар Ҳалқали система, бир қаторли кўтаргич, қудуқ тубидаги босим, қатлам босими, махсулдорлик коэффициент, кўтаргич қувурлари, ишчи агент, ишчи босими, қудуқ диаметри, бир қаторни халқали система, бир қаторли марказий система, қум тиқини, штуцер. Қудуқни ишга туширишда ишчи агенти кўтаргич қувурларнинг остки қисмигача йўналтирилади. Ҳалқали системали бир қаторли кўтаргичда ҳалқа қисмига ҳайдаладиган ишчи агенти суюқликни пастга қараб сиқади ва суюқлик кўтаргич калоннага ўта бошлаб сатҳи кўтарила бошлайди. Қудуқ тубидаги босим қатлам босимидан ошганда, суюқликнинг бир қисми қатламга ҳам ҳайдалади. Ютилган суюқлик ҳажми қудуқнинг маҳсулдорлик коэффициенти ва суюқликнинг ҳайдалиш вақтига боғлиқ. Кўтаргич қувурларида суюқлик сатҳининг кўтарилишига мос равишда ишчи агентининг босими ҳам ортиб боради. Қувур ортки қисмида (ҳалқа қисмида) суюқлик сатҳи кўтаргич қувурларнинг бошмоғигача пасайганида, кўтаргичдаги суюқлик сатҳи юқори қийматга эга бўлади. Ишчи агентининг босими бу пайтда максимал қийматга эга бўлиб, бу босим ишга тушириш босими деб аталади. Бу босимда ишчи агенти кўтаргич қувурларга ўтиб ундаги суюқлик сатҳини кўтаради ва бу суюқликни қисман газлаштиради. Натижада қудуқдан кескин суюқлик отилади. Бундан сўнг, сатҳ пасайиб, қувурларнинг чўкиши камаяди , кўтаргич қувурларнинг бошмогида босим қатлам босимига нисбатан пасаяди, отиладиган суюқлик миқдори ҳам пасаяди. Қатлам босими ва қудуқдаги суюқлик сатҳи босими орасидаги фарқ таъсирида қатламдан қудуққа қараб суюқлик оқа бошлайди ва маълум муддатдан сўнг қатлам билан кўтаргичнинг иши мунтазам равишда бўлади.

$Қудуқ нормал ҳолатда ишлай бошлайди ва шундан бошлаб ҳайдаладиган ишчи агентининг босими доимий бўлиб у ишчи босими деб аталади. Қудуқни ишга тушириш босими кўтаргич конструкцияси қудуқ диаметри қудуқдаги суюқлик сатҳи ва кўтаргич қувурларнинг суюқликка чўкиш даражасига боқлиқ. Бир қаторли ҳалқали системадаги кўтаргич учун P ишчи = h  \ 10  D 2 \ D 2  d 2 ; Бир қаторли марказий системадаги кўтаргич учун P ишчи = h  \ 10  D 2 \ d 2 ; Максимал ишга тушириш босими; Р ишчи мах = L *  * q; Минимал ишга тушириш босими; Р иш миn = h *  * q; бу ерда h - ишчи агенти фойдаланилиши натижасида кўтаргич қувурларда сатҳ кўтарилиши оғирлиги;$

 - қудуқдаги суюқлик аралашмасининг ўртача солиштирма оғирлиги; D - мустаҳкамловчи қувур диаметри; d - кўтаргич қувурлари диаметри ; L - кўтаргич қувурлари узунлиги; Ишга тушириш босимини пасайтириш усуллари Одатда газлифт қудуқларини ишга тушириш учун ишчи босимини таъминлаш компрессорнинг юқори кучланишини талаб қиладиан баъзан уни таъминлаш қийин. Шунинг учун имкони борича қудуқни ишга тушириш босимини пасайтириш чораларини кўриш керак. Ишга тушириш босимини пасайтиришнинг қуйидаги усуллари мавжуд; 1. Қатламга суюқлик ҳайдаш усули. Бу усул суюқликни яхши ютадиган қатламларда муваффақиятли қўлланилади. Бунда кўтаргич қувурлар ва ҳалқа қисмига бир вақтнинг ўзида катта босим таъсирида ишчи агенти ҳайдаб, қудуқдаги ҳамма очқич - епқичлар бир неча соатга беркилиб қуйилади. Бу вақт мобайнида суюқликнинг бир қисми қатламга ўтади ва қудуқда суюқлик сатҳи пасаяди. Ишчи агентини иккинчи марта ҳайдаганда ҳалқа қисмидан суюқликни кўтаргич қувурларга сиқиб, қудуқни тез ишга тушириш имконияти туғилади. 2. Кўтаргич қувурларини узайтириш усули.Бу усулни маҳсулдорлик коэффициенти паст бўлган қудуқларда куллаш тавсия этилади. 3. Марказий системадан ҳалқали системага ўтиш. Бу усулни қўллашда даставвал кўтаргич қувурлар орқали ишчи агентини ҳайдаб ҳалқа қисмидан суюқлик аралашмаси олинади. Қудуқдан бир қисм суюқлик олингандан сўнг кўтаргични марказий системадан ҳалқали системага ўтказилади, яъни

ҳалқа қисмига ишчи агенти ҳайдалиб кўтаргич қувурлар орқали суюқлик аралашмаси олинади. 4. Кўтаргич қувурларни маълум жойларда тешиб қўйиш. Маълумки ишчи агентини ҳайдаш жараенида бу агент кўтаргич қувурларнинг бошмогига етмагунча ундаги суюқлик газлашмайди. Агар кўтаргич қувурнинг бошмогидан юқорироқ бир еки бир неча жойида маҳсус тешиклар қолдирилса, ҳалқа қисмида суюқлик сатҳи камайгани сари бу тешиклар орқали ишчи агенти кўтаргич қувурларга ўтиб суюқликни тез газлаштира бошлайди ва қудуқни ишга тушириш тезлашиб, ишчи босимини пасайтириш имконияти пайдо бўлади. Лекин қудуқ мунтазам ишлай бошлагандан сўнг, маҳсус тешиклар орқали кўтаргичга ўтадиган ишчи агентининг сарфланишини тежаш мақсадида тешиклар ўрнатилган жойларда маҳсус ишга тушириш клапанларини ўрнатиш яна ҳам мақсадга мувофиқ ҳисобланади. ( 13.1 - расм Компрессор кудуги ишчи босимининг узгариши ). Меҳнатни муҳофаза қилиш ва атроф муҳитни муҳофаза қилиш тадбирлари Газлифт қудуқларининг нормал ишлашига қуйидаги шароитлар ҳалакит беради: қум тиқинлари пайдо бўлиши; тузлар чўкиши; кўтаргич қувурлар ва маҳсулот йўналадиган кувурларда парафин қотиб қолиши;маҳсулот олинадиган йўналишнинг ифлосланиши. Қум таъсири ва қум тиқини пайдо бўлишига қарши қуйидаги тадбирлар қўлланилади: 1. Маҳсус штуцерлар ердамида олинадиган суюқлик миқдорини бошқариш. 2. Кўтаргич қувурларнинг чўкиш чуқурлигини ўзгартириш ва ўзгарувчан кесимли кўтаргичлардан фойдаланиш.

3. Қудуқни оҳиста ишга тушириш яъни олинадиган суюқлик миқдорини секин аста ошириб бориш. 4. Мос келадиган конструкцияли кўтаргич тушириш. Газлифт қудуқларини ишлатишда меҳнат муҳофазаси ва атроф муҳитни муҳофаза қилиш мақсадида қуйидаги тадбирлар бажарилади. а) Қудуқ усти ускуналарининг зичлиги (герметиклигини) мунтазам назорат қилиб туриш; б) Штуцер ва фланецли прокладкаларни ўз вақтида алмаштириш; в) Арматура ишчи босимидан 1.5 баравар юқори босимда опрессовка қилиниши; г) Портлаш даражасигача етадиган аралашма пайдо бўлишининг олдини олиш мақсадида компрессорлар жойлашган будка ва бинони доим шамоллатиб туриш.

Адабиётлар : 1. Ш.К. Гиматудинов и др. “Разработки и эксплуатация нефтяных, газовых и газоконденсатных месторождений.”, Москва. Недра, 1989 г. 2. В.М. Муравьев “Эксплуатация нефтяных и газовых скважин”, М.,Недра, 1978 г. с-448.

O'xshashlar

Кудукларни ишга тушириш

Фаввора қудуқларини тадқиқот этиш

Hефт қудуқлаpини газлифт усулида ишлатиш

Нефт ва газ қудуқларининг тузилиши

Нефт ва газ қудуқларини фаввора усулида ишлатиш.Фаввора қудуғида энергия мувозанати